Այսօր ՀՀ կրթության և գիտության նախարարությունում  տեղի է ունեցել երիտասարդ գիտնականների խորհրդի անդրանիկ նիստը, որը վարել է նախարար Արմեն Աշոտյանը: Երիտասարդ գիտնականների այս խումբը նախորդ տարևերջին հանդիպում էր ունեցել Հանարապետության Նախագահի հետ: Երկրի ղեկավարը խոստացել էր երիտասարդ գիտնականներին աջակցելու նպատակով տարեկան 100 մլն դրամ հատկացնել:

Նախագահ Սարգսյանի հանձնարարականով երիտասարդ գիտնականների գիտական ծրագրերի ընտրությունն ու աշխատանքների կազմակերպումը պետք է իրականացվի իրենց իսկ կողմից: Այդ նպատակով ձևավորված  երիտասարդ գիտնականների խորհրդի կազմում ընդգրկվել են 9 անդամներ՝ երեքական ներկայացուցիչներ “Ֆեյսբուք” սոցիալական ցանցում գործող երիտասարդ ակտիվիստ գիտնականներից, Գիտությունների ազգային ակադեմիայից և առաջատար 3 բուհերից: Խորհուրդը կիրականացնի  երիտասարդ գիտնականներին տրվող պետական աջակցության կառավարումը: ‘Խորհուրդի գործունեությունը պետք է լինի թափանցիկ, հանրային վստահության ապահովումը սկզբունքային և կարևոր հարց: Ծրագրի հաջողվածության միակ նախապայմանը գիտական որոշակի արդյունք ունենալն է: Իսկ դրա համար պետք է ընտրության չափանիշները շատ հսատակ լինեն”,- ասել է նախարար  Աշոտյանը:

ԿԳ նախարարը նաև նշել է, որ երիտասարդ գիտնականներին աջակցելու նպատակով ձևավորվել է  խորհրդատվական խումբ, որում ներգրավվել են  գիտության ասպարեզում վաստակ և ավանդ ունեցող մարդիկ: “Այսպիսով Հայաստանի Հանրապետության Նախագահի երիտասարդ գիտանականներին աջակցելու խոստումը գործնական փուլ է մտնում”,- նշել է նախարարը: Ըստ նրա Հայաստանի Երիտասարդական հիմնադրամը ևս ներգրավված կլինի նախատեսվող գործընթացներում:

Համաձայն նիստի օրակարգի՝ քննարկվել և հաստատվել է երիտասարդ գիտնականների խորհուրդի աշխատակարգը: Երիտասարդ գիտնականները ներկայացրել են իրենց առաջարկներն ու դիտողությունները գիտական թեմաների հաստատման, հնարավոր շահառուների ընտրության, գիտական փորձաքննության իրականացման և այլ հարցերի վերաբերյալ: Այս մասին տեղեկացնում են  ԿԳՆ-ից:

Երգչուհի Քրիստինե Պեպելյանն ամուսնու` Արամի եւ եւս մեկ զույգի հետ երեկ գնացել է «Jose» համալիր` լիցքաթափվելու: Քառյակը փորձել է աննկատ մնալ` նստելով մութ անկյունում: :

Նրանք սկսել են ինչ-որ բաներ պատվիրել, եւ երբ Քրիստինե Պեպելյանի մականունավոր ամուսնու «Վստրեչի Ապերի» պատվերը, իր կարծիքով, ուշացել է, նա հրահանգել է իր «տղերքին» մենեջեր Գեւորգ Ավետիսյանին ծեծել, ապա գցել են մեքենան ու տարել:

Ի դեպ, մենեջերը «Jose» նախկին տիրոջ` Մհեր Ավետիսյանի եղբայրն է:

Այս մասին գրում է aravot.am -ը և խոստանում.

Մանրամասները` առաջիկայում:

Երեկ  մեր հրապարակումից հետո նոր մանրամասներ են ի հայտ եկել. Քրիստինե Պեպելյանի ամուսնու` Վստեչի Ապերի տղաների կողմից դաժանաբար ծեծի ենթարկված Գևորգ Ավետիսյանը կողոսկրերի կոտրվածքներով, շատ ծանր վիճակում պառկած է տանը: Նրան հիվանդանոց չեն տեղափոխել, միայն մեկ` ոստիկանությունից խուսափելու նպատակով:

Պոլսո Պատրիարք Մեսրոպ արքեպիսկոպոս Մութաֆյանն արդեն 5 ամիս է գտնվում է Ստամբուլի հայկական ազգային հիվանդանոցում` բժիշկների հսկողության ներքո: Սրբազան հայրն ընդամենը 55 տարեկան է:Նրա առողջական վիճակը տարօրինակ կերպով  միանգամից վատթարացավ ու այժմ ծանր հիվանդությունը նրան զրկել է մարդկանց հետ հարաբերվելու ունակությունից, սկզբում նշվում էր, որ Մեսրոպ պատրիարքը մանկամիտ է դարձել. սակայն մեր ունեցած տեղեկությամբ նա տառապում է նաև հիշողության կորստով, ոչ ոքի չի ճանաչում

«ԲՀԿ-ն կանգնած է նոր տրոհման շեմին, աղի բլիթի գիշերը, թե առավոտը, հայտնի չէ, հայտնի է միայն, որ ԲՀԿ Շենգավիթի տեղական կառույցի ղեկավար Ռուբեն Մասումյանը (Բենզին Ռուբո) օրերս դուրս է եկել ԲՀԿ-ից: «Շենգավիթի կառույցի ԲՀԿ մի շարքներկայացուցիչներ արդյոք տեսե՞լ են նույն մարդուն երազում, ինչ պարոն Մասումյանը, որպեսզի «մաս» կազմեն «անջատողական-սեպարատիկ» այդ շարժմանը:Փորձագետները պնդում են՝ անշուշտ, որովհետեւ այս դեպքում եւս, ինչպես Արարատում, հայտնի ԲՀԿ-ականն իր հետեւից լիքը ԲՀԿ-ականներ կտանի: Էս դեպքում,փաստորեն եւ «ուրեմն, Շենգավիթը նույնպես՝ «արդեն» Կմիանա Հայաստանի՞ն» :- գրում է  «իրատես դե ֆակտոն» :

Զանգահարեցինք ԲՀԿ գրասենյակ՝ Խաչիկ Գալստյանին՝ ճշտելու աղի բլիթից հետո տեսած երազի բոլոր «հմայքները», այն է՝ դո՞ւրս է եկել ԲՀԿ-ից Շենգավիթի կառույցիղեկավարը, թե՞ ոչ, եւ լուրերը համապատասխանո՞ւմ են իրականությանը: Մեր հարցմանն ի պատասխան Խ. Գալստյանն ասաց, որ Շենգավիթի ղեկավար Մասումյանըգտնվում է արտերկրում (արտերկիրն էլ Մոսկվան է – հեղ.), այդ իսկ պատճառով Շենգավիթի կառույցի նոր ղեկավար է նշանակվել Ավետիս Գրիգորյանը:

Սերբ թենիսիստ Նովակ Ջոկովիչ «Laureus»-ի կոմից ընտրվել է 2011 թվականի «լավագույն մարզիկ»: 24-ամյա թենիսիստն արժանանալով լավագույնի կոչմանը,  ասել է որ հնարավոր է մեկ խաղաշրջանում նվաճել «Մեծ սաղավարտ»-ի բոլոր տիտղոսները` դառնալով նաեւ օլմիպիական չեմպիոն:

««Մեծ սաղավարտ»-ի խաղերը եւ օլիմպիական խաղերն իմ նպատակներն են այս տարում: Ես պետք է մնամ լավատես եւ շարունակեմ հավատալ այն գործին, որն անում եմ, ինչպես նաեւ իմ հնարավորություններին»,- ասել է «Ավստրալիայի բաց» առաջնության չեմպիոնը:

Երգչուհի Քրիստինե Պեպելյանն ամուսնու` Արամի եւ եւս մեկ զույգի հետ երեկ գնացել է «Jose» համալիր` լիցքաթափվելու: Քառյակը փորձել է աննկատ մնալ` նստելով մութ անկյունում: :

Նրանք սկսել են ինչ-որ բաներ պատվիրել, եւ երբ Քրիստինե Պեպելյանի մականունավոր ամուսնու «Վստրեչի Ապերի» պատվերը, իր կարծիքով, ուշացել է, նա հրահանգել է իր «տղերքին» մենեջեր Գեւորգ Ավետիսյանին ծեծել, ապա գցել են մեքենան ու տարել:

Ի դեպ, մենեջերը «Jose» նախկին տիրոջ` Մհեր Ավետիսյանի եղբայրն է:

Այս մասին գրում է aravot.am -ը և խոստանում.

Մանրամասները` առաջիկայում:

2011 թ. ընթացքում Երևան քաղաքում գրանցվել է 6355 արտակարգ դեպք և պատահար (2010 թ.՝ 5450), որոնց հետևանքով զոհվել է 217 մարդ, (2010 թ.՝ 213 զոհ) և մարմնական վնասվածքներ ստացել 4059 մարդ (2010 թ.` 3325 մարդ):

Այսպիսով, 2011թ. ընթացքում Երևան քաղաքում 2010 թ. համեմատությամբ գրանցված արտակարգ դեպքերն աճել են 905-ով (16.6%), զոհերի թիվը՝ 4-ով (1.9%), իսկ վիրավորների թիվը՝ 734-ով (22.1 %):

Արտակարգ իրավիճակների հետևանքների վերացման միջոցառումների ընթացքում ԵՓՎ անձնակազմի կողմից փրկվել է 35 մարդ:

Գրանցված դեպքերից 3053-ը տեխնածին են, որը կազմում է ընդհանուր դեպքերի 48%-ը։ Տեխնածին պատահարների ու դեպքերի հետևանքով զոհվել է 62 մարդ, ընդհանուր զոհերի` 28.6%-ը, վիրավորվել` 1107 մարդ, ընդհանուր վիրավորների` 27.3%-ը:

Գրանցված տեխնածին արտակարգ դեպքերից 1938-ը (63.5%) հրդեհներն են (2010թ.՝ 1842), որոնց հետևանքով զոհվել են 13 և վիրավորվել 12 մարդ: 2010 թ. համեմատությամբ հրդեհների թիվն աճել է 96-ով (5.2%):

Տեխնածին արտակարգ դեպքերից 896-ը (29.3%) ճանապարհատրանսպորտային պատահարներ են (2010թ.՝ 828), որոնց հետևանքով զոհվել է 40 և վիրավորվել 981 մարդ: 2010 թ. համեմատությամբ ճանապարհատրանսպորտային պատահարների թիվը աճել է 68-ով (8.2%)։

Տարվա ընթացքում գրանցված 93-ը տարերային են, որը կազմում է ընդհանուր դեպքերի 2%-ը (2010 թ.` 125), զոհեր և վիրավորներ չկան (2010թ-ին տուժածներ չեն գրանցվել):

Դեպքերից 3130-ը սոցիալ-կենցաղային են, որը կազմում է ընդհանուր դեպքերի 49%-ը (2010թ.` 2369), որոնց հետևան­քով զոհվել է 155 մարդ, կամ ընդհանուր զոհերի 71.4%-ը (2010 թ.` 141), վիրավորվել` 2952 մարդ, կամ ընդհանուր վիրավորների 72.7 %-ը (2010 թ.`2196): 2010 թ. համեմատությամբսոցիալ-կենցաղային արտակարգ դեպքերի թիվն աճել է 761-ով:

Գրանցված սոցիալ-կենցաղային դեպքերի մեծ մասը`2870-ը, թունավորումներն են (2010 թ.` 2170), որոնց հետևանքով վիրավորվել է 2866 (2010 թ.` 2162) և զոհվել՝ 20 (2010 թ.` 24) մարդ։ Գրանցվել է ջրահեղձման 9 դեպք և պայթուցիկ սարքերի տեղադրման 16 կեղծ ահազանգ։

2011 թ. ընթացքում Երևանի փրկարարական վարչության կողմից արտակարգ դեպքերի հետևանքների վերացման համար իրականացվել է հրշեջ-փրկարարական մարտական հաշվարկների 2790 ելք:Փրկարարական ուժերի վարչության հատուկ փրկարարական ջոկատը Երևան քաղաքում արձագանքել է 885 կանչերի (2010 թ.՝ 1865):

Փետրվարի 5-ին ժամը 19.20-ի սահմանում ղարաբաղա-ադրբեջանական հակամարտ զորքերի շփման գծի հարավարևելյան (Հադրութի) պաշտպանական ուղղությամբ տեղակայված դիրքերից մեկում հրազենային մահացու վիրավորում է ստացել ՊԲ ժամկետային զինծառայող, 1992թ. ծնված Մարատ Ալեքսանդրի Դիմակսյանը: Ինչպես տեղեկացնում է ԼՂՀ ՊԲ Լրատվության և քարոզչության բաժինը վիրավորը մահացել է զինվորական հոսպիտալ տեղափոխելու ճանապարհին: Միջադեպի մանրամասները ճշտելու համար տարվում է քննություն:

«Հայ ազգային կոնգրեսը» հայտարարություն է տարածել «Հայկական ժամանակ» օրաթերթի լրագրող Հայկ Գևորգյանի կալանավորման կապաակցությամբ, որը ներկայացնում ենք ստորև.

Փետրվարի 3-ին կալանավորվել է «Հայկական ժամանակ» օրաթերթի գլխավոր խմբագրի տեղակալ, ճանաչված լրագրող Հայկ Գևորգյանը:

«Ոստիկանության հիմնազուրկ բացատրություններն արդեն իսկ վկայում են, որ Հայկ Գևորգյանի նկատմամբ հարուցված քրեական գործը շինծու է: Իրականում նա ազատությունից զրկվել է բացառապես իր մասնագիտական գործունեության, այն է` իշխանությունների կատարած ապօրինությունները բացահայտելու և հանրության սեփականությունը դարձնելու պատճառով:

Հայ Ազգային Կոնգրեսը հայտարարում է, որ Սերժ Սարգսյանի վարչախումբը հերթական մարտահրավերն է նետել Հայաստանում խոսքի ազատությանը: Գիտակցելով սպասվող քաղաքական, հասարակական ակտիվ գործընթացների վտանգավոր բնույթն իր համար, ինչպես նաև առաջիկա ընտրություններում իշխող կուսակցության անխուսափելի պարտությունը` վարչախումբն արդեն իսկ լծվել է իր հակաժողովրդավար բնույթը մերկացնող քաղաքացիների, լրագրողների չեզոքացման օպերացիայի իրականացմանը: Մենք կոչ ենք անում Հայաստանի և միջազգային լրագրողական շրջանակներին` իրենց համախմբված բողոքը արտահայտել Հայկ Գևորգյանի կալանավորման կապակցությամբ և պահանջում ենք անհապաղ ազատ արձակել նրան»:

Հաղորդագրության մեջ նաև հայտնվում է, որ տեղի է ունեցել Հայ Ազգային Կոնգրեսի տարածքային գրասենյակների ղեկավարների խորհրդակցություն, որը վարել է Կոնգրեսի գրասենյակի համակարգող Լևոն Զուրաբյանը:

Խորհրդակցության ընթացքում քննարկվել են փետրվարի 17-ին նախատեսված հանրահավաքի նախապատրաստական աշխատանքները, ինչպես նաև մեծամասնական համակարգով թեկնածուների առաջադրման հարցերը: