Հորդառատ անձրևներից առաջացած սողանքավտանգ իրավիճակի և Թերեք գետի վարարման պատճառով հունիսի 23-ից փակվել է Ստեփանծմինդա-Լարս ավտոճանապարհը։

Վրաստանի ենթակառուցվածքների նախարարության ճանապարհային դեպարտամենտից ՀՀ տրանսպորտի և կապի նախարարությանը տեղեկացրել են, որ ստեղծվել է օպերատիվ խումբ, որը, տեղում ուսումնասիրելով իրավիճակը, հայտնել է, որ ճանապարհի վերականգնողական աշխատանքները կտևեն ավելի քան 10-ը օր:

Նշենք, որ ՀՀ տրանսպորտի և կապի նախարարությունը մշտապես կապի մեջ է բոլոր փոխադրող ընկերությունների հետ, նախարարության կողմից նրանց առաջարկվել է օգնություն, օժանդակություն, նաև՝ փոխադրումը լաստանավերով շարունակելու Փոթիի և Բաթումիի նավահանգիստներից։

Մեր ունեցած տեղեկություններով՝ երեկվա դրությամբ Բաթումիից դեպի Նովոռոսիյսկ է ուղևորվել 100 ավտոմեքենա տարողությամբ լաստանավ, որի վրա շուրջ 55 մեքենա հայկական համարներով է եղել:

Փոթիի նավահանգստից պատրաստվում է շարժվել ևս մեկ լաստանավ՝ 50 ավտոմեքենա տարողությամբ:

Փչացող բեռներով բոլոր ավտոմեքենաները Լարսից արդեն շարժվել են դեպի Բաթումիի և Փոթիի նավահանգիստներ։

Այն փոխադրողները, ովքեր հրաժարվել են լաստանավով շարունակելու ճանապարհը, Վրաստանի ճանապարհային դեպարտամենտի և ոստիկանության աշխատակիցները ուղեկցել են դեպի անվտանգ կայանատեղիներ:

Ներկայում ինտենսիվ աշխատանքներ են ընթանում ճանապարհն օր առաջ բացելու ուղղությամբ։ Վրաց ճանապարհաշինարարներին հաջողվել է գետի հունը մի փոքր փոխել, ինչը հուսադրող է, և հնարավոր է, որ այսօրվա ընթացքում արդեն սկսվեն ճանապարհի վերականգնման աշխատանքները։

Այդ մասին առավել հստակ տեղեկատվություն հնարավոր կլինի ներկայացնել վաղը։
Նշենք նաև, որ «Սպայկա» ընկերությունում գործում է թեժ գիծ՝
(010) 44-44-70, (060) 70-44-44 հառախոսահամարներով.

Այս հեռախոսահամարներով զանգահարելով՝ դուք կարող եք տեղեկատվություն ստանալ լաստանավով բեռներ տեղափոխելու հնարավորությունների վերաբերյալ:

ՀՀ տրանսպորտի և կապի նախարարության
լրատվական ծառայություն

ՌԴ նախագահի մամուլի քարտուղար Դմիտրի Պեսկովը հայտարարել է, որ Վլադիմիր Պուտինը Թուրքիայի նախագահ Ռեջեփ Թայիփ Էրդողանից ուղերձ է ստացել, որում թուրք նախագահը ներողություն է խնդրել ռուսական Су-24 կործանիչի խոցման և օդաչուի մահվան համար. այս մասին հայտնել է ТАСС-ը:

Պեսկովը նշել է նաև, որ Էրդողանը ռուս-թուրքական հարաբերությունների վերականգնման կոչ է արել Պուտինին: Հիշեցնենք, որ ռուս-թուրքական հարաբերությունները սրվեցին այն բանից հետո, երբ Սիրիայի տարածքում՝ Թուրքիայի հետ սահմանի մոտակայքում, ռուսական ռազմական ինքնաթիռ կործանվեց: Թուրքական ավիացիան հայտնել է, որ ինքը կործանել է ինքնաթիռը Թուրքիայի օդային տարածքը խախտելու համար: ՌԴ ՊՆ-ն, սակայն, պնդում է, որ ինքնաթիռը գտնվել է բացառապես Սիրիայի տարածքում:

Քիչ առաջ քաղաքացիական հագուստով ոստիկանության աշխատակիցները առանց որեւէ հիմնավորման բերման են ենթարկել armtimes.com-ի ֆոտոթղթակից Տիգրան Մազմանյանին:

Մեր զրույցում Մազմանյանն ասաց. «Ես գնում էի «Նոր Հայաստանի»-ի շտաբ որտեղ առեւանգել էին ակտիվիստներին ճանապարհին՝ Սայաթ-Նովա խաչմերուկից քաղաքացիական հագուստով չորս անձինք ինձ եւ Տիգրան Կիրիշչյանին բերման ենթարկեցին: Ես ներկայացա, որ լրագրող եմ, բեյջս ցույց տվեցի, բայց ապարդյուն»,-պատմեց մեր ֆոտոթղթակիցը:

Նա տեղեկացրեց, որ այս պահին իրենց տեղափոխում են ոստիկանության Քանաքեռ-Զեյթունի բաժին:

Նշենք, որ այսօր ոստիկանության աշխատակիցերն առեւանգել են մի խումբ ակտիվիստների:

Հունիսի 24-25-ը շրջանների մեծ մասում, 26-ին հարավ արևելյան շրջաններում` գիշերը և օրվա երկրորդ կեսին, սպասվում է կարճատև անձրև և ամպրոպ, առանձին հատվածներում հնարավոր է կարկուտ: 27-28-ը սպասվում է առանց տեղումների եղանակ:

Քամին՝ հարավ-արևմտյան` 2-7 մ/վ արագությամբ, ամպրոպի ժամանակ հնարավոր է քամու ուժգնացում‵ 20-25 մ/վ:

Օդի ջերմաստիճանը 24-26-ն էապես չի փոխվի, 27-28-ը կբարձրանա 4-5 աստիճանով:

Երևանում`

Հունիսի 24-25-ը` օրվա երկրորդ կեսին, սպասվում է կարճատև անձրև և ամպրոպ: 26-ին սպասվում է ամպրոպ, առանձին հատվածներում կա կարճատև անձրևի փոքր հավանականություն, ամպրոպի ժամանակ սպասվում է քամու ուժգնացում‵ 15-20 մ/վ արագությամբ:

27-28-ը սպասվում է առանց տեղումների եղանակ:

Երևանի հունիսի 24-ի բազմամյա կլիմայական տվյալներ.

• Օդի առավելագույն ջերմաստիճան`          38.6<sup>0</sup>C (1998 թ.)
• Օդի նվազագույն ջերմաստիճան`               10.4⁰C (1978 թ.)
• Օդի միջին օրական ջերմաստիճան`          23.1⁰C

Այսօր ժամը 12:10-ի սահմաններում Չեխովի փողոցի 38 շենքի դիմաց, իրենց տան բակում, վթարի է ենթարկվել պայծառատես Անի Գրիգորյանը, որին հանրությունը գիտի «6-րդ զգայարան» հաղորդաշարից, իր KIA մակնիշի 10AN 555 համարանիշի ավտոմեքենայով:

Անի Գրիգորյանը «Հայկական Վարկածին» պատմեց, որ մեքենան բակ է մտել 20կմ/ժ արագությամբ , ու իր համար անհասկանալի էր տեղի ունեցածը: Նա մարմնական վնասվածքներով տեղափոխվել է Էրեբունի բժշկական կենտրոն, որտեղ ստուգումների արդյունքում պարզվել է՝ առողջությանը վտանգ չի սպառնում: Մեքենան տարվել է փորձաքննության: «Չհասկացա ինչ տեղի ունեցավ, — պատմեց Անին, մեքենան լուրջ վնասվել է , իսկ ինձ մոտ ամեն ինչ կարգին է, գոնե բժիշկները այդպես հավատացրեցին»:

Անի Գևորգյան

Այսօր ՀՀ Նախագահ Սերժ Սարգսյանի հրամանագրով Արթուր Դավթյանը նշանակվել է Հայաստանի Հանրապետության գլխավոր դատախազի տեղակալ:

Հիշեցնենք որ, ՀՀ գլխավոր դատախազի` 2013 թվականի հոկտեմբերի 11-ի հրամանով Արդարադատության երկրորդ դասի խորհրդական Արթուր Դավթյանը նշանակվել էր Երևան քաղաքի դատախազ՝ ազատվելով Երևան քաղաքի Շենգավիթ վարչական շրջանի դատախազի պաշտոնից։

Դավթյանն այս անգամ ևս զբաղեցրել է Երևան քաղաքի նախկին դատախազ Հրաչ Բադալյանի աթոռը:

Երևանի նախկին դատախազ Բադալյանը 2013 –ին նշանակվել էր գլխավոր դատախազի տեղակալ՝ Երևան քաղաքի դատախազի իր տեղը զիջելով Արթուր Դավթյանին: Իսկ այժմ նա՝ դատախազի տեղակալի իր աթոռը զիջեց Դավթյանին:

Այսօր ձերբակալված Ժիրայր Սեֆիլյանի եղբայրը` Թորոս Սեֆիլյանը, քիչ առաջ ֆեյսբուքյան իր էջի միջոցով հայտարարել է

Ժիրայր Սէֆիլեանի այսօրուայ Ձերբակալութեան Պատճառը մէկն է՛, «Իշխանությունները Պատրաստվում Են «ՀՈՂ» Հանձնել» Ոտքի ժողովուրդ, Ոտքի՛…

Նախագահ Սերժ Սարգսյանն այսօր ցավակցական հեռագիր է հղել Ռուսաստանի նախագահ Վլադիմիր Պուտինին՝ «Սյամոզերո պարկ-հյուրանոց» մանկական առողջարանային ճամբարում տեղի ունեցած ողբերգության կապակցությամբ, որի հետևանքով երեխաներ են զոհվել:

Հայաստանի նախագահի աշխատակազմի հասարակայնության և տեղեկատվության միջոցների հետ կապերի վարչության փոխանցմամբ, Սերժ Սարգսյանը ցավակցության և զորակցության խոսքեր է փոխանցել զոհվածների ծնողներին և հարազատներին, շուտափույթ ապաքինման մաղթանքներ` այդ ողբերգության արդյունքում տուժածներին:

Հունիսի 18-ին Ռուսաստանի Կարելիա հանրապետությունում «Սյամոզերո պարկ-հյուրանոց» ճամբարի 47 մասնակիցներ՝ 4 մեծահասակ հրահանգիչների հետ, ջրամբարում նավակներով փոթորկի մեջ են ընկել, նավակները շրջվել և խորտակվել են: Պատահարի հետևանքով, ըստ վերջին տվյալների, 13 երեխա է զոհվել, ևս մեկը անհետ կորած է: Փաստի կապակցությամբ քրեական գործ է հարուցվել, հինգ մարդ ձերբակալվել է, այդ թվում՝ ճամբարի տնօրենը, նրա տեղակալը, երկու հրահանգիչ, մի ջոկատավար-դաստիարակ:

Այսօր Մոսկվայում սուգ է հայտարարված:

Ողբերգության գրաֆիկական պատկերն ու դեպքի վայրի առաջին կադրերը` ստորև.

Նորք Մարաշում 2015 թվականին վնասազերծված հանցավոր խմբի գործով սենսացիոն նորություններ կան: Օրերս Եվրոպայից Հայաստան բերման է ենթարկվելու մի սփյուռքահայ, որը ֆինանսավորել է բանդայի պատվիրատուին: Հայտնի է, որ նա եվրոպական երկրներից մեկի քաղաքացի է, իսկ թե ինչ շահագրգռվածություն ուներ նա Հայաստանում պետական հեղաշրջում իրականացնելու  համար, հավանաբար պարզ կդառնա  նրա հարցաքննությունից: Սակայն ավելի ու ավելի է  հաստատվում այն վարկածը, որ Եվրոպայից ու Ավստրալիայից Հայաստան եկած մի քանի սփյուռքահայեր նպատակադրվել էին Հաայստանում նարնջագույն հեղաշրջում իրականացնել:

Մեր տեղեկություններով, բերման ենթարկված օտարերկրացին վատ է խոսում հայերեն եւ հարցաքննությանը մասնակցելու է թարգմանչի միջոցով: Ըստ մեզ հասած լուրերի`  այն երկրի դեսպանատունը, որի քաղաքացուն բերման են ենթարկել, երաշխիքներ է տվել, որ  բերման ենթարկված սփյուռքահայը մեկ շաբաթից ազատ է արձակվելու եւ նրան թույլատրվելու է մեկնել Հայաստանից:

iravunk.com