Այսօր տեղի է ունենալու ԿԳ լեզվի պետական տեսչության պետի թափուր պաշտոնի մրցույթը` թեստավորման ու հարցազրույցի փուլերով, և հենց նույն օրն էլ հայտնի կդառնա հաղթողի կամ հաղթողների անունները: Ըստ «Քաղծառայության մասին» օրենքի, հաղթողին այդ պաշտոնում պետք է նշանակի ԿԳ նախարարը` եռօրյա ժամկետում: Եթե մրցույթի հաղթողները լինեն մեկից ավելի, ապա նախարարն ինքը կընտրի, թե ում նշանակել: Հայտնի է, որ Լեզվի պետական տեսչության պետի թափուր պաշտոնի մրցույթին, ըստ պաշտոնապես չհաստատված տեղեկությունների, մասնակցելու են տեսչության պետի ժամանակավոր պաշտոնակատար Սերգո Երիցյանը և նրա տեղակալ Մարինե Հովյանը, որը թերթի թղթակցի հարցին ի պատասխան` հաստատել է իր հավակնությունը նշված պաշտոնին:

Այսօրվանից պաշտոնական մեկնարկել է քաղաքական ուժերի` Հայաստանում կուսակցությունների և դաշինքների, ինչպես նաև մեծամասնական ընտրակարգով առաջադրումնեը:

Ժամկետը մինչև մարտի 22 ն է: Ապա թեկնածուների գրանցման գործընթացն է, որից հետո ապրիլի 8-ից` կմեկնարկի պաշտոնական քարոզարշավը:

«Ժառանգություն» կուսակցությունը դեռ հստակեցնելու խնդիրներ ունի, որը հավանաբար կավարտի մարտի 18ին կկայանալիք կուսակցության խորհրդի նիստում: Այստեղ է որ կորոշվի «Ազատ դեմոկրատներ» կուսակցության հետ համագործակցելու ձևաչափերը, համամասնական ցուցակի, և մեծամասնական ընտրակարգով առաջադրումների հարցը։

ԲՀԿ ու ՀՀԿ-ն չեն շտապում նրանց փոխադարձ ճշգրտումները ձգվում են մինչև վերջին օրերը: Այնպես որ զարմանալի չէ, որ առաջադրումները կատարվելու են մարտի 20- 21ին:

Նրանց հետ համագործակցող կուսակցությունները, դաշինքները և մյուս ուժերը սպասումների մեջ են:

Այդ առումով թերևս առավել կանխատեսելի է ՀՅԴ առաջադրումը: Իսկ Հայ Ազգային Կոնգրեսը դեռ լուռ է:

Հայաստանի հանրապետական կուսակցությունն իր 13-րդ համագումարում միաձայն ընտրեց նոր գործադիր մարմնի կազմը՝ թվով 19 անդամ:

Գործադիր մարմնի նոր անդամներն են՝  ԿԳ նախարար Արմեն Աշոտյանը, Հովիկ Աբրահամյանը, Կարեն Ավագյանը, Գագիկ Բեգլարյանը, Դերենիկ Դումանյանը, Ռազմիկ Զոհրաբյանը, Ռուբեն Թադևոսյանը, Մուշեղ Լալայանը, Կարեն Կարապետյանը, Տիգրան Սարգսյանը, Հրանուշ Հակոբյանը, Դավիթ Հարությունյանը, Տարոն Մարգարյանը, Գագիկ Մինասյանը, Հերմինե Նաղդալյանը, Սամվել Նիկոյանը, Էդուարդ Շարմազանով, ևԳալուստ Սահակյանը:

ՀՀԿ 13-րդ համագումարում ընտրվեց նաև վերստուգիչ հանձնաժողովի կազմը՝ թվով 11 անդամ:

ՀՀԿ գործադիր կազմից դուրս է մնացել Հարություն Փամբուկյանը:

Մարտի 9-ին, ժամը 22.30-ին ահազանգ է ստացվել, որ Շիրակի մարզի Նոր Կյանք գյուղում այրվում է անասնակեր:Դեպքի վայր է մեկնել մեկ մարտական հաշվարկ:Հրդեհը մեկուսացվել է ժամը 23.12-ին, մարվել՝ 01.10-ին:Հ. Պետրոսյանին պատկանող տանը կից հացատանն այրվել են հացատան տանիքի փայտյա կոնստրուկցիաները` 60 քմ, 100 հակ կուտակված անասնակեր և գոմաղբ` 1 խմ:

Մարտի 8-ից մինչ ապրիլի 7-ը կանցկացվի արդեն ավանդական դարձած «Ձեզ համար կանայք» անվճար բուժօգնության մեկամսյակ,այն  ի տարբերություն նախորդ տարիների,Երևանի քաղաքապետ Տարոն Մարգարյանի կարգադրությամբ կիրականացվի ոչ միայն «Սուրբ Աստվածամայր» բժշկական կենտրոնում, այլ նաև մայրաքաղաքի բազմապրոֆիլ այլ բուժհաստատություններում:

Առողջական խնդիրներ ունեցող կանայք նախ պետք է դիմեն իրենց տարածքային պոլիկլինիկաներ, որտեղ հետազոտություններ անցնելուց հետո` անհրաժեշտության դեպքում, կուղեգրվեն համապատասխան բուժհաստատություն:

Մարտի 6-ին, ժամը 13.00-ի սահմաններում, «Ֆորդ»  մակնիշի ավտոմեքենան Գորիս-Երևան ճանապարհի 8-րդ կմ-ին բախվել է «Օպել-Վեկտրա»  մակնիշի ավտոմեքենայի:Պատահարի հետևանքով «Օպել-Վեկտրա»-ի 2 ուղևորները և «Ֆորդ»-ի 3 ուղևորները  մարմնական վնասվածքներով տեղափոխվել են հիվանդանոց:

Այս պահին ավարտվեց բանակցությունները և կարծես «Արմավիային» եւ «Զվարթնոցին» հաջողվել է պայմանավորվածություն ձեռք բերել չվերթների իրականացման հարցում: «Զվարթնոց» օդանավակայանում արդեն սկսվել է «Արմավիա» ավիաընկերության Երևան-Մոսկվա թիվ 509 չվերթի ուղևորների գրանցումը: Որին կհետևի նաև Երևան-Մոսկվա թիվ 512 և Երևան-Դոնի Ռոստով թիվ 928 չվերթների հետ կապված խնդիրների լուծումը:

Հայաստանի քաղավիացիայի գլխավոր վարչության մամուլի քարտուղար Նելլի Չերչինյանը արդեն հայտնել է, որ իրենց նախաձեռնությամբ սկսված բանակցություններն ավարտվել են, «Արմիավիան» համաձայնվել է դադարեցնել գործադուլը, պայմանավորվել են նաև առաջիկա շաբաթների ընթացքում համաձայնության գալ խնդիրների շուրջ:

Հիշեցնենք որ «Արմավիա» ավիաընկերությունն այսօր առավոտյան, ժամը 6:45-ից գործադուլ է հայտարարել և հրաժարվել  սպասարկել չվերթները` պատճառաբանելով, որ «Արմենիա միջազգային օդանավակայաններ» ընկերությունը բարձրացրել է սպասարկման գները:

Հայաստանի տարածքում, այսօր ժամը 10.30-ի դրությամբ, միջպետական նշանակության ավտոճանապարհները դժվարանցանելի են:

Հայաստանի ԱԻՆ մամուլի ծառայությունից  հայտնում են, որ ձնաբքի և ուժեղ քամու պատճառով այս պահի դրությամբ Արագածոտնի մարզում հոսանքազրկված են հինգ գյուղեր` Ղազարավան, Ուշի, Սաղմոսավան, Արտաշավան, Օհանավան: «Հայաստանի էլեկտրացանցեր» ՓԲԸ-ի կողմից կատարվում են վթարավերականգնողական աշխատանքներ:

Ձնաբքի, մերկասառույցի եւ վատ տեսանելիության պատճառով փակ են Սելիմի լեռնանցքը, Վերին-Գետաշեն-Մադինա, Բերդ-Ճամբարակ, Ալագյազ-Նորաշեն, Ուրցաձոր-Լանջառ, Գյումրի-Սպիտակ, Գյումրի-Աշոցք, Գյումրի-Ամասիա, Արագածոտնի մարզում` Թալինի եւ Ապարանի տարածաշրջանում միջհամայնքային ավտոճանապարհները:

Դժվարանցանելի են Երեւան-Հրազդան, Երեւան-Զովունի, Դիլիջան-Սեւան, Կոտայքի մարզի Ալափարս-Սոլակ, Գեղարքունիքի մարզի Ծովակ-Ախպրաձոր ավտոճանապարհները եւ Գյումրի-Երեւան ավտոճանապարհի Լանջիկ-Մաստարա հատվածը:

ԱԻ նախարարությունը խնդրում է զերծ մնալ վերոնշյալ ճանապարհներով երթեւեկելուց:

Կատարվում են ճանապարհների մաքրման եւ մշակման աշխատանքներ: Ճանապարհների մաքրման աշխատանքները եւ երթեւեկության անվտանգությունը իրականացվում են “ՃՇՇ”-ների եւ ճանապարհային ոստիկանության համապատասխան ստորաբաժանումների հետ համատեղ:

Մարտի 5-ի, ժամը 10.30-ի դրությամբ, Վրաստանի ՆԳՆ արտակարգ իրավիճակների դեպարտամենտից ստացված տեղեկատվության համաձայն` Վրաստանի տարածքում եղանակը զգալիորեն վատացել է, եւ առկա է ձնահյուսքի վտանգ, ինչպես նաեւ վատ տեսանելիություն:

Մցխեթա-Ստեփանծմինդա-Լարս ավտոճանապարհը փակ է:

Նույն ճանապարհի Պասանաուրի — Գուդաուրի(Պոստա)  եւ Կոբի- Լարսի հատվածներում առատ ձյան  պատճառով  երթեւեկությունը արգելված է  կցորդների,  կիսակցորդների  եւ 30-ից ավելի նստատեղ ունեցող  ավտոբուսների համար: Այլ մեքենաների համար Պասանաուրի- Մլեթա հատվածում երթեւեկությունը  բաց է, Մլեթա-Գուդաուրի(Պոստա) եւ Կոբի- Լարսի հատվածներում թույլ է տրվում հակատեղապտտման շղթաներ օգտագործելու պարագայում: 2 տանող կամրջակներով մեքենաների համար երթեւեկությունը բաց է: Ստեփանծմինդա-Լարսի հատվածում մեքենաների կանգ առնելը արգելված  է:

Երթեւեկության նշված կարգը կլինի Պարեկային Ոստիկանության անմիջական  հսկողության եւ համակարգման ներքո:

Ճանապարհի այլ հատվածներում երթեւեկությունը բաց է: