Կոնգրեսական Ադամ Շիֆը ԱՄՆ Պետդեպին կոչ է արել Բաքվի ագրեսիային պատասխանելիս հրաժարվել Հայաստանի և Ադրբեջանի գործելակերպի միջև կեղծ հավասարություն դնելու մասին հայտարարություններից։

ԱՄՆ հայ դատի հանձնախմբի փոխանցմամբ՝  ԵԱՀԿ Մինսկի խմբի համանախագահ Ջեյմս Ուորլիքին ուղղված նամակում Շիֆը ընդգծել է, որ այս հակամարտության մեջ ագրեսորի անունը բացահայտ նշելու ցանկության բացակայությունը Ադրբեջանին մեսիջ է հղում առ այն, որ նա կարող է անպատիժ գործել։

Հիշեցնելով Ադրբեջանի կողմից չհայտարարված, բայց կազմակերպված զորավարժությունների, ինչպես նաև Հայաստանի տարածքի գնդակոծության մասին, ինչի հետևանքով զոհվել էր 2 զինվոր և վիրավորվել էին խաղաղ բնակիչներ, կոնգրեսականն նշեց, որ Ադրբեջանը շարունակում է ագրեսոր մնալ։

Պաշտպանելով հակամարտության խաղաղ կարգավորմանն ուղղված Ուորլիքի ջանքերը՝ Շիֆը նշել է, որ իր կարծիքով Ադրբեջանի ռազմական հռետորաբանությունն անտեսելը և ենթադրելը, թե երկու կողմն էլ հավասարապես մեղավոր են շփման գծում լարվածության աճի մեջ, երբ դա իրականում այդպես չէ, խաղաղության գործին չի նպաստում։

ԱՄՆ Հայ դատի հանձնախմբի գործադիր տնօրեն Արամ Համբարյանը կոնգրեսականին շնորհակալություն է հայտնել նամակի համար՝ նշելով, որ ամերիկահայերը կիսում են արհեստական անկողմնակալության քաղաքականության հարցում նրա մտահոգությունը։

Artsakhpress.am

Սեպտեմերի 29-ին Թուրքիայում կանցկացվի «Տիեզերքի փոքրիկ արքայադուստրը» փոքրիկների գեղեցկության մրցույթը, որտեղ Հայաստանից կմեկնի 5-ամյա Էլեն Ասոյանը` Հայոց ցեղասպանության 100-ամյա տարելիցին նվիրված «Հիշում և պահանջում եմ» խորագրով:

«Անցած տարի Թուրքիայում կայացած «Աշխարհի փոքրիկ արքայադուստր» տիտղոսը նվաճելուց հետո, մենք չէինք պատկերացնում, որ կրկին կստանանք մրցույթին մասնակցելու պաշտոնական հրավեր: Էլենին հրավիրել են և՛ որպես անցած տարվա Գրան Պրի մրցանակակիր, և՛ որպես այս տարվա մասնակից: Մեր գերնպատակն է` Հայոց ցեղասպանության 100-ամյա տարելիցի ժամանակ մասնակցել այս մրցույթին`չնայած այն մտավախություններին, որ կլինեն շատ խոչընդոտներ»,-նշեց Էլենի պրոդյուսեր Ալիկ Հակոբյանն` ավելացնելով, որ իրենք մրցույթի մեկնում են միայն հաղթելու նպաակով:

Պրոդյուսերի խոսքով` իրենք չունեն հովանավորներ, այս, ինչպես նաև նախկին մրցույթներին, մասնակցել են սեփական միջոցներով:

Օրերս արդեն նկարահանվել է Էլեն Ասոյանի մասնակցությամբ տեսաբացիկ, որը պետք է մեծ էկրանների վրա ցուցադրվի մրցույթի ընթացքում: Նկարահանումները կայացել են Ծիծեռնակաբերդում: Հարցին` արդյոք չկա՞ մտավախություն, որ Թուրքիայում կխոչընդոտեն իրենց այդ քայլը, Ալիկը պատասխանեց. «Կարծում եմ` կարող են առաջանալ խոչընդոտներ, սակայն մեր թիմը հստակ որոշում կայացրեց տեսաբացիկը նկարահանել հենց հուշահամալիրի տարածքում, որպեսզի թուրքը ևս մեկ անգամ համոզվի, որ չնայած 100 տարի է անցել` նույնիսկ այս սերունդը չի մոռացել և պահանջում է»:

Խոսելով Թուրքիայում իրենց անվտանգության մասին` Ալիկը նշեց, որ այնտեղ կան մարդիկ, ովքեր զբաղվելու են այդ հարցերով:

NEWS.am STYLE-ի հարցին, թե քանի փուլով է անցկացվելու միրցույթը, Ալիկը պատասխանեց. «Մրցույթը տևելու է սեպտեմբերի 29-ից հոկտեմբերի 9-ը ընկած ժամանակահատվածի ընթացքում և բաղկացած է 4 փուլից: Այդ օրերին երեխաները մասնակցում են շոուի փորձերին և տարբեր ֆոտոնկարահանումների: Իսկ վերջում կայանում է մրցանակաբաշխությունը»:

Մրցույթին մարտական է տրամադրված նաև փոքրիկ Էլենը. «Լավ եմ պատրաստվել և ամեն ինչ անելու եմ հաղթելու համար»,-նշեց փոքրիկ գեղեցկուհին:

Էլեն Ասոյանը 2014 թ-ին դարձել է Հայաստանի փոքրիկների գեղեցկության հաղթող, նույն թվականին Թուրքիայում նվաճել է «Աշխարհի փոքրիկ արքայադուստր» տիտղոսը: Այս տարի Էլենը ոչ միայն մասնակցելու է «Տիեզերքի փոքրիկ արքայադուստր» մրցույթին, այլև թագադրելու է մեծերի և փոքրերի մրցույթների հաղթողներին:

NEWS.am STYLE

Օրերս Թուրքիայի Մարմարիս քաղաքում տեղի ունեցած «Ապագայի աստղեր» միջազգային մրցույթ-փառատոնին «Ազգային երգ» անվանակարգում հաղթող է ճանաչվել Հայաստանը ներկայացնող 10-ամյա Համբարձում Թարլանյանը, որը Շիրակի մարզի Անի Պեմզա գյուղից է ու սովորում է Գյումրիի «Փյունիկ» արվեստի դպրոցում: Համբարձում Թարլանյանը մեզ հետ զրույցում  ասաց, որ հանդես է եկել երեք երգերի՝«Պիտի գնանք վաղ, թե ուշ», «Լորիկի» եւ «Տեր ողորմյայի» կատարմամբ:

Ըստ Համբարձումի, ինքը շատ է հուզվել Թուրքիայի դրոշի տակ «Պիտի գնանք» ու «Տեր ողորմյան» երգելիս: Տղայի ասելով, ինքը ներկայացրեց իր պահանջը թուրքերին:

Նրա ուսուցիչը՝ ԵՊԿ  Գյումրու մասնաճյուղի  ժողովրդական երգեցողության ամբիոնի վարիչ, երգիչ Գեւորգ Նորոյանը պատմեց, որ հանձնախումբը, որը կազմված էր լուրջ մասնագետներից,  նրան ճանաչել է որպես 1-ին մրցանակակիր ու նաեւ ազգային երգի լավագույն կատարող:  Ըստ մեր զրուցակցի, Համբարձումը  բավական լուրջ տպավորություն է թողել թե՛ ժյուրիի անձնակազմի և թե՛ հանդիսատեսի վրա:  Այնպես են տպավորվել նրա կատարումներից, որ ժյուրիի թուրք անդամը եկել է, հասել է  հյուրանոց ու հատուկ նվերներով երեխային շնորհավորել է, այնուհետ հրավիրել է ճաշկերույթի:

«Համբարձումն այնպես էր ոգեւորվել, որ ինձ ելույթից մեկ օր առաջ ասում էր՝ պատկերացրեք ընկեր Նորոյան, ես այնպես երգեմ, որ իմ երգի ձայնից Թուրքիայի դրոշը պոկվի ու ընկնի իմ ոտքերի տակ: Շատ պատվախնդիր է, գնացել է իր պապերի երկիրը, տեսավ  դրախտավայրը ու խրոխտ ձայնով կատարում էր գուսան, Արցախյան ազատամարտիկ Հայկազունու երգը՝ «Պիտի գնանք վաղ, թե ուշ»: Հետաքրքիրն այն է, որ երբ մոլանները սկսում էին մինարեթից երգել այնտեղ ժամեր կային, Համբարձումը դուրս էր գալիս հյուրանոցի մեր սենյակի պատշգամբ ու սկում էր բարձր ձայնով կատարել Կոմիտասի «Տեր ողորմյան», ասում էր ազդում են վրաս:  Ինքը շատ կոլորիտով երեխա է, շատ հայրենասեր է, գեղեցիկ, հրաշք երգ կատարեց», -ասաց Գևորգ Նորոյանը:

Նշենք, որ Համբարձումը շուտով կմասնակցի ԱՄՆ Կալիֆորնիա նահանգում տեղի ունեցող փառատոնի: Երգերը նվիրված կլինեն Հայոց  ցեղասպանության 100-ամյակին:

aravot.am

Իսկ սփյուռքի և մշակույթի նախարարություններն անգամ չեն շնորհավորել. asparez.am

-Միայն բեմի վրա մենք իմացանք, որ «Գրան պրին» մերն է:  Երբ հայտնեցին 5-րդ տեղ, 4-րդ տեղ, 3-րդ տեղ` Մոլդովա, 2-րդ տեղ` Սերբիա, 1-ին տեղ` Իտալիա, ես հայկական դրոշով կանգնած սպասում էի, թե երբ են տալու Արմենիա անունը. այնքան մարդ էր հավաքվել դահլիճում: «Գրան պրի» մրցանակաբաշխությունը տեղի ունեցավ Սոֆիայի մշակույթի պալատում, որը հսկայական շինություն էր, 3000 տեղանոց, մեծ դահլիճ: Ու այդտեղ ասացին` Գրան պրի, Արմենիա, ինձ համար մեծ ցնծություն էր. ես մի պահ կարծեցի, թե դա ինձ թվաց, բայց որ առաջ եկավ` գավաթով,  նոր հասկացանք, որ հաղթանակը մերն է: Դա մեզ համար մեծ հաղթանակ էր, պարծանք, որ ևս մեկ անգամ ապացուցեցինք, որ հայ մշակույթը հզոր է. ասում եմ` հաղթանակը Կոմիտասինն էր,- Սոֆիայում կայացած «Գրին Պրի 2015 միջազգայն մրցույթ»-ի տպավորություններն է փոխանցում գյումրեցի երգչուհի Լեոնորա Թանաշյանը` Արեւիկ Գրիգորյանը:

Լեոնորան ծնվել է Գյումրիում, բուհական և հետբուհական կրթությունը ստացել Երևանի Կոմիտասի անվան կոնսերվատորիայի դասական վոկալ բաժնում: Ունեցել է մենահամարգներ, Գյումրիում երգչուհուն հիշում են «Անուշ» օպերայի  բեմադրման 100 ամյակին նվիրված՝ գլխավոր հերոսուհու դերերգով: Նրա բեմական կեցվածվով, համերգային ծրագրով զբաղվում է ամուսինը` բեյրութահայ պրոդյուսեր Վիգեն Թանաշյանը:

«Գրին Պրի 2015 միջազգային մրցույթը» Սոֆիայում կայացել է  սեպտեմբերի 13-17-ը: 18-ից բարձր տարիքայն խմբի դասական երգեցողություն անվանակարգում եռագույնի նեքո ներկայացել է ծնունդով գյումրեցի լիրիկ սոպրանո Լեոնորա: Մրցույթին մասնակցելու առաջարկը երգչուհին ստացել է «Կատարողական արվեստ աշխարհի ասոցիացիա»-ի կողմից, իսկ Սոֆիա մեկնելու ծախսերը հոգացել է հովանավորը` ֆրանսահայ Լուսինե Հակոբյանը, ով և ցանկացել է, որ Լեոնորան մրցույթին ներկայանա հայկական դրոշի ներքո:

-Ցանկացած համերգի ժամանակ Կոմիտասը մեր պարտադիր ցանկի մեջ է, մանավանդ, երբ ելույթ ենք ունենում արտասահմանում, իսկ մրցույթ-փառատոնին պատասխանատվությունը էլ ավելի մեծացավ, ընտրեցինք Կոմտասի «Կռունկը», որն ամբողջությամբ ոչ միան հայի ոգին է, հայի կերպարը, այլև ուզեցինք մեկ անգամ ևս ասել, որ մենք ցեղասպանության 100 ամյակ ենք նշում և օտար երկրի մեջ ենք ներկայացնում Կոմիտասի ստեղծագործությունը: Բուլղարիան, ինչպես գիտեք, դեռևս չի ընդունել Հայոց ցեղասպանությունը. դա ևս մեզ համար մեծ պատասխանատվություն էր, կարծես, իրենց բեմից հայտնում ենք, որ դա եղել է, մենք հիշում ենք, ևս մեկ անգամ ձեր հողի վրա ներկայացնում ենք այդ փաստը,-պատմում է Լեոնորան:

Պրոդյոսեր Վիգեն Թանաշյանի խոսքով` մրցույթը բավական թեժ է եղել մինչև վերջին րոպեն. 10 երկրներից լավագույն երգիչներ են մասնակցել եւ Լեոնորային հաջողվել է դասական վոկալ անվանակարգում գրավել առաջին հորիիզոնականը, իսկ ընդհանուր մրցույթում ճանաչվել է բացարձակ հաղթող: Որպես մրցույթին մասնակցելու պարտադիր պայման՝ յուրաքանչյուր մասնակից ներկայացել է 2 կատարմամբ, որից մեկը երգչի հայրենի երկրի կոմպոզիտորի ստեղծագոծություն, մյուսը` օտար: Հայ երգչուհին ներկայացրել է Կոմտասի «Կռունկ» և Լուիջի Արդիտի «Համբույր» ստեղծագործությունները:

Սոֆիայի «Գրան պրի 2015» մրցույթը  հայտնի է ոչ միայն Բուլղարիայում, այլև շատ երկրներում:  Այս տարի մրցույթին մասնակցության հայտեր եղել են Իտալիայից, Իսպանիայից Ուկրաինայից, Սերբիայից, Ռումինիայից և Հայաստանից: Մրցույթն անցկացվել է Sprint production եւ  Artvoices Sofia  երաժշտական գործակալության նախաձեռնությամբ` Սոֆիայի քաղաքապետարանի և Բուլղարայի ազգային հեռուստատեսության հովանավորությամբ: Մրցույթն անցկացվել է ինչպես սիրողական, այնպես էլ պրոֆեսիոնալ արվեստագետների շրջանում: Պրոֆեսիոնալ մրցույթը, որին մասնակցել է Լեոնորան, ունեցել է դասաական երգեցողություն, նոր երգ, պոպ, ժողովրդական երգեցողություն անվանակարգերը:

«Գրան Պրիի» մրցանակակիր գյումրեցի երգչուհու հաղթանակին մինչ այժմ չի արձագանքել ոչ մի գերատեսչություն, այդ թվում նաև՝ սփյուռքի և մշակույթի նախարարությունները:

-Մինչ այսօր տակավին ոչ մի բան,-ասում է Լեոնորայի ամուսինը` պրոդյուսեր Վիգեն Թանաշյանն ու շարունակելով եզրափակում,-մենք արտասահման, օտար հող վրա հայ անունը, Հայաստանի դրոշը, պատիվը բարձր պահեցինք և ետ վերադարձանք. դա մեզ համար պատիվ է, հաղթանակ էր, մնացածը իրենք գիտեն:

asparez.am

Միավորված ազգերի կազմակերպության Գլխավոր ասամբլեայի 70-րդ նստաշրջանի աշխատանքներին մասնակցելու նպատակով ԱԳ նախարար Էդվարդ Նալբանդյանը սեպտեմբերի 24-ին կմեկնի Նյու Յորք։

ՀՀ ԱԳՆ մամուլի տեղեկատվության և հասարակայնության հետ կապերի վարչությունից հայտնում են, որ այցելության ընթացքում նախարար Նալբանդյանը կմասնակցի Գլխավոր ասամբլեայի շրջանակներում կայանալիք բարձրաստիճան համաժողովների և հանդիպումների։

Նախատեսված է Հայաստանի արտաքին քաղաքական գերատեսչության ղեկավարի հանդիպումը ԵԱՀԿ Մինսկի խմբի համանախագահների ու Ադրբեջանի արտգործնախարարի հետ։

Նյու Յորքում Էդվարդ Նալբանդյանը կհանդիպի մի շարք երկրների իր գործընկերների հետ։

Արդարև, հենց սկզբից, երբ կործանվում էին ամբարտավան հսկաները, աշխարհի հույսը, ապավինելով լաստանավին և ղեկավարվելով քո ձեռքով, փրկվեց, որ աշխարհի վրա սերունդ լինի. քանզի օրհնյալ է այն փայտը, որով արդարություն է լինում, և անիծյալ է ձեռակերտ կուռքը, ինչպես նաև այն շինողը, որովհետեւ նա կերտեց, իսկ այս եղծանելին աստված անվանվեց։

(Սողոմոնի իմաստություն 14:6-8)

«Երևան Ջուր» ընկերությունը տեղեկացնում է իր հաճախորդներին և սպառողներին, որ «Գառնի-Երևան» ջրատարի վրա պլանային աշխատանքներով պայմանավորված, ս.թ. սեպտեմբերի 22-ին ժամը 10.00-ից մինչև սեպտեմբերի 23-ը ժամը 10.00-ն կդադարեցվի հետևյալ տարածքների ջրամատակարարումը.

1. Կենտրոն վարչական շրջանի` Օստրովսկու, Սևանի, Ծխախոտագործների, Ծատուրյան փողոցների և նրբանցքների, Տիգրան Մեծի պող. 12-80 և նրբանցքի, Ալեք Մանուկյան 17, Նար-Դոսի 1-40, Քրիստափորի 1-15, Խորենացու 28-ից բարձր համարների,

2. Էրեբունի վարչական շրջանի` բացառությամբ` Արին-Բերդի փողոցի և նրբանցքների, Արցախի պողոտայի,

3. Նուբարաշեն վարչական շրջանի,

4. Շենգավիթ վարչական շրջանի` Գ.Նժդեհի, Արշակունյաց, Շահամիրյան, Ֆրունզեի, Ս.Սարգսյան, Մայիսի 9-ի, Մխչյան, Կոտովսկու, Մուսայելյան, Պատկանյան, Մադոյան, Օդեսայի, Հրազդանի, Սմբատ Զորավարի, Ղարիբջանյան, Եղբայրության, Մանթաշյան, Մանանդյան, Շևչենկոյի, Նիզամու, Մասիսի փողոցների ու նրբանցքների, Վերին Շենգավիթ թաղամասի 1-ին, 2-րդ փողոցների, Ներքին Շենգավիթ թաղամասի, Նոր Խարբերդի այգեգործական թաղամասի, Չեխովի 1-21, Բագրատունյաց 41-ից բարձր համարների,

5. Արարատի մարզի՝ Բարձրաշեն, Դիտակ, Ջրաշեն, Նոր Խարբերդ համայնքների և անմիջապես ջրատարից սնվող մյուս տարածքների:

Ընդ որում, Էրեբունի և Շենգավիթ վարչական շրջանների վերը նշված տարածքներում սեպտեմբերի 22-ին ժամը 18.00-20.00 կիրականացվի գրաֆիկով ջրամատակարարում:

Ընկերությունը հայցում է սպառողների ներողամտությունը պատճառված անհանգստության և կանխավ շնորհակալություն հայտնում ըմբռնման համար:

«Երևան Ջուր» ՓԲԸ

Այսօր` սեպտեմբերի 22-ին, Հարկադիր կատարման ծառայությունում տեղի է ունեցել առաջին անգամ հարկադիր կատարողի պաշտոնում նշանակված անձանց երդման և ծառայողական վկայականների հանձնման պաշտոնական արարողություն:

Շնորհավորելով ծառայության նոր աշխատակիցներին` ՀՀ գլխավոր հարկադիր կատարող, արդարադատության գեներալ-մայոր Միհրան Պողոսյանը համոզմունք է հայտնել,  որ նրանք պատվով կծառայեն պետությանն ու ժողովրդին:

«Դուք ևս այսօրվանից ներգրավվում եք կարևորագույն մի գործում, ինչը պահանջում է մասնագիտական պատրաստվածություն և պատասխանատվության բարձր զգացում: Հարկադիր կատարողի աշխատանքը դժվար է, և այն պարտավոր եք իրականացնել հստակ,   oրենքի սահմաններում: Մյուս կողմից էլ պետք է հասկանաք, որ գործ ունեք մարդու հետ,  ով օրենքը և իրականությունը շատ հաճախ ընկալում է սուբյեկտիվ տեսանկյունից: Դա պարտադրում է քաղաքացուն ցուցաբերել անհատական մոտեցում, տանել բացատրական աշխատանքներ:

Խորհրդանշական եմ համարում, որ ձեր երդման արարողությունը տեղի է ունենում հենց  այս օրերին, երբ  համայն հայությունը նշում է Հայաստանի Հանրապետության անկախության  տոնը, որը մեր ժողովրդի փառապանծ ձեռքբերումներից է: Վստահ եմ, որ մեր շարքերը համալրում են պատվախնդիր սպաներ: Մաղթում եմ ձեզ  բարի ծառայություն»,— ասաց ՀՀ գլխավոր հարկադիր կատարողը:

Այնուհետև տեղի է ունեցել պարգևատրման արարողություն: Հայաստանի Հանրապետության անկախության  hռչակման 24-րդ տարեդարձի առթիվ ՀՀ գլխավոր հարկադիր կատարողի հրամաններով ծառայողական պարտականությունները և առաջադրանքները պատշաճ կատարելու համար մի շարք աշխատակիցներ արժանացել են խրախուսանքների և պարգևների:

Համաձայն նումերոլոգիայի, ծննդյան ամսաթիվը մարդու ճակատագրի ամենակարևոր թիվն է: Այն ձեր անձի վերաբերյալ ինֆորմացիա է պարունակում: Ստուգենք, արդյոք դա այդպե՞ս է:
Անհրաժեշտ է ծննդյան ամսաթվի բոլոր թվերը գումարել իրար, այնպես, որ ստանաք միանիշ թիվ: Ենթադրենք, դուք ծնվել եք 1977 թվի մարտի 5-ին: Կատարեք պարզ մաթեմատիկական հաշվարկ: 05.03.1977` 0+5+0+3+1+9+7+7=32, 3+2=5 Այսպիսով, ձեր թիվը 5-ն է: Դե ինչ, մնում է հասկանալ, թե ճակատագիրը ինչ է «պատրաստել» ձեզ համար:

1 — Այս թիվը բնորոշ է բնածին լիդերներին, որոնց համար շատ դժվար է գտնվել մեկ ուրիշի ենթակայության տակ: Համարվում են օրիգինալ մտածելակերպով անձինք, աչքի են ընկնում կազմակերպչական ունակություններով: Կարողանում են համոզել, կենտրոնանալ և հասնել իրենց առջև դրված ցանկացած նպատակի: Սակայն երբեմն լինում են չափազանց ինքնավստահ:

2 — Այս մարդիկ չեն կարող ապրել անհամաձայնության մթնոլորտում: Նրանց համար շատ կարևոր են իրենց շրջապատի հետ ջերմ հարաբերությունները: Նրանց հետ շփվելը հեշտ և հուսալի է: Ունակ են լսել և ընկալել ուրիշի խնդիրները, հեշտությամբ հարթել դրանք և ելք գտնել բարդ իրադրություններից:

3 — Այս թվի տակ ծնված մարդիկ շամպայնի պես կայծկլտում են: Շփվող են, կրեատիվ, ամեն տեղ գրեթե միշտ գտնվում են ուշադրության կենտրոնում: Սակայն առօրյա, առանց զվարճությունների կյանքը նրանց համար ձանձրալի է, այդ պատճառով էլ սիրում են իրենց շուրջը ստեղծել տոնական մթնոլորտ: Չնայած այդ ամենին, կարողանում են սիրել և լինել սիրված:

4 — Այս մարդիկ հավասարակշռված և նպատակասլաց են: Բնույթով անխոնջ աշխատավորներ են և ունակ են տարբեր բնագավառներում հասնել հաջողությունների: Պարտականություններից չեն խուսափում և պատրաստ են անգամ իրենց վրա լրացուցիչ “բեռ” վերցնել:

5 — Սա այն մարդկային տեսակն է, ովքեր աչքի են ընկնում յուրօրինակ խելքով, անսպառ էներգիայով, հումորի լավ զգացումով և սովորաբար դառնում են ընկերախմբի “հոգին”: Սակայն, այդ ամենով հանդերձ, գնահատում են իրենց ազատությունը, չեն սահամանափակվում հասած հաջողություներով և ձգտում են էլ ավելի առաջ շարժվել: Հետաքրքրասեր են, սիրում են արկածներ:

6 — Հարմարվող, վիճաբանության ժամանակ հեշտությամբ զիջող և փոփոխություններին արագ վարժվող մարդիկ են: Միևնույն ժամանակ խելամիտ են և գնահատում են գեղեցիկը: Նրանց թերությունը չափից շատ կասկածամտությունն է:

7 — Այս թվի տակ ծնված մարդիկ փիլիսոփաներ են և խորը մտածողներ: Սիրում են բոլոր հարցերում խորանալ և պարզել բոլոր մանրամասները: Նրանք ներամփոփ են և դժվարությամբ են իրնց շատ մոտ թողնում մարդկանց, համարվում են գաղտնապահ մարդիկ:

8 — Այս մարդիկ ունեն լավ կազմակերպչական և ադմինիստրատիվ ընդունակություններ: Սովորաբար հաջողակ են, հստակ գիտեն, թե ինչ է իրենց հարկավոր, սիրում են ուշադրության կենտրոնում լինել:

9 — Որպես կանոն, այս մարդիկ արվեստի հետ մեծ կապ են ունենում և սիրում են երազանքներով ապրել: Նրանց գրավում են առեղծվածները և գիտության հետ կապված մասնագիտությունները: Նրանց կյանքում հսկայական դեր է խաղում սիրած մարդու հետ հարաբերությունները: Սիրում են հոգ տանել մարդկանց նկատմամբ:

ԲԱՐՈՄԵՏՐ