Ջալալ Հարությունյան, եթե դու թուրք ու դավաճան չես, ասա՝ դու բունկերում եղե՞լ ես, թե՝ ոչ, ովքեր են այնտեղ եղել: Երբ բունկերից դուրս ես եկել, ում ես զանգահարել ու ինչ ես ասել: Այս մասին մամուլի ասուլիսի ժամանակ հայտարարեց Գառնիկ Իսագուլյանը՝ խոսելով հայտնի օպերացիայի մասին, որը հայկական կողմը տապալեց, ինչի արդյունքում մենք մեծ թվով զոհեր ունեցանք:

Նրա խոսքերով, օպերացիան ծրագրվել է Լելեթեփեն գրավելու համար․ «Ով է խոսել Ջալալի հետ ու ինչ է պահանջել նրանից: Հիմա կասեն, որ ռազմական գաղտնիք է: Մոռանում են, որ այդ օրերին ես էլ եմ Արցախում եղել, ամենածանր գործը կատարել է մեր խումբը: Դրա համար ասում եմ՝ Ջալալ, եթե տղամարդ ես, եթե իրենց նման ղզիկ ու թուրք չես, ասա, թե ում ես զանգահարել, ինչ եք խոսել ու ինչ եք որոշել, որովհետև ստախոս թուրք Նիկոլն ամբողջությամբ սուտ է ասել այդ դրվագը: Հիմա ամեն ինչ ուզում են բարդել Օնիկի վրա, սակայն Ջալալի հերթն էլ է հասնելու:

Ջալալ որտեղ ես եղել այն գիշեր, որից հետո առավոտյան քո նկատմամբ մահափորձ եղավ: Ում հետ ես եղել այդ գիշեր բունկերում, ինչ-որ կնոջ: Դու ասա, թե ում հետ ես եղել: Տղամարդ եղի, ասա: Դու գիտես, որ ես դրանք գիտեմ: Ինչու էին ուզում քեզ սպանել ու ով էր ուզում: Ասա: Թե պաշտոն տվեցին, որոշեցիր լռել:

Հիմա ձեր ընկերոջ նկատմամբ ամենամեծ ստորությունն է տեղի ունենում՝ Նիկոլի ու նրա ոհմակի կողմից»:

«Բա ուր մնաց ձեր բանակային ընկերությունը: Հերթով բոլորիդ ոչնչացնելու են: Պատասխանեք:

Մի քանի հարցադրում՝ ով է Սյամոյի հետ քննարկել օպերացիան, երբ սելեկտրով միացել են Օնիկ Գասպարյանի հետ, ով է ասել, որ ամեն ինչ ուսումնասիրված է, խնդիր չկա:

Ջալալ, դրանից հետո ում ես դու զանգահարել, ինչ եք խոսել, դու ինչ ես ասել: Դա արդեն ռազմական գաղտնիք չէ, բացահայտեք, որ մեղավորներին իմանանք, թե ով է ծախել Հայաստանը»,-ասաց նա:

ՀՀ պաշտպանության նախկին նախարար Սեյրան Օհանյանը Sputnik Արմենիայի հետ զրույցում, անդրադառնալով այսօր ԱԺ-ում տեղի ունեցած քննարկումներին, բոլորին հորդորեց ՀՀ Զինված ուժերի, նրա քանական տվյալների, սպառազինության ու մարտական գործողությունների այս կամ այն դրվագին վերաբերող տեղեկությունները հրապարակային չքննարկել։ «Միայն ու միայն անգրագետ պետական և ռազմական կառավարումից հեռու մարդիկ կարող են այդպիսի տվյալները քննարկել հրապարակավ»,–ասաց նա։

Հիշեցնենք, որ այսօր ԱԺ–ում ՀՀ վարչապետ Նիկոլ Փաշինյանը խոսեց աղմուկ հանած Լելե Թեփեի օպերացիայից` ասելով, թե օպերացիայի հեղինակը մի գեներալ է եղել։

«Եթե մեր կառավարության առաջին դեմքն ուզում է մի բան ասել, լավ կլինի, ճիշտ կլինի, որ անվանական ասի, հակառակ դեպքում ինքը ևս մի անգամ ապացուցում է, որ մեր կառավարության ղեկավարը անգրագետ, սուտասան, միայն ու միայն մանիպուլյացիաներով զբաղվող անձնավորություն է»,–ասաց Սեյրան Օհանյանը։

Պատասխանելով ինչքանով էր Հայաստանն ու մեր Զինված ուժերը պատրաստ սեպտեմբերի 27–ի լայնամասշտաբ հարձակմանը հարցին` Սեյրան Օհանյանն ասաց, որ ՀՀ–ն ու ԶՈւ–ն միշտ էլ պատրաստ են եղել մեր երկրի սահմանների անվտանգությունը պաշտպանելու համար։

«Այլ հարց է`այս պատրաստակամությունը կարո՞ղ էր արտահայտվել այս ղեկավարության օրոք` ոչ, և իրականությունը պատասխանում է այդ հարցին»,–ասաց նախկին նախարարը։

Անդրադառնալով ՍՈւ–30ՍՄ կործանիչներ ձեռք բերելուն, Սեյրան Օհանյանն ասաց, որ ՀՀ ԶՈւ–ի յուրաքանչյուր կատարելագործումն անհրաժեշտություն է, և դա վերաբերում է նաև ռազմական ավիացիային։

«Հայրենիքին տալիս են, բայց չեն պահանջում։ Եվ  հայրենիքը արժանվույն գնահատում է բոլոր նվիրյալներին»,-ԱԺ-ում հարց ու պատասխանի ընթացքում մինչ հարցին անդրադառնալն ասաց  ԱԺ պատգամավոր Սրբուհի Գրիգորյանը, որից հետո դիմեց ՀՀ պաշտպանության նախարարին։

«Կամավոր ճակատ մեկնած և զորակոչված մեր քաղաքացիները սոցիալական իրենց երաշխիքներից օգտվելու համար հայտնվել են բյուրոկրատական լուրջ քաշքշուկների առջև։ Այդ վիրավոր կամավոր զինծառայողները կաստիլներով գնում են ՏԻՄ-եր, որտեղ նրանց ասում են՝ «մենք իրավասու չենք զինկոմիսարիատի իրավասության տակ գտնվող փաստաթուղթ տրամադրել», զորամասն էլ ասում է՝ «գնացեք ՏԻՄ, մենք ձեզ չենք զորակոչել»։ Սա ի՞նչ է նշանակում, ինչի՞ համար են արվում, որտե՞ղ են արգելակները»,- ասաց Գրիգորյանը։

«Վիրավորում ստացած քաղաքացիների մի մասին մեկ երկու ամիս նշանակվել է քաղաքացիական թոշակ, ասենք ՝ 26 000 դրամ, բայց նրանց մի մասն առաջին կարգի հաշմանդամ են և չեն կարողանում պահել իրենց երեխաներին։ Ո՞նց եք պատկերացնում այս խնդիրների լուծումը», հավելեց նա։

Պաշտպանության նախարարի փոխարեն հարցերին պատասխանեց փոխվարչապետ Մհեր Գրիգորյանն՝ ասելով․ «Իրականության մեջ շահառուին նույնականացնելը բավականին բարդ գործընթաց է։  Խնդիրը որոշ չափով լուծելու համար երեք կամուրջ-միջոցառում է իրականացվում, որի մասին կհայտնեմ վաղը»։

ԱԺ-ում հարց ու պատասխանի ընթացքում պատգամավոր Արման Բաբաջանյանը հետաքրքրվեց Նիկոլ Փաշինյանից, թե ե՞րբ է պատրաստվում հրաժարական տալ։

«Հրաժարական պատրաստվում եմ տալ ապրիլի վերջին տասնօրյակում, որից հետո, համաձայն խորհրդարանական ուժերի և ՀՀ նախագահի հետ ձեռք բերված պայմանավորվածությունների, պատշաճ ընթացակարգերը պաշտպանելու համար 7-րդ օրը տեղի կունենան վարչապետի ընտրություններ։«Իմ քայլը» խմբակցության կողմից կառաջադրվեմ վարչապետի թեկնածու, որովհետև Սահմանադրության ձևակերպումները պարտադրում են, որ լինի վարչապետի թեկնածու։Մյուս խմբակցությունները վարչապետի թեկնածու չեն առաջադրի, «Իմ քայլը» խմբակցությունն ինձ վարչապետ չի ընտրի: Երկրորդ անգամ ես խմբակցության 1/3-ի կողմից կառաջադրվեմ վարչապետի թեկնածու, էլի վարչապետի այլ թեկնածու չի առաջադրվի, կրկին վարչապետ չի ընտրվի, ԱԺ-ն իրավունքի ուժով կհամարվի լուծարված, որից հետո  կնշանակվեն արտահերթ ընտրություններ ՝2020 թվականի հունիսի 20-ին»,- պատասխանեց Փաշինյանը։

Իրավասու պետական մարմինները և պետական պաշտոնատար անձինք պատերազմի ժամանակ պարտավոր են առաջնորդվել ստորև նշված իրավակարգավորումներով և իրենց լիազորությունների շրջանակում առավելագույնը անել՝ դրանցում նշված նպատակներին հասնելու համար։ Այս մասին իր ֆեյսբուքյան էջում գրել է Արցախի հերոս Արշավիր Ղարամյանը:

Նա, մասնավորապես, գրել է․

«1. ՀՀ օրենքը «Ռազմական դրության իրավական ռեժիմի մասին» հոդված 1-ին՝

«Ռազմական դրությունը բացառապես Հայաստանի Հանրապետության վրա զինված հարձակման, դրա անմիջական վտանգի առկայության կամ պատերազմ հայտարարվելու դեպքում իրականացվող ժամանակավոր միջոցառում է, որն իրենից ներկայացնում է պետական կառավարման և տեղական ինքնակառավարման մարմինների, կազմակերպությունների գործունեության հատուկ իրավական ռեժիմ և թույլատրում է իրավաբանական անձանց, Հայաստանի Հանրապետության քաղաքացիների, օտարերկրյա քաղաքացիների ու քաղաքացիություն չունեցող անձանց իրավունքների և ազատությունների որոշակի սահմանափակումների և նրանց նկատմամբ լրացուցիչ պարտավորությունների սահմանում»:

2. ՀՀ օրենքը «Պաշտպանության մասին»՝

Սույն օրենքը կարգավորում է Հայաստանի Հանրապետության պաշտպանության կազմակերպման իրավական հիմքերը, պաշտպանության ոլորտում պետական և տարածքային կառավարման, տեղական ինքնակառավարման մարմինների, պաշտոնատար անձանց, անկախ կազմակերպական-իրավական ձևից` կազմակերպությունների, զինված ուժերի և այլ զորքերի գործունեությունը, Հայաստանի Հանրապետության պաշտպանությանը մասնակցելու գործընթացում քաղաքացիների իրավունքները և պարտականությունները, ինչպես նաև զորահավաքային նախապատրաստության և զորահավաքի անցկացման հետ կապված հարաբերությունները:

3. Հրամանատարի որոշումը պաշտպանության մասին: Ցանկացած մակարդակի հրամանատար սկսած ջոկի հրամանատարից մինչև բանակի հրամանատար, ունենում է ընդունված որոշում հաստատված վերադաս հրամանատարի կողմից պահպանության կամ պաշտպանության իրեն վստաահված հատվածում թշնամու կողմից գործողություններ սկսելու դեպքում համապատասխան գործողությունների դիմելու մասին:

Ստորև տեղադրված նկարում պատկերված անձինք պատասխանատու էին 44 օրյա պատերազմի ընթացքում այս իրավակարգավորումների, ինչպես նաև տասնամյակներով մասնագետների կողմից մշակված պաշտպանության պլանի իրագործման համար:

Այժմ հարց. արդյոք սույն անձինք լինելով պատասխանատու՝ վերը նշված կարգավորումներում նշված պահանջները չկատարելու և/կամ ոչ պատշաճ կատարելու համար քրեաիրավական և «բարոյագիտական» իմաստներով մեղավոր են պատերազմում կրած պարտության, չարդարացված մարդկային, տարածքային և այլ կորուստների համար, թե՝ ոչ:

Ի վերջո սա պետություն է, ոչ թե ինչ-որ մեկի հոր դուքանը, որ ում գլխին ինչ փչի՝ անի»:

Արցախի Հանրապետության Մարդու իրավունքների պաշտպան Գեղամ Ստեփանյանը ֆեյսբուքի իր էջում գրում է․

«Երեկ այցելել եմ Ասկերանի շրջանի Սարուշեն համայնք, որտեղ ապրիլի 7-ին ադրբեջանցիները կրակել են դաշտերում գյուղատնտեսական աշխատանքներ իրականացնող համայնքի բնակիչների ուղղությամբ:

Տեղանքի ուսումնասիրությունից պարզ է դառնում, որ դաշտը, որտեղ համայնքի բնակիչները իրականացնում էին գյուղատնտեսական աշխատանքներ, գտնվում է ադրբեջանցիների կողմից ուղիղ դիտարկման ներքո, ուստի վարկածը, որ ադրբեջացնի դիրքապահները կրակել են իբր ինժեներական աշխատանքներ իրականացնող տրակտորի ուղղությամբ, մտացածին ու անտրամաբանական է, քանի որ իրենց զբաղեցրած դիրքերից առանց սխալվելու կամ շփոթվելու հնարավորության տեսանելի է ինչպես մեր քաղաքացու կողմից վարվող գյուղատնտեսական նշանակության տեխնիկան, այնպես էլ աշխատանքի բնույթը:

Ադրբեջանական զինված ուժերը, իրենց գործողություններով ակնհայտ խախտելով քաղաքական ամենաբարձր մակարդակի պայմանավորվածությունները, ոչ միայն խոչընդոտել են համայնքի բնակիչների գյուղատնտեսական աշխատանքներին, այլև իրական ոտնձգություն գործել նրանց կյանքի իրավունքի նկատմամբ:

Այս ամենը ծնում է Շոշ-Սարուշեն-Կարմիր Շուկա ներպետական մայրուղու ողջ երկանքով անվտանգության հավելյալ միջոցառումներ ձեռնարկելու անհրաժեշտությունը: Այդ ճանապարհով ադրբեջանական շարասյուների տարանցման ժամանակ մերձակա համայնքների բնակչության անվտանգությունը երաշխավորելու համար խիստ կարևոր է տարանցումները հստակ որոշված ժամանակացույցով կազմակերպելը, ինչը պետական կառավարման և տեղական ինքնակառավարման մարմիններին թույլ կտա փոխգործակցության շրջանակում կանոնակարգելու և կարգավորելու այն բոլոր իրավիճակները, որոնք կարող են վտանգել քաղաքացիների կյանքը, առողջությունը կամ սեփականությունը:

Ժամանակացույցը նաև լրացուցիչ ու անհրաժեշտ պայման է քաղաքացիների համար` սեփական վարքագիծը որոշակիացնելու և հոգեբանական ներկա փուլում անվտանգության համար սպառնալիք դիտարկվող երևույթների մասին նախապես տեղեկացված լինելու տեսանկյունից:

Գյուղատնտեսական աշխատանքների ակտիվ շրջանում սահմանամերձ համայնքների բնակիչների կողմից մշակվող դաշտերում Արցախի զինված ուժերի և ռուսական խաղաղապահների ներկայությունը ուղղակի պարտադիր է՝ ադրբեջանական հնարավոր սադրանքներից խուսափելու համար»:

Բաքվում այսպես կոչված «ռազմական ավարների պուրակի» բացումը ադրբեջանական իշխանությունների կողմից հիվանդագին հայատյացության հերթական դրսևորումն է, որը մի կողմից արտահայտում է ադրբեջանական հասարակության շրջանում հայության նկատմամբ ատելության հսկայական պաշարը, մյուս կողմից հանդիսանում է այդ պաշարը սնուցող աղբյուր: Այս մասին հայտարարություն է տարածել Արցախի ՄԻՊ-ը:

NEWS.am-ը ներկայացնում է հայտարարության տեքստը.

«Այս ամենի մեջ ոչ այնքան զարմանալի է Ադրբեջանի բռնապետի բացարձակ անարգանքը մարդկության հանդեպ, որքան քաղաքակիրթ մարդկության անտարբերությունն ու հանդուրժողականությունը:

Աշխարհի աչքի առաջ Իլհամ Ալիևը ֆաշիստական ցինիզմով հրապարակայնորեն ոտնահարում և նվաստացնում է մի ողջ ժողովրդի արժանապատվություն, միտումնավոր տառապանք պատճառում զոհված զինծառայողների, անհայտ կորած ու գերեվարված անձանց հարազատներին:

Ցավակցությունների և մարդու իրավունքների համընդհանրության մասին աղաղակելու փոխարեն միջազգային հանրությունը պետք է պատշաճ գնահատական տա Ադրբեջանի կատարած ոճրագործություններին և պատասխանատվության ենթարկի 44-օրյա պատերազմի ընթացքում գործած մարդկության դեմ ուղղված հանցագործությունների համար»

Երեխաներին խաբել, պոստից հանել ու տարել են մտցրել մսաղացը։ Այս մասին այսօր՝ ապրիլի 12–ին, Ազգային ժողովում լրագրողների հետ զրույցում ասաց զոհված զինվորի հայրը։

«Երեխաներին խաբել եւ դիրքերում ասել են, որ տանում են պահեստ։ Մինչեւ մեր երեխաներին տեղափոխելը, 10–րդ վաշտի հրամանատարը, որը տեղյակ է եղել, որ Հադրութը թշնամու վերահսկողության ներքո է, հրաժարվել է, ասելով՝ ինչ դատաստան ուզում եք իմ նկատմամբ արեք, ո՛չ ես կգնամ, ո՛չ էլ իմ տղաներին կուղարկեմ։ Երեխաներին խաբել, պոստից հանել ու տարել են  մտցրել մսաղացը։ Մենք ԱԱԾ–ից պահանջում ենք, որ բերման ենթարկեն այդ ժամանակվա ՊԲ հրամանատարին՝ Ջալալ Հարությունյանին, որովհետեւ հրամանը ինքն է տվել։ Տեսնենք՝ ինչի համար են իմանալով հանդերձ, որ տարածքը մերը չէ, մեր երեխաներին տարել են մսաղաղ»,– վրդովված ասաց զոհվածի հայրը։

Նա նշեց, որ իր ձեռքի տակ է այդ հրամանը եւ անհրաժեշտության դեպքում դա կարող են ներկայացնել ԱԱԾ։

«Մեզ ոչ մի պատասխան չեն տվել, թե ինչ պատճառաբանությամբ են տարել մեր երեխաներին։ Այն տպավորությունն է, որ չեն էլ հետաքրքրվում։ Իսկ կոնկրետ իմ կարծիքով՝ թուրքերի հետ նախօրոք պայմանավորված են եղել, որ «այսքան մարդ բերենք, այսքան գումար տվեք», դրանից առաջվա գումարտակը գնացել է, մազապուրծ է եղել ու հետ եկել, հիմա ինչի համար են հաջորդ օրը երեխաներին տարել մտցրել մսաղացը»,– նկատեց նա։

Բացում եմ ֆբ էջս ու տեսնում միայն ինչ-որ հարսանիքի մասին տարաբնույթ ու տարատեսակ քննարկումներ……. կարդում եմ ու ավելի տխրում, որ երկրի այս ճակատագրական պահին Սյունիքի վիճակով կամ Իվանյանում՝ նախկին Խոջալուում, ադրբեջանցիներին վերաբնակեցնելու լուրով, գերիների ու անհետ կորածներին նրանց ծնողների հոգեկան վիճակով ու ճակատագրերով ավելի քիչ հետաքրքրվող մարդ կա, քան ինչ-որ մի շքեղաշուք հարսանիքով։ Այս մասին ֆեյսբուքյան իր էջում գրել է Կարին Տոնոյանը։

«Բացում եմ ֆբ էջս ու տեսնում միայն ինչ-որ հարսանիքի մասին տարաբնույթ ու տարատեսակ քննարկումներ……. կարդում եմ ու ավելի տխրում, որ երկրի այս ճակատագրական պահին Սյունիքի վիճակով կամ Իվանյանում՝ նախկին Խոջալուում, ադրբեջանցիներին վերաբնակեցնելու լուրով, գերիների ու անհետ կորածներին նրանց ծնողների հոգեկան վիճակով ու ճակատագրերով ավելի քիչ հետաքրքրվող մարդ կա, քան ինչ-որ մի շքեղաշուք հարսանիքով …… Անկեղծ ասած՝ ես բոլորովին էլ զարմացած չեմ, իսկ դուք ուրիշ բա՞ն էիք սպասում……… հաճելի կզարմանայի, եթե հակառակը լիներ……. Ցավալի է, երբ այսքան ցավից հետո էլ մեզ միայն անձերն են հետաքրքրում, ոչ թե երևույթները…… դրա համար էլ 30 տարի միայն անձերով ապրեցինք ու չտեսանք՝ ինչպես է քանդվում երկիր……

Երբ մեր վճարած հարկերով ապրող պետական հեռուստատեսությունը մեր սգավոր տուն ամեն օր տաշիտուշի է ներմուծում ու վախենում ես հեռուստացույց միացնել անգամ կեղծ լուրերին տեղյակ լինելու համար……. և ազգովի չեք գոռում՝ չի կարելի…….. մի անձի շքեղաշուք արհամարհանքի ու անհարգանքի վրա ինչո՞ւ եք զարմանում կամ զայրանում……. Ամեն մարդ իր արարքով իրեն է գցում կամ բարձրացնում….. դրանից մեր վիշտը ոչ ավելանում է, ոչ էլ պակասում…… խնդիրն այլ տեղ է՝ Հայրենիք ենք կորցնում ու դրա ֆոնին նման ցոփուշվայտ վերաբերմունքն, իրոք անթուլատրելի է…… բայց ո՞վ պետք է թուլատրի կամ չթուլատրի, երբ երկիրը ՏԵՐ չունի…… այ, ով իրեն ՏԵՐ է համարում, հրավիրում եմ գործ անելու….. գարունն անցնում է, չենք հասցնում մեր ՏՂԱՆԵՐԻ ծառերը տնկել»,֊գրել է նա։

Գերության մեջ գտնվող, ահետ կորած ու զոհված զինվորների մեծարգո՛ ծնողներ, խոսելու իրավունք (ոչ միայն այս թեմայով, այլ՝ առհասարակ) ունեք միայն դուք, բայց հասկացեք վերջապես, քանի որ դուք օգտվում եք լռելու ու «ապաքաղաքական» մնալու ձեր իրավունքից, Գագիկ Ծառուկյանն էլ օգտվում է հարսանիք ու հրավառություն անելու իր իրավունքից: Այս մասին իր ֆեյսբուքյան էջում գրել է Սուրբ Աթոռում ՀՀ նախկին դեսպան Միքայել Մինասյանը։

«Ժամանակին Նիկոլին ձայն տված հարգելի՛ հայրենակիցներ, հիմա որ կոկորդ եք պատռում, Եռաբլուրից սրտաճմլիկ լուսանկարներ եք 
դնում ֆեյսբուք կամ ջղային գրառումներ եք անում Գագիկ Ծառուկյանի ընտանեկան միջոցառման մասին, հիշեցնում եմ ձեզ, որ խոսքը նույն Ծառուկյանի մասին է, որը ժամանակին ձեզ ջուր էր հասցնում, որի հետ ողջագուրվում էիք ու կոալիցիոն գործընկերություն անում, հիմա էլ ձեռք ձեռքի բռնած գնում եք «կոալիցիոն ընտրությունների»:
Հիշեցնեմ, նաև որ Ծառուկյանի նախորդ ուրախության պատվավոր հյուրերն էին ձեր Նիկոլը՝ իր ընտանիքով։ Եվ երկու խնջույքներն էլ, որոնց շքեղությունն այդքան վրդովեցրել են ձեզ, տեղի են ունեցել հենց նրա օրոք։ Իսկ «Իմքայլական» ոչնչությունները, որոնք նախորդ խրախճանքի ժամանակ լայվեր էին անում, երգում-պարում էին, ինչպես տեսնում եք, այս անգամ քար լռություն են պահպանում, որովհետև ծպտուն չհանելու ու տոնը չփչացնելու, բայց դժգոհության ալիքը դեպի ընդդիմություն ուղղորդելու հրահանգ են ստացել։
Հարգելի՛ ընդդիմադիրներ, դուք ինչո՞ւ եք նեղվում, որ խրախճանքը «Հայրենիքի փրկության շարժմանն» են վերագրում։ ԲՀԿ-ն շարժման անդամ չէ՞։ Երբ Ծառուկյանը Նիկոլի հետ, Նիկոլի վարչապետությամբ ու Նիկոլի կողմից միանձնյա փոփոխվող ընտրական օրենսգրքով ընտրության գնալու շուրջ պայմանավորվածություն էր ձեռք բերում, շարժման տեսակե՞տն էր ներկայացնում։ Եթե՝ ոչ, ինչո՞ւ է շարունակում լինել դրա կազմում։ Միայն թե չասեք, որ հետևանքները չէիք պատկերացնում: Ի դեպ, հարսանիքին ներկա երկու ճամբարների ներկայացուցիչների կերած-խմածներն էլ՝ անուշ:
Գերության մեջ գտնվող, ահետ կորած ու զոհված զինվորների մեծարգո՛ ծնողներ, խոսելու իրավունք (ոչ միայն այս թեմայով, այլ՝ առհասարակ) ունեք միայն դուք, բայց հասկացեք վերջապես, քանի որ դուք օգտվում եք լռելու ու «ապաքաղաքական» մնալու ձեր իրավունքից, Գագիկ Ծառուկյանն էլ օգտվում է հարսանիք ու հրավառություն անելու իր իրավունքից:
Հարգելի՛ հասարակություն, քանի որ ձեր մեծ մասն արդեն «մոռացել» է, որ Հայաստանում եղել է պատերազմ, դավաճանություն, պարտություն, իսկ երկիրն աղետի մեջ է, հետևաբար հարսանիքը կազմակերպողից այլ բան մի ակնկալեք, իրենք էլ նույն իրավունքն ունեն, ինչ դուք:
Կրկնում եմ՝ Հայաստանում եկել է անկեղծության պահը։ Դադարե՛ք էշի տեղ դնել մարդկանց, իսկ ձեզ՝ սրբի:
Հ.Գ. Ափսոս էին տղերքը»։