Ինչպես ամբողջ աշխարհում, այնպես էլ Հայաստանի Հանրապետությունում կորոնավիրուսային հիվանդության համաճարակային իրավիճակը շարունակում է լարված մնալ, տեղեկացնում է Առողջապահության նախարարությունը:

2021 թվականի մարտի 18-ի դրությամբ՝ ՀՀ-ում արձանագրվել է 181165 դեպք, որից՝ 9830-ը (5.4%) ստանում են բուժում, 167186 (92.3%) անձ առողջացել է, 3301 դեպքում արձանագրվել է մահվան ելք, մահաբերությունը կազմում է 1.8%:

Վերջին 14 օրվա ընթացքում արձանագրվել է հիվանդության 7858 դեպք, ինչը նախորդ նույն ժամանակահատվածի համեմատ (3487 դեպք) աճել է 125%-ով։

Վարակի վերարտադրության ցուցանիշը (7 օրվա հաշվարկով) 16.03.2021-ի դրությամբ կազմում է 1.48, ինչը նշանակում է, որ եթե ինչպես բնակչության, այնպես էլ տնտեսվարող կազմակերպությունների կողմից չպահպանվեն անվտանգության կանոնները, մասնավորապես՝ դիմակի կրումը բաց և փակ տարածքներում, ձեռքերի ախտահանումը կամ լվացումը օճառով, ինչպես նաև սոցիալական հեռավորության պահպանումը առնվազն 1.5 մետր, ապա մոտակա 7 օրվա ընթացքում կարձանագրվի հիվանդության մոտ 6820 նոր դեպք, ինչը կազմում է այսօրվա բուժում ստացողների մոտավորապես 69%-ը:

Հատկապես ուշադրություն է պետք դարձնել փակ կազմակերպություններում կորոնավիրուսային հիվանդությամբ հաստատված դեպքերի կոնտակտավորների հայտնաբերման և առողջապահության նախարարի 17-Ն հրամանով սահմանված պահանջների պահպանմանը, մասնավորապես՝ նրա համար աշխատանքը 14-օրյա ժամկետով կազմակերպվում է հեռավար եղանակով, դրա անհնարինության դեպքում` հերթափոխային սկզբունքով, դրա անհնարինության դեպքում էլ կատարվում է աշխատավայրում աշխատանքային պայմանների փոփոխություն՝ այլ աշխատողների հետ շփումը բացառելու կամ նվազագույնի հասցնելու նպատակով:

Այսօր Հայաստանում կան ագրեսիվ ուժեր, եւ նրանք ամեն օրվա հետ իրենց ագրեսիվությունը մեծացնում են եւ էս ընթացքում քաղաքացիական բախումներից հնարավոր է եղել խուսափել, դա չափազանց մեծ ձեռքբերում է: Այս մասին այսօր` մարտի 20-ին, Արագածոտնի մարզի Ներքին Բազմաբերդ համայնքում քաղաքացիների հետ հանդիպման ժամանակ ասել է Նիկոլ Փաշինյանը:

«5 ամիս Հայաստանի Հանրապետությունը գտնվում է ետպատերազմյան իրավիճակում, եւ ետպատերազմյան հակադրության մեջ: Շատ ագրեսիվ ձեւով իշխանությունը եւ կառավարությունը հարձակումների է ենթարկվել եւ շարունակվում է ենթարկվել: Գիտեք, թփ ինչպիսի ելույթներ են հնչում, ինչպիսի կոչեր են հնչում, բայց ես գիտեմ, որ շատերը այս իրավիճակի հետ կապված ունեն դժգոհություններ, ունեն պահանջներ: Այն վիճակը, որ մենք ունենք Հայաստանում, ըստ էության աննախադեպ է, որովհետեւե հետպատերազմյան այսպիսի ծանր  հակադրության մեջ մեզ հաջողվել էխոսւսափել քաղաքացիական բախումներից: Այսօր Հայաստանում կան ագրեսիվ ուժեր, եւ նրանք ամեն օրվա հետ իրենց ագրեսիվությունը մեծացնում են եւ էս ընթացքում քաղաքացիական բախումներից հնարավոր է եղել խուսափել, դա չափազանց մեծ ձեռքբերում է: Բայց ես ուզում եմ արձանագրել, որ դա առաջին հերթին մեր ժողովրդի ձեռքբերումն է, որովհետեւ առաջին հերթին դուք թույլ չեք տվել, որ այդ քաղաքացիական բախումները տեղի ունենան: Ու սա այն պայմաններում, երբ ոմանք ուղիղ, առանց սեթեւեթեանքների սպանության կոչեր են անում, ահաբեկչական ակտեր իրականացնելու կոչեր են անում»,-ասաց նա:

Փաշինյանի խոսքով` որոշ դատավորներ խրախուսում են սպանությունների կոչերը, իրավապահ մարմինները տանում են կալանավորելու, նրանք ասում են` «ոչինչ, գնացեք եւ շարունակեք ձեր հանձնարարությունների եւ ձեր չալերտավոր ասած առաքելության իրականացումը»:

«Իսկ ինչու Հայաստանում դեռ կան այդպիսի դատավորներ, որովհետեւ մենք մի շատ մեծ թերություն եւ առավելություն ունենք` 2018 թվականին, երբ որ ձեր առջեւ կանգնել ենք եւ իրար հետ իրականացրել ենք հեղափոխություն, էն ժամանակ մենք պարտավորություններ ենք ստանձբել, որ պետական կառաավարման համակարգում ջարդեր չեն լինելու, յուրաքանչյուրը ունենալու է իր շանսը եւ մենք հավատարիմ ենք մնացել այդ պարտավորությանը: Քաղաքական առումով մենք սխալ ենք եղել, բայց բարոյական առումով ճիշտ ենք եղել:Այո, այսօր Հայստանում կան մարդիկ, որոնք այսօր Հայսաստանում ուզում են արյուն, ուզում են, որ Երևանի, Արագածոտնի փողոցներով արյուն հեղվի, որովհետեւ էդ մարդիկ չեն հագեցել Հոկատեմբերի 27-ի արյունով, Մարտի 1-ի արյունով, չեն հագեցել տասնյակ քաղաքական սպանությունների արյունով եւ ցանկանում են, որ արյունահեղություն լինի»,-ասաց նա:

Ադրբեջանական լրատվամիջոցներն առիթը բաց չեն թողնում հեգնելու եւ ընդգծելու ՀՀ իշխանությունների ստորագրած կապիտուլյացիոն ակտի անպատվաբերությունը։

Ինչպես արդեն տեղեկացրել ենք՝ Ստեփանակերտում վիրահատվել է սրտի կաթվածով տեղափոխված ադրբեջանցի վարորդն ու ուղարկվել Բաքու՝ ռուս խաղաղապահների ուղեկցությամբ։

«Այն բանից հետո, երբ Ստեփանակերտում հայ բժիշկները սրտամկանի ինֆարկտից հետո ստենդավորեցին ադրբեջանցի վարորդի սիրտը և փրկեցին նրա կյանքը, ադրբեջանական Maiden Tower հեռուստաալիքը գրել էր՝ «Շնորհակալություն Ադրբեջանի հայ բժիշկներին»,- տելեգրամի իր ալիքում գրել է կինոպրոդյուսեր Արմեն Գրիգորյանը եւ ավելացրել.

«Երբ Ադրբեջանի ղեկավարն իրեն պահում է անդաստիարակ անչափահաս պատանու նման, որի հայրը բակում ծեծում և վիրավորում է իր որդուն, ինչ կարող ես պահանջել շարքային բլոգերից:Ես ծանոթ եմ Խորհրդային շրջանի Բաքվի էլիտաներից շատերին:Նրանք շատ դաստիարակված ու կիրթ մարդիկ էին:Ըստ ամենայնի, թափառական հոգեբանությամբ օժտվածների են հավաքագրում քարոզչական ԶԼՄ-ներում ծառայելու համար:

Եվ բացարձակապես չեմ զարմանում, որ Արցախի հայ բժիշկները փրկել են ադրբեջանցի վարորդի կյանքը և նրան ռուս խաղաղապահների ուղեկցությամբ ուղարկել տուն Բաքու, քանի որ հիմա հրադադար է»:

Արտահերթ ընտրությունների անցկացման լուրը խլացրեց Ատոմակայանի հնարավոր փակման լուրը։ Այս մասին ֆեյսբուքյան իր էջում գրել է իրավաբան Վահե Գրիգորյանը։

«Արտահերթ ընտրությունների անցկացման լուրը ուղղակի (նաեւ`միտումնավոր) խլացրեց Ատոմակայանի հնարավոր փակման լուրը…

Օրերս ուժի մեջ մտած Եվրոպական միության եւ Հայաստանի միջեւ Համապարփակ եւ ընդլայնված գործընկերության համաձայնագրի 42-րդ հոդվածի 2-րդ մասի «g» կետի «ii» ենթակետի համաձայն շուտով 90% հավանականությամբ կփակվի Մեծամորի ատոմակայանը, ինչի մասին այսօր հայտնել ԱԷԿ տնօրենը:

Իսկ ԱԷԿ-ի փակվելը Արցախում կորսված ՀԷԿ-երի հետ միասին նշանակում են ոչ թե զուտ հոսանքի կտրուկ թանկացում, այլեւ դրա բացակայություն առհասարակ:

Արեւմուտքը Մեզ զրկեց Մեզ Արցախից, զրկեց շատերին Ազգային դիմագծերից, հիմա էլ զրկում է լույսից եւ հոսանքից…

Շնորհակալություն»,- գրել է նա։

ՀՀ երրորդ նախագահ Սերժ Սարգսյանը րդ նախագահի և մյուսների գործով նիստից առաջվ կարճ հանդիպում ունեցավ կուսակիցների և աջակիցների հետ։ Լրագրողների հետ զրույցում Սերժ Սարգսյանը նշեց, որ դժվար է կանխատեսել ներկա իշխանությունների գործողությունները։ Երբ կլինի ընտրությունների մասին հայտարարություն, կուսակցությունը կհայտնի իր դիրքորոշումը կհայտնենք։

ՀՀ երրրորդ նախագահ Սերժ Սարգսյանը դիմեց հայրենակիցներին, կուսակցներին, հիշեցրեց, որ երկու տարի առաջ կարվեց մի քրեկան գործ, որի շրջանակներում իրեն անհեթեթ մեղադրանք առաջադրվեց և գործն ուղարկվեց դատարան,իսկ մեկ տարի առաջ դատարանի բակում հայտարարեց, որ Արցախը երբեք չի լինելու Ադրբեջանի կազմում։

«Ոմանք չհասկացան, թե ինչո՞ւ չեմ խոսում անհեթեթ գործի ամսին, այլ խոսում եմ ազգային խնդիրների մասին։ Ոմանք տարակուսեցին, իսկ ոմանք նույնիսկ փորձեցին հեգնել, բայց մենք ձեզ հետ միասին զգում էինք, տեսնում էինք, կանխատեսում էինք, թե ինչի համար են այս հետապնդումները, ապօրինությունները»։

ՀՀ երրորդ նախագահը նշեց, որ ապօրինի գործերը միայն իր նկատմամբ չէին, կային շատ ճչացող ապօրինություններ, որոնք ըստ իրեն՝ 2018 թվականից Հայաստանում մեկնարկած հակաղարաբաղյան գործողությունների շղթայի մի մասն էին, որոնց նպատակն էր վարկաբեկել Արցախյան պայքարի ակունքներում կանգնած մարդկանց, թաղել Ղարաբաղի հարցը և ազգային իղձերը։ Սերժ Սարգսյանը հայտարարեց, որ շարունակելու են պայքարը և մեկ անգամ ևս շեշտեց. «Մեր ուղերձները, մեր զգուշացումները հանրայիան լայն արձագանք չունեցան։Պահանջվեց մի ամբողջ արյունալի պատերազմ, հսկայական զոհերով և հայրենազրկում, որպեսզի ժողովրդի աչքերը բացվեին, մարդիկ հասկանային այս իշխանությունների մտադրություններն ու էությունը և այսօր ևս ցանկանում եմ ուղերձ հղել հանուն վերջին 33 տարիներին Հայաստանի ինքիշխանության համար զոհված հերոսների, հանուն թափված արյան, հանուն մեր հայրենիքի արցախյան հատվածի և Հայաստանի ապագայի»։

Սերժ Սարգսյանը նաև հայտնեց, որ բոլոր նրանք, ովքեր համարում են, որ Արցախի կարգավիճակը լուծված է՝ լինեն Հայաստանի ներսում, թե դրսում, պետք է հասկանան, որ այն, ինչ մնացել է Արցախից, երբեք չի լինելու Ադրբեջան ի կազմում։ ՀՀ երրորդ նախագահը հայտնեց, որ ցավոք, հնարավոր չէր ողբերգությունը կանխել, բայց ինքը տեսնում է այդ ողբերգությունից դուրս գալու ճանապարհը։

«Կապիտուլյանտները պետք է հեռանան։ Ժողովուրդը պետք է ընտրի պետականամետ կառավարություն, որն օր առաջ պետք է լծվի Հայաստանի անվտանգության և մեր քաղաքացիների բարեկեցության մակարդակի բարձրացման գործին, այլ ճանապարհ ու այլընտրանք չկա»։

Սերժ Սարգսյանը ելույթում նշեց նաև, որ 3 տարիների ընթացքում նաև կուսակցական կորուստներ ունցան, բայց նաև կոփվեցին, իրենց շարքերը բյուրեղացան և այսօր ևս ունեն պրոֆեսիոնալ և մրցունակ թիմ և պայքարելու են ազգային և ուժեղ պետության համար։

«Ես քաղաքական խրամատը չեմ լքելու, ես խրամատ լքող չեմ և իմ անցած կայքնով ես ապացուցել եմ՝ կարող եմ հեշտությամբ պաշտոն զիջել, կարող եմ հանուն Հայաստանի ժողովրդի զիջել մի ողջ իշխանություն, բայց ես երբեք չեմ լքի խրամատը, որը պաշտպանում է հայկական պետականությունը, սրանում կարող եք վստահ լինել։ Հանրապետականի ձայնը եղել է հնչեղ և այդպես էլ մնալու է։ Մեր գործողությունները լինելու են հստակ, հաշվարկված, համակարգված, նպատակաուղղված և ազնիվ»։

Սարգսյանը շնորհակալություն հայտնեց սատարման համար և խնդրեց աջակիցներին և կուսակիցներին չսպասել մինչև դատական նիստի ավարտը։ Վերջում համակիրները և ՀՀ երրորդ նախագահը գոչեցին՝ «Կեցցե Հայաստանը»։

ՀՀ երրորդ նախագահ Սերժ Սարգսյանը րդ նախագահի և մյուսների գործով նիստից առաջվ կարճ հանդիպում ունեցավ կուսակիցների և աջակիցների հետ։ Լրագրողների հետ զրույցում Սերժ Սարգսյանը նշեց, որ դժվար է կանխատեսել ներկա իշխանությունների գործողությունները։ Երբ կլինի ընտրությունների մասին հայտարարություն, կուսակցությունը կհայտնի իր դիրքորոշումը կհայտնենք։

ՀՀ երրրորդ նախագահ Սերժ Սարգսյանը դիմեց հայրենակիցներին, կուսակցներին, հիշեցրեց, որ երկու տարի առաջ կարվեց մի քրեկան գործ, որի շրջանակներում իրեն անհեթեթ մեղադրանք առաջադրվեց և գործն ուղարկվեց դատարան,իսկ մեկ տարի առաջ դատարանի բակում հայտարարեց, որ Արցախը երբեք չի լինելու Ադրբեջանի կազմում։

«Ոմանք չհասկացան, թե ինչո՞ւ չեմ խոսում անհեթեթ գործի ամսին, այլ խոսում եմ ազգային խնդիրների մասին։ Ոմանք տարակուսեցին, իսկ ոմանք նույնիսկ փորձեցին հեգնել, բայց մենք ձեզ հետ միասին զգում էինք, տեսնում էինք, կանխատեսում էինք, թե ինչի համար են այս հետապնդումները, ապօրինությունները»։

ՀՀ երրորդ նախագահը նշեց, որ ապօրինի գործերը միայն իր նկատմամբ չէին, կային շատ ճչացող ապօրինություններ, որոնք ըստ իրեն՝ 2018 թվականից Հայաստանում մեկնարկած հակաղարաբաղյան գործողությունների շղթայի մի մասն էին, որոնց նպատակն էր վարկաբեկել Արցախյան պայքարի ակունքներում կանգնած մարդկանց, թաղել Ղարաբաղի հարցը և ազգային իղձերը։ Սերժ Սարգսյանը հայտարարեց, որ շարունակելու են պայքարը և մեկ անգամ ևս շեշտեց. «Մեր ուղերձները, մեր զգուշացումները հանրայիան լայն արձագանք չունեցան։Պահանջվեց մի ամբողջ արյունալի պատերազմ, հսկայական զոհերով և հայրենազրկում, որպեսզի ժողովրդի աչքերը բացվեին, մարդիկ հասկանային այս իշխանությունների մտադրություններն ու էությունը և այսօր ևս ցանկանում եմ ուղերձ հղել հանուն վերջին 33 տարիներին Հայաստանի ինքիշխանության համար զոհված հերոսների, հանուն թափված արյան, հանուն մեր հայրենիքի արցախյան հատվածի և Հայաստանի ապագայի»։

Սերժ Սարգսյանը նաև հայտնեց, որ բոլոր նրանք, ովքեր համարում են, որ Արցախի կարգավիճակը լուծված է՝ լինեն Հայաստանի ներսում, թե դրսում, պետք է հասկանան, որ այն, ինչ մնացել է Արցախից, երբեք չի լինելու Ադրբեջան ի կազմում։ ՀՀ երրորդ նախագահը հայտնեց, որ ցավոք, հնարավոր չէր ողբերգությունը կանխել, բայց ինքը տեսնում է այդ ողբերգությունից դուրս գալու ճանապարհը։

«Կապիտուլյանտները պետք է հեռանան։ Ժողովուրդը պետք է ընտրի պետականամետ կառավարություն, որն օր առաջ պետք է լծվի Հայաստանի անվտանգության և մեր քաղաքացիների բարեկեցության մակարդակի բարձրացման գործին, այլ ճանապարհ ու այլընտրանք չկա»։

Սերժ Սարգսյանը ելույթում նշեց նաև, որ 3 տարիների ընթացքում նաև կուսակցական կորուստներ ունցան, բայց նաև կոփվեցին, իրենց շարքերը բյուրեղացան և այսօր ևս ունեն պրոֆեսիոնալ և մրցունակ թիմ և պայքարելու են ազգային և ուժեղ պետության համար։

«Ես քաղաքական խրամատը չեմ լքելու, ես խրամատ լքող չեմ և իմ անցած կայքնով ես ապացուցել եմ՝ կարող եմ հեշտությամբ պաշտոն զիջել, կարող եմ հանուն Հայաստանի ժողովրդի զիջել մի ողջ իշխանություն, բայց ես երբեք չեմ լքի խրամատը, որը պաշտպանում է հայկական պետականությունը, սրանում կարող եք վստահ լինել։ Հանրապետականի ձայնը եղել է հնչեղ և այդպես էլ մնալու է։ Մեր գործողությունները լինելու են հստակ, հաշվարկված, համակարգված, նպատակաուղղված և ազնիվ»։

Սարգսյանը շնորհակալություն հայտնեց սատարման համար և խնդրեց աջակիցներին և կուսակիցներին չսպասել մինչև դատական նիստի ավարտը։ Վերջում համակիրները և ՀՀ երրորդ նախագահը գոչեցին՝ «Կեցցե Հայաստանը»։

Այլընտրանքային նախագծեր խումբը տարածել է նախագծի փորձագետ Էլինար Վարդանյանի հոդվածը, որը հրապարակում ենք ամբողջությամբ.

««Հայաստան» համահայկական հիմնադրամի կողմից կառավարությանը հատկացված միլիոնավոր դոլարների ճակատագրի վերաբերյալ անհանգստություններն ու դժգոհությունները շարունակում են օրակագում մնալ։ Խոսքն ահռելի գումարների մասին է, որոնց արդյունավետ ծախսման վերաբերյալ միտինգ հիշեցնող հայտարարություններն ու հավաստիացումները միայն խորացնում են կասկածները։

Մենք իրավունք ունենք իմանալ, թե ինչ եղան հանգանակված գումարները։ Պատերազմի ծանր օրերին մենք բոլորս միավորվել էինք հայրենիքի և բանակի շուրջ։ Մարդիկ անկախ իրենց կարողություններից և հնարավորություններից, մեծահարուստներից մինչև օրվա հացի խնդիր ունեցողներ՝ անկախ նրանից, իշխանություններին և կառավարությանը վստահում են, թե՝ ոչ, իրենց ներդրումն ունեցան հիմնադրամի հանգանակությունների գործում։

Հիմնադրամին նվիրաբերված գումարը կառավարությանը փոխանցելը նվիրատուների մոտ իրենց վստահությունը չարաշելու վերաբերյալ կասկածներ առաջացրեց: Ոչ Հիմնադրամի անգիր արված հիմնավորումները, ոչ կառավարության բանավոր հավաստիացումները, ոչ «շահարկումներին» չտրվելու կոչերը չփարատեցին այդ կասկածները։ Արդյունքում վտանգվում է ինչպես «Հայաստան» համահայկական հիմնադրամի հեղինակությունը, այնպես էլ հետագա ծրագրերի իրականացումը:

Հիմնադրամի խորհրդի նիստից հետո արված իրարամերժ մտքերով հայտարարությունը խորացրեց առեղծվածը։ Կառուցողական մթնոլորտում անցած նիստում, ինչպես բնորոշվում է հայտարարության մեջ, խորհուրդը վստահություն է հայտնել, որ պատերազմի ընթացքում հավաքագրված գումարները նպատակային են օգտագործվել։ Վստահություն հայտնելով հանդերձ, զուգահեռ որոշվում է ստեղծել աշխատանքային խումբ, որը կաշխատի միջազգային աուդիտորական ընկերության և ներգրավված այլ կողմերի հետ՝ պատերազմի ընթացքում հավաքագրված և օգտագործված գումարների ուսումնասիրության նպատակով։ Մի կողմից վստահ են, մյուս կողմից՝ դեռ ուսումնասիրում են։

Մարդկանց մոտ, սակայն, չկա նույն վստահությունը։ ՀՀ նախագահի դեռևս նախորդ տարվա վերջում խորհրդի անդամներին ուղղված պաշտոնական նամակը և Հիմնադրամի խորհրդի անդամ ՀՀ երկրորդ նախագահի մտահոգությունները բոլորովին այլ լույսի ներքո են բացահայտում առեղծվածը։

Մեզ պետք է ճշմարտությունը։ Պետք չեն նոր լայվեր, միտինգներ և մանիպուլյացիաներ։ Ներկայացրեք մանրամասն և սպառիչ հաշվետվություն։ Հիմնավորեք, թե որքան գումար և ինչի վրա է ծախսվել։ Եթե իհարկե կան այդպիսի հիմնավորումներ։ Ներկայացրեք առավելագույնս հստակ և թափանցիկ հաշվետվություն, քանի դեռ վերջնականապես չի կորսվել վստահությունը Հիմնադրամի նկատմամբ։ Արեք դա հրապարակային։

Քանի դեռ չկա հիմնավորված հաշվետվություն, մեզնից յուրաքանչյուրն իրավունք ունի ենթադրելու, որ հանգանակված գումաներից եղել են յուրացումներ և թալան։ Հակառակում համոզող ապացույցներ, բացի մերկապարանոց հայտարարություններից դեռ չեն հրապարակվել։
Տրամադրեք սպառիչ տեղեկատվություն, համոզեք մեզ, որ ամեն ինչ արվել է օրինականության սահմաններում և ձեռք բերեք իրավունք նոր ծրագրի»։

Ադրբեջանի նախագահ Իլհամ Ալիևը հրահանգում է ջնջել Արցախի օկուպացված տարածքներից հայկական հետքերը։ Այս մասին թվիթերի իր էջում գրել է Նիդերլանդներում Հայաստանի դեսպան Տիգրան Բալայանը։

«Ադրբեջանի բռնապետն անձամբ հրահանգում է ջնջել Արցախի օկուպացված տարածքներից հայկական հետքերը։ Ալիեւի ռեժիմի ռազմական հանցագործությունները շարունակվում են ամբողջ ծավալով»,-գրել է նա։

Նշենք, որ Ալիևը Արցախի օկուպացված տարածքներ կատարված այցի ժամանակ հայկական եկեղեցու պատերի հայերեն արձանագրությունները կեղծ է անվանել։

Էջմիածնի N զորամասից մարտական գործողություններին մասնակցելու նպատակով Զանգելանում շրջափակման մեջ հայտնված զինծառայողների հարազատները երեկ հանդիպել են Քննչական կոմիտեի պաշտոնյաների հետ։ Նրանք անհանգստացած են՝ ԴՆԹ փորձաքննությունների պատասխանները կեղծում են։ Էջմիածնի N զորամասի անհետ կորած զինծառայող Վարդան Ադոյանի մայրը՝ Անահիտ Ադոյանը «Փաստինֆո»-ի հետ զրույցում հիշեցրեց դեպքը, ինչին ականատես են եղել երկու օր առաջ։

Հարազատ 2 եղբայր ԴՆԹ թեստ էին հանձնել անհետ կորած եղբորը գտնելու համար և ստացել էին 2 տարբեր պատասխան։ Ադոյանը վստահեցրեց ՝ Վարդանյանն ամբողջ հանդիպման ընթացքում ցանկանում էր ճշտել երկու եղբայրների ինքնությունը, սակայն հանդիպմանը մասնակցած 25 ծնողները նրանց ինքնությունը գաղտնի են պահել, քանի դեռ վստահ չեն, որ ԴՆԹ փորձաքննությունները բարեխղճորեն են կատարում։

«Ինքն ուզում է հստակ իմանա՝ ովքեր են երկու եղբայրները և ո՞ւմ մասով է արյուն հանձնվել։ Ես էլ ասացի՝ եկել ես սատանի մայլեն քյանդրբազությո՞ւն ես ուզում անես, չի ստացվի։ Բնականաբար անունը չենք տվել, որովհետև իրենք մեկ վայրկյան հետո կարող են դա ձևակերպել, որ շփոթմունք է տեղի ունեցել, կամ ինչ- որ մի թվի տարբերությամբ սխալ է եղել։ Մի եղբոր պատասխանը եկել է Զանգելանի փոսից հանված ոտքի մի հատվածի վերաբերյալ, մյուս եղբորինը՝ Ջաբրայիլից։ Այսինքն՝ այդ տղեն 2 կես է եղե՞լ։ Մոտավորապես 140 կմ իրարից հեռու։ Չեն պատկերացրել, որ երկու եղբայր մեկ մարդու են փնտրել, ոչ թե տարբեր մարդկանց»,- ասաց Ադոյանը։

Մեր զրուցակցի փոխանցմամբ՝ այսպիսով ցանկանում են ուշադրություն հրավիրել այն փաստին, որ նույնականացումը կատարվում է անօրինություններով։ Հիշեցրեց, որ այն վայրը, որտեղ Էջմիածնի N զորամասի տղաներն են եղել պատերազմի ժամանակ՝ նռնակներ, անօդաչուներ չեն եղել։

«Նման բան չի եղել, որ մեր երեխեքը ցաք ու ցրիվ լինեն։ Մենք բերել ենք փոսից ամբողջ մարմինները՝ իհարկե, մասնատված, որ այդքան ժամանակ եղել են հողի տակ ու անգամ Մոշերում այրել են մարմինները, բայց մոխրացած չեն՝ ուղղակի այրված է եղել՝ հագուստը կպել է ոսկորներին»։

Անհետ կորած տղայի մայրը հայտնեց, որ քիմիկների զորամասից ընդհանուր անհետ կորած համարվող 40 տղաներից 10-ի հարազատներին արդեն հայտնել են, որ ԴՆԹ-ի համընկնում կա։

«Հիմա ես իրենց բացատրում եմ՝ ինչո՞ւ եք տալիս մեկ ոտք, կամ մեկ ձեռք։ Ձեր հարգարժան վարչապետն ասել է ունենք 400 հատ դագաղ, դա բաժանեք ժողովրդին, էդ թվով պատերազմը վերջացել է՝ մնացածը փոշիացե՞լ են, հօդս են ցնդե՞լ։ Այսինքն, մի-մի մասունքով ուզում եք մեր բերանները փակե՞ք՝ հավաքեք մեր երեխաների ամբողջ մարմինները՝ 10-9 կտորից է բաղկացած, մեզ տեղեկացրեք, մենք դա անպայման կտանենք դուրս»։

Ադոյանը նշեց, որ համընկնումների վերաբերյալ պատասխանները ստանալուց հետո տղաներից մեկին հուղարկավորել են Հայանիստում։ Մյուսը եղել է Շուշիից, որը կապ չի ունեցել քիմիկների հետ։

« 57 մասունք են բերել մեր տղաները, 20-ը տվել, ասում են ամեն մեկին մի ձեռք, մի ոտք է, տարեք դա։ Բա մնացածն ո՞ւմ վրա եք բարդել։ Իսկ այսօր ասել եմ, որ մեր տղաներն, ովքեր փոսը բացել են, գան բոլոր մորգերը նայեն, գտնեն 14 պարկերը։ Ո՞նց է, որ այդ մեկ պարկից մեկ նմուշ են վերցնում, երբ որ ոսկորները ամբողջովին անջատված են եղել իրարից։ Այսինքն՝ իրենք վերցրեցին, որ մեկ տոպրակի մեջ մեկ հոգի է եղել, այսինքն՝ չորս ոտք, երեք ձեռքով մի հոգի՞ է։ Տղերքը ութը գլուխ են բերել, որից երեքը էջմիածնի մորգում։ Ո՞ւր են մյուս հինգը։

Կերե՞լ են, թե ծախե՞լ են, չեն տալիս, որովհետև գիտեն, որ ատամնաշարերից բոլորը կճանաչեն»։

Անահիտ Ադոյանը վստահեցնում է, որ իրենց ամեն կերպ փորձում են լռեցնել ու վստահ են, որ թերանալուց հետո պատկան մարմինները կարող են մեկնաբանել, թե շփոթմունք է եղել։

«Իրենք ևս մեկ անգամ մեր բերանը փակելու համար կձևակերպեն շփոթմունք։ Մեր ոչ ու փուչ Անահիտ Ավանեսյանը, որ անգամ չգիտի անալգինն ու դիմիդրոլն ինչի դեպքում կարող են խառնել՝ ինչ օգուտ կամ վնաս կտա։ Ինձ չեն կարող մասունք տալ, ասել սա քոնն է ու վերջ»,- ասաց նա։

Անհետ կորած զինվորի մայրը նշեց՝ եթե ապօրինությունները շարունակվեն, ամբողջ Եռաբլուրը կխառնվի, բոլորը կրկին փորձաքննություն կիրականացնեն, Ադոյանը պնդում է՝Զանգելանի դեպքը ղեկավարության կոկորդին մեծ ձկան փուշ է, որ չեն կարողանում մարսել։

Անահիտ Ադոյանը հայտնեց նաև, որ այսքանից խուսափելու համար պարզապես կարող էին առաջարկել եղբայրական գերեզման կառուցել, խաչքար դնեին՝ ի հիշատակ Զանգելանում անհետ կորած զինվորների, ոչ թե զոհված որդիներից մի մասունք տային ու այդքանով հարցը ավարտված համարեին։ Անահիտ Ադոյանը տեղեկացրեց, որ իրեն էլ իր որդուց մի մասունք են տվել։

«Ինձ ոտքի մեկ հատված են տվել ՝ ծնկից ներքև։ Ես հարյուր տոկոս համոզված եմ, որ դա անում են՝ իմ բերանը փակելու համար, որպես ակտիվիստ։ Չգիտես ինչի, իրենք կարծում են, որ ակտիվիստ եմ։ Կուզենամ, որ այն մարդիկ,որոնք նման բառեր են օգտագործում, նույն ապրումները ունենան, որ հասկանան դա ակտիվիստությո՞ւն է, թե պահանջ՝ փնտրել կորցրած զավակին։ »

Ադոյանը վերահաստատում է՝ պատասխաններից հետո պահանջելու են մասունքները՝ արտասահմանում ԴՆԹ կրկնակի փորձաքննություն անցնելու համար։ Դրա համար ֆինանս չունեն և պատրաստվում են դիմել նախկին իշխանություններին։

Դրանով ի ցույց են դնում, որ նշված անձիք հանցագործներ են և չեն վերադարձվելու, քանի որ արդեն իսկ դատական գործընթացը պաշտոնականացվել է և դրա համար վկայակոչում են կարգավիճակի փոփոխությունը։ Այս մասին Tert.am–ի հետ զրույցում ասաց Մարդու իրավունքների եվրոպական դատարանում հայ գերիների շահերի ներկայացուցիչ, փաստաբան Սիրանուշ Սահակյանը՝ անդրադառնալով Ադրբեջանի արտգործնախարար Ջեյհուն Բայրամովի հայտարարությանը, որ Ադրբեջանը ռազմագեր չի համարում 2020 թվականի նոյեմբերի 10-ին Լեռնային Ղարաբաղի վերաբերյալ եռակողմ հայտարարության ստորագրումից հետո ԼՂ-ում ձերբակալված հայ զինվորականներին:

Սիրանուշ Սահակյանը նշեց, որ իրականում միջազգային մարդասիրական իրավունքը պաշտպանության տակ չի վերցնում հանցագործներին, սակայն անհեթեթ է այն միտքը, որ նրանք պատերազմում սպանել են ադրբեջանցիների, հետևաբար հանցագործներ են։ «Հասկանալի է, որ պատերազմի ժամանակ թշնամու զորքերին խոցելը թույլատրվում է, և այս հիմքով քչերն են կարող դիտարկվել հանցագործներ։ Ադրբեջանը պարզապես անհարկի ձևով փորձում է խոչընդոտել հայրենադարձմանը»,–ասաց նա։

Փաստաբանը նշեց, որ հաստատված 73 գերիների առնչությամբ եվրոպական դատարանում ընթանում են իրավական գործընթացներ, և կարգավիճակի վերջնական գնահատումը տալու է եվրոպական դատարանը, բայց այս պահին էլ հումանիտար իրավունքի խնդիրներով զբաղվող կառույցները, միջազգային այլ գործընկերներ ունեն միասնական ընկալում, որ գործ ունենք ռազմագերիների հետ, իսկ մնացած խոչընդոտները պայմանավորված են քաղաքական գործոններով։

«Կարծում եմ, որ միջազգային գործընկերների, գերտերությունների հետ աշխատելով կարելի է բանեցնել անհրաժեշտ իրավական և քաղաքական ճնշում, որպեսզի բոլոր գերիները հայրենադարձվեն»,–ասաց նա։

Ինչ վերաբերում է նրան, որ այդ գերիները հայտնվել են Ադրբեջանում նոյեմբերի 9-ի հայտարարությունից հետո, իրավաբանը նշեց, որ դա նշանակություն չունի, քանի որ Լեռնային Ղարաբաղը, Հայաստանը և Ադրբեջանը դեռևս համարվում են հակամարտող կողմեր և ֆորմալ հայտարարության կնքումց հետո տեղի ունեցած միջադեպերն էլ մեկնաբանվում են մարդասիրական իրավունքի նորմերի ներքո։

«Բացի այդ պետք է հաշվի առնենք պրակտիկան․ մենք ունենք ամսի 10-ից հետո քաղաքացիական անձանց հայրենադարձում, Խծաբերդից 8 անձի վերադարձում, ինչը նույնպես հավելյալ ապացույց է այն մասին, որ նշված անձիք պահպանում են իրենց ռազմագերու կարգավիճակը, իսկ ժխտողականությունը պայմանավորված է քաղաքական նախադրյալներով»,–ասաց նա։

Ինչ վերաբերում է հարցին, թե ամեն դեպքում ինչպես են ընթանում բանակցությունները գերիների վերադարձին, Սիրանուշ Սահակյանը պատասխանեց․«Բանակցությունները բնականաբար հուսադրող չեն, այնտեղ իսկապես հարցը քաղաքականացված է, դեռևս Հայաստանի իշխանությունները զիջումների են գնալու, և այս պարտվողական հոգեբանության պարագայում Ադրբեջանը ռազմագերիների խնդիրը պահում է որպես հավելյալ լծակ, որպեսզի վերջնականորեն ստորացնի Հայաստանի իշխանություններին»,- ասաց նա։

Փաստաբանը նշեց, որ, ընդհանուր առմամբ, ունենք 65 հայրենադարձված գերի, որոնց գերեվարումը կապված է եղել 2020 թվականի պատերազմի հետ, այս պահին ունենք 73  հաստատված գերեվարված անձ, որոնք պաշտոնապես ընդունվում են Ադրբեջանի իշխանության կողմից և գտնվում են Ադրբեջանում։

«Միևնույն ժամանակ շուրջ 150 գերեվարվածի առնչությամբ գործընթացներ են տեղի ունենում, կան ապացույցներ, որոնք խոսում են գերեվարման օգտին, պարզապես Ադրբեջանի իշխանությունները չեն ընդունում։ 73-ից բացի, մոտ 150 անձի ճակատագիր դեռևս անհայտ է, և նրանք ևս գերեվարված են։ Մեր ունեցած տեղեկություններով՝ կան նաև կանայք, այսինքն՝ ակնհայտ է, որ ունենք գերեվարված կին և բռնի տեղահանվածներ, որոնք հայտնվել են Ադրբեջանի հսկողության ներքո, բայց ճակատագրի տեսանկյունից չենք կարող ասել՝ առնվազն քաղաքացիական բնակիչների մասով սպանվե՞լ են և ուղղակի այս պահին դիակները չեն հայտնվում, թե՞ գերեվարված են»,– ասաց նա և նշեց, որ մի շարք կանանց ճակատագիր դեռևս մնում է անհայտ։

Ինչ վերաբերում է գերիների վերադարձի հարցում Հայաստանի դերին և իրականացրած քայլերին, ապա Սիրանուշ Սահակյանը պատասխանեց․«Միանշանակ է, որ Հայաստանը առաջին դերակատարումը պետք է ստանձնի բանակցային եռակողմ ձևաչափում բանակցությունների օբյեկտից վերածվի բանակցությունների սուբյեկտի և ունակ լինեն հոդաբաշխ մտքեր, գաղափարներ արտահայտելու, քննարկելու և դիրքավորվելու։ Առաջին հերթին բանակցություններում իրենց տեղում լինելն է։ Երկրորդը՝ բնականաբար բանակցություններից դուրս, բոլոր պետությունների և միջազգային կազմակերպությունների հետ դիվանագիտական, քաղաքական և իրվական աշխատանք տանելն է։ Եթե պատշաճ աշխատանքներ իրականացվեն, խնդիրը լուծելի է»,–ասաց նա։

DataLeaks-ն իր աղբյուրներից ստացել է ՊԵԿ-ում պարգևավճարների փաստաթղթերը, որոնք գաղտնի են պահվում հանրությունից։

Պարզվում է, որ պատերազմի ամենաթեժ ամսին, հոկտեմբերին, Պետական եկամուտների կոմիտեն պետական պաշտոնյաներին շռայլորեն պարգևավճարներ է բաժանել։ Հիշեցնենք ընթերոցողներին, որ սա այն ամիսն էր, երբ սփյուռքի մեր հայրենակիցները գումարներ էին ուղարկում Հայաստանի Հանրապետություն, որպեսզի մեր բանակը ոչինչի կարիք չունենար։

Ստացված տվյալներն այժմ մշակման փուլում են, որից, այս փուլում, ներկայացնում ենք միայն ՊԵԿ ղեկավար կազմի հոկտեմբեր ամսին ստացած ապշեցուցիչ պարգևավճարները։

ՊԵԿ նախագահ Էդվարդ Հովհաննիսյանը ստացել է 2.285.798 դրամ, որից 1.493.798 դրամ պարգևավճար։

ՊԵԿ նախագահի տեղակալներ՝

Ռաֆիկ Մաշադյանը ստացել է 1.904.832 դրամ, որից 1.244.832 դրամ պարգևավճար,

Արշակ Գասպարյանը ստացել է 1.619.107 դրամ, որից 1.058.107 դրամ պարգևավճար,

Շուշանիկ Ներսիսյանը ստացել է 1.624.729 դրամ, որից 1.063.729 դրամ պարգևավճար,

Աշոտ Մուրադյանը ստացել է 1.534.044 դրամ, որից 973.044 դրամ պարգևավճար,

Միքայել Փաշայանը ստացել է 1.756.346 դրամ, որից 1.195.346 դրամ պարգևավճար։

ՊԵԿ գլխավոր քարտուղար Էդգար Գևորգյանը ստացել է 1.623.075 դրամ, որից շուրջ 1.միլիոն դրամ պարգևավճար։

Նույն ամսին տպավորիչ պարգևավճարներ են ստացել նաև ՊԵԿ-ի վարչության պետերն ու նրանց տեղակալները, որոնց վերաբերյալ տվյալները կհայտնենք մշակելուց հետո։