Հայաստանում օգոստոսի 27-ի դրությամբ հաստատվել է կորոնավիրուսով վարակման 203 նոր դեպք, վարակվածների ընդհանուր թիվը հասել է 43 270-ի:

Ինչպես տեղեկացնում է ՀՀ ԱՆ հիվանդությունների վերահսկման և կանխարգելման ազգային կենտրոնը, մեկ օրում կորոնավիրուսի հետևանքով մահացել է 3 քաղաքացի, մահացածների թիվը 864 է:

Մեկ օրում գրանցվել է կորոնավիրուսով վարակված պացիենտների՝ այլ հիվանդությունից մահվան մեկ դեպք: Օգոստոսի 27-ի դրությամբ մահվան այս դեպքերի թիվը 265 է: Ընդհանուր առմամբ, մեկ օրում մահացել է 4 մարդ, իսկ մահվան ընդհանուր դեպքերի թիվը հասել է 1129-ի:

Մեկ օրում առողջացածների թիվը 272 է, ընդհանուր առողջացածներինը՝ 36 988, փաստացի բուժվողներինը՝ 5153 (մեկ օրում նվազել է 63-ով): Մեկ օրում արվել է 1938 թեստ, ընդհանուր առմամբ առ այսօր արվել է 200 507 թեստ:

Սեփական առանձնատուն կառուցելը պատասխանատու և, իհարկե, թանկ հաճույք է: Իսկ ի՛նչ անել, եթե, այնուամենայնիվ, շարունակում եք երազել առանձնատան մասին ու մտովի գծագրել բոլոր այն հարմարությունները, որ կարող է պարգևել միայն առանձնատունը: «Սարմա Գրուպ» ընկերությունն  առաջարկում է Ձեր երազանքի իրականացման արագ, մատչելի և հուսալի միջոց:  

SIP պանելներով տներ Կանադայում և ԱՄՆ-ում, հետո արդեն ամբողջ աշխարհում սկսել են կառուցել դեռ անցյալ դարի կեսերից։ Տեխնոլոգիան տարիների ընթացքում կատարելագործվել է, և այսօր ավելի ու ավելի շատ մարդիկ են նախընտրում ապրել հենց  SIP պանելով կառուցված տներում։ Եվ դա պատահական չէ. ժամանակն ապացուցել է, որ այս տները ջերմախնայող են, սեյսմակայուն, հարմարավետ և ունեն հրակայունության բարձր աստիճան:

«Սարմա Գրուպը» Հայաստանում SIP պանելներով կառուցապատմամբ զբաղվող առաջատար ընկերություն է։ Այս ընկերության առավելությունն այն է, որ ունի SIP պանելների սեփական արտադրություն և առաջարկում է բարձր երաշխիք ունեցող НГ (Не Горющий) 3 SIP  պանելներ, որոնք համապատասխանում են բնակելի տների համար նախատեսված միջազգային չափանիշներին։

Ինչի՞ց են պատրաստվում SIP պանելները, անվտա՞նգ են արդյոք, որքանո՞վ են ամուր և հուսալի․ սրանք են այն հիմնական հարցերը, որոնք սովորաբար հուզում են նրանց, ովքեր որոշել եք տուն կառուցել ու դիմել են «Սարմա Գրուպին»:

Եվ այսպես, SIP պանելը (SIP-structural insulated panel, կառուցվածքային ջերմամեկուսիչ պանել) խիտ կառուցվածքային մեկուսացված բազմաշերտ շինանյութ է՝ ներսում բարձրակարգ ջերմակայուն մեկուսիչով`պենոպոլիստիրոլով։ Պենոպոլիստիրոլն ունի թեթև քաշ և ջերմային ցածր հաղորդունակություն։ Արտաքին շերտերը պատրաստված են բարձր խոնավադիմացկունություն ունեցող OSB (oriented strand board) սալերով, որոնք ստացվում են բարձր ջերմաստիճանի տակ հատուկ խեժերի օգնությամբ փայտյա քերուքներից, անցնում են հատուկ մշակում, ինչի արդյունքում դրանք չեն արտադրում վնասակար նյութեր: Այդ են ապացուցում նաև տարբեր հետազոտությունները, որոնք արվել են SIP –ով կառուցված տների ներսում հատուկ չափիչ սարքերի օգնությամբ։

Այս տները ոչ միայն անվտանգ են, այլ նաև հուսալի. ունեն 9 բալ սեյսմակայունություն։ Դրանք, չնայած իրենց թեթև քաշին, ծանրադիմացկուն են։ Բացի այդ դրանք բավականին երկարակյաց են. շահագործման նվազագույն ժամկետը 50 տարի և ավելի է։ Եթե անգամ մասնակի վնասվածքներ է կրում, դրանք արագ շտկվում են։

SIP պանելներով տների առավելություններն անհամեմատ շատ են, այդ թվում՝ բարձր ջերմակայունություն և արդյունքում 70-80% էնեգիախնայողություն։

174մմ հաստությամբ պանելն ապահովում է 2մ հաստությամբ սիլիկատային աղյուսե պատի ամրություն ու ջերմություն։ Այսպիսիով, դուք նաև զգալի տարածք եք շահում։

Այս տների մեծագույն առավելությունը նաև արագ կառուցապատումն է։ 100քմ առանձնատունը առանց ներքին ու արտաքին հարդարման կառուցվում է 2-3 շաբաթում։ Եղանակային պայմանները չեն կարող խոչընդոտել այս տեմպերին, անգամ ձմռանը կարելի է կառուցապատել։ Տների կառուցման համար չի  օգտագործվում ծանր տեխնիկա։ Շինարարությունը կատարում է 4 հոգուց կազմված 1 խումբ։

«Սարմա Գրուպը» պատվիրատուի հետ կազմում է տան ճարտարապետական նախագիծը, որը կարող է ներառել նաև ներքին ու արտաքին հարդարումը, ունենալ 2-3 հարկ։ Ի դեպ SIP պանելները հարմար են նաև տարբեր հասարակական (սրճարան, ռեստորան), գյուղատնտեսական  նշանակության (գոմ, սառնարան, պահեստ) շինությունների, նաև պարիսպների կառուցման համար։ Ընկերության կառուցած շինությունները ժամանակի ընթացքում դեֆորմացիաների չեն ենթարկվում, որովհետև կառուցվում են պահպանելով բոլոր ցուցումներն ու ժամանակակից մոտեցումները։ Ի դեպ, ոչ մի սահմանափակում ներքին ու արտաքին հարդարման առումով նույնպես չկա։ Դուք Ձեր երևակայությամբ կամ դիզայների հետ կարող եք գծագրել ինտերիերն ու էքստերիերը և ստանալ ցանկալի արդյունք։ Այս տների պատերն ու հատակը հատարյալ հարթ են ու հավասար, և լրացուցիչ մշակման կարիք չի լինում։ Բարձր ջրամեկուսացման շնորհիվ SIP տներում բացառվում է բորբոսների եւ խոնավության առաջացումը։ Եվ, որ պակաս կարևոր չէ, SIP պանելները գրավիչ չեն կրծողների և միջատների համար։

Ինչպես տեսնում ենք, առավելությունները, որ ունեն SIP պանելները, բազմաթիվ են։ Դրանք զգալի հեշտացնում են սեփական առանձնատան կառուցումը, կրճատում կառուցման ժամկետները, ունեն հուսալիության ու ամրության բարձր երաշխիքներ։ Եվ, որ ամենակարևորն է, շատ մատչելի են։

Պարբերաբար բարձրաձայնվող էկոլոգիական մի շարք խնդիրների կողքին պակաս բարձրաձայնված, բայց խիստ կարևոր խնդիրներից է քաղաքային աղմուկի խնդիրը: Քաղաքերում ապրող մարդիկ 36% -ով ավելի շատ են կրում աղմուկի բացասական հետևանքները (ազդում է կյանքի միջին տևողության վրա): Այս մասին ֆեյսբուքյան իր էջում գրառում է կատարել «Կանաչ ապագա» բնապահպանական շարժման ղեկավար Վահագն Վարագյանը

Նա նշել է, որ հատկապես Երևանում աղմուկի խնդիրը խիստ նկատելի ու ահազանգող է: Երևանում աղմուկի բարձրացմանը նպաստող գիշերային հրավառությունների հարցն անձամբ Փաշինյանն էր խոստացել լուծել, սակայն մարդիկ շարունակում են արթնանալ հրավառության հետևանքով տագնապ առաջացնող ձայներից: Ճիշտ է՝ համաճարակի օրերին ավելի պակաս, սակայն խնդիրն այդպես էլ չլուծվեց: Շտապ օգնության մեքենաների ձայները մենք լսում ենք ապրիլ ամսից և այդ ձայները մարդկանց անընդհատ պահում են լարված, սթրեսային վիճակում կարծես թե մոտալուտ վատի գալուստն են գուժում:

«Ի վերջո, ո՞րն է այս իշխանությունների նպատակը՝ փրկե՞լ կյանքեր, թե՞ տագնապի մեջ պահել մարդկանց և պարետատան անտրամաբանական որոշումներ կայացնել:

Հ.Գ. Եվ եթե մեզ կհաջողվի չվարակվել Covid -ով 40 հոգանոց հարսանիքի ժամանակ, ապա չի հաջողվի «ջրից չոր դուրս գալ» ադրենալինի առաջացրած բացասական հետևանքներից: Կառավարությունը դա մանրակրկիտ ուսումնասիրել է, կառավարությունն ընկել է մեր հետևից: Չմոռանանք, որ 1918թ.-ին «Իսպանական գրիպը», որը սովորական գրիպ էր, 50 միլիոն մարդու կյանք խլեց, որովհետև առաջին աշխարհամարտից եկող սթրեսի հետևանքով շատ մարդիկ կորցրել էին իմունիտետը»:

Հայաստանում օգոստոսի 25-ին՝ ժամը 11:00-ի դրությամբ նոր կորոնավիրուսով վարակվելու 131 նոր դեպք է գրանցվել: Այս մասին հայտնում է ՀՀ ԱՆ հիվանդությունների եւ վերահսկման եւ կանխարգելման ազգային կենտրոնը:

Ընդհանուր առմամբ՝ օգոստոսի 25-ին հաստատվել է կորոնավիրուսի 43067 դեպք:

Ընդհանուր թեստերի թիվը կազմում է 198569, վերջին մեկ օրում` 1696 նոր թեստավորում:

Փաստացի այս պահին բուժվում է 5216 պացիենտ, նվազել է 127-ով:

Վերջին տվյալներով ապաքինվել է 36727 անձ` վերջին մեկ օրում 252 անձ:

Մեկ օրում կորոնավիրուսի հետեւանքով մահացել է 3 քաղաքացի, մահացածների թիվը 861 է:

Արձանագրվել է մահվան 4 դեպք, երբ պացիենտների մոտ հաստատվել է կորոնավիրուսային վարակ, սակայն մահը վրա է հասել այլ հիվանդության պատճառով: Այդպիսի դեպքերի ընդհանուր թիվը 264 է:

Արսեն Թորոսյանն ապաակտիվացրել է իր ֆեյսբուքյան պաշտոնական էջը՝ ենթադրաբար նոր կորոնավիրուսի վերաբերյալ իր կողմից տրամադրված ապատեղեկատվության հետքերը վերացնելու նպատակով: Այս մասին ֆեյսբուքյան իր էջում գրել է «Մեկ Հայաստան» կուսակցության համահիմնադիր Արթուր Ղազինյանը։

«Այդ էջում առկա տեղեկատվության մի մեծ բաժին հիմք է դարձել իմ կողմից ներկայացված հանցագործության մասին հաղորդման համար, իսկ քրեական գործի հարուցման պարագայում Արսեն Թորոսյանը անխուսափելիորեն ներգրավվելու է որպես մեղադրյալ՝ մարդու կյանքի և առողջության համար կենսական վտանգ ներկայացնող տեղեկությունները թաքցնելու կամ աղավաղելու համար, ինչը հանգեցրել է մահ կամ ծանր հետևանքներ:

Թորոսյանը պետք է գիտակցի, որ ոչ մի դեսպանատուն կամ միջազգային կազմակերպություն նրան չի փրկելու քրեական պատասխանատվությունից իսկ փախուստի դեպքում անխուսափելիորեն հայտնաբերվելու և վերադարձվելու է Հայաստան»,- գրել է նա։

Հայաստանում օգոստոսի 25-ին՝ ժամը 11:00-ի դրությամբ նոր կորոնավիրուսով վարակվելու 111 նոր դեպք է գրանցվել: Այս մասին հայտնում է ՀՀ ԱՆ հիվանդությունների եւ վերահսկման եւ կանխարգելման ազգային կենտրոնը:

Ընդհանուր առմամբ՝ օգոստոսի 25-ին հաստատվել է կորոնավիրուսի 42936 դեպք:

Ընդհանուր թեստերի թիվը կազմում է 196873, վերջին մեկ օրում` 1299 նոր թեստավորում:

Փաստացի այս պահին բուժվում է 5343 պացիենտ, նվազել է 323-ով:

Վերջին տվյալներով ապաքինվել է 36475 անձ` վերջին մեկ օրում 426 անձ:

Մեկ օրում կորոնավիրուսի հետեւանքով մահացել է 4 քաղաքացի, մահացածների թիվը 858 է:

Արձանագրվել է մահվան 4 դեպք, երբ պացիենտների մոտ հաստատվել է կորոնավիրուսային վարակ, սակայն մահը վրա է հասել այլ հիվանդության պատճառով: Այդպիսի դեպքերի ընդհանուր թիվը 260 է:

Խեղդվե՞ն այս մարդիկ, սա ճի՞շտ է: Ոչ մի քաղաքացու կարծիք հաշվի չեն առնում: Ես մինչև այսօր Նիկոլի կողմից եմ եղել, բայց այսօրվանից հիասթափվել եմ իրենից, լրիվ հիասթափվել եմ: Ի՞նչ է կատարվում: Այս մասին այսօր լրագրողների հետ զրույցում ասաց Աղբյուր Սերոբ 7 հասցեի բնակիչներից մեկը:

Հիշեցնենք, որ Աղբյուր Սերոբ 7 հասցեի բնակիչներն այսօր բողոքի ակցիա էին սկսել՝ ներկայացնելով իրենց բողոքը: Նրանք դեմ են իրենց շենքի հարակից տարածքում բարձրահարկ շենք կառուցելուն։

«Այս ի՞նչ է մեր քաղաքի վիճակը: Ես չեմ ասում` Նիկոլ Փաշինյանը սուտասան է, բայց մենք հիմա վախենում ենք 11 տարեկան երեխային խանութ ուղարկել, չենք թողնում, որ խանութ գնան: Ի՞նչ բեսպեդել է մեր քաղաքում»,-ասաց նա:

Նրա խոսքով՝ այս ամենի համար պատասխանատու է քաղաքապետը: «Հայկ, ամոթ քեզ, հազար ամոթ: Դե գնա, պապայիդ շենքի հայաթի ծառերն էլ հատի: Դե հատեք քաղաքի բոլոր ծառերը, մի թողեք մնան: Սա դրախտ էր, իսկ հիմա իրենք քաղաքը լրիվ դժոխք են դարձնում: Մենք լավն էինք սպասում, Նիկոլ ջան, ոչ թե բեսպրեդել քաղաք դարձնես: Ես չեմ վախենում ոչ մեկից»,-ասաց բնակիչը:

Հիշեցնենք, որ դեռ օգոստոսի 13-ից Աղբյուր Սերոբ 7 հասցեի բնակիչները բողոքի ակցիա էին սկսել՝ բողոքելով իրենց հարևանությամբ կառուցվող բարձրահարկ շենքի դեմ, քանի որ նրանց ներկայացմամբ՝ շենքի կառուցումն ավելորդ խնդիրներ ու անհանգստություններ է պատճառում նրանց:

Բնակիչները ներկայացրել էին, որ հանրային քննարկում չի եղել, իրենց կարծիքը հաշվի չի առնվել, սակայն Արաբկիր վարչական շրջանի քաղաքաշինության բաժնի պետը նրանց առաջարկել էր բողոքը դիմումի տեսքով քաղաքապետարան ներկայացնել, իսկ ստացած անհանգստությունների համար ոստիկանություն դիմել:

Հայաստանում օգոստոսի 24-ի դրությամբ հաստատվել է կորոնավիրուսով վարակման 33 նոր դեպք, վարակվածների ընդհանուր թիվը հասել է 42 825-ի:

Ինչպես տեղեկացնում է ՀՀ ԱՆ հիվանդությունների վերահսկման և կանխարգելման ազգային կենտրոնը, մեկ օրում կորոնավիրուսի հետևանքով մահացել է 2 քաղաքացի, մահացածների թիվը 854 է:

Մեկ օրում գրանցվել է կորոնավիրուսով վարակված պացիենտների՝ այլ հիվանդությունից մահվան մեկ դեպք: Օգոստոսի 24-ի դրությամբ մահվան այս դեպքերի թիվը 256 է: Ընդհանուր առմամբ, մեկ օրում մահացել է 3 մարդ, իսկ մահվան ընդհանուր դեպքերի թիվը հասել է 1110-ի:

Մահվան դեպքերի վերաբերյալ Առողջապահության նախարարությունից հայտնում են, որ պացիենտները եղել են 72 (կին) և 71 (կին) տարեկան: Վերջիններս ունեցել են ուղեկցող քրոնիկական հիվանդություններ։

Մեկ օրում առողջացածների թիվը 58 է, ընդհանուր առողջացածներինը՝ 36 049, փաստացի բուժվողներինը՝ 5666 (մեկ օրում նվազել է 28-ով): Մեկ օրում արվել է 380 թեստ, ընդհանուր առմամբ առ այսօր արվել է 195 574 թեստ: