Ամերիկյան Business Insider ռեսուրսը հետաքրքրական հոլովակ է ներկայացրել, որում պատկերավոր ցուցադրված է, թե ինչ տեղի կունենա, եթե մեր մոլորակը դադարի պտտվել:

Գերմանիայից ու ԱՄՆ-ից մի խումբ գիտնականներ հայտարարել են, որ վերջերս անսովոր ռադիոազդանշաններ են ստացել տիեզերական տարածքից:

Նոյկիրխենի Տվյալների վերլուծության համալսարանի (Գերմանիա) ու Հավայան ինստիտուտի (ԱՄՆ) մասնագետները հայտարարել են, որ ստացել են արհեստական ծագում ունեցող բավականին ուժեղ ալիքային ազդանշաններ: Ամենայն հավանականությամբ դրանք ուղարկված են տիեզերքից՝ բանական արարածների կողմից: Երևույթի բացառիկությունն այն է, որ այդ ազդանշաններն ուղարկելու համար մեծ քանակության էներգիա է ծախսվել: Առնվազն այնքան, որքան երկնային Լուսատուն է արտադրում մեկ օրվա ընթացքում: Ազդանշանները ստացվել են մի քանի պուլսացիաների ձեւով, հայտնում է Informing-ը:

Գիտնականները վստահ են, որ ռադիոալիքները ուղարկված են Ծիր Կաթին համաստեղծությունից, քանի որ եթե դրանց ճամփորդությունը տևական լիներ՝ տիեզերքում գտնվող փոշին կխախտեր դրանց հաջորդականությունը:

Այս պահին հետազոտողները շարունակում են ուսումնասիրել տվյալ երևույթը: Ավելի մանրակրկիտ տեղեկություններ կհրապարակվեն այն բանից հետո, երբ գիտնականների թիմը կվերծանի ստացված ազդանշանները:

Ըստ գիտնականների՝ ուրվականներն ամենայն հավանականությամբ մարդկանց երևակայության արդյունքն են:  Ուրվականները պատրանք են, որ ստեղծում է մեր բանականությունը: Միաժամանակ, այս հարցում վերջնական տեսակետ դեռեւս չկա: Գիտնականները նշում են, որ տեսիլքների հետ կապված բազմաթիվ հարցեր դեռևս պարզաբանման կարիք ունեն: Մեր օրերում էլ կան մարդիկ, ովքեր հավատում են ուրվականների գոյությանը։ Ահա թե ինչ են պատմում աստղերը.

Մայլի Սայրուսը ELLE UK-ին պատմել է, որ 2009 թվականին Եվրոպական շրջագայության ժամանակ տեսել է ուրվական Լոնդոնի բնակարանում.

— Ես տեսել եմ փոքրիկ տղայի՝ նստած լվացարանին: Նա նայում էր ինձ՝ վերցնելով ցնցուղը: Միգուցե ես գժվել եմ:

1998 թվականին մահացել է Շերի ամուսինը՝ Սոննի Բոնոն և դա շատ վատ ազդեցություն է թողել Շերի վրա: Ըստ նրա՝ մինչ այսօր լսում եմ նրա ձայնը: Նա սիրում եմ ուրվականներին և գերադասում նրանց որոշ մարդկանց փոխարեն:

Լեդի Գագան համոզված է, որ նրան հաճախ է այցելում ուրվական՝ Ռայան անունով:

— Իմ Տեխասի տանը հաճախ լսվում են ոտնաձայններ: Իմ տուն այցելողը փոքրիկ աղջկա հոգին է, իմ կարծիքով նրա անունն Էմիլի է: Նա միայնակ չէ, նրանք երկուսով են:

Ըստ Կեշայի՝ նա սիրով է զբաղվել ուրվականի հետ, բայց դա պատահական է եղել.
— Ես չգիտեմ, թե ով էր նա: Նա ուրվական էր, ես շատ բաց էի նրա հետ:

Լիլի Քոլինսը պատմել է Ջիմի Քիմմելին, որ նա Իռլանդիայի հյուրանոցում տեսել է ուրվական.

-Ես լսեցի ինչ-որ հռհռոց և բացեցի աչքերս: Բոլոր դռները շարժվում էին:

Լեոնարդո դի Կապրոն ասել է, որ իր տանը կան ուրվականներ,որոնց ձայները  հաճախ լսում է և վախենում: Ձայնը այնքան արտահայտիչ է լինում,որ  ստիպված է լինում գիշերները արթնանալ քնից և զննել ամբողջ տունը,թե արդյոք ուրվականներ կամ գողեր չկան:Դերասանը որոշել էր վաճառել իր բնակարանը և գնել նորը:

https://www.youtube.com/watch?t=302&v=zGjk2CvxZ64

ՆԱՍԱ-ի գործադիր տնօրեն Չարլզ Բոլդենի խոսքերով՝ ԱՄՆ-ի տիեզերական հետազոտությունների գործակալությունը և համաշխարհային շատ այլ ընկերություններ արդեն մի քանի տասնամյակ է՝ խոսում են կլիմայի փոփոխության հետևանքները հասկանալու կարևորության մասին: Չարլզ Բոլդենը ասում է, որ եթե ուշադրություն դարձնենք հետազոտությունների տվյալներին, ի վիճակի կլինենք ճիշտ քայլեր ձեռնարկել:

Ջերմաստիճանի բարձրացումը նկատելի կլինի հատկապես երկրագնդի հյուսիսային բևեռում, Հյուսիսային Ամերիկա մայրցամաքի այն հատվածում, որն այժմ սառցապատ է: Սառցաբեկորների հալոցքի հետևեանքով համաշխարհային ծովի մակարդակը զգալիորեն կբարձրանա: Ջերմաստիճանի բարձրացումը նկատելի կլինի հիմնականում ցամաքային տարածքներում: Օվկիանոսի ջերմաստիճանը շատ չի բարձրանա ալիքների մշտական շարժի շնորհիվ: Օվկիանոսը  կկլանի տաք էներգիան, սակայն խորության շնորհիվ մակերևույթի ջերմաստիճանը չի բարձրանա:

Արևելյան Աֆրիկայում և անապատներում տեղումների 100% աճ կլինի, միաժամանակ Միջերկրական ծովի տարածաշրջանում հակառակ գործընթացը տեղի կունենա, տեղումները 40%-ով կնվազեն: Հյուսիսային Ամերիկա մայրցամաքի հյուսիսային հատվածում տեղումները կշատանան, իսկ հարավային հատվածում՝ կնվազեն:

ՆԱՍԱ-ի ղեկավարը «Ամերիկայի Ձայն»-ին տված իր հարցազրույցի ժամանակ նշում է, որ իրենց գիտնականների կարծիքով՝ ծովի մակարդակի բարձրացման 1/3-ը օվկիանոսի տաք ջրի ծավալի մեծացման հետևանքով կլինի, 1/3-ը սառցաբեկորների հալոցքի, մնացածը՝ սարերի գագաթներից հալվող սառցադաշտերի  հետևանքով:

«Ամերիկայի ձայն»

Գիտական աշխարհի համար ցնցող ելույթ է ունեցել փիլիսոփայության հայտնի պրոֆեսոր Էնթոնի Ֆլյուն: Գիտնականը, ով վաղուց թևակոխել է կյանքի իններորդ տասնամյակը, եղել է գիտական աթեիզմի համաշխարհային հիմնաքարերից մեկը: Տասնամյակներ շարունակ պրոֆեսոր Ֆլյուն գրքեր էր հրատարաում և դասախոսություններ էր կարդում, որոնց հիմքում ընկած էր այն թեզիսը, թե Աստծո նկատմամբ հավատն անհիմն է:

Սակայն վերջին ժամանականերս կատարված մի շարք գիտական հայտնագործությունները ստիպել են աթեիզմի մեծագույն պաշտպանին փոխել իր հայացքները: Ֆլյուն հրապարակայնորեն հայտարարել է, որ ինքը սխալվում էր և Տիեզերքը չեր կարող առաջանալ ինքն իրեն: Այն ակնհայտորեն արարվել է Մեկի կողմից, ով անհամեմատ զորեղ է, քան մենք կարող ենք պատկերացնել: «Այսօր արդեն անհնար է ապացուցել կյանքի ծագման և ինքնավերարտադրվող օրգանիզմների առաջացման աթեիստական տեսությունը», – ասել է Ֆլյուն.

Ըստ գիտնականի, ԴՆԹ-ի մոլեկուլի կառուցվածքի ժամանակակից տվյալները անհերքելիորեն վկայում են այն մասին, որ այն ինքն իրեն առաջանալ չէր կարող, այլ մեկի նախագծման արդյուքն է: ԴՆԹ-ում պարունակվող գենետիկական կոդը և տեղեկության բառացիորեն հանրագիտարանային ծավալը հերքում են կույր զուգատիպության հնարավորությունը:

Qahana.am կայքի «Հարցեր քահանային» բաժնում ընթերցողները էքստրասենսների վերաբերյալ հարցեր են ուղղել Տեր Սմբատ քահանա Սարգսյանին:
-Ովքե՞ր են էքստրասենսները, ինչպե՞ս վերաբերվել դրանց:
-Իմ կարծիքով, էքստրասենսոր հատկությունները մարդուն տրված գայթակղություններ են։ Այնպես, ինչպես շատ զգայուն մարդը, խաբեբա մարդու սրտաճմլիկ պատմությունը լսելով և ազդվելով, շուտով կխաբվի, այնպես էլ իբրև թե արտասովոր ընդունակություններով օժտված վիճակը գայթակղություն է թե՛ այսպես կոչված էքստրասենսի, և թե՛ նրան դիմողի համար։ Իրականում էքստրասենսի բժշկումները ոչ թե իր արտասովոր ընդունակությունների շնորհիվ են տեղի ունենում, այլ հռչակավոր բանսարկու և  խաբեբա սատանայի պատրողական ներգործության միջոցով։ Նա այսպես խաբում է միանգամից երկու հոգու՝ էքստրասենսին էլ, նրան դիմողին էլ։ Եվ կատարվում է Տիրոջ խոսքը. «Կույրը կույրին կառաջնորդի, և երկուսն էլ փոսը կընկնեն» (Մատթ. 15: 14)։ Էքստրասենսին դիմելու փոխարեն ավելի լավ կանեք, եթե դիմեք քահանային, որ Ձեզ համար աղոթի:
-Կարո՞ղ է արդյոք էքստրասենսը կապ ունենալ Աստծու հետ և մարդկանց օգնել խորհուրդներով:
-Միայն թվում է, թե էքստրասենսը կապ ունի Աստծու հետ. նա ծառայում է սատանային։ Նա մարդ է և Արարչի կամքով կրում է իր մեջ Նրա պատկերն ու նմանությունը, որը սատանային չար ծառայության պատճառով խիստ այլանդակվել է։ Նա կարիք ունի ապաշխարության՝ հրաժարվելու իր այդ չար ծառայությունից, խոստովանելու այն քահանայի առջև և թողություն ստանալու և ամենայն խոնարհությամբ հեռու մնալու մարդկանց բժշկելու հակումներից՝ որպես հիվանդագին ապրումներից, որպեսզի վերականգնվի իր մեջ Տիրոջ պատկերը։ Էքստրասենսին դիմելն անգամ ավելորդ է. էլ ո՞ւր մնաց  նրանից խորհուրդ հարցնելը։

Կյանքը մահից հետո իրողություն է։

Այսուհետ Apple ընկերության շարժական սարքեր օգտագործողները հնարավորություն ունեն ինտերնետային տիրույթում հայատառ գրառումներ անել կամ հաղորդագրություններ ուղարկել: Tert.am-ի հետ զրույցում կրթության և գիտության նախարար Արմեն Աշոտյանը նշեց, որ նախարարության կողմից շատ է կարևորվում հայալեզու էլեկտրոնային կրթական բովանդակության հնարավորությունների ընդլայնումը, ինչն առհասարակ ԿԳՆ-ի գերակայություններից մեկն է:

«Հաշվի առնելով այն հանգամանքը, որ համացանցային շփումների մի զգալի մասը իրականացվում է Apple կորպորացիայի սարքավորումների՝ iPhone-երի և iPad-երի միջոցով և դրանց օգտատերերի թիվը բավականին մեծ է՝ դեռևս 2013թ-ին դիմել էի Apple կորպորացիային՝ առաջարկելով նաև հայատառ ստեղնաշարի հնարավորություն ստեղծել, բայց հարցի լուծումը մեկ այլ տարբերակ ստացավ: Հայ հեղինակների մի խումբ ստեղծել էր առաջին հայալեզու էլեկտրոնային ստեղնաշարը, որն ամբողջությամբ Apple-ի օպերացիոն համակարգ հետ համադրելի է և կոչել «Հայտառ»: Այս ծրագիրը բավական մեծ հանրային արձագանք ստացավ, սակայն այն վճարովի էր: Մենք դիմեցինք հեղինակներին և խնդրեցինք իրենց, որ այս հարցի լուծումը ստանա այն տեսքը, ինչ հիմա ունի»,-ասաց նա և շնորհակալություն հայտնեց ծրագրի հեղինակներին՝ համագործակցելու և ծրագիրն անվճար դարձնելու համար:

ԿԳ նախարարն ընդգծեց, որ Android -ի պարագայում այս խնդիրը բացակայում է, որովհետև ի սկզբանե այս օպերացիոն համակարգում հայատառ գրառումներ կատարելու հնարավորություն եղել է։

«Այսուհետ կենցաղային մակարդակով լատինատառ հայերեն հաղորդագրություններ եթե տեսնենք, բավարար չեն լինի այն պատճառաբանությունները, որ չկան հայալեզու ստեղնաշարեր։ Խիստ ցանկալի է, որ բոլորը գրառում անեն հայերենով, պետք է հայերով իրար հետ շփվենք հայատառ գրությամբ»,-ասաց նա:

Tert.am

ՀՀ ԳԱԱ երիտասարդ գիտնականների աջակցության ծրագրի ղեկավար մարմնի անդամ Գևորգ Վարդանյանը, խոսելով ՀՀ նախագահի հովանու ներքո իրականացվող երիտասարդ գիտնականների աջակցության ծրագրի (ԵԳԱԾ) 2014-ի եռամսյա ամփոփման և նոր ծրագրերի մասին, տեղեկացրեց, որ ծրագիրը մեկնարկել է 2012 թ-ի հունիսի 1-ից և տևել մինչև 2013 թ-ի դեկտեմբերի 31-ը:

Ծրագիրը գործել է 4 հիմնական ուղղություններով:

Ֆինանսավորվել են բազմաթիվ հայտեր գիտական գործուղումներ, գիտաժողովներ, գիտական դպրոցներ, սիմպոզիումներ և գիտական այլ միջոցառումներ:

2013-14 թթ-ի համար Երիտասարդ գիտնականների աջակցության ծրագրի բյուջեն կրկնապատկվել է` դառնալով 200 մլն դրամ: Մոտ 500  երիտասարդ գիտնականներ ֆինանսական աջակցություն են ստացել:

Մարտ ամսից բաց են թողնվել 3 ծրագիր.

Առաջինը` մրցույթ է հայտարարվել ֆինանսական աջակցություն երիտասարդ գիտնականների հեղինակած գրքերի տպագրության նպատակով: Բոլոր այն գիտնականները, որոնք ունեն իրենց հեղինակած գրքերի հրատարակման խնդիր, կարող են դիմել այս ծրագրին և ստանալ մինչև 500.000 դրամի սահմաններում ֆինանսավորում:

Երկրորդ ծրագիրը վերաբերում է երիտասարդ գիտնականներին գիտական սարքերի և նյութերի ֆինանսական աջակցություն տրամադրելու խնդրին:

Եվ երրորդ ծրագիրը. ցեղասպանության 100-ամյա տարելիցին ընդառաջ՝միջազգային գիտական պարբերականներում հոդվածների տպագրության համար մրցանակաբաշխություն է անցկացվում: Այս մրցույթը նախատեսված է ոլորտում գործող բոլոր այն գիտնականների համար, որոնք կարող են այս թեմայով նյութեր տպագրել:

Գևորգ Վարդանյանը նշեց, որ գիտնականների հիմնական խնդիրներն են` ցածր աշխատավարձը և ժամանակին՝ սարքավորումների ու նյութերի բացակայությունը: Նա ասաց ,որ ծրագիրն ինչ-որ տեղ թեթևացնում է այս խնդիրները:

Մարիանա Պետրոսյան