Հայ ազգային կոնգրեսը հայտարարում է, որ աշնանը քաղաքական դաշտում սպասվում են վերադասավորումներ: Այդ մասին գրում է «Ժամանակ» թերթը:

«Սակայն ինչ վերադասավորումների մասին կարող է լինել խոսքը, եթե ներկայումս ձեւավորված է մի ստատուս քվո, որը ըստ էության չի թողնում հավելյալ վերադասավորումների տեղ: Վերադասավորման երկու տարբերակ կա` կամ ՀԱԿ-ը, ԲՀԿ-ն եւ ՀՅԴ-ն միասնական թեկնածու են ձեւավորում, կամ էլ ԲՀԿ-ն, այսպես ասած, այլընտրանքից վերադառնում է իշխանություն եւ հայտարարում է Հանրապետականին սատարելու մասին: Վերադասավորման այլ տարբերակ կարծես թե չի մնացել, քանի դեռ Հայաստանի ներքաղաքական գլխավոր ինտրիգը շարունակում է մնալ ՀՀԿ-ԲՀԿ հարաբերության դաշտում: Վերադասավորումները կախված են նրանից, թե ինչի շուրջ եւ մինչեւ ինչքան կպայմանավորվեն ՀՀԿ-ն եւ ԲՀԿ-ն, եւ ինչ չն կարողանա կիսել: Ըստ դրա էլ աշնանը կձեւավորվի քաղաքական գործընթացների առանցքային տրամաբանությունը:
Այնպես որ, խորհրդարանական ընտրություններից հետո արդեն նախագահական ընտրություններում կարծես թե մեծ գաղտնիքներ առանձնապես չեն մնացել»,- գրում է «Ժամանակը»:

Երեկ կարելի է ասել նոր շրջադարձ է տեղի ունեցել Վարդան Օսկանյանի շուրջ ստեղծված իրադրության առիթով: Ինչպես հայտնի է, Ազգային անվտանգության ծառայությունը քրեական գործ էր հարուցել նրա ստեղծած «Սիվիլիթաս» հիմնադրամի դեմ` փողերի լվացման մեղադրանքով: Եվ ահա, երեկ «Սիվիլիթաս» է այցելել Պետական եկամուտների կոմիտեն և պահանջել հիմնադրամի ֆինանսական հաշվետվությունը գործունեության չորս տարիների համար՝ սկսած 2008 թվականից:

Այդ շրջադարձը բավական ուշագրավ է այն իմաստով, որ խաղի մեջ է, փաստորեն, մտնում նաև ՊԵԿ-ը: Սա կարող է վկայել կամ` այսպես ասած, «երկրորդ ճակատը» բացելու մասին, կամ էլ` պարզապես կա այն իրողությունը, որ փողերի լվացման մեղադրանքով հարուցված գործում կան դժվարություններ մեղադրանքները «Սիվիլիթասի» հանդեպ հաստատելու հարցում, և ըստ էության իշխանությունները փորձում են նոր բան գտնել կառչելու և գործը շարունակելու կամ առնվազն թարմ պահելու համար: Ըստ ամենայնի փողերի լվացման մասով բան դուրս չի գալիս, և ներկայումս փորձում են գտնել, այսպես ասած, հարկային բացթողումներ կամ էլ այդ կողմից նայել իրավիճակին՝ հուսալով գտնել ինչ-որ բան` գործն առաջ մղելու համար: Ինչով կավարտվի այս ամենը` դժվար է ասել: Մի բան պարզ է, որ խմորը երևի թե դեռ շատ ջուր կքաշի:

Այստեղ հարցն այն է, թե ի վերջո, ո՞վ է այդ ջրից չոր և ո՞վ է թրջված դուրս գալու: Այստեղ հետաքրքրական է նաև, թե ինչի հետ գործ ունենք՝ ներիշխանական ինտրիգների և հաշիվների պարզաբանմա՞ն, թե՞ այնուհանդերձ առավել լայն քաղաքական մի պրոցեսի հետ: Համենայնդեպս, ուշագրավ է նաև մի բան, որ քաղաքական ամբողջ դաշտը, այդ թվում` նույնիսկ Վարդան Օսկանյանի հարազատ կուսակցությունը՝ ԲՀԿ-ն, բավական զուսպ են այդ գործի վերաբերյալ իրենց արտահայտություններում, ինչը վկայում է կամ այն մասին, որ այսբերգը ունի «ջրի տակ» գտնվող մի մեծ մաս, կամ էլ պարզապես այդ ուժերն են ինչ-որ բանի մասին կասկածում և չունենալով հստակ պատկերացումներ և տեղեկատվություն` գերադասում են լռել և հետագայում չկանգնել փաստի առաջ, երբ իրենց իսկ խոսքը կաշխատի իրենց դեմ: Առավել ևս, որ մինչև այժմ, ըստ էության, լռում է նաև Վարդան Օսկանյանը, որը հրաժարվում է ցուցմունքներ տալ որպես վկա` իհարկե օգտվելով իր սահմանադրական իրավունքից:

Երեկ Քաղաքագետների միության նախագահ Հմայակ Հովհաննիսյանը հավաստիացրեց, որ «Բարգավաճ Հայաստան» կուսակցության եւ նրա նախագահ Գագիկ Ծառուկյանի հետ վերջին ժամանակներս ուղիղ շփում չունի։

«Ընդգրկված չլինելով ԲՀԿ խմբակցության մեջ՝ ես այժմ կարող եմ լիարժեք չեզոքության եւ անկողմնակալության դիրքերից մասնագիտական գործունեությամբ զբաղվել: Ես այդ կուսակցության հետ որեւէ ընդհանուր ծրագիր չունեմ: Գոնե այս փուլում հակված չեմ զբաղվելու ներկուսակցական հարցերի քննարկմամբ: Ավելի շատ հետաքրքրված եմ աշխարհաքաղաքական զարգացումներով: Սպասում ենք աշնանը՝ նախագահական ընտրություններից առաջ Քաղաքագետների միության կողմից կատարվելիք աշխատանքները սկսելուն»,- ասաց Հմայակ Հովհաննիսյանը՝ հավաստիացնելով, որ հատուկ շփումներ չունի ինչպես ԲՀԿ-ի, այնպես էլ քաղաքական որեւէ ուժի հետ:

Ժամանակ

Երեկ Քաղաքագետների միության նախագահ Հմայակ Հովհաննիսյանը հավաստիացրեց, որ «Բարգավաճ Հայաստան» կուսակցության եւ նրա նախագահ Գագիկ Ծառուկյանի հետ վերջին ժամանակներս ուղիղ շփում չունի։ Այդ մասին գրում է «Ժամանակ» թերթը։

«Ընդգրկված չլինելով ԲՀԿ խմբակցության մեջ՝ ես այժմ կարող եմ լիարժեք չեզոքության եւ անկողմնակալության դիրքերից մասնագիտական գործունեությամբ զբաղվել: Ես այդ կուսակցության հետ որեւէ ընդհանուր ծրագիր չունեմ: Գոնե այս փուլում հակված չեմ զբաղվելու ներկուսակցական հարցերի քննարկմամբ: Ավելի շատ հետաքրքրված եմ աշխարհաքաղաքական զարգացումներով: Սպասում ենք աշնանը՝ նախագահական ընտրություններից առաջ Քաղաքագետների միության կողմից կատարվելիք աշխատանքները սկսելուն»,- ասաց Հմայակ Հովհաննիսյանը՝ հավաստիացնելով, որ հատուկ շփումներ չունի ինչպես ԲՀԿ-ի, այնպես էլ քաղաքական որեւէ ուժի հետ»,- գրում է «Ժամանակը»:

Եվ այսպես, ՀՀԿ-ի ծանր ու երկարատև լռությունից հետո վերջապես հայտնի դարձավ Հայաստանի, այսպես ասած, նոր կառավարության կազմը, որն ըստ էության վատ մոռացված հինն է: Կառավարության կազմի ՀՀԿ-ական հատվածում կա երեք նոր դեմք՝ աշխատանքի և սոցիալական հարցերի նախարար Արտեմ Ասատրյան, առողջապահության նախարար Դերենիկ Դումանյան և կապի ու տրանսպորտի նախարար Գագիկ Բեգլարյան: Այսպես ասած` նոր կառավարության ամենահիմնական հատկանիշը, թերևս, լինելու է այն, որ այդ կառավարությունը ժամանակավոր կառավարություն է, որը տևելու է մինչև նախագահական ընտրություններ: Ավելին` անգամ չի էլ բացառվում, որ մինչև ընտրություններ էլ լինեն նախարարների փոփոխություններ, իհարկե` հիմնականում քարոզչական տրամաբանության շրջանակում, երբ հարկ կլինի քավության նոխազների միջոցով Սերժ Սարգսյանի համար որոշակի ֆոն ապահովել:

Ընդհանուր առմամբ, կառավարության նոր կազմը կարծես թե խորհրդարանական ընտրությունների տրամաբանության մեջ է և եթե ընտրություններում էլ Սերժ Սարգսյանը փորձել էր քաղաքական դաշտի սպեկտրով հնարավորինս տեղավորել բոլորին, որպեսզի ոչ մի դժգոհություն չմնա, նույն կերպ էլ ՀՀԿ սպեկտրով է Սարգսյանը փորձել տեղավորել բոլորին, կրկին դժգոհություններից խուսափելու համար: Այսպիսով, նոր կառավարության կազմով ամփոփելով, այսպես ասած, խորհրդարանական ընտրությունն ու դե ֆակտո լիովին մտնելով նախագահական ընտրության ծիր` կարող ենք եզրակացնել, որ առաջիկա մի քանի ամիսները Հայաստանի համար, ըստ էության, լինելու են ժամանակավոր ամիսներ, միջանկյալ ամիսներ: Պարզ է մի բան, որ այդ ամիսների ընթացքում պետք չէ սպասել համակարգային որևէ փոփոխություն: Սերժ Սարգսյանի կադրային քաղաքականությունը վկայեց, որ փոփոխությունները հետաձգվում են առնվազն մինչև նախագահական, իսկ դրանից հետո էլ ամեն ինչ կախված կլինի այն բանից, թե իշխանության որ սեգմենտը ինչպես կօգտագործի միջանկյալ ժամանակահատվածը և ում դիրքերն ավելի կամրանան այդ ընթացքում:

Ակնհայտ է մի բան, որ այս միջանկյալ ժամանակահատվածում Հայաստանի առաջ ծառացած խնդիրները, որպես պետություն և որպես հասարակություն, էլ ավելի են խորանալու, քանի որ, ըստ էության, անփոփոխ կառավարությունն ի զորու չի լինելու դրանք լուծել, առավել ևս միջանկյալ, ժամանակավոր հոգեբանության պայմաններում: Իսկ այդ պարագայում, կառավարության էական փոփոխությունը և լրիվ այլ որակի գործադիր մարմին ձևավորելը Հայաստանի համար կդառնա արդեն ազգային անվտանգության խնդիր, և չի բացառվում, որ Սերժ Սարգսյանը խնդիրը սրում է հենց միտումնավոր, հասկանալով, որ այլ՝ ավելի հանգիստ պայմաններում այն լուծելու հնարավորություն գրեթե չունի: Բայց այստեղ, իհարկե, շարունակում է բաց մնալ գլխավոր հարցը՝ իսկ այդ հարցը լուծելու ցանկություն Սերժ Սարգսյանն ունի՞, թե՞ ոչ:

Թերթը գրում է, որ Վաշինգթոնում գտնվող իր թղթակիցը, որն ակտիվ շփումներ ունի ԱՄՆ պաշտոնյաների, հասարակական գործիչների եւ պաշտոնյաների հետ, կարողացել է պարզել, որ առաջիկայում չի բացառվում, որ Wikileaks-ը Հայաստանի  քաղաքական կյանքին առնչվող նոր փաստաթղթեր բացահայտի:

«Դրանք վերաբերելու են Հայաստանի առանձին պաշտոյաների, օլիգարխների եւ ընդդիմադիրների` ամերիկացի պաշտոնյաների հետ, ՀՀ-ում ԱՄՆ դեսպանատան աշխատակիցների հետ մասնավոր հանդիպումներին եւ զրույցներին: Նախագահական ընտրություններից առաջ նախանշված այս բացահայտումը կարող է էական ազդեցություն գործել ՀՀ ներքաղաքական դաշտի վրա»,- գրում է «Ժամանակը»:

«Ժամանակ».  Երեկ կայացած հինգերորդ գումարման ԱԺ առաջին նիստին ԲՀԿ առաջնորդ Գագիկ Ծառուկյանը չի մասնակցել: Այդ մասին գրում է «Ժամանակ»-ը:

«Պատճառը պարզելու հարցին ի պատասխան ԲՀԿ-ական Նաիրա Զոհրաբյանն ասաց, որ որեւէ քաղաքական ենթատեքստ չի տեսնում այդ հարցում: «Բացակայությունը զուտ աշխատանքային ծանրաբեռնվածության արդյունք է: Որեւէ քաղաքական ենթատեքստ չկա»,- ասաց Ն. Զոհրաբյանը` հավելելով, որ նախօրեին Ծառուկյանը հանդիպել է խմբակցության անդամների հետ եւ հորդորել լինել նախաձեռնող եւ ակտիվ: «ԲՀԿ-ն խորհրդարանում լինելու է ամենաակտիվվ խմբակցություններից մեկը, եթե ոչ ամենաակտիվը»,- վստահեցրեց Ն. Զոհրաբյանը»,- գրում է «Ժամանակ»-ը:

«Ժամանակ».  ՀՀԿ ծավալած քաղական գործունեությունն այնպիսին չի եղել, որից հնարավոր լիներ հետեւություն անել, որ վերջինս շահագրգիտ է հիմնական մարտահրավերների  լուծման համար այլ ուժերի հետ  համագործակցության գնալ:

«Ժամանակ»-ին ասաց «Ազատ դեմոկրատներ» կուսակցության նախագահ Խաչատուր Քոքոբելյանը` անդրադառնալով ՀՀԿ գործադիր մարմնի տարածած հայտարարությանը, որտեղ նշվում է, որ ՀՀԿ-ն հանդես է գալիս որպես հանրային համերաշխության եւ բազմակողմանի համագործակցության համոզված կողմնակից: «ՀՀԿ-ն, ունենալով մեծամասնություն, կարող է խնդիրներ լուծել առանց այլ քաղաքական ուժերի աջակցության: Համարում եմ, որ սա ասպարեզ իջեցված շինծու հայտարարություն է, որի քաղաքական ռեալ անհրաժեշտությունն այսօր չկա»,- վստահ է Քոքոբելյանը` բացառելով, որ ՀՀԿ-ն, ասենք, կարող է իրենց քաղաքական ուժին համագործակցության առաջարկ անել»,- գրում է «Ժամանակ»-ը:

Լոռի մարզում Ալավերդիի Մարտի 8-ի փողոցին հարակից տարածքում գտնվող 13-րդ դարի Ամենափրկիչ անունը կրող բազալտե խաչքարը երեկ ցանկացել են տեղափոխել Է Էջմիածին` Մայր Աթոռ սուրբ Էջմիածնում հայ մոնումենտալ քանդակարվեստի ժառանգության թանգարան` ժամանակավոր  ցուցադրություն կազմակերպելու նպատակով: Այդ մասին գրում է «Ժամանակ» թերթը:

«Ամենափրկիչ խաչքարկի կեսն արդեն վերամբարձ կռունկի օգնությամբ տեղավորել էին ավտոմեքենայի թափքում, երբ ալավերդցիները քաղաքապետի հետ միասին պահանջել են այն իջեցնել մեքենայից: Նրանց պահանջը բավարարվել է»,- գրում է «Ժամանակ»-ը:

«Ժամանակ».  Արարատում ՀՀԿ պարտությունից հետո լուրեր են շրջանառվում, թե Արարատի քաղաքապետ Աբրահամ Բաբայանը «փախած» է ման գալիս: Այդ մասին գրում է «Ժամանակ» թերթը:

«Աբրահամ Բաբայանը, սակայն, «Ժամանակի» հետ զրույցում նշեց, որ նմանատիպ խոսակցությունները քաղաքի մի քանի «համաշխարհային կլյաուզնիկների»  տարածած հերյուրանքներն են: Ի դեպ, մեր հարցին, թե ինչով է պայմանավորում քաղաքապետը Արարատում ՀՀԿ պարտությունը, վստահորեն պնդեց, որ Արարատում ՀՀԿ-ն չի պարտվել. «Ընդամենը մի քանի ձայնի տարբերություն է եղել»,- գրում է «Ժամանակը»: