Մեծ Բրիտանիայի Առողջապահության ազգային ծառայության մասնագետները կարծիք են հայտնել, որ կորոնավիրուսը հաղթահարած մարդը կարող է տառապել հիվանդության հետևանքներից ամբողջ կյանքի ընթացքում, գրում է The Daily Telegraph-ը:
Յուրաքանչյուր 3-րդ հիվանդ, ով ապաքինվել է կորոնավիրուսից, իր կյանքի ողջ ընթացքում կարող է տառապել թոքերի վնասվածքից, ունենալ քրոնիկ հոգնածություն և հոգեբանական խանգարումներ: Ուսումնասիրության համաձայն՝ կորոնավիրուսով վարակված և ապաքինված հիվանդների 30%-ը հետագայում կարող է ունենալ թոքերի ֆիբրոզ: Այս հիվանդության ընթացքում թոքերի շրջանում ձևավորվում են սպիներ, որոնք հանգեցնում են շնչառական ֆունկցիայի և թթվածնով արյան հագեցվածության խանգարումներին։
Ապաքինվածների կեսը կարող է ունենալ ֆիզիկական, հոգեկան ու կոգնիտիվ խանգարումներ, իսկ յուրաքանչյուր 10-րդ հիվանդի մոտ նկատվում է սրտային անբավարարություն։

Շարունակվում է հիբրիդային պատերազմը կորոնավիրուսի թեմայով: Այս մասին կառավարության հերթական նիստին հայտարարեց ՀՀ վարչապետ Նիկոլ Փաշինյանը:

«Դա շարունակվում է ապատեղեկատվություն տարածելու միջոցով, ես տեսնում եմ, որ սոցիալական ցանցերում գրառումներ կան, որ Կառավարությունը, կորոնավիրուսից օգտվելով, ասում է՝ իրար հանդիպելիս մի համբուրվեք, սրանով նրանք նպատակ ունեն մեր ազգային ինքնությունը արմատախիլ անել: Ասենք էդ երբվանի՞ց ա փողոցում հանդիպել, համբուրվելով բարևելը դառել մեր ազգային ինքնագիտակցության մասը: Ասենք, Եղիշե Չարենցն ու Հովհաննես Թումանյանը որ փողոցում հանդիպել են, իրար գրկել, փաթաթվել, համբուրել են, հա՞, կամ Ավետիք Իսահակյանն ու Մարտիրոս Սարյանը, նման պատմական տվյալների ես չեմ տիրապետում»,-ասաց նա:

Ըստ վարչապետի՝ իրենց սխալն այն էր, որ արտակարգ դրության իրավական ռեժիմից հանեցին տեղեկատվության հետ կապված մասերը և դրա համար հիմա ով ինչ ուզում, ասում է: «Մեկն ասում է կորոնավիրուս չկա, մեկն ասում ա չիպ են դնում, ասում են հյուրանոցներում ոչ մի մեկուսացված մարդ չկա, ասում են մի տեղ գեյերի ժողով ա, մի տեղ նատուրալների ժողով, մյուս տեղում հակահայկական ժողով ա, մյուսում պրոթուրքական ժողով: Այս պրոբլեմը կա ու սրա հետ առերեսվում ենք, վատ լուրն այն է, որ այն մարդիկ, ովքեր ցուցադրաբար դիմակ չէին դնում, նույնիսկ տուգանվելուց հետո ցուցադրաբար դիմակներ չէին կրում , հիմա կորոնավիրուսը հարմարավետ տեղավորվում է այդ մարդկանց շրջանում»,-ասաց նա և նշեց, որ չի կարող տվյալներ հրապարակել:

Նա նաև հայտնեց, որ այդ շրջանակներից կան մարդիկ, որ չեն ուզում ասել, որ կորոնավիրոսով վարակվել են: «Մի մասը գնում, թաքուն տեղերում են մեկուսանում»,-ասաց վարչապետը:

https://www.youtube.com/watch?v=FCSDxXmuj54&feature=emb_logo

Հայաստանում հունիսի 25-ին՝ ժամը 11:00-ի դրությամբ նոր կորոնավիրուսով վարակվելու 771 նոր դեպք է գրանցվել: Այս մասին հայտնում է ՀՀ ԱՆ հիվանդությունների եւ վերահսկման եւ կանխարգելման ազգային կենտրոնը:

Ընդհանուր առմամբ՝ հունիսի 25-ին հաստատվել է կորոնավիրուսի 22488 դեպք:

Ընդհանուր թեստերի թիվը կազմում է 102 736 (մեկ օրում արվել է 2336 թեստավորում):

Փաստացի այս պահին բուժվում է 10625 (ավելացել է 221-ով)։

Վերջին տվյալներով ապաքինվել է 11335 անձ` վերջին մեկ օրում 538 անձ:

Ընդհանուր առմամբ, 397 պացիենտ մահացել է (ավելացել է 11-ով):

Նախորդ օրն արձանագրվել է մահվան 1 դեպք, երբ պացիենտի մոտ հաստատվել է կորոնավիրուսային վարակ, սակայն մահը վրա է հասել այլ հիվանդության պատճառով:
Այդպիսի դեպքերի ընդհանուր թիվը 131 է:

Պացիենտները եղել են 69 (տղամարդ), 60 (տղամարդ), 61 (տղամարդ), 90 (կին), 46 (կին), 44 (կին), 61 (տղամարդ), 71 (կին), 74 (կին), 67 (տղամարդ) և 66 (տղամարդ) տարեկան: Բոլորն ունեցել են ուղեկցող քրոնիկական հիվանդություններ։

Ամեն օր արձանագրված պացիենտների մոտավորապես 1.7-1.8 տոկոսը մահանալու է, ինչ էլ որ մենք անենք: Այս մասին փողոցում դիմակներ բաժանելու ընթացքում նշեց Առողջապահության նախարար Արսեն Թորոսյանը։

«Ամեն օր արձանագրված պացիենտների մոտավորապես 1.7-1.8 տոկոսը մահանալու է, ինչ էլ որ մենք անենք: Եթե ունենում ենք 500 արձանագրված նոր դեպք, 7-8 մահ ենք ունենալու, ինչը ողբերգություն է: Չպետք է առողջապահական կարողություններին  նայենք միայն, այլ պետք է հետևենք կանոններին՝ խնջույքների, սգո արարաողութունների չմասնակցենք: Հիմնական տարածման վայրը աշխատավայրերն են, բանկերը և միջոցառումները»:

Թորոսյանը քաղաքացիներին կոչ արեց հիմնականում բժշկական դիմակներ օգտագործել, կտորե դիմակ կրել միայն այն ժամանակ, երբ բժշկական դիմակ չկա:

Ես Գագիկ Ծառուկյանի գործը չեմ համարում քաղաքական. ես մանկամիտ եմ համարում պնդումը, որ եթե դու անում ես հայտարարություն, հետո քո նկատմամբ քրեական գործ են հարուցում, իսկ եթե չես անում հայտարարություն, չեն հարուցում: Այս մասին, այսօր՝ հունիսի 22-ին, ԱԺ-ում լրագրողների հետ զրույցում նշեց ԱԺ «Իմ քայլը» խմբակցության պատգամավոր Հովհաննես Իգիթյանը:

«Ինձ թվում է, որ այն արդը, որ իրեն խորհուրդ է տվել դա ասելու, իսկ ես համոզված եմ, որ Գագիկ Ծառուկյանն ինքը չի այդ հայտարարությունն արել, մոտավորապես գիտեմ՝ ով է արել, բայց դա իրեն չի օգնելու»,-ասաց նա:

Հովհաննես Իգիթյանը հավելեց, որ Գագիկ Ծառուկյանի հարցում կարեւոր չէր իր արած հայտարարությունը, որ կառավարությունը ոչ թե 97 տոկոսով, այլ 100 տոկոսվ պետք է փոխվի. «Գագիկ Ծառուկյանը խնդիր ունի ոչ թե «Իմ քայլը» դաշինքի, ոչ թե Նիկոլ Փաշինյանի, ոչ էլ նույնիսկ նախկինների հետ: Գագիկ Ծառուկյանը խնդիր ունի իր թիմակիցների հետ: Գագիկ Ծառուկյանի քրեական գործը սկսվել է ոչ թե «Իմ քայլը» դաշինքի կամ դատախազության կողմից, այլ իր աշխատակիցների, ընկերների ցուցմունքներով: Երբ իր աշխատակիցն ասում է՝ ես ո՞վ եմ, որ կաշառք տամ, սրանով ինքն ասում է, որ ինքը լինելով ղեկավար, չի կարող որոշել այս կամ այն գործարքի համար գումար տալու հարցը: Նա ակնարկում է, որ իր վերեւը կա սեփականատեր , որն իրեն ասել է, որ ինքն այդ գումարը տա:

Երկրորդ, իր կոլեգան իր մոտ պահում է ինչ-որ թղթեր, որոնք ստվեր են գցում Գագիկ Ծառուկյանի վրա: Ինչո՞ւ է նա երեք տարի այդ թղթերը պահում: Ինձ վրդովվեցնում է այդ հարցը, որովհետեւ այդ մարդը կոմպրոմատ է պահում Գագիկ Ծառուկյանի վրա իր սեյֆում: Դւք պետք է գնաք այդ մարդուց հարցնեք, թե ինչու է նման թղթեր պահում իր սեյֆում»,-հայտարարեց Իգիթյանը:

Հայաստանում հունիսի 23-ին՝ ժամը 11:00-ի դրությամբ նոր կորոնավիրուսով վարակվելու 418 նոր դեպք է գրանցվել: Այս մասին հայտնում է ՀՀ ԱՆ հիվանդությունների եւ վերահսկման եւ կանխարգելման ազգային կենտրոնը:

Ընդհանուր առմամբ՝ հունիսի 23-ին հաստատվել է կորոնավիրուսի 21006 դեպք:

Ընդհանուր թեստերի թիվը կազմում է 98117 (մեկ օրում արվել է 1274 թեստավորում):

Փաստացի այս պահին բուժվում է 10364 (պակասել է 616-ով)։

Վերջին տվյալներով ապաքինվել է 10144 անձ` վերջին մեկ օրում 1013 անձ:

Ընդհանուր առմամբ, 372 պացիենտ մահացել է (ավելացել է 12-ով):

Նախորդ օրն արձանագրվել է մահվան 9 դեպք, երբ պացիենտի մոտ հաստատվել է կորոնավիրուսային վարակ, սակայն մահը վրա է հասել այլ հիվանդության պատճառով:
Այդպիսի դեպքերի ընդհանուր թիվը 126 է:

Պացիենտները եղել են 70 (տղամարդ), 73 (կին), 89 (տղամարդ), 53 (տղամարդ), 77 (տղամարդ), 59 (տղամարդ), 81 (կին), 60 (կին), 81 (կին), 80 (տղամարդ), 82 (տղամարդ) և 78 (տղամարդ) տարեկան: Բոլորն ունեցել են ուղեկցող քրոնիկական հիվանդություններ։

Հայաստանում հունիսի 17-ին՝ ժամը 11:00-ի դրությամբ նոր կորոնավիրուսով վարակվելու 544 նոր դեպք է գրանցվել: Այս մասին հայտնում է ՀՀ ԱՆ հիվանդությունների եւ վերահսկման եւ կանխարգելման ազգային կենտրոնը:

Ընդհանուր առմամբ՝ հունիսի 17-ին հաստատվել է կորոնավիրուսի 18033 դեպք:

Ընդհանուր թեստերի թիվը կազմում է 87600 (մեկ օրում արվել է 2044 թեստավորում):

Փաստացի այս պահին բուժվում է 10818 անձ (ավելացել է 289 ով)

Վերջին տվյալներով ապաքինվել է 6814 անձ` վերջին մեկ օրում 243 անձ:

Ընդհանուր առմամբ, 302 պացիենտ մահացել է (ավելացել է 9-ով):

Նախորդ օրն արձանագրվել է մահվան 3 դեպք, երբ պացիենտների մոտ հաստատվել է կորոնավիրուսային վարակ, սակայն մահը վրա է հասել այլ հիվանդության պատճառով:

Այդպիսի դեպքերի ընդհանուր թիվը 99 է:

Պացիենտները եղել են 64 (կին), 69 (կին), 80 (կին), 72 (կին), 67 (կին), 72 (տղամարդ), 59 (տղամարդ), 42 (տղամարդ) եւ 68 (կին) տարեկան: Բացի վերջինից, մնացած բոլորն ունեցել են ուղեկցող քրոնիկական հիվանդություններ։