Հայաստանի արտգործնախարար Էդվարդ Նալբանդյանն ուրբաթ օրը ընդունել է Ֆրանսիայի Սենատի անդամներ Սոֆի Ժուասենին, Ֆիլիպ Մարինիին եւ Բերնար Ֆուրնիեին:

Ինչպես փոխանցում է արտգործնախարարության տեղեկատվության եւ հասարակայնության հետ կապերի վարչությունը, ողջունելով հյուրերին` Էդվարդ Նալբանդյանը բարձր է գնահատել ֆրանսիացի սենատորների անձնական ներդրումը հայ-ֆրանսիական բարեկամական հարաբերությունների ամրապնդման եւ խորացման, ինչպես նաեւ Հայաստանի եւ Ֆրանսիայի խորհրդարանների համագործակցության զարգացման գործում:

«Հայաստանի արտգործնախարարն ողջունել է ֆրանսիացի սենատորների այցելությունն Արցախ՝ ընդգծելով, որ նմանատիպ այցելությունները հնարավորություն են ստեղծում անձամբ տեսնելու եւ առաջին ձեռքից տեղեկանալու տեղի ունեցող զարգացումների մասին: Ֆրանսիացի սենատորներն իրենց հերթին գոհունակություն են հայտնել Հայաստան եւ Արցախ իրենց այցելությունից եւ կիսվել են Ստեփանակերտում ունեցած հանդիպումների տպավորություններով: Սենատորները բարձր գնահատական են տվել Արցախում հաստատված ժողովրդավարական կարգերին», — ասված է արտգործնախարարության տարածած հաղորդագրությունում:

«Չնայած Հանրապետական կուսակցությունը դեռևս չի որոշել, թե ով որտեղ է նշանակվելու, բայց առանձին պորտֆելներ արդեն կոնկրետ հասցեատերեր ունեն: Օրինակ` առողջապահության նախարարի պաշտոնին հավակնող ՀՀԿ-ական երկու թեկնածու կա` Արա Բաբլոյանը և Դերենիկ Դումանյանը: Թերթի աղբյուրների վկայությամբ` ՀՀԿ առաջնորդ Սերժ Սարգսյանն արդեն վերջնականապես որոշել է նախարար «կարգել» Արա Բաբլոյանին», — գրում է «Հայացք» օրաթերթը:

Այսօր ԿԸՀ ինքնաբացարկի դիմում են ներկայացրել նաև ՀՅԴ համամասնական ցուցակի պատգամավորի թեկնածուներ Արտյուշա Շահբազյանը և Կարինե Հարությունյանը:
Արտյուշա Շահբազյանը  ցուցակի 3-րդ տեղում էր,  իսկ Կարինե Հարությանանը՝ 6-րդ:

Քանի որ ՀՅԴ-ն ՀՀ 5-րդ գումարման Ազգային ժողովում ներկայացված է լինելու 6 պատգամավորով, երկու ինքնաբացարկները թույլ կտան պատգամավորի մանդատ ստանալու ՀՅԴ համամասնական ցուցակի 7-րդ համարին՝ Արմեն Բաբայանին:

Ըստ նախնական վարկածի ՀՀԿ-ի համամասնական ցուցակով խորհրդարան կանցնեն.

1 — Հովիկ Աբրահամյան

2 — Սամվել Նիկոյան

3 — Գալուստ Սահակյան

4 — Ռազմիկ Զոհրաբյան

5 — Գագիկ Մինասյան

6 — Գագիկ Բեգլարյան

7 — Հերմինե Նաղդալյան

8 — Դավիթ Հարությունյան

9 — Էդուարդ Շարմազանով

10 — Մանվել Գրիգորյան

11 — Շուշան Պետրոսյան

12 — Արտաշես Գեղամյան

13 — Խոսրով Հարությունյան

14 — Հայկ Բաբուխանյան

15 — Արա Բաբլոյան

16 — Կարինե Աճեմյան

17 — Կարեն Ավագյան

18 — Լևոն Մարտիրոսյան

19 — Մարգարիտ Եսայան

20 — Վարդան Այվազյան

21 — Կարեն Ճշմարիտյան

22 — Ռաֆիկ Գրիգորյան

23 — Վահրամ Բաղդասարյան

24 — Ռուզաննա Մուրադյան

25 — Նախապետ Գեւորգյան

26 — Մարտին Սարգսյան

27 — Առաքել Մովսիսյան

28 — Համլետ Հարությունյան

29 — Նաիրա Կարապետյան

30 — Հովհաննես Սոֆոյան

31 — Սպարտակ Մելիքյան

32 — Շիրակ Թորոսյան

33 — Արտակ Զաքարյան

34 — Արայիկ Հովհաննիսյան

35 — Արմեն Մխիթարյան

36 — Արտակ Դավթյան

37 — Արփինե Հովհաննիսյան

38 — Վոլոդյա Բադալյան

39 — Մկրտիչ Մինասյան

40 — Տաճատ Վարդապետյան

ՀՀԿ-ն համամասնական ընտրակարգով ստացել է 44,02 տոկոս ձայն, որի դեպքում ստացվում է ԱԺ 40 մանդատ:

Մայիսի 27-ին Հոգեգալստյան տոնը է նշվում է Սևանի Ս. Առաքելոց վանքի ուխտի օր:

Այն հռչակվել է տարիներ առաջ Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսի օրհնությամբ:

Տոնի առիթով վանքում ժամը 11:00-ին կմատուցվի Սուրբ Պատարագ (թափորը ժամը 10:30-ին), որից հետո կկատարվի Անդաստանի կարգ և մատաղի օրհնություն:

Հավատավոր հայորդիները հրավիրում են ուխտագնացության հնամենի սրբավայր:

Մայիսի 23-ին, ժամը 11.15-ին, ոստիկանության ծառայողները «Հաղթանակ» զբոսայգու տարածքում ապօրինի ծառահատում կատարելու համար բերման են ենթարկել 1985 թ. ծնված Արթուր Հ.-ին և 1981 թ. ծնված Գրիգոր Խ.-ին, որոնք 4 ծառ էին հատել:

Նշանակվել է փորձաքննություն:

Կատարվում է հետաքննություն:

Ինչպես տեղեկացրել էինք՝ մայիսի 21-ին, ժամը 01.40-ին, «ԲՄՎ» մակնիշի  ավտոմեքենան Սեբաստիայի փողոցում բախվել  էր ծառին, ապա՝ կանգառի նստարանին:

Վարորդը՝  24-ամյա Դավիթ Ավետիսյանը, մարմնական վնասվածքներով տեղափոխվել էր հիվանդանոց:

Ավետիսյանը նույն օրը երեկոյան «Արմենիա» բժշկական կենտրոնի վերակենդանացման բաժանմունքում մահացել է:

Կատարվում է քննություն:

Վարչապետ Տիգրան Սարգսյանն ընդունել է գերմանական Commerzbank-ի գործադիր խորհրդի անդամ, ֆինանսական կառույցների ղեկավար Քրիստոֆ Գաբրիել Մետցեի գլխավորած պատվիրակությանը:

Զրուցակիցները քննարկել են գերմանական բանկի գործունեությանը, հայաստանյան գործընկերների հետ համագործակցությանը եւ Եվրոպայում առկա տնտեսական վիճակին առնչվող հարցեր:

Գերմանական պատվիրակության խնդրանքով վարչապետ Սարգսյանն անդրադարձել է Հայաստանի տնտեսական քաղաքականությանն ու զարգացման ուղղություններին, մասնավորապես,  հանգամանալից կերպով ներկայացրել է արդյունաբերական քաղաքականության ռազմավարությունը եւ նրանում ընդգրկված ճյուղերում նախատեսված ծրագրերը:

Քրիստոֆ Գաբրիել Մետցեն նշել է, որ Commerzbank-ն ունի այնպիսի հաճախորդ ընկերություններ, որոնք ակտիվ գործունեություն են ծավալում ռազմավարության մեջ ներառված բնագավառներում եւ հետաքրքրված կլինեն հնարավոր ներդրումներով: Այս համատեքստում, զրուցակիցները պայմանավորվածություն են ձեռք բերել  Գերմանիայում կազմակերպել բիզնես ֆորում, որը գերմանական ընկերություններին  տեղեկատվություն կփոխանցի Հայաստանի տնտեսական ծրագրերի մասին: