Ն.Ս.Օ.Տ.Տ. Գարեգին բ կաթողիկոսի hայրապետական տնօրինությամբ կարգալույծ է հռչակվել Տ. Լևոն աբեղա Գուլյանը (Ուկրաինայի հայոց թեմ): Մայր Աթոռի տեղեկատվական համակարգից տեղեկացնում են, որ տնօրինության համար հիմք է ծառայել Հայր Լևոնի ներկայացրած դիմումը: Այսուհետ կարգալույծ եկեղեցականը դասվում է աշխարհականների շարքը` Դավիթ Գուլյան ավազանի անունով:

Դեկտեմբերի 14-ին հայ-ադրբեջանական սահմանի շփման գծում հայկական կողմի կրակոցից սպանվել է Ադրբեջանի ԶՈւ զինծառայող Ռեհիմլի Նիհաթ Իլթիֆաթ օղլուն (Rəhimli Nihad İltifat oğlu): Այս մասին դեկտեմբերի 15-ին հայտնել են Ադրբեջանի պաշտպանության նախարարության կայքում:

Մինչ Ադրբեջանի ՊՆ հայտարարությունը, սակայն, ադրբեջանցի սպանված զինծառայողի մասին տեղեկությունը հայտնի էր դարձել համացանցի ադրբեջանցի օգտատերերի գրառումներից, ինչն էլ հավանաբար Ադրբեջանի ՊՆ-ին ստիպել է հայտնել այս կորստի մասին: Գրառումներում նշվում է, որ զինծառայողը եղել է Ադրբեջանի Շիրվան (2008-ից՝ Ալի Բայրամլի) քաղաքի մերձակա գյուղերից և սպանվել է հայկական կողմի դիպուկահարի կրակից:

Ռազմինֆո

Ցամաքային անցակետերում գործող առևտրի կետերին անմաքս առևտրի հնարավորություն տվող օրենքի նախագիծը Խորհրդարանն ընդունեց առաջին ընթերցմամբ: «Ավելացված արժեքի մասին» ՀՀ օրենքում փոփոխություններ և լրացումներ կատարելու մասին օրենքի նախագիծն ընդունվեց՝ 91կողմ 2 ձեռնպահ:

Հաշվի առնելով մասնավոր սեկտորի պահանջը, Կառավարությունն ուսումնասիրել է միջազգային փորձը և մշակել է նախաձեռնություն, որով հնարավորություն կստեղծվի անմաքս առևտրի ծառայությունն իրականացնելու նաև ցամաքային անցակետերում: Օրենքի ընդունումից հետո Հայաստանի ցամաքային անցակետերում՝ Մեղրիում, Բավրայում և Բագրատաշենում, հնարավորություն կլինի գործող անմաքս առևտրի կետերը ազատել ավելացված արժեքի հարկից:

Դաունի համախտանիշով և այլ գենետիկական շեղումներով առնվազն 38 երեխա մահացել են ԴԱԻՇ-ի գրոհայինների ձեռքով՝ Facebook-ի իր էջում հայտնում է «Մոսուլի աչք» բլոգը՝ փոխանցում է lifenews-ը։

Դա տեղի է ունեցել այն բանից հետո, երբ ծագումով սաուդցի իսլամիստ դատավորն իբր հրապարակել է ֆեթվա (իրավական դիրքորոշում որևէ սոցիալական կամ քաղաքական հարցի շուրջ) երեխաներին խեղդամահ անելու անհրաժեշտության մասին։

Հաղորդվում է, որ երեխաների մեծ մասը ծնվել էին տեղացի կանանցից և օտարերկրացի գրոհայիններից, ովքեր կռվում են ԴԱԻՇ-ի շարքերում։

Սպանված երեխաներից ավագը եղել է 3 ամսական, փոքրը՝ ընդամենը 1 շաբաթական։ Նշվում է, որ նրանց սպանել են կա՛մ խեղդամահ անելով, կա՛մ մահացու ներարկմամբ։ Մահապատիժները կատարվել են Սիրիայում և իրաքյան Մոսուլում։

Թուրքիայի արտգործնախարար Մևլութ Չավուշօղլուն «NTV» հեռուստաալիքին տված հարցազրույցի ժամանակ Ռուսաստանին խաղաղվելու կոչ է արել` նշելով, որ իրենց համբերությունն անսահման չէ:

«Սու 24 կործանիչի հետ կապված միջադեպից հետո Ռուսաստանը փորձում է ցանկացած հնարավորություն օգտագործել մեզ հետ հարաբերությունները սրելու համար: Սակայն մեր համբերությունն արդեն սպառվում է»,- հայտարարել է Չավուշօղլուն: Թուրքիայի արտգործնախարարն անդրադարձել է նաև Իրաքում թուրքական զորքի տեղակայմանը` նշելով, որ դա արվում է Թուրքիայի անվտանգությունից ելնելով:

Հիշեցնենք, որ ավելի վաղ Թուրքիայի վարչապետը հայտարարել էր, որ իրենք պատրաստ են համագործակցել Ռուսաստանի հետ և բանակցությունների միջոցով հարթել ստեղծված լարվածությունը:

Այսօր` դեկտեմբերի 11-ին, լրագրողների հետ հանդիպման ժամանակ աստղաբան Էլյա Հովհաննիսյանն ասաց, որ 2016-ը վճռական տարի է լինելու։ Այս տարին ղեկավարելու է 9 թիվը, իսկ դա նշանակում է, որ ամեն ինչ հասնելու է իր ավարտին և գագաթնակետին։

«Նոր հետաքրքրությունների ու հաջողությունների տարի է լինելու։ Փոփոխություններ կլինեն բոլոր բնագավառներում։ Սա պայմանավորված է նրանով, որ Կապիկը զվարճանում է»,-ասում է տիկին Հովհաննիսյանը՝ կոչ անելով բոլորին օգնել միմյանց։

Աստղաբանը խորհուրդ է տալիս ճիշտ ընկալել իրականությունը, իսկ իրականությունն ըստ նրա անտեսանելի է։

«2016-ին երկրի վրա երկու ուժ է գործելու` տեսանելի և անտեսանելի: Տեսանելին լինելու են անկարգությունները, հեղափոխությունները, փոփոխությունները բոլոր բնագավառներում: Իսկ անտեսանելին կապված է լինելու անսպասելիի հետ` ամեն ինչ կարելի է սպասել, քանի որ գործելու է «անմտորեն համարձակություն» սկզբունքը»,-հավելեց բանախոսը:

«Անտեսանելին պահանջում է, որ Հայաստանը դառնա հոգեւորի ուսուցիչ։ Ովքեր գտնեն իրենց դերը կյանքում, կշահեն»։

Աստղաբանը նաեւ նշեց, որ չնայած 2016-ը Հայաստանի համար կլինի վերելքների տարի՝ դրանից հետո մեր երկիրն անկում է ապրելու։

«Եթե կան մարդիկ, որոնք մտածում են, թե հիմա վատ վիճակում ենք, սխալվում են։ Վատը դեռ հետո է գալու»։

Էլյա Հովհաննիսյանը խորհուրդ է տալիս որոշումներ կայացնելիս չշտապել։ Միայն այդպես կարելի է խուսափել տհաճություններից եւ հասնել հաջողության։

Կինոռեժիսոր, հասարակական գործիչ Տիգրան Խզմալյանը հերթական սկանդալային հարցազրույցն է տվել ադրբեջանական haqqin.az -ին։ Այս անգամ  ընդդիմադիր ռեժիսորը վերլուծել է դեկտեմբերի 6-ին ՀՀ-ում անցակցված Սահմանադրության «բարեփոխման» հանրաքվեն:

Տ.Խզմալյանից հարցազրույց է ունեցել   լրագրող Բահրամ Բաթիևի հետ, ով ատելությամբ է լցված հայերի դեմ։ Այս անաստվածը  մեր դրոշն անվանում է լաթ: Ունման մարդուն  հարցազրույց է տալիս  պարոն Խյմալյանը։ Ցավալին է՝ Տ.Խզմալյանը մինչ հարցազրույց սկսելը ցավակցում է ազերիներին, «Գյունեշլիի» նավթահորերից մեկում 30-ից ավելի նավթագործների մահվան կապակցությամբ՝ մոռանալով,  թե ինչպես էր այդ ազգը ուրախանում 88-ի երկրաշարժի ժամանակ։

Խզմալյանն իր հարցազրույցում նշել է, որ հանրաքվեի արդյունքները կեղծվել են, և այն ամենը, ինչը կատարվել է դեկտեմբերի 6-ի ցերեկը և գիշերը, ևս մեկ քայլ է դեպի ԽԱՀՄ ամենավատ ավանդույթների վերադարձը։

Նա նշել է, որ կեղծումները համակարգվել են ոչ միայն հայկական իշխանությունների, այլև հատուկ Երևան գործուղված` ՌԴ ԿԸՀ նախագահ Չուրովի կողմից։ «Այդպիսի նշանակություն է տալիս Կրեմլը Սերժ Սարգսյանի ռեժիմի պահպանմանը»,- կարծում է նա։

Ըստ Խզմալյանի՝ Սարգսյանը կարող է կրկնել Վլադիմիր Պուտինի հնարքը և նախագահության երկրորդ ժամկետը լրանալուց հետո վարչապետ դառնալ, և մենք կունենանք ձայնազուրկ խորհրդարան, որը հեշտ է վախեցնել ու գնել։

Դե ինչ, հետևությունները թողնում ենք ձեզ։

Գիշերը հակառակորդի կողմից տանկային կրակոցներ արձակելը մեսիջ է, ըստ իս, որ իրավիճակը սահմանին գնալով  ավելի վտանգավոր զարգացումներ էի գնում: Դժվար է ասել, թե Ալիևի հրամանով է եղել տանկային կրակոցները, թե ոչ, բայց որ իրավիճակը սահմանին գնալով ավելի լարված է դառնում, դա ակնհայտ է»,-iravunk.com-ի հետ զրույցում նման մտահոգություն հայտնեց Պաշտպանության, անվտանգության և օրինապահպանության հարցերի մշտական հանձնաժողովի փոխնախագահ ԼԵՌՆԻԿ ՀՈՎՀԱՆՆԻՍՅԱՆԸ:

Հիշեցնենք, որ հակառակորդի կողմից խոշոր տրամաչափի դիպուկահար հրացանից արձակված կրակոցից դեկտեմբերի 8-ին՝ ժամը 21:10-ի սահմաններում, ՊԲ արևելյան ուղղությամբ տեղակայված զորամասերից մեկի մարտական հենակետում մահացու հրազենային վիրավորում է ստացել ՊԲ պայմանագրային զինծառայող, 1991թ. ծնված Գարիկ Գուրգենի Ավանեսյանը:

Իրադրությունն առաջնագծում շարունակում է մնալ լարված: Հակառակորդն առաջին անգամ հրասայլից /տանկ/ արկակոծման է ենթարկել ՊԲ հարավային ուղղությամբ տեղակակայված մարտական դիրքերը, տեղեկացնում է ԼՂՀ ՊՆ մամուլի ծառայությունը: Ընդհանուր առմամբ, դեկտեմբերի 8-ին և լույս 9-ի գիշերը ղարաբաղա-ադրբեջանական հակամարտ զորքերի շփման գծում հակառակորդի կողմից հրադադարի պահպանման ռեժիմը խախտվել է ավելի քան 180 անգամ, որի ընթացքում, տարբեր տրամաչափի հրաձգային զինատեսակներից, ինչպես նաև 60 /101 արկ/, 82 /193 արկ/, 120 /35 արկ/ միլիմետրանոց ականանետերից, ՀԱՆ-17 /27 արկ/ և ՌՊԳ-7 /3 արկ/ տիպի նռնականետերից, հայ դիրքապահների ուղղությամբ արձակվել է շուրջ 1500 կրակոց: Հակառակորդը կիրառել է նաև TR-107 տիպի զենիթահրթիռային կայանք /17 արկ/ և հրասայլ /5 արկ/:

Հակառակորդի կողմից խոշոր տրամաչափի դիպուկահար հրացանից արձակված կրակոցից դեկտեմբերի 8-ին՝ ժամը 21:10-ի սահմաններում, ՊԲ արևելյան ուղղությամբ տեղակայված զորամասերից մեկի մարտական հենակետում մահացու հրազենային վիրավորում է ստացել ՊԲ պայմանագրային զինծառայող, 1991թ. ծնված Գարիկ Գուրգենի Ավանեսյանը:

Դեպքի մանրամասները պարզելու համար կատարվում է քննություն: ԼՂՀ պաշտպանության նախարարությունը կիսում է կորստյան ծանր վիշտը և իր զորակցությունը հայտնում զոհված զինծառայողի ընտանիքի անդամներին, հարազատներին և ծառայակիցներին:

ԼՂՀ պաշտպանության նախարարությունը հայտարարում է, որ հակառակորդի ապակայունացնող գործողությունները անպատիժ չեն մնալու և ստեղծված իրադրության հետևանքները լինելու են ծանր ու անդառնալի: