Փետրվարի 6-ին, ժամը 03.55-ին, հիվանդանոցից ոստիկանության Քանաքեռ-Զեյթունի բաժնում հաղորդում է ստացվել, որ ժամը 03.40-ին Ռուբինյանց փողոցի 2/1 շենքի բնակարաններից մեկից, շմոլ գազի թունավորումով, իրենց մոտ բուժօգնության է տեղափոխել երեք բնակիչ:

Պարզվել է, որ նրանք թունավորվել են բնակարանի գազի վառարանից շմոլ գազի արտահոսքի հետևանքով:

***

Փետրվարի 7-ին, ժամը 00.30-ին, հիվանդանոցից ոստիկանության Ապարանի բաժնում հաղորդում է ստացվել, որ շմոլ գազի թունավորումով իրենց մոտ բուժօգնության է տեղափոխել Ապարան քաղաքի երեք բնակիչ:

Ամերիկյան դոլարի փոխարժեքը, փետրվարի 2-ի թռիչքաձեւ աճից հետո, կրկին սկսել է նվազել հայկական դրամի փոխարժեքի նկատմամբ: Այսօր` փետրվարի 6-ին, դոլարի միջին փոխարժեքը «ՆԱՍԴԱՔՕԷՄԷՔՍ Արմենիա» բորսայում կազմել է 387.42 դրամ: Ուրբաթ օրվա համեմատ` դոլարն էժանացել է 0.28 %-ով: Փորձը ցույց է տալիս, որ կտրուկ թռիչքներից հետո դոլարի փոխարժեքը մի որոշ ժամանակ «նստում է»:

Ընդհանուր առմամբ` բորսայում այսօր վաճառվել է 950 հազ. դոլար:

Կանխիկ արտարժույթի շուկայում փոխանակման կետերը դոլարն ընդունում են առավելագույնը 387 դրամով, վաճառքի փոխարժեքը սկսում է 389 դրամից:

Նախընտրական կրքերը հանգիստ չեն նաև Արմավիրում: Արմավիրի մարզում տեր ու տնօրեն Մանվել Գրիգորյանը` գեներալ Մանվելն առայժմ լռում է, սակայն համառորեն պատրաստվում է ԱԺ –ը ընտրություններում ունենալ իր թեկնածուները.Նա ցանկանում է ԱԺ պատգամավորի աթոռին տեսնել իր տիկնոջը` Նազիկ Գրիգորյանին: Իսկ մեր զրուցակիցը պնդում  է, որ իրենց մարզում “Գեներալը ոնց որոշում ա տենց ա”:

Իսկ Կարեն Գրիգորյանը` Էջմիածնի քաղաքապետն ու գեներալի որդին հավակնում է Արմավիրի մարզպետի պաշտոնին:

Հոլիվուդի հայտնի դերասան Շոն Պենը պաշտոնապես նշանակվել է Հաիթի կղզու դեսպան: Այս մասին արդեն հաղորդել են մի շարք միջազգային լրատվամիջոցներ:

Նա այդ պաշտոնին արժանացել է իր գործունեության համար: Հաիթիի նախագահ Միշել Մարտելլին նշել է, որ անուրանալի է դերասանի ներդրումը 2010թ ավերիչ երկրաշարժից հետո երկրի վերականգնման գործում:

Շոն Պենի ջանքերով մի շարք աստղեր Ջուլիա Ռոբերթս, Ջորջ Քլունի, Դեմի Մուր, Մելանի Գրիֆիֆթ,Անտոնիո Բանդերաս և այլոք, 5 մլն դոլարից ավելի  են հավաքել Հաիթի ուղարկելու համար:

Երկրի նախագահը շնորհակալություն է հայտնել Շոն Պենին, որ նա շարունակում է  համաշխարհային հասարակայնության ուշադրությունը բևեռել կղզու խնդիրների վրա:

Հիշեցնենք որ, 2010 հունվարի 10-ին Հաիթիում 7 բալանոց ավերիչ երկրաշարժի հետևանքով մոտ 220 հազար մարդ է մահացել:

Երևանի Կենտրոն և Նորք-Մարաշ վարչական շրջանների ընդհանուր իրավասության դատարանում դատավոր Ալեքսեյ Սուքոյանը, մասնակի է բավարարել  հայցվորի` Գլենդել Հիլզ» ՍՊԸ-ի պահանջը, հօգուտ նրա «Սկիզբ Մեդիա» կենտրոն ՍՊԸ-ից 200 հազ.դրամ բռնագանձման վճիռ կայացնելով:

Բացի դա, 300 հազար դրամ կբռնագանձվի՝ փաստաբանական ծառայությունների և պետական տուրքի համար:

«Ժամանակ» օրաթերթը պարտավոր է նաև հերքել 2010թ. օգոստոսի 26-ին հրապարակած «1000 դոլար լռության դիմաց» վերնագրով հոդվածը:

Հիշեցնենք, որ «Գլենդել Հիլզ»-ը ընկերության «գործարար համբավը արատավորող տեղեկության» համար «Ժամանակ»-ից պահանջում էր 2 մլն դրամ, և 500 հազար դրամ՝ դատական ծախսերի համար:

ՀՀ ֆինանսների նախարարության «Թանկարժեք մետաղների և թանկարժեք քարերի պետական գանձարան» գործակալության կողմից 30.01.-05.02.2012 թթ. համար սահմանվել են թանկարժեք մետաղների մեկ գրամ քիմիապես մաքուր մետաղի (պետական ստանդարտ ձուլակտորի համար) պետական գնման և բացթողնման հետևյալ գները` արտահայտված ՀՀ դրամով`

ՈՍԿԻ` գնման գին`19307.38 (+362.13), բացթողնման գին` 20986.28 (+393.62)

ԱՐԾԱԹ` գնման գին` 372.42 (+24.75), բացթողնման գին` 404.80 (+26.9)

ՊԼԱՏԻՆ` գնման գին` 17959.27 (+597.25), բացթողնման գին` 19520.95 (+649.19)

ՊԱԼԱԴԻՈՒՄ` գնման գին` 7807.61 (+276.58), բացթողնման գին` 8486.53 (+300.63):

Այս մասին հայտնում են ՀՀ ֆինանսների նախարարությունից:

Երեւան-Սևան ճանապարհի 3-րդ կմ-ին, այսօր` հունվարի 27-ին, ժամը 00.15-ի սահմաններում, երկու 21- ամյա երիտասարդ` տղա և աղջիկ,  վիճել են, որից հետո երիտասարդը, ոմն Նարեկ, իր ընկերուհուն հրել — գցել է «Համեր H-2» մակնիշի մեքենայի մեջ, այդ պահին միացել են դռների ավտոմատ փականները, և տղան մնացել է դրսում: Աղջիկը փորձել քշել մեքենան ու  փախչել: Տղան կախվել է մեքենայից, սակայն ընթացքի ժամանակ, վայր է ընկել ավտոմեքենայի ոտնակի վրայից, և վնասվածքներով տեղափոխվել հիվանդանոց:

Ոստիկանության մամուլի ծառայությունից տեղեկացրեցին, որ տղան գիտակցության չգալով՝ մահացել է:

Կատարվում է քննություն: