09.09.2024 | 12:51
Խնդրում ենք ընթերցողների ներողամտությունը26.06.2024 | 10:01
«Մենք պատրաստ ենք հրդեհը մարելուն». Մալաթիայի տոնավաճառում օբյեկտային վարժանք է ...31.05.2024 | 12:54
Ադրբեջանական մտահոգությունները և վախերը խոսում են այն մասին, որ մենք ճշտագույն ճ...31.05.2024 | 12:10
Շարժման ելքը. առանց «եթե»-ների. Վահե Հովհաննիսյան...31.05.2024 | 11:10
Խորապես դատապարտում ենք Հայրապետի դեմ Փաշինյանի հրահանգով թիկնապահների և ոստիկան...29.05.2024 | 15:42
Ցավով անդրադառնում և դատապարտում ենք նման կեցվածքը Վեհափառ Հայրապետի և հոգևոր դա...29.05.2024 | 12:10
Առկա է հրավիրվածների ցուցակ․ ՆԳՆ անվտանգության վարչության պետը՝ Վեհափառի մուտքը ...29.05.2024 | 11:17
Անվտանգության այն կոնցեպտը, որ Հայաստանը մինչև այժմ իրականացրել է, անվտանգությու...28.05.2024 | 13:20
Պապ թագավորն այն առաքինության կերպարը չի, որ օրինակելի լինի, բայց Փաշինյանը նույ...28.05.2024 | 13:02
Ախթալայում հանգուցյալին կհուղարկավորեն առանց դիահերձման` ինքնաշեն դագաղով...28.05.2024 | 11:17
Վանենք մեզանից կործանարար անտարբերությունը, փարատենք թշնամության ու ատելության մ...28.05.2024 | 11:11
Իշխանությունը մանթրաժի մեջ է․ «Հրապարակ»28.05.2024 | 10:37
2 պատճառ կա, որ չի եկել՝ նա այլևս կապ չունի մեր երկրի հետ կամ դրսից են թելադրել․...24.05.2024 | 15:10
ԱՄՆ-ից առաքանու միջոցով թմրամիջոց է ներմուծվել Հայաստան...24.05.2024 | 13:10
Ադրբեջանցի սահմանապահներն արդեն վերահսկողության տակ են վերցրել Տավուշի մարզի չոր...24.05.2024 | 12:17
Ինչպես են «Զվարթնոց» օդանավակայանի աշատակիցները բռնության ենթարկում ֆրանսիահայ լ...24.05.2024 | 11:29
Հայաստանն ու Ադրբեջանն այսօրվանից Տավուշի հատվածում սահմանապահների են տեղակայում...23.05.2024 | 15:10
Ադրբեջանի հետ խաղաղության գնալն անհրաժեշտություն է, բայց՝ վաղաժամկետ. Ադրբեջանը ...23.05.2024 | 14:10
Եթե Ադրբեջանի և Հայաստանի միջև կնքվի խաղաղության վերջնական համաձայնագիր, դա դր...23.05.2024 | 13:10
Հայաստանի իշխանությունը մտել է պետականության ամրության համար խիստ վտանգավոր թեմա...23.05.2024 | 12:10
Ֆիդանը 4 հայկական գյուղերի հանձնման մասին. Թուրքիան լիովին աջակցում է Ադրբեջանին...23.05.2024 | 11:10
Պետականության մասին խոսող մարդն իր սեփական ժողովրդին չի խաբի․ մենք, որ ապրում էի...22.05.2024 | 15:10
-20 սառնամանիքին բարձրացել են Արագածի գագաթը ու գրառել՝ «Հայ, Հայաստան, Հայրենիք...22.05.2024 | 14:10
Իրանի և Ռուսաստանի հարաբերություններում փոփոխություն չի լինի․ Լավրով...22.05.2024 | 13:10
Նման պայմաններում խաղաղության համաձայնագրի ստորագրումը կհանգեցնի նրան, որ ՀՀ-ն կ...22.05.2024 | 12:10
Ադրբեջանը փորձում է օգտվել ՀՀ իշխանության բացառիկ խոնարհումից և արագ մխրճվել այն...22.05.2024 | 11:10
«Զվարթնոց» օդանավակայանում հացադուլ անող ֆրանսահայ լրագրող Լեո Նիկոլյանին օդանավ...21.05.2024 | 15:10
Քաղաքացին 4 եղանակով կծանուցվի վարժական հավաքի մասին, հետո պատասխանատվություն կլ...21.05.2024 | 14:10
Ուկրաինայի կապիտուլյացիայից հետո Զելենսկին պետք է ձերբակալվի և դատարանի առաջ կան...21.05.2024 | 13:10
Եթե նույնիսկ Ադրբեջանին օգտագործել են Իրանի ղեկավարությանը վերացնելnւ հարցում, ա...21.05.2024 | 12:10
Կիրանցում պետական գրանցումները կատարվել են ոչ ճշգրիտ տվյալների հիման վրա. արդարա...21.05.2024 | 11:10
Իրանի նախագահի ուղղաթիռը վթարի է ենթարկվել տեխնիկական անսարքության պատճառով. ԻՐՆ...20.05.2024 | 15:10
Մի շարք ոստիկաններ նույնիսկ անչափահասների ծնողների uպառնացել են, որ կզրկեն ծնողա...20.05.2024 | 14:10
Ապարդյուն զանգերի հետևանքը. ինչո՞ւ հանկարծ նախկին գլխավոր դատախազ Արթուր Դավթյան...20.05.2024 | 13:10
Խափանվել է «թուրքական» կուսակցության հիմնադրումը Հայաստանում. կան ձերբակալվածներ...20.05.2024 | 12:10
«Ոչ ոք չի կարող պառակտում մտցնել Իրանի և Ադրբեջանի միջև»...20.05.2024 | 11:00
Իրանի նախագահն ու արտաքին գործերի նախարարը մահացել են ուղղաթիռի վթարի հետևանքով...18.05.2024 | 15:10
Բացի Սրբազանից վարչապետի այլ թեկնածուի քննարկումը բերելու է ակնհայտ քաղաքական խի...ՀԲ-ի փողերով ստեղծած օղակը չի աշխատում
Վերջերս խիստ նորաձև է դարձել հասարակական վերահսկողության իմիտացիան, որի համար անհասկանալի կարգավիճակ և մութ լիազորություն ունեցող մարմիններ են ստեղծվում` կալանավայրեր մտնող դիտորդների խումբ, հատուկ դպրոցների մշտադիտարկման հանձնաժողով, հանրային խորհուրդ, անտառային պետական մոնիտորինգի կենտրոն:
Վերջինս կազմակերպվեց Համաշխարհային բանկի փողերով՝ շենքային պայմաններ, օֆիս ստեղծվեց, աշխատողներով, քարտուղարուհիներով, տնօրեն Աշոտ Փափազյանով։ Փոխվարչապետ Արմեն Գևորգյանն էլ կոորդինացնում է այս օղակի գործունեությունը։ Բայց օֆիսային իրականությունից դուրս, իսկական հայկական անտառում մոնիտորինգի խմբի անդամները անհետանում են ինտերնետի «Cancel» արած էջի պես և նրանց փոխարեն հայտնվում են ապօրինի անտառահատներին աջակցող մանիակալ կերպարներ, որոնք ուղղակի լավ աշխատավարձ են «կպցրել», իսկ գործից դուրս նորմալ, «շրջապատով» տղերք են։
Այդպես եղավ մեկ ամիս առաջ անտառային պետական մոնիտորինգի կենտրոնի Վանաձորի ներկայացուցիչներ Տիգրանի և Վանիկի հետ։ Բնապահպան Մարիամ Սուխուդյանը և լրագրող Էդվարդ Արզումանյանը ահազանգ էին ստացել մի խիզախ, մեր իրականության մեջ հազվադեպ հանդիպող քաղաքացուց՝ Վարդումյան ազգանունով, և հասել էին Գուգարքի անտառտնտեսություն, Եղեգնուտի տեղամաս։
Սկզբում օֆիսային պլանկտոնն ի դեմս Վանիկի ու Տիգրանի՝ իրեն լավ էր պահում, մտահոգ դեմքով զննում էր կոճղերը ու թարմ կտրված քոթուկները։ Բայց գնալով հայկական այս սյուժեն վերածվում է ամերիկյան թրիլլերի՝ մոնիտորինգի խմբի մուտանտ-անդամների և անտառում մոլորված ուսանողների մասին։ Այդպիսի ֆիլմեր շատ ենք տեսել։ Ուսանողները գնում են անտառ, weekend անելու, մոլորվում են, հետո սկսում են դիակներ հայտնաբերել։ Որքան ավելի են խորանում անտառում, այնքան ավելի շատ են դիակները։ 88 մորթված ծառ հաշվելուց հետո «ուսանողները» ուղղակի կորցնում են հաշիվը. «Եղեգնուտի 7-րդ և 8-րդ տարածքում օրինական հատատեղ չկա։ Այսինքն՝ ստացվում է, որ այս տարածքում բոլոր ծառերը ապօրինի էին հատվել։ Վերևում համատարած հատված ծառեր կային։ Մենք չունեինք համապատասխան ռեսուրսներ, որ լիովին նայեինք այդ տարածքը։ Դրանք ուղղակի բավականին լուրջ թվեր կարող էին կազմել», — պատմում է Էդվարդ Արզումանյանը։ Աշոտ Փափազյանի մուտանտ-աշխատակիցները, ովքեր աշխատում են ՀԲ-ի փողերով, դրանից աշխատավարձ են ստանում ու հաստատ ունեն միջոցներ «դիակների» ստույգ թիվը որոշելու համար, տրտնջում են և բացահայտ սկսում են համոզել Մարիամ Սուխուդյանին և լրագրող Էդվարդին հետ գնալ, դադարեցնել հետազոտությունը։ Տեսնելով, որ ակտիվիստներն անդրդվելի են իրենց բնապահպանական առաքելության մեջ, նրանք թողնում են «ուսանողներին» անտառում ու հեռանում։ Մի քանի ժամից հայտնվում են «շեֆության» հետ, նաև ոստիկաններ են գալիս, քաղաքացիական հագուստով, և էլի ինչ-որ չներկայացող պաշտոնյաներ անտառտնտեսությունից, որոնք խնդրում են ջահելներին չբողոքել, անտառապահի «հացին վայիս» չլինել։ Բայց «ջահելները» դիմում են ոստիկանություն։
Այս գործով միակ ցուցմունք տվողն առայժմ լրագրող Էդվարդ Արզումայնանն է եղել։ Նրան քննիչ Հրաչ Մարգարյանը կանչել է բաժին առանց ծանուցագրի, առանց կարգավիճակը հայտնելու, առանց նշելու, թե որ գործով են հարցաքննում։ Ընթքացքում սենյակում նաև այլ վանաձորցիներ են եղել, հավանաբար տեղացի լրագրողի վրա հոգեբանական ճնշում գործադրելու համար։ Փոքրիկ Վանաձորում, որտեղ բոլորը միմյանց ճանաչում են, «հայավարի» միջավայրն ինքնին նպաստում է հարցերը «ախպերավարի» լուծելուն։ Քննիչ Հրաչ Մարգարյանը, սակայն, վստահեցնում է, որ Էդվարդն ինքնակամ է ցանկացել զրուցել իր հետ և հաճույքով համաձայնվել է բաժին գալ, ինչ վերաբերում է «կացինով մարդկանց», ապա դրանց ինքնությունը կպարզվի քննության ընթացքում։ Այսքանը։ Իսկ մոնիտորինգի խմբի մուտանտ-անդամները, «հասարակական վերահսկողություն» վիրտուալ հասկացությունն ու ՀԲ-ի փողերը հօդս են ցնդում հայկական իրականության մեջ՝ իրավապահների և հասարակական ակտիվիստների վրա թողնելով կարգ ու կանոն հաստատելու անշնորհակալ գործը։ Ինչպես միշտ։
Սյուզան Սիմոնյան
Ի դեպ նյութից շեղվենք ու նշենք, որ փոխվարչապետը, դատելով կատարած աշխատանքների բնույթի բազմազանությունից ֆենոմենալ անձնավորություն է. Նա կորդինացնում է և անտառները, և թրաֆիկինգը, և բնապահպանական խնդիրները, էսպես կարելի է երկար թվել, մնում է զարմանալ ո՞նց է հասցնում։
Այսօր «Արմատ» ակումբում «Երիտասարդ կենսաբանների ասոցացիա» ՀԿ-ի նախագահ Արսեն Գասպարյանը և ՀԿ-ի անդամ Հովակիմ Զաքարյանը ասացին, որ Նոբելյան մրցանակակիր և 12 աշխարհահռչակ մասնագետներ ժամանելու են Հայաստանում սպասվելիք ժամանակակից գենետիկայի վերաբերյալ սեմինարներին:
Ասուլիսին ընդամենը 4-5 լրագրող էին եկել, և դա հերթական անգամ ապացուցեց վաղուց արդեն իրողություն դարձած այն ցավալի փաստը, որ ինչքան էլ երկրի Վարչապետը գունավոր հեքիաթներ նկարի, գիտությունը մեր երկրում գրեթե ոչ մեկին չի հետաքրքրում: Արսեն Գասպարյանը նշեց, որ կազմակերպությունը 2009թ.-ից է գործում և այսօր արդեն 110 անդամ ունի: Կազմակերպության անդամները հիմնականում երիտասարդ գիտնականներ և ուսանողներ են, ովքեր աշխատում կամ սովորում են կենսագիտության կամ հարակից ոլորտներում:
Կազմակերպությունը նպատակ է հետապնդում զարգացնել կենսաբանությունն ու կենսագիտությունը Հայաստանում:
«Եվրոպայի կենսաքիմիկոսների ասոցացիաների ֆեդերացիայի», «Երիտասարդ կենսաբանների ասոցացիայի» և Երևանի Պետական համալսարանի նախաձեռնությամբ Հայաստանում ժամանակակից գենետիկային նվիրված սեմինար է տեղի ունենալու: Սեմինարի ընթացքում լինելու են դասախոսություններ : Նման դասախոսությունները Եվրոպայում գրեթե ամեն տարի են անցկացվում, և ուրախալի է, որ 2011թ. Հայաստանի երիտասարդ գիտնականները հնարավորություն կունենան հանդիպել Իտալիայից, ԱՄՆ-ից, Ճապոնիայից և այլ երկրներից ժամանած աշխարհահռչակ գիտնականների: Դասախոսությունների շարքը տեղի է ունենալու «Կոնգրես» հյուրանոցում, որը նվիրված է լինելու գենետիկական մուտացիաներին: Թեման շատ արդիական է, քանի որ կապված է քաղցկեղի առաջացման պատճառների հետ:
Զաքարյանը նշեց. քանի որ եզակի առիթ է ու Հայաստան են գալու մեծանուն գիտնականներ, մեր ուսանողները հնարավորություն կունենան մասնակցել այդ միջոցառմանը, լսել դասախոսությունները և շփվել գիտնականների հետ:
Բանախոսը շեշտեց, որ դասախոսությունները բաց չեն լինելու և նրանց մասնակցելու համար երիտասարդները պետք է իրենց աշխատանքները ներկայացնեն: Լավագույն ուսանողները կկարողանան իրենց աշխատանքները ներկայացնել դասախոսության տեսքով:
Երիտասարդ գիտնականներին աջակցելու համար Արսեն Գասպարյանը Հանրային խորհրդին, նախագահին և վարչապետին պատրաստվում է առաջարկներ ներկայացնել, որի համաձայն, գիտաշխատողների առնվազն 30%-ը պետք
Է մինչև 35 տարեկան երիտասարդները լինել: Բանախոսը նաև համաձայնվեց այն մտքի հետ, որ Հայաստանում գիտությունը ծերանում է,քանի որ երիտասարդ գիտնականներին գործի չեն ընդունում: Գիտաշխատողները այսօր մոտ 20.000 դրամ են ստանում և պարզ է, որ այդ չնչին գումարով նույնիսկ գոյատևել չեն կարող: ԳԱԱ-ում կան գիտաշխատողներ, ովքեր 12,000 դրամ են ստանում:
« Կառավարությունը երիտասարդ գիտնականներին մաքսիմում 28,000 դրամ է գնահատում»,- ասաց Զաքարյանը:
Բժիշկի աշխատանքի նկատմամբ երախտագիտությունը հատուկ է մեր ժողովրդին
Ճիշտ է, շուկայական հարաբերությունները շատ բան փոխեցին մեր կյանքում, բայց կան արժեքներ որոնք դեռ չեն կորսվել.
Բժիշկ ստոմատոլոգ «Ամիրդովլաթ Ամասիացի» բժշկական ինստիտուտի ստոմոտոլոգիական ֆակուլտետի վիրաբուժական ստոմոտոլոգիայի ամբիոնի դասախոս Համլետ Կարապետյանի մասին գրում են նրա հիվանդները.
«Զարմանքի խոր դրսևորումն ինձ չի լքում, երբ բժշկելու պրոցեսում տեսնում եմ Համլետ Սարգիսովիչի ինքնազուսպ, կարգապահ ու քրտնաջան առօրյան։ Այս երիտասարդն անթաքույց ջանասիրությամբ ու անսպառ էներգիայով է վարակում իր շրջապատի մարդկանց։ Բժիշկներ շատ կան, մարդիկ էլ ` անթիվ ,անհամար ,բայց նրա մարդկային ու մասնագիտական որակն նրա մարդկային կերպի անխոս վկան են : Շնորհակալություն բժիշկ, որ դուք կաք» -, ասում է Արա Մխոյանը։
Յուրա Գաբրիելյանը բժիշկ Կարապետյանին գիտի վաղուց և ասում է, որ դրական կարծիք ձևավորվել է ծանոթության առաջին իսկ օրից. «Խելացի մարդու, գիտելիքներով հարուստ բժշկի ու հպարտ քաղաքացու կեցվածքը չէր կարող չկողմնորոշել դեպի նրա ինքնատիպ անձը:Լինելով մասնագիտությամբ ատամնաբույժ նա հիանալի տիրապետում է ընդհանուր բժշկությանը, թերապիայի կլինիկային, ինչը նրան հնարավորություն է տալիս բժշկական օգնություն ցուցաբերելու նաև շրջապատի բնակիչներին»։
Նաիրա Մովսիսյանը արվեստագետ է. «Ես ձեռք բերեցի ոչ միայն լավագույն բժիշկ, լավագույն մասնագետ, որն ապահովվում է իմ հիանալի ժպիտը և առողջ ատամնաշարը, թե բեմում, թե առօրյա կյանքում` ինձ հնարավորություն տալով չընկճվել, այլև ճանաչեցի հրաշալի մի անձի, որը ոչ միայն իր գործին է քաջագիտակ, այլև ունի բացառիկ հետաքրքրություն մտավոր կյանքի և արվեստի նկատմամբ։ Մեր օրերում գնալով ավելի հազվադեպ են հանդիպում մարդիկ և որոնք մեզ`արվեստագետներիս հավատ և հույս են ներշնչում, որ դեռ կան արվեստն ու գեղեցիկը գնահատողներ»:
Դպրոցին առնչվող youtube-ում հայտնված վերջին երկու տեսահոլովակների մասին այսօր խոսել են «Ժառանգություն» խմբակցության պատգամավոր Անահիտ Բախշյանը և հոգեբան Ռուբեն Պողոսյանը: Նրանք քննարկեցին մանկավարժի դերը և աշակերտ -մանկավարժ հարաբերության առանցքային խնդիրները : Երկարամյա մանկավարժական փորձ ունեցող Անահիտ Բախշյանը այն կարծիքին է, թե հատկապես մանկավարժության մեջ շոշափելի էայս բանաձևը` եթե սեր ես տալիս՝ սեր ես ստանում, եթե բռնություն ես կիրառում՝ ստանում ես քաղաքացիներ, որոնք հասարակության համար դառնում են պատուհասներ։ Պետք է պաշտպանել երեխայի արժանապատվությունը և նրա հետ համագործակցել որպես գործընկեր։ Մանկավարժի հմտությունը կայանում է նրանում, որ ներթափանցի երեխայի հոգու խորքը: Պետք է բացահայտել յուրաքանչյուր երեխային յուրովի: Երեխան պետք է լինի սիրված, պաշտպանված, ընդունված, հոգատարությամբ շրջապատված:
Սերունդն է հասարակության հայելին: Հասարակություն, որտեղ գերակշռում է բռնությունը, նյութականը, կեղծիքը: Ըստ նրա` դպրոցում պետք է աշխատեն մանկավարժներ, ովքեր առաջին հերթին երեխայի արժանապատվությունն են գնահատում և երբեք չեն փորձում այն նսեմացնել:
Անահիտ Բախշյանի խոսքով` խորհրդային մանկավարժությունը և այսօրվա մանկավարժությունը շատ են տարբերվում իրարից, անգամ իրարամերժ են:
Ըստ պարոն Պողոսյանի` ուսուցիչը մարդ է, ով դաստիարակում ու կրթում է: Գիտելիք կարելի է ձեռքբերել,այնինչ մարդուն պետք է դաստիարակել: Դպրոցը մանկավարժի համար պետք է լինի մի լաբորատորիա, որտեղ նա պետք է ստեղծագործի: Մանկավարժը պետք է ռենտգեն աչք ունենա, որպեսզի կարողանա հասկանալ երեխայի ներաշխարհը , պետք է լինի նրա համար խորհրդատու և փորձի լուծել նրա խնդիրները: Չի կարելի ստեղծել մրցակցություն: Երեխային պետք է ընդունել այնպիսին, ինչպիսին նա կա: Սակայն չպետք է մոռանալ այն մասին, որ առաջին պատասխանատուն տնօրենն է: Նա է որոշում ինչպիսի կադրեր ընդունել: Իսկ այսօր տնօրենը մի մարդ է, ով ձեռնտու է ինչ- որ մի իշխանության: Պետք չէ փնտրել մեղադրյալի աթոռ և անմիջապես գնալ կտրուկ քայլերի:
Բախշյանը մեղադրում է Մանկավարժական համալսարանին։ Նա կարծում է, որ Մանկավարժական համալսարանը պետք է փակվի:
Իսկ հարցին` թե համալսարանի իրավաբանն արդյո՞ք իրավաբան է, տիկին Բաշխյանն ասաց .« իսկ մեր պետությունը պետությո՞ւն է, համակարգային խնդիրներ են, ինչպիսին համակարգն է, այնպիսին մանկավարժությունն է , կրթությունն է, իրավաբանությունն է …»:
Երեկ Խաչատուր Սուքիասյանի հոր` Ալբերտ Սուքիասյանի հուղարկավորությունն էր: Հայ իրականության մեջ տարիներ շարունակ թաղում-հարսանիքները հնարավորինս վեր էին գտնվում քաղաքական խաղերից:
Իշխանություն-ընդդիմություն ճանապարհները, եթե քաղաքական դաշտում չէին խաչվում, ապա նման միջոցառումների ժամանակ պայմանը փոխվում էր:
Բազմաթիվ են դեպքերը, երբ քաղաքական հակառակորդները, կամ նույն օրը քննադատական բուռն ելույթներով հանդես եկած տարբեր ուժերի ներկայացուցիչները երեկոյան բաժակ են բարձրացրել իրենց ընդհանուր ծանոթի «արարողությանը»:
Ալբերտ Սուքիասյանի մահը այս առումով բավականին հատկանշական էր: Սուքիասյան ընտանիքը Հայաստանի ամենահայտնի ընտանիքներից մեկն է, այս տարիների ընթացքում բազմաթիվ բարեկամական-խնամիական-ընկերական կապեր է հաստատել Հայաստանի, այսպես կոչված, էլիտայի շրջանակներում: Եվ բնական էր, որ Սուքիասյան-հոր հուղարկավորությանը որոշ մարդիկ պետք է որ ներկա գտնվեին: Սակայն Սուքիասյանների դժբախտությունը ցույց տվեց, որ այս տարիների ընթացքում շատ բան է փոխվել նաև հայ հասարակության մեջ: Ներկա գտնվելով հուղարկավորությանը, կարելի էր շատ բան արձանագրել և հասկանալ, թե քաղաքական խաղերն ինչպես են ներգործել մեր արժեքային համակարգի վրա և կարելի է մի արարողությունից անգամ հասկանալ, թե ով ով է Հայաստանում, ով է պահպանել դեմքը, ով` վախենում է, խնամքով թաքցնելով այն:
Ալբերտ Սուքիասյանը մահանալիս ասել էր. «Մարդ է՞լ 4 տղա ունենա ու մեռնելուց մենակ մի տղեն կողքը լինի: Բա տղերքս կողքս չլնեի՞ն…»: Սուքիասյան եղբայրները Հայաստանում չէին, Խաչատուր Սուքիասյանը հետախուզման պատճառով փախստականի կարգավիճակից դուրս գալուց, նախագահի կողմից համաներման արժանանալուց և պատգամավորական մանդատը վայր դնելուց հետո նախընտրում է Հայաստանից դուրս գտնվել: Մյուս եղբայրներն էլ տարբեր հարցերով գտնվում էին արտերկրում: Հոր մահից ժամեր անց ,սակայն, երեքն էլ արդեն տանն էին:
Մինչ տղաները կհասնեին, հանգուցյալի կողքին էր Խաչատուր Սուքիասյանի խնամին` նախկին զինդատախազ Գագիկ Ջհանգիրյանը: Ջհանգիրյանի ներկայությունն ավելի քան բնական էր` թե´ խնամի են, թե´ նույն` ընդդիմադիր ճամբարում. 2008թ. հետո Սուքիասյանն ու Ջհանգիրյանը կողմնորոշվեցին և իրենց նախագահ ընտրեցին Լևոն Տեր-Պետրոսյանին, ինչից էլ սկսվեցին երկուսի անհաջողություններն ու «իզգոյի» կարգավիճակի հիմքը դրվեց:
Լևոն Տեր-Պետրոսյանը, ում պատճառով Սուքիասյանը հայտնվեց նման վիճակում և հիմա ստիպված է հայրենիքից դուրս ապրել, նույնպես իր ողջ շքախմբով ներկա էր Սուքիասյանի հրաժեշտի արարողությանը: Սուքիասյաններին ցավակցություն հայտնել շտապում էին նաև Հայաստանի` միջին տրամաչափ և ազդեցություն ունեցող գործիչները, սակայն առաջնային օղակներից այստեղ միայն հատուկենտ դեմքեր կարելի էր տեսնել: Եվ սա այն դեպքում, երբ շատ-շատերը ասում էին. «էդքան աղուհաց են կիսել, տեսնենք կգա՞ն…»: Զարմանալի էր, բայց, այնուամենայնիվ, իրականություն` աղուհաց չմոռացածների մեջ էր ԲՀԿ առաջնորդ Գագիկ Ծառուկյանը: Սուքիասյաններին ցավակցելու էր եկել նաև Առողջապահության նախարար Հարություն Քուշկյանը, և, որ առավել զարմանալի էր, եկել էր դաշնակցական Աղվան Վարդանյանը, ում հետ Սուքիասյանը կարծես առաձնապես մտերիմ չէր էլ եղել:
Աղուհաց ուրացողների մեջ ամենահետաքրքիր կերպարը, թերևս, Ռուբեն Հայրապետյանն է: Մի ժամանակ Հայրապետյանն ու Սուքիասյանը բավականին մտերիմ էին, անգամ գրազ էին գալիս, ինչի արդյունքում Խաչատուր Սուքիասյանն մինչ օրս Հայրապետյանին պարտք է մնացել «Մայբախ» մակնիշի ավտոմեքենա. 2008թ. նախընտրական շրջանում Հայաստանի երկու օլիգարխները գրազ են գալիս, թե ով կդառնա ՀՀ երրորդ նախագահը։ Հայրապետյանի կանխատեսումը, բնականաբար, Սերժ Սարգսյանի օգտին էր, մինչդեռ Սուքիասյանը գրազ է գալիս Լևոն Տեր-Պետրոսյանի վրա և պարտվում:
Չի բացառվում, որ «գողականը» հարգող Հայրապետյանը հենց այդ պարտքի փոխարեն է որոշել իրենով անել «Բջնին»: Այդպես, նախագահական ընտրությունների պատճառով նախկին ընկեր-գործընկերները հայտնվեցին հակադիր բևեռներում` դառնալով հայ իրականության մեջ արժեքային համակարգի փլուզման վառ օրինակ:
ԼՈՒՍԻՆԵ ԵՍԱՅԱՆ
Հ.Գ. Հայտնի է, որ քրոջ թաղումը ժամանակին Հայաստան էր բերել Վանո Սիրադեղյանին: Սուքիասյանների հետ Սիրադեղյանը ևս բավականին սերտ կապեր ունի` թե´ ազգակցական, թե´ զուտ ընկերական, և թե´, առավել ևս, գործնական: Հայտնի է նաև, որ Սիրադեղյանը պատրաստվում է վերադառնալ հայրենիք և այդ ուղղությամբ լուրջ քայլեր է ձեռնարկում, մասնավորապես, հանրապետության նախագահի «դաբրոն» ստանալու առումով և անգամ տեղեկացրել է իր կուսակիցներին այդ մասին` կոչ անելով դադարեցնել բանսարկություններն ու գզվռտոցները` մինչև գա-հասնի և տեսնի, թե ինչ կարելի է անել:
Ասում են, թե Վանոն, երբ պետք է լինում, գալիս է Երևան։ Ալբերտ Սուքիասյանի հուղարկավորությանը մասնակցածների մեջ Սիրադեղյանը կարծես չերևաց, թեև… ո՞վ գիտե:
«Արա Աբրահամյանը պարտավոր չէ… Արա Աբրահամյանը մեկն է այն բազմաթիվ հայերից, ովքեր համախոհների հետ հասարակական կազմակերպություն են ստեղծել՝ պարտավոր չլինելով ինչ որ բան անել»,- նման արտահայտություններ ՌՀՄ նախագահն արդեն մեկ անգամ չէ, որ կրկնում է, սակայն ոչ ոք, ըստ էության, չի տեսնում, թե ինչ է իրականում թաքնված «պարտավոր չէ» -ի հետևում:
Արա Աբրահամյանը օրեցօր ավելի է շեշտում իր որևէ բան անելու «պարտավոր չլինելը», որովհետև նա իրականում այլևս ի վիճակի չէ որևէ բան անել… քանի որ արդեն գրեթե սնանկ է: Իհարկե՝ իր չափանիշներով։
Արդեն բավականին ժամանակ կարելի է նկատել, որ Արա Աբրահամյանի անվան տակ, «բարեգործությունների» հետևում ուրիշ մարդիկ են, տարբեր մրցանակաբաշխությունների ժամանակ տրվող մրցանակների գումարը ոչ թե Աբրահամյանի գրպանից է դուրս գալիս, այլ ՌԴ-ի մյուս մեծահարուստների, պարզապես Ռուսաստանի Հայերի միության, Հայկական համաշխարհային կոնգրեսի նախագահը կարողանում է այնպես անել, որ իր անունը շեշտվի, իսկ գումար տվողը մնում է ստվերում:
Աբրահամյանի ֆինանսական դրության հետևանք կարելի է համարել, որ նախկին «Մանկական աշխարհ» հանրախանութի տեղում սկսված շինարարությունը ձգվեց արդեն որերորդ տարին և ավարտվեց նրանով, որ նա ստիպված եղավ այն վաճառել ՌԴ մեկ այլ մեծահարուստի` Սամվել Կարապետյանին:
Երևանցիներն արդեն հույսները կտրել էին, որ այդ շինության դռները երբևէ կբացվեն, բայց հիմա կարելի է վստահ լինել, որ շուտով մայրաքաղաքի սրտում գտնվող շենքը վերջապես ավարտուն տեսքի կբերվի, քանի որ Կալուգայի Սամոն, ի տարբերություն, Աբրահամյանի, ֆինանսական լուրջ ճեղքվածք չունի։
Իհարկե, պետք չէ առանձնապես մտահոգվել Արա Աբրահամյանի ֆինանսական վիճակով, ֆինանսական դժվարությունները դեռ չի նշանակում, թե նրան արդեն կարելի է դասել աղքատների շարքը. հնարավոր է, որ Աբրահամյանը ժամանակի հետ դուրս թռնի Ռուսաստանի մեծահարուստների շարքերից, սակայն ասել, թե նա տեղ կզբաղեցնի շարքային ռուսաստանաբնակների ցանկում, իրական չէ:
Ֆեյսբուքում ինձ ընկերության առաջարկ արեց ՀՀ ԱԽՔ քարտուղար և ՕԵԿ -ի նախագահ Արթուր Վահանի Բաղդասարյանը: Ես ընդունում եմ այն մարդկանց ընկերության առաջարկները, որոնց հետ արդեն ունեմ որոշակի թվով ընդհանուր ընկերներ: Այս դեպքում ունեի երեք ընկեր, և երեքն էլ վստահություն էին ներշնչում: Ընդունեցի ընկերության առաջարկն ու անցա ուսումնասիրելու ՕԵԿ նախագահի անձնական էջը: Պարզեցի, որ ես հինգերորդ մարդն եմ, ում նա ընկերության առաջարկ է արել: Ոչինչ չկար գրված իր կողմից: Ես էլ տնավարի նրան ողջունեցի Ֆեյսբուք Հայաստանի տարածքում, որը քիչ ժամանակ անց ջնջվեց, հավանաբար էջի տիրոջ կողմից: Փոխարենը՝ ստատուսի տողում հայտնվեց սա.
«Հարգելի հայրենակիցներ, ողջունում եմ Ձեզ “Ֆեյսբուք” սոցիալական ցանցում: Հույս ունեմ, որ նման կերպ ավելի ուղղակի կդառնա իմ` որպես ՀՀ ԱԱԽ քարտուղարի և ՕԵԿ ի նախագահի շփումը մեր քաղաքացիների հետ: Հարգանքներով` Արթուր Վահանի Բաղդասարյան»:
Ստատուսի տակ սկսվեցին անհավատների ու դյուրահավատների մեկնաբանությունները, ոմանց անհավանական էր թվում Արթուրի անձամբ հայտնվելը Ֆեյսբուքում, փնտրում են զանազան սխալմունքներ, բացթողումներ, որոնք կխոսեն կեղծ փրոֆայլի մասին:
Մասնավորապես, ստատուսի ընդգծված պաշտոնական տոնը, որ ընդունված չի Ֆեյսբուքում, էլեկտրոնային փոստի լոգինը՝ arturnaxagah@gmail.comԱյս էլ.փոստի հասցեն պահպանված է spam bots-երից, պետք է JavaScript-ին հնարավորություն տալ դիտելու համար , ինտերնետից քաշված ու տեղադրված անորակ նկարները, Ա1+ի տեսանյութերը, որը կարող է ցանկացած ոք տեղադրել, և էլի մի շարք մանրունքներ, որոնք ֆեյսբուքատառաճանաչ մասսային օգնում են մոլորության մեջ չընկնել, երբ ինքնակոչներ են հայտնվում, կասկածի տեղիք էին տալիս:
Ինտերնետում հայտնի Դօրիանը կասկած հայտնեց ՕԵԿ նախագահի ֆեյսբուքյան էջի իսկության վերաբերյալ, միաժամանակ զարմանալով իմ դյուրահավատության վրա, որից հետո ջնջվեց էջի տիրոջ կողմից նրա ընկերների ցուցակից:
ՎԱՀԱԳՆ ԳԱՐԴՄԱՆԱՀԱՅ անունով օգտվողը հարց տվեց.
«Պրն. Բաղդասարյա’ն, եթե այս էջը Դուք /ՕԵԿ-ի նախագահ և Հ ԱԽՔ քարտուղար/ եք բացել, ապա խնդրում եմ պատասխանել ներքոնշյալ հարցին, եթե դուք չեք, պարզապես մի պատասխանեք: Ազգային անվտանգության խնդիրներն այդքան հե՞շտ են և քիչ ժամանակ պահանջո՞ղ, որ ժամանակ եք վատնում ՖԲ-ով Ձեր քարոզներին: Թե՞ պարզպես Ձեր անձի քարոզչությունը գերադասում եք ազգային անվտանգության խնդիրներից, որը Ձեր պարտականությունն է»:
Artur Baghdasaryan օգտվողը պատասխանեց.
«Հարգելի Վահագն, սույն էջը բացվել է ԱԽՔ քարտուղարի ու ՕԵԿ նախագահի շփումը ժողովրդի հետ ավելի ուղիղ դարձնելու նպատակով: Բազմաթիվ անգամներ նշել ենք` պետք է վստահություն և ուղիղ կապ լինի քաղաքացիների և իշխանությունների միջև: Շնորհակալ եմ, որ ուղիղ ասում եք այն, ինչ մտածում եք: Ձեր մտքերը, քննադատությունները և այն ամենը, ինչ գրվում է այստեղ, կարդում եմ ամբողջությամբ: Կոչ եմ անում լինել ավելի կոռեկտ և զուսպ: Էջը սպասարկվում է իմ որդու` Վահանի և ՕԵԿ երիտասարդական թևի մի խումբ կամավորների կողմից: Հարգանքներով` Արթուր Բաղդասարյան»:
Հետո նորից՝ ՎԱՀԱԳՆ ԳԱՐԴՄԱՆԱՀԱՅ
«Պրն Բաղդասարյան, քանի որ Դուք ինքներդ ասացիք, որ Ձեր հետ կարելի է ազատ շփվել թեկուզ ՖԲ-ի միջոցով /շատ լավ է նաև, որ ՕԵԿ երիտթևի ակտիվիստներ էլ են համակարգում Ձեր էջը/, ապա ուզում եմ իմ մտահոգությունը հայտնել որոշ ՕԵԿ-ական երիտասարդների մասին, որոնց վարքը տեսնելով/եթե ես անգամ միամիտ անտեղյակ լինեմ/ երբեք չեմ համակրի Ձեր ղեկավարած կուսակցությանը: Հարցը նրանում է, որ, օրինակ, երբ մոտ 2 ամիս առաջ իմ արշավային խմբով, որը կոչվում է Հայաստանի բնապատմական միջավայրի պաշտպաններ, մեկնել էինք Դիլիջան մեր ուժերով մաքրելու և բարեկարգելու Ջուխտակ վանքը, ականատես եղանք ոչ այնքան հաճելի տեսարանի. ՕԵԿ-ական ակտիվի երիտասարդների մի խումբ/1 մեծ ավտոբուս/ եկել էին Ջուխտակ վանքի ներքևի ձորում կերուխումի/ համենայն դեպս, այդպիսի տեսարանի մենք ականատես եղանք/, ու պարբերաբար բարձրանում էին Ջուխտակ վանք `իրենց ետևից թողնելով բազմաթիվ պոլիէթիլենային տոպրակներ, պլաստմասե շշեր, կոնֆետների թղթեր, ոմանք էլ իրենց անուններն էին փորագրում կամ մոմով գրում եկեղեցիների պատերին»:
Այս հարցին պատասխան չկա մինչև հիմա, չնայած երբ ես նրան անձնապես նամակ գրեցի, խնդրելով հաստատել ինքնությունը Ֆեյսբուքի ղեկավարության հետ, որպեսզի խուսափի անախորժություններից ու ասեկոսեներից, նա ինձ շնորհակալություն հայտնեց:
Որոշելով ճշտել իրականությունը, ես զանգահարեցի ՕԵԿ մամլո քարտուղարին: Սուսաննան կտրականապես ժխտեց Արթուր Բաղդասարյանի Ֆեյսբուքում փրոֆայլ ունենալու փաստը, ասելով՝ որ եթե Արթուրը չի բացել, որը բացառվում է, ապա պետք է ինքը բացեր, կամ գոնե տեղյակ լիներ, որ այդպիսի բան կա, այնինչ, նա տեղյակ չէ: Նրան չի պատկանում նաև arturnaxagah@gmail.comԱյս էլ.փոստի հասցեն պահպանված է spam bots-երից, պետք է JavaScript-ին հնարավորություն տալ դիտելու համար էլ. փոստի հասցեն: Ես խնդրեցի նրան ճշտել նաև Բաղդասարյանի որդուց՝ Վահանից ու ՕԵԿ երիտասարդներից, գուցե նրա՞նք են բացել այդ փրոֆայլը: Պարզեց, որ նրանք էլ բանից անտեղյակ են:
Այպիսով, ՕԵԿ գրասենյակի տրամադրած պաշտոնական տեղեկությամբ, Արթուր Բաղդասարյանի անվան տակ բացված http://www.facebook.com/profile.php?id=100001689346067 Artur Baghdasaryan փրոֆալը իրականում նրան չի պատկանում, ոչ ոք նրա շրջապատից Ֆեյսբուքում նրա անունով չի գրանցվել: Այս պահին փրոֆայլի լինքը տարածում են Ֆեյսբուքով, զգուշացնելով, որ կեղծ է: Հետաքրքիր է, ինչ նպատակ են հետապնդել Բաղդասարյանի անվան տակ հանդես եկողները, այս մասին, մեր նյութը հաջորդիվ։
Լուսինե Վայաչյան
«Նաիրի» բժշկական կենտրոնի աշխատողները հայտնվել են ծանր կացության մեջ: Նախկին «Լեչկոմիսիայի» հիվանդանոցը, որի սեփականատերը Առողջապահության նախարար Հարություն Քուշկյանն է, Հայաստանում ամենաէլիտար հիվանդանոցի համարումն ունի: Հավանաբար, հենց այդ համարումն նպաստել է կենտրոնի անձնակազմի` անհեթեթ վիճակում հայտնվելուն:
Բանն այն է, որ «Նաիրի» բժշկական կենտրոնի աշխատակիցներն այսօր երեկոյան Արամ Խաչատրյան համերգասրահում ներկա կլինեն ` իտալացի երգիչ Ալ Բանոյի համերգին, վճարելով 50 հազար դրամ: Ալ Բանոն համաձայնվել է համերգ տալ Հայաստանում` ողջ հասույթը նվիրելով քաղցկեղով հիվանդ երեխաների «Նվիրիր կյանք» անունը կրող բարեգործական հիմնադրամին:
«Նաիրի» բժշկական կենտրոնի աշխատողները վատ վիճակում են հայտնվել ոչ թե Ալ Բանոյի համերգի, այլ այն պատճառով, որ նրանց պարտադրվել է բարեգործական համերգին մասնակցել` տոմսերի համար վճարելով սահմանված 50 հազար դրամը: Այս պարտադրանքի հարցում, հավանաբար, որոշակի դեր է խաղացել այն, որ համերգն անցնում է ՀՀ նախագահի առաջին տիկին Ռիտա Սարգսյանի բարձր հովանու ներքո:
Դժվար է ասել` առաջին տիկինը տեղյա՞կ է պարտադրանքից: Հնարավոր է, հաշվի առնելով, որ համերգն անցնում է նախագահի տիկնոջ հովանավորությամբ, նախարարի մակարդակով է կարգադրվել իրացնել տոմսերը։ Մանավանդ որ, գումարը ոլորտից դուրս չի գալու, իսկ գուցե Քուշկյանին իջեցված հրահանգի պատճառո՞վ են տուժել նրա աշխատողները:
Ինչևէ, եթե մեր բժիշկները մի քիչ վճարունակ լինեին, կարող էին, թերևս, միայն ափսոսալ ոչ թե գումարը, այլ, որ համերգը հերթական «դուրսգրված» երգչին է մատուցում ։
Լ. Ե.
Արտգործնախարարությունն օրերս հերքել և «իրականությանն անհամապատասխան էր համարել» լուրը, որ Վրաստանի սահմանի վրա գտնվող հայկական մի քանի գյուղերի մոտ վրացական կողմը շաբաթներ առաջ սահմանապահ կետեր է տեղադրել, այսպես ասած՝ բլոկ-պոստեր, ինչի արդյունքում հայկական մի քանի գյուղեր` Լոռու մարզի Զիլիզա և Տաշիրի մերձակա մի քանի գյուղեր մնացել էին վրացական կողմում:
Ինչպես հայտնի է` հայ-վրացական համատեղ հանձնաժողովի Հայաստանի և Վրաստանի միջև դեռևս 90-ական թվականներից ընթանում է սահմանագծման և սահմանազատման գործընթաց, որի հայկական կողմի հանձնաժողովի նախագահն է փոխարտգործնախարար Շավարշ Քոչարյանը։ Ավելի վաղ, ԱԳՆ մամուլի ծառայությունը հարցին՝ որո՞նք են այդ գյուղերը, արդյոք ՀՀ իշխանությունների համաձայնությա՞մբ են դրանք մնացել Վրաստանի կողմում, խորհուրդ է տվել դիմել սահմանապահներին։
Իսկ ահա ԱԺ պատգամավոր Շիրակ Թորոսյանը կրկին բարձրաձայնել է այն մասին, որ հայ- վրացական սահմանում վրացի սահմանապահները նեղություն են տալիս հայ գյուղացիներին` նրանց ստիպելով իրենց հողը մշակել սահմանակետ անցնելով։ Շիրակ Թորոսյանն այսօր պարզաբանեց , որ խոսքը սահմանի այս ու այն կողմերում,բայց իրար շատ մոտ գտնվող Ջիլիզա և Չանախչի գյուղերի մասին է:
Ջավախքից ընտրված պատգամավորն ասում է. «Հայկական կողմը հակված է այդ գյուղերի միջև սահմանի անցման կետ տեղադրել, բայց վրացական կողմը այդպես էլ մերժեց տեղադրել»: Արդյունքում՝ հարևան երկու գյուղերում բարեկամական, խնամիական կապեր ունեցող հայ գյուղացիները ստիպված են միմյանց այցելելու համար շրջանցելով ճանապարհը, հարյուր կիլոմետր ճանապարհ կտրել: «Բարձրաձայնել ենք, ահազանգել ենք»,-ասում է Շիրակ Թորոսյանը, որի խոսքով՝ վրացական կողմի այս հետևողական մերժման նպատակը մեկն է` հայաթափել հայկական գյուղը` հեռահար նպատակներով: Պատգամավորն ավելացնում է, որ այսքանից հետո անհասկանալի է, թե ինչու են վրացական իշխանությունները հայկական կողմին մեղադրում` հայ դիվանագետների միջազգային ատյաններում վրացական նախագծերը չպաշտպանելու համար: «Իսկ երբ մենք ենք նրանց առաջարկում աջակցել, նրանք ասում են, թե մենք ձեզ համար Լարսի սահման ենք բացել` մոռանալով, որ դա արել են իրենց բիզնես- շահերից ելնելով»:
Հանրապետական Թորոսյանի կարծիքով` հայ-վրացական հարաբերություններում առկա կնճռոտ խնդիրները քաղաքակիրթ մեթոդներով և բանակցությունների միջոցով չեն լուծվում, միմիայն՝ վրացական իշխանությունների վարած քաղաքականության հետևանքով:
Ռուսաստանյան իրավապահների կողմից , ինչպես հայտնի է, հարուցված են մոտ երկու տասնյակ քրեական գործեր, որոնց թելերը, ըստ ընդդիմադիր մամուլի՝ տանում են դեպի հայաստանյան մի շարք պաշտոնյաներ և գործարարներ: ՊԵԿ նախագահ Գագիկ Խաչատրյանի անունը ևս նշված էր այդ ցանկում:
Այսօր 2011 թվականի պետական բյուջեի նախագիծը Աժ-ում ներկայացնելու համար խորհրդարան եկած ՊԵԿ նախագահ Գագիկ Խաչատրյանին լրագրողներն այս մասին հարց ուղղեցին: Վերջինս այս հրապարակումները անվանեց «աբսուրդ», իսկ հարցին, թե այդ դեպքում ինչու դատի չի տալիս հրապարակումների հեղինակներին, կարկամելով ասաց՝ հո ամբողջ կյանքը դատարաններում չի անցկացնելու: ՊԵԿ նախագահը հերքում է նաև այն, թե այս օրերին կանխավճարային հավաքագրման համակարգում լուրջ խնդիրների առջև են կանգնած, և եթե, օրինակ` նախկինում հավաքագրում էին 200 հազար, ապա այժմ նույնիսկ երեսուն տոկոսով չեն կարող ապահովել այդ ցուցանիշը: Այս և մնացած մյուս հարցադրումներին Գագիկ Խաչատրյանը խոստացավ ավելի մանրամասն պատասխանել ԱԺ տնտեսական հանձնաժողովի նախագահ Վարդան Խաչատրյանի ու ԿԲ նախագահ Արթուր Ջավադյանի հետ Դավիթ Հարությունյանի մոտ սուրճ խմելուց հետո, սակայն ոչ նա, ոչ էլ ընկերակիցներն այլևս չվերադարձան:
- Տեսանյութ
- Օրվա միտք
- Խմբագրի վարկած
- Ֆոտո
-
Հասցե` Հայաստան, 0023, Երևան, Արշակունյաց 2
Հեռ: +374 (10) 06 06 23 (413, 414), +374 (99) 53 58 26
Էլ. փոստ` armv12@mail.ru -
2010-2011 © Բոլոր իրավունքները պաշտպանված են:
Մեջբերումներ անելիս հղումը armversion.com-ին
պարտադիր է: Կայքի հոդվածների մասնակի կամ
ամբողջական հեռուստառադիոընթերցումն
առանց armversion.com-ին հղման արգելվում է: -
Կայքում արտահայտված կարծիքների համընկնումը
խմբագրության տեսակետի հետ պարտադիր չէ:
Գովազդների բովանդակության համար
կայքը պատասխանատվություն չի կրում:
Բոլոր իրավունքները պաշտպանված են: Copyright “Armversion.com” 2010.