Շիրակի մարզի դատախազ Կարեն Շահբազյանը կադրային ջարդի «սև ցուցա­կում» է:

Երեկ, երբ հարցրինք, թե արդյո՞ք ազատման դիմում է գրել, նա հորդորեց այդ տեղեկությունը ճշտել մամլո ծառայությունից: «Դիմումը գրողը Դուք եք»,- հակադարձեցինք մենք՝ հետաքրքրվելով, թե առիթ տվե՞լ է «սև ցուցակում» հայտնվելու համար, սակայն դատախազն անջատեց հեռախոսը:

Հրապարակ

Համաներումը պետության կողմից  գթասրտության ակտ է  իր օրինազանց  քաղաքացիների հանդեպ, նաև հետևություններ անելու, անցյալը վերարժեվորելու, ուղղվելու հնարավորություն: Սակայն, պարզվում է, մեր իրականության մեջ կան ի սկզբանե անուղղելիներ, մարդիկ, որոնք պատրաստ են փողի վերածել նույնիսկ գթասրտությունը, ստվերել համաներումը նախապատրաստած մասնագետների ջանքը և համաներմանը սպասող հարյուրավոր քաղաքացիների հույսն ու հավատը գթասրտության և պետության հանդեպ:

Ոստիկանության ԿՀԴՊ գլխավոր վարչություն հայտարարությամբ դիմել է ՀՀ քրեական օրենսգրքի 178 հոդվածի 2-րդ մասի 1-ին և 2-րդ կետերով դատապարտված մի քաղաքացի, որ ՀՀ Արդարադատության նախարարության քրեակատարողական վարչության այլընտրանքային պատիժների կիրառման բաժնի Արմավիրի բաժանմունքի առաջատար մասնագետ Ալեքսանդր Խաչատրյանը և բաժանմունքի պետ, ԱՆ փոխգնդապետ Սահակ Հարությունյանը իրենից որպես կաշառք պահանջում են 400 հազար դրամ՝ ՀՀ ԱԺ ընդունած համաներումն իր նկատմամբ կիրառելու համար, այս մասին տեղեկացնում են Ոստիկանության լրատվական ծառայությունից:

Իրականացված միջոցառումների արդյունքում ԱՆ ավագ լեյտենանտ Ալեքսանդր Խաչատրյանը Վաղարշապատ քաղաքում գտնվող՝ Արմավիրի մարզի ընդհանուր իրավասության դատարանի շենքի առաջին հարկի իր աշխատասենյակում հիշյալ քաղաքացուց 400 հազար դրամ կաշառքը ստանալուց հետո բռնվել է:

Կաշառքի առարկա հանդիսացող գումարն արձանագրվել ու վերցվել է, իսկ Ալեքսանդր Խաչատրյանն ու Սահակ Հարությունյանը բերման են ենթարկվել ԿՀԴՊ գլխավոր վարչություն:

Նախապատրաստված նյութերն ուղարկվել են Հատուկ քննչական ծառայություն, որտեղ ՀՀ քրեական օրենսգրքի 311 հոդվածի 3-րդ մասի 1-ին և 2-րդ կետերով հարուցվել է քրեական գործ:

Ալեքսանդր Խաչատրյանը և Սահակ Հարությունյանը ձերբակալվել են, կատարվում է նախաքննություն:

ՀՀ ԱՆ Դատական ակտերի հարկադիր կատարումն ապահավող  ծառայությունում ամփոփվել են հարկադիր կատարողների ատեստավորման արդյունքները: Այն իրականացվում է «Դատական ակտերի հարկադիր կատարումն ապահովող ծառայության մասին» ՀՀ օրենքի համաձայն, ըստ որի` յուրաքանչյուր տարի հարկադիր կատարողների  առնվազն մեկ երրորդը ենթակա է պարտադիր ատեստավորման: Ատեստավորվել են գլխավոր և առաջատար  խմբերի պաշտոն զբաղեցնող հարկադիր կատարողները, այս մասին տեղեկացնում է ԴԱՀԿ մամուլի ծառայությունը:

Գլխավոր խմբի ատեստավորման հանձնաժողովի նախագահ ՀՀ գլխավոր հարկադիր կատարող, արդարադատության գեներալ-մայոր Միհրան Պողոսյանը հանձնարարել է, որ այսուհետ ատեստավորվողները ոչ միայն հանդես գան օրենսդրական բարեփոխումների և աշխատանքի կազմակերպման նոր մեթոդների վերաբերյալ առաջարկություններով, այլև հիմնավորեն վերջիններիս կիրառելության արդյունավետությունը:

«Մեր որդեգրած քաղաքականությունը  հետևյալն է՝ բացի գիտելիքներից, կարողություններից  ու լիարժեք ունակություններից՝ յուրաքանչյուր հարկադիր կատարող պետք է իրեն զգա ծառայությունում իրականացվող բարեփոխումների անմիջական կրողը՝ ի նպաստ համակարգի զարգացման»,- ասել է ՀՀ գլխավոր հարկադիր կատարողը:

Հինգ հարկադիր կատարող չի համապատասխանել ատեստավորման  պահանջվող չափանիշներին, ինչի արդյունքում  ենթակա է կրկնակի ատեստավորման նոր վերապատրաստում անցնելուց հետո:

Դատախազությունում պաշ­տոնանկությունների պրո­ցեսը փոքր-ինչ սառեցվել է: Ան­ցած ուրբաթ տարածված հրա­ժարականների մասին լուրերը երեկ Գլխավոր դատախազությունից չեն հաստատել, անգամ հրաժարվել են ասել՝ դիմումներ գրվե՞լ են, թե՞ ոչ:

Ըստ ամենայ­նի, չեն ուզում տպավորություն ստեղծվի, թե Գևորգ Կոստանյանը կադրային ջարդ է անում: Մինչ այդ, դատախազական համակարգում Կոստանյանին մոտենալու ուղիներ են փնտ­րում նրա հարազատ ընկերների միջոցով: Սա­կայն նրանք, ովքեր իրենց ամուր են զգում, ներսում ասում են՝ ճիշտ է անում, էդ կաշառակերների հարցերը պետք է լուծել: Հայտնի չէ, սակայն, թե ումով է Կոստանյանը փոխարինե­լու աշխատանքից ազատվածներին:

Հրապարակ

Ըստ ՀՀ ոստիկանության օպերատիվ հաղորդագրությունների ամփոփագրերի` հոկտեմբերի 11-ից 14-ն ընկած ժամանակահատվածում հանրապետությունում արձանագրվել է սպանության և սպանության փորձի 1-ական դեպք, որոնք բացահայտվել է:

Արձանագրված մարմնական վնասվածք հասցնելու 34 դեպքից բացահայտվել է 30-ը,  իսկ  խարդախության  9 և խուլիգանության 3 դեպքերն էլ բացահայտվել են: Բացահայտվել է գողության 6 դեպք:

Նախկինում կատարված հանցագործություններից բացահայտվել է մարմնական վնասվածք հասցնելու` 6,  գողության և խարդախության 1-ական  դեպք:

Անցած 3 օրերի ընթացքում հանրապետությունում արձանագրվել է ճանապարհատրանսպորտային 36 պատահար. 2 մարդ զոհվել է, 50-ը` ստացել տարբեր աստիճանի մարմնական վնասվածքներ:

Հատուկ քննչական ծառայության վարույթ է ընդունվել ՀՀ ՔՕ 242-րդ հոդվածի 2-րդ մասով ՀՀ ոստիկանության ՔԳՎ Սյունիքի մարզի քննչական բաժնում հարուցված քրեական գործը:

Նախաքննությամբ պարզվել է, որ «ՎԱԶ» մակնիշի ավտոմեքենայի վարորդ՝ «Ճանապարհային ոստիկանություն» ծառայության 2-րդ սպայական գումարտակի 6-րդ սպայական վաշտի 2-րդ սպայական դասակի ճանապարհապարեկային ծառայության տեսուչ Արման Ավետիսյանի կողմից 2013թ. սեպտեմբերի 08-ին` ժամը 21-ի սահմաններում, նշված ավտոմեքենայով Կապան քաղաքի Գործարանային փողոցի «Մարիլա» ՍՊ ընկերության դիմաց վթարի ենթարկվելու դեպքի առթիվ ուղևոր Ս.Ն.-ն ստացել է մարմնական վնասվածքներ, իսկ վարորդ Ա. Ավետիսյանը մահացել է:

Նախաքննությունը շարունակվում է:

Ոստիկանները խոշոր չափերի հասնող թմրամիջոցներ են հայտնաբերել

Հոկտեմբերի 11-ին, ժամը 23.55-ին, 1960 թ. ծնված Աշոտ Գ.-ն ոստիկանության Մուշի բաժնում հաղորդում է տվել, որ նույն օրը, ժամը 23.00-ի սահմաններում, Գյումրի քաղաքի Բուլվարային թաղամասի թիվ 10 շենքի դիմաց իր «ԳԱԶ-3102» մակնիշի ավտոմեքենային է բախվել «Մերսեդես Բենց» մակնիշի ավտոմեքենա, որի պատճառով առաջացած վիճաբանության ժամանակ «Մերսեդես»-ի վարորդը` 1971 թ. ծնված Մկրտիչ Հ.-ն, «ԱԴՄԱԳԱ» տիպի 9 մմ տրամաչափի գազային ատրճանակից մեկ անգամ կրակել է իր դեմքին՝ ճակատի մասում պատճառելով վնասվածք:

Ոստիկանության լրատվական ծառայությունից հայտնում են, որ նշանակվել են դատաբժշկական և դատաձգաբանական փորձաքննություններ:
Ատրճանակը առգրավված է:
Մկրտիչ Հ.-ն ստորագրությամբ բաց է թողնվել:
Կատարվում է նախաքննություն:

Գլխավոր դատախազության արդեն աշխատանքից ազատված գլխավոր դատախազի տեղակալ Մնացական Սարգսյանին և Դատա­խազության Կոռուպցիոն և կազմակերպված հանցագործությունների գործերով վարչության պետ Կորյուն Փիլոյանին միավորում է մի բան, նրանք երկուսն էլ ծագումով ապարանցի են, վերջերս աշխատանքից ազատված գլխավոր դատախազ Աղվան Հովսեփյանի համաերկրա­ցիները:

«168 ժամ»-ի փոխանցմամբ, Գլխավոր դատախազությունում աշխատող ապարան­ցիների ցանկն այսքանով չի սահմանափակվում, և առաջիկայում կարելի է սպասել նոր պաշտոնանկությունների, որոնք տեղի են ունե­նալու «Դատախազությունում ապարանյան կլանի ոչնչացում» ծրագրի շրջանակներում:

Հոդվածն ամբողջությամբ՝ կարդացեք «168 ժամ»-ի այսօրվա համարում: