Երեկ ՀՀ ֆոնդային բորսայում անսպասելիորեն գրեթե ցնցումային իրավիճակ է ստեղծվել։ Գործարքների արդյունքում մեկ դոլարի գինը կազմել է 410 դրամ։ Դա այն դեպքում, երբ անցած շաբաթը ավարտվեց մեկ դոլարի դիմաց 407 դրամ փոխարժեքով։
Այլ կերպ ասած, դրամը այդ ընթացքում արժեզրկվել է միանգամից 0.75 տոկոսով։ Ուշագրավն այն է, որ երեկ բորսայում դոլարի առաջարկ ոչ մի բանկ չի ներկայացրել, իսկ պահանջարկը կազմել է 2.4 միլիոն դոլար։ Այդ ամբողջ պահանջարկը լրացրել է ՀՀ կենտրոնական բանկը։ Որն է դոլարի այսպիսի անսպասելի «դեֆիցիտի» պատճառը, առայժմ դժվար է ասել:

Հայկական ժամանակ

Երևանի կենտրոնական փողոցներում արդեն մի քանի օր է, շրջում է մի ոստիկան՝ ոստիկանական համազգեստով, մոտենում մարդկանց, հայտնում, որ ոստիկանական ծառայությունն ավարտել է ու Արմավիր հասնելու համար իրեն գումար է պետք։

Երեկ նա մոտեցել է նաև «Հժ»–ի թղթակցին ու մարզ գնալու պատճառաբանությամբ 600 դրամ խնդրել։

Օրեր առաջ միևնույն պատճառաբանությամբ մի ոստիկան էլ մոտեցել էր լրագրող, իրավապաշտպան Արգիշտի Կիվիրյանին ու խնդրել 500 դրամ. «Մի քիչ առաջ փողոցում ինձ մոտեցավ մի ոստիկան և խնդրեց 500 դրամ՝ բացատրելով, որ նոր է ավարտել ծառայությունը, պետք է հասնի տուն, շրջան»,– ֆեյսբուքյան էջում գրառում էր արել Կիվիրյանը։

Երեկ մեր թղթակիցը Կիվիրյանի հետ կապ հաստատեց և նկարագրություններից պարզ դարձավ, որ խոսքը նույն երիտասարդ, կրտսեր ոստիկանի մասին է։ Վերջինս ենթադրաբար իսկապես Արմավիրի մարզից է, աշխատում է Երևանի բաժիններից մեկում և ամեն օր աշխատանքից հետո տուն հասնելու խնդիր ունի:

Հայկական ժամանակ

Մեկ շաբաթ աոաջ՝ հունվարի 24-ին, ՀՀ Սահմանադրա­կան դատարանը որոշեց ժամանակավորապես՝ առն­վազն մինչև մարտի 28-ը կասեցնել «Կուտակային կենսաթոշակների մասին» ՀՀ օրենքի երկու հոդվածների գործողությունը: Հոդվածներից մեկով, հիշեցնենք, տույժ տուգանքներ է նախատեսվում այն գործատուների հա­մար, որոնք չեն վճարի կամ կուշացնեն իրենց աշխատո­ղի աշխատավարձից պարտադիր կուտակային ֆոնդին փոխանցվելիք 5 տոկոսը:

Ու ստացվում է, որ րստ ՍԴ-ի որոշման, գոնե սւոայժմ այդ գումարը չփոխանցեի հա մար գործատուն պատասխանատվության շի ենթարկվի, ինչն էլ ագատում է պարտավորությունից: Կենսաթոշակային այս համակարգի դեմ պայքար ծավալողների շրջանում ՍԴ-ի վերը նշված որոշումը ոգևորություն մտցրեց և գնահատվեց որպես փոքր հաղթանակ:

Բայց երեկ պարզեցինք, որ գործատուների հետ պարզապես տուն- տունիկ են խաղում: Գագիկ Խաչատրյանի ղեկավարած Պետեկամուտների կոմիտեն մի այնպիսի «շուստրիություն է» մտածել, որ գործատուները պետք է ստիպված աշխատողից պահեն և պարտադիր կուտակայինի հաշ­վին փոխանցեն նշված 5 տոկոսը:

Խնդիրն այն է, որ գոր­ծատուների կողմից ամեն ամիս ներկայացվող այսպես կոչված եկամտային հարկի հաշվարկում կա պարտա­դիր կուտակայինին վերաբերող «դաշտ»: Եվ եթե այդ «դաշտը» գործատուն չլրացնի, ապա ՊԵԿ-ի ավտոմատ համակարգն այդ հաշվարկը չի ընդունի, ու կստացվի, որ գործատուն չի ներկայացրել հաշվարկը, ինչն օրենքի խախտում է, և գործատուն պետք է պատասխանատվու­թյան ենթարկվի:

Հայկական ժամանակ

ՀՀ նախկին գլխավոր դատախազ Աղվան Հովսեփյանի համար ստեղծվելիք Միասնական քննչական կոմիտեի մասին օրինագիծն ու կից օրենսդրական փաթեթն ի վերջո հասել է Ազգային ժողով:

Սույն փաթեթը խորհրդարանում պետք է լիներ դեռ անցյալ տարեվերջից: Ավելին, ինչպես ժամանակին տեղեկացրել ենք, նախկին գլխավոր դատախազը պլանավորել էր, որ նոր կառույցը, որի ղեկավարի պաշտոնն իրենն է համարվում, պետք է սկսի գործել արդեն այս տարվա հունվարից: Բայց դրա ստեղծումը ոչ միայն շարունակ ձգձգվում էր, այլ դեռ անցյալ նոյեմբերին պարզ դարձավ, որ Աղվան Գառնիկիչի ծրագիրը լիարժեք չի իրականանա:

Հիշեցնենք, ի սկզբանե խոսվում էր, որ այդ կառույցը, որն իրենից գերհզոր քննչական միասնական մի մարմին էր ներկայացնելու և պետք է ներառեր ՊՆ, Ոստիկանության, Պետական եկամուտների կոմիտեի և բոլոր կառույցների քննչական մարմինները, հիմա միայն ՊՆ և ոստիկանության քննչական մարմիններից է բաղկացած լինելու:

Ընդհանրապես, երբեմնի խիստ ազդեցիկ Աղվան Հովսեփյանն արագ տեմպերով կորցնում է իր ազդեցությունը ոչ միայն քաղաքական շրջանակներում, այլ նաև իրավապահ համակարգում: Իհարկե, նախկին գլխավոր դատախազը Քննչական կոմիտեի մասին բավական տպավորիչ մի օրինագիծ է կառավարության անունից խորհրդարան ներկայացրել, որտեղ նոր ստեղծվելիք մարմնի աշխատակիցների և մասնավորապես իր համար մեծ աշխատավարձ է սահմանված, այդուհանդերձ, մի քանի բայցեր կան:

Բացի այն, որ Գառնիկիչի պլանը լիարժեք չիրականացավ, իսկ մարմնի ստեղծումը բավական ձգձգվեց, նոր օրինագծով, որը վստահաբար կարելի է ասել, նախ` համաձայնեցվել է Սերժ Սարգսյանի հետ, նրան պաշտոնավարման շատ քիչ ժամանակ է տրվելու: Աղվան Հովսեփյանն արդեն 61 տարեկան է, իսկ ՀՀ Քննչական կոմիտեի մասին օրինագծով ՔԿ նախագահի պաշտոնավարման սահման է նշվել 65 տարին:

Ու մինչ մարմինը ձևավորվի և սկսի լիարժեք գործել, Հովսեփյանն ընդամենը 3-3.5 տարի կկարողանա պաշտոնավարել այդ նոր պաշտոնում:

Օրինագիծը չի նախատեսում նախագահի դեպքում պաշտոնավարման ժամկետի երկարաձգում, մինչդեռ տեղակալների դեպքում նման դրույթ գոյություն ունի: Քննչական կոմիտեի մասին օրինագծով անգամ կոմիտեի նախագահի տեղակալների նշանակման իրավասությունն է հանրապետության նախագահին վերապահված:

Իհարկե, նրանց թեկնածություններն Աղվան Հովսեփյանը պետք է ներկայացնի, բայց վերջնական որոշողը, փաստորեն, նա չի լինելու: Այնպես որ, ստացվում է` ՀՀ քննչական կոմիտեի նախագահի պաշտոնը ընդամենը տրամպլին է ՀՀ գլխավոր դատախազ Աղվան Հովսեփյանից դեպի թոշակառու Աղվան Հովսեփյան ճանապարհին:

Հայկական ժամանակ

ԵԽԽՎ պատգամավոր, Լատվիայի ներկայացուցիչ Լոլիտա Չիգանը երեկ «Հժ» թղթակցի հետ զրույցում կասկածի տակ է դրել ԵԽԽՎ հայաստանյան պատվիրակության լեգիտիմության հարցը և նշել, որ այդ հարցը բարձրացրել է Ստրասբուրգում։

Հայկական պատվիրակության անդամները փորձել են Լատվիացի պատգամավորին ինչ-որ բացատրություններ տալ պատվիրակության կազմից Զարուհի Փոստանջյանին հեռացնելու վերաբերյալ, ինչը, սակայն, կարծես թե համոզիչ չի թվացել։

Լոլիտա Չիգանը, ով նաև դիտորդ է եղել 2013 թվականի ՀՀ նախագահի ընտրություններում, բավական ուշագրավ հայտարարություններ է արել այդ ընտրությունների վերաբերյալ։ Նա նշել է, որ անձամբ է տեսել, թե ինչպես է ընտրատեղամասում հանձնաժողովի նախագահն ընդդիմադիր թեկնածուի ստացած ձայները պարբերաբար դնում գործող նախագահի օգտին քվեարկած քվեաթերթիկների վրա:

Հայկական ժամանակ

ՀՀ էկոնոմիկայի նախարարությունը ամենայն մանրամասնությամբ կազմել է այն ապրանքների ցանկը, որոնց ներկրումը Հայաստան ՄՄ անդամ դառնալուց հետո կհարկվի լրացուցիչ մաքսատուրքով։ Թանկանալու է սննդամթերքը, դեղորայքը, ամենօրյա կենցաղում օգտագործվող բազմաթիվ ապրանքներ։

Այսպես, առնվազն 5 տոկոսով թանկանալու է Հայաստան ներկրվող տավարի միսը։ Եթե մինչև հիմա տավարի մսի վրա գործում էր 10 տոկոս մաքսատուրք, ապա ՄՄ-ին անդամակցելուց հետո մաքսատուրքը կբարձրանա մինչև 15 տոկոսի։ Թռչնի միսը կթանկանա 15 տոկոսով, քանի որ գործող մաքսատուրքը 10 տոկոս է, կդառնա 25 տոկոս։ Կաթնամթերքը կթանկանա միջինը 8.3 տոկոսով, ցորենը կթանկանա 5 տոկոսով, բրինձը 13 տոկոսով, ձեթը, դեղորայքը 5 տոկոսով, օճառն ու կենցաղային քիմիան ավելի քան 13 տոկոսով, բենզինը` 5 տոկոսով և այլն և այսպես շարունակ։

Ընդհանուր առմամբ, ոչ ՄՄ երկրներից ներկրվող ապրանքների համար մենք տարեկան ազգովի կվճարենք մոտ 100 միլիոն դոլար ավելի գումար։ Իսկ դա նշանակում է, որ յուրաքանչյուր հայաստանյան ընտանիքի վրա ՄՄ-ի անդամ դառնալը կնստի տարեկան մոտ 80 հազար դրամ լրացուցիչ գումար:

Հայկական ժամանակ

ՀՀ ազգային վիճակագրական ծառայության երեկ հրապարակած պաշտոնական տվյալների համաձայն՝ անցած տարվա դեկտեմբերին Հայաստանում առևտրի ծավալները 2012թ. դեկտեմբերի համեմատ նվազել են։ Սա աննախադեպ երևույթ է։

Բերված ցուցանիշը նշանակում է, որ այս Ամանորին ՀՀ բնակչությունն ավելի քիչ գնումներ է  արել, քան նախորդ տարի։ Համեմատության համար ընդամենը նշենք, որ  2012թ. դեկտեմբերին 2011թ. նույն ամսվա համեմատ առևտրի ծավալներն աճել էին 4,8 տոկոսով, իսկ 2011թ. 2010թ. դեկտեմբերի համեմատ աճը 6,7 տոկոս էր։ Նախաամանորյա առևտրի ծավալների նվազումը, իհարկե, պայմանավորված է մեր բնակչության գնողունակության շարունակական նվազմամբ։ Եվ նույնիսկ արտասահմանից իրականացվող դրամական փոխանցումների երկնիշ աճը արդեն չի կարողանում կանխել գնողունակության անկումը:

Հայկական ժամանակ

Երկրապահ կամավորա­կանների միությունում (ԵԿՄ) նախնական որոշում Է կայացվել, որ կառույցի համագումարը, որի ընթացքում երկրապահները նաև ԵԿՄ վարչության նախագահ և փոխնախագահներ են ընտրելու, պետք է տեղի ունենա փետրվարի 15-ին:

«ՀԺ»-ի ԵԿՄ աղբյուրները նշում են, որ ԵԿՄ գործող նախագահ, Աժ ՀՀԿ խմբակցության պատգամավոր Մանվել Գրիգորյանին վերառաջադրելու են այդ պաշտոնում և նա միակ թեկնածուն է լինելու, չնայած վերջին շրջանում, հաշվի առնելով Գերմանիայում անցկացրած նրա բուժման կուրսերը, լրատվամիջոց­ներում այլ տեսակետ էր հայտնվում:

Ըստ մեր տեղե­կությունների, Մ, Գրիգորյանն էլ ԵԿՄ վարչության փոխնախագահների պաշտոնում առաջադրելու է գործող փոխնախագահ Արա Կետիիկյանի և Խաչիկ Մանուկյանի թեկնածությունները, իսկ երրորդ փոխնախագահ Վահան Մանուկյանի՝ Օմեգայի Վովայի փոխարեն (նա արտագաղթել է ՀՀ-ից)՝ Ղուկաս Ուլիխանյանի թեկնածությունը:

Հայկական ժամանակ

Առաջիկայում ՀՀ կառավարությունը վաճառքի կհանի պետական գանձարանում առկա մոտ 67 կիլոգրամ ընդհանուր քաշով 14 հազար 761 հատ ոսկյա իրեր, 873 կարատ ադամանդ, 762 կարատ ալմաստ, 102 կիլոգրամ կուլտիվացված մարգարիտ և այլն:

Նշված իրերի վաճառքը տեղի է ունենալու բաց աճուրդով։ Համենայնդեպս, այդպիսի կարգ է սահմանելու կառավարության նիստում այսօր ընդունվելիք որոշումը։ Գանձարանում առկա նշված իրերի վաճառքը, ինչպես արդեն նշել էինք, կառավարությունը պատճառաբանել է «պետական սեփականություն հանդիսացող «մետաղների և թանկարժեք քարերի կառավարման արդյունավետության բարձրացման» անհրաժեշտությամբ։

Հիշեցնենք, որ նույն պատճառաբանությամբ 10 տարի առաջ Տիգրան Սարգսյանի ղեկավարած ՀՀ կենտրոնական բանկը վաճառեց պահուստավորված 17 տոննա ոսկին, որից հետո ոսկու գինը միջազգային շուկայում աճեց 4 անգամ:

Հայկական ժամանակ

Օրերս Մեղրիի մաքսակետում հայտնաբերված շուրջ մեկ տոննա հերոինի թեման ակտիվորեն լուսաբանվում է ԶԼՄ–ներում. ինչը բնական է։ Թմրանյութի քանակությունը, մեղմ ասած, հսկայական է։ Արդեն հաշվարկվել է, որ «սև շուկայում» այդքան հերոինի գինը կարող է լինել 80-ից 200 մլն դոլար։

Պատկերավոր ասած, նարկոթրաֆիկի համաշխարհային պատմական փորձը ցույց է տալիս, որ նման քանակությամբ հերոին ոչ ոք երբեք և ոչ մի դեպքում չի փորձի անցկացնել «անհուսալի» և «չփորձարկված» ճանապարհով: Այսինքն. եթե որևէ մեկը մտադրություն ուներ որևէ երկրի տարածքով հազարավոր միլիոն դոլարներ արժողությամբ հերոին տեղափոխել, ապա նախ պետք է տարիներ շարունակ «հետախուզեր» այդ ուղին։ Չափազանց հավանական է, որ Հայաստանը որպես թմրանյութի խոշոր խմբաքանակների համար տրանզիտ տարածք արդեն իսկ ստուգվել է և երկար տարիներ այստեղով թմրանյութի խոշոր խմբաքանակներ են տեղափոխվել։

Նույն «պատմական փորձից» հայտնի է, որ եթե թմրանյութերի շրջանառության մեջ ներգրավված խմբավորումները որոշում են որևէ երկրի տարածքով այսպիսի քանակության թմրանյութ տեղափոխել, ապա մինչ այդ անպայման գտնում են տվյալ երկրում գործող և բավական մեծ ազդեցություն ունեցող խմբավորումներ, որոնք պետք է որոշակի վճարների դիմաց երաշխավորեն թմրանյութի այդպիսի խմբաքանակի հնարավորինս ապահով անցնելը տվյալ երկրի տարածքով։

Մեկ այլ ուշագրավ «մանրուք», որը նույնպես կարևոր է։ Պաշտոնապես տարածված լուսանկարներից և տեսանյութերից ակնհայտ է դառնում, որ հերոինը պահված է եղել բեռնատարի այնպիսի մասում, որը կարելի է հանել առանց մաքսայինի դրած կնիքը ջարդելու: Այսինքն, տեխնիկապես հնարավոր է Հայաստանի տարածքում ցանկացած մի տեղ բեռնատարը կանգնեցնել, հանել թմրանյութը և շարունակել ճանապարհը առանց մաքսայինի կնիքները վնասելու:

Հայկական ժամանակ