Հակառակորդը շարունակում է տարբեր զինատեսակների կիրառմամբ խախտել հրադադարի պահպանման ռեժիմը:

Նոյեմբերի 12-ին` ժամը 21:00-ի սահմաններում, ՊԲ հարավային ուղղությամբ տեղակայված զորամասերից մեկի պահպանության տեղամասի մարտական հենակետում, հակառակորդի կողմից արձակված կրակոցներից, մահացու հրազենային վիրավորում են ստացել զինծառայողներ Վահե Վարդգեսի Վանոյանը (ծնվ. 1995թ.) և Միքայել Առաքելի Թորոսյանը (ծնվ. 1996թ.):

Դեպքի մանրամասները պարզելու համար կատարվում է քննություն:
ԼՂՀ պաշտպանության նախարարությունը կիսում է կորստյան ծանր վիշտը և իր զորակցությունը հայտնում մահացած զինծառայողների ընտանիքների անդամներին, հարազատներին և ծառայակիցներին:

ԼՂՀ ՊՆ մամուլի ծառայություն

ՀՀ արվեստի վաստակավոր գործիչ Լևոն Մութաֆյանի հոգեհանգիստը տեղի կունենա վաղը` նոյեմբերի 13-ին, ժամը 18:00-ից 20:00-ը` Նոր Նորքի 5 զանգվածի Սուրբ Սարգիս եկեղեցում:

Վերջին հրաժեշտը` նոյեմբերի 15-ին, ժամը 12:00-14:00-ը, Հայաստանի գրողների միությունում:

Հայաստանի կառավարությունը նպատակահարմար չի համարում փոխհատուցել Խնայբանկի ավանդները ժառանգության իրավունքով: Այս մասին ասված է օրենքի նախագծի վերաբերյալ կառավարության եզրակացությունում, որը ներկայացրել են ՕԵԿ խմբակցության պատգամավորներ Հեղինե Բիշարյանը եւ Հովհաննես Մարգարյանը:

Ավելի վաղ ՕԵԿ-ը այդ հարցը բարձրացրել էր խորհրդարանում՝ հայտարարելով, որ շատ տարեց ավանդատուներ, որոնք գտնվում են փոխհատուցում ստանալու հերթում, հնարավոր է մինչ իրենց հերթը հասնելը մահանան:

Կառավարության եզրակացությունում նշվում է, որ ԽՍՀՄ Խնայբանկում ունեցած ավանդների փոխհատուցումը ոչ այնքան փոխհատուցում է, որքան սոցիալական օգնություն այն ավանդատուներին, որոնք սոցիալապես ապահովված չեն: Իսկ օգնությունը կրում է հասցեական բնույթ եւ չի կարող վերաբերել որեւէ մեկին՝ բացառությամբ ավանդատուի:

Մի քանի չվերթ Երևանից դեպի Մոսկվա կասեցվել է անորոշ ժամանակով: Այս մասին վկայում է «Զվարնթոց» օդանավակայանի պաշտոնական էջում տեղադրված չվացուցակը:

Ըստ տեղեկատվության՝ հետաձգվել են նոյեմբերի 11-ին՝ ժամը 20:05-ին, նոյեմբերի 12-ին՝ ժամը 6:30-ին, 12:30-ին, 13:50-ին նախատեսված չվերթները:

Չեն իրականացվել նաև Ռուսաստանի մայրաքաղաաքից դեպի Երևան նախատեսված թռիչքները:

«Փաստինֆո»-ին հայտնի է դարձել, որ թատերագետ, հրապարակախոս Լևոն Մութաֆյանը «Աստորիա» հյուրանոց է այցելել նոյեմբերի 11-ի առավոտյան` ժամը 11-ի կողմերը ինչ-որ երիտասարդի հետ: Թե որն էր հյուրանոցում այդ հանդիպման նպատակը եւ ինչ հարցեր են քննարկվել առայժմ հայտնի չէ, թերեւս կարող է բացահայտել միայն երիտասարդը, սակայն հաջողվել է պարզել, որ հենց նա է հյուրանոցի աշխատակիցներին ահազանգել Մութաֆյանի ինքնազգացողության վատթարացման մասին և շտապել հեռանալ:

Ամբողջությամբ՝ սկզբնաղբյուր կայքում: 

Հանրապետության տարածքում`

Նոյեմբերի 12-ին, 14-ին շրջանների մեծ մասում ժամանակ առ ժամանակ սպասվում են տեղումներ: Նոյեմբերի 13-ին, 15-16-ին սպասվում է առանց տեղումների եղանակ:

Քամին՝ հյուսիս-արևելյան` 2-5 մ/վրկ:

Օդի ջերմաստիճանը նոյեմբերի13-ի գիշերը, 14-ին, 15-ի գիշերը աստիճանաբար կնվազի 2-4 աստիճանով:

Երևանում`

Նոյեմբերի 12-ին, 14-ին հնարավոր է անձրև: 13-ին, 15-16-ին սպասվում է առանց տեղումների եղանակ:

Երևանի նոյեմբերի 12-ի բազմամյա կլիմայական տվյալներ.

Օդի առավելագույն ջերմաստիճան` 18.80C (1985 թ.)
Օդի նվազագույն ջերմաստիճան` -4.50C (1996 թ.)
Օդի միջին օրական ջերմաստիճան` 6.00C

Norlur.am-ի աղբյուրների փոխանցմամբ, այսօր Քանաքեռ-Զեյթուն վարչական շրջանում գտնվող կացարաններից մեկում գտել են թատերագետ Լևոն Մութաֆյանի դին: Ըստ տեղեկության թատերագետը հանկարծամահ է եղել: Ոստիկանությունից լուրը ճշտել չհաջողվեց: Կտրվի լրացուցիչ տեղեկություն:

Երևանի կենտրոնում երեկ՝ նոյեմբերի 10-ին ինքնահրկիզման փորձ կատարած 40-ամյա կինը՝ 18 տոկոս այրվածք է ստացել. այս մասին  Fnews.am-ի հետ զրույցում ասաց «Ճառագայթային բժշկության և այրվածքների կենտրոնի» ղեկավար Նորայր Դավիդյանը: Հիվանդի  վիճակը ծանր է, նա գտնվում է «Ճառագայթային բժշկության և այրվածքների կենտրոնի» վերակենդանացման բաժանմունքում: Այրվել են ոտքերը, աջ ձեռքը: Նախկինում ևս ինքնասպանության փորձ է կատարել՝ փորձելով կտրել պարանոցը:Կինն ասել էլ, որ  նման քայլի պատճառը եղել է սոցիալական ծանր պայմանները, որ չի ցանկանում երեխաների հետ սոված ապրել:

Նշենք, որ կինը փորձել է հրկիզել նաև իր երկու մանկահասակ երեխաներին, սակայն, բարեբախտաբար, երեխաներին ոչինչ չի եղել:

Հիշեցնենք, որ երեկ երեկոյան՝ ժամը 23.10-ին Տարածքային կառավարման և արտակարգ իրավիճակների նախարարության փրկարար ծառայություն տեղեկատվություն է ստացվել, որ Երևանի Խանջյան-Նալբանդյան փողոցների խաչմերուկի մոտակայքում անձը չպարզված քաղաքացին իր երեխաների հետ փորձում է վնասել իրեն, ձեռքին կա դյուրավառ հեղուկով տարրա. անհրաժեշտ է օգնություն: Դեպքի վայր են մեկնել մեկ մարտական հաշվարկ և ՃԿԱԿ օպերատիվ խումբը: Դեռևս չբացահայտված հանգամանքներում 1975 թ. ծնված Լ. Ս.-ը երեխաների հետ (Մ.՝ ծնվ. 2013 թ, Գ.՝ ծնվ. 2010 թ.) փորձել է ինքնահրկիզվել` դյուրավառ նյութն (բենզին) իր վրա լցնելով:

Fnews.am

74 կողմ, 13 դեմ և 18 ձեռնպահ ձայների հարաբերակցությամբ խորհրդարանն այսօր երկրորդ ընթերցմամբ և ամբողջությամբ ընդունեց «Ընտրական օրենսգրքում» և «Նույնականացման քարտերի մասին» օրենքում փոփոխություններ կատարելու մասին նախագիծը:
Նախագծով առաջարկվում է հնարավորություն տալ նույնականացման քարտեր ունեցող քաղաքացիներին մասնակցել դեկտեմբերի 6-ի սահմանադրական հանրաքվեին:
Ըստ նախագծի՝ նույնականացման քարտեր ունեցող քաղաքացիների մասնակցությունը հանրաքվեին կնշվի ընտրացուցակներում: