10-15 օրվա ընթացքում Երևանի քաղաքապետա­րանով կհրավիրվի հան­րային տրանսպորտի ուղե­վարձի չափը քննարկող հանձնաժողովի հերթա­կան ու վերջին նիստը, որի ընթացքում կհայտարար­վի, թե որքան կարող է կազմել ուղեվարձը:

Այս մասին «Հայկական ժամանակ» օրաթերթի թղթակցի հետ զրույցում երեկ ասել է Հայաստանի ուղևորափոխադրողների միության նախագահ Հրանտ Եղիազարյանը: Նա նաև տեղե­կացրել Է, որ արտասահմանցի մասնագետները աշ­խատում են՝ տրանսպորտի ուղևորահոսքը պարզելու ուղղությամբ, որն Էլ կարևոր բաղադրիչ Է՝ տրանս­պորտի ուղեվարձի սակագինը որոշելու համար:

Հոդվածն ամբողջությամբ՝ կարդացեք «Հայկական ժամանակ» օրաթերթի այսօրվա համարում:

Հանրապետականների և մասնավորապես հանրա­պետական պատգամա­վորների լեքսիկոնում վեր­ջին շրջանում նոր և խիստ ուշագրավ մի հայ­հոյանք է տեղ գտել, որը գնալով ավելի ու ավելի լայն կիրառում է ստանում վերջիններիս շրջանում:

«ՕԵԿ ըլնեմ, թե խաբում եմ», «Ով արեց, ՕԵԿ Է», «Ով գրեց, ՕԵԿ Է», ահա այսպիսի վարիացիաներով հայ­հոյանքներ են տալիս իշխող մեծամասնության ներ­կայացուցիչները: Հանրապետականի կոալիցիոն գործընկեր «Օրինաց երկիրը», իհարկե, տեղյակ Է, որ իր գործընկերների շրջանում առանձնակի հար­գանք չի վայելում, բայց որ իր անունը գործածվում Է որպես հայհոյանք, թերևս չի Էլ կասկածում:

Հոդվածն ամբողջությամբ՝ կարդացեք «Հայկական ժամանակ» օրաթերթի այսօրվա համարում:

Հայտնի ֆինանսական բուրգի գործով հարցաքննված բարձրաստիճան ոստիկանների ցուցմունքներից պարզ է դառնում, որ այդ բուրգը իրոք ստեղծվել է նրանց կողմից և նրանք էլ, օգտագործելով իրենց պաշտոնները, զբաղվել են «փողերի վազվռատով»։

Օրինակ՝ ներկայումս ոստիկանությունում բարձր պաշտոն զբաղեցնող ոստիկաններից մեկին հարցաքննության ժամանակ հարցրել են, թե ինքն այս տարվա մարտի 24-ի երեկոյան չի՞ գտնվել արդյոք Երևանի Բաղրամյան 77/8 հասցեում, որտեղ ըստ այլ անձանց ցուցմունքների, նա բռնությամբ ու սպառնալիքներով «փողի վազվռատի» օպերացիա է իրականացրել և որպես տողացույց՝ քննիչը նշում է, որ այդ ժամերին նրա բջջային հեռախոսը գտնվելիս է եղել նշված հասցեի մոտակայքում։ Բարձրաստիճան ոստիկանն այդ հանգամանքը բացատրել է նրանով, որ ինքը այդտեղ «ծանոթ ընկերուհի» ունի և գտնվել է նրա մոտ։ «Ծանոթ ընկերուհուս տվալները, կներեք, չեմ կարող տալ, քանի որ ես էլ եմ ամուսնացած, նա էլ, և դա մեր անձնական կյանքին է վերաբերվում…»,- ցուցմունքում, որի պատճենը մեր ձեռքի տակ է, ասել է բարձրաստիճան ոստիկանը։ Քննիչն էլ, բնականաբար, միանգամից հավատացել է և այդ ոստիկանի մասնակցությունը նշված օպերացիային համարել հերքված:

Հոդվածն ամբողջությամբ՝  «Հայկական ժամանակ» օրաթերթի այսօրվա համարում:

Ազգային ժողովի իշխող մեծամասնության ներկա­յացուցիչները երկար մտա­ծել ու վերջապես գտել են Ռուսաստանի Դաշնության նախագահ Վլադիմիր Պուտինի հայաստանյան այցի ընթացքում վերջինիս դրսևորած խիստ սառը պահ­վածքի բացատրությունը:

«Հայկական ժամանակ» օրաթերթը գրում է, որ ամեն ինչ, պարզվում Է, թաքնված Է նորագույն կոսմետոլոգիական տեխնոլոգիաների մեջ: Ըստ ՀՀԿ-ականների, բանն այն Է, որ Վլադիմիր Պուտինը դեմքը բոտեքս Է անում (ներարկման միջոցով կնճիռների հարթեցում), իսկ այդ միջամտությունից հետո դեմքի միմիկաները չեն արտահայտվում:

Հոդվածն ամբողջությամբ՝ «Հայկական ժամանակ» օրաթերթի այսօրվա համարում:

«Պետական պաշտոնյաների վարձատրության մասին» օրենքի առաջին ընթերցման ժա­մանակ՝ ներիշխանական ինտրիգ էր ծավալվում ԱԺ նախագահ Հովիկ Աբրա­համյանի և վարչապետ Տիգրան Աարգսյանի միջև՝ կապված նրանց աշխատա­վարձերի չափերի հետ:

Կառավարությունը ԱԺ նախագահի և վարչապե­տի համար հավասար աշխատավարձի չափ Է սահմանել՝ մեկ միլիոն 190 հազար դրամ: Մինչդեռ Հովիկ Աբրահամյանի թիմի ներկայացուցիչ պատ­գամավորները խորհրդարանական քննարկման ժամանակ պնդում Էին, թե քանի որ ԱԺ նախագա­հը երկրի երկրորդ դեմքն Է, վարչապետը՝ երրորդ, Աժ նախագահի աշխատավարձը պետք Է թեկուզ մի չըրթ բարձր լինի վարչապետինից: Կառավա­րությունը, սակայն, նախագիծը ներկայացրել Է երկրորդ ընթերցման, և ոչ մի փոփոխություն այս մասով չի արել:

Հոդվածն ամբողջությամբ՝ կարդացեք «Հայկական ժամանակ» օրաթերթի այսօրվա համարում:

Երեկ օրաթերթի թղթակցի հար­ցին՝ արդյոք Վլադիմիր Վլադիմիրովիչը գիշերելու է Հայաստանում, թե՝ ոչ, ՌԴ նախագահի արարո­ղակարգի ղեկավարը պա­տասխանել է. «Դա պետա­կան գաղտնիք է»: Ըստ թերթի աղբյուրի, գիշերը մեկին Պուտինը լքել Է ՀՀ-ն:

Պետական այցերի միջազգային արարողակարգի համաձայն, դրանք պետք Է տևեն երկու օր: Այ­սինքն, առնվազն մի գիշեր հյուրընկալվող կողմը պետք Է անցկացնի հյուրընկալ երկրում: ՀՀ-ի և ՌԴ- ի հարաբերություններն իրենց նրբություններն ու­նեն սակայն: Պուտինը մեծահոգաբար ՀՀ-ում մնացել է մինչև օրը փոխվի:

Հոդվածն ամբողջությամբ՝ կարդացեք «Հայկական ժամանակ» օրաթերթի այսօրվա համարում:

Ըստ ՀՀ ազգային վիճա­կագրական ծառայության երեկ հրապարակած զեկույ­ցի, այս տարվա նոյեմբերին անցած տարվա նոյեմբերի համեմատ գները Հայաս­տանում աճել են 6.6 տոկո­սով:

Պարենամթերքը նշված ժամանակահատվածում թանկացել 15.4 տոկոսով:

Առաջին հայացքից այս տեղեկատվությունը արտա­ռոց համարել չի կարելի: Մանավանդ, որ նախորդ ամիսներին ԱՎԾ-ն գնաճի ավելի մեծ ցուցանիշներ. Էր արձանագրում՝ 7.1 տոկոս, 8.2 տոկոս և այլն: Խն­դիրը նույնիսկ այն չէ, որ ԱՎԾ-ի հրապարակած գնա­ճի տեմպը նվազում է այն դեպքում, երբ իրական կյանքում գնաճը ավելի է ահագնանում: Հիմնական խնդիրն այն է, որ Հայաստանում պարենամթերքի գնաճ է արձանագրվում այն դեմքում, երբ աշխար­հում պարենամթերքի գները կտրուկ նվազում են ար­ձանագրում արդեն տևական ժամանակ:

Հոդվածն ամբողջությամբ՝ կարդացեք «Հայկական ժամանակ» օրաթերթի այսօրվա համարում:

Սերժ Սարգսյանի կորտեժը «սիգնալներով» ուղեկցելը ար­դեն ակնհայտորեն դառնում է բարի ավանդույթ: Կորտեժի երթևեկը աոանց խոչընդոտների կազմակերպելու հա­մար ՀՀ ճանապարհային ոստիկանությունը բավական երկար ժամանակով փակում է ամբողջական փողոցներ, ու աոանց այդ էլ խցանումներով լեցուն Երևանը դաոնում է ընդհանրապես անանցանելի:

«Հայկական ժամանակ» օրաթերթը գրում է, որ ՃՈ աշխատակիցների կող­մից Սերժ Սարգսյանի կորտեժի համար փակված խաչմե­րուկներում սպասող վարորդներն էլ սկսում են «սիգնալ» տալ:

«Երբ այդ մասին մեզ պատմում էին ականատեսները, մեզ թվում էր, թե նրանք մի քիչ չափազանցնում են: Բայց երեկ մեր թղթակիցը ինքն է հայտնվել կորտեժին «համբե­րատար» սպասող հարյուրավոր վարորդների մեջ և հա­մոզվել, որ ոչ մի չափազանցություն չկա: Երեկ ժամը 13-ին մոտ, երբ Մաշտոց-Պարոնյան խաչմերուկի վրա ճանա­պարհային ոստիկանները դադարեցրեցին երթևեկությունը՝ ճանապարհը տալով Սերժ Սարգպանի կորտեժին, սպասող վարորդների սիգնալները մի այնպիսի աղմուկ բարձրացրեցին, որ դա դժվար է նկարագրել»,-գրում է թերթը:

Հոդվածն ամբողջությամբ՝  «Հայկական ժամանակ» օրաթերթի այսօրվա համարում:

Երեկ ՀՀ  ոստիկանությունը հաղորդագրություն է տածել, ըստ որի  կաշառք վերցնելու պահին բռնվել է Երևան քաղաքի քննչական վարչության կենտրոնականի քննչական բաժնի ավագ քննիչ, ոստիկանության կապիտան Էդգար Պետրոսյանը:

«Այս հաղորդագրությունը հետաքրքիր է ոչ միայն այն պատճառով, որ սա ոստիկանության «ինքնամաքրման» մասին սերիալի հերթական սերիան է, այլ բո­լորովին ուրիշ պատճառով: Կաշառք վերցնելու պա­հին բռնված սույն «ավագ քննիչը» ընդամենը 5 տա­րի առաջ ոստիկանության Արաբկիրի բաժնի ավագ օպերլիազոր էր և կեղծ ցուցմունքներ էր տալիս Մար­տի 1- գործով: Մասնավորապես, էդգար Պետրոսյանը Մարտի 1-ի գործով հանդես է եկել որպես տուժող և կեղծ ցուցմունքներ է տվել քաղբանտարկյալներ Միսակ Հովակիմյանի, Վարդգես Գասպարիի և Հով­հաննես Ղազարյանի դեմ: Վերջիններս երկար ժա­մանակ անց են կացրել անազատության մեջ»,-գրում է թերթը:

Հոդվածն ամբողջությամբ՝ կարդացեք «Հայկական ժամանակ» օրաթերթի այսօրվա համարում:

Զեյթունի շուկայի մերձակա տարածքում մեր թղթակցի ուսումնասիրությունները հանգեցրել են եզրակացության, որ տեղական մսի գինն իջել է այնքան, որ գրեթե հասել է Բրազիլիայից և Ռուսաստանից ներկրված կամ ընդհանրապես անհայտ ծագմամբ, սառեցված մսի գնին։ Զեյթունի շուկայի մոտակայքում՝ Սևակի և Ռուբինյանց փողոցներում, մսի վաճառքով զբաղվող մի քանի տաղավարներում և խանութներում վաճառվող միսը ռեկորդային ցածր է։ Խանութներից մեկում երինջի և ցլիկի միսը սկսում է 1500 դրամից և հասնում առավելագույնը 2300 դրամի։ Նշված խանութում հասուն տավարի ոսկրոտ միսն արժե 1700 դրամ, իսկ ջահել անասունինը՝ 1950։ Փափուկ մսի առավելագույն գինը 2200-2300 դրամ է։ Խոզի չալաղաջն արժե 2600 դրամ (մեկ տարի առաջ այն 3500 դրամի էր հասնում), բուդը՝ 2500, իսկ թևը՝ 2000 դրամ։ Խանութում անգամ ակցիա է հայտարարված։ Այսպես, 10 կիլոգրամ և ավել աղացած տեղական միս գնելու դեպքում ամեն կիլոգրամի դիմաց գնորդը վճարում է 1600 դրամ։ Ղաուրմայի միսը նույնպես՝ 10 կգ և ավելի գնելու դեպքում, 1700-ի փոխարեն արժե 1450 դրամ։

Մսեղիքի գնի այս անկումը մսավաճառները պայմանավորում են անասնապահության ոլորտում առկա դժվարություններով, որոնց գյուղացիներն ի վիճակի չեն դիմադրելու։ Չոր խոտի և խտացրած կերի թանկությունը, բնական կաթի էժան մթերումը, պետական քաղաքականության բացակայությունը, արտահանման պայմանների բացակայությունը ստիպում են գյուղացուն՝ միսը վաճառել ինքնարժեքից էլ ցածր գնով։

«Մասսայական մորթ է գնում՝ հատկապես Վարդենիսի գյուղերում, որովհետև չեն կարողանում պահել։ Եթե էսպես շարունակվի. ապա շատ շուտով անասուն չի մնա, ու արդեն միսը չափից դուրս կթանկանա։ Եվ որպեսզի էդպես չլինի, գյուղացուն պետք է օգնել»,– ասել է մսավաճառներից մեկը:

Հոդվածն ամբողջությամբ՝ «Հայկական ժամանակ»-ի այսօրվա համարում: