ՀՀ փոխվարչապետ, տարածքային կառավարման նախարար Արմեն Գևորգյանն հուլիսի 22-ին ընդունեց ՌԴ  աերոտիեզերական տեխնոլոգիաների և մոնիտորինգի ինստիտուտի տնօրեն, «ՌԴ պետական աերոտիեզերք» կազմակերպության փոխտնօրեն, ՌԴ գիտության վաստակավոր գործիչ, ակադեմիկոս, գեներալ-մայոր Միխայիլ Շահմուրադյանին:

Հանդիպմանը մասնակցում էին ՀՀ ԳԱԱ նախագահ Ռադիկ Մարտիրոսյանը, ՀՀ տարածքային կառավարման, արտակարգ իրավիճակների  նախարարությունների պատասխանատու պաշտոնյաներ:

Փոխվարչապետը ողջունեց  Մ.Շահմուրադյանի ղեկավարած կազմակերպությունների պատրաստակամությունը` համագործակցել Հայաստանում համապատասխան գործունեութուն ծավալող պետական և մասնավոր ընկերությունների հետ: Հայաստան կատարած այցի ընթացքում մասնավորապես նախատեսվում է քննարկել հակակարկտային կայանների արտադրությամբ զբաղվող ընկերությունների հետ համագործակցության հնարավորությունները: Հայաստանի ավիացիոն ծառայությունների հետ կքննարկվի օդային հաղորդակցության համար կարևոր ամպամածության ներքին սահմանի բարձրացման  հարցերում հնարավոր գործակցությունը:

Ներկայացվեց նաև ՀՀ  էներգետիկայի և բնական պաշարների նախարարության հետ էլեկտրահաղորդիչ ցանցերի արդիականացման և առկա ցանցերի միջոցով մեծ էներգետիկ հզորություններ փոխանցելու ոլորտում համագործակցության հնարավորությունը:

Ըստ ՏԿՆ հասարակայնության հետ կապերի բաժնի մամլո հաղորդագրության, փոխվարչապետն առաջարկեց համապատասխան պետական մարմինների հետ քննարկել ներկայացվող առաջարկությունները, ուսումնասիրել  դրանք Հայաստանում կիրառելու և համագործակցության առավել արդյունավետ տարբերակներ հայտնաբերելու հնարավորությունները:

Չինաստանում ընթացող շախմատի աշխարհի թիմային առաջնության 5-րդ տուրի պարտիաներն ավարտվեցին ։ Հայաստանի հավաքականն այսօր իր ուժերը  չափեց և 2,5:1,5 հաշվով առավելության հասավ չինացիների նկատմամբ և 8 միավորով պահպանեց ընթացիկ առաջին տեղը:

խաղաղ արդյունքներ գրանցվեցին Վան Հաո- Լևոն Արոնյան, Չաո Լի-Վլադիմիր Հակոբյան,Վան Յուե — Սերգեյ Մովսեսյան պարտիաներում։ Միայն Գաբրիել Սարգսյանին հաջողվեց պարտության մատնել Յու Յանգին:

Ներկա պահին մրցաշարային աղյուսակը 8 միավորով գլխավորող Հայաստանի հավաքականը, հաջորդ փուլում իր ուժերը կչափի Հնդկաստանի թիմի հետ:

Չինաստան-Հայաստան 1.5-2.5
Եգիպտոս-Ռուսաստան 0.5-2.5
Հնդկաստան-ԱՄՆ 1-3
Ադրբեջան-Ուկրաինա 1.5-1.5
Հունգարիա-Իսրայել 2.5-0.5

«Հարավկովկասյան երկաթուղի» ընկերության ծառայություններից առաջին կիսամյակում օգտվել է 283,1 հազ.ուղեւոր, ինչը 29,4% պակաս է անցյալ տարվա նույն ժամանակահատվածի հետ համեմատ:    Միեւնույն ժամանակ, 2010 թ. հունվար-հունիս ամիսների հետ համամատ 29,7% աճել է ՀԿԵ-ի միջազգային ուղեւորափոխադրումների ծավալը: 2011 թ. առաջին կիսամյակում միջազգային հաղորդակցությունում փոխադրվել է 13,1 հազ. ուղեւոր, ինչը 61,7% գերազանցում է նախատեսվող ցուցանիշից:

ՀԿԵ-ի ուղեւորափոխադրումների ծավալի կրճատումը առաջին կիսամյակում պայմանավորված է մերձքաղաքային հաղորդակցությունում տեղափոխված ուղեւորների թվի 30,9%-ով նվազմամբ: 2011 թ. առաջին կիսամյակում մերձքաղաքային հաղորդակցությունում տեղափոխվել է 270 հազ. ուղեւոր, ինչը 29,2% պակաս է հունվար-հունիս ամիսների համար նախատեսվող ցուցանիշից:

Մերձքաղաքային հաղորդակցությունում ուղեւորափոխադրումների ծավալի կրճատման հիմնական պատճառն է` տարվա սկզբին Արարատի եւ Արմավիրի ուղղություններով գործող երկու տակտային գնացքների վերացումը: Այժմ համայնքների ղեկավարերի խնդրանքով տակտային գնացքների աշխատանքը կվերսկսվի, ինչը դրական է ազդելու ՀԿԵ-ի ուղեւորափոխադրումների դինամիկային:

ՀՀ գյուղատնտեսության նախարարությունը և ՀՀ գյուղի և գյուղատնտեսության աջակցության հիմնադրամը հայտնում են, որ հոկտեմբերի 14-16-ը Երևանում, Հայաստանի Հանրապետության անկախության 20-ամյակին նվիրված միջոցառումների շրջանակներում, տեղի է ունենալու «Հայագրոֆորում» խորագրով միջազգային գյուղատնտեսական համաժողովը:

Համաժողովի շրջանակներում կքննարկվեն Հայաստանում գյուղատնտեսության ոլորտում տեղի ունեցող զարգացումները, առկա խնդիրները և ոլորտում իրականացվող ծրագրերը: Համաժողովը բացառիկ հնարավորություններ է ընձեռում նաև հայաստանյան և սփյուռքահայ, ինչպես նաև տարբեր երկրներից ժամանած օտարերկրյա գործարարներին ներկայացնելու սեփական արտադրությունն ու մատուցվող ծառայությունները, հաստատելու փոխշահավետ համագործակցություն, ծանոթանալու գյուղատնտեսության ոլորտում Հայաստանում առկա ներդրումային հնարավորություններին, ինչպես նաև ծանոթանալու գյուղատնտեսության զարգացման միջազգային առաջադեմ փորձին: Համաժողովի նպատակներից է նաև ագրոպարենային բնագավառի գործարարների և ֆերմերների համահայկական ընկերակցության ստեղծումը:

Միջոցառման շրջանակներում կկազմակերպվեն մասնագիտական կլոր-սեղան քննարկումներ՝ «Ագրարային բարեփոխումներ, զարգացման ծրագրեր և միջազգային համագործակցություն», «Ագրովերամշակման հատվածի զարգացումը, սննդամթերքի անվտանգության համակարգի կարողությունների հզորացում և արտահանման խթանում», «Ագրարային գիտության, կրթության, տեղեկատվության զարգացում և նոր տեխնոլոգիաների ներդրման աջակցություն», «Ագրարային քաղաքականություն և գյուղական համայնքների զարգացման հիմնախնդիրները» թեմաներով:

ՀՀ կրթության եւ գիտության նախարար Արմեն Աշոտյանի հրամանով ստեղծվել է պետական եվ ոչ պետական բարձրագույն ուսումնական հաստատությունների 2011-12 ուսումնական տարվա առկա ուսուցման ընդունելության (ըստ բակալավրի կրթական ծրագրի) հանրապետական ընդունող հանձնաժողովը, որը սահմանված ժամկետում ապահովելու է անվճար եւ վճարովի ուսուցման մրցույթների արդյունքների ամփոփումը: Հանձնաժողովը ձեւավորվել է հետեւյալ կազմով.

Ա.Աշոտյան        — ՀՀ կրթության եւ գիտության նախարար, նախագահ,

Ա.Ավետիսյան    — ՀՀ կրթության եւ գիտության նախարարի տեղակալ,

Մ.Մկրտչյան      — ՀՀ կրթության եւ գիտության նախարարի տեղակալ,

Ա.Սարգսյան      — ՀՀ կառավարության աշխատակազմի իրավաբանական վարչության պետ,

Հ.Կարումյան    — ՀՀ կառավարությանն առընթեր ազգային անվտանգության  ծառայության   ներկայացուցիչ,

Գ.Խաչատրյան    — ՀՀ կառավարության աշխատակազմի “Գնահատման եւ թեստավորման կենտրոն” ՊՈԱԿ-ի տնօրեն,

Կ.Նասիբյան    — ՀՀ կառավարության աշխատակազմի “Գնահատման եւ թեստավորման կենտրոն” ՊՈԱԿ-ի բաժնի պետ,

Ռ.Սուքիասյան    — ՀՀ կրթության եւ գիտության նախարարության աշխատակազմի բարձրագույն  եւ հետբուհական մասնագիտական կրթության վարչության պետ, պատասխանատու քարտուղար,

Ա.Բաղդասարյան    — ՀՀ  կրթության եւ գիտության նախարարության աշխատակազմի հասարակայնության հետ կապերի եւ    տեղեկատվության վարչության պետ,

Ա.Սիմոնյան    — Երեւանի պետական համալսարանի ռեկտոր, Ո.Մարուխյան    — Հայաստանի պետական ճարտարագիտական համալսարանի ռեկտորի պաշտոնակատար,

Հ.Թոքմաջյան    — Երեւանի ճարտարապետության եւ շինարարության պետական համալսարանի ռեկտոր,

Կ. Աթոյան    — Հայաստանի պետական տնտեսագիտական համալսարանի ռեկտոր,

Ռ.Միրզախանյան    — Խ.Աբովյանի անվան հայկական պետական մանկավարժական համալսարանի ռեկտոր,

Ս.Զոլյան       -Երեւանի Վ.Բրյուսովի անվան պետական լեզվաբանական համալսարանի ռեկտոր, Շ.Շահինյան    — Երեւանի Կոմիտասի անվան պետական կոնսերվատորիայի ռեկտորի պաշտոնակատար,

Ա.Մազմանյան    — Երեւանի թատրոնի եւ կինոյի պետական ինստիտուտի ռեկտոր,

Ա.Իսաբեկյան    — Երեւանի գեղարվեստի պետական ակադեմիայի ռեկտոր,

Դ.Դումանյան    — Երեւանի Մ.Հերացու անվան պետական բժշկական համալսարանի ռեկտոր,

Վ.Առաքելյան    — Ֆիզիկական կուլտուրայի հայկական պետական ինստիտուտի ռեկտոր,

Ա.Թարվերդյան    — Հայաստանի պետական ագրարային համալսարանի ռեկտոր,

Վ.Գրիգորյան    — Գյումրու Մ.Նալբանդյանի անվան պետական մանկավարժական ինստիտուտի ռեկտորի պաշտոնակատար,

Գ.Խաչատրյան    — Վանաձորի Հ.Թումանյանի անվան պետական մանկավարժական ինստիտուտի ռեկտոր,

Ռ.Հակոբյան    — Գավառի պետական համալսարանի ռեկտոր,

Յու.Սաֆարյան    — Գորիսի պետական համալսարանի ռեկտոր,

Բ.Մակիչյան    — “Պետության կողմից հավատարմագրված հայկական համալսարանների      ռեկտորների խորհուրդ” ՀԿ-ի նախագահ, Հյուսիսային համալսարանի ռեկտոր,

Ս. Օհանյան    —  Եվրասիա միջազգային համալսարանի ռեկտոր:

Նոր պաշտոնը ստանձնելուց հետո առաջին գործը, որին ձեռնամուխ եղավ արդեն Երևանի գլխավոր ճարտարապետ Նարեկ Սարգսյանը մայրաքաղաքի Հանրապետության հրապարակի ճարտարապետական տեսքի ամբողջացումն է: Նա որոշեց ուղղել տասնամյակների սխալը և չգիտես ինչո՞ւ ընտրեց հենց այս տարին.տնտեսական ճգնաժամի տակ կքած երկրում  10 միլիոն դոլար տրամադրելով Թամանյանի նախագծով ՀՀ կառավարության շենքի կառուցվելիք թմբուկին:

Ինչպես նոր պաշտոնում իր անդրանիկ ասուլիսում նշեց Սարգսյանը, շենքի կառուցման միջոցները չեն տրամադրվի պետբյուջեից. նախահաշվով պահանջվող գումարը կներդրվի գույքային փոխանակման արդյունքում:

Նրա ներկայացմամբ 13 հազար քմ, 50 մետր բարձրությամբ 13 հարկանի շինությունը կունենա նաև սրահներ, ցուցասրահներ, ընդունելությունների դահլիճներ, վարչական, գրասենյակային տարածքներ: Կառույցում կտեղակայվի կառավարության աշխատակազմը, իսկ կառավարության շենքի համալիրում` ՀՀ սփյուռքի և արդարադատության նախարարությունները:

«Հայկական Վարկածն»  արդեն անդրադարձել է թմբուկի կառուցմանն ու դրա ընդդիմախոսների տեսակետին. Նարեկ Սարգսյանը պնդում է, որ թմբուկի կառուցումը նախատեսված է մայրաքաղաքի թամանյանական նախագծով: Ըստ նրա Հանրապետության հրապարակի ներկա տեսքը մասնագետներին չի բավարարում, և թմբուկի կառուցման հարցը ձայների ճնշող մեծամասնությամբ հավանության է արժանացել Երևանի քաղաքաշինական խորհրդում. «Խոսակցությունները, որ սա Թամանյանի նախագծով նախատեսված չէ, բացարձակ ապատեղեկատվություն են, որոնք ունեն իրենց պատճառները: Խնդիրն արծարծվել է 2008թ.-ից, և որևէ մեկի մոտ դրա վերաբերյալ հարց չի առաջացել: Կառավարության շենքի կառույցն առանց այս տարրի` թմբուկի ամբողջական չէ: Բացի այդ, թմբուկի կառուցումից հետո հանրապետության դրոշը կլինի ավելի բարձր կետում»:

Նա քար նետեց Ճարտարապետների միության ուղղությամբ` թե այստեղից հնչող դժգոհությունները անձնական շահերի արդյունք են, որոնք ավելի բարձր դասվեցին, քան մասնագիտականը:

Երևանի գլխավոր ճարտարապետի համոզմամբ և այս, նաև Սրբ. Աննա եկեղեցու կառուցման նախագծերի հետ կապված ապատեղեկատվություն տարածեցին միությունից,  հասարակության մոտ բացասական տրամադրություններ ձևավորելու նպատակով:

Հուլիսի 20-ին ՀՀ տրանսպորտի և կապի նախարար Մանուկ Վարդանյանի մոտ տեղի է ունեցել խորհրդակցություն, որին մասնակցել են «Հարավկովկասյան երկաթուղիներ» ընկերության ղեկավար անձնակազմը` գլխավոր տնօրեն Շևկետ Շայդուլլինի գլխավորությամբ:

Խորհրդակցության ընթացքում քննարկվել է Վանաձոր-Ֆիոլետովո երկաթգծի նախագածային աշխատանքների կատարման ընթաքցը, և որոշվել է առաջիկայում համապատասխան մասնագետների հետ համատեղ կազմակերպել ծրագծի ներկայացված հինգ տարբերակների, ինչպես նաև դրանց ֆինանսական գնահատականների քննարկում և ներկայացնել առաջարկություն հետագա իրականացվելիք աշխատանքների վերաբերյալ:

Երկուստեք անդրադառձել են կոնցեսիոն պայմանագրում փոփոխություններ և լրացումներ կատարելու մասին «Ռուսական երկաթուղիներ»  ԲԲԸ-ի կողմից ներկայացված համաձայնագրի քննարկման ընթացքին, երկաթուղու անշարժ գույքը որպես ՀՀ սեփականություն գրանցելու և դրանց տիրապետման իրավունքները «Հարավկովկասյան երկաթուղիներ» ՓԲԸ-ին փոխանցելու գործընթացին վերաբերող

Այսօր`Երեւան-Մոսկվա տեսակամուրջի ընթացքում «Այլընտրանք» հետազոտական կենտրոնի ղեկավար, տնտեսագիտության դոկտոր Թաթուլ Մանասերյանը հայտարարեց, որ  Հայաստանից Վրաստան ամեն տարի արտահոսում է մոտ 400 մլն դոլարի կապիտալ, որից 100 մլն դոլարը բաժին է ընկնում Վրաստանում հանգստանալու մեկնող զբոսաշրջիկներին, իսկ 300 մլն դոլարը բիզնես-կապիտալն է: Նրա խոսքով` արտահոսող կապիտալը շատ դեպքերում շրջանցում է բանկային համակարգը, այդ պատճառով պաշտոնապես չի հաշվառվում:

Տեսակամուրջին մասնակցում էր նաև ռուսաստանյան բանկային ասոցիացիայի վերլուծական դեպարտամենտի պետի տեղակալ Սերգեյ Գրիգորյանը, ըստ որի 2010 թ. երկրից զուտ արտահոսքը կազմել է 27 մլրդ դոլար, 2009-ին` 44 մլրդ դոլար: Այդ միտումը շարունակվում է նաեւ 2011-ին: Կանխատեսումների համաձայն այն կկազմի մոտ 35 մլրդ դոլար:

Մշակույթի նախարարությունը հայտարարել է Սանահինի վանական համալիրը մոտ ապագայում վերանորոգելու իր մտադրության մասին: Այս մասին տեղեկանում ենք «Չենք լռելու» երիտասարդական նախաձեռնության տարածած հաղորդագրությունից։

«Չնայած նախարարության կայքում տեղադրված ինֆորմացիան կրում է պոպուլիստական բնույթ և մի շարք հարցերի տեղիք է տալիս, անհնար է ժխտել, որ հասարակական ճնշման տակ նախարարությունը ստիպված եղավ հիշել վարչապետ Տիգրան Սարգսյանի` դեռևս 2010թ. ապրիլի 13-ին Սանահինի վանական համալիրը նորոգելու վերաբերյալ տված հանձնարարականը և ձեռնամուխ լինել դրա կատարմանը:

Սանահինի հետ կապված պատմությունն ապացուցում է, որ Հայաստանում քաղաքացիական հասարակությունն իրականում ունա՛կ է բարձրաձայնել իրեն հուզող խնդիրները և պահանջե՛լ իշխանություններից դրանց լուծումը»,- ասվում է հաղորդագրությունում:

Նախաձեռնությունը նշում է, որ շարունակելու է հետևել Սանահինի ճակատագրին և տեղեկացնել դրա մասին հասարակությանը, և խնդրում Մայր աթոռին՝ ևս հետևողական լինել Մշակույթի նախարարության կողմից Սանահինի բարեկարգման վերաբերյալ վարչապետի անցյալ տարվա հանձնարարականի կատարումը վերահսկելու հարցում:

«Հարավկովկասյան երկաթուղի» ընկերությունում մի շարք կադրային փոփոխություններ են կատարվել:

Այն, ըստ ընկերության տարածած հաղորդագրության, պայմանավորված է մի շարք գործոներով. մասնավորապես, կառույցներում աշխատանքների ինտենսիվացման անհրաժեշտությամբ և ընկերության ֆինանսական հոսքերի վերահսկման ուժեղացմամբ:

Ընկերության գլխավոր տնօրեն Շեւքեթ Շայդուլինի հրամանով, ֆիրմային տրանսպորտի ապահովման ճանապարհային կենտրոնի պետ Իլյա Կելպերիսը նշանակվել է գլխավոր տնօրենի տնտեսության եւ ֆինանսների գծով տեղակալ:

Շայդուլինի մեկ այլ մեկ հրամանով, «Դիագնոստիկա» ճանապարհային կենտրոնի պետ Անատոլի Կոմարովը նշանակվել է տեխնիկական քաղաքականության ծառայության պետի պաշտոնակատար: Իսկ «Դիագնոստիկայի» պետի պաշտոնակատար է նշանակվել կենտրոնի գլխավոր ինժեներ Խաչատուր Խաչատրյանը: