Որքան էլ խոսվի, որ Սերժ Սարգսյանը ցանկանում Է վճռաբեկ դատարանի նախագահ Արման Մկրտումյանին փոխարինել Դավիթ Հարությունյանով, և վերջինիս արդեն Աժ–ում փոխարինողների հավանական անուններ են շրջանառվում, այդուամենայնիվ, Հարությունյանին վճռաբեկի նախագահ նշանակելու համար խոչընդոտներ կան։

Մասնավորապես, Դատական օրենսգրքի 138-րդ հոդվածի 4 կետով ամրագրված է, որ վճռաբեկ դատարանի նախագահ կարող Է աշխատել վերջին 15 տարվա ընթացքում առնվազն 5 տարի դատարանի նախագահ, վերաքննիչ դատարանի դատավոր կամ վճռաբեկ դատարանի պալատի նախագահ աշխատած նախկին դատավորը։ Իսկ Դավիթ Հարությունյանը, ինչպես հայտնի Է, դատավոր չէ և երբեք էլ դատարանի նախագահ չի եղել։ Արման Մկրտումյանի փոփոխության պարագայում ամենահավանական թեկնածուն համարվում է ԿԸՀ նախագահ Տիգրան Մուկուչյանը:

Հոդվածն ամբողջությամբ՝ «Հրապարակ»-ի այսօրվա համարում:

Արդարադատության նա­խարարության քրեակատարողական վարչության հասարակայնության հետ կա­պերի պատասխանատու Գոռ Ղլեչյանը երեկ «Հայկական ժամանակ» օրաթերթին հայտնել է, որ նախարարու­թյունը երեկվա դրությամբ Աժ-ի ընդունած համաներման որոշումը չէր ստացել:

Ուստի, ըստ Ղլեչյանի, երեկ ՔԿՀ-ներից ոչ մի դատա­պարտյալ համաներմամբ ազատ չի արձակվել և գործընթացը կսկսվի մյուս շաբաթ: «Փոխարենը, երեկ դատարանի դահլիճից դատավճռով համա­ներմամբ ազատ են արձակվել խուլիգանության մեջ մեղադրվող 17-ամյա Գևորգ Սերոբյանը և նրա երկու ընկերները»: Այս մասին էլ թերթին հայտնել է նրանց պաշտպան Տիգրան Աթանեսյանը:

Հոդվածն ամբողջությամբ՝  «Հայկական ժամանակ»-ի այսօրվա համարում:

Հայաստանի ԱԺ-ն երեկ ընդունել է Սերժ Սարգսյանի առաջարկը Անկախության 22-րդ տարեդարձի կապակցությամբ համաներում հայտարարելու մասին: Որոշման օգտին քվեարկել է 102 պատգամավոր, 4 պատգամավոր չի մասնակցել: Դեմ և ձեռնպահ քվեարկողներ չեն եղել: Համաներման գործընթացն սկսվում է նախագահի կողմից ստորագրման պահից և տևելու է մինչև դեկտեմբերի 25-ը:

«Հրապարակ» օրաթերթի տեղեկություններով համաներումը, ազդելու Է ոչ միայն Մարգար Օհանյանի և Հովհաննես Թամամյանի, այլև բնապահպանության նախարարության աշխատակազմի բնապահպանական պետական տեսչության նախկին պետ, նախկինում նաև ՕՎԻՐ-ի պետ Տիգրան Գրիգորյանի վրա:

Հիշեցնենք, որ նա ու իր տեղակալ Արսեն Պետրոսյանը ձերբակալվեցին 2009-ի դեկտեմբերին՝ մի ընկերությունում կատարած ստուգման արդյունքում հայտնաբերված բնապահպանական խախտումներն ամբողջությամբ չարձանագրելու և ակտի գումարի չափը մինչեւ 10 մլն դրամ նվազեցնելու համար 5 միլիոն դրամ կաշառք պահանջելու համար:

Պարույր Հայրիկյանի դեմ մահափորձ իրականացնելու մեղադրանքով 14 տա­րվա ազատազրկման դատապարտված Խաչատուր Պողոսյանի կինը՝ Նոնա Հա­կոբյանը, երեկ՝ «Ժողովուրդ»-ի հետ զրույցում, ուշագրավ հայտարարություն է արել: Ըստ նրա՝ ինքը դատավճռի հրա­պարակումից հետո այցելել է ՔԿՀ-ում գտնվող ամուսնուն, և Խաչատուրն իրեն ասել է, որ Կենտրոն և Նորք-Մարաշ վարչական շրջանների ընդհանուր իրա­վասության դատարանի կայացրած վճռի մեջ սխալ կա:

«Այնտեղ գրված է, թե Խա­չատուրն իր մեղքն ամբողջությամբ ըն­դունել է: Բայց նման բան չկա: Խաչա­տուրը բազմիցս է հայտարարել, որ իր մեղքը մասնակի է ընդունել: Ինչո՞ւ են նման բան արել, մենք ոչինչ չենք հաս­կանում, այս ի՞նչ են ուզում անել: Խաչա­տուրը ևս շատ զարմացած Էր»,- պատ­մել է դատապարտյալի կինը:

Հոդվածն ամբողջությամբ՝ կարդացեք «Ժողովուրդ» օրաթերթի այսօրվա համարում:

Հատուկ քննչական ծառայությունում վերսկսվել է ՀՀ ՔՕ 325-րդ հոդվածի 1-ին մասով նախկինում անհիմն կարճված քրեական գործի նախաքննությունը:
Նախաքննությամբ պարզվել է, որ «Լուսակերտի տոհմային թռչնաբուծական ֆաբրիկա» ՍՊԸ մատակարար Արամ Պետրոսյանի կողմից նախկինում ընկերությունից հափշտակված գումարները դատական կարգով վերականգնելու պատրվակով ընկերության բաժնետեր, ՀՀ ԱԺ նախկին պատգամավոր Խաչիկ Մանուկյանի ցուցումով` տնօրեն Արթուր Եփրեմյանը հաշվապահ Աշոտ Շահինյանի միջոցով 2009 թ. սեպտեմբերին կազմել է ձևաթուղթ հանդիսացող դրամարկղային ելքի օրդեր` կեղծել է կազմելու ամսաթիվը, ձևաթղթում մտցրել ակնհայտ կեղծ տվյալներ, թե իբր մատակարար Արամ Պետրոսյանը 2009 թ. օգոստոսին ընկերության դրամարկղից կանխիկ ստացել է 193 մլն. ՀՀ դրամ գումար, որի հիման վրա վերջինիս հետ կազմել է դրամական փոխառության պայմանագիր:

Նախաքննությունը շարունակվում է:

Հայաստանի Հանրապետության անկախության հռչակման 22-րդ տարեդարձի կապակցությամբ համաներում հայտարարելու մասին Ազգային ժողովի ընդունած որոշման համաձայն՝ կարգապահական գումարտակների հրամանատարները, ՀՀ արդարադատության նախարարության քրեակատարողական հիմնարկների և քրեակատարողական վարչության այլընտրանքային պատիժների կատարման uտորաբաժանումների ղեկավարները համաներման ակտը պետք է կիրառեն հնարավորինս սեղմ ժամկետում, սակայն ոչ ուշ, քան 2013 թ.-ի դեկտեմբերի 25-ը ներառյալ:

Եթե այս մարմինների տրամադրության տակ առկա են համաներումը կիրառելու համար անհրաժեշտ փաստաթղթերը, բավարար չափով պարզաբանված և ճշգրտված են տվյալ գործի հանգամանքները, ապա վերջիններս պարտավոր են համաներման ակտը կիրառել նշված հանգամանքների ի հայտ գալուց հետո ողջամիտ ժամկետում` չսպասելով ընդհանուր ժամկետի լրանալուն:

Ինչպես Ազգային ժողովում լրագրողների հետ զրույցում հայտնել է Արդարադատության նախարար Հրայր Թովմասյանը, համաներումն ընդհանուր առմամբ կտարածվի 1000-ից ավելի անձանց վրա, որոնցից 500-600-ը  պատժից կազատվեն, իսկ մնացածի նկատմամբ համաներմամբ կկճատվի օրինական ուժի մեջ մտած դատական ակտով սահմանված պատժաչափի չկրած մաuը:

Ըստ նախարարի` քրեակատարողական հիմնարկի ղեկավարները մեկ առ մեկ կնայեն բանտարկյալների գործերը, կքննարկեն և համապատասխան որոշումներ կկայացնեն: Առաջին հերթին անդրադարձ կկատարվի այն անձանց, ովքեր ենթակա են ազատ արձակման, որից հետո` այն մարդկանց, որոնց պատժաչափը պետք է կրճատվի:

 Փաստինֆո

Նախագահ Սերժ Սարգսյանն այսօր այցելել է Հայաստանի Հանրապետության դատախազություն և կոլեգիայի անդամներին ներկայացրել նորանշանակ գլխավոր դատախազ Գևորգ Կոստանյանին, այս մասին տեղեկացնում են Նախագահի մամլո գրասենյակից:

Հանրապետության Նախագահը շնորհավորել է Գևորգ Կոստանյանին՝ պատասխանատու պաշտոնում նշանակվելու կապակցությամբ, մաղթել հաջողություններ: Սերժ Սարգսյանը հույս է հայտնել, որ գլխավոր դատախազն իր նոր մոտեցումներով ու աշխատաոճով, ՀՀ դատախազության աշխատակիցների օժանդակությամբ, կկարողանա արդյունավետորեն լուծել համակարգի առջև դրված խնդիրները:

Նախագահը նաև շնորհակալություն է հայտնել նախկին գլխավոր դատախազ Աղվան Հովսեփյանին՝ երկարամյա աշխատանքի համար, ընդգծելով, որ մեր երկրի դատաիրավական համակարգում Աղվան Հովսեփյանը դեռևս անելիք ունի:

Երեկ ԱԺ–ն ավարտեց համաներում հայտարարելու մասին Սերժ Սարգսյանի առաջարկության քննարկումը։ Համաներման նախագիծը ներկայացնող արդարադատության նախարար Հրայր Թովմասյանը, սակայն խնդրեց հետաձգել քվեարկությունը:

Մեր տեղեկություններով, նախագիծը կազմելիս բացթողում է եղել, փաստաթղթի 9-րդ հոդվածում, որտեղ թվարկվում են Քրեական օրենսգրքի այն հոդվածները, որոնցով դատապարտվածների վրա համաներումը չի տարածվում, տեղ են գտել միայն Քրօրի 138-րդ հոդվածի (բռնաբարություն) 2-րդ և 3-րդ կետերը։ Այսինքն, ստացվել է, որ 138–րդ հոդվածի 1-ին կետի վրա համաներումը տարածվում է։ Վաղը, երբ խորհրդարանին կներկայացվի փաստաթղթի վերջնական տարբերակը, բռնաբարության հոդվածն իր բոլոր կետերով նշված է լինելու «համաներում չկիրառել» հատվածի մեջ։ Փաստաթղթում մի քանի թեթև շտկումներ էլ են սպասվում։ Համաներման նախագիծը քվեարկության կդրվի այսօր:

Մանրամասները՝ «Հայկական ժամանակ»-ի այսօրվա համարում:

Մինչ Արդարադատության նախարար Հրայր Թովմասյանը խորհրդարանին առաջարկում է համաներման հարցի քվեարկությունը հետաձգել մինչև վաղը, որպեսզի փաստաթղթում հաշվի առնվեն առաջարկությունները և վերջնական տեքստն ի մի բերվի Բաղրամյան 26 ներկայացնելու համար, հանրությունը շարունակում է քննարկել կալանավայրում գտնվող, աղմկահարույց գործերով անցնող հայտնի մարդկանց ազատվել — չազատվելու հարցը:

Արդեն պարզել են, որ համաներումը տարածվելու է Արտակ Բուդաղյանի վրա, սակայն նա, ըստ փաստաբանի, հրաժարվելու է ներումից: Կկրճատվի նաև Վազգեն Խաչիկյանի և Մարգար Օհանյանի պատժաչափերը: Իսկ թե այն կօգնի Օհանյանին հրաժեշտ տալ կալանավայրին, պարզ կլինի քննարկումից հետո:

Հետաքրքիր էր Արկադի Վարդանյանի պաշտպանի Գայանե Գալոյանի պատասխանը, նա ասաց, որ դեռ չի ուսումնասիրել, և այդ մասին կարող է ասել վաղը՝ ուսումնասիրելուց հետո:

Այս պահին պարզ չէ՝ «Բանդայի» գործով անցնող անձանց ճակատագիրը, հատկապես՝ Արտուշ Հակոբյանի:
Համաներումը չի տարածվի տարաբախտ էպոսագետի վրա, Վարդան Սեդրակյանը և նրա մալյարները դուրս են ցուցակից:

Պարզ չէ, համաներումը կանդրադառնա՞ մանկապիղծ Սերոբ Տեր- Պողոսյանի վրա:

Եթե որևէ մեկը դուրս մնաց «հետաքրքիրների» ցուցակից վաղը, քննարկումից հետո այդ բացը կլրացվի:

ԱԺ-ն արտահերթ ընթացակարգով երեկ սկսեց քննարկել ՀՀ անկախության 22-ամյակի առթիվ համաներման նախագիծը: Սերժ Սարգսյանի պաշտոնավարման ընթացքում սա երրորդ համաներումն է: Ընդ որում, երեքի հիմքում էլ ընկած են քաղաքական դրդապատճառներ: Միայն թե եթե առաջին երկու համաներումների քաղաքական ենթատեքստն ակնհայտ էր, և նպատակն այդպես մարտի 1-ի գործով քաղբանտարկյալներին ազատ արձակելն էր, ապա ներկայիս համաներման քաղաքական ենթատեքստն առաջին հայացքից չի երևում:

Ինչպես պնդում են «Ժողովուրդ»-ի իրազեկ աղբյուրները, այս անգամ համաներում հայտարարելու քաղաքական շարժառիթները բոլորովին այլ են և վերաբերում են իշխանական թևի բանտարկյալներին:

«Ժողովուրդ»-ի տեղեկություններով՝ այս համաներումը կազդի նաև ՀՀ աշխատանքի և սոցիալական հարցերի նախարարության սոցիալական ապահովության պետական ծառայության նախկին պետ, ՀՀԿ-ական Վազգեն Խաչիկյանի և այս գործով անցնող մյուս ներկայացուցիչների վրա: Իսկ այդ անձինք, որոնց մեծամասնությունը ՀՀԿ-ականներ են, քիչ չեն՝ մոտ 20-30 հոգի: Միայն Վ. Խաչիկյանի հետ նույն քրեական գործով ամբաստանյալի աթոռին նստած է 12 հոգի: Բայց կան նաև անձինք, որոնց գործով դատաքննությունը տեղի է ունեցել առանձին, նրանք արդեն իսկ դատապարտվել են պատժի:

Հոդվածն ամբողջությամբ՝ կարդացեք «Ժողովուրդ» օրաթերթի այսօրվա համարում: