Մովսես Խորենացու անվան համալսարանի հիմնադիր, ռեկտոր Արթուր Աղաբաբյանն ինչպես ամեն տարի, այս տարի նույնպես նոր ուսումնական շրջանը սկսում է բարձր տրամադրությամբ ու մարտական տրամադրվածությամբ՝ պատրաստ պայքարելու:

Այս մասին նա ասաց Tesaketinfo.am-ի հետ զրույցում՝ հստակեցնելով, որ պայքարը ոչ թե ընդդեմ է, այլ հանուն՝ հանուն կրթության ոլորտի բարելավման, բուհի առաջընթացի ու զարգացման:

Բուհի հիմնադրման օրվանից (1996 թ.) մինչ օրս այստեղ անդուլ աշխատանքը չի դադարում. թե՛ ռեկտորը, թե՛ դասախոսները մշտապես փորձում են կատարելագործել ու արդիականացնել դասավանդման մեթոդիկաները, ֆակուլտետներն ու առարկանեըը համապատասխանեցնել ընդունված չափորոշիչներին, որպեսզի յուրաքանչյուր ուսանող առավելագույնս կարողանա թե՛ ինքնադրսևորվել, թե՛ ստանալ ներկայիս աշխատաշուկայում իսկապես պահանջվող մակարդակի գիտելիքներ, որոնց շնորհիվ հետ չի մնա միևնույն մասնագիտությունն առաջարկող այլ, այդ թվում՝ նաև արտասահմանյան բուհերի շրջանավարտներից:

Այսպես՝ այս տարի էլ բուհում բազմաթիվ նորամուծություններ են արվել և արվում, որոնցից մեկի մասին էլ մեզ պատմեց պարոն Աղաբաբյանը:

Նրա խոսքով՝ ընդամենը օրեր առաջ հանդիպում են ունեցել Ֆրանսիայից ժամանած՝ ՏՏ ոլորտի բարձրակարգ մասնագետի հետ, որը բավականին հետաքրքիր առաջարկություններով է հանդես եկել: Մասնավորապես՝ Մովսես Խորենացու անվան համալսարանում արդեն ոչ միայն ուսանողները, այլև բոլոր ցանկացողները կկարողանան ՏՏ ոլորտի բազմաթիվ հարցերի՝ ընդհուպ մինչև հաքերային հարձակումների, դրանցից պաշտպանվելու, համակարգչային անվտանգության և շատ այլ թեմաների վերաբերյալ ստանալ սպառիչ պատասխաններ՝ անցնելով համապատասխան դասընթացներ:

«Այս առնչությամբ արդեն այս տարվա համար արվել են որոշակի քայլեր և շարունակում են արվել, քանի որ բուհի զարգացման համար անհրաժեշտ է պրպտուն, մոտիվացված աշխատանք, որը կլինի ոչ միայն ուսումնական պլանով նախատեսված, այլև լրացուցիչ՝ այն, ինչի պահանջարկը կա»,-նշեց Արթուր Աղաբաբյանը:

Խոսելով այն մասին, թե ՏՏ-ի կիրառումը որքանով է առկա որոշակի մասնագիտություններում՝ պարոն Աղաբաբյանը նշեց, որ կրթական չափորոշիչներին համապատասխան՝ ՏՏ ոլորտի կիրառմամբ իրականացնում են բազմաթիվ ծրագրեր, սակայն կան նաև շատ նեղ հարցեր, որոնք այլ պահանջներ են ձևավորում, այս տարի որոշակի չափով նախապատրաստական աշխատանքներ պիտի արվեն, իսկ մյուս ուսումնական տարվանից այդ ամենը կլինի ռեալ հիմքերի վրա դրված:

Մովսես Խորենացու անվան համալսարանը, անշուշտ, համագործակցում է արտասահմանյան բուհերի հետ, որոնց համապատասխան մասնագիտությունների գծով պարբերաբար անցկացնում են համեմատություններ ու զուգահեռներ՝ կրթության որակն է՛լ ավելի զարգացնելու, ժամանակին համընթաց քայլելու, կրթական նորագույն տեխնոլոգիաները ներմուծելու, ինչպես նաև ուսուցման մեթոդիկաները բարելավելու նպատակով: Այս ամենին նպաստում են Որակի ապահովման կենտրոնի ու Գիտխորհրդի հետ պարբերաբար անցկացվող քննարկումները, հրավիրվող ժողովները, այլ բուհերի լավագույն փորձի ուսումնասիրությունն ու մասնագիտական գործիքակազմի ներդրումը, ինչն էլ ուսանողների կողմից առավելագույնս կիրառելու դեպքում դառնում է հետագայում աշխատաշուկայում նրանց բարձր պահանջարկի իրական երաշխիք:

Ինչ վերաբերում է դասախոսներին, ապա նրանք Մովսես Խորենացու համալսարանում ընտրվում են՝ բացառապես հաշվի առնելով մասնագիտական կարողություններն ու աշխատանքային փորձը, ինչի մասին էլ վկայում է այն, որ

այս պահին բուհի 42 դասախոսներից 26-ը գիտական աստիճան ունի: Դասախոսներն էլ որոշակի մասնագիտությունների գծով ատեստացիոն քննություններ են անցնում, օրինակ՝ 100 բալանոց թեստային համակարգով:

Պարոն Աղաբաբյանը նշեց, որ այս տարի, իր դիտարկմամբ, իրենց բուհում մեծացել է պահանջարկը ինֆորմատիկա ու կիրառական մաթեմատիկա սովորել ցանկացողների շրջանում, իսկ բանասիրության, անգլերենի ու գրականության հանդեպ, ընդհակառակը, ուշադրությունը նվազել է:

Նշենք, որ Մովսես Խորենացու անվան համալսարանն առաջարկում է ուսուցում հետևյալ ֆակուլտետներում՝ իրավաբանական, տնտեսագիտական, ռոմանոգերմանական (անգլերեն լեզու և գրականություն), բանասիրական, ինֆորմատիկա և կիրառական մաթեմատիկա (ԷՀՄ ծրագրավորում), մանկավարժություն և մեթոդիկա:

Առկա ուսուցման ժամկետը չորս տարի է, հեռակայինը՝ հինգ, իսկ բոլոր մասնագիտությունների մագիստրատուրայի դեպքում՝ առկա ուսուցումը երկու, հեռական՝ երկուսուկես տարի:

Ի դեպ՝ այս տարի առկա ընդունելության քննություններն արդեն ավարտվել են, սակայն հեռակայի դիմորդների գրանցումը մինչև սեպտեմբերի 24-ն է, ուրեմն և՝ դեռ հնարավոր է դիմել, իսկ հեռակայի ընդունելության քննությունները կանցկացվեն հոկտեմբերի 20-30-ը: Յուրաքանչյուր ուսանող ամեն մասնագիտությունից 2 միասնական քննություն պիտի հանձնի:

Հավելենք նաև, որ բոլոր մասնագիտությունները հավատարմագրված են, և շրջանավարտները ստանում են պետական դիպլոմ (բակալավրիատ, մագիստրատուրա):

Համալսարանի հասցեն է՝ Կորյունի 19ա (Ցիտադելի դիմաց), հեռախոս՝ (091) 41-15-30, (077) 23-55-50, (093) 80-60-56:

Սիրելի ընթերցող վերազինման հետ կապված armversin.am կայքը չի գործում: Աշխատանքների ավարտից հետո այն կրկին հասանելի կլինի: հայցում ենք ձեր ներողամտությունը:

Մալաթիայի տոնավաճառում տագնապի ազդանշան հնչեց. բարեբախտաբար, այն զգուշացնում էր օբյեկտային վարժանքի անցկացման մասին՝ «Անձնակազմի և հաճախորդների գործողություններն օբյեկտում հրդեհի բռնկման դեպքում» թեմայով:

Վարժանքի նպատակն էր՝ ստուգել օբյեկտի քաղպաշտպանության կազմի պատրաստականությունն արտակարգ իրավիճակների սպառնալիքի և ծագման դեպքում, կատարելագործել վարժանքին ընդգրկված անձնակազմի հմտություններն ԱԻ արձագանքելու ժամանակ, ինչպես նաև ստուգել օբյեկտում գտնվող անձնակազմի և հաճախորդների պատրաստվածությունը:

Իսկ նման կարևոր վարժանքի մասնակիցների կազմը հետևյալն էր՝ Երևան քաղաքի Մալաթիա-Սեբաստիա վարչական շրջանի «Ռաֆայել-Տաթև» ՍՊԸ ՔՊ ղեկավար կազմ, ՔՊ կազմավորումներ, ՆԳՆ ՓԾ ԵՓՎ մեկ մարտական հաշվարկ:

Տպավորիչ կազմ և տպավորիչ գործողություն, իսկ ամենակարևորը՝ խուճապի և ոչ մի նշույլ:

Ինչպես մեզ հետ զրույցում նշեց տոնավաճառի տնօրեն Սամվել Ավետիսյանը՝ իրենք այս օրվան նախապես պատրաստվել են՝ աշխատակիցների հետ անցկացնելով տարատեսակ ուսուցումներ, սովորեցնելով նրանց հրդեհի բռնկման դեպքում իրենց անելիքները, ծանոթացնելով տարհանման պլանին և ցույց տալով բոլոր ելքերը, որոնցով պետք է իրականացվի տարհանումը: Ի դեպ, պարոն Ավետիսյանի խոսքով, ելքերը յոթն են, ընդ որում՝ ամեն ինչ կազմակերպված է այնպես, որ որևէ տեղ մադկային կուտակումներ չլինեն, և տարհանումը հնարավորինս արագ իրականացվի, ինչին էլ մենք ականատես եղանք երեկվա օբյեկտային վարժանքի ընթացքում:

«Երեք րոպեն գերազանց գնահատական է, ես իմ աչքով եմ տեսել, որ տագնապի ազդանշանից անմիջապես հետո տաղավարներում էլ մարդ չկար, մեր ՆԳՆ ՓԾ յոթերորդ ջոկատի անձնակազմը նույնպես գործեց ժամանակին»,-նշեց Ավետիսյանը և հավելեց, որ մոտ երկու ամիս առաջ տոնավաճառում ոչ աշխատանքային մի օր հրդեհ է բռնկվել, և իրենց հաջողվել է մարել այն՝ մինչ հրշեջների ժամանումը:

«Մենք ունեցել ենք հրդեհ, ինքներս ենք հանգցրել, այդ օրը երկուշաբթի էր, տոնավաճառը չէր աշխատում, դրանից հետո երկու անգամ մարդկանց տարհանման փորձ ենք կատարել, մենք ընդունել ենք նոր աշխատող, նա մարդկանց տեղյակ է պահել, զգուշացրել, սովորեցրել է՝ ով ինչ պետք է անի, ով ջուր բերի, ով որտեղից դուրս գա…»,-ասաց տոնավաճառի տնօրենը:

Մենք զրուցեցինք նաև տոնավաճառի նոր աշխատողի՝ հակահրդեհային անվտանգության գծով տեղակալ Կարեն Ավետիսյանի հետ, որը նույնպես նշեց, որ իրենց առջև դրված խնդիրն այսօր կատարել են, իսկ հիմնական նպատակն էր ստուգել իրենց հնարավոությունները, տարհանման ուղիները, ՔՊ կազմավորումների ունակությունները հրդեհաշիջման ժամանակ:

«Ադյունքները շատ դրական են»,-ընդգծեց Ավետիսյանը:

Նա հավելեց, որ հաջորդ նման վարժանքը նախատեսում են առաջիկայում, այն կլինի օդային տագնապի ժամանակ մարդկանց գործողությունների վերաբերյալ:

Իր հերթին Մալաթիայի տոնավաճառի տնօրենն էլ հավելեց, որ քաղաքապետարանի հետ որոշել են համապատասխան ապաստարանները՝ օդային տագնապ ազդանշանի դեպքում իրենց գործողությունները կազմակերպելու համար:

«Հաջորդ հավաքի ժամանակ պատրաստվում ենք մարդկանց ապաստարաններ տանել, Աստված չանի՝ պատերազմ լինի, որ իմանան՝ որտեղ պատսպարվել»,-նշեց Սամվել Ավետիսյանը:

Եվ իսկապես՝ հատկապես մեր տարածաշրջանում խիստ կարևոր է նաև պատերազմի վտանգին պատրաստ լինել, և նմանատիպ վարժանքները մանավանդ այս տեսանկյունից ավելի են արժևորվում:

Օրվա իրադարձությունը դրական գնահատեց նաև Մալաթիա-Սեբաստիա վարչական շրջանի ղեկավարի աշխատակազմի գլխավոր մասնագետ, քաղպաշտպանության հարցերով պատասխանատու Աբրահամ Մարգարյանը: Նա, համագործակցելով Կարեն Ավետիսյանի հետ, պլանավորել ու կազմակերպել էր օբյեկտային վարժանքը, որի անցկացումը ևս մեկ անգամ ցույց տվեց, որ բոլորն իրենց տեղերում են՝ աշխատակիցները հստակ գիտեն իրենց պարտականությունները, ելքերն ու անվտանգության կանոնները:

«Բոլորն իրենց պարտականությունները պատշաճ մակարդակով կատարեցին, տնօրենն էլ ամեն ինչ արել է, որ ամեն ինչ ճիշտ կազմակերպվի: Ես, որպես մասնագետ, դրական եմ գնահատում»,-նշեց Աբրահամյանը:

Այս ամենում ոչ երկրորդական դեր ուներ նաև տոնավաճառի բժշկուհի Աննա Մարտիրոսյանը, որը մանրամասնորեն ներկայացրեց այրվածքների դեպքում առաջին օգնության ցուցաբերման առանձնահատկությունները:

Ուշագրավն այն է, որ հրդեհային իրավիճակներում, փաստորեն, ոչ միայն մարդկային գործոնն է կարևոր, այլև հրդեհաշիջման ժամանակակից սարքավորումների կիրառումը: Նման մի սարք էլ «Սֆերա» անվանումով ինքնաշխատ, այսպես ասած, գունդն է, որը տեղադրված է Մալաթիայի տոնավաճառի տարբեր հատվածներում, մասնավորապես՝ այն տեղերում, որտեղ էլեկտրական հոսանք կա, հետևաբար և՝ բռնկման մեծ հավանականություն: Սարքն առանց մարդկային միջամտության ինքնուրույն գործում է հրդեհի ժամանակ՝ իրենից արտազատելով փոշի, որը միանգամից հանգցնում է կրակը: Այդ սարքն այսօր էլ օգտագործվեց վարժանքի ժամանակ՝ ցուցադրելով ի արդյունավետությունը:

«Ինքներդ տեսաք, որ մենք պատրաստ ենք հրդեհը մարելուն: Մեր հիմնական նպատակն այն է, որ հրդեհի հետևանքով ոչ մեկը նույնիսկ մի քերծվածք անգամ չունենա»,-շեշտեց տոնավաճառի տնօրենը:

Մենք զրուցեցինք նաև աշխատողների հետո, որոնք միաբերան պնդում էին, որ տարհանման ժամանակ հանգիստ ու ապահով են իրենց ապրանքների համար. կան տեսախցիկներ, անվտանգության միջոցներ, իրենք գողության կամ վնասման մասին չեն մտածում: Իսկ ինչ վերաբերում է բուն վարժանքին, ապա այն իրենց համար նորություն չէ, ընդհակառակը, շատ տեղին ու ճիշտ են համարում նման վարժանքների կամզակերպումը, քանի որ դրանց միջոցով բարձրացվում է թե՛ իրենց, թե՛ հաճախորդների իրազեկվածությունը, և կարողանում են արագ, առանց հրմշտոցի ու խուճապի կազմակերպել անհրաժեշտ գործողությունները:

Անշուշտ, այսպիսի վարժանքներն անչափ կարևոր են, ինչպես նաև շատ լավ օրինակ են նմանատիպ կառույցների համար՝ հնարավոր սպառնալիքներից ու վտանգներից խուսաափելու, իսկ դրանց առկայության դեպքում՝ պատշաճ կերպով պատրաստված լինելու առումով:

Մանրամասը՝ տեսանյութում

«Տեսակետ» մամուլի ակումբ

Հայտնի է դարձել, որ մայիսի 31-ին սպասվում է ուժեղ մագնիսական փոթորիկ, որի ուժգնությունը կհասնի 6 բալի։ Առավոտյան ժամը 9-ին այն կհասնի իր պիկին,  որից հետո փոթորիկը կդառնա չափավոր և կտևի ամբողջ երեկո, իսկ հետո՝ ամբողջ գիշեր։ Եղանակից կախված մարդիկ իրենց վատ կզգան, քանի որ փոթորիկը երկարատև և շատ հզոր կլինի:

Ախտանիշները ներառում են ճնշման փոփոխություններ, գլխացավ, գլխապտույտ, հոգնածություն և քնկոտություն: Վիճակը մեղմելու համար խորհուրդ է տրվում ավելի շատ ջուր խմել, սառը ցնցուղ ընդունել և օդափոխել սենյակը։ Եթե ​​ունեք էներգիա և եղանակը թույլ է տալիս, ժամանակ անցկացրեք դրսում: Դուք նույնպես չպետք է տառապեք գլխացավերից։

«Այդ մտահոգությունները և վախերը խոսում են այն մասին, որ մենք ոչ թե ճիշտ այլ ճշտագույն ճանապարհի վրա ենք»,-երթի ժամանակ ասաց Բագրատ Սրբազանը՝ մեկնաբանելով ադրբեջանական փորձագիտական շրջանում շրջանառվող կարծիքը, թե Ադրբեջանը պետք է հատուկ նշանակության ուժեր ուղարկի Հայաստան՝ Սրբազան սարժման դեմ։

Նա հայտնեց, որ Փաշինյանին աջակցության այդ կոչերը Սրբազան շարժմանը հետ չեն պահելու պայքարից։

Բագրատ Սրբազանն արձագանքեց իշխանական քարոզչամեքենայի տարածած այն հայտարարությանը, թե շարժումը ցանկանում է քաղաքացիների արյունը հեղել։

«Ես միշտ ասել եմ, որ իրենք թող հայելի դնեն և տեսնեն, թե իրենք միշտ ինչպիսի արյուն են հեղել և ում արյունն են հղում թե՛ ֆիզիկական, թե՛ հոգևոր, թե՛ բարոյական։ Արյունն էլ, ամեն ինչն էլ իրենց վրա է և այս ամբոջը դրա վկայությունն է»,-հայտարարեց Սրբազանը։

Պատասխանելով իրեն ոստիկանական օպերատիվ ծառայությունների ուժեղացված հետևելու մասին հարցին՝ Սրբազանն ասաց, որ նախորդ օրը օպերատիվ ծառայողներից ոչ ոք չի եղել իր շրջակայքում։

«Գիշերը մի հոգի փախել է, այսօր առավոտյան մեկ հոգու բացահայտել ենք։ Տղան եկել, ասել է, որ ուղղակի ծառայություն է իրականացնում։ Օրհնություն է խնմդրել, օրհնել եմ, բայց նաև ասել, որ եթե չեն կարողանում բացատրել, թե ինչ է կատարվում, այդ հալածանքը միշտ լինելու է և պետք է ծառայեն պետությանը, ոչ թե անձին»։

Շարժման ընթացքը, փուլայնությունը, ակտիվությունը, քայլերը, ժամկետները և այլ բաներ կարող են փոփոխվել։ Սա լրիվ բնական պրոցես է։ Բայց շարժման ելքը չի կարող «եթե» ունենալ: Այս մասին իր ֆեյսբուքյան էջում գրել է «Այլընտրանքային նախագծեր» խմբի անդամ Վահե Հովհաննիսյանը։

«Ուղղակի պետք է գիտակցել, թե ինչ ասել է պարտություն։ Սա նշանակում է Ալիևի հաղթարշավ, անդառնալի զիջումներ և անասնական մթնոլորտ Հայաստանում։

Հայաստանում առաջանում է համակեցության սուր պրոբլեմ. սա ամենավտանգավորն է, հազար անգամ ավելի վտանգավոր, քան Ալիևի պահանջները։ Հարյուր հազարավոր մարդկանց համար անհնար է դառնում ապրել մի երկրում, որտեղ վերջին հարյուրամյակի ամենախոշոր կորուստներից ու պատմական աղետից հետո այդ աղետի հեղինակ իշխանությունը ուժով և մանիպուլյացիաներով պահում է իր իշխանությունը, որտեղ նվիրական բոլոր երազանքները զրոյացվում են, որտեղ Արցախից բռնի տեղահանված քաղաքապետերի են կալանավորում, որտեղ բերետավորները ոհմակով հարձակվում են ընդվզող մարդկանց վրա, որտեղ Վեհափառի մուտքը կարող են ինչ-որ «միլիցեք» փակել, ու քաղաքական ու գերատեսչական ղեկավարությունն արդարացնի դա, որտեղ պաշտոնյաները կարող են դոշ տալ ու «մեծարգո»-ով դիմել այն վարչապետին, որի օրոք անհաշվելի կորուստներ ենք ունեցել և ունենում։ Իմ ընկեր, դեսպան Վ. Մելիքյանի ձևակերպմամբ՝ Հայաստանը կարող է վերածվել հարևանների ֆուռերը սպասարկող քարվանսարայի՝ աներազանք, անիմաստ։

Հարյուր հազարավոր մեր քաղաքացիներ չեն համակերպվելու այս սցենարի հետ, ու սա լինելու է մեր ժողովրդի պատմության մեջ խոշորագույն ու ողբերգական մի գաղթ։

Նիկոլին սա ձեռնտու է, չէ՞ որ պետությունը, նրա պատկերացմամբ, միայն լավ ապրելու համար է։ Ինքը լավ կապրի, մի փոքր խումբ լավ կապրի, մնացածը կդառնան քարվանսարայի աշխատողներ։

Հարյուր հազարավոր մարդիկ չեն կարողանալու ապրել մի երկրում, որտեղ պետության և «լավ ապրելու» նշաձողը իջեցված է շատ ուտելու մակարդակին։

Այս տրամաբանությամբ մարդկության պատմության մեջ զրկանքների գնով արված բոլոր գյուտերը, հայտնագործությունները, արվեստի ստեղծագործությունները, համաշխարհային արժեքների ստեղծումն անիմաստ էին, որովհետև Ջորդանո Բրունոյից սկսած բոլորը պետք է մտածեին միայն լավ ապրելու մասին։ Իսկ Վան Գոգը սոված գլուխգործոցներ ստեղծելու փոխարեն պետք է լավ ռոճիկով մալյար աշխատեր հարևանի տանը՝ ըստ Նիկոլի։

Գործող իշխանության աշխարհընկալումը ռեստորանի մենյուի շրջանակներում է։ Նրանց Աստվածաշունչը և Սահմանադրությունը երկրի մենյուն է։

Հարյուր հազարավոր մեր քաղաքացիների ընտանիքների համար «մեծարգո»-ի աշխարհընկալումը և նրան մահակով, մանդատով կամ գրչով պաշտպանող զանգվածը դառնում է օրգանապես անընդունելի։ «Եթե»-ն իրոք շատ հստակ է։ Շարժման հաղթանակը երկրում նոր բարքերի ու նոր մթնոլորտի հաղթանակն է՝ ներքին հաշտության մեծ հնարավորությամբ։ Հակառակ պարագայում պարզապես չենք կարողանալու այստեղ ապրել։

Այնպես որ, այս պայքարը իշխանության համար չէ, այլ՝ Հայաստանում ապրելու հնարավորության։ Սա նշանակում է, որ Շարժումը «եթե» իսկապես չի կարող ունենալ։ Պատրաստվեք համառ ու գրագետ պայքարի՝ անհատապես բոլորիս անմիջական մասնակցությամբ», — գրել է նա։

Սյունյաց թեմի հոգևոր դասի և հավատացյալների անունից խորապես դատապարտում ենք Սարդարապատի հուշահամալիրում Ն.Ս.Օ.Տ.Տ. Գարեգին Բ Ամենայն Հայոց Հայրապետի դեմ Նիկոլ Փաշինյանի հրահանգով թիկնապահների և ոստիկանների նախօրեին իրականացրած գործողությունները։Այս մասին հայտարարություն է տարածել Սյունյաց թեմը:

Հայաստանի Առաջին Հանրապետության ստեղծման հիշարժան այդ օրը Վեհափառ Հայրապետի մուտքը հուշահամալիրի տարածք խոչընդոտելով՝ կառավարության ղեկավարը նպատակ ուներ թույլ չտալու երկրի հոգևոր առաջնորդին ու նրան ուղեկցող հոգևորականներին մասնակցել հանդիսավոր արարողությանը։ Չնայած ոստիկանական ճնշող և անօրեն հիմունքով ձևավորված պատնեշին՝ Ն.Ս.Օ.Տ.Տ. Գարեգին Բ-ն, ցուցաբերելով անսասան հավատ և վճռականություն, կարողացավ հասնել հուշահամալիր՝ հավատացյալներին առաջնորդելով առ Աստված աղոթքով։

Նման վարքագիծը մեծ հարված է հասցնում հայկական ինքնության քրիստոնեական հարացույցին և խոսում է այն մասին, որ այդ հրահանգն իջեցնողները չեն գիտակցում մի պարզ ճշմարտություն. տվյալ պահին պետականությունը տոնելու արարողությանը ոչ թե հոգևոր առաջնորդին էր արգելվում մասնակցել, այլ նրա ներկայացրած կառույցին՝ Եկեղեցուն, որ դարեր շարունակ եղել է հայոց ինքնության պահպանման, հայոց քաղաքակրթական կյանքի կազմակերպման միակ գործող ինստիտուտը: Ուստի մենք դատապարտում ենք այս գործողությունները՝ որպես հայ եկեղեցու արժանապատվության վիրավորանք և մեր հոգևոր առաջնորդների հանդեպ ունեցած հարգանքի ոտնահարում։

Մենք կոչ ենք անում իշխանություններին խորհել իրենց գործողությունների մասին և պահպանել հարգանք ազգի հիմնասյուների, մասնավորապես արժեհամակարգ կերտող և պաշտպանող ինստիտուտի նկատմամբ: Հույս ունենք, որ Հայաստանում սովորական չեն դառնա նմանաբնույթ գործողությունները, որոնք այսպիսի ընդգծված ձևով բնորոշ չեն եղել նույնիսկ պետականության բացակայության և այլադավ ղեկավարների լծի տակ ապրելու ժամանակներին: Թող Աստված օրհնի մեր ժողովրդին և խոհեմություն պարգևի չարի ճանապարհը բռնած պատկան մարմիններին, որպեսզի խաղաղությունն ու հարգանքը տիրեն Հայաստան աշխարհում։ Սյունյաց թեմի առաջնորդական տեղապահ հոգեշնորհ տ. Մակար վրդ. Հակոբյան»: 

Կոտայքի թեմի առաջնորդ Առաքել արքեպիսկոպոս Քարամյանը հայտարարություն է տարածել։

«Ցավով անդրադառնում և դատապարտում ենք մայիսի 28֊ին Սարդարապատի հուշահամալիրում տեղի ունեցածը, երբ ոստիկանները փորձեցին խոչընդոտել և արգելել Ն.Ս.Օ.Տ.Տ. Ամենայն Հայոց Կաթողիկոսի և հոգևորականների այցը հուշահամալիր։

Անընդունելի ենք համարում ցանկացած նման կեցվածք Վեհափառ Հայրապետի և հոգևոր դասի նկատմամբ ու աղոթում, որ Տերը ողջամտություն և զգաստություն պարգևի մեր ոստիկաններին»,- ասվում է հայտարարությունում։

Համապատասխան կերպ առկա է հրավիրվածների ցուցակ, մնացածը դիմեք գրավոր թող պատասխանեն:

Այս մասին Ոստիկանության շենքի մոտ լրագրողների հետ զրույցում ասաց ոստիկանության ներքին անվտանգության վարչության պետ Վաղինակ Մարտիրոսյանը՝ պատասխանելով հարցին՝ Վեհափառ հայրապետը Սարդարապատի հուշահամալիր մտնելով հասարակական կա՞րգ էր խախտում, որ փորձ էր արվում կասեցնել նրա այցը։

ՆԳՆ շենքի մոտ Բագրատ Սրբազանի հետ հանդիպման դուրս եկան ՆԳՆ խոսնակ Նարեկ Սարգսյանը և ոստիկանության ներքին անվտանգության վարչության պետ Վաղինակ Մարտիրոսյանը, որոնք հայտնեցին, թե ՆԳ նախարար Վահե Ղազարյանը հանդիպում ունի և չի կարող հանդիպել Սրբազանի հետ։

Վաղինակ Մարտիրոսյանը Բագրատ Սրբազանին խնդրեց, որ ոստիկանները չթիրախավորվեն։ Նրա խոսքով՝ ծառայողական քննություններ կան։

«Ոստիկանների կողմից կատարված գործողությունների, որոնք իրար մեջ ենթադրում են կարգապահական խախտումներ մեկ տասնյակից ավելի ծառայողական քննություններ կան նույն ձև քրեական վարույթներ կան հարուցված»,- ասաց Մարտիրոսյանը։

Սրբազանը նախ նշեց, որ ոչ ոք ոստիկանների չի թիրախավորում, գնահատու են այն, ինչ անում են։

«Բայց իրենց հրաման տվող կա, մենք այդքանը մտածում ենք, չէ՞։ Ծառայողական քննություններն էլ գիտեմ, կոծկումներն էլ գիտեմ»,- ասաց Սրբազանը։

Մարտիրոսյանն էլ ասաց, որ եթե ցանկանում են կարող են ներկայացուցիչ ներգրավվել բոլոր ծառայողական քննությունների ընթացը կարող է ցույց տալ։

Շարժման առաջնորդներից Գառնիկ Դանիելյանն էլ ասաց, որ խոսքը շարքայինների մասին չէ, այլ բարձրաստիճան ոստիկանների, որոնք ամենավերջին սպառնալիքներն են հնչեցրել, նույնիսկ պատգամավորների հասցեին և նա հնչեցրեց Ջոմարդյանի ազգանունը ու ասաց, որ նա անձամբ իրեն սպառնացել է։

Ապա` լրագրողները Մարիտիրոսյանից հետաքրքրվեցին երեկ Սարդարապատի Հուշահամալիրում ոստիկանների կողմից Վեհափառի մուտքը արգելելու միջադեպին։

Հարցին՝ հարյուրավոր ոստիկաններ կանգնում և կասեցնում են Վեհափառի մուտքը Սարդարապատի հուշահամալիր, անկախ Հայաստանի պատմության ընթացքում նմանօրինակ խայտառակ միջադեպեր գրանցվե՞լ է ոստիկանությունում, Մարտիրոսյանն ասաց․

«Ես իմ ստորաբաժանման անունից եմ հանդես գալիս»։

Հարցին էլ՝ ծառայողական քննություն անցկացվելո՞ւ է հոգևոր դասին քաշքշելու համար, նա արձագանքեց․

«Դուք գնահատականներ մի տվեք, խնդրում եմ բոլոր մնացած հարցերը մեր վարչությանը գրավոր ուղղեք»։

Իսկ թե որպես քաղաքացի նորմա՞լ է համարում Վեհափառի հանդեպ անհարգալից վերաբերմունքը, նա նշեց, որ ինքը ոստիկանության ծառայող է և իրականացնում է իր լիազորությունները։

Հարցին՝ Վեհափառը Հուշահամալիր մտնելով հասարակական կա՞րգ էր խախտում, նա ասաց․

«Համապատասխան կերպ առկա է ցուցակ հրավիրվածների և չէ, մնացածը դիմեք գրավոր թող պատասխանեն, ես իմ մասով չեմ կարող պատասխանել, իմ ստորաբաժանումը զբաղված է այլ գործառույթներով։ Բոլոր հարցերը գրավոր դիմեք պատասխանեմ»։

Անվտանգության այն կոնցեպտը, որ Հայաստանը մինչև այժմ իրականացրել է, անվտանգություն չի ապահովում, վտանգներ է գեներացնում:

Նման դիրքորոշում հայտնեց Հայաստանի վարչապետ Նիկոլ Փաշինյանը ԱԺ մշտական հանձնաժողովների համատեղ նիստում «Հայաստանի Հանրապետության 2023 թվականի պետական բյուջեի կատարման մասին» տարեկան հաշվետվության նախնական քննարկմանը:

«Իմ կարծիքով՝ մենք պետք է արձանագրենք, որ ՀՀ քաղաքացու համար ազատությունն այլևս բավարար չէ, որովհետև հարկավոր է արդարություն, անվտանգությունն այլևս բավարար չէ, որովհետև հարկավոր է խաղաղություն: Մենք չենք էլ նկատել, որ մեր պետության գոյության ընթացքում այն, ինչ մենք անվանել ենք անվտանգություն, բավականին վտանգավոր է եղել: Անունը դրել ենք անվտանգություն, բայց այդ անվտանգության ապահովումը՝ մեր ընկալմամբ, փորձել ենք իրականացնել նորանոր վտանգներ գեներացնելու ճանապարհով»,–ասաց վարչապետը:

Նա կարևորեց արձանագրել, որ անվտանգությունն այլևս բավարար չէ, որովհետև հարկավոր է խաղաղություն: Խաղաղությունն է, որ կարող է ապահովել անվտանգություն:

«Անվտանգության այն կոնցեպտը, որը մենք մինչև այժմ իրականացրել ենք, անվտանգություն չի ապահովում, վտանգներ է գեներացնում»,–ասաց Փաշինյանը՝ հավելելով, որ սա նույնպես իրական Հայաստանի և ոչ իրական Հայաստանի հայեցակարգերի միջև ընկած ճեղքումն է:

Բարեկեցությունը, ըստ նրա, ևս բավարար չէ:

«Ի՞նչ է նշանակում բարեկեցություն. եթե շատ սաղմնային մակարդակում նայենք, մարդն ունի շոր, սնունդ, աթոռ, որոշակի նյութական կարիքներ ապահովելու և բավարարելու հնարավորություն: Դա մեզ պե՞տք է բավարարի: Ոչ, ես կարծում եմ, որ չպետք է բավարարի: Այդ բոլոր պայմաններն ապահովելով՝ մարդը կարող է լինել ոչ երջանիկ: Հետևաբար, բարեկեցությունն այլևս բավարար չէ, որովհետև հարկավոր է երջանկություն»,–նշեց նա: