Մեծ Բրիտանիայի օդերեւութաբանական ծառայության աշխատակիցները ներկայացրել են 2016 թվականի իրենց կանխատեսումները. դրանց համաձայն, 2016-ը եղանակի դիտարկումների պատմության մեջ ամենաշոգ տարին է լինելու:

Ըստ Informing-ի, այս կանխատեսումը հիմնված է համակարգչային մոդելավորման արդյունքների վրա: Իհարկե, հաշվի չեն առնվել այնպիսի երեւույթներ, ինչպիսիք են երկրաշարժը, հրաբխի ժայթքումը, երկնաքարի անկումը եւ այլն:

Վերադառնալով եղանակային կանխատեսումներին. հաջորդ տարի միջին ջերմաստիճանը կլինի 14.72 եւ 14.96 °C-ի միջակայքում: Եթե այս կանխատեսումը ճիշտ լինի, ապա մեր մոլորակի վրա ջերմաստիճանը մինչարդյունաբերական մակարդակը կգերազանցի 1.14°C-ով:

Դեկտեմբերի 17-ին՝ ժամը 21:30-ի սահմաններում,  ՊԲ հյուսիսային ուղղությամբ տեղակայաված  զորամասերից մեկի պահպանության տեղամասում, դեռևս չպարզված հանգամանքներում, մահացու վիրավորում է ստացել ՊԲ պայմանագրային զինծառայող, 1992թ. ծնված Գոռ Վահանի Օհանյանը, տեղեկացնում է ԼՂՀ ՊՆ մամուլի ծառայությունը։
Դեպքի մանրամասները պարզելու համար կատարվում է քննություն:

2008 թվականի դեկտեմբերից հետո առաջին անգամ Brent նավթի գինը նվազել է 37 դոլարից: Շարունակվում է Նավթի գների նվազումը Լոնդոնի և Նյու Յորքի բորսաներում: Թեինչի կբերի այն, մասնագետները դժվարանում են կանխատեսել: Նախորդ օրվա համեմատ նավթի Brent տեսակն էժանացել է 0.4 դոլարով և կազմել 36.95 դոլար մեկ բարելի դիմաց: WTI նավթի գինը նվազել է նույն չափով և այժմ վաճառվում է մեկ բարելը՝ 35.12 դոլարով:

Մոսկվան կարող է ուժեղացնել ճնշումն Անկարայի վրա՝ իր զինված ուժերը տեղավորելով հայ-թուրքական սահմանի վրա, հայտնել է Al Mayadeen հեռուստաընկերությունը։

ՌԴ նախագահ Վլադիմիր Պուտինը հրամանագիր է ստորագրել, որը թույլ կտա Հայաստանում ռուսական մոտ 7 000 զինյալ տեղավորել, այդ մասին հեռուստաընկերությանը հայտնել է իր աղբյուրը։ Նրանք կուղարկվեն Հայաստան հայ-ռուսական ռազմական համագործակցության շրջանակներում։

Eadaily.com-ի փոխանցմամբ՝ թուրքական աղբյուրները տեղեկացնում են, որ ռուս զինյալները կտեղավորվեն հայ-թուրքական սահմանին, նրանք սերտ կհամագործակցեն սիրիական Լաթաքիա քաղաքում գտնվող ռուսական ռազմաբազայի հետ։

Այս պահին լարված իրավիճակ է Կառավարության շենքի մոտ: Ներսում ընթանում է կառավարության հերթական նիստը, իսկ դրսում հավաքվել են «Նուբարաշեն» ՔԿՀ-ում արդեն 3 օր հացադուլ հայտարարած ցմահ ազատազրկման դատապարտվածների հարազատները, ովքեր հանդիպում են պահանջում Արդարադատության նախարար Արփինե Հովհաննիսյանի հետ:

Ըստ հավաքվածների`  գործերի վերաբացման դեպքում ցմահ ազատազրկման դատապարտվածներից շատերի պատժաչափը կմեղմացվի:  Նրանք նաև համոզվել են, որ միայն կամքի առկայության դեպքում հնարավոր լինի գործերը վերաբացել: Կառավարությունից որևէ պատասխան չստանալով՝ ցմահ դատապարտվածների հարազատները որոշեցին նամակ հանձնել նաև ԱԺ:

Հիշեցնենք, որ դատապարտյալները հացադուլը հայտարարել են դեկտեմբերի 14-ից, պահանջում են, որ իրենց գործերը վերանայվեն:

ՀՀ գլխավոր հարկադիր կատարող, արդարադատության գեներալ-մայոր Միհրան Պողոսյանն այսօր՝ դեկտեմբերի 16-ին,  աշխատանքային խորհրդակցություն է անցկացրել, որի ընթացքում ներկայացվել է հարկադիր կատարման ծառայության կենտրոնական  մարմնի կողմից 2016 թվականի ընթացքում իրականացվելիք հիմնական միջոցառումների ծրագիրը:

Օրակարգում ընդգրկված 89 կետից  բաղկացած միջոցառումների ծրագրի

վերաբերյալ զեկուցել են կենտրոնական մարմնի բաժինների ղեկավարները,  հստակեցվել են ծրագրով նախատեսված միջոցառումների իրականացման ժամկետները:

Ամփոփելով խորհրդակցությունը՝ ՀՀ գլխավոր հարկադիր կատարողը հանձնարարականներ է տվել 2016 թվականի ընթացքում իրականացվելիք միջոցառումների վերաբերյալ՝ ընդգծելով հատուկ ուշադրություն պահանջող ուղղությունները:

Նախագահ Սերժ Սարգսյանն այսօր հրամանագիր է ստորագրել Արմեն Ամիրյանին Հանրային հեռուստառադիոընկերության խորհրդի անդամ նշանակելու մասին (վեց տարի ժամկետով)՝ ղեկավարվելով Հայաստանի Հանրապետության Սահմանադրության 55-րդ հոդվածի 5-րդ կետով, հիմք ընդունելով «Հեռուստատեսության և ռադիոյի մասին» Հայաստանի Հանրապետության օրենքի 27-րդ հոդվածի 1-ին, 2-րդ և 29-րդ հոդվածի 6-րդ մասերը և հաշվի առնելով Հայաստանի Հանրապետության Նախագահի 2015թ. նոյեմբերի 26-ի ՆԿ-183-Ա կարգադրությամբ ստեղծված ժամանակավոր հանձնաժողովի որոշումը:

Հանրային հեռուստառադիոընկերության խորհրդի անդամի թափուր պաշտոն զբաղեցնելու համար մրցույթի անցկացման կարգի համաձայն, մրցութային հանձնաժողովը, դեկտեմբերի 11-ի նիստում ուսումնասիրելով մրցույթի մասնակիցների վերաբերյալ փաստաթղթերը, որոշում է կայացրել դիմում ներկայացրած 7 թեկնածուներից հաղթողներ ճանաչել՝ Արմեն Արտավազդի Ամիրյանին և Ավթանդիլ Գարեգինի Գրիգորյանին: Հանձնաժողովը հիմք է ընդունել լրագրության ոլորտում, հատկապես՝ հեռուստատեսությունում և ռադիոյում, ինչպես նաև հեռուստառադիոհեռարձակման կառավարման բնագավառում Արմեն Ամիրյանի երկարամյա աշխատանքային փորձը, լրագրության ոլորտի զարգացման գործում ունեցած ակնառու հաջողություններն ու ձեռքբերումները, Ավթանդիլ Գրիգորյանի՝ լրագրության ոլորտում և հատկապես հեռուստատեսությունում ու մամուլում նրա աշխատանքային փորձը և մասնագիտական կարողությունները:

Ինչպես դեպքի վայրից հայտնում է ֆոտոլրագրող Գագիկ Շամշյանը,  Երևանում՝ ժամը 15:20-ի սահմաններում,ավազակային հարձակում է տեղի ունեցել։ Քաղաքացին դիմել է ոստիկանության Մաշտոցի բաժին և հայտնել, որ զինված ու դիմակավորված հանցագործը ներս է մտել Բաշինջաղյան 65 տուն և զենքի սպառնալիքով ներսում բռնություն է գործադրում տան անդամների նկատմամբ:

Նշված տնից հրազենային վնասվածքով երիտասարդ մի աղջկա են տեղափոխել հիվանդանոց և ավազակային հարձակումը կատարողին:

Վերջինս «Արմենիա» բժշկական կենտրոնի վերակենդանացման բաժանմունքում գիտակցության չգալով՝ մահացել է, որքան էլ որ բժիշկներն անհրաժեշտ բժշկական միջամտությունները ձեռնարկեցին նրա կյանքը փրկելու համար:

Գ. Շամշյանի տեղեկություններով՝ նշված տունը պատկանում է հայտնի գործարար, «Շանթի Յուրա» մականվամբ Յուրա Ղարիբյանին:

Ավազակային հարձակում կատարածին վնասազերծել է տանտիրուհին, երբ հարձակվողը կրակոց է արձակել երիտասարդ աղջկա վրա ու տանտիրուհին, վտանգելով իր կյանքը, կարելի է ասել, փրկել է տան բոլոր անդամներին: Ավազակային հարձակում կատարողը հրազենային վնասվածք է ստացել, ինչն էլ դարձել է նրա մահվան պատճառը: