Վրաերթ Մալաթիա թաղամասում

Հուլիսի 12-ին ոստիկանության Մալաթիայի բաժնում հաղորդում է ստացվել, որ ժամը 16.00-ին 28-ամյա Վոլոդյա Հ.-ն «ՎԱԶ-2107» մակնիշի ավտոմեքենայով Երևանյան փողոցում վրաերթի է ենթարկել 26-ամյա Թերմինե Խ.-ին, որը մարմնական վնասվածքներով տեղափոխվել է հիվանդանոց:

Կատարվում է քննություն:

Տուժողին տեղափոխել է հիվանդանոց

Հուլիսի 12-ին ոստիկանության Նոր Նորքի բաժնում հաղորդում է ստացվել, որ ժամը 10.00-ին 23-ամյա Արտակ Մ.-ն «ՎԱԶ-2106» մակնիշի ավտոմեքենայով Ռուբինյանց փողոցում վրաերթի է ենթարկել 11-ամյա մի տղայի և իր ավտոմեքենայով նրան տեղափոխել հիվանդանոց:

Գյումրի‑Երևան ճանապարհին

Հուլիսի 12-ին ոստիկանության Աշտարակի բաժնում հաղորդում է ստացվել, որ ժամը  22.00-ի սահմաններում 1981 թ. ծնված Արսեն Ն.-ի վարած «ՎԱԶ-2106» մակնիշի ավտոմեքենան Գյումրի-Երևան ճանապարհի 145-րդ կմ-ին բախվել է 1980 թ. ծնված Արկադի Ս.-ի վարած «ՍԱԶ-3507»  մակնիշի  ավտոմեքենային:

Պատահարի հետևանքով Արսեն Ն.-ն մարմնական վնասվածքներով տեղափոխվել է Աշտարակի հիվանդանոց:

«Օպել Վեկտրա»-ն բախվել է «ՎԱԶ-2121»-ին

Հուլիսի 12-ին ոստիկանության Հրազդանի բաժնում հաղորդում է ստացվել, որ ժամը 19.00-ի սահմաններում 1987 թ. ծնված Արտյուշ Ս.-ի վարած «Օպել Վեկտրա» մակնիշի ավտոմեքենան բախվել է Երևան-Սևան ճանապարհի 44-րդ կմ-ին ճանապարհին կայանված, 1986 թ. ծնված Արգամ Ս.-ին պատկանող «ՎԱԶ-2121» մակնիշի ավտոմեքենային:

Պատահարի հետևանքով Արտուշ Ս.-ն  մարմնական վնասվածքներով տեղափոխվել է հիվանդանոց:

Ճամբարակ‑Սևան ճանապարհին

Հուլիսի 12-ին ոստիկանության Սևանի բաժնում հաղորդում է ստացվել, որ ժամը 02.00-ի սահմաններում 1977 թ. ծնված Ռուդիկ Մ.-ի վարած «ՎԱԶ-21104» մակնիշի ավտոմեքենան  Ճամբարակ-Սևան ճանապարհի 2-րդ կմ-ին բախվել է ճամփեզրին կայանված, 1984 թ. ծնված Կարեն Ա.-ին  պատկանող «ՎԱԶ-21099» մակնիշի ավտոմեքենային:

Պատահարի հետևանքով Կարեն Ա.-ն մարմնական վնասվածքով տեղափոխվել է հիվանդանոց:

Կատարվում է քննություն

Շրջվել է

Հուլիսի 12-ին ոստիկանության Իջևանի բաժնում հաղորդում է ստացվել, որ ժամը 21.00-ի սահմաններում 1986 թ. ծնված Նվեր Մ.-ի վարած «ԶԻԼ» մակնիշի ավտոմեքենան Գանձաքար գյուղի անտառատարածքում շրջվել է:

Պատահարի հետևանքով վարորդը և ուղևորը մարմնական վնասվածքներով տեղափոխվել են հիվանդանոց:

CNN Turk հեռուստաալիքի հաղորդմամբ, թուրքական Բիլեջիկ քաղաքում հզոր երկրաշարժ է գրանցվել: Ցնցումների ուժգնությունը Ռիխտերի սանդղակով կազմել է 4,7 բալ:

Նախնական տվյալներով` զոհեր և վիրավորներ չկան. տուժել են շինություններ, խանութներ և բնակելի տներ:

Վրաերթ խաչմերուկ

Հուլիսի 11-ին ոստիկանության Նոր Նորքի բաժնում հաղորդում է ստացվել, որ ժամը 13.30-ի սահմաններում 50-ամյա Արթուր Ա.-ն «ԳԱԶ-32213» մակնիշի միկրոավտուբուսով Միկոյան և Գալշոյան փողոցների խաչմերուկում վրաերթի է ենթարկել 8-ամյա մի տղայի, որը մարմնական վնասվածքներով տեղափոխվել է հիվանդանոց:

«ԲՄՎ»-ն բախվել է «ՎԱԶ-2106»-ի

Էջմիածին‑Արմավիր ճանապարհին

ՀՀ վարչապետ Տիգրան Սարգսյանի որոշմամբ, Հովհաննես Հայրապետյանը նշանակվել է ՀՀ գյուղատնտեսության նախարարության սննդամթերքի անվտանգության պետական ծառայության պետի տեղակալ:

Տեղեկացնում է կառավարության մամուլի ծառայությունը չհստակեցնելով թե նախկինում ինչ պաշտոն է զբաղեցրել Հայրապետյանը:

Հայաստանի ԱԳ նախարար Էդվարդ Նալբանդյանը հուլիսի 13-15-ին կայցելի Միացյալ Թագավորության եւ Իռլանդիայի Հանրապետություն:

ԱԳՆ մամուլի ծառայությունից  հայտնում են, որ Լոնդոնում եւ Դուբլինում նախատեսված են Էդվարդ Նալբանդյանի հանդիպումները իր բրիտանացի եւ իռլանդացի գործընկերների հետ:

Հուլիսի 1-ի դրությամբ մայրաքաղաքում արդեն ապամոնտաժվել է 893 ապօրինի, չգործող կրպակ:

Կարեն Կարապետյանը, անդրադառնալով ապօրինի, ժամկետանց և չգործող կրպակների ապամոնտաժման գործընթացին, հանձնարարել է հետևողականորեն շարունակել աշխատանքը, միաժամանակ շեշտելով, որ նոր կրպակների տեղադրման թույլտվություն չի տրվելու:

Անդրադառնալով մայրաքաղաքի բակերի բարեկարգման ծրագրին՝ Կարեն Կարապետյանը հանձնարարել է շարունակել բակերի մաքրումը բնակիչների կողմից ապօրինի հողազավթած, «բոստանային» տարածքներից ու փոխարենը բնակիչների համար հանգստի հարմարավետ գոտիներ ստեղծել՝ նշված տարածքներում տեղադրելով «Փյունիկ» բարեգործական հիմնադրամի կողմից տրամադրված մարզագույք ու մանկական ժամանակակից խաղեր:

Կարեն Կարապետյանը նշել է, որ թեպետ համատիրությունները բնակիչների կողմից կամավոր ստեղծված կառույցներ են, այսօր շատ բազմաբնակարանների սեփականատերեր տեղեկացված չեն իրենց իրավունքների և պարտականությունների մասին: Քաղաքապետը մեկ անգամ ևս շեշտել է, որ ողջ գործընթացը, սկսած գումարների հավաքագրումից մինչև ծախսերի արդյունավետ տնօրինում, պետք է վերահսկեն իրենք` շենքերի բնակիչները և վարչական շրջանների ղեկավարներին հանձնարարել է առավել արդյունավետ աշխատել համատիրությունների ղեկավարների հետ:

Այդ մասին հաղորդում է Երևանի քաղաքապետարանը:

Բախվել է քարերին և շրջվել

Հուլիսի 11-ին ոստիկանության Թալինի բաժնում հաղորդում է ստացվել, որ ժամը 02.30-ի սահմաններում «ՎԱԶ-210130» մակնիշի ավտոմեքենան (վարորդի տվյալները պարզվում են) Երևան-Գյումրի ճանապարհի 63-րդ կմ-ին բախվել է ճամփեզրյա քարերին և շրջվել, ինչի հետևանքով ուղևորը` 1969 թ. ծնված  Միքայել Միքայելյանը, տեղում մահացել է, իսկ մյուս երկու ուղևորները մարմնական վնասվածքներով տեղափոխվել են Թալինի հիվանդանոց:

Երևան‑Գորիս ճանապարհին

Խուլիգանության և ավազակության մեղադրանքներով

Հուլիսի 9-ին, ժամը 05.40-ին, ոստիկանության Արտաշատի բաժնի ծառայողները Դոնեցկ-Երևան չվերթի ինքնաթիռի ժամանումից հետո «Զվարթնոց» օդանավակայանից բերման են ենթարկել 52-ամյա Հովհաննես Ղ.-ին, որը 2009 թ. մայիսի 22-ից հետախուզվում էր ՀՀ քր. օր.-ի 258 հոդվածի 3-րդ մասի 1-ին կետի մեղադրանքով, այն է` խուլիգանությունը, որը կատարվել է մի խումբ անձանց կամ կազմակերպված խմբի կողմից:

Հովհաննես Ղ.-ն կալանավորված է:

Հուլիսի 9-ին, ժամը 13.05-ին, ոստիկանության Վաղարշապատի բաժնի ծառայողները Երևան քաղաքի  Բաբաջանյան փողոցից բերման են  ենթարկել 26-ամյա Սերժիկ Ղ.-ին, որը 2010 թ. դեկտեմբերի 13-ից հետախուզվում էր ՀՀ քր. օր.-ի 175 հոդվածի  2-րդ մասի 1-ին, 3-րդ և 4-րդ կետերի մեղադրանքով, այն է` ավազակությունը, որը կատարվել է մի խումբ անձանց կողմից նախնական համաձայնությամբ, բնակարան, պահեստարան կամ շինություն ապօրինի մուտք գործելով, զենքի կամ որպես զենք օգտագործվող այլ առարկաների գործադրմամբ:

Սերժիկ Ղ.-ն կալանավորված է:

Բրյուսել-Մոսկվա-Երևան չվերթով

Հուլիսի 8-ին, ժամը 06.30-ին, ոստիկանության քրեական հետախուզության գլխավոր վարչության և ՀՀ-ում Ինտերպոլի ԱԿԲ ծառայողներից կազմված օպերատիվ խումբը Բելգիայի Թագավորության Բրյուսել քաղաքից, Բրյուսել-Մոսկվա-Երևան չվերթով, ՀՀ է տեղափոխել 1982 թ. ծնված Արթուր Հ.-ին, որը 2005 թ. մարտի 31-ից ոստիկանության Կենտրոնականի բաժնի կողմից հետախուզվում էր ՀՀ քր.օր.-ի 325 հոդվածի (Փաստաթղթեր, դրոշմներ, կնիքներ, ձևաթղթեր, տրանսպորտային միջոցների պետհամարանիշներ կեղծելը, իրացնելը կամ օգտագործելը) 1-ին մասի և 178 հոդվածի 3-րդ մասի 1-ին կետի մեղադրանքով (Խարդախությունը, որը կատարվել է առանձնապես խոշոր չափերով):

Արթուր Հ.-ն կալանավորված է:

Թմրամիջոց պահելու և օգտագործելու կասկածանքով

Հուլիսի 9-ին, ժամը 19.50-ին, ոստիկանության Դավիթաշենի բաժանմունքի ծառայողները Դավիթաշենի 4-րդ թաղամասից, թմրամիջոց պահելու և օգտագործելու կասկածանքով, բերման են ենթարկել նախկինում 9 անգամ դատապարտված, 1963 թ. ծնված Արամ Ս.-ին, որի մոտ հայտնաբերվել է  0,2 գ դեղնականաչավուն զանգված:

Ըստ Արամ Ս.-ի հայտարարության` նշված զանգվածը պատկանում է իրեն, որը օգտագործում էր ծխելու միջոցով:

Հայտնաբերվածն ուղարկվել է փորձաքննության:

Կողոպուտը բացահայտվել է

Հուլիսի 10-ին, ժամը 18.00-ին, ոստիկանության Գյումրիի բաժնի ծառայողները, կողոպուտ կատարելու կասկածանքով, բերման են ենթարկել 1982 թ. ծնված Էդուարդ Պ.-ին:

Նա խոստովանել է, որ նույն օրը, ժամը 17.45-ի սահմաններում, Գյումրի քաղաքի Հաղթանակի պողոտայի թիվ 41 շենքի մոտ մի կնոջ պարանոցից հափշտակել է ոսկյա շղթա:

Տուժողին պատճառված նյութական վնասի չափը 450.000 դրամ է:

Հափշտակվածն առգրավված է:

Էդուարդ Պ.-ն  ձերբակալված է:

Կատարվում է նախաքննություն:

Հուլիսի 10-ին ժամը 20.20-ին ստացված ահազանգի համաձայն` Շիրակի մարզի Վահրամաբերդ գյուղի հարակից տարածքում` Ախուրյան գետում խեղդվել է պատանի և նրան դուրս բերելու համար անհրաժեշտ է փրկարարների օգնությունը:

Դեպքի վայր են մեկնել Շիրակի Մարզային փրկարարական վարչության փրկարար ջոկատը և մեկ ջրային փրկարար:

Ժամը 00.47-ին փրկարարների ուժերով գետից դուրս է բերվել Շիրակի մարզի Գյումրի քաղաքի Ղանդիլյան փողոցի թիվ 158/026 տնակի բնակիչ 1995թ. ծնված Հովհաննես Մատինյանի դին և հանձնվել ոստիկանության աշխատակիցներին: