Կենտրոն և Նորք-Մարաշ շրջանների ընդհանուր իրավասության դատարանում այսօր դատավոր Մեսրոպ Մակյանն կարդաց բռնաբարության մեջ մեղադրվող ոստիկան Էդգար Վարագյանի դատավճիռը:

Վարագյանին մեղավոր ճանաչեցին.

ՀՀ Քրեական օրենսգրքի 175 հոդվածի 3-րդ մասի առաջին կետով՝10 տարի ազատազրկում
183 հոդվածի 3-րդ մասի 3-րդ կետով 6 տարի ազատազրկման
131հոդվածի 2-րդ մասի 2-րդ,3-րդ,6-րդ կետերով 6 տարի ազատազրկման
139-րդ հոդվածի առաջին մասով 4տարի ազատազրկում
138 հոդվածի առաջին մասով 4 տարի ազատազրկում:

Վարագյանը վերջնահաշվարկում  դատապարտվեց 15 տարի ազատազրկման:

«Աստված երեխեքիդ դեմը բերի»,- ասաց Վարագյանը մինչ  դահլիճից դուրս բերվելը:

Զրուցեցինք Վարագյանի հարազատների հետ, որոնք հայտնեցին, թե  գործն այսպես չի վերջանա և իրենք դիմելու են վերաքննիչ դատարան

«Մեր երկրում դատապարտվում են անմեղ մարդիկ, իսկ մարդասպաններն  ու հանցագործները պաշտոններ են ստանում և ավելի բարգավաճում: Ինչպե՞ս  կարելի է նման կերպ վարվել, ի՞նչ օրենքներ են մեր երկրում, որտեղ է արդարությունը: Եթե իրական հանցագործները ազատության մեջ են, ապա անմեղները պետք է լրացնեն ազատ մահճակալները, եթե չեք կարողանում արդար դատել, ապա հնարավորություն տվեք մարդուն, որ կարողանա իր անմեղությունն ապացուցել: Էդգար Վարագյանը մինչև վերջ պայքարելու և ապացուցելու է իր անմեղությունը, իսկ իրական մեղավորը, նմանատիպ մեղադրանքներով հաճախակի հանդես գալու համար պետք է պատժվի օրենքի ողջ խստությամբ` անմեղ մարդու անունը վարկաբեկելու համար»,- ասաց հարազատներից մեկը:

Հիշեցնենք, որ Էդգար Վարագյանը մեղադրվում էր ՀՀ քրեական օրենսգրքի 5 հոդվածներով, այդ թվում՝ տուժող կնոջ բռնաբարության, նրա ու նրա անչափահաս դստերը առևանգելու և ավազակային հարձակման մեջ:

Հռիփսիմե Գալստյան

Քաղաքացի Ջուլետա Ա.-ի հաղորդման հիման վրա ՀՀ հատուկ քննչական ծառայությունում նախապատրաստված նյութերով ՀՀ քրեական օրենսգրքի 119-րդ հոդվածի 2-րդ մասով, 134-րդ հոդվածի 2-րդ մասի 2-րդ կետով և 309-րդ հոդվածի 2-րդ մասով հարուցվել է քրեական գործ:

Քաղաքացի Ջուլետա Ա.-ն հաղորդում է տվել այն մասին, որ Երևանի Ավանի հոգեբուժական կլինիկայի և ոստիկանության Երևան քաղաքի վարչության Մալաթիայի բաժնի աշխատակիցների կողմից իր կամքին հակառակ և բռնության գործադրմամբ ապօրինաբար տեղավորվել է հոգեբուժարան, որտեղ շուրջ մեկ ամիս ապօրինի պահվելու ընթացքում ենթարկվել է խոշտանգման, իսկ բուժանձնակազմն էլ իր նկատմամբ բռնություն է գործադրել:
Կատարվում է նախաքննություն:

Նոյեմբերի 14-ին Տավուշի մարզի ընդհանուր իրավասության դատարանի որոշման  համաձայն՝  նույն օրը, ժամը 15.50-ին, ոստիկանության Իջևանի բաժնի ծառայողները  1959 թ. ծնված  Աշոտ Ս.-ի բնակարանի խուզարկությամբ, 2-րդ հարկի հյուրասենյակի դաշնամուրի ստեղնաշարի կափարիչի միջից հայտնաբերել և առգրավել են մոտ 12.1 գ  մանրեցված, սուր հոտով դեղնականաչավուն զանգված և ծխախոտի տուփ` 13  գլանակներով: Հայտնաբերվածն ուղարկվել է ՀՀ ոստիկանության ՓՔՎ: Կատարվում է նախաքննություն:

Երևանի քննչական վարչության Կենտրոն և Նորք-Մարաշ վարչական շրջանների քննչական բաժնում շարունակվում է գողացված բանկային քարտով բանկոմատից գումար կանխիկացնելու և հափշտակելու դեպքի առթիվ հարուցված քրեական գործի նախաքննությունը։

Դեպքը տեղի է ունեցել 2014թ. սեպտեմբերի 25-ին` առավոտյան, առերևույթ հանցագործություն կատարած անձը Երևան քաղաքի Աբովյան-Կորյուն փողոցների խաչմերուկի մոտակայքում՝ երթուղային տաքսու մեջ, գաղտնի հափշտակել է ուղևորուհի Ալոյանի դրամապանակը, որից հետո դրամապանակի մեջ գտնվող բանկային քարտի միջոցով տարբեր բանկերին պատկանող բանկոմատներից կանխիկացրել և հափշտակել է 185.000 ՀՀ դրամ:

Նոյեմբերի 14-ին, ժամը 18.00-ին, «շտապօգնության» կայանից ոստիկանության Քանաքեռ-Զեյթունի բաժնում  հաղորդում է ստացվել, որ ոտքի վնասվածքով տանը բուժօգնություն են ցուցաբերել 1991 թ. ծնված Գագիկ Ս.-ին:  Գագիկ Ս.-ն բացատրություն է տվել, որ նոյեմբերի 13-ին, ժամը 15.00-ին, տանը   դեղահաբից և բենզինի խառնուրդից իր անձնական օգտագործման համար պատրաստել է թմրամիջոց և աճուկային հատվածից ներարկել ինքն իրեն, ինչի հետևանքով վատ է զգացել և դիմել «շտապօգնության» ծառայություն: Նշանակվել են դատաբժշկական և տոքսիկոքիմիական փորձաքննություններ:

Կատարվում է հետաքննություն:

Նոյեմբերի 13-ին ՀՀ պաշտպանության նախարարի առաջին տեղակալ Դավիթ Տոնոյանն ընդունել է ԵԱՀԿ քարտուղարության կիբերանվտանգության համակարգող պարոն Բեն Հիլլերին:

Հանդիպման ընթացքում քննարկվել են ԵԱՀԿ ձևաչափով նախաձեռնված կիբերանվտանգության ծրագրերին Հայաստանի ներգրավման հետ կապված հարցեր: Քննարկվել են նաև կիբերանվտանգության բնագավառում ՀՀ պաշտպանության նախարարության և ԵԱՀԿ համապատասխան կառույցների միջև համագործակցությանն առնչվող այլ հարցեր:

Այսօր, երբ ՀՀ Սահմանադրական դատարանը քննում էր 2014 թվականի հոկտեմբերի 10-ին Մինսկում ստորագրված՝ «Հայաստանի Հանրապետության՝ «Եվրասիական տնտեսական միության մասին» 2014 թվականի մայիսի 29-ի պայմանագրին միանալու մասին» պայմանագրում ամրագրված պարտավորությունների՝ ՀՀ Սահմանադրությանը համապատասխանելու հարցը, դատարանի առջև կազմակերպվել է բողոքի ակցիա, որի ընթացքում տեղի է ունեցել միջադեպ ոստիկանների և ցուցարարների միջև: Միջադեպի հանգամանքները պարզելու նպատակով ոստիկանության Երևան քաղաքի վարչության պետ Աշոտ Կարապետյանի կողմից նշանակվել է ծառայողական քննություն:

Վանաձոր քաղաքի 16-ամյա բնակչուհու կողմից սուտ մատնություն կատարելու դեպքի առթիվ ՀՀ քննչական կոմիտեի Լոռու մարզային քննչական վարչությունում հարուցված քրեական գործի շրջանակներում 2014 թվականի նոյեմբերի 7-ին նրան մեղադրանք է առաջադրվել՝ ծանր հանցագործության մեջ մեղադրելով զուգորդված սուտ մատնության համար։  Նախաքննության տվյալներով՝ աղջիկը, 2014 թվականի հոկտեմբերի 23-ին ոստիկանության Լոռու մարզային վարչության Վանաձոր քաղաքի Տարոնի բաժնում նախազգուշացված լինելով սուտ մատնության համար ՀՀ քրեական օրենսգրքի 333-րդ հոդվածով նախատեսված քրեական պատասխանատվության մասին և գիտակցելով, որ իր տրամադրած տեղեկատվությունը կեղծ է, հանցագործության մասին գրավոր հաղորդում է ներկայացրել առ այն, թե, իբր, նույն թվականի հոկտեմբերի 23-ին՝ ժամը 14:00-ի սահմաններում, իր ընկերը, Վանաձոր քաղաքի «Երկաթուղայինների» այգում դանակի սպառնալիքով և քնաբեր դեղամիջոց տալով, բռնաբարել է իրեն` նրան մեղադրելով ծանր հանցագործության մեջ:  Հիշյալ քրեական գործի նախաքննության ընթացքում տվյալներ են ձեռք բերվել նաև, որ 2014 թվականի սեպտեմբերին, երբ աղջկա 16 տարին դեռևս լրացած չի եղել, 21-ամյա երիտասարդը նրա հետ Վանաձոր քաղաքում ունեցել է սեռական հարաբերություն:  2014 թվականի նոյեմբերի 7-ին ՀՀ քննչական կոմիտեի Լոռու մարզային քննչական վարչությունում որոշում է կայացվել՝ քրեական գործի նյութերով ՀՀ քրեական օրենսգրքի 141-րդ հոդվածի 2-րդ մասի 1-ին կետով նոր քրեական գործ հարուցելու և առանձին վարույթում առանձնացնելու մասին:  Երկու քրեական գործերով էլ նախաքննությունը շարունակվում է։  Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

ՀՀ քննչական կոմիտեի տեղեկատվության և հասարակայնության հետ կապերի բաժին

2014թ. նոյեմբերի 10-ին Շիրակի մարզում տեղի ունեցած ողբերգական ելքով ավտովթարի դեպքի առթիվ ՀՀ Քննչական կոմիտեի Շիրակի մարզային քննչական վարչությունում հարուցված քրեական գործի շրջանակներում «Կամազ» մակնիշի բեռնատարի վարորդ Մ.Վարդանյանին մեղադրանք է առաջադրվել՝ ՀՀ քրեական օրենսգրքի 242-րդ հոդվածի 3-րդ մասով։
Նախաքննությամբ ձեռք բերված ապացույցների համաձայն՝ «Իմէքս-Գրուպ» ՍՊ ընկերության վարորդ Մ.Վարդանյանն իրեն ամրակցված «Կամազ-53202» մակնիշի, 533 ՏՍ 61 հաշվառման համարանիշի բեռնատար ավտոմեքենայով 2014 թվականի նոյեմբերի 10-ին՝ ժամը 19:15-ի սահմաններում, խախտելով ՀՀ ՃԵԿ-ի 96 կետի, ձև № 1-ի 2.5 ճանապարհային նշանի և «Ճանապարհային երթևեկության անվտանգության ապահովման մասին» ՀՀ օրենքի 23-րդ հոդվածի 3-րդ կետի պահանջները, այն է` պարտավոր լինելով երկրորդական ճանապարհով անհավասարազոր ճանապարհների խաչմերուկին մոտենալով ճանապարհը զիջել գլխավոր ճանապարհով ընթացող տրանսպորտային միջոցներին, ինչպես նաև՝ կանգնել հատվող երթևեկելի մասի եզրից առաջ, ստեղծել է վթարային իրավիճակ, մուտք գործել խաչմերուկ և բախվել Ռազմիկ Մկրտչյանի վարած, Երևանից-Գյումրի թիվ 359 երթուղու «Գազ-32213» մակնիշի, 0811 Լ հաշվառման համարանիշի ուղևորատար ավտոմեքենային:
Արդյունքում՝ առաջացած վթարի հետևանքով «Գազ-32213» մակնիշի ուղևորատար ավտոմեքենան հրդեհվել է՝ անզգուշությամբ առաջացնելով նշված ավտոմեքենայի վարորդ Ռազմիկ Մկրտչյանի, ինչպես նաև ուղևորներ Մարինե Նազարյանի, Արամայիս Թումանյանի, Վանիկ Սարգսյանի, Հաբեթ Սեդրակյանի, Գայանե Սեդրակյանի և Դավիթ Հարությունյանի մահը: Ուղևորներ Կարեն Բաղդասարյանը, Հովհաննես Չախոյանը, Սամվել Հակոբյանը, Զարուհի Հովհաննիսյանը, Ալբերտ Շախնազարյանը, Հասմիկ Հովհաննիսյանը և Էդմոն Սիմոնյանը տարբեր աստիճանի այրվածքներով և մարմնական վնասվածքներով տեղափոխվել են «Գյումրի բժշկական կենտրոն» ՓԲ ընկերություն:
Մ.Վարդանյանի նկատմամբ որպես խափանման միջոց է կիրառվել կալանավորումը։
Նախաքննությունը շարունակվում է:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

ՀՀ քննչական կոմիտեի տեղեկատվության և
հասարակայնության հետ կապերի բաժին

Նոյեմբերի 10-ին համացանցում տեղեկատվություն էր հրապարակվել («Հերիք է հանդուրժել ճանապարհային ոստիկանների ապօրինությունները»), որի հեղինակ Ավթանդիլ Ավետիսյանն իր անհամաձայնությունն էր հայտնել Իջևան-Երևան ավտոճանապարհին ճանապարհային ոստիկանության ծառայողների արձանագրած խախտման, ինչպես նաև իր խնդրանքով իրեն ներկայացված արգաչափ սարքի վկայականում, իր կարծիքով, սպիտակեցնող նյութի միջոցով կատարված փոփոխության առնչությամբ:

Հրապարակման կապակցությամբ ՀՀ ոստիկանության պետ Վլադիմիր Գասպարյանի ցուցումով նշանակվել էր ուսումնասիրություն:

ՀՀ ոստիկանության ներքին անվտանգության վարչությունում ուսումնասիրությամբ պարզվել է, որ ոստիկանության ՃՈ ՃՊԾ 2-րդ սպայական գումարտակի 4-րդ սպայական վաշտի 2-րդ սպայական դասակի երկու տեսուչներին ամրակցված 588 ՈՍ 01 համարանիշի 2458 կողային համարի ծառայողական ավտոմեքենան կահավորված է «Իսկրա 1» տեսակի 13504 D համարի արագաչափով, որին տրվել է 008494 համարի ստուգաչափման մասին վկայականը։

Պարզվել է նաև, որ արագաչափի ստուգաչափման մասին հիշյալ վկայականի տարեթվի սպիտակեցումը կատարվել է ՀՀ էկնոմիկայի նախարարության «Չափագիտության ազգային ինստիտուտ» ՓԲ ընկերության կողմից, քանի որ ձևաթղթում ամսաթիվը նշված է եղել հին տարեթվով։

Բացի այդ, «Չափագիտության ազգային ինստիտուտ» ՓԲ ընկերությունից ստացված գրության համաձայն՝ 008494 համարի ստուգաչափման մասին վկայականը տրվել է 2013 թ. դեկտեմբերի 13-ին՝ մեկ տարի ժամանակով, և վկայականի ներքևի ձախ անկյունում առկա է կլոր կնիք, որտեղ նշված է տրման տարեթիվը։

ՀՀ ոստիկանություն