Այսօր Արցախի զորամասերից մեկի պահպանության տեղամասում տեղի ունեցած արտակարգ պատահարի արդյունքում երկու զինծառայող են մահացել՝ 18-ամյա Կամո Հովհաննիսյանը և Թեմուր Սուլոյանը:

Hraparak.am-ի աղբյուրների փոխանցմամբ՝ երկու տղաներն էլ ժամկետային զինծառաողներ են եղել, զորակոչվել են 2015-ի գարնանը: Թեմուրը Պռոշյան համայնքի բնակիչ էր, իսկ Կամոն՝ Արցախից: Մեզ հասած նախնական տեղեկություններով՝ Թեմուր Սուլոյանը  մահացու հրազենային վիրավորում է հասցրել ծառայակցին, ապա՝ ինքնասպան եղել:

Պաշտոնական տեղեկատվության համաձայն՝ փետրվարի 19-ին` ժամը 07:00-ի սահմաններում, ՊԲ հարավարևելյան ուղղությամբ տեղակայված զորամասերից մեկի պահպանության տեղամասում տեղի ունեցած արտակարգ պատահարի արդյունքում հրազենային մահացու վիրավորում են ստացել ՊԲ զինծառայողներ, 1997 թ. ծնված Կամո Արայի Հովհաննիսյանը և Թեմուր Շարիի Սուլոյանը: Այս մասին հայտնում են ԼՂՀ ՊՆ-ից: Դեպքի մանրամասները պարզելու համար կատարվում է քննություն: ԼՂՀ պաշտպանության նախարարությունը կիսում էկորստյան ծանր վիշտը և իր զորակցությունը հայտնում մահացած զինծառայողների ընտանիքների անդամներին, հարազատներին և ծառայակիցներին:

Նյութի աղբյուրը ` hraparak.am

Փետրվարի 19-ին` ժամը 07:00-ի սահմաններում, ՊԲ հարավարևելյան ուղղությամբ տեղակայված զորամասերից մեկի պահպանության տեղամասում տեղի ունեցած արտակարգ պատահարի արդյունքում հրազենային մահացու վիրավորում են ստացել ՊԲ զինծառայողներ, 1997 թ. ծնված Կամո Արայի Հովհաննիսյանը և Թեմուր Շարիի Սուլոյանը: Այս մասին հայտնում են ԼՂՀ ՊՆ-ից:

Դեպքի մանրամասները պարզելու համար կատարվում է քննություն:

ԼՂՀ պաշտպանության նախարարությունը կիսում էկորստյան ծանր վիշտը և իր զորակցությունը հայտնում մահացած զինծառայողների ընտանիքների անդամներին, հարազատներին և ծառայակիցներին:

Թբիլիսիում Վրաստանի, Թուրքիայի և Ադրբեջանի արտաքին գործերի նախարարների եռակողմ հանդիպման արդյունքում համատեղ հռչակագիր է ստորագրվել։ Դրա հիմնական մասը վերաբերվել է երեք երկրների միջև տարածաշրջանային համագործակցության վերաբերյալ նախագծերին, ինչի կարևորության գիտակցումն ամրագրվել է հռչակագրում։ Հանդիպմանը մասնակցել են Թուրքիայի արտգործնախարար Մևլութ Չավուշօղլուն և Ադրբեջանի արտգործնախարար Էլմար Մամեդյարովը, Վրաստանի արտգործնախարար Միխայիլ Ջանելիձեն:

Նախագծերից մեկը վերաբերում է ՝ Բաքու-Թբիլիսի-Կարս նախագծի զարգացմանը, որի  տարածաշրջանային կարևորությունը շեշտել են կողմերը:

ՀՀ կառավարության որոշմամբ՝ Ազգային ժողովի նախագահին առաջարկվել է փետրվարի 19-ին ժամը 12.00-ին գումարել ԱԺ արտահերթ նիստ, որի օրակարգում կլինի «Հայաստանի Հանրապետության կառավարության կառուցվածքի մասին» Հայաստանի Հանրապետության օրենքում լրացում եւ փոփոխություն կատարելու մասին» օրինագիծը: Իսկ այսօր՝ Հայաստանի կառավարությունը հավանություն է տվել «Հայաստանի Հանրապետության կառավարության կառուցվածքի մասին» ՀՀ օրենքում լրացում և փոփոխություն կատարելու մասին» ՀՀ օրենքի նախագծին, որով առաջարկվում է տարանջատել արտակարգ իրավիճակների եւ տարածքային կառավարման ոլորտները: Ինչպես արդեն որոշվել է՝ կլինի երկու նախարարություն՝ ԱԻՆ-ը եւ «Տարածքային կառավարման եւ զարգացման նախարարությունը», որի պորտվելը կտրվի ՀՅԴ-ին: Որոշմումը կից հիմնավորմով պարզաբանվում է, որ օրինագծի նպատակն է՝ ապահովել առավել արդյունավետ կառավարման համակարգ:

Հ.Գ. Ստացվում է, որ ժամանակին, երբ այս երկու նախարարությունները միավորեցին, չէի՞ն մտածում, որ կառավարումը կարող է անարդյունավետ լինել:

Լրագրողների հետ հանդիպման ընթացքում  ՏԿԱԻՆ Հիդրոմետ ծառայության Օդերևութաբանության կենտրոնի պետի տեղակալ Գագիկ Սուրենյանը նշեց, որ փետրվարի 15-ից Աֆրիկայից (Սահարա անապատից) դեպի Մերձավոր Արևելք, իսկ այնտեղից էլ՝ դեպի մեր հանրապետության տարածք թափանցեցին շատ տաք օդային հոսանքներ, ու փետրվարի 15-16-ն ընկած ժամանակահատվածում օդի ջերմաստիճանը թռիչքային բարձրացավ։

Ըստ նրա՝  այսօր Երևանում սպասվում է 18-19 աստիճան տաքություն, ինչը, ըստ նրա՝ վերջին 170 տարիների ընթացքում բացարձակ ցուցանիշ է.

«Եթե այսօր այդքան ջերմաստիճան գրանցվի, օդերևութաբանության պատմության մեջ ամենատաք փետրվարի 18-ը կլինի»։

Այնուհետև ավելացրեց, որ վաղը հյուսիս-արևելքից հանրապետության տարածք կներթափանցեն արկտիկական ցուրտ օդային հոսանքներ, որոնք հատկապես մեծ ազդեցություն կունենան Լոռիի, Տավուշի, Սյունիքի և Արցախի ջերմային ֆոնի վրա, որտեղ սպասվում է ջերմաստիճանի նվազում 8-10 աստիճանով.

«Մյուս շրջաններում և մայրաքաղաքում օդի ջերմաստիճանը կնվազի 4-5 աստիճանով: Նվազած ջերմային ֆոնը կմնա մինչև փետրվարի 21-ը։ Փետրվարի 22-23-ին օդի ջերմաստիճանը որքան նվազել է, նույնքանով կբարձրանա, որովհետև հանրապետության տարածքին մոտենում է հաջորդ տաք օդային հոսանքը։ Այսինքն՝ փետրվարի 23-24-ին Արարատյան դաշտում կունենանք՝ 15-16, առանձին հատվածներում՝ 17 աստիճան տաքություն, իսկ Տավուշի և Սյունիքի հովտային հատվածներում՝ 17-20 աստիճան տաքություն:

Ըստ նախնական կանխատեսումների՝ այդ բարձր ջերմային ֆոնը պահպանվելու է ողջ փետրվարի ընթացքում։ Փետրվարի 20-ին սպասվում են տեղումներ։ Փետրվարի 21-ին թույլ տեղումներ հնարավոր են միայն արևմտյան շրջաններում: Ըստ նախնական կանխատեսումների՝ մարտ ամիսը նույնպես տաք կլինի»։

ՀՀ կառավարության որոշմամբ՝  2016թ. մարտի 7-ի աշխատանքային օրը տեղափոխվեց 2016թ. մարտի 12-ը` շաբաթ օրը: Նախագիծը կառավարությունում ներկայացրեց կառավարության ղեկավար-նախարար Դավիթ Հարությունյանը: Վարչապետ Հովիկ Աբրահամյանն ասաց, որ հարցն իր համար վիճելի է, բայց նաև ուզում է լսել կարծիքներ:

«Ոնց որ բոլորիդ համար հաճելի էր, հա՞»,- ասաց Հովիկ Աբրահամյանը:

ՀՀ Կառավարության այսօրվա նիստի մեկնարկին ՀՀ վարչապետ Հովիկ Աբրահամյանը նշեց, որ այսօր առաջին անգամ նիստին մասնակցում է  ՀՀ ազգային անվտանգության նորանշանակ տնօրեն Գեորգի Կուտոյանը.

«Պարոն Կուտոյանն այսօր առաջին անգամ ներկա է կառավարության նիստին: Շնորհավորում ենք նրան ԱԱԾ տնօրենի պաշտոնում նշանակվելու առթիվ և ցանկանում բեղմնավոր աշխատանք»,- ընդգծեց Հ.Աբրահամյանը:

Այսպիսով, քաղաքացիները կկարողանան հանգստանալ չորս` մարտի 5, 6, 7, 8` փոխարենը աշխատելով մարտի 12-ի շաբաթ օրը:

Արտառոց և զավեշտական դեպք է տեղի ունեցել Արարատի մարզում: Մարզի Վերին Դվին գյուղում մի քանի օր առաջ մահացել է գյուղի բնակչուհի, 92-ամյա Սիրանույշ Հայկարամի Մարագուլովան: Այսօր Արարատի մարզի դիահերձարանից Ս. Մարագուլովայի դին տեղափոխել են գյուղ, հարազատներին տվել և հեռացել: Սակայն մինչ դին տեղափոխող բրիգադը կվերադառնար աշխատանքի վայր, հարազատները պարզել են, որ դա բոլորովին էլ Ս. Մարագուլովայի դին չէ, այլ` իրենց անծանոթ անձի:

РИА-Новости-ն գրում է՝ Time-ին հղումով, որ ամերիկյան Ford մեքենաշինական և գերմանական Heinz սննդային ընկերությունները համագործակցության շրջանակներում մտադիր են լոլիկների մնացորդները օգտագործել մեքենաշինության գործընթացում։  Այսինքն՝ լոլիկի չորացրած կեղևը կօգտագործվի մեքենաների ամրացնող բարձակների, ինչպես նաև այլ մանր պարագաների արտադրության մեջ։

Ford-ն օգտագործելու է լոլիկների այն մնացորդները, որոնք առաջացել են կետչուպի պատրաստման գործընթացից։ Թեև դա ապագայի հարց է, բայցևայնպես  մասնագետները լուրջ  հետազոտություններ են անցկացնում։

Նախքան արտադրական գործընթացը սկսելը՝ մասնագետները պետք է համոզվեն, որ լոլիկի չորացրած կեղևը բավականաչափ ամուր է դետալների պատրաստման համար։

Նախագծի հաջողության դեպքում  զգալի կկրճատվի նավթաքիմիական ծագում ունեցող նյութերի կիրառումն արդյունաբերության մեջ։