Տիգրան Մեծի պողոտայում, հոկտեմբերի 21-ին, ժամը 15.30-ին, «Տոյոտա Պրադո» մակնիշի ավտոմեքենայի վարորդը վրաերթի է ենթարկել 15-ամյա մի աղջկա:

Ոստիկանության մամուլի ծառայությունից  հայտնում են, որ վարորդը նույն ավտոմեքենայով նրան տեղափոխել է հիվանդանոց:

Կատարվում է քննություն:

Դոլարի միջին փոխարժեքը «ՆԱՍԴԱՔՕԷՄԷՔՍ Արմենիա» բորսայում աստիճանաբար զիջում է իր դիրքերը: Այսօր դոլարի միջի փոխարժեքը կազմել է 378 դրամ, ընդ որում` բոլոր 16 գործարքներն իրականացվել են հենց այդ փոխարժեքով:

Ընդհանուր առմամբ` բորսայում վաճառվել է 2.05 մլն դոլար:

Կանխիկ արտարժույթի շուկայում դոլարը էժանացել է մոտավորապես կես դրամով: Այսպես` դոլարի առքն իրականացվում է 376 կամ 376.5 դրամով, վաճառքի փոխարժեքը որոշ փոխանակման կետերում իջել է մինչեւ 378.5 դրամ:

Հոկտեմբերի 20-ին, ժամը 17.20-ի սահմաններում, Արարատի մարզի Նոր Կյանք գյուղում «ՎԱԶ-2106» մակնիշի մի ավտոմեքենա բախվել է մեկ այլ «ՎԱԶ-2106»-ի:
21-10-2011-2Պատահարի հետևանքով վերջինիս վարորդը` 68-ամյա Եղիա Անդրեասյանը, տեղում մահացել է:
Կատարվում է քննություն:

«Ինտերֆաքս»-ի հաղորդմամբ`Ախալցխայում շինարարական աշխատանքների ժամանակ փլուզվել է նախկին պոլիկլինիկայի շենքը, որի հետևանքով մարմնական վնասվածքներ է ստացել 4 շինաշխատող, որոնցից 1-ը հոսպիտալացվել է։
«Ենթադրվում է, որ երկհարկանի շինության փլատակների տակ մնացել է 1 շինաշխատող։ Որոնման աշխատանքները շարունակվում են»,- նշել էՎրաստանի նախագահի՝ Սամցխե-Ջավախեթի շրջանում լիազոր ներկայացուցիչ Լաշա Չկադուան։
Ըստ անանուն աղբյուրների հնարվոր է՝ փլատակների տակ մնացած լինեն մի քանի շինաշխատողներ։

Հոկտեմբերի 19-ին, ժամը 18.30-ին, ոստիկանության Մաշտոցի բաժնի ծառայողները 16-րդ թաղամասի շենքերից մեկի բակից բերման են ենթարկել 33-ամյա Արթուր Հակոբյանին. նա այս տարվա հունվարի 18-ից ՌԴ Յարոսլավլ քաղաքի իրավապահների կողմից հետախուզվում էր թմրամիջոցների ապօրինի շրջանառության մեղադրանքով:

***

Նույն օրը, ժամը 20.40-ին, ոստիկանության ծառայողները «Զվարթնոց»  օդանավակայանից բերման են ենթարկել 40-ամյա Արսեն Կարապետյանին, որը մարտի 24-ից ՌԴ Սանկտ Պետերբուրգ քաղաքի իրավապահների կողմից հետախուզվում էր ծեծի մեղադրանքով:

Հակոբյանին և Կարապետյանին հայտնաբերելու մասին տեղյակ է պահվել հետախուզումը նախաձեռնողներին:

***

Հոկտեմբերի 19-ին, ժամը 11.20-ին, ոստիկանության Մալաթիայի բաժին է ներկայացել 40-ամյա Արմեն Ավագյանը, որը հոկտեմբերի 17-ից հետախուզվում էր խարդախության մեղադրանքով:

Նախագահ Սերժ Սարգսյանի հրամանագրով Աշոտ Գալոյանն ազատվել է Լիտվայի Հանրապետությունում Հայաստանի Հանրապետության արտակարգ եւ լիազոր դեսպանի պարտականություններից:

Նախագահի մամուլի գրասենյակից  հայտնում են, որ Սերժ Սարգսյանի մեկ այլ հրամանագրով Արա Այվազյանը նշանակվել է Լիտվայի Հանրապետությունում Հայաստանի Հանրապետության արտակարգ եւ լիազոր դեսպան (նստավայրը` Վիլնյուս):

Այսօր «ՆԱՍԴԱՔՕԷՄԷՔՍ Արմենիա» բորսայում դոլարի միջին փոխարժեքը հասել է 2011 թ. իր ամենաբարձր նիշին` 378.49 դրամ: Նախորդ օրվա համեմատ դոլարը թանկացել է 0.33 տոկոսով կամ 1.24 դրամով:

Ընդհանուր առմամբ վաճառվել է 9.2 մլն դոլար, հնարավոր է` ՀՀ կենտրոնական բանկն իրականացրել է արտարժութային ինտերվենցիա:

Կանխիկ արտարժույթի շուկայում դոլարի առքի փոխարժեքը բարձրացել է մինչև 377 դրամ, վաճառքի նվազագույն փոխարժեքը 380 դրամն է:

ՖԻՖԱ-ն հրապարակել է ազգային հավաքականների վարկանիշային նոր աղյուսակը: Հայաստանի ընտրանին վերջին խաղից հետո  2 հորիզոնականով նահանջել է և այժմ 46-րդ տեղում: Նախորդ հրապարակումից հետո Վարդան Մինասյանի գլխավորած ընտրանին անցկացրել է երկու հանդիպում:

Երևանում Հայաստանը 4:1 հաշվով հաղթեց Մակեդոնիային, իսկ Դուբլինում իսպանացի մրցավար Իտուրալդե Գոնսալեսի ջանքերով 1:2 հաշվով զիջեց Իռլանդիային: Հենց այդ պարտության պատճառով էլ Հայաստանի ազգային թիմը երկու հորիզոնական է կորցրել:

Վարկանիշային աղյուսակը շարունակում է գլխավորել Իսպանիան, որին հաջորդում են Հոլանդիան և Գերմանիան: Լավագույն տասնյակում է հայտնվել Հունաստանը: Տասնյակում են նաև աշխարհի առաջնության ընտրական փուլում Հայաստանի մրցակիցներ Իտալիան և Դանիան:

Առաջին տասնյակը ինչպես միշտ անփոփոխ է`Իսպանիա, Հոլանդիա, Գերմանիա, Ուրոգվայ, Բրազիլիա, Իտալիա, Անգլիա, Հունաստան, Պորտուգալիա, Արգենտինա:

Հավելենք, որ Ադրբեջանի հավաքականը 117-րդն է, իսկ Թուրքիան`26-ը:

Հոկտեմբերի 18-ին, ժամը 13.30-ի սահմաններում, Սևան-Գավառ ճանապարհի 5-րդ կմ-ին իրար են բախվել «ԳԱԶ-32213»,  «Նիսսան Մուռանո» և «ՎԱԶ-2121» մակնիշի ավտոմեքենաներ:«ՎԱԶ-2121»-ի վարորդը և 2 ուղևորները մարմնական վնասվածքներով տեղափոխվել են հիվանդանոց: