09.09.2024 | 12:51
Խնդրում ենք ընթերցողների ներողամտությունը26.06.2024 | 10:01
«Մենք պատրաստ ենք հրդեհը մարելուն». Մալաթիայի տոնավաճառում օբյեկտային վարժանք է ...31.05.2024 | 12:54
Ադրբեջանական մտահոգությունները և վախերը խոսում են այն մասին, որ մենք ճշտագույն ճ...31.05.2024 | 12:10
Շարժման ելքը. առանց «եթե»-ների. Վահե Հովհաննիսյան...31.05.2024 | 11:10
Խորապես դատապարտում ենք Հայրապետի դեմ Փաշինյանի հրահանգով թիկնապահների և ոստիկան...29.05.2024 | 15:42
Ցավով անդրադառնում և դատապարտում ենք նման կեցվածքը Վեհափառ Հայրապետի և հոգևոր դա...29.05.2024 | 12:10
Առկա է հրավիրվածների ցուցակ․ ՆԳՆ անվտանգության վարչության պետը՝ Վեհափառի մուտքը ...29.05.2024 | 11:17
Անվտանգության այն կոնցեպտը, որ Հայաստանը մինչև այժմ իրականացրել է, անվտանգությու...28.05.2024 | 13:20
Պապ թագավորն այն առաքինության կերպարը չի, որ օրինակելի լինի, բայց Փաշինյանը նույ...28.05.2024 | 13:02
Ախթալայում հանգուցյալին կհուղարկավորեն առանց դիահերձման` ինքնաշեն դագաղով...28.05.2024 | 11:17
Վանենք մեզանից կործանարար անտարբերությունը, փարատենք թշնամության ու ատելության մ...28.05.2024 | 11:11
Իշխանությունը մանթրաժի մեջ է․ «Հրապարակ»28.05.2024 | 10:37
2 պատճառ կա, որ չի եկել՝ նա այլևս կապ չունի մեր երկրի հետ կամ դրսից են թելադրել․...24.05.2024 | 15:10
ԱՄՆ-ից առաքանու միջոցով թմրամիջոց է ներմուծվել Հայաստան...24.05.2024 | 13:10
Ադրբեջանցի սահմանապահներն արդեն վերահսկողության տակ են վերցրել Տավուշի մարզի չոր...24.05.2024 | 12:17
Ինչպես են «Զվարթնոց» օդանավակայանի աշատակիցները բռնության ենթարկում ֆրանսիահայ լ...24.05.2024 | 11:29
Հայաստանն ու Ադրբեջանն այսօրվանից Տավուշի հատվածում սահմանապահների են տեղակայում...23.05.2024 | 15:10
Ադրբեջանի հետ խաղաղության գնալն անհրաժեշտություն է, բայց՝ վաղաժամկետ. Ադրբեջանը ...23.05.2024 | 14:10
Եթե Ադրբեջանի և Հայաստանի միջև կնքվի խաղաղության վերջնական համաձայնագիր, դա դր...23.05.2024 | 13:10
Հայաստանի իշխանությունը մտել է պետականության ամրության համար խիստ վտանգավոր թեմա...23.05.2024 | 12:10
Ֆիդանը 4 հայկական գյուղերի հանձնման մասին. Թուրքիան լիովին աջակցում է Ադրբեջանին...23.05.2024 | 11:10
Պետականության մասին խոսող մարդն իր սեփական ժողովրդին չի խաբի․ մենք, որ ապրում էի...22.05.2024 | 15:10
-20 սառնամանիքին բարձրացել են Արագածի գագաթը ու գրառել՝ «Հայ, Հայաստան, Հայրենիք...22.05.2024 | 14:10
Իրանի և Ռուսաստանի հարաբերություններում փոփոխություն չի լինի․ Լավրով...22.05.2024 | 13:10
Նման պայմաններում խաղաղության համաձայնագրի ստորագրումը կհանգեցնի նրան, որ ՀՀ-ն կ...22.05.2024 | 12:10
Ադրբեջանը փորձում է օգտվել ՀՀ իշխանության բացառիկ խոնարհումից և արագ մխրճվել այն...22.05.2024 | 11:10
«Զվարթնոց» օդանավակայանում հացադուլ անող ֆրանսահայ լրագրող Լեո Նիկոլյանին օդանավ...21.05.2024 | 15:10
Քաղաքացին 4 եղանակով կծանուցվի վարժական հավաքի մասին, հետո պատասխանատվություն կլ...21.05.2024 | 14:10
Ուկրաինայի կապիտուլյացիայից հետո Զելենսկին պետք է ձերբակալվի և դատարանի առաջ կան...21.05.2024 | 13:10
Եթե նույնիսկ Ադրբեջանին օգտագործել են Իրանի ղեկավարությանը վերացնելnւ հարցում, ա...21.05.2024 | 12:10
Կիրանցում պետական գրանցումները կատարվել են ոչ ճշգրիտ տվյալների հիման վրա. արդարա...21.05.2024 | 11:10
Իրանի նախագահի ուղղաթիռը վթարի է ենթարկվել տեխնիկական անսարքության պատճառով. ԻՐՆ...20.05.2024 | 15:10
Մի շարք ոստիկաններ նույնիսկ անչափահասների ծնողների uպառնացել են, որ կզրկեն ծնողա...20.05.2024 | 14:10
Ապարդյուն զանգերի հետևանքը. ինչո՞ւ հանկարծ նախկին գլխավոր դատախազ Արթուր Դավթյան...20.05.2024 | 13:10
Խափանվել է «թուրքական» կուսակցության հիմնադրումը Հայաստանում. կան ձերբակալվածներ...20.05.2024 | 12:10
«Ոչ ոք չի կարող պառակտում մտցնել Իրանի և Ադրբեջանի միջև»...20.05.2024 | 11:00
Իրանի նախագահն ու արտաքին գործերի նախարարը մահացել են ուղղաթիռի վթարի հետևանքով...18.05.2024 | 15:10
Բացի Սրբազանից վարչապետի այլ թեկնածուի քննարկումը բերելու է ակնհայտ քաղաքական խի...Թուրքիայի դատարաններից մեկը կրկին անգամ արգելք է դրել «YouTube» տեսանյութերի փոխանակման կայքի վրա: Դրանից միայն մի քանի օր առաջ էր Թուրքիայում վերաբացվել այստեղ «YouTube»-ի արդեն երկու տարի արգելված կայքէջը:
Անկարայում գործող դատարանը հրամայել է նոր արգելք սահմանել կայքի նկատմամբ, երբ կայքը հրաժարվել է հեռացնել ընդդիմության նախկին առաջնորդին պատկերող տեսանյութը:
Թուրքիայի կառավարությյան համաձայն, «YouTube» կայքի սեփականատեր «Google» ընկերությունը հեռացրել էր ժամանակակից Թուրքիայի հիմնադիր Մուսթավա Քեմալ Աթաթուրքի նկատմամբ Թուրքիայում վիրավորական համարվող տեսանյութերը:
«YouTube»-ն այդ տեսանյութերը կրկին տեղադրել են կայքում` հայտարարելով, որ դրանք չեն խախտում ընկերության հեղինակային իրավունքի քաղաքականությունը: Թուրքիայում «YouTube» կայքն առաջին անգամ արգելվել է 2007 թվականին: Բացի այդ, Անկարան տուգանքներ է սահմանել «Google» ընկերության նկատմամբ` հայտարարելով, որ այն թերացել է վճարել Թուրքիայում վճարման համար պարտադիր հարկերը:
«Интерфакс» գործակալությունը տեղեկացնում է, որ նոյեմբերի 3-ին Մոսկվայում ձերբակալել են հայտնի քրեական հեղինակություն Վլադիմիր Տյուրինին, որին փնտրում էին Իսպանիայի իրավապահ մարմինները:
Տյուրինին ձերբակալել են Մոսկվայի կենտրոնում գտնվող «Կուպոլ» ռեստորանում: Լրագրողներին հաջողվել է պարզել, որ ՌԴ իշխանությունները չեն պատրաստվում Տյուրինին հանձնել Իսպանիային: Դրա փոխարեն Ռուսաստան կուղարկվեն իսպանացի քննիչների հավաքած փաստաթղթերը: ՌԴ դատարանը կուսումնասիրի այդ փաստաթղթերը և կորոշի պատժամիջոցը:
Ըստ քննիչների վարկածի` 1990թ. Տյուրինը գլխավորում էր Բրատսկի հանցավոր խումբը, որը զբաղվում էր ալյումինի և էներգետիկ բիզնեսով: 90-ականների վերջերին Տյուրինը մեկնել է Իսպանիա, որտեղ համագործակցում էր քրեական հեղինակություն Զաքար Կալաշովի հետ, ով առավել հայտնի է Շաքրո Մոլոդոյ մականունով:
2005թ. Շաքրոի հանցախումբը «քանդվեց» և Տյուրինը ստիպված եղավ վերադառնալ Ռուսաստան: Տյուրինը միջազգային հետախուզության մեջ էր գտնվում:
Որոշ գործակալություններ հայտնում են, որ Տյուրինը Ասլան Ուսոյանի`Դեդ Հասանի հանցախմբի անդամներից է:
ՀՀ բնապահպանության նախարարությունը, որի միջգերատեսչական հանձնաժողովը, նախագահին առընթեր Սևանի հիմնախնդիրների հանձնաժողովի հետ միասին, Արգիճի գետի Գայլաձոր վտակի վրա ՀԷԿ կառուցելու նպատակով հունը փոխելուն ուղղված շինարարական աշխատանքները ճանաչել էր ապօրինի, այդպես էլ չհայտարարեց, թե ով է ՀԷԿ-ի սեփականատերը: ԱԺ «Ժառանգություն» խմբակցության ղեկավար Ստեփան Սաֆարյանը երկու անգամ` նախարարություն ուղարկած գրավոր հարցման տեսքով, մեկ անգամ էլ` հոկտեմբերի 6-ին կառավարության հետ հարցուպատասխանի ժամանակ հարց էր ուղղել Բնապահպանության նախարար Արամ Հարությունյանին, ով այդպես էլ չէր պատասխանել: «Եթե այս տեմպերով շարունակեն, ապա իսկապես հասարակական հետաքննության հանձնաժողով կամ խումբ պետք է ձևավորվի` լրատվական կազմակերպությունների հետ միասին, որպեսզի պարզենք, թե ով է սրա հետևում կանգնած: Այ, որ իսկապես բոլորով գնանք, մի հատ սկսենք քանդել, տերը երևի կհայտնվի»,-ասաց Ստեփան Սաֆարյանը:
Այսօր Բնապահպանության նախարարության մամուլի քարտուղարն ասելով, որ այդ մասին տեղեկացել է էլեկտրոնային մի լրատվամիջոցից, հայտնեց, որ սեփականատերը Զանգեզուրի «էքսիմպ» ընկերությունն է: Ստեփան Սաֆարյանը պատկերացում չունի, թե ով է «էքսիմպ»-ի սեփականատերը, բայց ասաց, որ իրեն փոխանցել են, որ երբ հոկտեմբերի 6-ին ինքը հարցեր է ուղղել բնապահպանության նախարարին «ինչո՞ւ անհանգիստ շարժումներ են եղել հանրապետականի շարքերից»:
Նշենք, որ չնայած որոշումին, որ կառույցն ապօրինի է , մինչ օրս այդ առթիվ քրեական գործ չի հարուցվել ու կառույցը չի ապամոնտաժվել։ Դա նախատեսված է անել նոյեմբերի 19-ին:
Արամ Հարությունյանը նշել էր, որ պետք է «կազմակերպվի Սևանից ջրօգտագործման թույլտվություն»` հավելելով, որ ջրօգտագործումը թույլատրվելու է` եղած ջրապահանջի և հողատեսքերի համապատասխան:
Հիմա Ստեփան Սաֆարյանին անհանգստացնում է մեկ այլ հարց` ինչու է Արամ Հարությունյանը , ով նախկինում խոսում էր 25-30 լիտր վայրկյանում ջրօգտագործման մասին, հիմա ասում` 85 -100 լիտր վայրկյան: Ստեփան Սաֆարյանը տպավորություն ունի, որ կառավարությունը ստանձնել է այդ կառույցը ` ՀԷԿ-ը տնտեսապես ակտիվ դարձնելու ծրագիրը: «Թույլ չենք տալու: Իբրև թե ավելացնում են ջրի քանակը, որ պետք է Վայոց Ձոր ուղղվի այն պարզ պատճառով, որ այդ ՀԷԿ-ը նպատակահարմար դառնա»,-ասաց Ստեփան Սաֆարյանը:
Կառավարությունը խորհրդարան է ներկայացրել օրենքի մի նախագիծ, որն այս տեսքով ընդունելու դեպքում շարքային քաղաքացիների միջին կամ բարձր աշխատավարձը չի հերիքի անգամ ամսական մեկ ավտոմեքենա կայանելու համար: Խոսքը օրական մեկ ժամվա համար 500 դրամի մասին է: Մեկ օրվա համար այն կազմելու մինչև 3000 դրամ , մեկ շաբաթվա` մինչև 6000 դրամ , մեկ ամսվա` 30000 դրամ և մեկ տարվա` մինչև 120000 դրամ ներառյալ: “Ավտոտրանսպորտային միջոցների կայանատեղերի տեղական տուրքի մասին” օրենսդրական փաթեթը լուրջ գլխացավանք է դառնալու ոչ միայն քաղաքացիների, այլև գործատուների համար, որոնք ըստ օրենքի ստիպված պետք է լինեն քաղաքապետարաններին / քանի որ օրենքը նաև մարզային նշանակության է, ապա գյուղերում` ՏԻՄ մարմիններին` Ա.Դ/ վճարել իրենց և իրենց աշխատողների մեքենաների կայանման համար ֆիքսված գումարները: Պետական լիազորված մարմինը, որը պետք է զբաղվի ավտոկայանատեղերի վճարների գանձմամբ քաղաքներում քաղաքապետարաններն են, համայնքներում ու գյուղերում գյուղապետարանները, որոնք, սակայն, կարող են իրենց այս գործառույթը վերալիազորել որևէ ֆիզիկական կամ իրավաբանական անձի: Օրինակ` որևէ “Գուգուշ ՍՊԸ”-ի, որն էլ պետք է զբաղվի գումարների գանձմամբ: “Պատկերացնում եք, ինչ վիճակ կարող է լինել, երբ փողոցները բաժան- բաժան կարվեն քաղաքի խառոշիների միջև: Աբովյան փողոցն, օրինակ, կգանձի մի խառոշի, Սարյանը` մյուսը”,-մեկնաբանեց ՀՅԴ խմբակցության պատգամավոր Արա Նռանյանը, ում խոսքով՝ աշխարհում ոչ մի տեղ քաղաքապետարանին կամ ՏԻՄ-երին պատկանող այս լիազորությունը չի կարող վերալիազորվել: Միակ բացառությունը Մոսկվան էր, որը Լուժկովի կառավարման օրոք ինչ-որ ժամանակ գնաց այդ քայլին , բայց հետո հետ կանգնեց: Եվ առաջին հերթին այն պատճառով, որ պարզվեց, որ մասնավորի կողմից ոչ մի գումար էլ չի մտնում համայնքային բյուջե: «Ավտոտրանսպորտային միջոցի առանց համապատասխան տուրքի վճարման ավտոկայանատեղում քսանչորս ժամից ավելի» կայանման համար ավտոկայանատեղիի կազմակերպիչն իրավունք ունի տվյալ տրանսպորտային միջոցն իր ուժերով տեղափոխել դրա համար նախատեսված հատուկ տարածք»: Մոսկովյան փորձը գալիս է վկայելու, որ այս կարգը կարող է դառնալ վարորդներից առավելագույն գումարներ գանձելու մի պարզ, բայց շատ էֆեկտիվ համակարգ. ասում են , որ վարորդը հրաժարվել է վճարել ավտոկայանատեղման տուրքը, բերում էին էվակուատոր, որով մեքենան տեղափոխում էին հատուկ տարածք: Իսկ այդտեղից մեքենան դուրս բերելն արդեն արժենում է մի քանի տասնյակից, ասենք , 100 ԱՄՆ դոլար:
Անհասկանալի է նաև, թե ինչու վարորդը, ով նաև սպառող է ու մեկ-մեկ խանութ մտնելու սովորություն ունի, պետք է վճարի նաև խանութի դիմաց մայթերին իր մեքենան կանգնեցնելու համար, քանի որ, որպես կանոն, նույնիսկ մեծ սուպերմարկետների պարագայում խանութների դիմացի տարածքը խանութի սեփականությունը չէ: Անհասկանալի է, որովհետև նույնիսկ ԱՄՆ –ում, ուր հողը հսկայական արժեք ունի, յուրաքանչյուր խանութ ունի կայանատեղ, որտեղ գնորդները մինչև գնումներ կատարելը անվճար կարող են կանգնեցնել իրենց մեքենաները:
Նշենք, որ Ազգային ժողովի Տարածքային կառավարման և տեղական ինքնակառավարման հարցերի մշտական հանձնաժողովն այս տարվա հոկտեմբերի 25-ին դրական եզրակացությամբ օրենքի նախագիծը մտցրել էր նախորդ քառօրյայի օրակարգ, սակայն ԱԺ-ն այն չի քննարկել: Ոմանք պնդում են` այն պատճառով, որ իշխանության ներսում առանձին թևեր էլ հիացած չեն այս օրենքով, որը ակնհայտորեն ծառայելու է մի քանի մարդկանց էլ ավելի հարստացնելուն:
Ֆորմալ օրենքի նախագիծը ԱԺ ներկայացնողն ու դրա հարակից զեկուցողը լինելու է արդարադատության նախարար Գևորգ Դանիելյանը, տեսնենք թե նա ինչպես է ներկայացնելու այն։
Հասմիկ Օհանյան
Ծնողները նրան անվանել են Աննա, բայց քաղաքում բոլորը գիտեն որպես Գագիկ: Տեսնելով նրան, երբեք չես ասի, որ դիմացինդ աղջիկ է՝ փոքրամարմին, մեծ աչքերով գեղեցկադեմ պատանու է նման: Աչքերը ժիր են, ու համարյա միշտ թախծոտ ու մտահոգ։ Աննա- Գագիկը մոլոր է, ու չգիտի ինչ անել: Ավելի շուտ գիտի, ուղղակի գիտի նաև, որ այն, ինչ պետք է անել, որպեսզի նա իրեն լիարժեք տղամարդ զգա ֆիզիկապես, քանի որ բնույթով ու հոգեպես նա միշտ է դա զգացել, Հայաստանում անհնար է…
Ես Գագիկին ճանաչում եմ մոտ երկու տարի: Մինչև ծանոթանալս շատ էի լսել նրա մասին, նաև զգուշացրել էին, որ հանկարծ նրան Աննա չդիմեմ՝ վիրավորվում է: Նույնիսկ տնեցիք՝ տատն ու մայրն են նրան Գագ ասում, Աննան չկա, նա չկարողացավ ապրել այն կանացի մարմնի մեջ, որի էությունը Գագիկինն էր:
— Ես միշտ էլ ինձ տղա եմ զգացել, ուղղակի ոնց որ սխալ տղա լինեի, ֆիզիկապես սխալ: Մանկապարտեզում սիրահարվում էի դաստիարակչուհիներին, իսկ երբ նստացնում էին նկարելու, միշտ նույն բանն էի նկարում՝ հիվանդանոց, մարդ վիրահատական սեղանին, որն, իհարկե, ես էի, շուրջը հավաքված բժիշկներով, որոնք ինչ-որ գործողություններ էին կատարում ինձ հետ:
— Բայց չե՞ս գտնում, որ եթե քեզ Աստված կին է ստեղծել, ապա դու ո՞վ ես, մարդ արարած, որ դեմ գնաս նրան, էդպիսի մեղք գործելով: Դու հավատո՞ւմ ես Աստծուն:
— Ես հավատում եմ Աստծուն, բայց էդ հավատը չի կարա ինձ խանգարի, որ ես, ի վերջո, մի օր կարողանամ սեռս փոխել և ուղղել իր իսկ սխալը: Ես չեմ համարում, որ դա մեղք ա:
— Լավ, մի կողմ դնենք հավատքը, ի վերջո, դա ամեն մարդու անձնական գործն է՝ իր հարաբերություններն Աստծո հետ: Իսկ գենդերի քո գիտակցումը ՝ սոցիալական-հասարակական սեռային ինքնությունը ե՞րբ է արտահայտվել և որ տարիքում է վերջնականապես ամրապնդվել:
— Արդեն երրորդ դասարանում երևի թե: Էդ տարիքից սկսած ես ինձ լիովին տղա եմ ընկալել: Նաև հասկացել եմ, որ դա լուրջ պրոբլեմ ա, ու անընդհատ պայքարել եմ, որպեսզի մարմինս համապատասխանի էությանս, երբեք թևաթափ չեմ եղել, միշտ հավատացել եմ, որ դա մի օր տեղի է ունենալու:
— Իսկ քո զուգընկերուհիները, կանայք, աղջիկները, ում սիրել ես ու հարաբերություններ ես ունեցել հետները, ո՞նց են քեզ ընկալել, որպես տղա՞, թե՞ աղջիկ: Եվ իրենք հետերոսեքսուա՞լ են եղել, թե՞ լեսբի:
— Ոնց քեզ ուզում ես որ ընկալեն մարդիկ, էդպես էլ ընկալում են: Ես միշտ ուզել եմ ընկալվեմ տղամարդ ու էդպիսին էլ ընկալվել եմ: Ընկերուհիներս էլ եղել են, բնականաբար, «նատուրալկաներ», ես նրանց տղամարդն եմ եղել: Ոմանք ասել են, որ եթե ես տղա լինեի, նույն բնավորությամբ, նույն աշխարհայացքով ու պահելաձևով, նրանք ինձ կհավանեին: Չնայած, գուցե լավ ա, որ էդպես չի, որ տղամարդ չեմ, թե չէ էդքան լավ չէի հասկանա կանանց: Քանի որ ես էդքան էլ տղամարդ չեմ, ես կարողանում եմ կնոջ հայացքով էլ նայել երևույթներին: Էդ առումով լավ ա:
— Երբվանի՞ց են քեզ ասում Գագիկ: Հասարակությունը ո՞նց է քեզ ընկալում, պրոբլեմներ ունենո՞ւմ ես:
— Երբ ընդունվեցի թատերական ինստիտուտ, երեխեքը սկսեցին տենց ասել, ու տենց էլ մնաց: Հիմա ոչ ոք ինձ չի ասում Աննա, մենակ կատակով, ղժալու համար, մեկ էլ մարդիկ, ովքեր ինձ ճանաչել են առաջներում ու չեն կարողանում այլ կերպ ասել: Ով գիտի, ճանաչում ա, պրոբլեմ չկա նրանց հետ: Իսկ մարդիկ… նրանք ինձ ջահել տղու տեղ են դնում, չեն էլ ջոկում, որ աղջիկ եմ: Վերջերս մի զարմանալի բան պատահեց, պատմեմ, որ պարզ լինի, թե ինչքան եմ ես տղամարդ ընկալվում: Բժշկի էի գնացել, տարիքով մարդ էր բժիշկը, պրոֆեսոր: Սեռական օրգանների շրջանում զննում էր անցկացնում: Վերջացրեց, սկսեց լրացնել փաստաթղթերը, մեկ էլ հարցնում ա.
— Բանակում ծառայե՞լ ես»:
Ասում եմ.
— Դուք նոր ի՞նչ էիք նայում:
— Խալն էի նայում, ոչ մի սարսափելի բան չկա:
— Դուք այնտեղ, ինձ վրա տեսա՞ք ինչ-որ բան, որ խոսար այն մասին, որ ես պետք է ծառայեմ բանակում:
Մնացել էր շիվար, չէր կարողանում հավատալ, որ աղջիկ եմ: Խնդրեց նորից նայել, որ համոզվի: Այ էդ աստիճանի ես տղա եմ ընկալվում:
— Քո ամենամեծ սերն ո՞վ ա եղել:
— Լիլոն՝ հոգեբան էր, բայց ես իրա հիվանդը չէի: Հիմա ամուսնացած ա: Բայց ես մինչև հիմա սիրում եմ իրան:
— Իսկ տղայի սիրահարված եղե՞լ ես երբևիցե:
— Հա, բայց էդ տղան գեյ էր, ավելի շուտ տրանս, ես իրան որպես կին էի ընկալում: Զգայականից էն կողմ չի անցել, մի երկու անգամ համբուրվել ենք:
— Բա մայրդ, նա չի՞ փորձել քեզ «բուժել»:
— Բա ինչ ա արել: Երեխա ժամանակ անընդհատ տանում էր հոգեբանների մոտ, մինչև որ, իմ բախտից, հանդիպեցինք մի շատ լավ հոգեբանի, ով մամայիս ասեց, որ ինձ բուժել պետք չի, որ ես էդպիսին եմ, ու վերջ: Բայց դրանից առաջ շատերը թյուրիմացության մեջ են գցել մամայիս: Տարել էր էնդոկրինոլոգի մոտ, նա էլ ինչ-որ հորմոններ էր նշանակել կանացի, ես էլ մորս ասեցի, որ կխմեմ էդ դեղերը, բայց եթե դրանից հետո էլ «չբուժվեմ», ինքն ինձ հանգիստ կթողնի: Խմեցի էդ դեղերը, բայց չգիտես ինչի, հակառակ էֆեկտը ստացա՝ ավելի առնականացա, հորմոնային խանգարումներ սկսվեցին մոտս, ցիկլային խանգարումներ ունեցա… Էդ անգրագետ հորմոնային թերապիայից առողջությունս լրիվ քայաքայվեց մենակ, ոչ մի օգուտ չստացա: Մի խոսքով, ինչի մեջով ասես չեմ անցել: Գնացել էի պլաստիկ վիրաբույժի մոտ խորհրդատվության, նա ասեց, որ ինձ կվիրահատի նույնիսկ անվճար, եթե ես կարողանամ թույլտվություն՝ լիցենզիա ստանալ Առողջապահության նախարարությունից: Դեռ ոչ մի բան չի ստացվել, հույս էլ չունեմ, որ կստացվի Հայաստանում: Միակ նպատակս հիմա ամեն կերպ երկրից դուրս գալն ա, ու արտասահմանում վիրահատվելը:
Գագիկի հետ խոսելուց ես դեռ չգիտեի, որ պլաստիկ վիրաբույժը վերջին օղակն է սեռափոխության երկարուձիգ, դժվար ճանապարհին: Երբ IWPR(Խաղաղության և պատերազմի լուսաբանման ինստիտուտ) կազմակերպության համար սեռափոխության մասին նյութ էի պատրաստում, իմացա, որ նախքան վիրաբույժի դանակի տակ պառկելը, սեռը փոխել ցանկացող մարդը պետք է անցնի հոգեբանական ու ֆիզիոլոգիական մանրակրկիտ հետազոտություններ,ստանա հորմոնային թերապիա, ու նոր, ամենավերջում, երբ հաստատվի, որ նա հոգեպես առողջ է ու չունի բժշկական հակացուցումներ, դիմի վիրաբույժին:
Չնայած մենք ունենք օրենսդրությամբ նախատեսված կետ, որը թույլ է տալիս սեռափոխության դեպքում ստանալ նոր փաստաթղթեր, բայց չունենք առողջապահական կառույց, որը կարող է տալ համապատասխան թույլտվություն: Եթե դրան գումարենք բժիշկների տգիտությունը, տրանսսեքսուալիզմի (փոխսեռականություն) մասին տարրական գիտելիքների բացակայությունը, ովքեր օգնելու փոխարեն սխալ հորմոնային թերապիա են նշանակում մարդկանց, վտանգելով նրանց կյանքը, ապա կունենանք ամբողջական պատկերը, որ կարող է լինել այդ խնդրի շուրջ: Կոնկրետ Գագիկի մոտ այդպիսի բուժումից հետո սրտանոթային համակարգի պրոբլեմներ են առաջացել, որն արդեն կասկածի տակ է դնում երկարատև անզգայացմամբ վիրահատության հաջողությունը, նույնիսկ եթե այդ վիրահատությունը կատարվի ոչ Հայաստանում:
Լուսինե Վայաչյան
«New York Post» ամերիկյան թերթը գրում է, որ Միչիգանի բնակչուհի Ջենիֆեր Քլայնը 7000 ԱՄՆ դոլարով վաճառել է նախագահ Բարաք Օբամայի նամակը, որպեսզի կարողանա վճարել քաղցկեղի բուժման համար:
Որոշ ժամանակ առաջ 28-ամյա Քլայնը նամակով դիմել էր Բարաք Օբամային և պատմել, որ համաշխարհային տնտեսական ճգնաժամի հետևանքով 5 օրում կորցրել է աշխատանքը, բժշկական ապահովագրությունը և ինքնասիրությունը:
Բացի դրանից, Քլայնի մոտ մաշկի քաղցկեղ են հայտնաբերել: Պետությունը կնոջը գործազրկության նպաստ է տրամադրել և վերջինս կարողացել է շարունակել ուսումը համալսարանում:
2010թ. հունվարին Բարաք Օբաման պատասխան նամակ է ուղարկել Քլայնին, նա ստիպված վաճառել է այն, քանի որ չի կարողացել վճարել իր բուժման համար:
Նամակը գնել է ստորագրություններ վաճառող Գարրի Զիմեթը, ով պատրաստվում է ավելի թանկ գնով վերավաճառել այն: Զիմեթի խոսքերով` Օբամայի ստորագրությամբ և Սպիտակ տան պաշտոնական բլանկի վրա գրված նամակները շատ հազվադեպ են հանդիպում:
Չեչեն անջատողականների առաջնորդներից մեկը`Ահմեդ Զակաևը հերքել է վերջերս լրատվամիջոցներում հայտնված լուրերը , որոնց համաձայն, ինքը Ջորջ Սորոսից 10 մլն դոլար է ստացել `Լեհաստանում համաշխարհային չեչենական կոնգրես անցկացնելու համար:
«Սա այն մարդկանց հերթական էժանագին քարոզչությունն է, ովքեր փորձում են Չեչնիայում խաղաղություն հաստատել քաղաքական, այլ ոչ թե ուժային ճանապարհով»,-հայտարարել է Զակաևը:
Սորոսից փող ստանալու լուրերը տարածել էր Դոկու Ումարովը, ով նույնպես չեչեն անջատողականների առաջնորդներից է: Ումարովի կարծիքով, չեչենական կոնգրեսը Զակաևը Սորոսի փողերով է ստեղծել:
ՀՀ կառավարությունը հոկտեմբերի 21-ի նիստում որոշում ընդունեց 655 միլիոն դրամ հատկացնել` կառավարության 2008թ. հոկտեմբերի 30-ի որոշմամբ հաստատված կարգով վիճակահանությունների արդյունքում չշահած ՀԴՄ 2010թ. երրորդ եռամսյակի կտրոնների խմբաքանակներ ունեցող ֆիզիկական անձանց բոնուսի վճարման հետ կապված ծախսերը փոխհատուցելու համար:
Այդ գումարը քաղաքացիներին հասցնելու համար հատկացվում է ՀՀ ԿԱ պետեկամուտների կոմիտեին: Սակայն արդեն մի քանի օր է, որ նշված փոխհատուցում ստանալ ցանկացողները մերժվում են: Ընդ որում, քաղաքացիների բոլոր փորձերը, բացահայտելու մերժման պատճառը, ձախողվում են:
Ինչպես հայտնի է, փոխհատուցում կոչվածը տրվում է ընդամենը կատարած գնումների մեկ տոկոսի չափով։ Եթե մարդը մեկ եռամսյակի ընթացքում մեկ միլիոն դրամի առևտուր է անում, ապա հավաքելով բոլոր գնումների ՀԴՄ կտրոնները, կարողանում է ստանալ 10 000 դրամ, այն էլ, եթե բոլոր գնումների համար խանութները բարեխղճորեն հատկացրել են կտրոններ։ Չի բացառվում, որ, ենթադրենք, 200 հազար դրամի ապրանք գնելով մարդը տանը պարզի, որ իրեն տվել են ընդամենը 50 հազար դրամի կտրոն: Այնպես որ, կառավարության հատկացրած փոխհատուցումից օգտվողները միանշանակ ամուր նյարդեր և համբերություն ունեցող քաղաքացիներն են: Հենց նրանց էր այս օրերին հիասթափություն սպասվում:
Մենք նախ փորձեցինք կառավարությունից ճշտել, թե ո՞րն է նման մերժման պատճառը, հատկապես այն դեպքում, երբ ՀՀ գործադիրն արդեն գումարը հատկացրել է: Կառավարությունից մեզ ուղղորդեցին ՀՀ ԿԱ պետեկամուտների կոմիտե` նշելով, որ շատ ավելի ճիշտ կլինի հարցն ուղղել ՊԵԿ-ին:
ՊԵԿ-ից տեղեկացրեցին, թե հարցը մի քանի օրվա ընթացքում կկարգավորվի և քաղաքացիները շուտով իրենց փոխհատուցումները կստանան:
Ինչո՞վ բացատրել նման ձգձգումը: Եթե ինչ-որ բան կարգավորվում է, նշանակում է՝ ինչ-որ բան այն չէ: Բայց ամբողջ հարցը հենց այն է, թե ի՞նչը կարգավորման խնդիր ունի։ Գումարը գործադիրը հատկացրել էր, ՊԵԿ-ին մնում էր միայն վճարել, հատկապես որ այս կառույցը ՀԴՄ-ների քաղաքականության ներդրման շնորհիվ ավելի քան շահեց, ուրեմն ավելի քան պետք է պատրաստակամ լիներ գոնե մեկտոկոսանոց փոխհատուցումներով ապահովել քաղաքացիների շահագրգռությունը ՀԴՄ կտրոններ պահանջելու հարցում:
Ի դեպ, նախկինում այդ մեկտոկոսանոց փոխհատուցումները միանգամից տալիս էին, հիմա դա ևս բարդացվել է, նախ՝ հերթագրում են, հետո անհրաժեշտ ինչ-որ փաստաթղթեր տալիս լրացնելու և նոր միայն, որոշ քաշքշուկներինց հետո, վճարում:
Ու՞մ է սա ձեռնտու: Կարծում ենք՝ այստեղ առանձնապես մտածելու կարիք չկա:
655 միլիոն դրամն ավելի քան բավարար գումար է շրջանառության մեջ դնելու և հարկ եղած եկամուտներ կորզելու համար. անգամ մեկ-երկու օրվա կտրվածքով նման գումարով կարելի է բավականին շահույթ ապահովել: Որ Կենտրոնական բանկ գլխավորած, դոլար-դրամ փոխարժեքների տատանումներից միլիոնավոր դոլարների եկամուտ ապահոված Տիգրան Սարգսյանը փողի, հատկապես մեծ փողի հարգը և դրանից ստացվելիք եկամուտը լավ գիտի, կարիք չկա բացատրելու:
Իսկ որ 655 միլիոն դրամը նաև այն գումարը չէ, որ Պետեկամուտների կոմիտեի ինչ-որ մի պաշտոնյա ինքնագլուխ` անգամ կառույցի թիվ մեկ պաշտոնյան, կարողանա ինչ-որ բան անել, նույնպես քննարկման հարց չէ:
Այնպես որ, թե ովքեր են որոշել «ղումար խաղալ» 655 միլիոնով, կարելի է պարզել` գրելով ընդամենը սահմանափակ թվով մարդկանց մի ցուցակ և ամեն ինչ պարզ կլինի:
ԼՈՒՍԻՆԵ ԵՍԱՅԱՆ
ՀՀ Ճանապարհային ոստիկանությունում ինտենսիվ բարեփոխումներ են: ՀՀ ոստիկանապետը հրահանգել է ազատվել համակարգի«անճոռնի» ճուտիկներից։
Այսուհետ մեր գայիշնիկները թոփ տասնյակ են լրացնելու. ճանապարհային ոստիկանությունում աշխատանքի ընդունվելու համար պարտադիր չափորոշիչներ են լինելու նաև 170 սմ հասակն ու 90 կգ չգերազանցող քաշը: Գեր և ցածրահասակ ճանապարհային ոստիկաններից Ալիկ Սեգեյիչը հրամայել է աստիճանաբար ազատվել։ Նրանց եթե աշխատանքից ուղղակի չեն ազատում, ապա տեղափոխում են համակարգի մեկ այլ` հանրության աչքին չերևացող աշխատանքի:
Ոստիկանապետի հրամանից ՃՈ բարձրաստիճաններին հաջողվել է խուսափել։ Մարգար Օհանյանը մի առանձնակի ուրախությամբ տեղեկացրեց, որ դա չի տարածվելու իրենց վրա, ԳԱԻ-ի ֆեյսկոնտրոլը վերաբերելու է միայն շարքայիններին: Սա, իհարկե, մխիթարական է, քանի որ Հայաստանում այս համակարգի աշխատողների ստամոքսի տրամագիծն աճում է պաշտոնի բարձրացմանն ուղիղ համեմատականով: Չնայած արված վերապահումների հիման վրա կարելի է փաստել, որ ոստիկանապետի հերթական բարեփոխումը ևս զուտ ձևական բնույթ է կրելու կամ, որ ավելի հավանական է, դառնալու է պարզապես անցանկալի տարրերից ազատվելու հարմար պատրվակ:
Մեր տեղեկություններով, ՀՀ ճանապարհային ոստիկանությունում վերջին երկու ամսվա ընթացքում աշխատանքից բավականին ինտենսիվ ազատումներ են լինում: Մեկ ամսվա կտրվածքով խոսվում էր շուրջ 35 ոստիկանի ազատման մասին, սակայն, չգիտես ինչու, ՃՈ պետն ամեն կերպ փորձում է այդ տեղեկությունը հերքել, հավաստիացնելով, թե ազատումները չեն անցնում երկու տասնյակը:
Ճանապարհային ոստիկաններին ազատում են պաշտոնական դիրքի չարաշահման մեղադրանքով, սակայն զարմանալի տրամաբանությամբ նրանց նկատմամբ քրեական գործեր չէին հարուցվում` բավարարվում էին ընդամենը աշխատանքից հեռացնելով:
«Բարեփոխումների» նման «ընթացակարգը» ևս կասկածելիների շարքից է. եթե իսկապես ՀՀ ոստիկանապետը նախանձախնդիր է իր ղեկավարած համակարգի ամենաարատավորված կառույցը փոքրիշատե մաքրելու կեղտերից, ապա այդ դեպքում ինչու՞ չի հրապարակայնացնում արածը, ինչու՞ հանրությանը տեղյակ չեն պահում, որ Ճանապարհային ոստիկանությունում այլևս կաշառակեր ոստիկանները խրախուսելի չեն, որ ահա այսքան թվով մարդիկ ազատվել են աշխատանքից: Մարգար Օհանյանը մեզ հետ մասնավոր զրույցում դա բացատրեց նրանով, թե կաշառքն այն բանն է, որ ապացուցման ենթակա չէ, ենթադրենք, տվյալ անձնավորությունը կաշառք է տվել աշխատանքի ընդունվելու համար` «չէ՞ որ նա այդ քայլին դիմելու համար ստիպված է եղել մի քանի խոչընդոտներ հաղթահարել` ծանոթներ գտնել և այլն, ուստի դժվար է նման մեկից սպասել, որ կգա և հայտարարություն կգրի կաշառք տալու մասին»: Հենց դրա վրա էլ հույս են դնում կաշառք վերցնողները։ Երևի թե այդ պատճառով է, որ ոստիկանական մեկ աստղ կամ մեկ աստիճան բարձրացնելու համար սահմանված գումարը 3 հազար դոլար է, որն, ինչպես ասում են, գնում է ուղիղ ոստիկանապետին։ Բայց դե նման բաները, ինչպես Օհանյանն է ասում, չեն ապացուցվում։
Ճանապարհային ոստիկանությունում իրականացվող այս կարգի «բարեփոխումները» և հատկապես դրանց չհրապարակայնացնելն այլ ենթադրությունների տեղիք են տալիս: Հայտնի է, որ ոստիկանության բոլոր կառույցներում աշխատանքի տեղավորելու գործը համակարգում է ՀՀ ոստիկանապետի եղբայրը: Եթե համակարգը համալրված է կադրերով, ստացվում է, որ աշխատանքի տեղավորելու գործը բարդանում է, իսկ որոշ քանակությամբ ազատումների դեպքում նոր հնարավորություններ են բացվում:
Ներկա փուլում ազատումների այս շարքը ոստիկանապետին հնարավորություն է տալիս ընդամենը հաջող փոխտեղումներ ապահովել և թարմ արյուն հաղորդել թե´ համակարգին, թե´ սեփական ֆինանսներին: Եթե նախկինում կարելի էր Ճանապարհային ոստիկանությունում աշխատանքի ընդունվել ընդամենը 500 դոլարով, ապա այսօր արդեն շրջանառվում է 15-20 հազար դոլար կաշառքի չափը:
Մինչև 2011թ. ամսվա կտրվածքով աշխատանքից ազատելով 30 ճանապարհային ոստիկան և Նոր տարուց արդեն նրանց փոխարեն բարետես`170 սմ հասակ և մինչև 90 կգ քաշ ունեցողներին ընդունելով, կարելի է ասել, որ Ալիկ Սարգսյանը միանգամից մի քանի նապաստակ խփած կլինի. ոստիկանապետի եկամուտները կավելանան շուրջ 1,5-2 մլն դոլարով` 100 ճանապարհային ոստիկանի հաշվով։ (Սա հարցի չերևացող կողմն է, անապացուցելին, թեև` ամենակարևորը), իսկ հանրությանը բարետես ոստիկաններին ի ցույց դնելով, կարելի կլինի համոզել, որ համակարգում իսկապես ինչ-որ բան տեղից շարժվում է և ղեկավարությունը գոնե փորձում է ինչ-որ բան փոխել:
Բայց ամբողջ հարցն այն է, որ այդ բարեփոխումներ կոչվածը այդպես էլ որևէ արդյունք չի տա, որովհետև որքան էլ ոստիկանապետը ձգտի բարետես ճանապարհային ոստիկաններով ՃՈ կառույցը կարգի բերել, միևնույն է` ոչնչի չի հասնի: Որովհետև այստեղ ոչ թե արտաքին գրավչության էլեմենտներ են հարկավոր, այլ, նախևառաջ, ներքին կուլտուրայի բարեփոխման լուրջ խնդիր կա:
ՀՀ Ճանապարհային ոստիկանությունն ամենաեկամտաբեր կառույցներից մեկն է համարվում։ Եթե այստեղ աշխատանքի անցնելու համար մարդիկ պատրաստ են մինչև 20 հազար դոլար զոհաբերել, գիտեն, որ չանցած մեկ տարի, նախկինում ոչինչ չունենալով, ճանապարհային ոստիկան դառնալով, կարող է վարել արտասահմանյան թանկարժեք ավտոմեքենա, կառուցել առանձնատուն, ամեն օր սնվել լավագույն ռեստորաններում։
Իսկ կատարած ծախսերի և ձգտումների արդարացումը լուծում են ի հաշիվ ՀՀ վարորդների, այն վարորդների, որոնց մոտ ՀՀ ճանապարհային ոստիկանությունն այլ զգացում, բացի արհամարհանքից, չի հարուցում: Այնպես որ, եթե Ալիկ Սարգսյանն իսկապես ցանկություն ուներ ինչ-որ բան փոխել իր ղեկավարած համակարգի ամենաարատավոր կառույցում, ապա պետք է դա աներ ոչ թե ձևական կողմն ապահովելով, այլ, առաջին հերթին, վարվեցողության կանոններին ծանոթ ոստիկաններ ապահովեր և բովանդակային հարցերը լուծեր:
ԼՈՒՍԻՆԵ ԿԵՍՈՅԱՆ
«Ուտոպիանան» 2001թվականից մեր երկրում գործող մշակութային ստեղծագործական հասարակական հայ-շվեյցարական կազմակերպություն է, որն աջակցում է ժամանակակից արվեստի գործընթացի զարգացմանը Հայաստանում:
Ուտոպիանան` Հայաստանում Ֆրանսիայի դեսպանատան հետ համագործակցությամբ և AFG Film Club-ի մասնակցությամբ դեռևս կանանց միամսյակի շրջանակներում ներկայացրել էր «Մայր-դուստր` եռակողմ հարաբերություն» նախագիծը, որի ընթացքում տեղի էր ունեցել Նատալի Հեյնիշի և Կարոլին Էլիաչեֆի կողմից առաջարկվող և մայր-դուստր հարաբերությունների հնարավոր մոդելներ արտացոլող ֆիլմերի ցուցադրություն-քննարկում:
Կին և մայր՝ երկու հասկացություն, որ առաջին հայացքից ենթադրում են մեկը մյուսին: Կարծես թե չկա առավել կանացի կոչում, ինչպես մայրը, և մոր կերպարում է մարմնանում ամեն կանացին: Մինչդեռ, առավել խորը հայացքը կբացահայտի այն դժվար ըմբռնելի ներքին բախումը, որ կա այս երկու հասկացությունների միջև: Մի ծայրահեղությունում կին, որի համար մայրությունը միայն ծանրություն է ու բեռ իր կին լինելու ճանապարհին, մյուս ծայրահեղությունում մայր, որն իր ողջ կյանքի իմաստը երեխայի մեջ կենտրոնացնելով, երեխայի կյանքն է վերածել տանջանքի՝ նրա յուրաքանչյուր սխալն ընկալելով որպես սեփական կյանքի դժբախտություն։ Եվ այս երկու ծայրահեղությունների միջև կինը պիտի կարողանա ստեղծել իր դիրքը՝ ապահովելով կին ու մայր դերերի միջև յուրօրինակ հավասարակշռություն:
«Կին և մայր… Կին, որ դառնում է մայր… Արդյո՞ք այս հաճախ պարզագույն թվացող անցումն այնքան խաղաղ է, ինչպես կարող է երևալ առաջին հայացքից: Արդյո՞ք դերակատարը մեկն է: Արդյո՞ք կին-մայր առանցքի վրա կնոջ ընտրած դիրքն իր խորքում չի կրում այն ազդեցությունը, որ ինքը՝ մայրացող կինն է կրել սեփական մորից և վերջինիս կողմից նույն առանցքի վրա զբաղեցրած դիրքից: Եվ արդյո՞ք տեղին չէ հայրեր-որդիներին համահունչ` մայրեր-դուստրեր սերունդների երկխոսության ու սերնդափոխության գաղափարը:
Արդյո՞ք խորաթափանց հայացքը կին-մայր և կին-դուստր, յուրօրինակ զույգի հարաբերություններում չպիտի արձանագրի մի երրորդ՝ կարևորագույն դերակատարի՝ տղամարդ-հոր ներկայությունը: Ուղղակի թե անուղղակի, գիտակցաբար թե անգիտակցաբար, տղամարդը մշտապես ներկա է մայր-դուստր հարաբերությունում, որն ընկալվում է որպես եռակողմ հարաբերություն»:
Ահա այս հարցերն են, որ «Ուտոպիանան» փորձել է բարձրացնել՝ նախաձեռնելով մայր-դուստր՝ եռակողմ հարաբերություն նախագիծը:
Ուտոպիանան հայտարարել էր բազմամեդիա մրցույթ իր «Մայր-դուստր՝ եռակողմ հարաբերություն» նախագծի շրջանակներում։ Մրցույթին ներկայացվել էին միայն գրական գործեր.
«Նամակ» Անի Մաթևոսյան
«Երեք կին, որոնք ուզում են երջանիկ լինել» Արփի Մաղաքյան
«Մամաս ո՞վ ա» Լուսինե Վայաչյան
«Կաֆե-գալսե» Նարինե Կռոյան
«Կարևորության խնդիրներ» Սոնա Ավետիսյան
«Երեք երգ Բեատրիսին» Տաթևիկ Խուրշուդյան
«Կրկնվող պատմություն» Վահան Իշխանյան
Գործերին հնարավոր էր ծանոթանալ և նախընտրած գործի օգտին քվեարկել Ուտոպիանայի կայքում: Գործերը դրվել են բաց քննարկման նաև Ֆեյսբուք սոցիալական ցանցում, Ուտոպիանայի էջում: Մրցույթի արդյունքներն ամփոփելիս կարևորվել են նաև քվեարկողների հիմնավորումներն այս կամ այն գործի վերաբերյալ, իսկ արդյունքներին կարելի է ծանոթանալ Ուտոպիանայի կայքէջում:
Օրերս քվեարկության արդյունքում ընթերցողի ձայների մեծամասնությամբ լավագույն գրական ստեղծագործություն համարվեց Լուսինե Վայաչյանի «Մամաս ո՞վ ա» ստեղծագործությունը:
Ուտոպիանան հրավիրել էր նաև հատուկ հանձնաժողով՝ Մարինե Պետրոսյան, Արա Նեդոլյան, Միսաք Խոստիկյան, Կարեն Անտաշյան և Աննա Բարսեղյան: Գործերը քննարկելուց հետո որոշվել է նաև հանձնաժողովի կողմից ընտրված լավագույն գրական ստեղծագործությունը՝ Սոնա Ավետիսյանի «Կարևորության խնդիրներ»-ը:
Հ.Գ. Լուսինե Վայաչյանը «Հայկական Վարկածի» լրագրողն է, շնորհավորելով նրան մրցանակի կապակցությամբ, չենք կարող չօգտվել առիթից ու չասել, որ Լուսինե- գրողի Աստվածատուր շնորհը դեռ չի գտել իր արժանի գնահատականը։Սրանք պարզապես խոսքեր չեն, Լուսինեն հետաքրքիր ու վառ անհատականություն է, ավելի քան վստահ ենք, որ ժամանակը ցույց կտա նրա ստեղծագործության իրական արժեքը։
Հայկական Վարկած
- Տեսանյութ
- Օրվա միտք
- Խմբագրի վարկած
- Ֆոտո
-
Հասցե` Հայաստան, 0023, Երևան, Արշակունյաց 2
Հեռ: +374 (10) 06 06 23 (413, 414), +374 (99) 53 58 26
Էլ. փոստ` armv12@mail.ru -
2010-2011 © Բոլոր իրավունքները պաշտպանված են:
Մեջբերումներ անելիս հղումը armversion.com-ին
պարտադիր է: Կայքի հոդվածների մասնակի կամ
ամբողջական հեռուստառադիոընթերցումն
առանց armversion.com-ին հղման արգելվում է: -
Կայքում արտահայտված կարծիքների համընկնումը
խմբագրության տեսակետի հետ պարտադիր չէ:
Գովազդների բովանդակության համար
կայքը պատասխանատվություն չի կրում:
Բոլոր իրավունքները պաշտպանված են: Copyright “Armversion.com” 2010.