Կիլիկիա Հայաստան. Թուրքիան ոչ պաշտոնապես այս օրերին իր ռազմական ներկայությունն է ապահովում Նախիջևանում:

Անցած մի քանի օրը թուրքական կողմից Նախիջևան են անցել որոշակի քանակությամբ զինվորներ և զինամթերք: Չնայած Թուրքիայի գլխավոր շտաբը ոչ մի պաշտոնական հաղորդագրություն չի տարածել այս մասով, սակայան որոշ աղբյուրներ փաստում են, որ մասնավորապես անցած գիշերվա ընթացքում Դիլուջու (Նախիջևան-Իգդիր) անցակետով զինվորներ տեղափոխող ավտոշարասյուն է անցել, ինչպես նաև զինամթերքվ բեռնված զինվորական բեռնատարներ, ծանր զինտեխնիկայի շարժ չի եղել:

Հարգելի ընկերնե՜ր Ինչպես գիտեք, Արցախի պաշտպանական դիրքերին ջուր մատակարարվում է թիկունքից, և այն օգտագործվում է հնարավորինս խնայողաբար` հիմնականում խմելու և սնունդ պատրաստելու նպատակով: Մարտական դիրքերում գտնվող զինվորներին հաստատ պետք կգան ԹԱՑ ԱՆՁԵՌՈՑԻԿՆԵՐ:

Եթե որևէ մեկը ցանկություն ունի թաց անձեռոցիկներ, կամ այլ օգնություն ուղարկել մեր զինվորներին, ապա կարող է ինձ հետ կապ հաստատել, կամ անձամբ բերել Արտակարգ իրավիճակների նախարարություն (ք. Երևան, Դավիթաշեն, 4-րդ թաղամաս, Ա. Միկոյան 109/8), որտեղից օգնությամբ բեռնված հերթական ավտոշարասյունը շուտով կմեկնի Արցախ:

Մարդասիրական օգնությունը կարող եք փաթեթավորել և նշել Ձեր անունը: Հիշեցնեմ, որ կառավարության որոշմամբ Լեռնային Ղարաբաղի Հանրապետությանը տրամադրվող մարդասիրական օգնությունը համակարգելու, հաշվառելու, տուժածներին օգնություն ցուցաբերելու նպատակով պարենային, բժշկական և նյութական այլ պաշարների կուտակման գործընթացը և նպատակային օգտագործման կազմակերպումը վերապահվել է ՀՀ արտակարգ իրավիճակների նախարարությանը: ԱԻ նախարարության պաշտոնական կայքում (www.mes.am) պարբերաբար թարմացվում է Արցախ ուղարկվող մարդասիրական օգնության վերաբերյալ տեղեկատվությունը:

Հայկ Արամյան

Ոչ մի հիմնավոր ապացույց չկա այն մասին, թե որևէ  ստորաբաժանում ապրիլյան «չորսօրյա» պատերազմի ժամանակ առանց փամփուշտի է եղել, կամ քիչ թվով փափուշտներ են ունեցել: Ինչպես հաղորդում է «Արմենպրես»-ը, այս մասին Պաշտպանության նախարարությունում լրագրողների հետ հանդիպմանը նշեց Պաշտպանության նախարարի մամուլի խոսնակ Արծրուն Հովհաննիսյանը:

«Այդ անձնական հուզական պատմություները, թե զինվորները կրակեցին մինչև վերջին փափուշտը, չի նշանակում, որ զինվորը փափուշտ չի ունեցել: Եվ հետո, եթե զինվորը պատմում է, որ ինքը մինչև վերջին փամփուշտը կրակել է, դա բնական է: Մենք չենք կարող ձեզ պատմել, թե զինվորն այդ պահին ինչ մարտական խնդիր էր կատարում: Հնարավոր է՝ զինվորն այդ պահին կատարում էր այնպիսի մարտական խնդիր, որ իր հետ եղած ամբողջ մարտապաշարը պետք է կրակեր: Դա բնական երևույթ է, որը հանդիպում է պատերազմների ժամանակ: Ի վերջո, չմոռանանք, սա պատերազմ է, և հակառակորդը իրականացրել է ինտենսիվ հրետանային կրակ: Խոսել այն մասին, որ մեր զինվորները դիրքերում փամփուշտ քիչ են ունեցել, կամ չեն ունեցել, դա անլուրջ է»,-ասաց Արծրուն Հովհաննիսյանը:

80-ականների զենքերի կողքին մենք ունենք այնպիսի գերժամանակակից զինատեսակներ, որոնց մասին շատերը կերազեին: Ինչպես հաղորդում է «Արմենպրես»-ը, այս մասին Պաշտպանության նախարարությունում լրագրողների հետ հանդիպմանը նշեց Պաշտպանության նախարարի մամուլի խոսնակ Արծրուն Հովհաննիսյանը:

«Պետք չէ շահարկել այդ հարցը: Աշխարհի առաջատար բանակների, հատկապես ցամաքային զինատեսակների 90 տոկոսը  80-ականների են:  Ի վերջո, հակառակորդի կողմից գովազդվող նորագույն զենքերը, որոնցով փորձում էին ահ ու սարսափ առաջացնել, գործնականում միշտ չէ, որ արդյունավետ են: Մեր 80-ականների, միգուցե, որոշ տեղերում, նաև 70-ականների զինատեսակների կողքին կան այնպիսի գերժամանակակից զենքեր, որոնց մասին շատերը կերազեին: Դրանից բացի, չափոփոշիչ չէ, թե որ թվականի արտադրության զինատեսակ է կիրառվել: Խնդիրը այդ զինատեսակների արդյունավետ կիրառման մեջ է: Նորից եմ հորդորում, այդ քննադատությունները կատարեք փաստարկված»,-ասաց Արծրուն Հովհաննիսյանը:

Կինոռեժիիսոր Արշակ Զաքարյանը ֆեյսբուքյան իր էջում է տեղադրել ոմն Սեյրան Վելիեւի հայտարարությունը, որը Զաքարյանի գլխի համար 100 հազար դոլար է խոստանում:

«Էս օրերին «գլխագինս» կարգին թանկացավ»,- գրել է Զաքարյանը: Հիշեցնենք, Զաքարյանը քառօրյա պատերազմի օրերին Արցախում էր եւ պարբերաբար ֆեյսբուքյան իր էջում սպանված ադրբեջանցիների դիակների կույտերի նկարներ էր հրապարակում՝ համապատասխան գրառումներով: Վերոնշյալ նկարում էլ Զաքարյանը ադրբեջանցի զինվորների դիակների ֆոնին է նկարված:

Ըստ newspress.am-ի տեղեկությունների` քիչ առաջ հարձակում է տեղի ունեցել ՀՀ երկրորդ նախագահ Ռոբերտ Քոչարյանի առանձնատան վրա: Անհայտ անձիք նռնակ են նետել նախկին նախագահի տան ուղղությամբ: Այնտեղ մեծ թվով ոստիկաններ են աշխատում:

Հիշեցնենք, որ Ռոբերտ Քոչարյանի տունը գտնվում է Իսակովի պողոտայում:

Իսկ Ռոբերտ Քոչարյանի մամուլի խոսնակ Վիկտոր Սողոմոնյանը տեղեկացրեց, որ Քոչարյանն այժմ հանրապետությունում չէ, մեկնել է Մոսկվա՝ անձնական գործերով։

Մանրամասները` քիչ անց:

Ապրիլի 14-ին ՊԲ հյուսիսարեւելյան (Թալիշ) ուղղությամբ տեղակայված զորամասերից մեկի պահպանության տեղամասում, հակառակորդի կողմից արձակված կրակոցից, մահացու հրազենային վիրավորում է ստացել ՊԲ զինծառայող, 1970թ. ծնված Համլետ Այվազի Հաջոյանը:

ԼՂՀ ՊՆ մամուլի ծառայությունից հայտնում են, թե դեպքի մանրամասները պարզելու համար կատարվում է քննություն:

ԼՂՀ պաշտպանության նախարարությունը կիսում է կորստյան ծանր վիշտը եւ իր զորակցությունը հայտնում զոհված զինծառայողի ընտանիքի անդամներին, հարազատներին եւ ծառայակիցներին:

Ուղիղ եթերով ընթացող ասուլիսի ժամանակ Վլադիմիր Պուտինին հարցրել են, թե խորտակվողներից ո՞ւմ կփրկեր նա` Ուկրաինայի նախագահ Պյոտր Պորոշենկոյի՞ն, թե՞ թուրք նախագահ Թայիփ Էրդողանին:

Հարցը տվել է Վարյա Կուզնեցովան, ով 12 տարեկան է:
Պուտինը ծիծաղելով ասել է, որ Վարյան իրեն բարդ իրավիճակի մեջ է գցել:
«Կպատասխանեմ այսպես. եթե ինչ որ մեկը որոշի խորտակվել, ապա փրկել նրան՝ անհնար է: Բայց մենք, իհարկե, պատրաստ ենք ձեռք մեկնել յուրաքանչյուր մեր գործընկերոջը, եթե նա ինքը ցանկանա»,- ասել է նախագահը:

Այսօր` ապրիլի 14-ին,  հայ-ադրբեջանական զորքերի շփման գծում «հայկական դիվերսիան հետ մղելիս» սպանվել է Ադրբեջանի ԶՈւ պայմանագրային զինծառայող, կրտսեր սերժանտ Ահմեդով Ռյուսթեմ Օրուջ օղլուն (Əhmədov Rüstəm Oruc oğlu): Այս մասին հայտնում է Ադրբեջանի ՊՆ կայքը։

Ղարաբաղա-ադրբեջանական շփման գծում տիրող իրավիճակի շուրջ «Ժողովուրդ»-ը զրուցել է ՀՀ պաշտպանության նախարարի մամուլի խոսնակ Արծրուն Հովհաննիսյանի հետ:

-Այս օրերին բազմիցս հայտարարվեց, որ Ադրբեջանը հետախուզական նպատակով օգտագործել է անօդաչու թռչող սարքեր: Ինչո՞ւ չենք խոցել:

-Գիտեք՝անօդաչու թռչող սարքը կարող է հեռվից գործողություն կատարի, դու հայտնաբերես, բայց նա հասանելիության գոտում չլինի: Կարող է՝ նա ֆիքսում է, որ իր վրա կենտրոնացում կա, և վտանգի մեջ է, անմիջապես խնդիրը դադարեցնի, հեռանա, բայց նշեմ, որ, ընդհանուր առմամբ, անօդաչու սարքը խոցելը այդքան էլ հեշտ չէ:

-Սպառազինության արդիականացման մասին վերջին օրերին շատ խոսվեց, շատերը կարծիք հայտնեցին, որ մենք զենք չունենք: Իսկապե՞ս այդքան տխուր վիճակում ենք, զենք չունե՞նք:

-Աշխարհում բոլոր բանակներում էլ զինատեսակների ամբողջ տեսականին չի կարող լինել միայն գերժամանակակից, դա անհնար է: Ադրբեջանական զինված ուժերը իրենց ամբողջ քանակական առումով որ նայենք՝ 10-15 տոկոսն է ժամանակակից, այն էլ ոչ բոլորն են գերժամանակակից: Ամբողջ աշխարհը, նույնիսկ ամենաժամանակակից բանակները՝ ամերիկյան, իսրայելական, իրենց հիմնական հատկապես լավագույն զինանոցում պահում են 70-ականների զինտեխնիկա: Իսկ ով է ասել, որ հայկական կողմը սպառազինություն չունի, մենք ինքներս 1,5 տարի առաջ ասել էինք, որ հայկական բանակը անցնում է պլանային զինման ժամանակացույցի: Ուզում եմ ասել, որ գերժամանակակից զինտեխնիկայով համալրման գործընթացը վաղուց է սկսված:

-Ռազմական իշխանությունը ի՞նչ է կարծում, հաշվի առնելով այսօրվա իրավիճակը, պատերազմը շարունակվելո՞ւ է, թե՞ ոչ:

-Դժվար է կանխատեսել, այս պահին հակառակորդի զորքը զինված կանգնած է, նույնիսկ հրապարակվեց, որ հակառակորդի զորքի շարժը նկատվում է, բայց որևէ բան չենք կարող կանխատեսել, թե ինչ կլինի: