Անշարժ գույքը մեր երկրում էժանացել է: Այս մասին վկայում են նաև պաշտոնական թվերը: ՀՀ կառավարությանն առընթեր Անշարժ գույքի կադաստրի պետական կոմիտեի տվյալներով, 2012թ. փետրվարին, 2012թ. հունվարի համեմատ, անշարժ գույքի օտարման գործարքների քանակը Հայաստանում նվազել է 20.1%-ով, իսկ 2011թ. փետրվարի համեմատ` 14.8%-ով:

2012թ. փետրվարին անշարժ գույքի նկատմամբ իրականացված 3015 օտարման գործարքների 78.2%-ը կազմել են առուվաճառքները, 21.1%-ը` նվիրատվությունները և 0.7%-ը` փոխանակությունները: Օտարման գործարքները հիմնականում նվազել են առուվաճառքի գործարքների հաշվին:

Անշարժ գույքի գները.

Երեւանում բազմաբնակարան շենքերի 1 քառ. մետրի միջին արժեքը 2012 թ. փետրվարին կազմել է 250.1 հազ. դրամ (չի ներառում միայն Նորք Մարաշի տվյալները), 2011 թ. 260 հազ. դրամի համեմատ: Ընդ որում` Կենտրոնում 1 քառ. մետրն արժե` 400 հազ. դրամ (2011 թ. փետրվարին` 442.8 հազ. դրամ), Արաբկիրում` 334 հազ. դրամ (2011 թ. փետրվարին` 356.1 հազ. դրամ), Քանաքեռ-Զեյթունում` 260.1 հազ. դրամ (2011 թ. փետրվարին` 275.2 հազ. դրամ), Նոր Նորքում` 225 հազ. դրամ (2011 թ. փետրվարին` 228.1 հազ. դրամ), Ավանում` 234 հազ. դրամ (2011 թ. փետրվարին` 231 հազ. դրամ), Էրեբունիում` 233.4 հազ. դրամ (2011 թ. փետրվարին` 236.3 հազ. դրամ), Շենգավիթում` 229.1 հազ. դրամ (2011 թ. փետրվարին` 237.3 հազ. դրամ), Դավթաշենում` 254 հազ. դրամ (2011 թ. փետրվարին` 261.4 հազ. դրամ), Աջափնյակում` 221 հազ. դրամ (2011 թ. փետրվարին` 222.2 հազ. դրամ), Մալաթիա Սեբաստիայում` 219.8 հազ. դրամ (2011 թ. փետրվարին` 221 հազ. դրամ), Նուբարաշենում` 140 հազ. դրամ (2011 թ. փետրվարին` 149 հազ. դրամ):

Այսօր ինքնասպանություն է տեղի ունեցել Երևանում։ Ինչպես դեպքի վայրից Tert.am–ին հայտնել  է ֆոտոլրագրող Գագիկ Շամշյանը, ժամը 15-ի սահմաններում Դավիթաշենի կամուրջից մոտ 45-50 տարեկան տղամարդն իրեն ցած է նետել։  Այս պահին դեպքի վայր են ժամանել Ոստիկանության Դավիթաշենի բաժնի օպերատիվ խումբը՝ բաժանմունքի պետ Հրաչ Բաբայանի գլխավորությամբ։

Տեղում է նաև 1-03 շտապօգնության ծառայության և Արտակարգ իրավիճակների նախարարության փրկարար ծառայության ճգնաժամային կառավարման կենտրոնի օպերատիվ խումբը։

Դեպքի վայր է կանչվել Ոստիկանության քննչական գլխավոր վարչության Մաշտոցի քննչական բաժնի խումբը։ Այս պահին Ոստիկանությունը ձեռնարկում է միջոցառումներ՝ պարզելու համար ինքնասպանություն գործած անձի տվյալները։

Մայիսի 4-ին Գնահատման և թեստավորման կենտրոնում տեղի է ունեցել ԳԹԿ-ի ներկայացուցիչների և ՀՀ Պետական և մասնավոր բարձրագույն ուսումնական հաստատություններում ձևավորված ընդունող հանձնաժողովների պատասխանատու քարտուղարների հանդիպումը:Հանդիպման ընթացքում քննարկվել է 2012թ. ԲՈՒՀ-ում դիմորդների փաստաթղթերի ընդունման և հայտագրման գործընթացը:

Տեղեկացնում են, որ դիմորդների փաստաթղթերի ընդունումը և մասնագիտությունների հայտագրումը իրականացվելու է սույն թվականի մայիսի 5-ից մինչև հունիսի 1 (ժամը 18:00)-ն ընկած ժամանակահատվածում:

Հիշեցնենք, որ դիմրդը կարող է հայտագրել Հայաստանի Հանրապետությունների մեկ կամ մի քանի պետական և մասնավոր ԲՈՒՀ-երի’ մինչև երկու անվճար և ութ վճարովի մասնագիտությունները:

Քննարկվել է նաև ՀՀ Օրենսդրությամբ սահմանված արտոնություններից օգտվող դիմորդների փաստաթղթերի ընդունման եղանակը, ինչպես նաև փաստաթղթերի ընդունման և հայտագրման գործընթացին առընչվող այլ հարցեր:

Այցելելով ԳԹԿ-ի կայքը(www.atc.am) կարող են ծանոթանալ ՀՀ պետական և ոչ պետական բուհերի բակալավրի կրթական ծրագրով մասնագիտությունների, ընդունելության քննությունների, անվճար և վճարովի տեղերի, վարձաչափերին:

«Բարգավաճ Հայաստան» կուսակցության առաջնորդ Գագիկ Ծառուկյանը ուղերձ է հղել, որում իր երախտիքի խոսքն է հայտնում իր ղեկավարած կուսակցությանը վստահություն հայտնած քաղաքացիներին:

Գագիկ Ծառուկյանի ուղերձը ստորև.

Հայասատանի Հանրապետության քաղաքացիներ
Սիրելի քույրեր և եղբայրներ
Մայիսի 6-ին կայացած խորհրդարանական ընտրությունները շարունակում են գտնվել մեր հանրության ուշադրության կենտրոնում:

Այսօր ես իմ երախտիքն ու շնորհակալությունն եմ հայտանում բոլոր այն քաղաքացիներին, ովքեր հավատացին ինձ ու իմ թիմին և իրենց ձայնը տվեցին «Բարգավաճ Հայաստան» կուսակցությանը: Այդ մարդկանց թիվը աննախադեպ մեծ է: Ավելի քան 450. 000 հազար մարդ։

Ես շնորհակալություն եմ հայտնում նաև բոլոր նրանց, ովքեր քվեարկեցին այլ քաղաքական ուժերի օգտին` պայմանով, որ իրենց որոշման հիմքում ունեցել են սեփական խիղճն ու համոզմունքները:

Ես շնորհակալություն եմ հայտնում իմ թիմակիցներին, ովքեր ահռելի աշխատանք կատարեցին, և կրկին վստահեցնում եմ, որ գնահատվելու են նրանք, ովքեր աչքի են ընկել իրենց արդյունավետ աշխատանքով և պարկեշտությամբ:

Սիրելի ժողովուրդ.
Վերջին մեկ ամսվա ընթացքում ես եղել եմ մեր երկրի գրեթե բոլոր քաղաքներում, մեծ և փոքր համայնքներում ու գյուղերում: Հանդիպել եմ հարյուր հազարավոր իմ հայրենակիցների հետ: Այսօր ես ուզում եմ վերահաստատել այն հիմնական ուղերձները, որոնք ես ուղղել եմ ժողովրդին:

Ինձ համար չկա ավելի թանկ բան` քան ժողովրդի վստահությունը: Եվ ես այդ վստահությունը սրբորեն պահելու եմ: Ինձ համար չկա ավելի կարևոր գործ` քան մեր ժողովրդի և պետության առջև ծառացած հիմնախնդիրները լուծելը, մարդկանց հոգսը թեթևացնելը: Սա այլևս իմ կյանքի հիմնական նպատակն է:

Ես վստահեցնում եմ, որ իմ հետագա քաղաքական բոլոր որոշումները կայացվելու են իմ թիմակիցների հետ խորհրդակցելուց և քննարկելուց հետ: Իսկ իմ բոլոր քաղաքական քայլերը լինելու են բաց, թափանցիկ և ժողովրդի կողմից ընդունելի:

Մեր կայքը կրկին կոտրել են, այս անգամ  կայքի բովանդակության մասին  հազարավոր կեղծ բողոքներ հղելով: Եւ ի լրումն` ջնջել են մեր խորագրի վերջին` « Ընտրությունները բոցերի մեջ» հրապարակումը, ուր նաև հիշատակվել էր այն վարկածը, որ մայիսի 9-ին Հանրապետության հրապարակի հսկայական հրդեհը դիվերսիայի արդյունք էր:

Դրանով մեզ անհայտ պատվիրատուները հաստատեցին, որ այդ վարկածի շրջանառումը համարում են նույնիսկ ավելի անցանկալի, քան նախընտրական շրջանում իրականացված կեղտոտ կիբերհանցագործությունների կոնկրետ կազմակերպիչների և կատարողների անհատական տվյալների հրապարակումը:

 «Հայկական վարկածը»  լիազորված է հայտարարել` մենք առավել քան երբևէ հետևողական ենք լինելու մայիսի 4-ին Հանրապետության հրապարակում կատարված քստմնելի դիտավորյալ հանցագործության բացահայտման հարցում (իսկ այլևս կատարվածի միտումնավոր բնույթը ոչ մի կասկած չի հարուցում): Իսկ հիմա կրկին զետեղում ենք կայքը կոտրելու դրդապատճառ հանդիսացած նյութը:

http://www.armversion.am/

Այսօր, ժամը 05.18-ին ահազանգ է ստացվել, որ Երևանի Ղազար Փարպեցու փողոցի թիվ 14/11 շենքի նկուղային հարկում այրվում է բար: Դեպքի վայր է մեկնել հրշեջների երկու մարտական հաշվարկ: Պարզվել է, որ հրդեհվել է Ա.Օգանեսովային պատկանող «MEIR AND HAND» բառը: Կրակը տարածվել է նախասրահից, վառվել են հատակի փայտյա կառուցատարրերը, սառնարան, էլեկտրական սարքավորումներ և բար-սեղանը:

”Երևան Ջուր” ընկերությունը տեղեկացնում է իր  սպառողներին, որ, վերանորոգման աշխատանքների հետ կապված, ս.թ. մայիսի 7-ին ժ. 10.00-24.00 կդադարեցվի Քանաքեռ-Զեյթուն վարչական շրջանի Ռադիշչև, Բուսաբանական, Ռուբինյանց փողոցների, Մյասնիկյան պողոտայի, Էմինեսկու փ. 1, 2 շենքերի, Դ. Անհաղթի փ. 6-18, 23 շենքերի, Գոգոլի փ. 1-9 շենքերի և 1-90 առանձնատների, Ռայնիսի փ. 1-68, Շովրոյան և Նորաշխարհյան փողոցների առանձնատների, Ուլնեցու փողոցի ռեստորանային համալիրների, գունավոր տպարանի, հանրակացարանի և հարակից տարածքների ջրամատակարարումը:

Ընկերությունը հայցում է սպառողների ներողամտությունը պատճառված անհանգստության և կանխավ շնորհակալություն հայտնում ըմբռնման համար:

”Երևան Ջուր” ՓԲԸ

«Հայկական ժամանակ».  Երեկ կեսգիշերին մոտ Երևանի Պարոնյան փողոցում իր շքախմբով հայտնվել էր Երևանի նախկին քաղաքապետ, այժմ ՀՀԿ գործադիր մարմնի անդամ Գագիկ Բեգլարյանը: Նա կանգնած ինչ-որ բանի մասին էր զրուցում ոստիկանության Կենտրոնի բաժնի պետի տեղակալներ Արայիկ Պետրոսյանի, Արթուր Հովհաննիսյանի և այլ աշխատակիցների հետ: Թերթի թղթակցի հարցին, թե ինչ է պատահել, Բեգլարյանն ասել է` ոչինչ, ավելի ուշ ավելացրել է. «Բան էր եղել, եկել էինք պարզեինք, պարզվեց, որ լոժնի էր»: Հարցին, թե ինչպիսի ընտրություններ է ակնկալում, և արդյո՞ք մայիսի 6-ին «պատերազմի» սպասենք, Բեգլարյանն ասել է. «Մինչև այսօր նորմալ է: Առաջվա պես չի: Շատ հանգիստ է վիճակը»: Նա հրաժարվել է պատասխանել հարցին` ընտրողների ձայների քանի տոկոսը կստանա ՀՀԿ-ն: «Ես հո գուշակ չեմ»,- ասել է նա: