Սեպտեմբերի 18-ին, Լեհաստանի դեսպանատան աշխատակից Լ. Կարապետյանից ահազանգ է ստացվել, որ Լեհաստանի 3 քաղաքացի` 1 կին եւ 2 տղամարդ, բարձրացել են Արագած լեռը եւ չեն վերադարձել: Հայտնի է, որ որոնվողներն իրենց ընկերներին պետք է հանդիպեին Արթիկ քաղաքում,բայց այդպես էլ չեն եկել:

Հայաստանի ԱԻՆ փրկարար ծառայությունից  հայտնում են, որ Արթիկ քաղաքի հրշեջ-փրկարարական ջոկատի հրամանատարը եւ շրջակա գյուղերի գյուղապետերը քաղաքի հյուրանոցներում եւ շրջակա տարածքներում որոնում են արշավախմբի մյուս անդամներին, որոնցից հնարավոր կլիներ ճշտել արշավախմբի երթի ուղղությունները: Լեհաստանի քաղաքացիները գտնվել են անվնաս, նրանց կյանքին վտանգ չի սպառնում:

Սեպտեմբերի 18-ին, ժամը 14.40-ի սահմաններում, Երևան-Սևան ճանապարհի 33-րդ կմ-ին «Մերսեդես Բենց C-280» մակնիշի ավտոմեքենան դուրս է եկել ճանապարհի հանդիպակաց` դեպի Երևան տանող ուղեմաս, կոտրել երկաթե և բետոնե արգելապատնեշները, դուրս եկել երթևեկելի մասից աջ, ընթացել մոտ 60 մ և կանգ առել ճանապարհի աջակողմյան հատվածում գտնվող անտառում:

Ինչպես հայտնեցին ոստիկանությունից, վարորդը մարմնական վնասվածքներով տեղափոխվել է հիվանդանոց, իսկ երեք ուղևորները տեղում մահացել են:

Կատարվում է քննություն:

Մամուլում և հասարակությունում մեծ արձագանք ստացած խելագարության հասցված նախկին զինվոր Հովհաննես Վարդանյանի ընտանիքին օգնելու նպատակով սեպտեմբերի 17-ին Ազատության հրապարակում մի խումբ երիտասարդներ հավաք էին կազմակերպել:

Արդեն երկու ամիս է, ինչ Հովիկը գտնվում է Նորք-Մարաշի հոգեբուժարանում: Նրա բուժման համար անհրաժեշտ է բավականին մեծ գումար, որը սոցիալապես անապահով ընտանիքը չի կարող տրամադրել: Մայրը 2-րդ կարգի հաշմանդամ է, քույրը` անչափահաս: Գումարը փոխանցելու համար բացվել է հաշվեհամար: Ակցիայի կազմակերպիչները կոչ են անում բոլորին օգնել ընտանիքին` Հովիկի բուժումն արտասահմանում իրականացնելու համար:

Հովհաննեսի մոր` Անահիտ Այվազյանի խոսքերով` իր տղան միշտ ցանկացել է բժիշկ դառնալ. «Անգամ որոշել էր ծառայելուց հետո աշխատել, որ ուսման վարձը վճարի: Սակայն ամեն ինչ շուռ եկավ, որդուս երազանքները հօդս ցնդեցին»,-լացակումած ասում էր նախկին զինվորի մայրը` ավելացնելով, որ իր տղան անընդհատ Շալոն անունն է տալիս, կքանիստ շարժումներ է անում, բերանը այնպես փակում, ասես, իրեն փորձում են խեղդել` անդադար կրկնելով, որ իրեն ցանկացել են բռնաբարել:

Ակցիայի կազմակերպիչներից Անի Էլոյանը նշեց, որ սեպտեմբերի 15-ին Հովհաննեսը իրեն շատ ագրեսիվ է պահել, սակայն 16-ին հանգիստ է եղել, նույնսիկ սիրո խոստովանություն է արել ակտիվիստ աղջիկներից մեկին:

Հավաքի մասնակիցները անցորդներին տրամադրեցին Հովհաննես Վարդանյանի բուժման համար նախատեսվող հաշվեհամարի տվյալները: Ակտիվիստները նաև դիմելու են բարերարներին ու պատկան մարմիններին:

Բոլոր նրանք, ովքեր ցանկանանում են օժանդակել Հովհաննեսի բուժմանը, կարող են գումար փոխանցել հետևյալ հաշվեհամարին` 247-430-049-871-0010, Վարդան Վարդանյան, Արդշինինվեստ բանկ:

Beneficiary: VARDANYAN VARDAN Address of beneficiary: 17 GUKASYAN, ARARAT ARMENIA Account number: 2474300498710010 USD Bank of beneficiary: ArdShinInvestBank CJSC SWIFT Code:ASHBAM22

Լուսինե Սարգսյան

organize-now.am

Սոնա Հարությունյան

Հոգեբանական գիտությունների թեկնածու

Տարբեր հեղինակների տվյալներով, մեջքի քրոնիկ ցավով հիվանդների 30-50% -ի մոտ ախտորոշվել է սթրեսային վիճակ: Հիվանդների մոտ ավելի շատ են հայտնաբերվել կյանքի տհաճ դեպքեր և ընտանեկան կոնֆլիկտներ, քան առողջների մոտ: Իսկ ժամանակակից մարդու կյանքը հագեցած է սթրեսային դեպքերով, որոնք պայմանավորված են ինչպես անձնական, այնպես էլ սոցիալ-տնտեսական հիմնախնդիրներով: Նկատի ունենալով այդ կարևոր հանգամանքը և սթրեսների նշանակալի դերը հոգեմարմնական հիվանդությունների համար, մեջքի ցավով հիվանդների մոտ սթրեսային դեպքերի ուսումնասիրությունը մեզանում դարձավ ակտուալ հիմնախնդիր:

Հետազոտությանը մասնակցել են մեջքի ցավով 40 տղամարդ: Նրանց մոտ գերակշռել են կյանքի սթրեսային դեպքերի 150-199 միավորները, որը կանխատեսում է հոգեմարմնական հիվանդությունների առաջացման  50%-ից ավելի հավանականություն: Պարզվել է, որ նրանք ընտրել են այնպիսի սթրեսային դեպքեր, որոնք ըստ  հարցաշարի հեղինակների  (Թ.Հոլմս, Ռ. Ռահե) դիտարկվել են ոչ այնքան ինտենսիվ սթրեսներ, և որոնք սոցիալական բնույթ ունեն: Այդպիսիք են` աշխատանքային, մասնագիտական, ֆինանսական վիճակի փոփոխություններին առնչվող սթրեսները: Տղամարդկանց այս խումբը ցավի ինտենսիվությունը գնահատել է որպես  “ուժեղագույն”  և “սուր”: Ընդ որում, վերականգնողական ֆիզիոթերապևտիկ բուժումից հետո անգամ ցավի “ուժեղագույն” բնութագրիչը պահպանվել է: Վերջինս  ակնհայտ է դարձնում ցավի հոգեծին լինելու փաստը:   Հոգեբանական զրույցի  արդյունքում հայտնաբերվել է նաև, որ ցավային այսպիսի գանգատներ ունեցող տղամարդիկ ունեն անձնային հոգեբանական որոշակի առանձնահատկություններ: Պարզվել է, որ նրանք հակված են կենտրոնանալ կյանքի տխուր պահերի վրա, ամաչկոտ են, զուսպ, աչքի են ընկնել ցածր շփվողականությամբ և հոռետեսությամբ:  Դեմքի արտահայտության և հայացքի մեջ տխրությունն ակնհայտ էր: Այսպիսի ոչ խոսքային դրսևորումները խոսում էին ցածր ինքնագնահատականի մասին, ինչը հետագայում հաստատվեց համապատասխան հոգեբանական թեստի միջոցով: Այսպիսով, մեջքի ցավով տղամարդկանց մոտ կարևորություն է ստացել ոչ այնքան սթրեսների քանակը, որքան տեսակը` սոցիալական: Ավելացնենք նաև, որ անձնային հոգեբանական առանձնահատկությունները ևս նշանակալի դեր են խաղում: Դեռևս Ռ. Լազարուսն (1966) իր տեսության մեջ ուշադրություն է դարձրել փաստի կամ իրադրության անձնային մեկնաբանման դերի վրա: Նրա կարծիքով, գրգռիչը սթրեսոր է դառնում միայն մարդու կողմից դրան վերագրվող նշանակության ուժից կախված:

Եվս մեկ անգամ հաստատվեց այդ տեսակետը, որ կարևոր է ոչ այնքան իրավիճակը, որքան անձի վերաբերմունքն այդ իրավիճակի նկատմամբ:

Երևանի քաղաքապետարանը, հասարակական տրանսպորտի ոլորտում բարելավումների և ուղևորափոխադրումները կանոնակարգելու և առավել հարմարավետ դարձնելու նպատակով, Երևանի կանգառասրահները համալրելու է էլեկտրոնային վահանակներով: Վահանակը միացված է GPS համակարգին և հաշվում ու ցուցադրում է երթուղու շարժակազմի ժամանմանը մնացած րոպեները: Ինչպես հայտնում են քաղաքապետարանից, առայժմ փորձարկվում են համակարգի դետալները` ծրագրավորման ու սարքի համադրելիությունը:

«Համակարգի պիլոտային ծրագիրը կմեկնարկի ավտոբուսների նոր խմբաքանակի երթուղի դուրս գալուց հետո: Նոր ավտոբուսներում ներդրված է լինելու GPS համակարգը, ինչը հնարավորություն կտա լայնորեն փորձարկել, ապա ներդնել ծրագիրը»,- նշել է Երևան քաղաքի կառավարման տեխնոլոգիաների կենտրոնե ՓԲԸ տնօրենի տեղակալ Վահագն Ծատուրյանը:

Հայ նշանավոր արձակագիր Ստեփան Զորյանի ծննդյան 122-րդ տարեդարձը յուրօրինակ կերպով նշվեց Լոռիում: Նրա տուն-թանգարանում հավաքված հյուրերն ու ընթերցողները ոչ միայն հարգանքի ու գնահատանքի խոսքեր ասացին մեծ արձակագրի մասին, այլև մասնակիցը դարձան այն արարողության, որն արդեն ավանդույթ է դարձել այստեղ: Դա Զորյանի տան բակում տնկված խնձորի այգում ծառերի թափահարումն է: Ներկաները ճաշակեցին սիրված գրողի ձեռքով տնկված ծառերի պտուղները՝ ասես անուղղակիորեն առնչվելով նրա աշխարհի հետ, վերցնելով այն հոգևոր բերքից, որ ժառանգում են մեծ մտավորականները:

Հաջորդ տարվա սկզբից կսկսվեն ՀՀ պետական սահմանի «Բագրատաշեն», «Գոգավան» և «Բավրա» անցակետերի արդիականացման աշխատանքները: Ծրագրի մեկնարկի` ՄԱԿ-ի Զարգացման ծրագրի (ՄԱԶԾ) ու Հայաստանում Եվրամիության պատվիրակության կազմակերպած միջոցառման շրջանակում լրագրողներին ասաց Ազգային անվտանգության խորհրդի նախագահ Արթուր Բաղդասարյանը:

Նրա խոսքով՝ արդեն ավարտվել է անցակետերի արդիականացման աշխատանքների տեխնիկա-տնտեսական և նախագծային փաստաթղթերի կազմումը: 61 մլն դոլար արժողությամբ ծրագրի իրականացման արդյունքում կմեծանա սահմանի անվտանգության մակարդակը, նշված անցակետերը կհամապատասխանեն ԵՄ մաքսային համակարգի «դեղին ուղու» չափանիշներին, անցակատերը կապահովվեն ժամանակակից սարքավորումներով և կապի համակարգով: Դա կընձեռի մաքսային գործընթացներն առանց քաշքշուկի` «մեկ պատուհանի» սկզբունքով, իսկ մաքսային բեռի ելքի երկրում` «մեկ կանգառի» սկզբունքով իրականացնելու հնարավորություն:

Բաղդասարյանը հավելեց, որ արդիականացման աշխատանքներն 2 տարում իրականացնելու է այսօր հայտարարված միջազգային մրցույթի հաղթողը: Ծրագիրն իրագործվելու է ՄԱԶԾ-ի և ՀՀ կառավարության համաֆինանսավորմամբ` 2010թ.-ից ԵՄ կողմից ֆինանսավորվող և ՄԱԶԾ-ի կողմից իրականացվող «Հարավային Կովկասում սահմանների համալիր կառավարում» ծրագրի, ինչպես նաև նույն տարի ընդունված ՀՀ սահմանային անվտանգության և պետական սահմանի համալիր կառավարման ռազմավարության շրջանակում:

Այսօր լրագրողների հետ հանդիպման ժամանակ «Զորավիգ» թերթի գլխավոր խմբագիր, իրավապաշտպան Պուշկին Սերոբյանը, խոսելով բանակում տեղի ունեցող անհասկանալի միջադեպերի մասին, դժգոհություն  հայտնեց ՀՔԱ Վանաձորի գրասենյակի ղեկավար Արթուր Սաքունցի այն հայտարարության կապակցությամբ, որով վերջինս պահանջում է զրոյի հասցնել բանակում տեղի ունեցող միջադեպերը:

«Զրոյի հասցնելը հնարավոր չէ, անգամ եթե Սաքունցը դառնա նախարար»,- ասաց նա՝ ավելացնելով, որ նույնիսկ ամերիկյան բանակում, որտեղ  կարգ ու կանոնը բարձր մակարդակի վրա է , նման դեպքեր  ևս հանդիպում են:

Ըստ խմբագրի՝ բացառված է բանակային միջադեպերն անգամ զրոյին մոտեցնելը, քանի որ կան մի շարք հասարակական ու քաղաքական  հանգամանքներ, որոնց գոյությունը բացառում է այդ հնարավորությունը. «Մենք պահանջում ենք նախագահի հրաժարականը, բայց նա հիվանդանոցի պահակը չէ, որին հիվանդանոցի բժիշկն է նշանակում»: Ըստ նրա՝ անկախության առաջին տարիների համեմատությամբ հիմա բանակային միջադեպերը կտրուկ նվազել են, հետևաբար, Սերոբյանի խոսքով, այս պայմաններում բողոքելը նշանակում է, որ խնդիրը քաղաքականացվում է՝ նպատակ ունենալով խախտել երկրի անդորրը:

«Սերժ Սարգսյանը լավագույն դեպքում պետք է պատասխան տա վերջին երեք տարիների ընթացքում բանակում տեղի ունեցած մահվան դեպքերի համար»,- հայտարարեց Սերոբյանը՝ հավելելով, որ ինքը նախագահի ներկայացուցիչը չէ, սակայն կարծում է, որ պետք է քննադատությունը լինի տեղին ու արդար, հստակ և հասցեական: «Երբ մենք նախագահի կամ նախարարի հրաժարականն ենք պահանջում, կամ ասում, որ նախարարը պետք է ինքնասպան լինի, դա չի տեղավորվում մեր իրավագիտակցության մեջ»,- հայտարարեց իրավապաշտպանը:Եվ վերջում առաջարկեց ձևավորել հանձնաժողով` բանակային միջադեպերը ուսումնասիրելու համար:

Այս տարի Հրանտ Դինքի անվան միջազգային մրցանակի են արժանացել թուրքական «Թարաֆ» օրաթերթի գլխավոր խմբագիր Ահմեթ Ալթանը և մեքսիկացի լրագրող Լիդիա Կաչոն։

Ինչպես տեղեկացնում է թուրքական «Անադոլու» գործակալությունը, մրցանակաբաշխությունը տեղի է ունեցել Ստամբուլի Ջեմալ Ռեշիթ Ռեյ համերգասրահում։

Մրցանակաբաշխության բացմանը ելույթով հանդես է եկել «Հրանտ Դինք» միջազգային հիմնադրամի նախագահ Ռաքել Դինքը, ով մասնակիցներին դիմել է հայերեն, թուրքերեն և քրդերեն։

«Ակօս» շաբաթաթերթի սպանված խմբագրապետ Հրանտ Դինքի անվան միջազգային մրցանակը շնորհվում է «Հրանտ Դինք» միջազգային հիմնադրամի կողմից։

Սեպտեմբերի 16-ին` ժամը 02.08-ին, Երևան քաղաքի Մաշտոցի պողոտայի թիվ 2/2 հասցեում` «Մետրոպոլ» հյուրանոցի մոտ տեղի է ունեցել ավտոպատահար։

Այս մասին տեղեկացնում է Արտակարգ իրավիճակների նախարարության մամլո ծառայությոնը։

Դեռևս չպարզված հանգամանքներում Ա.Գաբրիելյանին պատկանող «ՇԵՎՐՈԼԵՏ» մակնիշի 88 LL 500 պետհամարանիշի ավտոմեքենան բախվել է ստորգետնյա անցումի պատին, ինչի հետևանքով տեղի է ունեցել բենզինի արտահոսք:

Փրկարարների կողմից կատարվել են լվացման աշխատանքներ: