Kриминальный Азербайджан կայքի համաձայն` սարսափելի հանցագործությունը տեղի է ունեցել նախորդ տարվա փետրվարին: Գյուլնազը (պայմանական անուն), ի դեպ, հարազատների կողմից սեռական բռնության ենթարկվել է  պարբերաբար: Անչափահաս տարիքում՝ առանց մոր մնացած աղջիկը հարազատների կողմից սեռական գերության մեջ է գտնվել ավելի քան 10 տարի:

Գյուլնազը հոր և եղբոր հետ բնակվել է Նեֆտչալեում գտնվող սեփական տանը: Մոր մահից հետո նրա ուսերին է ընկել տուն, ինչպես նաև հորն ու եղբորը խնամելու ծանր պատասխանատվությունը:

Մի օր Գյուլնազի եղբայրը, որն իրենից 3 տարով մեծ է, մտել է բաղնիք ու բռնաբարել նրան: Եղբոր կողմից մահվան սպառնալիքի ներքո աղջիկը թաքցրել է կատարվածն, իսկ նրա կողմից սեռական բռնությունները դարձել են ամենօրյա երևույթ:

Երբ եղբայրը զորակոչվել է բանակ, Գյուլնազը կարծել է, թե իր կյանքը դրանից հետո կհեշտանա, այնինչ՝ հետո էլ նա դարձել է հոր կողմից նման հարձակումների զոհ: Պարզվել է, որ աղջկան ծեծելու ժամանակ, վերջինիս հագուստը պատռվում է ու երևում մարմնի մերկությունը: Այստեղ տղամարդու մոտ սեռական ցանկություն է առաջանում իր դստեր հանդեպ ու նա բռնաբարում է աղջկան: Ամենաանհեթեթն այս պատմության մեջ այն է, որ ադրբեջանցի տղամարդու մոտ այս «իրադարձությունից» հետո արթնանում է «թասիբի զգացողությունը». նրան զայրացնում է այն, որ դուստրը կույս չէր: Ծեծի ու բռնության միջոցով հայրը տեղեկանում է, թե ինչ եղանակով է դուստրը զրկվել անմեղությունից: Ամենն իմանալուց հետո հայրը (եթե կարելի է այդպես անվանել) դա բավարար հիմք է ընդունում իր գործողությունները արդարացնելու համար ու դուստրը դառնում է նրա ստրկուհին:
Որոշ ժամանակ անց «խրախճանքին» միանում է աղջկա հորեղբայրը. կալանավայրից դուրս եկած հորեղբայրը օրերից մի օր տուն վերադառնալիս ականատես է լինում հոր կողմից դստերը բռնաբարելու այլանդակ տեսարանին: Բնականաբար աղջկան աջակցելու փոխարեն, նույն ցեղատեսակին պատկանող հորեղբայրը սպասում է մինչ «առաջին արարն ավարտվի», իսկ աղջկա քնելուց հետո մտնում է նրա անկողին ու ևս բռնաբարում:

Այս ընթացքում Գյուլնազը կորցնում է դիմադրելու կարողությունն ու հաշտվում իր ճակատագրի հետ: Դրանից հետո հայրն ու հորեղբայրը ժամանակ առ ժամանակ բռնաբարում են աղջկան:

Ամենաուշագրավն այս պատմության մեջ այն է, որ Գյուլնազի հայրն իր իսկ եղբորը խանդելով մի օր որոշում է ոստիկանությունում նրա դեմ բողոք ներկայացնել: Դրանից հետո էլ բացահայտվում են նողկալի այս պատմության սարսափելի մանրամասները:

Ազգային ժողովում նախատեսվում է քննարկել օրենքի նախագիծ, որով պարտադիր զինվորական ծառայությունից խուսափած եւ 27 տարին լրացած  երիտասարդ տղաներին հնարավորություն կընձեռվի կատարել համապատասխան վճարում  եւ զերծ մնալ քրեական հետապնդումից: Այն, որ մեր իշխանություններն իրենց իսկ վարած ապաշնորհ քաղաքականության արդյունքում բախվել են բյուջեն ամեն կերպ լցնելու անհրաժեշտությանը՝ գիտեինք, բայց որ այդ ճանապարհին պատրաստվում են խախտել ՀՀ սահմանադրությունը և սոցիալական արդարության նորմերը՝ նորություն էր: Չնայած, ինչպես ասում են՝ ոչ առաջին անգամն է, ոչ էլ վերջին:

Ի՞նչ է ստացվում. բանակից խուսափած և երկրից բառի բուն իմաստով փախած երիտասարդները կարող են վճարել 1 մլն 800 հազար դրամ և անմիջապես դասալիքի նկատմամբ հարուցված քրեական հետապնդումը կարճվում է ու նրանք կարող են վերադառնալ Հայաստան՝ ասես ոչինչ էլ չի եղել: Եվ բյուջեն կլցվի, և դասալիքները գոհ կմնան: Իսկ այն երիտասարդները, որոնք չեն կարողանա գտնել այդ ֆինանսական միջոցները, թող իրենց գլխի ճարը տեսնեն: Օրենքի նախագծի հեղինակներ Գալուստ Սահակյանը և Կարինե Աճեմյանը երևի տեղյակ չեն, որ ՀՀ սահմանադրությամբ զինապարտությունը պարտադիր է բոլորի համար՝ ոչ թե միայն սոցիալապես վատ վիճակում գտնվողների: Մայր օրենքը նաև հավասար պայմաններ է սահմանում ՀՀ բոլոր քաղաքացիների համար: Ստացվում է՝ Սահակյանը և Աճեմյանը, ձեռք-ձեռքի տված՝ ցանկանում են իրենց բարձր դասել Սահմանադրությունից և ունևոր խավի երիտասարդներին խնայելու միջոցով երկու կոպեկ ավել բերել ՀՀ դատարկ բյուջե

Նյութի աղբյուրը` armlur.ru

ՀՀ ոստիկանության ներքին անվտանգության վարչությունից ստացված նյութերի հիման վրա ՀՀ հատուկ քննչական ծառայությունում հարուցված քրեական գործի նախաքննությամբ բացահայտվել են «Ճանապարհային ոստիկանության» երկու տեսուչների կողմից կատարված հանցագործությունների` կաշառք պահանջելու եւ ստանալու մի քանի դրվագներ:

ՀՔԾ-ից հայտնում են, որ քննությամբ ձեռք բերված բավարար ապացույցներով հիմնավորվել է, որ ճանապարհային ոստիկանները նախնական համաձայնությամբ, շորթման եղանակով, խոշոր չափերով կաշառք են ստացել ԻԻՀ քաղաքացուց, ինչպես նաեւ կաշառք են պահանջել եւս 4 քաղաքացիներից:

Այսպես, 2017թ.-ի օգոստոսի 27-ին` Երեւան քաղաքի Աճառյան փողոցում, ՃՈ ավագ տեսուչ Նշան Թադեւոսյանը, իր հետ ծառայություն իրականացնող ՃՈ տեսուչ Արթուր Մարտիկյանի հետ, առանց ճանապարհային երթեւեկության կանոնների խախտման հատկանիշների առկայության, կանգնեցրել են ԻԻՀ քաղաքացի Ֆաթոլահ Հաջամինի վարած «Սամանդ» մակնիշի ավտոմեքենան, ապա` առանց համապատասխան ստուգման, նրան մեղադրել ալկոհոլ օգտագործելու մեջ: Այնուհետեւ հիշյալ ոստիկանները, ոտնահարելով ԻԻՀ քաղաքացու իրավունքներն ու օրինական շահերը, 300.000 ՀՀ դրամի չափով վարչական իրավախախտման վերաբերյալ արձանագրություն կազմելու, Ֆ. Հաջամինին 12 օրով ազատությունից զրկելու եւ ավտոմեքենան տուգանային հրապարակ տեղափոխելու սպառնալիքով նրանից նախնական համաձայնությամբ պահանջել ու ստացել են խոշոր չափերով` 191.200 ՀՀ դրամին համարժեք 400 ԱՄՆ դոլար եւ 60.000 ՀՀ դրամ կաշառք:

Բացի այդ, Հատուկ քննչական ծառայությունում վերը նշված դեպքի քննության ընթացքում բացահայտվել են հիշյալ ՃՈ տեսուչների կողմից դեպքի օրը նաեւ այլ քաղաքացիներից կաշառք պահանջելու եւս 4 դրվագներ:

Այսպես, 2017թ.-ի օգոստոսի 27-ին Ն. Թադեւոսյանն ու Ա. Մարտիկյանը Երեւան քաղաքի տարբեր հատվածներում կանգնեցրել են անվտանգության գոտին չամրակապած երեք վարորդների եւ վերջիններիս օգտին ակնհայտ ապօրինի գործողություններ կատարելու` վարչական իրավախախտումները չարձանագրելու համար նրանցից նախնական համաձայնությամբ պահանջել 3000-5000 ՀՀ դրամ կաշառք:

Նույն օրը ՃՈ տեսուչները անվտանգության ամրագոտին չամրակապելու համար կանգնեցրել են եւս մեկ վարորդի: Այնուհետեւ, նկատելով, որ վերջինիս ավտոմեքենայի տեխզննության կտրոնը ժամկետանց է եւ պատկանում է մեկ այլ տրանսպորտային միջոցի, ՃՈ տեսուչները, այդ մասին արձանագրություն չկազմելու համար, նախնական համաձայնությամբ վարորդից պահանջել են 30.000 ՀՀ դրամ կաշառք:

Այսպիսով, ԻԻՀ քաղաքացուց նախնական համաձայնությամբ, շորթմամբ խոշոր չափերով կաշառք ստանալու համար ՀՀ ոստիկանության «Ճանապարհային ոստիկանության» տեսուչներ Ն. Թադեւոսյանին ու Ա. Մարտիկյանին մեղադրանքներ են առաջադրվել ՀՀ քրեական օրենսգրքի 311-րդ հոդվածի 3-րդ մասի 1-ին, 2-րդ եւ 3-րդ կետերով, իսկ ՀՀ 4 քաղաքացիներից նախնական համաձայնությամբ կաշառք պահանջելու համար նույն ՃՈ տեսուչներին մեղադրանքներ են առաջադրվել 4 դրվագ ՀՀ քրեական օրենսգրքի 311-րդ հոդվածի 3-րդ մասի 2-րդ կետով: ՃՈ տեսուչներ Ն. Թադեւոսյանի ու Ա. Մարտիկյանի նկատմամբ որպես խափանման միջոց է ընտրվել կալանավորումը:

Քրեական գործի նախաքննությունն ավարտվել է: Գործը մեղադրական եզրակացությամբ ուղարկվել է դատավարական հսկողություն իրականացնող դատախազին՝ այն հաստատելու եւ դատարան ուղարկելու համար:

ՀՀ քննչական կոմիտեի ՀԿԳ քննության գլխավոր վարչությունում ձեռնարկվում են անհրաժեշտ քննչական գործողություններ՝ պարզելու 2017թ. հոկտեմբերի 2-ին «Արմենիա բժշկական կենտրոն» ՓԲԸ-ից դատապարտյալի փախուստը կազմակերպելու դեպքի բոլոր հանգամանքները։

Հաշվի առնելով զինված միջադեպի նկատմամբ հանրային մեծ հետաքրքրությունը՝ տեղեկացնում ենք, որ ՀՀ ԱՆ «Արթիկ» քրեակատարողական հիմնարկում պատիժը կրող դատապարտյալ Դ.Գալստյանը բուժզննում անցնելու նպատակով «Արմենիա բժշկական կենտրոն» ՓԲԸ անոթային վիրաբուժության բաժանմունք է տեղափոխվել 2017թ. հոկտեմբերի 2-ին՝ ժամը 14.30-ին` «Արթիկ» ՔԿՀ-ի երեք աշխատակցի ուղեկցությամբ:

Նախնական քննությամբ ձեռք բերված փաստական տվյալների համաձայն՝ ժամը 15.20-ի սահմաններում,  հիշյալ բաժանմունքի հիվանդասենյակ է մուտք գործել մի երիտասարդ՝ Երևանի բնակիչ, ծնված 1988թ., և դատապարտյալ Դ.Գալստյանի փախուստը կազմակերպելու նպատակով, իր մոտ ապօրինի պահվող ինքնաձիգից կրակոց արձակել, ՔԿՀ անվտանգության ապահովման բաժնի պետի տեղակալ Ա.Մարուքյանին հաջողվել է զինված անձին վնասազերծել առաջին կրակոցից անմիջապես հետո:

Օգտվելով ստեղծված իրավիճակից՝ դատապարտյալը, ՔԿՀ աշխատակցի  նկատմամբ բռնություն գործադրելով, հափշտակել է նրան ամրակցված «Մակարով» տեսակի ատրճանակը և կրակոցներ արձակել, սակայն նույն աշխատակցին հաջողվել է նախ հատուկ հնարքի կիրառմամբ խափանել դատապարտյալի կողմից դիպուկ կրակոցների արձակումը, այնուհետև՝ վնասազերծել նրան՝ հետ խլելով ատրճանակը: Դատապարտյալը դիմել է փախուստի, որին հետապնդել են ՔԿՀ երկու աշխատակից և բժշկական կենտրոնի անվտանգության աշխատակցի աջակցությամբ տվյալ մասնաշենքի մուտքի մոտ բռնել նրան՝ կանխելով փախուստը:

1988թ. ծնված երիտասարդը 2017թ. հոկտեմբերի 2-ին ձերբակալվել է՝ ՀՀ քրեական օրենսգրքի 34-104-րդ հոդվածի 2-րդ մասի 1-ին և 2-րդ կետերով, 235-րդ հոդվածի 1-ին մասով, 38-34-355-րդ հոդվածի 2-րդ մասի 3-րդ կետով նախատեսված առերևույթ հանցավոր արարքներ կատարելու կասկածանքով:

Դեպքի վայրի զննության ժամանակ «Արմենիա բժշկական կենտրոն» ՓԲԸ անոթային վիրաբուժության բաժանմունքի 7-րդ հիվանդասենյակից հայտնաբերվել և առգրավվել են 9մմ տրամաչափի փամփուշտի 4 հատ պարկուճ, 3 հատ գնդակ, մեկ հատ գնդակի պատյան, մեկ հատ գնդակի միջուկ, 7.62մմ տրամաչափի փամփուշտի մեկ հատ պարկուճ, մեկ հատ դեֆորմացված գնդակ և մեկ հատ գնդակի պատյանի հատված: Հիվանդասենյակի պատերին, սալիկապատ հատակին, սանհանգույցի մուտքի դռան, մահճակալի ներքնակին և մետաղյա հարթակին, սենյակում դրված սառնարանի վրա հայտնաբերվել են հրազենային վնասվածքներին բնորոշ հետքեր:

Դեպքի վայրի զննությամբ նույն հիվանդասենյակում հայտնաբերվել է MЛ 115 համարի ինքնաձիգ, հիվանդասենյակի մուտքի դռնից ձախ պատի տակ դրված մահճակալին դրված  սպորտային պայուսակի միջից հայտնաբերվել է փամփշտատուփ՝ լիցքավորված 7.62մմ տրամաչափի 27 հատ փամփուշտներով, 7.62մմ տրամաչափի 2 հատ փամփուշտ, զենքի խլացուցիչ, օպտիկական սարք և խզակոթ, նույն մահճակալին դրված բարձի մոտից հայտնաբերվել է փոքր փամփշտատուփ՝ լիցքավորված 7 հատ 7.62մմ տրամաչափի փամփուշտներով:

ՀՀ ՔԿ ՀԿԳ քննության գլխավոր վարչության վարույթում կատարվում են մեծածավալ քննչական գործողություններ՝ բազմակողմանի, օբյեկտիվ և լրիվ քննությունն ապահովելու ուղղությամբ։

Եթե լրացել է ՀՀ քաղաքացու անձնագրի վավերականության ժամկետը, այն փոխանակելու դեպքում քաղաքացին չի կարող ենթարկվել պատասխանատվության: Այս մասինFacebook-ի իր էջում գրել է ՀՀ ոստիկանության անձնագրային և վիզաների վարչության պետ Մնացական Բիչախչյանը:

«Նախկինում անվավեր անձնագրով կամ առանց անձնագրի բնակվելու դեպքում Վարչական իրավախախտումների վերաբերյալ ՀՀ օրենսգրքով նախատեսված էր վարչական պատասխանատվություն:Նույնկերպ անձը չի կարող ենթարկվել վարչական պատասխանատվության, եթե կորցրել է անձնագիրը և ցանկանում է ստանալ նորը»,- գրել է Բիչախչյանը:

«Ժողովուրդ» թերթը գրում է. «Օրեր առաջ՝ սեպտեմբերի 30-ին, լարված իրավիճակ էր ստեղծվել Ախալքալաքի շրջանի հայաբնակ Գումբուրդո գյուղում: Տեղի բնակիչները ցանկացել էին խաչքար տեղադրել եկեղեցու բակում թաղված շիրիմների հիշատակին: Սակայն Վրաստանի ոստիկանությունը ժամանել է գյուղ եւ արգելել խաչքարի տեղադրումը: Լարվածությունը վերածվել էր ծեծկռտուքի:

Անգամ Հայաստանի բարձրաստիճան պաշտոնյաներն են միջամտել կատարվածին. Վրաստանի նախկին պատգամավոր Սամվել Պետրոսյանը թերթի հետ զրույցում պատմել է, որ ՀՀ ոստիկանապետ Վլադիմիր Գասպարյանը բանակցել է Վրաստանի ներքին գործերի նախարարի հետ եւ ամեն ինչ արել, որպեսզի լարվածությունն հանդարտվի: «Ու ասեմ, որ Վրաստանի պաշտոնյաներն այդպես էլ տրամադրված էին՝ ամեն ինչ անել, որ լարվածությունն իջնի, ու ժողովուրդը հանգստանա»,- նշել է նա ու հավելել, որ հիմա խաչքար տեղադրելու հարցը քննարկում են հայ եւ վրաց եկեղեցիները»:

«Ժողովուրդ»

Ամբողջությամբ կարող եք կարդալ  թերթի այսօրվա համարում:

Այսօր՝ հոկտեմբերի 2-ին, արտակարգ դեպք է տեղի ունեցել Երևանում։ Ժամը 16։20-ի սահմաններում ինքնաձիգով զինված քաղաքացին ներս է մտել «Արմենիա բժշկական կենտրոնի անոթային բաժանմունք, որտեղ բուժում է ստանում կալանավորված մի քաղաքացի։

Ինչպես հայտնում է shamshyan.com-ը, այդ անձը, ով ինքնաձիգը հիվանդանոց է մտցրել պայուսակի մեջ թաքցրած, 3-րդ հարկի հիվանդասենյակներից մեկում ոչ թիրախային անկանոն կրակոցներ է արձակել։ Բարեբախտաբար, զոհեր և վիրավորներ չկան։ Կալանավորին հսկող Ոստիկանության ծառայողները կարողացել են վնասազերծել կրակոցներ արձակողին, սակայն կալանավորը դիմել է փախուստի։ Գ. Շամշյանի տեղեկություններով՝ նրա փախուստը կանխվել է հիվանդանոցում ծառայություն կատարող ինչ-որ ընկերության անվտանգության աշխատակիցների կողմից։

***

«Արմենիա» բժշկական կենտրոնում հնչած կրակոցների ժամանակ փորձել է փախուստի է դիմել այնտեղ բուժում ստացող կալանավորը: Ըստ Փաստինֆոյի՝ Նորք-Մարաշում վնասազերծված «բանդայի» հայտնի գործով անազատության մեջ գտնվող Դավիթ Գալստյանին տեղափոխել են բժշկական կենտրոն՝ բուժում ստանալու: Հենց նրա հիվանդասենյակում էլ հնչել են կրակոցները:Ոստիկանանությանն աշխատակիցներին հաջողվել է վնասազերծել դատապարտյալի հիվանդասենյակ մուտք գործած և կրակ արձակած անձին, սակայն այդ ընթացքում դատապարտյալը խլել է ՔԿՀ-ի աշխատակիցներից մեկի զենքը և կրակել է հատակին, որից հետո փախուստի է դիմել, թեև հիվանդանոցից դուրս գալ չի հաջողվել: Նրան ևս ոստիկանենրը վնասազերծել են:

Առանձնապես խոշոր չափերով կաշառք ստանալու, կաշառքի միջնորդության և կաշառք տալու դեպքերի վերաբերյալ ՀՀ հատուկ քննչական ծառայությունում քննվող քրեական գործով իրականացված նախաքննության ընթացքում որոշում է կայացվել՝ ՀՀ փաստաբանների պալատի փաստաբան Գայանե Գալոյանին և ՀՀ ՔԿ Երևան քաղաքի քննչական վարչության Էրեբունի և Նուբարաշեն վարչական շրջանների քննչական բաժնի ավագ քննիչ Միքայել  Զադոյանին որպես մեղադրյալներ ներգրավելու մասին: Այս մասին հայտնում է ՀՔԾ լրատվական ծառայությունը:

Այսպես, նախաքննությամբ ձեռք բերված փաստական տվյալներով պարզվել է, որ ՀՀ ՔԿ Երևան քաղաքի քննչական վարչության Էրեբունի և Նուբարաշեն վարչական շրջանների քննչական բաժնում քննված քրեական գործով ՀՀ քաղաքացի Սոս Գասպարյանը որպես մեղադրյալ է ներգրավվել ՀՀ քրեական օրենսգրքի 112-րդ հոդվածի հատկանիշներով նախատեսված հանցանքի կատարման համար: Սակայն վերջինիս հայրը` Բաբկեն Գասպարյանը, նախաքննության ընթացքում այցելել է հիշյալ քննչական բաժին և տվյալ գործով վարույթն իրականացնող քննիչ Մ. Զադոյանին առաջարկել առանձնապես խոշոր չափերով` 3000 ԱՄՆ դոլար կաշառք` որդուն չձերբակալելու և նրան առավել մեղմ քրեական պատասխանատվության ենթարկելու համար:

Քննիչն ընդունել է կաշառք ստանալու առաջարկը և իր հանցավոր մտադրությունն իրականացնելու նպատակով մեղադրյալի հորն ուղարկել ՀՀ փաստաբանների պալատի փաստաբան Գ. Գալոյանի մոտ` նրա միջոցով կաշառքի գումարն ստանալու և քրեական գործի ընթացքն ուղղորդելու համար` նախապես այդ մասին զգուշացնելով փաստաբանին: ՀՀ քննչական կոմիտեի պաշտոնատար անձի հետ նախապես ձեռք բերված պայմանավորվածության համաձայն` Գ. Գալոյանը, քննիչի համար վերացնելով անձամբ կաշառատուից գումարն ստանալու պարագայում հավանական բացահայտման խոչընդոտը, Բ. Գասպարյանից 2016թ. դեկտեմբերին ստացել և Մ. Զադոյանին է փոխանցել 1.450.950 ՀՀ դրամին համարժեք, առանձնապես խոշոր չափերով` 3000 ԱՄՆ դոլար կաշառքի գումարը:

Այսպիսով, քննիչ Մ. Զադոյանը նախնական համաձայնությամբ, փաստաբան Գ. Գալոյանի օժանդակությամբ և միջոցով Բ. Գասպարյանից ստացել է առանձնապես խոշոր չափերով կաշառք:

Պետական հատուկ ծառայություն իրականացնող պաշտոնատար անձի կողմից նախնական համաձայնությամբ առանձնապես խոշոր չափերով կաշառք ստանալուն օժանդակելու համար փաստաբան Գ. Գալոյանին մեղադրանք է առաջադրվել ՀՀ քրեական օրենսգրքի 38-311-րդ հոդվածի 4-րդ մասի 2-րդ կետով: Նախնական համաձայնությամբ առանձնապես խոշոր չափերով կաշառք ստանալու համար քննիչ Մ. Զադոյանին մեղադրանք է առաջադրվել ՀՀ քրեական օրենսգրքի 311-րդ հոդվածի 4-րդ մասի 2-րդ կետով, իսկ առանձնապես խոշոր չափերով կաշառք տալու համար Բ. Գասպարյանին մեղադրանք է առաջադրվել ՀՀ քրեական օրենսգրքի 312-րդ հոդվածի 3-րդ մասի 1-ին կետով:

Փաստաբանի և քննիչի նկատմամբ որպես խափանման միջոց է ընտրվել կալանավորումը:

Նախաքննությունը շարունակվում է:

Ջավախքի հայաբնակ Գումբուրդո գյուղում սեպտեմբերի 30-ի առավոտյան հայկական եկեղեցու բակում խաչքար տեղադրելն արգելելու համար ոստիկաններն օդ են կրակել եւ մահակներով դաժանաբար ծեծել տեղի հայ բնակիչներին: Լրատվամիջոցները գրեցին, որ հայերի վրա հարձակվել են վրացի ոստիկանները, սակայն պարզվում է, ոստիկանները հայ են եղել: Այս մասին armtimes.com-ի հետ զրույցում ասաց aliqmedia հայ-վրացական կայքի գլխավոր խմբագիր Արսեն Խառատյանը:

«Մամուլը գրեց, որ վրացի ոստիկանները ծեծել են հայ գյուղացիներին, բայց ուզում եմ ասել, որ Ջավախքի շրջանում ոստիկանության, թե ազգային անվտանգության ծառայության աշխատակիցների մեծ մասը հայեր են: Իսկ երբ իրավիճակն ավելի սրվեց հատուկ ջոկատայիններ բերցեցին, դիմակավորված անձիք էին, հետո ուղղաթիռով եկավ ներքին գործերի նախարարը»,- մեր զրույցում ասաց Խառատյանը:

Արսեն Խառատյանը armtimes.com-ի հետ զրույցում նաեւ տեղեկացրեց, որ Վրաստանի մշակութային ժառանգությունների պահպանման ազգային գործակալության կողմից խաչքարի տեղադրման թույլտվություն չի եղել այն պատճառաբանությամբ, որ այժմ եկեղեցու տարածքում ընթանում են պեղման աշխատանքներ, եւ այն կարող է խանգարել այդ գործընթացին:

«Վրացական կողմը գտնում է, որ այդ եկեղեցին հունադավան է (քաղքեդոնական) եւ եթե հայերն այդ եկեղեցու տարածքում խաչքար են դնում, վիճարկում են այդ եկեղեցու պատկանելիությունը: Գյուղի բնակիչներն էլ ուզում էին խաչքար դնել, որովհետեւ որոշ ժամանակ առաջ տարածքը փորվել էր եւ ոսկորներ էին գտնվել, որ հայկական են եղել: Ես խաչքարի տեղադրման մեջ վատ բան չեմ տեսնում, քանի որ Ջավախքում հայկական խաչքարեր շատ կան»,- այս կարծիքին է «Ջավախք» հայրենակցական միության նախագահ, ՀՀ ԱԺ պատգամավոր Շիրակ Թորոսյանը:

Վերջինս նաեւ կարծում է, որ այս բախումն ունի քաղաքական ենթատեքստ. առաջիկայում տեղի են ունենալու Ջավախքի ՏԻՄ ընտրությունները:

«Ինձ թվում է այստեղ սադրանքի հարց կար, քանի որ հոկտեմբերի 21-ին սպասվում են ՏԻՄ ընտրություններ: Հնարավոր է, որ ցանկացել են սրել իրավիճակը, որ կարողանան լրացուցիչ դիվիդենտներ շահել: Թեեւ ցանկանում եմ նշել, որ վերջին տարիների հայ-վրացական կոնֆլիկտները կարգավորվում են քաղաքակիրթ ճանապարհներով, ինչը դուր չի գալիս թուրք-ադրբեջանական կողմին: Չեմ բացառում, որ նրանք եւս փորձում են երկու ազգերի միջեւ բախում սադրել»,- եզրափակում է Թորոսյանը:

armtimes.com

Վրաստանի ՆԳՆ քրեական ոստիկանական վարչության կազմակերպված հանցագործությունների դեմ պայքարի գլխավոր վարչությունը ՀՀ իրավապահների դիմումի հիման վրա Թբիլիսիում ձերբակալել էր  Սամվել Բաբայանին «Իգլա» զենիթահրթիռային համակարգ մատակարարած անձ հանդիսացող Ռոբերտ Աղվանյանին:

Աղվանյանի ձերբակալվել է մարտ ամսին, սակայն նա այդպես էլ չի արտահանձնվել Հայաստանին:

Նշենք, որ Ռոբերտ Աղվանյանը Էջմիածնի նախկին քաղաքապետերից մեկի որդին է:

Henaran.am-ի թղթակցի հետ զրույցում Աղվանյանի ընտանիքին ճանաչող անձը նկատեց.«Հնարավոր է նա արդեն Ֆրանսիայում լինի: Հայրը բավականին ժամանակ է այնտեղ է ապրում և Էջմիածնում կա խոսակցություն, որ տղային տարել է իր մոտ»:

Henaran.am-ը հայտնել է, որ վերջին դատական նիստի ժամանակ Սամվել Բաբայանը այս հարցով դիմեց նախագահող դատավորին. «Մի քանի  ամիս է ցույց են տալիս, որ գործով մեղադրյալ Ռոբերտ Աղվանյանը, ով  ձեռքա բերել «Իգլան» Վրաստանում բերման է ենթարկվել, բա ո՞ւր ա էտ մարդը, իրանն ա չէ էտ հրթիռը»:

Նշենք, որ Արմեն Պողոսյանին  մեղադրանք է առաջադրվել մի խումբ անձանց հետ` նախնական համաձայնությամբ ապօրինի կերպով ձեռք է բերել, փոխադրել և պահել ռազմամթերք հանդիսացող «Իգլա» տեսակի դյուրակիր զենիթահռթիռային համալիր:

Ժորա Զաքարյանին և Դավիթ Հարությունյանին Կարեն և Անդրանիկ Քոչարյաններին մեղադրանք է առաջադրվել ՀՀ քրեական օրենսգրքի 38-190-րդ հոդվածի 1-ին մասով, իսկ Արմեն Պողոսյանին՝ 235-րդ հոդվածի 2-րդ մասով:

Նշենք, որ հանցավոր ճանապարհով ստացված գույքն օրինականացնելու (փողերի լվացում), ինչպես նաև ապօրինի կերպով ռազմամթերք ձեռք բերելու, պահելու և փոխադրելու գործով անցնում են 7 մեղադրյալ, և նրանցից երեքը՝ Սամվել Բաբայանը, Սանասար Գաբրիելյանը և Արմեն Պողոսյանը գտնվում են կալանքի տակ, իսկ մյուս չորսի նկատմամբ որպես խափանման միջոց է ընտրված չհեռանալու մասին ստորագրությունը:

henaran.am