Այսօր լրատվամիջոցներից մեկն անդրադարձել է  «Արմենիա» հեռուստաընկերության «Ո՞ւր է իմ տղամարդը» հեռուստասերիալի դերասանուհի Անժելա Սարգսյանի պատմությանը, «որի մերկ լուսանկարները հայտնվել էին ինտերնետում»:

Հարկ է նշել, որ այս պատմությունը նոր չէ, և դրան ծանոթ էր որոշակի շրջանակ, սակայն խուսափում էր քննարկել, համարելով դա անվայել. Ի վերջո,  ինտերնետ ցանցում մարդկանց ինտիմ կյանքը տարածելու գարշելի և անթույլատրելի քայլը, էլ ավելի անթույլատրելի է ու տգեղ, դարձնել լայն հանրության սեփականությունը:

Իսկ «Արմենիա» հեռուստաընկերությունը որոշել է Անժելայի հեռանալը բացատրել նրա առողջական խնդիրներով և լուրեր է տարածում, իբր թե դերասանուհին մինչ այս պատմությունն էր հրաժարվել ներկայանալ աշխատանքի, և իրենք ստիպված են եղել նրան փոխարինել ուրիշով»,- հավելում է թերթը: Սակայն դա իրոք, այդպես է Անժելան ծանր դեպրեսիայի մեջ հայտնվել է հիվանդանոցում:

«Պարզվում է, այդ նկարներն իրենց սև գործն արել են` նրան հեռացրել են սերիալի նկարահանումից: Ավելին`սերիալի սցենարի հեղինակն օգտագործել է նախկին դերասանուհու շուրջ խոսակցությունները և գրեթե նույն պատմությունը ներկայացրել է վերջին սերիաներից մեկում: Ինչպես և կյանքում, նրա գործընկերուհիները սերիալում քննարկում են կատարվածը, քարկոծում նրան», -ասված է հրապարակման մեջ:

Ոչ ոք ապահովագրված չէ  չարության թիրախ դառնալուց, և այս լուրը տարածողները կամ դրանով էժանագին սենսացիա անողները, չպետք է մոռանան,որ  իրենք կամ իրենց մերձավորները արդեն հայտնվել, կամ կարող են հայտնվել նման իրավիճակում:

Ցավոք, նախանձը, չարությունն ու մերձավորի դավաճանությունը, դիմացինին տրորված տեսնելու հաճույքը  դարձել է բնականոն մեր կյանքում: «Ընկածին չեն խփում», արժանապատիվ այս ճշմարտությունը մեզանում շրջվել է 180 աստիճանով`մեզ մոտ հենց ընկածին են խփում, մոռանալով աստվածաշնչյան փառահեղ ` «Ով որ մեղք չունի թող առաջինը քարը վերցնի» ասույթը:

Հայկական վարկած

«Աշտարակ կաթ» ընկերությունը խոստացել էր  պարզաբանել սեփական արտադրության որոշ ապրանքատեսակների թանկացման իրական պատճառները, արձագանքելով գների բարձրացմանը վերաբերող մամուլի հրապարակումներին.

««Աշտարակ կաթ» ընկերությունը, սերտորեն համագործակցելով կաթ մթերող 6000-ից ավելի ֆերմերների և գյուղացիական տնտեսությունների հետ, նրանցից 2011թ–ի ընթացքում կաթ է մթերել մոտ 35%-ով ավելի բարձր գնով, քան 2010 թ. նույն ժամանակաշրջանում: Անգամ հաշվի առնելով սեզոնային որոշ տատանումներ, որոնք առկա են ամեն տարի (թե աճի, թե նվազման ուղղությամբ), նախորդ տարվա նույն ժամանակաշրջանի համեմատ մթերման գնի նշված աճը մշտապես պահպանվել է նույն մակարդակի վրա:

Գաղտնիք չէ նաև, որ այդ ժամանակահատվածում 10-50%-ով աճել են ներկրվող հումքի, փաթեթավորման նյութերի և վառելիքի գները: Հատկանշական է, որ ինքնարժեքի նման կտրուկ աճը երկար ժամանակ չի արտացոլվել «Աշտարակ կաթ» ընկերության արտադրատեսականու գների վրա: Պատճառն այն է, որ ընկերությունը միշտ ուշադրության կենտրոնում է պահել իր սպառողների շահերը, գների կայունությունը պահպանելով զուտ իր շահույթի նվազեցման հաշվին, իսկ որոշ դեպքերում նաև` վնասներ կրելով:

Կաթնամթերքի ինքնարժեքի նման կտրուկ բարձրացման պայմաններում գների անխուսափելի բարձրացման ցավոտ հետևանքները հնարավորինս մեղմելու համար «Աշտարակ կաթ» ընկերությունը նախընտրեց իր արտադրանքի գների վերանայումն իրականացնել որոշակի փուլերով: Ընդ որում, ընկերության արտադրանքի գների ներկայիս որոշակի աճը շարունակում է համարժեք չլինել կաթնամթերքի ինքնարժեքի բարձրացմանը:

«Աշտարակ կաթը» հանդիսանալով հայրենական արտադրող և խոշոր հարկատու ընկերություն` այսուհետ ևս ջանք չի խնայելու տեղական արտադրության զարգացմանը նպաստելու գործում` միևնույն ժամանակ շարունակելով հաշվի առնել թե’ սպառողների, թե’ գործընկերների, և թե’ ընկերության շահերը»,- ասվում է ընկերության մամուլի ծառայության տարածած հաղորդագրությունում:

«Բոլոր մասնագիտությունների թվով այս տարի քիչ ընդունելություն ենք ունեցել, քան նախորդ տարի` ընդամենը`693 ուսանող»,- այսօր հայտարարեց ԵՊՀ ռեկտոր Արամ Սիմոնյանը: Նա տեղեկացրեց, որ այս տարի ընդունելության մակարդակը համալսարանի հումանիտար թևում նորմալ է եղել, սակայն բնագիտության թևումդիմորդներ գրեթե չեն եղել, ինչի հետևանքով մի շարք մասնագիտությունների`մասնավորապես ֆիզմաթ գծով առաջին կուրսեր այս տարի չեն լինի: Նորընծա ուսանողների հիմնական բաշխվածությունը եղել է բանասիրության, իրավաբանության, պատմության, հայագիտության ֆակուլտետների վրա:

«Այս տարի դպրոցը շրջանավարտներ չի տվել և բուհական ընդունելությունը եղել է սակավ»,- հիշեցրեց ԵՊՀ ռեկտորը՝ ավելացնելով, որ այս խնդրի հետևանքով ի հայտ եկած դժվարությունները հաղթահարելու համար իրենք նախապես մշակել են մի շարք միջոցառումներ, ձեռնարկել քայլեր: «Սպասվածից շատ ավելի լավ իրավիճակ է՝ շնորհիվ այդ ծրագրերի և կառավարության աջակցության, և կարծում եմ, որ բոլոր բուհերը հաջողությամբ այդ խնդիրները հաղթահարելու են: Այս տարի պահպանվելու է բարձրագույն կրթության պետական վարկավորումը՝ անկախ ընդունված ուսանողության քանակից»,- հայտարարեց ԵՊՀ ռեկտորը:

Խնդիր է առաջացել դասերի ժամաքանակների պակասը լրացնելու հարցում, սակայն Սիմոնյանի խոսքով, իրենց ձեռնարկած քայլերը արդյունք են տվել: Մասնավորապես, հեռակա ուսուցման ծանրաբեռնվածությունն այսօր մտցվել է հիմնական ծանրաբեռնվածության մեջ. «Այսինքն, եթե մի ամբիոնում մեկ դրույքի դեֆիցիտ է առաջացել, մենք փակել ենք այդ ճեղքվածքը հեռակա ծանրաբեռնվածությունը տեղավորելով հիմնական ծանրաբեռնվածության մեջ»: Ուսման վարձերի փոփոխություն, Սիմոնյանի հավաստմամբ, ԵՊՀ-ում չի եղել և առաջիկա տարիներին չի էլ նախատեսվում:

Համաձայն պաշտոնական տեղեկության` Երևանից Լեռնային Ղարաբաղ զորակոչված, 1992 թվականին ծնված Աղասի Աբրահամյանը մահացել է Ղարաբաղի զորամասերից մեկում օգոստոսի 26-ին, ժամը 21:30-ի սահմաններում: Հայտնվել է, որ 18-ամյա զինվորը անգիտակից վիճակում տեղափոխվել է զինվորական հոսպիտալ, որից  մեկ ժամ անց մահացել է:

Սակայն ութ ամիս առաջ բանակ զորակոչված Աղասու մայրը` Գայանե Աբրահամյանն ասում է, որ որդու մարմնի վրա բազմաթիվ վնասվածքներ կան, ինչը ըստ նրա, վկայում է տղային դաժանաբար ծեծելու մասին: «Իմ երեխային դաժանաբար ծեծելով սպանել են: Ես առողջ երեխա եմ տվել, առողջ էլ ուզում էի ստանալ, ոչ թե մահացած բերեին-դնեին իմ տանը և ինձ մղկտացնեին», — ասել է մայրը:

«Ազատություն» ռադիոկայանը հաղորդում է, որ մահացած զինվորի հարազատները պնդում են, որ 18-ամյա տղային ոչ թե անզգուշությամբ են մահ պատճառել, այլ սպանել են ծեծելով: Զինվորի ընտանիքն արդեն ստացել է մահվան վերաբերյալ նախնական տեղեկանքը: Եզրակացություն մեջ որպես մահվան պատճառներ նշում է մի քանիսը` գլխուղեղի կենսական կարևորագույն ֆունկցիաների սուր խանգարում, փակ, բութ գանգուղեղային վնասվածք, արյունազեղումներ, քերծվածքներ, սալջարդ վերքեր` գլխի, իրանի, վերջույթների շրջանում:

Ըստ զինվորի ծնողների՝ քրեական գործ պետք է հարուցվեր սպանության հատկանիշներով, մինչդեռ նախաքննական մարմինը քրեական գործ է հարուցել Քրեական օրենսգրքի 112 հոդվածի երկրորդ մասի 14 կետի հատկանիշներով` դիտավորությամբ առողջությանը ծանր վնասվածք պատճառելը, որն անզգուշությամբ առաջացրել է տուժողի մահը:

Լրատվամիջոցի փոխանցմամբ մայրն ասում է, թե զորամասից իրենց սկզբում այլ լուր էին հաղորդել, ասելով, թե իբր որդին թունավորվել է: Հետո էլ հարցրել էին, թե հնարավո՞ր է տղան էպիլեպսիայով է տառապել: Զինվորի հորեղբոր պնդմամբ էլ, սկզբում հրամանատարական կազմից հայտնել են, թե էպիլեպսիա հիվանդության պատճառով զինվորը ուշագնաց է եղել, ինչի հետևանքով վայր է ընկել անկողնուց, որտեղ պառկած էր թունավորվելուց հետո ու ստացել վնասվածքներ:
Զինվորի մայրը պատմում է, թե որդու հետ դեպքից երեք օր առաջ էր խոսել: Մայրը զգացել է, որ որդին տրամադրություն չունի: «Իրա տրամադրությունը ինձ դուր չեկավ, բայց ոչինչ չասեց, հարցրեցի` ասաց` լավ եմ», — ասել էր Գայանե Աբրահամյանը: Եթե նույնիսկ զինվորը տառապել է էպիլեպսիայով, պետք է պատժվեն նրան բանակ զորակոչած անձինք:

Այսօր տեղի կունենա Աղասի Աբրահամյանի հուղարկավորությունը:Նա Երևանից էր, Ռուսաստանից Հայաստան էր եկել, բանակ զորակոչվելու համար:

Պաշտպանության նախարարությունը, ելնելով նախաքննության շահերից, տեղեկատվություն չի տրամադրում: Զինվորի մահվան դեպքի առնչությամբ դեռևս ձերբակալվածներ չկան:

Նալբանդյան 106/1 հասցեում շրջակա շենքերի բնակչության ներկայացուցիչների հետ Նարեկ Սարգսյանի երեք հանդիպումները հանգեցրեցին մի նախագծի հրապարակմանը, որով նախատեսվում է նշված հասցեում չորս 7 հարկանի շենքեր կառուցել՝ կանաչ տարածքի հաշվին: Այժմ կառուցապատողը, առանց համաձայնության, փորձում է ցանկապատել տարածքը՝ վնասելով տարածքում աճող ծառերի բները (տես ստորև բերված նկարը):

Այսօր Նալբանդյան 106/1 հասցեում կայացավ «Ոչ՝ բետոնապատմանը» խորագրով քաղաքացիական ստուգայցը    որին մասնակցեցին ՆԳՆ նախկին մանկապարտեզի շրջակա շենքերի բնակիչների, հասարակական կազմակերպությունների և քաղաքացիական նախաձեռնությունների ներկայացուցիչներ: Տեղի բնակիչների հետ Երևանի գլխավոր ճարտարապետի երրորդ հանդիպումից հետո նշված տարածքում հրապարակվել է նոր ցուցապաստառ, որտեղ պատկերված է առաջարկվող քաղաքաշինական նախագիծը: Բնակիչները դժգոհում են, որ գլխավոր ճարտարապետի հետ կարծես խաղաղ-կառուցողական քննարկումներից հետո, նշված նախագծի հրապարակմանը զուգընթաց ձեռնարկվել են ցանկապատման լայնածավալ աշխատանքներ, որոնց ընթացքում վնասվում է բակի կանաչ տարածքը:

Հանդիպման մասնակիցները ստիպված եղան անձամբ քայլեր ձեռնարկել ազատելու բակի հաստաբուն ծառերից մեկը, որի բունը փաստացիորեն օգտագործվել էր որպես ապագա շինհրապարակի ցանկապատի շինանյութ, դրա կեղևը վնասվել էր, վրան բազմաթիվ մեխեր և ամրալարեր էին կապկպվել, իսկ հիմքը պատվել էր բետոնով: Նմանատիպ վայրենությունների հեղինակները որպես կանոն խուսափում են գործողությունը որպես դիտավորություն ներկայացնելուց: Այստեղ, սակայն, շինարարության պատասխանատուները և բանվորները ամեն կերպ պատճառաբանում էին, թե իրենք «կատարող» են, սակայն քաղաքի կենտրոնում սակավաթիվ ծառերի նկատմամբ նման վայրենաբարո վերաբերմունքը այդքանով դժվար թե արդարացվի: Մենք կունենանք առողջ հասարակություն, երբ «կատարողները» գիտակցեն, թե ինչ են կատարում և թե ինչի է դա հանգեցնելու տարիներ հետո:

Ակցիայի ընթացքում որոշվեց լայն հասարակական քննարկման դնել տարածքի համար առաջարկված քաղաքաշինական նախագիճը, ինչպես նաև պահանջել կոնկրետ հատակագիծը, որը հիման վրա բնակիչները կկարողանան նախագծի ծավալատարածական պարամետրերի առումով ավելի հստակ պատկերացում կազմել:

շարունակելի

«Մեր Քաղաքը» նախաձեռնություն

Նախագահ Սերժ Սարգսյանն այսօր ընդունել է 2011թ. միջազգային առարկայական օլիմպիադաներում պարգևների արժանացած աշակերտներին, «Մենք ենք տերը մեր Անկախության» թեմայով շարադրության մրցույթի և «Կենգուրու» միջազգային մաթեմատիկական խաղ-մրցույթի մրցանակակիրներին:

Հանրապետության ղեկավարը ողջունել է ՀՀ նախագահի նստավայրում արդեն ավանդական դարձած հանդիպման մասնակիցներին, նշելով, որ մաթեմատիկայի «Կենգուրու» մրցույթը մեզանում արդեն մեծ համարում է ձեռք բերել, և հաղթողներն էլ քիչ չեն: Սերժ Սարգսյանը շնորհավորել է առարկայական միջազգային օլիմպիադաներում հաղթողներին, ընդգծելով, որ նրանք ուղեցույց են դառնում իրենց շատ հասակակիցների, այդ թվում նաև՝ «Կենգուրու» մրցույթի հաղթողների համար:

«Ինձ համար ավելի թանկ բան չկա, քան Հայաստանում տեսնել խելացի նոր սերունդ: Համոզված եղեք, որ այս հանդիպումը ինձ համար էլ է շատ կարևոր: Ես ցանկանում եմ հնչեղություն հաղորդել ձեր լավ գործերին, որովհետև եթե մեր հասարակության յուրաքանչյուր անդամ իր գործը կատարի այնպես, ինչպես դուք եք կատարում, ապա մենք մի քանի քայլ արդեն առաջ կլինեինք այնտեղից, որտեղ հիմա ենք:

Ցանկանում եմ, որպեսզի ձեր հասակակիցները ձեզ այստեղ տեսնեն, որպեսզի նրանց մոտ ցանկություն առաջանա ձեզնից հետ չմնալու: Ցանկանում եմ, որպեսզի ձեր օրինակը լինի վարակիչ: Հիշո՞ւմ եք Պարույր Սևակի հայտնի խոսքերը. «Մարդիկ իրար առողջությամբ թող վարակեն»: Ես ցանկանում եմ, որպեսզի ձեր օրինակը լինի վարակիչ, որպեսզի մենք լավ իդեալներ կարողանանք ձևավորել, որովհետև, ցավոք, մեր հասարակության մեջ կան նաև վատ բարքեր, կան ոչ ճիշտ հասկացված իդեալներ, կան կեղծ հերոսներ, իսկ դրանք կարող են գայթակղիչ լինել անփորձ երիտասարդների համար:

Ցանկանում եմ, որպեսզի մեր հասարակության մեջ կարևորվեն կիրթ և մտածող մարդիկ՝ այնպիսին, ինչպիսին մեր շախմատիստներն են: Մենք ձեզ հետ միասին նաև պետք է պայքարենք այդպիսի հասարակության համար: Մենք ունենք շատ լավ երեխաներ, շատ լավ երիտասարդներ, որոնց դաստիարակման հիմնական հոգսը ընտանիքների վրա է, բայց մենք պետք է կարողանանք բարձրացնել նաև դպրոցի, արտադպրոցական հաստատությունների դերը: Անշուշտ, դուք ձեր ծնողների հպարտությունն եք, բայց միևնույն ժամանակ՝ նաև մեր հասարակության: Ձեր տաղանդը, ձեր ձիրքը մեր հասարակությանը շատ են անհրաժեշտ: Ապրե՛ք: Շարունակե՛ք նույն ոգով: Վստա՛հ եղեք, որ տքնաջան աշխատանքը միշտ արդյունք է տալու:

Սա ձեր առաջին հաջողությունն է, բայց լավ աշխատելու, կարգապահ լինելու, բարի լինելու դեպքում արդյունքներն անպայման երևալու են: Համոզված եղե՛ք: Ձեզնից յուրաքանչյուրը կարող է ասել՝ այո՛, Հայաստանը ես եմ: Մեկ անգամ ևս բոլորիդ շնորհավորում եմ, շնորհակալություն եմ հայտնում և ձեր ապագա հաջողությունների ակնկալիքով ձեզ մաղթում եմ առողջություն, ջանասիրություն»,-ասել է Նախագահ Սերժ Սարգսյանը:

Հանրապետության ղեկավարի ողջույնից հետո, «Մենք ենք տերը մեր Անկախության» թեմայով շարադրության մրցույթի հաղթողներից մի քանիսը ցանկություն են հայտնել ՀՀ նախագահի համար հատվածներ ընթերցել իրենց շարադրություններից, իսկ 2011թ. միջազգային առարկայական օլիմպիադայի մրցանակակիր աշակերտները իրենց տպավորություններն են ներկայացրել օլիմպիադայից:

Նախագահ Սերժ Սարգսյանը նվերներ է հանձնել 2011թ. միջազգային առարկայական օլիմպիադաներում պարգևների արժանացած աշակերտներին: Հանդիպման բոլոր մյուս մասնակիցները հուշանվերներ են ստացել:

2011թ. միջազգային առարկայական օլիմպիադայի հաղթողներին և Հայաստանի Հանրապետության 20-ամյակին նվիրված «Մենք ենք տերը մեր Անկախության» թեմայով շարադրության մրցույթի մրցանակակիրներին ՀՀ կրթության և գիտության նախարար Արմեն Աշոտյանը հանձնել է խրախուսական շնորհակալագրեր: «Կենգուրու-2011» մրցույթի միջազգային մաթեմատիկական խաղ-մրցույթի բացարձակ հաղթող Արաքսի Գասպարյանը պարգևատրվել է ոսկե մեդալով և հավաստագրով, իսկ յուրաքանչյուր մարզում և տարիքային խմբում լավագույն արդյունք արձանագրած աշակերտները՝ հավաստագրերով:
Սերժ Սարգսյանը երեխաներին հրաժեշտ տալուց հետո, դուրս է եկել ՀՀ նախագահի նստավայրից և շնորհավորել ու շնորհակալություն հայտնել նստավայրի մոտ հանդիպման մասնակից երեխաներին սպասող ծնողներին և ուսուցիչներին: «Ինձ համար ամենակարևոր հաղթանակը գիտելիքով ձեռք բերված հաղթանակն է»,- ասել է Նախագահ Սարգսյանը:

Այսօր Ծաղկաձորում անկացվող «ՀՀ-ում գիտության ֆինանսավորման ավելացման և ֆինանսավորման ուղիների դիվերսիֆիկացիայի հնարավոր ուղիները» խորագրով համաժողովի մասնակիցներին  անակնկալ այցելել է Հայաստանի Հանրապետության նախագահ Սերժ Սարգսյանը։

Նա ելույթ է ունեցել քննարկման ժամանակ և ի պատասխան գիտնականների պահանջի ասել է, որ բոլոր ոլորտներն էլ ունեն իրենց խնդիրները, յուրաքանչյուրն իր ցավն է դեմ տալիս, և  որպես ավելի ռացիոնալ տարբերակ առաջարկել է  ոչ թե հենց այս պահին պահանջել ֆինանսավորման ավելացում, այլ վերակազմավորել ներսում եղած ռեսուրսներն ու ավելի արդյունավետ օգտագործել, տեսնել անհրաժեշտություն կա՞ արդյոք այդքան համարյա չգործող գիտական հաստատությունների և այդ հաստատությունները աշխատում են ամբողջովի՞ն, թե ուղղակի հաստատություններ կան, որոնք թղթի վրա են: Պետք է վերահսկել այսօր տրամադրվող ֆինանսների կառավարումը և տեսնել արդյո՞ք դրանք ճիշտ են կառավարվում, այնուհետեւ վերաբաշխել։

Արեգ Միքայելյան (ֆ-մ, գ.դ., ՀՀ ԳԱԱ Բյուրականի աստղադիտարան) առաջարկել է ՀՀ նախագահին իր սեփական ֆոնդից աջակցություն ցուցաբերել գիտնականներին ու ջանքեր գործադրել գիտնականի վարկանիշը բարձրացնելու համար։

Նախագահը պատասխանել է, որ հասարակության մեջ եղել են դեգրադացիոն պրոցեսներ և դրանք մեկ տարում կամ տասը տարում վերացնելը հնարավոր չէ. գիտնականի վարկանիշի անկումն էլ իր հերթին կապված է հասարակության վերաբերմունքի հետ։

Այնուհետեւ ՀՀ ԳԱԱ ակադեմիկոս քարտուղար Հրանտ Մաթևոսյանն է դիմել  Նախագահին այն հարցով, որ վիրավորում է նրան. գիտնականի աշխատավարձը մոտ երեք անգամ ցածր է հանրապետական միջին աշխատավարձից։ Գիտնականը խնդրել է ուշադրություն դարձնել այդ հարցին և վերանայել թվերը այս տարվա բյուջեի քննարկումներում։

Նախագահը պատասխանել է որ` իհարկե բարձր պետք է լինի գիտնականի աշխատավարձը, և ոչ միայն գիտնականի, բայց այդ ամենը արագ լուծվող հարցեր չեն և պետք է դիտարկել ընդհանուր իրավիճակի մեջ։

Վերջում Նախագահը հանձնարարել է առանձին հանդիպում կազմակերպել նախաձեռնության հետ, նաև հավելել, որ իր աջակցությամբ առանձին ֆոնդ կստեղծվի երիտասարդ գիտնականներին աջակցելու համար։

Հիշեցնեմ, որ համաժողովը կազմակերպել են Հայաստանի երիտասարդական հիմնադրամը, Հայաստանի ԱՄՆ շրջանավարտների ասոցիացիան (USAAA), ԱՐՄԱԿԱԴ-ը և ֆեյսբուքյան «Պահանջում ենք գիտության ֆինանսավորման ավելացում» նախաձեռնությունը, որը սոցցանցերում գործող ամենալայնածավալ նախաձեռնությունն է, և առայժմ` ամենաարդյունավետ։

Այս պահին Ծաղկաձորում երիտասարդ ու ավագ տարիքի գիտնականներ, գիտության կազմակերպիչներ, միջազգային կառույցների ներկայացուցիչներ, լրագրողներ, ովքեր մտահոգ են մեր երկրում գիտության ապագայով, կամ ավելի ճիշտ կլինի ասել արդեն` մրցունակ գիտության գոյությամբ  հավաքվել են և ազատ ընկերական մթնոլորտում փորձում են լուծում գտնել այս հարցին: Նրանք հրավիրված են  Օգոստոսի 26-28-ը մասնակցելու «ՀՀ-ում գիտության ֆինանսավորման ավելացման և ֆինանսավորման ուղիների դիվերսիֆիկացիայի հնարավոր ուղիները» խորագրով համաժողովին, որը կազմակերպել են Հայաստանի երիտասարդական հիմնադրամը, Հայաստանի ԱՄՆ շրջանավարտների ասոցիացիան (USAAA), ԱՐՄԱԿԱԴ-ը և ֆեյսբուքյան «Պահանջում ենք գիտության ֆինանսավորման ավելացում» նախաձեռնությունը:

Համաժողովի նպատակն է համախմբել մեր երկրի երիտասարդ ու ավագ սերնդի գիտնականներին, ներկայացնել թեմատիկ դասախոսություններ և մտագրոհների ու ակտիվ քննարկումների ձևաչափում արդյունքում հասնել գիտության ֆինանսավորման ավելացման ուղիների բացահայտմանն ու նպաստել այդ ուղիների դիվերսիֆիկացիայի` բազմազանացման համար օպտիմալ պայմանների ստեղծմանը:

Ներկա են շահառուներն ու հնարավոր թիրախային խմբի բավականին զգալի մասը:

Համաժողովի ընթացքում անդրադարձ կլինի պետբյուջեից գիտության ֆինանսավորման ձևերին, գիտամանկավարժական կադրերի պատրաստման և որակավորման խնդիրներին։ Կներկայացվի գիտության ֆինանսավորման ոլորտում միջազգային փորձը։

Մի խոսքով` մարդիկ հավաքվել են,  որ մի կերպ փրկեն գիտությունը: Տեսնենք ինչ կստացվի:

Անցած շաբաթ օրը Կազանը ցնցվեց 17-ամյա Դարյա Մաքսիմովայի դաժան բռնաբարության ու սպանության լուրից: Աղջկա ընկերները նրան գտել են  Գլուբոկոյե լճի ափամերձ հատվածում: Մահվանից քիչ առաջ աղջիկը հասցրել էր զանգահարել ընկերոջն ասելով, որ իր նկատմամբ կովկասցիները ոտնձգություն են կատարում: Ընկերները նետվեցին աղջկան օգնության, բայց երբ տեղ հասան, արդեն շատ ուշ էր…

Այդ օրը Դարյան լողափի արևն էր վայելում, երբ նրան սկսեցին «կպնել» ինչ-որ տղամարդիկ: Նա որոշեց հեռանալ այնտեղից և մոտ 16.30 Դարյան ճամփա ընկավ անտառի միջով դեպի ավտոբուսի կանգառը: Այնտեղ նա պետք է հանդիպեր սիրած տղային` իր ընկերների հետ, որպեսզի նրան տուն ուղեկցեն, պատմում է «Комсомольская правда»-ն: Բայց կանգառ նա այդպես էլ չհասավ… Երիտասարդները գնացին փնտրելու, և դեպի լիճը տանող ճանապարհից այն կողմ, թփերում գտան աղջկա անկենդան մարմինը բռնության հետքերով:

Հետաքննության տվյալներով պարզվել է, որ հանցագործները չորսն են: Չնայած ռուս իրավապահների զգուշավորությանը, ինչպես նաև ազգայնականների այն պնդմանը, որ ԶԼՄ-ները ներքին հրաման են ստացել չհրապարակել հանցագործների ազգությունը, այնուամենայնիվ պարզ է դարձել, որ ձերբակալվածներից երկուսը Հայաստանի քաղաքացի են, ևս երկուսը հետախուզվում են։ Նրանք մեղադրվում են բռնաբարության ու սպանության մեջ:

Աղջկա դին հայտնաբերած երիտասարդներից մեկը պատմել է դեպքի մասնրամասների մասին ProKazan.ru պորտալին: Նրա պատմելով, երբ ընկերներով նստած ճաշում էին, տղաներից մեկին զանգահարեց Դաշան ու դողացող ձայնով ասաց. «որ իրեն Գլուբոկոյե լճի մոտ ինչ—որ տղաներ են «կպնում», ոչ թե մեկը, կամ երկուսը, այլ ավելի շատ: Մենք շարժվեցինք դեպի Գլուբոկոյե, զանգից մոտ քսան րոպե էր անցել: Երբ մոտենում էինք լճին, Դաշայի հեռախոսն արդեն ահասանելի էր դարձել… Մենք մոտեցանք սարի կողմից, այնտեղից իջանք ջրի մոտ, որտեղ ես մի տղամարդու հարցրեցի, գուցե տեսել է աղջկան: Նա ասաց, որ տեսել է, ու հաստատեց, որ նրան «կպնում» էին տղամարդիկ»,- հիշում է երիտասարդը: Թե ինչու այդ տղամարդը չի օգնել աղջկան, կամ չի զանգել ոստիկանություն` պարզ չէ: ProKazan.ru-ի որոշ ընթերցողներ ասում են, որ եթե նա մի փոքր ուշադիր լիներ ու խիզախ, բռնության զոհին հավանաբար հնարավոր կլիներ փրկել… Մյուսները հակառակն են ասում, որ եթե նա փորձեր միջամտել, ապա թփերում արդեն երկու դիակ կլիներ:

Ջրի մոտի տղամարդուն հանդիպելուց հետո երիտասարդները բաժանվեցին երկու խմբի: «Ես ընկերոջս հետ գնացի աստիճաններով վերև ու այն անտառային արահետով, որի վրա էլ հետագայում գտանք նրան: Իսկ մեր ընկերները մեքենայով շրջանցելով էին գնում: Մենք հանդիպեցինք ավտոճանապարհի ու արահետի հատման կետում: Հետո գնացինք փնտրելու այն տեղերում, ուր սովորաբար խորոված բան են անում, բայց այնտեղ էլ չգտանք Դաշային: Այնտեղ մեզ տեսան ոստիկանության աշխատակիցները, քանի որ մենք անհանգստացած վազում էինք, ու ակնհայտ էր, որ մենք մարդ ենք ման գալիս: Հետո հասկացանք, որ ամնե ինչ շատ լուրջ է ու շատ վատ, նորից վազեցինք դեպի լիճ տանող անտառային արահետով», — պատմում է երիտասարդը:

«Խոտերի մեջ տեսա արևային ակնոցների փայլատակող ապակին, որն արյունոտ էր: Ես բարձրացրեցի ու հարցրեցի նրա ընկերոջը, թե սա Դաշայինը չի՞: Նա վերցրեց ապակին, սարսափած դեն գցեց ու գոռաց, որ նրանն է: Էլի մի քայլ գցելով դեպի թփերը, նա տեսավ Դաշայի լաղափի կոշիկն ու ճչաց, որից հետո ես էլ ոչ մի բանի մասին չմտածելով նետվեցի ոստիկաններին գտնելու որոնց մենք նախկինում տեսել էինք խորավածի տեղը: Հետո ոստիկանների հետ ետ եկա արահետի վրա, վազելով առաջ եկավ նրա ընկերն ու չոքելով ծնկներին գոռաց. «Ախպերս, ինքը մեռած ա, Դաշկան մեռած ա»: Հետո, ոստիկանների հետ արդեն վազեցինք դեսպանության վայրը, որը մի 15 մետր այն կողմ էր արահետով: Այն ինչ ես տեսա հետո, ոչ ոքի չեմ ցանկանա տեսնեն: Կուզեի ավելացնել, որ սա ոչ միայն սպանություն է, սա դաժան սպանություն է »…

Կազանում լուրեր են պտտվում, որ սպանությանը մասնակից են ծագումով կովկասցիները, չնայած պաշտոնական հաստատում այդ վարկածի չկա: Այսպես, ազգայնական մի կայք պնդում է, որ «թեժ հետքերով ոստիկանության աշխատակիցները ձերբակալել են մոտ երեսուն կովկասցու, ովքեր այդ օրը Գլուբոկոյե լճի տարածքում են եղել», նրանցից մեկն իբրև ընդունել է, որ համառորեն փորձել է ծանոթանալ Մաքսիմովայի հետ, բայց դրանից հետո աղջիկը հեռացել է լողափից, ու թե ինչ է եղել նրա հետ հետո` նա չգիտի:

«Սա առաջին դեպքը չի, որ աղջիկ են բռնաբարում այդ լճի մոտ: Ես ուզում եմ, որ ծնողները զգույշ լինեն ու պահպանեն երեխաներին, քանի որ նման բան կարող է պատահել ցանկացած երեխայի հետ», ասել է աղջկա մայրը` Մարինա Մաքսիմովան:

Ինչպես ծնողները հետո իմացել էն, աղջիկը զանգել է եղբոր կնոջն ու բողոքել, թե լողափում իրեն  «կպնում» են: Հետո նորից է զանգել ու ասել, որ ամեն ինչ նորմալ է, որ անծանոթները կարծես նրան հանգիստ են թողել: Բայց քանի որ վախեցած էր, աղջիկը իր սիրած տղային այնուամենյանիվ խնդրել է գալ իր ետևից:

«Դաշան որոշել էր դուրս գալ կանգառի մոտ, որտեղ պետք է գար նրա ընկերը, պատմում է Դաշայի մայրը: Նա զանգել է եղբոր կնոջն ու խոսացել է նրա հետ ողջ ճանապարհին, քանի դեռ գնում էր լճից կանգառ: Հանկարծ կապն ընդհատվեց ու լռություն տիրեց, հետո հարսս ինչ-որ ձայն լսեց, ասես խոտի խշխշոց: Երեւի այդ վիժվածքները գլխին տալով շշմացրել ու անջատել են աղջկաս ու քարշ էին տալիս խոտերի վրայով, դրանից հետո Դաշայի հեռախոսն անհասանելի դարձավ»…

«Աղջկաս այլանդակված են վերադարձրել, — ասում է Դաշայի մայրը, — Ասացին, որ գլուխը տարել էն փորձաքննության: Միայն դեմքի մաշկն էր մնացել: Գլխի տեղն ասես փչած փուչիկ լիներ, սարսափելի էր նրան նայելը: Դաշայից վերցրեցին ամեն ինչ` կյանքն ու գեղեցկությունը: Ես նույնիսկ աղջկաս դեմքին չէի կարողանում կպնել, երբ նրան թաղում էինք»…

Դաշայի հայրն ասում է, որ երբ եկել է ողբերգության վայրը, դեմքը նորմալ է եղել, և թե աղջկան ծնողներին ինչո՞ւ են այդ վիճակում վերադարձրել` հայտնի չէ: «Դաշան ասես քնած լիներ, երբ ես տեսա նրան: Բայց դեմքն արյունոտ էր, նրան այլանդակել էին, աղյուսով այնքան ուժեղ էին խփել գլխին, որ հողն այդ տեղում փոս էր ընկել: Ո՞ր մեղքի համար»…

«Շուտով ինն օրն է, և շաբաթ օրը պիկետ է լինելու, — նշել է աղջկա մայրը, — ես չեմ կարող ասել որտեղ, բայց թույլտվություն կա: Դա կլինի ինտերնետում, այնտեղ, որտեղ նրանք հավաքվում են: Ես կոչ չեմ անում պայքարելու, ես կոչ չեմ անում պատերազմի, ես միայն կոչ եմ անում խաղաղության հաստատման: Գիտե՞ք մենք` ռուսներն ու թաթարները այսքան տարի հաշտ ու խաղաղ ապրում ենք, հայրս թաթար է, ես ինձ ռուս եմ համարում, ամուսինս չուվաշ է, մեզ մոտ երբեք տարաձայնություններ չեն եղել մինչև Լեբյաժյե գալը: Ես ապշում եմ, այստեղ միայն այլազգիներ են, մերոնք քիչ են: Ես նացիոնալիստ չեմ այդպիսին դարձրել են: Իմ աղջիկն էլ նացի երբեք չի եղել: Ինձ համար շատ ծանր է այդ մասին խոսալը»…

Սեպտեմբերի 27-ին Դարյա Մաքսիմովան կդառնար 18 տարեկան

Աղբյուր` newsru.com

Երեկ անակնկալ տեղեկություն հաղորդվեց որ օգոստոսի 24-ին ոսկու գինը իջել է 5,6%-ով   մեկ ունցիան սահմանվելով 1757,3 դոլար, ինչը 2008թ.-ի մարտի շարժից  հետո համարվում է ռեկորդային ։

Շաբաթվա սկզբին ոսկու գինը հասել էր աննախադեպ բարձրության  մեկ ունցիան`1910 դոլար։ Հուլիսի սկզբին սկզբին ոսկու գինը բարձրացավ շուրջ 25%-ով, խուճապ առաջացնելով, որից հետո մի շարք փորձագետներ կարծիք հայտնեցին, որ առաջիկա շաբաթների ընթացքում ոսկու գինը կգերազանցի 2000 դոլարը: Առայժմ որևէ կանխատեսում չի հրապարակվել: