Քննչական կոմիտեի hատկապես կարևոր գործերի քննության գլխավոր վարչությունում քննվող քրեական գործով իրականացված մեծածավալ քննչական և դատավարական այլ գործողությունների արդյունքում պարզվել են Տավուշի մարզի Բերդ համայնքի գործող ղեկավարի կողմից չարաշահումներ կատարելու դեպքի՝ էական նշանակություն ունեցող մի շարք հանգամանքներ:

Քրեական գործի նախաքննության ընթացքում պարզվել և հիմնավորվել է, որ 2012թ. նոյեմբերից Տավուշի մարզի Բերդի քաղաքապետի, իսկ 2017թ. նոյեմբերին համայնքների խոշորացումից հետո Տավուշի մարզի Բերդ համայնքի ղեկավարի պաշտոնը զբաղեցնող անձը, հանդիսանալով կազմակերպչական-տնօրինչական և վարչատնտեսական գործառույթներ իրականացնող պաշտոնյա, անձնական շահագրգռվածությունից և խմբային շահերից ելնելով, պաշտոնեական կեղծիք կատարելով՝ պաշտոնեական դիրքն օգտագործել է ծառայության և համայնքի շահերին հակառակ, ինչի հետևանքով համայնքի իրավունքներին ու օրինական շահերին պատճառվել է էական վնաս։

Ըստ տարածած հաղորդագրության, համայնքի ղեկավարն իր պաշտոնեական դիրքն օգտագործել է ծառայության և Բերդ համայնքի շահերին հակառակ, այն ծառայեցրել է անձնական և խմբային շահերին, չեն կիրառվել օրենքով սահմանված պատասխանատվության միջոցներ, արժեզրկվել են համայնքային ծառայության սկզբունքներն ու նպատակները, ինչպես նաև համայնքի բյուջեն զրկվել է դրամական մուտքից, ինչի հետևանքով համայնքի շահերին պատճառվել է էական վնաս:

Բերդ համայնքի ղեկավարը ձերբակալվել և ներկայացվել է վարույթն իրականացնող մարմնին:

Ձեռք բերված բավարար ապացույցների համակցությամբ՝ նրան մեղադրանք է առաջադրվել ՀՀ քրեական օրենսգրքի 308-րդ հոդվածի 1-ին մասով (3 դրվագ) և 314-րդ հոդվածի 1-ին մասով և միջնորդություն է ներկայացվել դատարան՝ վերջինիս նկատմամբ կալանավորումը որպես խափանման միջոց կիրառելու վերաբերյալ, ինչը բավարարվել է: Քրեական գործի նախաքննությունը շարունակվում է:

Երեւանում, այսօր՝ նոյեմբերի 11-ին, մարտաֆիլմ հիշեցնող կրակոցներ եւ սպանություններ են տեղի ունեցել երեւանում. ժամը 02:50-ի սահմաններում ՀՀ Ոստիկանության օպերատիվ կառավարման կենտրոն ահազանգ է ստացվել, որ Քանաքեռի սեփական տներից մեկում կրակոցներ են հնչել կան տուժածներ:

Shamshyan.com-ի հաղորդմամբ, ոստիկաններն ու քննիչները Քանաքեռի 16 փողոցի սեփական տներից մեկի բակում հայտնաբերել են տղամարդու 2 դի: Պարզվել է նաեւ, որ նշված վայրից եւս 2 քաղաքացի տեղափոխվել է հիվանդանոց: Ըստ տեղեկութունների, նրանք ճանապարհին մահացել են:

Դեպքի վայրում հայտնաբերվել են մի քանի տեսակի զենքեր, կրակված պարկուճներ, գնդակներ, դանակ, արնանման հետքեր:

Կայքի տեղեկոթյուններով տանը, բակում հայտնաբերված սպանվածներից մեկը քրեական աշխարհում հայտնի մեծ հեղինակություն ունեցող «Քանաքեռցի Տույն» էր, իսկ տունը, որտեղ տեղի է ունեցել դեպքը, ըստ դեպքի վայրում հավաքված քաղաքացիների, պատկանում է նախկին պատգամավոր Արտուշին:

Փատի առթիվ Երեւան քաղաքի քննչական վարչությունում ՀՀ Քր.Օր-ի մի քանի հոդվածներով հարուցվել է քրեական գործ: Քննչական կոմիտեի նախագահ Արգիշտի Քարամյանի որոշմամբ ստեղծվել է քննչական խումբ:

Ոստիկանությունն ու քննչական վարչությունը ձեռնարկում են անհրաժեշտ օպերատիվ հետախուզական եւ քննչական համատեղ գործողություններ դեպքի հանգամանքները, մահացածների ինքնությունը պարզելու ուղղությամբ:

ՀՀ քննչական կոմիտեի Արմավիրի մարզային քննչական վարչությունում ավարտվել է Արմավիր քաղաքի բնակչի կողմից Սլովակիայի Հանրապետության՝ ազգությամբ հայ քաղաքացու նկատմամբ սպանության փորձ կատարելու դեպքի առթիվ հարուցված քրեական գործի նախաքննությունը:

Ըստ քննությամբ պարզված հանգամանքների՝ 2015թ. սեպտեմբերի 13-ին Սլովակիայի Հանրապետության Միխալովցե քաղաքի ոստիկանության տարածաշրջանային դեպարտամենտում հաղորդում է ստացվել այն մասին, որ կտրած-ծակած վնասվածքներով իրենց մոտ բուժօգնության է տեղափոխվել 30 տարեկան տղամարդ:

Փաստի առթիվ 2015թ. սեպտեմբերի 13-ին Սլովակիայի Հանրապետության քրեական օրենսգրքի համապատասխան հոդվածներով հարուցված քրեական գործով իրականացված անհրաժեշտ միջոցառումների արդյունքում պարզվել են դեպքի մի շարք հանգամանքներ, այդ թվում՝ դեպքի վայրը, 30-ամյա տղամարդուն վնասվածքներ հասցրած անձի ինքնությունը, ով ՀՀ քաղաքացի է, Արմավիր քաղաքի 54-ամյա բնակիչ:

Վերջինիս նկատմամբ Սլովակիայի իրավապահ մարմինների կողմից դեռևս 2016թ. մայիսին հայտարարվել է միջազգային հետախուզում, որի վերաբերյալ համապատասխան գրություն է ուղարկվել Հայաստանի Հանրապետությունում Ինտերպոլի Ազգային կենտրոնական բյուրո, իսկ 2018թ. հոկտեմբերին հիշյալ քրեական գործն ընդունվել է ՀՀ քննչական կոմիտեի վարույթ: Արմավիրի մարզային քննչական վարչությունում նախաքննության ընթացքում որոշումներ են կայացվել՝ Արմավիրի բնակչին առաջադրված մեղադրանքը փոփոխելու, նրա արարքը ՀՀ քրեական օրենսգրքին համապատասխանեցնելու, որպես մեղադրյալ ներգրավելու և նրա նկատմամբ հետախուզում հայտարարելու մասին:

ՀՀ քննչական կոմիտեի կողմիտեի կողմից ձեռնարկված անհրաժեշտ քննչական գործողությունների, ՀՀ Ոստիկանության կողմից իրականացված օպերատիվ-հետախուզական և օպերատիվ-որոնողական միջոցառումների արդյունքում 2019թ. հունվարի 27-ին Արմավիրի բնակիչը հայտնաբերվել և ներկայացվել է վարույթն իրականացնող մարմնին:

Մինչդատական վարույթում իրականացված միջոցառումների արդյունքում պարզվել է, որ Արմավիր քաղաքի բնակիչը 30-ամյա տղամարդուն ապօրինաբար կյանքից զրկելու ուղղակի դիտավորությամբ, 2015թ. սեպտեմբերի 12-ին հետապնդել և ժամը 23:40-ի սահմաններում Սլովակիայի Հանրապետության Միխալովցե քաղաքի Կոնեչնա փողոցում կանգնեցրել է տուժածի ավտոմեքենան, իսկ երբ վերջինս իջել է ավտոմեքենայից, սուր կտրող-ծակող առարկայով դիտավորությամբ հարվածներ է հասցրել նրա կրծքավանդակի շրջանին՝ պատճառելով կյանքին վտանգ սպառնացող ծանր վնասվածքներ, սակայն հանցագործությունն ավարտին չի հասցրել՝ իր կամքից անկախ հանգամանքներով:

Ձեռք բերված բավարար ապացույցների համակցությամբ՝ ՀՀ Արմավիր քաղաքի բնակչին մեղադրանք է առաջադրվել՝ ՀՀ քրեական օրենսգրքի 34-104-րդ հոդվածի 1-ին մասով:

Նախաքննությունն ավարտվել է, և քրեական գործը մեղադրական եզրակացությամբ, ուղարկվել է դատարան:

Հայաստանի քննչական կոմիտեի Տավուշի մարզային քննչական վարչությունում հարուցվել է քրեական գործ՝ ՀՀ քր-օր-ի 112 հոդվածի 2-րդ մասի 14-րդ կետի (դիտավորությամբ առողջությանը ծանր վնաս պատճառելը, որն անզգուշությամբ առաջացրել է տուժողի մահ) հատկանիշներով:  Այս մասին հայտնում է SHAMSHYAN.com-ը:

Ինչպես հայտնում է ֆոտոլրագրող Գագիկ Շամշյանը, նշված քրգործը հարուցվել է Տավուշի մարզի բնակիչ, 57-ամյա Ն.Ռ.-ի մահվան փաստով: 
  Նոյեմբերի 4-ին, ժամը 14:10-ի սահմաններում, Տավուշի մարզի բժշկական կենտրոններից մեկից ոստիկանության Նոյեմբերյանի բաժին ահազանգ է ստացվել, որ «գանգուղեղային տրամվա և կոմատոզ վիճակ» ախտորոշմամբ իրենց մոտ է տեղափոխվել Ն.Ռ.-ն:

   Հիվանդանոց է մեկնել ոստիկանության Տավուշի մարզային վարչության պետ Սերգո Ավետիսյանը, ոստիկանության Նոյեմբերյանի բաժնի պետ Վահան Ազատյանը, ինչպես նաև Հայաստանի քննչական կոմիտեի Տավուշի մարզային քննչական վարչության պետ Հովհաննես Խաչատրյանը:   Ոստիկաններն ու քննիչները պարզել են, որ նույն օրը՝ հիվանդանոց տեղափոխվածին իր տանը, անկողնում անգիտակից վիճակում հայտնաբերել է նրա ազգականը:  
 Հիվանդանոցում բժիշկները ոստիկաններին և քննիչներին հայտնել են, որ վիրավորը գտնվում է ծայրահեղ ծանր վիճակում և ի վիճակի չէ կատարվածի մասին բացատրություն տալու:   Ֆոտոլրագրողի տեղեկություններով, նոյեմբերի 5-ին, հիվանդանոցից ահազանգ է ստացվում ոստիկանության Նոյեմբերյանի բաժին, որ Ն.Ռ.-ն՝ գիտակցության չգալով, մահացել է: 

  Ոստիկանության Տավուշի մարզային վարչության, ոստիկանության Նոյեմբերյանի բաժնի քրեական հետախուզության և համայնքային ոստիկանության բաժանմունքների ծառայողները՝ ձեռնարկելով հսկայածավալ օպերատիվ-հետախուզական միջոցառումներ, պարզել են ենթադրյալ կասկածյալի ինքնությունը, այնուհետև Տավուշի մարզում հայտնաբերել են այդ կասկածյալին, ով բերման է ենթարկվել ոստիկանության Նոյեմբերյանի բաժին:   Փաստերի ճնշման տակ նա խոստովանել է, որ ինքն է հարվածներ հասցրել և մարմնական վնասվածքներ պատճառել մահացածին: 

Որից հետո 39-ամյա կասկածյալ Գ.Խ.-ին ոստիկանության Նոյեմբերյանի բաժնից ներկայացրել են Տավուշի մարզային քննչական վարչության Նոյեմբերյանի քննչական բաժին, որտեղ քննիչի որոշմամբ նա ձերբակալվել է:  

Նրա մոտ հայտնաբերվել է մահացածի տանից գողացված բջջային հեռախոսն ու լիցքավորիչը, իսկ վերնաշապիկի վրա առկա են եղել արնանման հետքեր, և ըստ կասկածների, հնարավոր է, դա լինի Ն.Ռ.-ի արյունը:   

Քննիչի որոշմամբ նշանակվել են մի շարք փորձաքննություններ, այդ թվում՝ դիակի դատաբժշկական: 

Մարդու իրավունքների եվրոպական դատարանը հրապարակել է «Խոջոյանն ու Վարդազարյանն ընդդեմ Ադրբեջանի» և «Պետրոսյանն ընդդեմ Ադրբեջանի» գործով վճիռները։

Առաջին գործով դիմումատուներն են Հասմիկ Խոջոյանը, Հեղինե Վարդազարյանը և Հայկազ Խոջոյանը (այժմ մահացած), որոնք Հայաստանի քաղաքացիներ են՝ ծնված համապատասխանաբար 1964, 1967 և 1959 թթ.-ին։

Գործը վերաբերում է դիմողների հոր՝ Մամիկոն Խոջոյանին, որը գերեվարվել ու խոշտանգվել էր Ադրբեջանի կողմից 2014թ-ի սկզբին։ Մամիկոն Խոջոյանը Վերին Կարմիրաղբյուր գյուղի (Տավուշի մարզ) բնակիչ էր։ Նա տնից դուրս էր եկել 2014 թվականի հունվարի 28-ի առավոտյան ու հայտնվել ադրբեջանական գերության մեջ։ Երկու օր անց ադրբեջանական կողմը հաղորդեց, իբր, նա հայկական դիվերսիոն խմբի զինված ուղեկցորդ է և բերման է ենթարկվել։

Նա Հայաստանի իշխանություններին է հանձնվել 2014 թվականի մարտի 4-ին և տաս շաբաթ անց մահացել տանը։

Այս գործով ՄԻԵԴ-ը գտել է, որ

Մամիկոն Խոջոյանի մասով տեղի է ունեցել Մարդու իրավունքների եվրոպական կոնվենցիայի 2-րդ հոդվածի (կյանքի իրավունքի և հետաքննության) խախտում

Մամիկոն Խոջոյանի խոշտանգումների պատճառով 3-րդ հոդվածի (Խոշտանգումների արգելք) խախտում։

Մամիկոն Խոջոյանի մասով 5-րդ հոդվածի խախտում (Ազատության և անձնական անձեռնմխելիության իրավունք)։

ՄԻԵԴ-ը որոշել է, որ  Ադրբեջանը պետք է դիմումատուներին վճարի 40,000 եվրո՝ որպես ոչ նյութական վնասի փոխհատուցում։

«Պետրոսյանն ընդդեմ Ադրբեջանի» գործով դիմումատուն Արտուշ Պետրոսյանը, ազգությամբ հայ է, ծնված 1957 թվականին և բնակվում է Չինարիում։

Նշվում է, որ որդին՝ 1981 թվականին ծնված Կարեն Պետրոսյանը, նրա հետ ապրել է Ադրբեջանի հետ սահմանամերձ Չինարիում։

2014 թվականի օգոստոսի 7-ին նրա որդին հատել է Ադրբեջանի սահմանը և գերի է ընկել ադրբեջանցիների զինված ուժեր կողմից։ Նա մահացել է գերության մեջ։

Կարեն Պետրոսյանի գործով ՄԻԵԴ-ը գտել է, որ տեղի է ունեցել  Մարդու իրավունքների եվրոպական կոնվենցիայի հոդված 2-ի խախտում (հետաքննություն և կյանքի իրավունք), 3-րդ հոդվածի խախտում (խոշտանգումների արգելում):

ՄԻԵԴ որոշմամբ Ադրբեջանը պետք է վճարի 40 000 եվրո՝ որպես ոչ նյութական վնասի փոխհատուցում։

Բոլորի աչքի առաջ է, թե ինչ համամասնություններով է կառավարությունը բաշխում պետական բյուջեի գումարները, որն ըստ էության գոյանում է մեր՝ ՀՀ քաղաքացիներիս վճարած հարկերից ու տուրքերից։ Թոշակառուների թոշակը դրանց հաշվին չի բարձրացվում /ձևի համար՝ 19 հազար թոշակառուի տրված 2100 դրամ հավելավճարը՝ այս կառավարության խարանն ու ամոթն է/, ուսուցչինն ու բժշկինը չի բարձրացվում, շտապօգնության վարորդների աշխատավարձը չնչին է, թեպետ գերծանրաբեռնված աշխատում են արդեն տևական շրջան։ Եվ թեպետ բանը հասել է գործադուլի, չի էլ բարձրացվի․․․ Բայց, ա՛յ, պետությունը, իմա՝ բյուջեի գլխին նստած Նիկոլ Փաշինյանը արդարադատության նախարարության առաջարկը, թե՝ դատախազության պաշտոնյաներին՝ աշխատավարձից զատ, աշխատավարձի մինչեւ 120 տոկոսի հասնող հավելավճար է անհրաժեշտ տալ, վստահաբար, կընդունի․․․

Բնականաբար, նման առաջարկները օդում չեն առաջանում, դրանք հենց ամենավերևից են գալիս։ Իսկ «վերև»-ը նիկոլական կառավարության համար Բարձրյալը չէ, այլ բացառապես մեկ մարդու իշխանությունն ու քմահաճույքը, այդ մեկ մարդու որոշումն ու տրամադրվածությունը։ Իսկ վերջինիս որոշումները պայմանավորված են միայն ու միայն իր անձնական և թայֆայական շահերով, սեփական իշխանությունը ամեն կերպ պահելու գերնպատակով։

Անզեն աչքով իսկ տեսանելի է, որ վարչապետն իր հիմնական հենարան որպես դիտարկում է ուժային կառույցները։ Բնականաբար, այս համատեքստում առաջին տեղը զբաղեցնում է ոստիկանությունը և պատահական չէ, որ Հայաստանը աստիճանաբար ոստիկանապետության վերածվեց։ ԱԱԾ, ՀՔԾ, Քննչական Կոմիտե՝ բոլոր այս կառույցներն իրենց բուն գործառույթը թողած՝ ծառայում են մեկ մարդու՝ Նիկոլ Փաշինյանին։ Այս մեկ մարդուն ծառայելուն արդեն երեք տարուց ավելի ջանադրաբար լծված է նաև ՀՀ գլխավոր դատախազը՝ իր ղեկավարած կառույցով հանդերձ։

ՈՒստի քննարկել՝ թե՝ գլխավոր դատախազին /ի դեպ, վերջինիս աշխատավարձին եթե առաջարկվող հավելավճարն էլ գումարվի, երկու միլիոն դրամը կգերազանցի/, ինչպես նաև նրա տեղակալներին՝ տրվելիք գումարը նրանց ո՞ր արած բացահայտման կամ՝ պետական շահի պաշտպանությանն ուղղված ո՞ր գործունեության համար է, պարապ զբաղմունք է։

Պետբյուջեից դատախազության բարձրաստիճաններին և հատկապես ՀՀ գլխավոր դատախազ Արթուր Դավթյանին «պարգևատրություն» անվան տակ տրվելիքը ոչ այլ ինչ է, քան՝ ՀՀ վարչապետի կողմից տրվող պետական կաշառք։
Սա ի՞նչ է, եթե ոչ՝ կոռուպցիայի օրինականացում․․․

Փաստաբանների պալատի անդամ Արմենուհի Առաքելյանը Երևանի ընդհանուր իրավասության դատարնում քննվող քրեական գործով ամբաստանյալ է։

Դատական տեղեկատվական համակարգում հրապարակված տվյալների համաձայն, Արմենուհի Յուրիկի Առաքելյանին մեղադրանք է առաջադրվել այն բանի համար, որ նա օժանդակել է Վարդուհի Ղազարյանի և Մամիկոն Խաչատրյանի կողմից կեղծ որդեգրում կատարելու միջոցով խնամքը ստանձնելու նպատակով 20.08.2018թ-ին ծնված Ն. Մ.-ի գնման փորձին:

Գործով հինգ ամբաստանյալ կա՝ երեխայի մայրը, տատը, փաստաբան Արմենուհին ու երեխային «որդեգրող» ամուսինները։ Գործը քննող դատավորը Երևան քաղաքի ընդհանուր իրավասության դատարանի դատավոր Կարեն Սուրենի Ֆարխոյանն է։

Փաստաբան Արմենուհի Առաքելյանին մեղադրանք է առաջադրված  ՀՀ քրեական օրենսգրքի 34-168-րդ հոդվածի 2–րդ մասի 4-րդ կետի հատկանիշներով։ 34 հոդվածը սահմանում է հանցափորձը, իսկ 168 հոդվածի 2-րդ մասի 4-ր կետը սահմանում է.

«Խնամքը ստանձնելու նպատակով երեխայի առքը կամ ստանձնողի խնամքին հանձնելու նպատակով երեխայի վաճառքը` կեղծ որդեգրում կատարելու միջոցով պատժվում է ազատազրկմամբ` չորսից ութ տարի ժամկետով` որոշակի պաշտոններ զբաղեցնելու կամ որոշակի գործունեությամբ զբաղվելու իրավունքից զրկելով` առավելագույնը երեք տարի ժամկետով, կամ առանց դրա»։

Ուշագրավ է, որ բոլոր հինգ ամբաստանյալների նկատմամբ  որպես խափանման միջոց ընտրված է ստորագրություն չհեռանալու մասին։ Երեքամյա երեխայի ճակատագրի հետ խաղալու մեջ մեղադրվող անձանցից որևէ մեկը անազատության մեջ չէ։

«Անալիտիկ»-ն այսօրվա հրապարակման մեջ կասկած էր հայտնել, որ Արմենուհի Առաքելյանի նկատմամբ կալանք չկիրառելու պատճառը գուցե իշխանությունների նկատմամբ տածած սերն է։

«Արմենուհի Առաքելյանը հանրությանը հայտնի է իշխանությունների նկատմամբ մեծագույն սիրով: Ասում են՝ նույնիսկ հայտարարում է, որ իր մեքենայով հեղափոխության օրերին փողոց է փակել: Միգուցե այդ հանգամանքով է պայմանավորված նման ծանր մեղադրանքի առկայությամբ տիկին Արմենուհու խափանման միջոցը ոչ թե կալանք, այլ չբացակայելու ստորագրություն ընտրելը: Օրինակ՝ պրոֆեսոր Չարչյանը երեխաներ չի վաճառել, սակայն գտնվում է բանտում»,-գրել է կայքը։ 

Սրա վերաբերյալ պարզաբանում ստանալու համար Panorama.am-ը զանգահարեց Առաքելյանին։ Վերջինը, լսելով, որ իր հետ լրագրող է խոսում, հարցն էլ վերաբերում է իր դեմ հարուցված քրեական գործին, գրեթե հիստերիայի մեջ ընկավ.

«Ես ոչ մի բան չեմ խոսում լրագրողների հետ»։
«Ինչո՞ւ»։
«Դա իմ իրավունք է, ու էլ չզանգեք ինձ այլևս»,-բղավեց նա ու անջատեց հեռախոսը՝ անպատասխան թողնելով հետագա բոլոր զանգերը։

Փաստաբանների պալատից հայտնեցին, որ փաստաբան Արմենուհի Առաքելյանի վերաբերյալ կարգապահական վարույթ չկա, իսկ արտոնագրի դադարեցման հիմք է դիտավորությամբ կատարված հանվագործության վերաբերյալ դատարանի օրինական ուժի մեջ մտած դատավճիռը։

Երևանի ընդհանուր իրավասության դատարանը երեխայի վաճառքի գործը ստացել է այս տարվա մայիսի 31-ին ու նույն օրը մակագրվել է Ֆարխոյանին։ Խորհրդանշական է, որ այն վարույթ ընդունվել հունիսի 1-ին՝ երեխաների պաշտպանության օրը։ Դատաքննություն է նշանակվել հունիսի 21-ին։  Դատական վերջին նիստը, ըստ համակարգի, կայացել է օգոստոսի 20-ին։ Հաջորդը նշանակված է նոյեմբերի 18-ին։

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
 

Արցախյան երրորդ պատերազմում ՀՀ իշխանությունների կողմից դավաճանական գործողությունների մասին ՀՀ ՊՆ ռազմական վերահսկողության ծառայության նախկին պետ Մովսես Հակոբյանի սկանդալային հայտարարություններից անցել է շուրջ մեկ տարի, սակայն երկրի բարձրագույն իշխանություններից գեթ մեկը դեռևս պատասխանատվություն չի կրել։ «Փաստինֆո»-ի գրավոր հարցմանն ի պատասխան ՀՔԾ-ից հայտնել են, որ որեւէ մեկին մեղադրանք չի առաջադրվել, թեեւ Մովսես Հակոբյանի հայտարարությունները չեն հերքվել։

Հիշեցնենք՝ Մովսես Հակոբյանը 2020 թվականի նոյեմբերի 19-ի ասուլիսում խոսել էր 44 օրյա պատերազմի մասին։

Հակոբյանը, մասնավորապես, հայտարարել է, որ Նիկոլ Փաշինյանը պատերազմի երրորդ օրը կանգնեցրել է բանակի համալրումը` կամավորականներին ուղակելով առաջնագիծ, նշել, որ պատերազմում պարտության ամենամեծ պատճառը ղեկավարումն է, անգրագիտությունը, պատերազմի արվեստին ու ղեկավարման համակարգին չտիրապետելը, եւ որ գործող Կառավարությունը 2018 թվականին փոխել է սպառազինության ձեռքբերման ռազմական պլանը։

Նա նաեւ հայտարարել էր, որ պատերազմի ընթացքում հրամանատարական կետում է գտնվել նաեւ ՀՀ վարչապետ Նիկոլ Փաշինյանի կինը, մինչդեռ նման իրավունք նա չունի եւ հաստատել այն տեղեկությունները, որ հրամանատարական կետից հեռանալու՝ Ա.Հակոբյանին ուղղված խնդրանքից հետո, իրեն կանչել են Երեւան։

Մ.Հակոբյանի սկանդալային հայտարարությունների առնչությամբ ՀՔԾ-ում հարուցվել է քրեական գործ եւ շուրջ մեկ տարի տեւած նախաքննության արդյունքում նրա հայտարարությունները չեն հերքվել, այսինքն՝ նախաքննական մարմինը ձեռք չի բերել գեթ մեկ ապացույց առ այն, որ Մ.Հակոբյանը սուտ մատնություն է արել, ինչը նշանակում է, որ դրանք հաստատվել են։ Այդուհանդերձ, ՀՔԾ-ն՝ ՀՀ դատախազության հետ միասին, հովանավորչության տակ են վերցրել պետության անվտանգության դեմ հանցագործություն կատարած անձանց։

Ավելին՝ այս մեկ տարվա ընթացքում ՀՀ բարձրաստիճան պաշտոնյաների կողմից առերևույթ պետական դավաճանության, ՀՀ տարածքային ամբողջականության դեմ ուղղված հանցագործությունների և ՀՀ ռազմավարական նշանակության տարածքները, դիրքերն ադրբեջանցիներին հանձնելու վերաբերյալ ներկայացված հանցագործության հաղորդումները ևս կցվել և քննության առարկա են դարձել նշված վարույթի շրջանակներում, որի շրջանակներում հարցաքննվել են ՀՀ ԶՈՒ ներկայիս ԳՇ պետ Արտակ Դավթյանը, նախկին նախարար Դավիթ Տոնոյանը եւ այլ զինվորականներ։

Պարզվում է Նշված վարույթի շրջանակներում է քննության առարկա դարձվել նաև Նիկոլ Փաշինյանի ինքնախոստովանական հայտարարությունը, համաձայն որի՝ Սյունիքում ռազմավարական դիրքերից զորքերը ետ քաշելու հրահանգը տվել է ինքը՝ միանձնյա։
Մասնավորապես, հոկտեմբերի 27-ին ԱԺ նիստի ընթացքում Նիկոլ Փաշինյանը, անդրադառնալով Սյունիքի մարզում ադրբեջանցիների կողմից դիրքեր վերցնելու վերաբերյալ հարցին, հայտարարել էր.

«Փաստինֆո»-ն կապ հաստատեց ՀՀ գլխավոր դատախազության հետ՝ պարզելու, թե արդյո՞ք համապատասխան ընթացք տրվել է այս հայտարարությանը, թե ոչ, որտեղից մեզ հայտնեցին, որ այդ հանգամանքները քննության առարկա են ՀՔԾ֊ում ՀՀ քրեական օրենսգրքի 308֊րդ հոդվածի հատկանիշներով՝ Մովսես Հակոբյանի հայտարարությունների հիման վրա հարուցված և քննվող քրեական գործի շրջանակներում։ Հարցին՝ արդյո՞ք Նիկոլ Փաշինյանը, ԱԳ նախարարը, նրա տեղակալները, ՊՆ նախկին նախարարը, ԱԽ քարտուղարը հրավիրվել են հարցաքննության՝ դատախազությունից հայտնել են, որ քրեական գործի քննության, քննչական ու դատավարական գործողությունների մասին այժմ տեղեկատվություն չեն կարող հայտնել։

Երեւանի ընդհանուր իրավասության դատարանը՝ դատավոր Վաչե Մարգարյանի նախագահությամբ, «Քաղաքացիական պայմանագիր» կուսակցության պատգամավոր Խաչատուր Սուքիասյանի եղբորը՝ Ռոբերտ Սուքիասյանին, ազատ է արձակելու որոշում է կայացրել։ Այս մասին  հայտնեց Սուքիասյանի պաշտպան Գոռ Միքայելյանը։

Նա հայտնեց, որ քրեական գործի նախաքննությունն ավարտվել է եւ գործն ուղարկվել է դատարան։

Հիշեցնենք, որ Ռոբերտ Սուքիասյանը կալանավորվել էր հուլիսի 22-ին Երեւանի Ամիրյան փողոցում  միջադեպի ժամանակ հնչած կրակոցների փաստի առթիվ հարուցված քրեական գործի շրջանակներում։ Ռոբերտ Սուքիասյանին մեղադրանք է առաջադրվել՝ ՀՀ ՔՕ 258-րդ հոդվածի 4-րդ մասով (խուլիգանությունը, որը զուգորդվել է անձի առողջությանը միջին ծանրության վնաս պատճառելով):

Թմրամիջոցների մաքսանենգության և ապօրինի շրջանառության դեմ պայքարը քրեաիրավական ոլորտում հայ-իրանական գործակցության առաջնահերթություններից է. ՀՀ Գլխավոր դատախազությունը հայտարարություն է տարածել.

«2020թ. ՀՀ և ԻԻՀ միջև պետական սահմանով թմրամիջոցների և հոգեմետ նյութերի մաքսանենգության բացահայտված դեպքերի առթիվ ՀՀ ԱԱԾ և ՀՀ ՊԵԿ քննչական մարմինների կողմից քննվել է 13 քրեական գործ, որոնցով որպես մեղադրյալ է ներգրավվել 14 անձ:

2021թ. առաջին 9 ամիսների տվյալներով քննվող նման գործերի քանակը կազմել է 12, որոնցով որպես մեղադրյալ է ներգրավվել 24 անձ, այդ թվում ինչպես ՀՀ, այնպես էլ ԻԻՀ քաղաքացի:

Ընդ որում՝ եթե 2017-ից 2020թթ. ընկած ժամանակահատվածում միայն ՀՀ մաքսային ծառայության կողմից հայտնաբերվել է Իրանից-Հայաստան ապօրինի ներմուծված 157 կգ տարբեր տեսակի թմրամիջոցներ և հոգեմետ նյութեր, ապա միայն 2021թ. մաքսակետում հայտնաբերվել է 451կգ թմրամիջոց:

Ընդհանուր առմամբ 2021թ. ընթացքում արձանագրվել է Իրանից մաքսանենգ եղանակով թմրամիջոցների ապօրինի մեծ խմբաքանակ Հայաստան ներմուծելու, ինչպես նաև Հայաստանի տարածքը որպես տարանցիկ օգտագործելու երկու դեպք, որոնցից մեկով Հայաստանի տարածք է տեղափոխվել և բացահայտվել 351 կիլոգրամ, իսկ մյուսի դեպքում՝ 366 կիլոգրամ Հերոին տեսակի թմրամիջոց։

Նախընթաց տարիներին ակտիվ պայքար է մղվել նաև Արցախի տարածքը որպես Իրանից Հայաստան թմրամիջոցների ապօրինի ներմուծման և փոխադրման ճանապարհ օգտագործելու դեմ: Սկսած 2016 թվականից՝ բայցահայտվել է նման 7 դեպք, որոնցից 3-ը հայտնաբերվել և դրանցով հարուցված քրեական գործերով քննություններն իրականացվել են Արցախի Հանրապետության իրավապահ մարմինների կողմից, իսկ 4-ը՝ Հայաստանի Հանրապետության իրավասու մարմինների կողմից: Իրանից Արցախ մաքսանենգ ճանապարհով տեղափոխված և բացահայտված ապօրինի թմրամիջոցների ընդհանուր քանակը կազմել է շուրջ 28 կգ:  

Նշված 7 քրեական գործով որպես մեղադրյալ է ներգրավվել 16 անձ: Մեղադրական եզրակացությամբ դատարան ուղարկված քրեական գործերով 10 անձ դատապարտվել է ազատազրկման:

Հաշվի առնելով, որ թմրամիջոցների մաքսանենգությունը, ապօրինի շրջանառությունը համարվում են բարձր լատենտայնություն ունեցող հանցագործություններ՝ վերոնշյալ ցուցանիշներն ակնհայտորեն փաստում են, որ ԻԻՀ-ից ՀՀ ինչպես միջպետական սահմանով, այնպես էլ մինչև 2020թ. արցախյան պատերազմը Արցախի տարածքով մաքսանենգ եղանակով թմրամիջոցների ապօրինի տեղափոխման և շրջանառության դեմ պայքարը, նաև Իրանի իրավապահ մարմինների հետ համագործակցությամբ, տարեցտարի դարձել է առավել հետևողական և արդյունավետ:

Այդ մասին են վկայում նաև թմրամիջոցների շրջանառության դեմ պայքարում մասնագիտացած միջազգային կառույցների արձագանքները: Մասնվարորապես, 2021թ. մարտին ՄԱԿ-ի Թմրամիջոցների և հանցավորության դեմ պայքարի գրասենյակից  (ՄԱԹՀՊԳ) ՀՀ գլխավոր դատախազություն է ստացվել  գրություն, որով, գոհունակություն հայտնելով Եվրոպա տեղափոխելու համար Իրանից Հայաստան ներմուծված թմրանյութի մեծաքանակ խմբաքանակը ՀՀ իրավապահ մարմինների կողմից բացահայտելու և առգրավվելու կապակցությամբ, ՄԱԹՀՊԳ-ն պատրաստակամություն է հայտնել աջակցել այդ գործընթացին ինչպես տեղեկատվության փոխանակման, թմրամիջոցների մաքսանենգության և ապօրինի շրջանառության դեմ պայքարում ներգրավված ծառայողների մասնագիտական կարողությունների կատարելագործման, այնպես էլ Իրանի, նպատակակետ երկրների հետ գործակցությամբ ապացույցների ձեռքբերման եղանակներով:

Թմրամիջոցների մաքսանենգության դեմ պայքարի վերջին շրջանի ակտիացումը մեծապես պայմանավորված է նաև ՀՀ և ԻԻՀ գլխավոր դատախազությունների միջև համագործակցության սերտացմամբ: Այդ պայքարի համատեքստում երկկողմ համագործակցության ընդլայնման խնդիրը առանձնահատուկ քննարկման առարկա է դարձել ինչպես 2019թ և 2021թ. փոխադարձ այցելությունների, այնպես էլ միջազգային ընդգրկման մի քանի համաժողովների ընթացքում ՀՀ և ԻԻՀ գլխավոր դատախազների միջև կայացած հանդիպումների և բանակցությունների օրակարգում:

Մասնավորապես, ԻԻՀ գլխավոր դատախազի՝ հոկտեմբերի 12-ից 15-ը ՀՀ կատարած այցի ընթացքում քննարկվել է երկու երկրների միջև սահմանային մաքսակետերում թմրամիջոցների հայտնաբերման նոր, ժամանակակից տեխնիկական միջոցներ ներդնելու հնարավորության և հեռանկարների, ինչպես նաև նման հանցագործություն կատարելու մեջ մերկացված անձանց քրեական պատասխանատվության ենթարկման, պատժի կրման հետ կապված հարցերը: Բացի այդ, թմրամիջոցների մաքսանենգության և թմրամիջոցների ապօրինի շրջանառության դեմ համատեղ պայքարի, նման դեպքերով հարուցված քրեական գործերի քննության առանձնահատկությունների, դրանց շրջանակներում փոխադարձ օժանդակության խնդիրն ընկած է ՀՀ և ԻԻՀ գլխավոր դատախազությունների միջև ստորագրված համագործակցության ծրագրից բխող միջոցառումների հիմքում:

Վերոնշյալ փաստերը վկայում են, որ թմրամիջոցների ապօրինի տարանցման և այդ նպատակով նաև Արցախի տարածքն օգտագործելու համար ՀՀ-ին և ԻԻՀ-ին ուղղված Ադրբեջանի նախագահ Իլհամ Ալիևի մեղադրանք-հայտարարությունները (առանց գեթ մեկ ապացույց ներկայացնելու), որոնք հնչել են հոկտեմբերի 15-ին ԱՊՀ պետությունների ղեկավարների խորհրդի առցանց նիստի ընթացքում, իրականության հետ որևէ աղերս չունեն, մտացածին են, զուրկ որևէ փաստական հիմքից, հետապնդում են ՀՀ-ին և ԻԻՀ-ին վարկաբեկելու անթաքույց, սակայն ի սկզբանե ձախողման դատապարտված նպատակներ, նաև ուղղված են հենց Ադրբեջանի՝ իբրև թմրամիջոցների տարանցիկ երկիր լինելու իրողությունը թաքցնելուն:      

Ադրբեջանի նախագահը նման հայտարարություններ անում է մի պարագայում, երբ ըստ ՄԱԿ-ի Թմրամիջոցների և հանցավորության դեմ պայքարի գրասենյակի կողմից հրապարակված զեկույցի՝ եթե Հայաստանն ընդգրկված է եղել 2015–2019թթ. կոնկրետ Հերոին տեսակի թմրամիջոցի ծագման և տարանցման ոչ հիմնական երկրների ցանկում, ապա Ադրբեջանը՝ հիմնական երկրների ցանկում»: