Հայաստանում ԱՄՆ նորանշանակ դեսպան Ջոն Հեֆերնին շարունակում է ծանոթանալ երկրի առանցքային կառույցների աշխատանքներին. ՀՀ Մարդու իրավունքների պաշտպան Կարեն Անդրեասյանն այսօր` ընդունել է ԱՄՆ դեսպանին եւ քննարկել մի շարք խնդիրներ: Մասնավորապես երկրում մարդու իրավունքների պաշտպանության, ներքին քաղաքական իրավիճակի, գալիք խորհրդարանական եւ նախագահական ընտրությունների հետ:

ՄԻՊ-ի մամուլի ծառայությունից հայտնում են, որ ՄԻ պաշտպանը ողջունել է դեսպանին՝ մաղթելով  արդյունավետ համագործակցություն պետական մարմինների եւ քաղաքացիական հասարակության հետ կապված:

Դեկտեմբերի 12-ին, ժամը 9.30-ի սահմաններում, «Ֆոլքսվագեն-Պասսատ» մակնիշի ավտոմեքենայի վարորդը Աբովյան փողոցում՝ Խ. Աբովյանի անվան հուշարձանի մոտ, վրաերթի է ենթարկել 38-ամյա մի կնոջ և իր ավտոմեքենայով նրան տեղափոխել հիվանդանոց:

Դեկտեմբերի 12-ին, ժամը 10-ի սահմաններում, «Մերսեդես Բենց»  մակնիշի ավտոմեքենան Տիչինայի փողոցու շրջվել և բախվել  է ճամփեզրի հողաթմբին:

Վարորդը  վնասվածքներով տեղափոխվել է հիվանդանոց:

Դեկտեմբերի 13-ին, ժամը 00.05-ին, Նալբանդյան փողոցում իրար են բախվել  «Տոյոտա»     և «ԲՄՎ» մակնիշի ավտոմեքենաներ. «ԲՄՎ»-ի ուղևորը   մարմնական վնասվածքներով տեղափոխվել է հիվանդանոց:

Այսօր առավոտյան, ժամը 6-ի սահմաններում, «Գրանդ Չերոկի» մակնիշի ավտոմեքենան Արմավիր-Երևան ճանապարհին` Սարդարապատ գյուղի հատվածում, շրջվել և ընկել է ձորը:Պատահարի հետևանքով ուղևորուհին մահացել է, իսկ վարորդը մարմնական վնասվածքներով տեղափոխվել է հիվանդանոց:Կատարվում է քննություն:

2011թ վերջին լրիվ լուսնի խավարումը, որը տեղի կունենա վաղը երեկոյան, հնարավորություն կունենա տեսնել գրեթե ողջ աշխարհը, գրում է ՌԻԱ Նովոստին` հղում անելով ՆԱՍԱ-իԱյն վառ արտահայտված կերեւա ԱՄՆ-ում, Եվրոպայում, ՌԴ արեւմտյան շրջաններում: Այս տարածքներում լուսինը խավարման պահին կլինի հորիզոնում եւ բավական մեծ կերեւա, քան եթե այն զենիթում է:
Լուսնի խավարումը կտեւի Երեւանի ժամանակով 16.33-ից մինչեւ 22.30: Լուսինը լիակատար խավարման փուլ կմտնի ժամը 19.06-ին եւ կտեւի 51 րոպե: Խավարման ցիկլն ամբողջությամբ չեն տեսնի միայն Անտարկտիդայում, Աֆրիկայի հարավ-արեւմուտքում, Հարավային Ամերիկայում եւ Արեւմտյան Եվրոպայում: Խավարումը հնարավոր կլինի դիտել նաեւ Հայաստանում (քարտեզում, որքան մուգ է նշված տարածքը, այնքան ավելի երկար կերեւա խավարումը):

Վախճանվել է «Ժառանգություն» խորհրդարանական խմբակցության ղեկավար Ստյոպա  և փաստաբան Սեդա Սաֆարյանների հայրը` Սերյոժա Սաֆարյանը:

Հոգեհանգիստը` այսօր ժամը 18:00-ին, Նորքի 2-րդ զանգվածի Թոթովենցի 11 հասցեում: Հուղարկավորությունը` դեկտեմբերի 11-ին, ժամը 13:00-ին Նոյեմբերյանի Ոսկեւան գյուղում:

ՀԱԿ-ը հայտարարություն է տարածել այն բաց նամակ մասին, որով ֆինանսների նախարար Վաչե Գաբրիելյանի ուշադրությունն է հրավիրում ՀՀ քաղաքացիների ԽՍՀՄ «Խնայբանկում» ներդրված ավանդներին:

«ՀԱԿ-ի «100 քայլ» ծրագրում նշված է, որ ՀՀ քաղաքացիներին պետք է փոխհատուցվի նախկին ԽՍՀՄ «Խնայբանկում» ներդրված նրանց ավանդները:

Միաժամանակ, ՀԱԿ-ի մտահոգության կենտրոնում է նաեւ նախկին ԽՍՀՄ Պետապ համակարգում ապահովագրված անձանց ապահովագրավճարների խնդիրը, ինչպես նաեւ նախկին ԽՍՀՄ «Խնայբանկ» 1000 ռուբլի արժողությամբ սերտիֆիկատների փոխհատուցման խնդիրը:

Ելնելով «Տեղեկատվության ազատության մասին» օրենքի 6-րդ հոդվածի դրույթներից խնդրում եմ ՀԱԿ-ին ներկայացնել հետեւյալ տեղեկությունները.

1. ԱՊՀ 1992թ. մարտի 13-ի «Նախկին ԽՍՀՄ ներքին պարտքի սպասարկման սկզբունքների եւ մեխանիզմների մասին» համաձայնագրի կատարման ուղղությամբ ՀՀ ձեռնարկած միջոցառումները

2. նախկին ԽՍՀՄ «Խնայբանկի» ՀԽՍՀ հանրապետական բանկում ավանդատուների թիվը, նրանց կողմից ներդրված դրամական միջոցների ընդհանուր գումարը առ 01 հունվարի 1993թ. դրությամբ

3. ՀՀ կառավարության 2006թ. մարտի 16-ի «Նախկին ԽՍՀՄ «Խնայբանկի» ՀԽՍՀ հանրապետական բանկում մինչեւ 1993թ. հունիսի 10-ը ներդրված դրամական ավանդների դիմաց փոխհատուցման տրամադրման կարգը հաստատելու մասին» թիվ 352-Ն որոշման կատարման ընթացքի մասին տվյալներն (ՀՀ պետական բյուջեի միջոցներից հատկացված ու փոխհատուցված գումարները, փոխհատուցում ստացած ավանդատուների թիվը եւ որոշման կատարումը բնութագրող այլ տվյալներ) ըստ տարիների

4. նախկին ԽՍՀՄ «Խնայբանկի» ՀԽՍՀ հանրապետական բանկի կողմից տրված 1000 ռուբլիանոց սերտիֆիկատների քանակը առ 01 հունվարի 1993թ. դրությամբեւ դրանց մարման ուղղությամբ ձեռնարկված միջոցառումները

5. նախկին ԽՍՀՄ պետական ապահովագրության համակարգում ապահովագրված անձանց թիվը, այդ թվում` ապահովագրված անչափահասների թիվը, համապատասխանաբար նրանց համար կատարված ապահովագրավճարների գումարը, վերադարձված ապահովագրական ընդհանուր գումարը եւ դրանք ստացած ապահովագրվածների թիվը առ 01 հունվարի 1993թ. դրությամբ` ըստ ապահովագրության տեսակների:

Հուսով եմ, որ «Տեղեկատվության ազատության մասին» ՀՀ օրենքի 9-րդ հոդվածում նախատեսված ժամկետում մեզ կներկայացնեք պահանջվող տեղեկությունները:

ՀԱԿ համակարգող Լեւոն Զուրաբյան»:

Ինչպես տեղեկացնում են Արտակարգ իրավիճակների նախարարության լրատվական ծառայությունից, այսօր`  դեկտեմբերի 7-ին, ժ. 05.24-ին, Արագածոտնի մարզից տեղեկություն է ստացվել, որ Աշտարակ-Եղվարդ ավտոճանապարհի 10-րդ կմ-ին մեքենա է այրվում: Դեպքի վայր է մեկնել մեկ մարտական հաշվարկ:

Տեղում պարզվել է, որ այրվում է «Ուրալ-375» մակնիշի 5571 Շ պետհամարանիշով ավտոմեքենան, որում իրականացվում էր հերթապահություն:
Հրդեհը մեկուսացվել է ժ. 06.09-ին, մարվել` 06.47-ին:

Ավտոմեքենան ամբողջությամբ այրվել է:

Այսօր` դեկտեմբերի 7-ին, վարչապետ Տիգրան Սարգսյանը մեկնել է 1988 թվականի երկրաշարժից տուժած շրջաններ` հարգանքի տուրք մատուցելու երկրաշարժի անմեղ զոհերի հիշատակին։Վարչապետին ուղեկցում են Լոռու մարզպետ Արթուր Նալբանդյանը, Սպիտակի քաղաքապետ Գագիկ Սահակյանը, ՀՀ արտակարգ իրավիճակների նախարար Արմեն Երիցյանը և այլ պաշտոնատար անձինք:
Սպիտակ քաղաքի Սբ. Հարություն եկեղեցում վարչապետը մասնակցել է երկրաշարժի զոհերի հիշատակին տրվող սուրբ եւ անմար պատարագին։ Վարչապետը եւ նրան ուղեկցող անձինք ծաղկեպսակ են դրել Սպիտակի երկրաշարժի զոհերի հուշարձանին։
Այնուհետեւ Տիգրան Սարգսյանը մեկնել է Վանաձոր, այցելել Սբ. Աստվածածին եկեղեցի։ Առաջնորդանիստ եկեղեցու բակում տեղադրված հիշատակի խաչքարի առջեւ այցելուները ծաղկեպսակ են դրել, մեկ րոպե լռությամբ հարգել են անմեղ զոհերի հիշատակը եւ մասնակցել այնտեղ կազմակերպված արարողությանը:

Դեկտեմբերի 5-ին` ժամը 10.30-ի սահմաններում, «ՎԱԶ-21013» մակնիշի ավտոմեքենայի վարորդը Ախուրյան գյուղում վրաերթի է ենթարկել Առափի գյուղի բնակիչ, Սաշա Գևորգյանին:

Վերջինս մարմնական վնասվածքներով տեղափոխվել է հիվանդանոց, որտեղ նույն երեկոյան մահացել է:

Կատարվում է քննություն