Քիչ առաջ մեկնարկեց «Ժառանգություն» կուսակցության 7-րդ համագումարը:

Համագումարին ներկա են «Ազատ դեմոկրատներ» կուսակցության նախագահ Խաչատուր Քոքոբելյանը, փոխնախագահ Անուշ Սեդրակյանը, անդամներ Արարատ Զուրաբյանը, Ալեքսանդր Արզումանյանը, գործադիր քարտուղար Մասիս Այվազյանը։ ԲՀԿ-ից ներկա են՝ Նաիրա Զոհրաբյանը, Վարդան Օսկանյանը, ՀՅԴ-ից՝ Արմեն Ռուստամյանը և Վահան Հովհաննիսյանը։

ՕԵԿ և ՀՀԿ գործիչները ներկա չեն համագումարին։ Ներկա են նաև ՀԺԿ առաջնորդ Ստեփան Դեմիրճյանը, «Հանրապետություն» կուսակցության առաջնորդ Արամ Սարգսյանը, ՀԱԿ անդամ Սասուն Միքայելյանը, «Ղարաբաղ» կոմիտեի նախկին անդամ Աշոտ Մանուչարյանը:

Այսօր լրագրողների հետ հանդիպման ժամանակ  ՀՀ նախագահին առընթեր Սևանա լճի հիմնահարցերի հանձնաժողովի նախագահ Վլադիմիր Մովսիսյանը հայտնեց,  որ  Սևանի մակարդակը ներկայումս  գտնվում է 1900.19 մետրի վրա:

2001 թ. ընդունված օրենքների համաձայն` Սևանա լճի մակարդակը 10 տարում պետք է բարձրանար 216 սմ, սակայն բարձրացել է 380 սմ-ով, որից 126 սմ` վերջին 3 տարում; Այսինքն` տարեկան միջին հաշվով Սևանը բարձրանում է  30 սմ-ով, իսկ վերջին 3 տարում` 42 սմ-ով:

Զուգահեռ` նվազել է Սևան լճից ջրի բացթողումը: Ըստ օրենքի` այն չի կարող գերազանցել տարեկան 170 մլն խոր. մետր ծավալը, փաստացի միջինը կազմում  է 158 մլն խոր. մետր:

Ներկայումս, ըստ Վլ. Մովսիսյանի, Սևանա լճի մակարդակը հավասարվել է 1963 թ. մակարդակին:

«Վերջին 10 տարվա ընթացքում երբևէ չի եղել Սևանի ջրի բացթողնման ու ներհոսքի բացասական հաշվեկշիռ»,- ասաց Վլադիմիր  Մովսիսյանը:

Չնայած այս ոգևորող ցուցանիշներին,   պետք  է փաստել,  որ դեռևս անլուծելի են մնում ջրի  բարձրացման հետևանքով առաջացած խնդիրները: Մենք   նախորդ հրապարակումներում անդրադարձել էինք  այս խնդիրներին.  երբ առափնյա մի շարք գյուղերի բնակիչներ բողոքում էին բնակարանների խոնավ լինելուց,  պադվալային հարկերում  ջրի առկայությունից, որն էլ իր հերթին ծնում է մի շարք հիվանդություններ: Մինչդեռ,  մինչ  օրս պարզ չէ,  թե ինչպես է փոխհատուցվելու այդ վնասները: Կամ մի քանի տարի հետո ի՞նչ ճակատագիր է սպասվում  «Հայկական Վենետիկի» բնակիչներին:

Հայաստանի կառավարությունը մարտի 1-ին կայացած նիստում որոշում է կայացրել մարտի 17-ի աշխատանքային շաբաթը տեղափոխել մարտի 24:

Կառավարությունն ավելի վաղ մարտի 9-ի աշխատանքային օրը տեղափոխել էր մարտի 17: Որոշումը պայմանավորված էր այն հանգամանքով, որ Հայաստանի քաղաքացիները կարողանան 4 օր հանգստանալ մարտի 8-ի Կանանց միջազգային օրվա կապակցությամբ:

Կառավարության աշխատակազմի ղեկավար Դավիթ Սարգսյանը նոր տեղափոխությունը պայմանավորել է քաղաքական օրացույցով, նաեւ նախագահի միջոցառումների ժամանակացույցով:

Փետրվարի 27-ին, ժամը 14.05-ին, ոստիկանության Մալաթիայի բաժնի ծառայողները, գողություն կատարելու կասկածանքով, բերման են ենթարկել Երևանի հարսանյաց սրահներից մեկի 29-ամյա մատուցողին, որը փետրվարի 12-ին երիտասարդ մի զույգի հարսանյաց հանդիսության ընթացքում նորապսակների սեղանից գողացել է հարսանյաց նվերներից մեկը՝ ծրար, որի մեջ եղել է 320.000 դրամ:

Հանրապետությունում այսօր, մարտի 1-ին և 2-ին, մարտի 4-ի ցերեկը շրջանների զգալի մասում, իսկ 3-ին արևելյան շրջաններում սպասվում են տեղումներ:

Արտակարգ իրավիճակների նախարարության լրատվական ծառայությունից  տեղեկացնում են, որ մարտի 1-ի երեկոյան ժամերին, 2-ին, 4-ի ցերեկը` ամենուրեք ձյուն է սպասվում: Մարտի 4-ի գիշերը սպասվում է առանց տեղումների եղանակ:

Մարտի 1-2-ը առանձին վայրերում հնարավոր է քամուուժգնացում` 18-23 մ/վ, լեռնային շրջաններում և լեռնանցքներում սպասվում է բուք, ճանապարհներին` մերկասառույց:
Օդի ջերմաստիճանը մարտի 2-ի գիշերը կնվազի 4-6, ցերեկը` 8-10, իսկ 3-ի գիշերը` ևս 2- 4 աստիճանով:

Երևանում այսօր, մարտի 1-ին և 2-ին, 4-ի ցերեկը ժամանակ առ ժամանակ սպասվում են տեղումներ: Մարտի 1-ի երեկոյան ժամերին, 2-ին, 4-ի ցերեկը սպասվում է ձյուն: Մարտի 3-ին և 4-ի գիշերը սպասվում է առանց տեղումների եղանակ:

Փետրվարի 28-ին, ժամը 23.50-ին, «Մերսեդես Ց-180»  մակնիշի ավտոմեքենան Մասիս քաղաքում  բախվել  է «ՎԱԶ-2108»  մակնիշի ավտոմեքենայի, ինչի հետևանքով «Մերսեդես Ց-180»-ի երկու ուղևորները մարմնական վնասվածքներով տեղափոխվել են հիվանդանոց:

Հայաստանի կրթության եւ գիտության նախարարությունում, փետրվարի 28-ին, նախարար  Արմեն Աշոտյանը եւ «Տաշիր» բարեգործական հիմնադրամի տնօրեն Աշոտ Վարոսյանը կստորագրեն կրթության ոլորտում համագործակցության մասին հուշագիր:

ԿԳՆ մամուլի ծառայությունից  հայտնում են, որ հուշագրով նախատեսվում է ֆինանսական աջակցություն տրամադրել լավագույն ուսանողներին եւ ուսուցիչներին: Ծրագրում ներառված են նաեւ Լեռնային Ղարաբաղի հանրապետությունն ու Ջավախքը: