Երեկ տեղեկացրել էինք, որ մահացել է Սյունիքի մարզպետ Սուրիկ Խաչատրյանի եղբայրը՝ Սերոբ Խաչատրյանը։ Պարզվում ՝ Խաչատրյանների ընտանիքում դա միակ ողբերգությունը չէր՝ նույն օրը մահացել է նաև Սյունիքի մարզպետի կնոջ՝ Լորետայի եղբայրը՝ Լևոն Բարսեղյանը, որը նոր էր վերադարձել ՌԴ-ից: Նա 55 տարեկան էր, գրեթե նույն տարիքի էր նաև մարզպետի եղբայրը, որը եղբայրներից փոքրն էր ու Սուրիկ Խաչատրյանի սիրելին : Այսօր Գորիսի եկեղեցում նրանց հոգեհանգիստն էր:

ԱՄՆ դոլարի փոխարժեքն այսօր՝ փետրվարի 9-ին, կազմել է 494.24 դրամ՝ նախորդ օրվա համեմատ նվազելով 0.39 դրամով:

Այդ մասին հայտնում են Կենտրոնական բանկի մամուլի ծառայությունից:

Եվրոյի փոխարժեքը կազմել է 553.01 դրամ (աճել է 0.11 դրամով), բրիտանական ֆունտի փոխարժեքը կազմել է 713.63 դրամ (նվազել է 3.93 դրամով), իսկ ռուսական ռուբլու փոխարժեքը կազմել է 6.29 դրամ (նվազել է 0,13 դրամով):

Թանկարժեք մետաղների համար բանկի կողմից սահմանվել են հետեւյալ գները.

արծաթ՝ 237.4 դրամ, ոսկի՝ 18,960.96 դրամ, պլատին՝ 14,507.74 դրամ։

Փետրվարի 9-ին «ՆԱՍԴԱՔ ՕԷՄԷՔՍ ԱՐՄԵՆԻԱ»-ում ԱՄՆ դոլարով գործարք չի կնքվել:

Տավուշի մարզի Դիլիջան քաղաքի զորամասերից մեկից ժամկետային զինծառայող է անհետացել:

Անհետացած 19-ամյա Ազիզ Բաքոյանի հարազատները, որոնք ահազանգել էինNEWS.am-ի խմբագրություն, հայտնեցին, որ զինծառայողը փետրվարի 6-ին առավոտյան 10.30-ից բացակայել է զորամասից:

Արդեն 4-րդ օրն է` նրան փնտրում են:

Բանակի դերակատարությունն անվտանգության համակարգի ձևավորման մեջ առաջնային է: Այս մասին այսօր Երևանի պետական համալսարանում համալսարանի պրոֆեսորադասախոսական կազմի ներկայացուցիչների և ուսանողների հետ հանդիպմանն ասել է ՀՀ պաշտպանության նախարար Սեյրան Օհանյանը:

«Անվտանգության միջավայրն այսօր բավականին փխրուն է ու փոփոխական: Մենք բավականին սպառնալիքներ ունենք, բայց մեր զինված ուժերը, բանակը կարողանում է իր պատրաստվածությամբ, զինծառայողների մարտական ոգու, բարոյահոգեբանական բարձր համակարգի շնորհիվ պահպանել հարաբերական խաղաղությունը: Բանակը կարողանում է այս զինված դիմակայության պարագայում ստեղծել այնպիսի զսպիչ մեխանիզմներ, որն ստիպում է հակառակորդին զերծ մնալ խոշորամասշտաբ գործողություներից, և մարտական գործողությունների վերածվելու հավանականությունը հավասարեցնել մինիմումի»,- նշեց նախարարը:

Նախարարը նաև տեղեկացրեց, որ բանակում արգելել է օգտագործել երկու արտահայտություն. առաջինը չասել, որ բանակը հասարակության հայելին է, քանի որ գտնում է, որ դրանով կարծես արդարեցնում են այն դեպքերը, որոնք մերթընդմերթ լինում են բանակում, իսկ երկրորդը արգելել է ասել, թե բոլոր բանակներում էլ այդպիսի դեպքեր լինում են:

Հանրապետության տարածքում`

Հունվարի 19-ին Մոսկվայում Ռուսաստանի և Նոր Նախիջևանի թեմի առաջնորդ Եզրաս արքեպիսկոպոս Ներսիսյանը հավաքել է ՌԴ -ում բնակվող մեծահարուստներին՝ նշելու հին տոմարով Նոր տարին, նաև դրամահավաք կատարելու, սակայն ի տարբերություն նախորդ տարիների՝ հավաքին ներկա չեն եղել իրոք մեծահարուստ մեր հայրենակիցները: Ներկա չեն եղել Սամվել Կարապետյանը, Արա Աբրահամյանը, որի հետ հանդիպելու ակնկալիքով հավաքատեղի է գնացել վերջերս Մոսկվայի դատական ատյանների հետ լուրջ խնդիրներ ունեցած մեծահարուստ Լևոն Հայրապետյանը:

Ըստ «Հայկական վարկածի», նա այստեղ փորձել է հանդիպել Արա Աբրահամյանին իր գործերի շուրջ որոշ հարցեր քննարկելու նպատակով, սակայն հանդիպումը տեղի չի ունեցել:

Հավաքից Եզրաս սրբազանն ու իր վերադասը դժգոհ են մնացել, քանի որ ցանկալի անձինք խուսափել են ներկա գտնվել, իսկ ակնկալվող գումարն էլ չի հավաքվել: Դրանից որոշ ժամանակ անց ոչ հովվապետական այցով, մեկ շաբաթով Մոսկվա է մեկնել Գարեգին Բ կաթողիկոսն, ասում են՝ իր բիզնեսները կանոնակարգելու հարցերով:

Երեւանի «Էրեբունի» բժշկական կենտրոնում այսօր՝ փետրվարի 8-ին, վաղ առավոտյան մահացել է Սյունիքի մարզպետ Սուրիկ Խաչատրյանի եղբայրը՝ Սերոբ Խաչատրյանը:

NEWS.am-ի տեղեկություններով՝ Սերոբ Խաչատրյանը հիվանդանոց էր տեղափոխվել երեկ երեկոյան, նա մահացել է լյարդի անբավարարությունից:

Դուբլինի հյուրանոցներից մեկում բռնցքամարտի մրցումներից առաջ տեղի ունեցած կշռման պաշտոնական արարողության ընթացքում 3 զինված անձինք ինքնաձիգներից կրակ են բացել, ինչի հետեւանքով 1 մարդ զոհվել է, 3-ը վիրավորվել են, հաղորդում է Euronews-ը:
Հարձակվողները եղել են ոստիկանական համազգեստով, զինված են եղել «Կալաշնիկով»-ներով եւ կրակելու ընթացքում հստակ ընտրել են թիրախը:

Հարձակման դրդապատճառը հայտնի չէ, սակայն նշվում է, որ դա տեղի է ունեցել հանցավոր խմբավորումների տարաձայնությունների հետեւանքով:

Տեղի ունեցածի պատճառով չեղյալ է համարվել բռնցքամարտիկների մենամարտը:

Ռուսաստանի Օրենբուրգի մարզում անհետացել է «Ан-2» ինքնաթիռը, որում եղել է երեք մարդ: Այս մասին հայտնում է «Звезда» հեռուստաալիքի պաշտոնական կայքը:

Ինքնաթիռը թռչում էր Ստերլիտամակից Օրսկ, սակայն նշանակված ժամին այդպես էլ վայրէջք չի կատարել քաղաքային օդանավակայանում:

Ինքնաթիռում եղել է անձնակազմի երկու անդամ և մեկ ուղևոր:

Այն հատվածում, որտեղ վերջին անգամ նշմարվել է ինքնաթիռը, և կենտրոնական կետից աշխատանքը կարգավորողները կապ են հաստատել ինքնաթիռի անձնակազմի հետ, որոնողական խումբ է մեկնել:

Նախնական տվյալներով՝ ինքնաթիռի վթարի պատճառն անբարենպաստ եղանակային պայմաններն են, մասնավորապես՝ մառախուղը:

Lifenews.ru-ն ներկայացնում է լուսանկարներ դեպքի վայրից:

Հանրապետության տարածքում`

Փետրվարի 9-11-ին սպասվում է առանց տեղումների եղանակ: Փետրվարի 7-8-ին շրջանների մեծ մասում սպասվում են տեղումներ:

Քամին՝ հյուսիս-արևմտյան` 5-10 մ/վրկ արագությամբ, փետրվարի 7-ին առանձին վայրերում սպասվում է քամու ուժգնացում‵ 15-20 մ/վրկ:

Օդի ջերմաստիճանը փետրվարի 7-ի գիշերը կբարձրանա 6-8 աստիճանով, ցերեկը նույնքան կնվազի:

Երևանում`

Փետրվարի 9-11-ին սպասվում է առանց տեղումների եղանակ: Փետրվարի 7-8-ին սպասվում են տեղումներ: