ԲՀԿ ղեկավար Գագիկ Ծառուկյանը աշխատանքից ազատվելու դիմում է պահանջել  իր մամլո խոսնակ Խաչիկ Գալստյանից:

«Գալստյանն, ըստ շրջանառվող լուրերի, գրել է ազատման դիմումը և այլևս չի հանդիսանում Ծառուկյանի մամլո  քարտուղարը:

Ավելացնենք, որ ԲՀԿ առաջնորդը հիմա փնտրում է իրեն համար մամլո խոսնակ, ինչպես նաև իր իմիջի վրա աշխատող մարդկանց խումբ»,- գրում է «Չորրորդ ինքնիշխանություն» թերթը:

Հայաստանի ֆինանսների նախարարության «Թանկարժեք մետաղների եւ թանկարժեք քարերի պետական գանձարան» գործակալության կողմից հունիսի 4-10-ի համար սահմանվել են թանկարժեք մետաղների մեկ գրամ քիմիապես մաքուր մետաղի (պետական ստանդարտ ձուլակտորի համար) պետական գնման և բացթողնման հետևյալ գները` արտահայտված ՀՀ դրամով.

ՈՍԿԻ` գնման գին` 18845.84 (-41.03), բացթողնման գին` 20484.61 (-44.6),

ԱՐԾԱԹ` գնման գին` 336.46 (-1.77), բացթողնման գին` 365.72 (-1.92),

ՊԼԱՏԻՆ` գնման գին` 17058.83  (-260.37), բացթողնման գին`  18542.21 (-283.01),

ՊԱԼԱԴԻՈՒՄ` գնման  գին` 7260.19 (+1.77), բացթողնման գին` 7891.51 (+1.92):

Հունիսի 2-ին, Հրազդանի կիրճում` Փարաջանովի տուն–թանգարանի մոտակայքում, ժայռաբեկորների վրա մարդ է ընկել եւ նրան դուրս բերելու համար անհրաժեշտ էր փրկարարների օգնությունը: Այս մասին տեղեկացրել է ոստիկանությունը:

Փրկարարները, ոստիկանության աշխատակիցների հետ համատեղ, կիրճից դուրս են բերել Արարատի մարզի Մասիս քաղաքի «Նոր» թաղամասի թիվ 10 շենքի բնակիչ` 36-ամյա Էմիլ Գիզողլյանին, որը տեղափոխվել է թիվ 1 համալսարանական հիվանդանոց եւ հրաժարվելով բուժօգնությունից` դուրս գրվել:

Ավարտվեց «Ժառանգություն» կուսակցության համագումարը։ Առաջիկա երկու ժամվա ընթացքում Վարչությունը կորոշի  Րաֆֆի Հովհաննիսյանի մանդատից հրաժարվելու հարցը։

Իսկ  կուսակցության վարչության անդամների  թեկնածություններ առաջադրեցին   Զարուհի Փոստանջյան, Արմեն Մարտիրոսյան, Ստեփան Սաֆարյան, Հովսեփ Խուրշուդյան, Սուսաննա Մուրադյան, Րաֆֆի Հովհաննիսյան, Անահիտ Բախշյան, Լուսինե Պետրոսյան, Գագիկ Մարգարյան, Մարգարիտա Հակոբյան։

Հիշեցնենք, որ քիչ առաջ Րաֆֆի Հովհաննիսյանը հայտարարեց, որ իր մանդատից հրաժարվելու հարցը դնում է քննարկման։

«Հրապարակի» տեղեկություններով, նախագահ Սերժ Սարգսյանի վերահսկողության ծառայության պետ կարող է նշանակվել ԴԱՀԿ ծառայության պետ Միհրան Պողոսյանը, ում նախագահը վերջերս էր գեներալի կոչում շնորհել:

Նախագահի վերահսկողության ծառայության պետ Հովհանես Հովսեփյանի մասին տարբեր լուրեր են շրջում, ոմանք ասում են, որ նա կարող է նշանակվել ԱԺ աշխատակազմի ղեկավար: Ոմանք էլ, թե՝ կապի եւ տրանսպորտի նախարար:

Նախագահ Սերժ Սարգսյանն այսօր դստեր և թոռնուհու հետ այցելել է Երևանի կենդանաբանական այգի և ներկա է գտնվել Երեխաների պաշտպանության միջազգային օրվա կապակցությամբ Երևանի քաղաքապետարանի կողմից կազմակերպված տոնական միջոցառումներին:

Քաղաքապետ Տարոն Մարգարյանը Հանրապետության ղեկավարին ներկայացրել է Երևանի քաղաքապետարանի ենթակայությամբ գործող կենդանաբանական այգու բարեկարգման և զարգացման ուղղությամբ վերջին տարիներին իրականացված աշխատանքները:

ՀՀ նախագահ Սերժ Սարգսյանը, հիմք ընդունելով «Հեռուuտատեuության և ռադիոյի մաuին» Հայաuտանի Հանրապետության oրենքի 29-րդ հոդվածի 4-րդ մաuը, հրամանագիր է ստորագրել Հանրային հեռուuտառադիոընկերության խորհրդի անդամ Վահրամ Բաղդասարյանի լիազորությունները վաղաժամկետ դադարեցնելու մասին:

Նախագահի մեկ այլ հրամանագրով , Լևոն Մարտիրոսյանն ազատվել է Հայաuտանի Հանրապետության նախագահի oգնականի պաշտոնից:

Հանրապետության նախագահը  կարգադրություն է իջեցրել վաղաժամկետ դադարեցնել  Հանրային խորհրդի անդամ Խոսրով Հարությունյանի լիազորությունները: