Լոռիի մարզում, այսօր` նոյեմբերի 3-ի գիշերը, Ստեփանավան քաղաքում ԶԻԼ-130» մակնիշի 17 ՕՏ 270 համարանիշի բեռնատարն ընկել է փոսը:

Հայաստանի ԱԻՆ փրկարար ծառայությունից  հայտնում են, որ դեպքի վայր է մեկնել մեկ մարտական հաշվարկը:

Հրշեջ-փրկարարները  բեռնատար ավտոմեքենան դուրս են բերել կոյուղագծերի համար փորված փոսից:

Նախագահ Սերժ Սարգսյանի հրամանագրով Նելլի Բաղդասարյանը նշանակվել է Երևան քաղաքի Շենգավիթ վարչական շրջանի ընդհանուր իրավասության դատարանի դատավոր, Ռոբերտ Պապոյանը՝ Արարատի և Վայոց ձորի մարզերի ընդհանուր իրավասության դատարանի դատավոր, Արշակ Վարդանյանը՝ Երևան քաղաքի Կենտրոն և Նոր-Մարաշ վարչական շրջանների ընդհանուր իրավասության դատարանի դատավոր:

Արշակ Վարդանյանը դատարան   է եկել  ՀՔԾ-ից: Նա  Կենտրոնի դատարանի նախագահ  Ժորա Վարդանյանի որդին է: Ի դեպ Նելլի Բաղդասարյանը ևս  դատարան է եկել  դատախազությունից:

«ՆԱՍԴԱՔՕԷՄԷՔՍ Արմենիա» բորսայում դոլարի միջին փոխարժեքն այսօր` նոյեմբերի 2-ին կրկին բարձրացավ: Գործարքների արդյունքում դոլարի միջին փոխարժեքը կազմել է 379.2 դրամ:

Հիշեցնենք, որ երեկ բորսայում գործարք չի կայացել, իսկ նախորդ օրը դոլարն արժեր 379.12 դրամ:

Ընդհանուր առմամբ այսօր բորսայում վաճառվել է 6.51 մլն դոլար:

Կանխիկ արտարժույթի շուկայում դոլարը եւս փոքր-ինչ թանկացել է: Դոլարը գնվում է 378 կամ 378.5 դրամով, վաճառվում 381-ով:

Երեկ, ժամը 21.30-ին, Նոր Գեղիի Երևանյան փողոցում իրար են բախվել «ՎԱԶ-2106» և «ԶԻԼ» մակնիշի ավտոմեքենաներ, ինչից հետո «ՎԱԶ-2106»-ը բախվել է նույն վայրում կայանված «Օպել-Աստրա» մակնիշի ավտոմեքենայի: «ՎԱԶ-2106»-ի վարորդը` Նոր Հաճընի բնակիչ, 24-ամյա Տիգրան Սիմոնյանը, տեղում մահացել է: Կատարվում է քննություն: Այս մասին հայտնում են ոստիկանությունից։

Հայաստանի պաշտպանության նախարար Սեյրան Օհանյանն այսօր` նոյեմբերի 1-ին, ընդունել է Հայաստանում հունաստանի արտակարգ եւ լիազոր դեսպան Իոաննիս Կորինթիոսին եւ նորանշանակ ռազմական կցորդ, գնդապետ Դովաս Պանայոտիսին:

ՊՆ մամուլի ծառայությունից  հայտնում են, որ Սեյրան Օհանյանը շնորհավորել է ռազմական կցորդին` նոր պաշտոնի նշանակման կապակցությամբ եւ հույս հայտնել, որ նրա պաշտոնավարումը նոր խթան կհանդիսանա երկկողմ ռազմական համագործակցության հետագա զարգացման համար:

Հանդիպման ընթացքում քննարկվել են հայ-հունական ռազմական համագործակցության զարգացման հեռանկարները:

Հոկտեմբերի 31-ին, ժամը 21.30-ի սահմաններում, «ՎԱԶ-2107» մակնիշի տաքսի ավտոմեքենան Դալար գյուղի կենտրոնական ճանապարհին դուրս է եկել երթևեկելի գոտուց և բախվել երկաթբետոնե պատին: Պատահարի հետևանքով վարորդն ու 6 ուղևորներ մարմնական վնասվածքներով տեղափոխվել են հիվանդանոց: Կատարվում է քննություն:

Հոկտեմբերի 31-ին, ժամը 14.30-ին, անհայտ ավտոմեքենայի վարորդը Աբովյան փողոցի թիվ 52 շենքի մոտ վրաերթի է ենթարկել 21-ամյա մի աղջկա, որը մարմնական վնասվածքներով տեղափոխվել է հիվանդանոց: Կատարվում է քննություն:

Նույն օրը, ժամը 15.00-ին «Ռենո Դասիա Լոգան» մակնիշի ավտոմեքենան Մանանդյան փողոցի թիվ 28 շենքի դիմաց վրաերթի է ենթարկել 21-ամյա մի աղջկա, որը մարմնական վնասվածքներով տեղափոխվել է հիվանդանոց: Կատարվում է քննություն:

Ժամը 17.15-ին, «Արմենիա» բժշկական կենտրոնից ոստիկանության Մաշտոցի բաժնում հաղորդում է ստացվել, որ մարմնական վնասվածքներով իրենց մոտ բուժօգնության է տեղափոխվել 10-ամյա մի աղջնակ: Տուժողի մայրը ոստիկաններին հայտնել է, որ դուստրը վայր է ընկել շենքի բակում, սակայն պարզվել է, որ աղջիկը վնասվածքն ստացել է վրաերթի հետևանքով: Ժամը 19.45-ին վրաերթը կատարելու կասկածանքով բերման է ենթարկվել 36-ամյա Արայիկ Հովակիմյանն ու խոստովանել, որ ժամը 16.30-ին, Շինարարների փողոցի թիվ 32 շենքի մոտ, «Միցուբիշի Պաջերո» մակնիշի ավտոմեքենայով աղջկան վրաերթի է ենթարկել ինքը: Կատարվում է քննություն:

Ժամը 18.30-ին, «ՎԱԶ-2107» մակնիշի տաքսի ավտոմեքենայի վարորդը Գարեգին Նժդեհի փողոցի թիվ 16 շենքի մոտ վրաերթի է ենթարկել 18-ամյա մի աղջկա և 48-ամյա մի տղամարդու, պատճառել մարմնական վնասվածքներ և նրանց տեղափոխել «Էրեբունի» բժշկական կենտրոն: Կատարվում է քննություն:

«ՆԱՍԴԱՔՕԷՄԷՔՍ Արմենիա» ֆոնդային բորսայում սկսվել է դոլարի էժանացման հերթական փուլը: Այսօր` նոյեմբերի 1-ին, դոլարի միջին բորսայական փոխարժեքը կազմել է 379.12 դրամ, սակայն ամենայն հավնականությամբ վաղը դոլարը ավելի կթուլանա: Առեւտրային նստաշրջանի վերջում դոլարն արժեր արդեն 378.5 դրամ, սակայն գնորդները չեն շտապել: սա վկայում է այն մասին, որ դոլարի թուլացումը կշարունակվի նաեւ վաղը:

Ընդհանուր առմամբ, բորսայում այսօր վաճառվել է 4 մլն դոլար:

Կանխիկ արտարժույթի շուկայում առայժմ փոփոխություններ նկատելի չեն: Նախորդ օրերի նման դոլարը գնվում է 378 դրամով, վաճառվում 380-ով:

Հայաստանի նախագահ Սերժ Սարգսյանի հրամանագրով, դերասանուհի Սվետլանա Ռուբենի Գրիգորյանը պարգեւատրվել է «Հայրենիքին մատուցած ծառայությունների համար» 1-ին աստիճանի մեդալով:

Նախագահի մամուլի գրասենյակիցն հայտնում են, որ դերասանուհին նման պարգեւի է արժանացել հայ թատերական արվեստի զարգացման գործում ներդրած նշանակալի ավանդի, դերասանական բարձր վարպետության եւ մնայուն բեմական կերպարներ ստեղծելու համար: