EUR

517

USD

477

RUR

7.7
Ես չեմ վիրավորում. եթե թքելը քաղաքական գնահատական է, իմ ասածներն էլ են քաղաքական...
Խորապես դատապարտում ենք Հայրապետի դեմ Փաշինյանի հրահանգով թիկնապահների և ոստիկան...
Լուրեր

23.05.2025 | 13:05

FOTON աշխարհահռչակ մակնիշի մեքենաների վաճառքը` Հայաստանում...

29.09.2024 | 20:03

Պայքար՝ հանուն կրթության ոլորտի բարելավման, բուհի առաջընթացի ու զարգացման. Մովսե...

09.09.2024 | 12:51

Խնդրում ենք ընթերցողների ներողամտությունը

26.06.2024 | 10:01

«Մենք պատրաստ ենք հրդեհը մարելուն». Մալաթիայի տոնավաճառում օբյեկտային վարժանք է ...

31.05.2024 | 14:10

Ուժեղ մագնիսական փոթորիկ մայիսի 31-ին. վտանգավոր երկրափոթորիկ կհարվածի երկրին...

31.05.2024 | 12:54

Ադրբեջանական մտահոգությունները և վախերը խոսում են այն մասին, որ մենք ճշտագույն ճ...

31.05.2024 | 12:10

Շարժման ելքը. առանց «եթե»-ների. Վահե Հովհաննիսյան...

31.05.2024 | 11:10

Խորապես դատապարտում ենք Հայրապետի դեմ Փաշինյանի հրահանգով թիկնապահների և ոստիկան...

29.05.2024 | 15:42

Ցավով անդրադառնում և դատապարտում ենք նման կեցվածքը Վեհափառ Հայրապետի և հոգևոր դա...

29.05.2024 | 12:10

Առկա է հրավիրվածների ցուցակ․ ՆԳՆ անվտանգության վարչության պետը՝ Վեհափառի մուտքը ...

29.05.2024 | 11:17

Անվտանգության այն կոնցեպտը, որ Հայաստանը մինչև այժմ իրականացրել է, անվտանգությու...

28.05.2024 | 13:20

Պապ թագավորն այն առաքինության կերպարը չի, որ օրինակելի լինի, բայց Փաշինյանը նույ...

28.05.2024 | 13:02

Ախթալայում հանգուցյալին կհուղարկավորեն առանց դիահերձման` ինքնաշեն դագաղով...

28.05.2024 | 11:17

Վանենք մեզանից կործանարար անտարբերությունը, փարատենք թշնամության ու ատելության մ...

28.05.2024 | 11:11

Իշխանությունը մանթրաժի մեջ է․ «Հրապարակ»

28.05.2024 | 10:37

2 պատճառ կա, որ չի եկել՝ նա այլևս կապ չունի մեր երկրի հետ կամ դրսից են թելադրել․...

24.05.2024 | 15:10

ԱՄՆ-ից առաքանու միջոցով թմրամիջոց է ներմուծվել Հայաստան...

24.05.2024 | 14:10

Նոր վարչապետի թեկնածուի անվան հրապարակումը միանգամից ստեղծելու է նոր իրավիճակ...

24.05.2024 | 13:10

Ադրբեջանցի սահմանապահներն արդեն վերահսկողության տակ են վերցրել Տավուշի մարզի չոր...

24.05.2024 | 12:17

Ինչպես են «Զվարթնոց» օդանավակայանի աշատակիցները բռնության ենթարկում ֆրանսիահայ լ...

24.05.2024 | 11:29

Հայաստանն ու Ադրբեջանն այսօրվանից Տավուշի հատվածում սահմանապահների են տեղակայում...

23.05.2024 | 15:10

Ադրբեջանի հետ խաղաղության գնալն անհրաժեշտություն է, բայց՝ վաղաժամկետ. Ադրբեջանը ...

23.05.2024 | 14:10

Եթե ​​Ադրբեջանի և Հայաստանի միջև կնքվի խաղաղության վերջնական համաձայնագիր, դա դր...

23.05.2024 | 13:10

Հայաստանի իշխանությունը մտել է պետականության ամրության համար խիստ վտանգավոր թեմա...

23.05.2024 | 12:10

Ֆիդանը 4 հայկական գյուղերի հանձնման մասին. Թուրքիան լիովին աջակցում է Ադրբեջանին...

23.05.2024 | 11:10

Պետականության մասին խոսող մարդն իր սեփական ժողովրդին չի խաբի․ մենք, որ ապրում էի...

22.05.2024 | 15:10

-20 սառնամանիքին բարձրացել են Արագածի գագաթը ու գրառել՝ «Հայ, Հայաստան, Հայրենիք...

22.05.2024 | 14:10

Իրանի և Ռուսաստանի հարաբերություններում փոփոխություն չի լինի․ Լավրով...

22.05.2024 | 13:10

Նման պայմաններում խաղաղության համաձայնագրի ստորագրումը կհանգեցնի նրան, որ ՀՀ-ն կ...

22.05.2024 | 12:10

Ադրբեջանը փորձում է օգտվել ՀՀ իշխանության բացառիկ խոնարհումից և արագ մխրճվել այն...

22.05.2024 | 11:10

«Զվարթնոց» օդանավակայանում հացադուլ անող ֆրանսահայ լրագրող Լեո Նիկոլյանին օդանավ...

21.05.2024 | 15:10

Քաղաքացին 4 եղանակով կծանուցվի վարժական հավաքի մասին, հետո պատասխանատվություն կլ...

21.05.2024 | 14:10

Ուկրաինայի կապիտուլյացիայից հետո Զելենսկին պետք է ձերբակալվի և դատարանի առաջ կան...

21.05.2024 | 13:10

Եթե նույնիսկ Ադրբեջանին օգտագործել են Իրանի ղեկավարությանը վերացնելnւ հարցում, ա...

21.05.2024 | 12:10

Կիրանցում պետական գրանցումները կատարվել են ոչ ճշգրիտ տվյալների հիման վրա. արդարա...

21.05.2024 | 11:10

Իրանի նախագահի ուղղաթիռը վթարի է ենթարկվել տեխնիկական անսարքության պատճառով. ԻՐՆ...

20.05.2024 | 15:10

Մի շարք ոստիկաններ նույնիսկ անչափահասների ծնողների uպառնացել են, որ կզրկեն ծնողա...

20.05.2024 | 14:10

Ապարդյուն զանգերի հետևանքը. ինչո՞ւ հանկարծ նախկին գլխավոր դատախազ Արթուր Դավթյան...

20.05.2024 | 13:10

Խափանվել է «թուրքական» կուսակցության հիմնադրումը Հայաստանում. կան ձերբակալվածներ...

20.05.2024 | 12:10

«Ոչ ոք չի կարող պառակտում մտցնել Իրանի և Ադրբեջանի միջև»...
Մամուլ
Առավոտ Ինչպես են մարդկանց գազան դարձնում
Ժամանակ Ծեծողը՝ փոխոստիկանապետ. Հունան Պողոսյանին կփոխարինի Աշոտ Կարապետյա՞նը
Հայկական Ժամանակ Հայ-ադրբեջանական հակամարտությունը Նախիջեւանի ուղղությամբ լայն մասշտաբի վտանգ է պարունակում
Չորրորդ ինքնիշխանություն Հայկազի ՀԱՊԿ-ն. զինվոր խոշտանգելով ուրիշին վնաս չի տվել, հայ զինվորը հո ուրիշ չի՞ Հայկազի համար
Հրապարակ Նաիրա Զոհրաբյանը «ռազբորկա» է արել Շուշան Պետրոսյանի հետ.՝ անվանելով նրան դինոզավր
youtube
Արխիվ
Իրավունք
Զինծառայող Չապլին Մարգարյանի մահվան առթիվ հարուցված քրգործով մայոր է ձերբակալվել Հոկտեմբերի 23, 2017 | 10:45

2017թ. հոկտեմբերի 10-ին հակառակորդի կողմից արձակած կրակոցից կրծքավանդակի շրջանում հրազենային վիրավորում էր ստացել պարտադիր ժամկետային զինծառայող, շարքային Չապլին Արմենի Մարգարյանը, ով մահացել էր զինվորական հոսպիտալ տեղափոխվելուց հետո: Նույն օրը հակառակորդի կողմից ապօրինաբար դիտավորությամբ Չ. Մարգարյանին կյանքից զրկելու դեպքի առթիվ ՀՀ քննչական կոմիտեի ԶՔԳՎ վեցերորդ կայազորային քննչական բաժնում հարուցվել է քրեական գործ՝ ՀՀ քրեական օրենսգրքի 34-104-րդ հոդվածի 2-րդ մասի 13-րդ կետով:

Դեպքի հանգամանքների բազմակողմանի, օբյեկտիվ և լրիվ պարզման ուղղությամբ ձեռնարկված անհետաձգելի քննչական և այլ դատավարական գործողությունների արդյունքում ձեռք են բերվել բավարար փաստական տվյալներ առ այն, որ Չ. Մարգարյանի մահվան պատճառ են հանդիսացել նաև մարտական հենակետերում ինժեներական աշխատանքներ իրականացնելիս անվտանգության կանոնները չպահպանելը և այդ կանոնների պահպանման նկատմամբ մարտական հենակետի պատասխանատուի կողմից առերևույթ ցուցաբերված անփույթ վերաբերմունքը:

Հաշվի առնելով այդ հանգամանքը՝ ՀՀ զինվորական դատախազության Լոռու կայազորի դատախազության դատախազի հանձնարարությամբ, ՀՀ քրեական օրենսգրքի 376-րդ հոդվածի 2-րդ մասի (ծառայության նկատմամբ անփույթ վերաբերմունքը, որն անզգուշությամբ առաջացրել է ծանր հետևանքներ) հատկանիշներով նախատեսված առերևույթ հանցագործություն կատարելու կասկածանքով ձերբակալվել է հենակետի պատասխանատու, ՀՀ ՊՆ N զորամասի 1-ին հրաձգային գումարտակի հրամանատարի թիկունքի գծով տեղակալ, մայոր Տ.Պ.-ն:

Նախաքննությունը շարունակվում է:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով։

 

Արցախում զինծառայողի սպանության գործով ձերբակալվել է կրտսեր սերժանտ Հոկտեմբերի 21, 2017 | 15:30

Երրորդ կայազորային քննչական բաժնում ձեռնարկված անհետաձգելի քննչական գործողությունների արդյունքում պարզվել են պարտադիր ժամկետային զինծառայող, 1998թ. ծնված Արամ Սիրեկանի Խաչատրյանի մահվան՝ էական նշանակություն ունեցող մի շարք հանգամանքներ։
Այս մասին հայտնում են ՀՀ քննչական կոմիտեից:
Զինծառայողը հրազենային վնասվածքն ստացել է 20.10.2017թ.՝ ժամը 12:40-ի սահմաններում, N զորամասի պահպանության տեղամասի մարտական դիրքում, աջ ուսագոտու շրջանում։ Զինհոսպիտալ տեղափոխվելու ճանապարհին զինծառայողն ստացած հրազենային վնասվածքից մահացել է:
Մահացու հրազենային վնասվածք ստանալու դեպքի բոլոր հանգամանքների բազմակողմանի, օբյեկտիվ և լրիվ հետազոտումն ապահովելու ուղղությամբ ձեռնարկված մեծածավալ քննչական գործողությունների արդյունքում բավարար փաստական տվյալներ են ձեռք բերվել, որ Ա.Խաչատրյանն սպանության զոհ է դարձել, պարզվել է առերևույթ հանցագործություն կատարած անձի ինքնությունը։
Սպանության կասկածանքով ձերբակալվել է նույն զորամասի պարտադիր ժամկետային զինծառայող, կրտսեր սերժանտը։
Նախաքննությունը շարունակվում է:
Հիշեցնենք, որ ավելի վաղ հաղորդվել էր, որ հոկտեմբերի 20-ին, նախնական տվյալների համաձայն զենքի օգտագործման կանոնների խախտման հետևանքով, մահացու հրազենային վիրավորում են ստացել ՊԲ զինծառայողներ, 1998թ. ծնված Արամ Սիրեկանի Խաչատրյանը և 1997թ. ծնված Հրաչ Արարատի Ավետիսյանը:

 

Հյուրանոցի ադմինիստրատորները մարմնավաճառներին կացարան են տրամադրել ու վերջիններիս մատուցած ծառայությունների դիմաց յուրաքանչյուր հաճախորդից միջնորդավճար ստացել Հոկտեմբերի 21, 2017 | 14:25

Հյուրանոցի ադմինիստրատորները կողմնակի եկամուտ ունենալու նպատակով մարմնավաճառներին կացարան են տրամադրել և յուրաքանչյուր հաճախորդից որպես միջնորդավճար են ստացել 1000-ից 3000-ական ՀՀ դրամ:

Գյումրի քաղաքում գործող հյուրանոցային համալիրներից մեկի երկու ադմինիստրատորները գույքային օգուտ ստանալու նպատակով 2016թ. մայիսից մինչև դեկտեմբեր հաստատության սենյակները բնակության և պոռնկությամբ զբաղվելու համար տրամադրել են մարմանավաճառների:

Մեղադրանքի համաձայն՝ Անահիտը մարմանավաճառներ Մխիթարյանից, Թաթոյանից, Գրիգորյանից որպես միջնորդավճար ստացել է 1000-ից 3000-ական ՀՀ դրամ գումար:

Բացի այդ Անահիտը պայմանավորվածություն է ձեռք բերել մարմնավաճառությամբ զբաղվող Թորոսյանի հետ` հյուրանոց այցելած հաճախորդների հետ վճարի դիմաց սեռական հարաբերություն ունենալու համար, զանգահարելով հրավիրել հյուրանոց, որտեղ Թորոսյանը 5000 ՀՀ դրամով սեռական հարաբերություն է ունեցել անծանոթների հետ և Անահիտին վճարել է 1000-2000 ՀՀ դրամ միջնորդավճար:

Գործով մյուս ամբաստանյալ Ռուզաննային մեղադրանք է առաջադրվել նույն հյուրանոցում նույն մարմնավաճառներին կացարան տրամադրելու և պոռնկությամբ զբաղվելու համար նրանցից որպես միջնորդավճար 1000-ից 3000-ական ՀՀ դրամ գումար ստանալու համար:

Բացի այդ, Ռուզաննան պայմանավորվածություն է ձեռք բերել մարմնավաճառությամբ զբաղվող Թորոսյանի հետ` հյուրանոց այցելած հաճախորդների հետ վճարի դիմաց սեռական հարաբերություն ունենալու համար՝ զանգահարելով հրավիրել է հյուրանոց, որտեղ Թորոսյանը 5000 ՀՀ դրամով սեռական հարաբերություն է ունեցել անծանոթների հետ իրեն վճարելով 1000-2000 ՀՀ դրամ միջնորդավճար:

Անահիտին և Ռուզաննային մեղադրանք է առաջադրվել ՀՀ քրեական օրենսգրքի 262-րդ հոդվածի 2-րդ մասի 5-րդ կետով, նրանց երկուսի նկատմամբ էլ որպես խափանման միջոց է ընտրվել չհեռանալու մասին ստորագրությունը:

pastinfo.am

 

«Սասնա ծռերից» երեքին ցմահ ազատազրկում է սպասվում Հոկտեմբերի 21, 2017 | 11:50

«Ժամանակ»-ի տեղեկություններով՝ «Սասնա ծռերի» խմբից առնվազն 5 անձ կարող է արդարացվել: Պատճառն այն է, որ վերջիններս ՊՊԾ գնդի գրավման մասին չեն իմացել եւ իրենց կարծիքով՝ պարզապես ի պաշտպանություն Սեֆիլյանի բողոքի հանրահավաքի են գնացել:

Մեր տեղեկություններով՝ «Սասնա ծռերից» առնվազն երեք անձ ստանալու է ամենախիստ պատիժը՝ խոսքը հավանաբար ոստիկանների սպանության մեջ մեղադրվող Սմբատ Բարսեղյանի, ինչպես նաեւ Պավլիկ Մանուկյանի ու Վարուժան Ավետիսյանի մասին է:

Վերջին երկուսին ամենախիստ պատիժն է սպասվում՝ՊՊԾ գնդի գրավման օպերացիան կազմակերպելու համար»:

«Ժամանակ»

Առավել մանրամասն կարդացեք թերթի այսօրվա համարում։

 

Ոստիկանության չորս հաշվապահներ յուրացրել են իրենց վստահված գումարները Հոկտեմբերի 20, 2017 | 18:30

Մեղադրական եզրակացությամբ ավարտվել է ոստիկանության Արարատի մարզային վարչությունում արձանագրված ֆինանսական  չարաշահումների վերաբերյալ քննված քրեական գործի նախաքննությունը

ՀՀ հատուկ քննչական ծառայությունում ՀՀ ոստիկանության ներքին անվտանգության վարչությունից ստացված նյութերի հիման վրա հարուցված քրեական գործի նախաքննությամբ բացահայտվել են ֆինանսական խախտումների և չարաշահումների մի շարք դեպքեր: Մասնավորապես, պարզվել է, որ ոստիկանության Արարատի մարզային վարչության տարբեր ստորաբաժանումների չորս հաշվապահներ պատշաճ կարգով չեն կատարել իրենց պարտականություները, թույլ են տվել ֆինանսական խախտումներ, ինչպես նաև, չարաշահելով պաշտոնեական դիրքը, յուրացման եղանակով հափշտակել են իրենց վստահված խոշոր չափերով գումարներ:

Այսպես, ՀՀ ոստիկանության Արարատի մարզային վարչության ֆինանսական խմբի և նույն վարչության Արարատի բաժնի գլխավոր հաշվապահներ Արուս և Վեհանուշ Ասատրյանները, իրենց գործընկերներին «լավություն» անելու և նրանց օգտակար լինելու անձնական շահագրգռվածությունից ելնելով, մասամբ էլ սխալ հաշվարկների պատճառով, 2014 թվականի հունվարի 1-ից մինչև 2017 թվականի փետրվարն ընկած ժամանակահատվածում պետական բյուջեից ավել գումարներ են պահանջել և ոստիկանության Արարատի մարզային վարչության մի շարք աշխատակիցների հաշվին առանց օրինական հիմքերի որպես աշխատավարձ փոխանցել շուրջ 8 մլն ՀՀ դրամի չափով ավել գումարներ: Հետագայում, երբ նշված աշխատակիցները վերադարձրել են ստացած գումարների մի մասը, հաշվապահները դրանք չեն մուտքագրել Արարատի մարզային վարչության դրամարկղային հաշվին և ծախսել են իրենց անձնական կարիքների համար:

Ի դեպ, նույն ժամանակահատվածում կատարված սխալ հաշվարկների հետևանքով ոստիկանության մի շարք աշխատակիցների էլ շուրջ 1,5 մլն դրամի չափով պակաս գումար է վճարվել:

Բացի այդ, ՀՀ հատուկ քննչական ծառայությունում կատարված նախաքննության ընթացքում ձեռք բերված բավարար ապացույցների հիման վրա պարզվել է, որ ֆինանսական չարաշահումներ են կատարվել նաև ոստիկանության Արարատի մարզային վարչության Արտաշատի և Մասիսի բաժինների հաշվապահներ Լարիսա Մանասյանի ու Նինա Ավանեսովայի կողմից: Վերջիններս նույնպես յուրացնելու եղանակով գումարներ են հափշտակել պետբյուջեից: Մասնավորապես, Լ. Մանասյանն ու Ն. Ավանեսովան շահադիտական նպատակով պետական բյուջեից ավել գումարներ են պահանջել և որպես դրամական օգնություն փոխանցել իրենց հաշվին:

ՀՀ ոստիկանության աշխատակիցների ապօրինի գործողությունների հետևանքով պետբյուջեին պատճառված շուրջ 8մլն ՀՀ դրամի գույքային վնասը նախաքննության ընթացքում ամբողջությամբ վերականգնվել է:

Վերը նշված հանցավոր արարքների կատարման համար Արուս Ասատրյանին և Վեհանուշ Ասատրյանին մեղադրանքներ են առաջադրվել ՀՀ քրեական օրենսգրքի 179-րդ հոդվածի 2-րդ մասի 1-ին և 3-րդ կետերով, 308-րդ հոդվածի և 315-րդ հոդվածի 1-ին մասերով, իսկ Լարիսա Մանասյանին ու Նինա Ավանեսովային՝ ՀՀ քրեական օրենսգրքի 179-րդ հոդվածի 2-րդ մասի 1-ին կետով:

Քրեական գործի նախաքննությունն ավարտվել է: Գործը մեղադրական եզրակացությամբ հանձնվել է դատավարական հսկողություն իրականացնող դատախազին` այն հաստատելու և դատարան ուղարկելու համար:

 

Ես միայն Աստծուց եմ վախենում. մահացավ «սենսացիոն» նամակ թողած դատապարտյալը Հոկտեմբերի 20, 2017 | 14:33

Henaran.am– ի տեղեկությամբ այսօր երեկոյան «Արմավիր »ՔԿՀ-ում մահացել է դատապարտյալ Հրաչյա Գևորգյանը:

Վաղը, ժամը 14.00-ին, Հելսինկյան ասոցիացիայում տեղի կունենա մամուլի ասուլիս:

Նշենք, որ  հուլիսի 7-ին Հրաչյա Գևորգյանը վերաքննիչ քրեական դատարանում նամակ է նետել լրագրողների կողմ, որտեղ նա համառոտ ներկայացրել էր Նուբարաշեն քրեակատարողական հիմնարկում տիրող կոռուպցիոն մթնոլորտի մասին: Նամակում Հրաչյան նաև հայցել էր Հայաստանում մարդու իրավունքների պաշտպանի այցելությունը, և  որի ընթացքում խոստացել է ավելի մանրամասն պատմել Հայաստանում բանտային համակարգի առանձնահատկությունների մասին: Ստորև ներկայացնում ենք Հրաչյա Գևորգյանի նամակի բովանդակությունը.

Հարգելի լրագրողներ Ձեզ խնդրում եմ, շատ եմ խնդրում, որ ոնց գրում եմ էտ ձևի էլ բառ-առ բառ գրեք, Դուք մի մտածեք իմ մասին, որ կարող ա վնասեն ինձ կամ ինձ նեղություն տան: Ես էտ ամեն ինչի մեջից տարիներով անցել եմ ու ոչ իրենցից եմ վախենում ու ոչ էլ իրենց մառալնի նորա-նոր մտածված տանջանքներից, ինչը որ թուրքը չի անի, իրենք անում են , միայն թե չբացահայտվի ինձ ինչ են ներարկել ցեբեյի բժիշկները, որ 2 տարի է ոչ կարողանում եմ խոսեմ ու ոչ էլ քայլեմ: Եվ մտածված ինձ չեն տանում բուժման, որ չբացահայտվի այս բոլորը, այլ ինձ սովամահ են անում: Ստեղ հարցը հեռախոսը չի: Իրենց ստուկաչների մոտ, ամեն մեկի մոտ 3 հատ հեռախոս և մի հատ պլանշետ սաղի մոտ կա: էսի հազար տոկոսով ճշտած եմ ասում:

Իսկ վաբշե բոլորի մոտ կա ու մեկի տեղը 2 հատ, ամեն շաբաթ խուզարկություն է գնում խցերում, ամեն խուցը շաբաթը 20-30 հազար դրամ փող է տալիս խուզարկություն անողներին և միհատ էլ սթից փչացած հեռախոս որ ձևի համար տանեն հանձնեն: Էտ որ հեռուստացույցով ցույց են տալիս դրանք էտ փչացած հեռախոսներն են : Ամիսը 2 հատ փչացած հեռախոս  և ամեն շաբաթ 20-30 հազար դրամ տալիս ես, քանի հատ կուզես պահի: Կամեռ կա, որ շատալիս 40-50 հազար փող:

Հիմա անցնենք ռեժիմնիկին ու օպեռին, ամեն հարգը ունի իր օպեռն ու ռեժիմնիկը, ամեն ամսվա վերջ, ամեն խուցը տալիս ա 100 հազար օպեռին, 100 հազար ռեժիմնիկին: Անձամբ ես շատ եմ տվել, որ գաք մոտս բոլորը կասեմ ու իրենց դեմը, թող օվ ուզումա գա մոտս շատ բան կա ասելու ու գրելու իրենց դեմը ասեմ ու փաստերով ապացուցեմ: իսկ այս պետը ոտից գլուխ հանցավոր ա, էս պետը Սեթրակ հարությունյանը, Սմբաթ Բուղլադարյանի թույնա, իրար հետ գործ ընկերներ են: Ինքը շուտ Բուլղադարյանին տեղափոխեց ուրիշ տեղ, որ իրենց արած կեխտերը ջրի երես չլնի: Հիմա ես վռազ-վռազ եմ գրում, եթե կարաք շուտ մարդու իրավունքների պաշտպանին ու վերահսկող դատախազին ուղարկեք ստեղ, ես շատ բան ունեմ իրենց ներկայությամբ ասելուու գրելու: էս պետը 10-ս. տարուց ավել ստեղ եղել ա կագեբեյի պետ: ինչեր որ արելա այստեղ բուլղադարյանը: Էտ նույն բաները իրար հետ արել են երկուսով: հիմա էսքանը տպագրեք սաղ թերթերում ու սայթերում: Եւ շուտ ուղարկեք ստեղ վերահսկող դատախազին ու պաշտպանին ամպայման ու ինչքան կարաք շուտ:

Ախպերս անունտ չեմ գրում, եթե ոնց գրել եմ, էտ ձևով էլ չտպագրեք: Ուրեմ թաղես ինձ:  Ուրեմ ես սխալվել եմ, որ քեզ ախպեր եմ հարգել: Ցավտ տանեմ դուխով գրի ու գրել տպագրել տուր: Ես ոչ մեկից չեմ վախենում ու ոչ մի բանից: Ես միայն Ասծուց եմ վախենում, որովհետև շատ եմ հավատում ու սիրում Աստվածին: Ես սաղ կյանքս սրանից ավելի վատ բաների մեչով եմ անցել: Ընենց որ իմ մասին մտածելու բան չկա Ախպերս: Ես բոլորը մտածելով ու հասկանալով եմ անում: Աստված բոլորիս հետ:

Ախպերս ես քո հետ կապնվեմ չկապնվեմ, էսի անես»:

Հիշեցնենք, որ Հրաչյա Գևորգյանը ՔԿՀ-ում գտնվելու ժամանակ ձեռք է բերել բազմաթիվ հիվանդություններ, մասնավորապես՝ վերջույթների թուլություն և պարկինսոնի համախտանիշ, դրա արդյունքում չէր  կարողանում միայնակ տեղաշարժվել և հոգալ բնական կարիքները:

 

Սերժ Սարգսյանը ներում է շնորհել Հոկտեմբերի 19, 2017 | 13:48

Արդեն հայտնել ենք, որ ՀՀ կառավարությունն ուզում է կատարելագործել եւ օրենքի կարգավիճակ տալ հանցանք կատարած անձանց ՀՀ նախագահի կողմից ներում շնորհելու գործընթացին։
Ներման մասին օրենքի նախագիծը տեղադրվել է edraft.am կայքում, որի այցելուները 100 տոկոսով կողմ են արտահայտվել նախագծին, չնայած այն որոշակի խստացումներ է նախատեսում մասնավորապես խնդրագրեր ներկայացնելու ժամկետների առումով։

Եվ մինչ իրավապաշտպանները, փաստաբանները բարձրացնում են ՔԿՀ-ները բեռնաթափելու, մասնավորապես, պատժաչափի 20 եւ ավելի տարին կրած ցմահ ազատազրկվածներին ազատ արձակելու հարցը, վերջիններս հանդես են գալիս հայտարարություններով, բողոքի ծայրահեղ միջոցների՝ հացադուլի են դիմում՝ իրենց ձայնը երկրի առաջին դեմքին լսելու դարձնելու ակնկալիքով։

Չէ որ, ինչպես հասարակական համոզմունքն է վկայում, հենց Բաղրամյան 26-ի գիտությամբ Է ՀՀ-ում իրականացվում նորին մեծություն արդարադատությունը։ Մենք հարցում Էինք ուղարկել ՀՀ նախագահի աշխատակազմի ներման, քաղաքացիության, պարգեւների եւ կոչումների բաժնի պետ ԶԵմմա Հակոբյանին՝ խնդրելով հայտնել, թե Սերժ Սարգսյանի պաշտոնավարման ընթացբում (2008 թվականից մինչ օրս) քանի դատապարտյալ է ներման խնդրագրով դիմել նախագահին։

Քրեական օրենսգրբի որ հոդվածներով դատապարտված անձինք են ներման խնդրագիր ներկայացրել, քանիսն է բավարարվել, քանիսը՝ մերժվել։ Թերթին ուղարկված պատասխանից տեղեկանում ենք, որ ամեն տարի մի քա­նի հարյուր դատապարտյալ է ներում հայցել, սակայն նրանց սակավ մասն է ստացել։ Ըստ այդմ՝ 2008 թ. ապրիլից մինչ օրս ներման խնդրագրով դի­մել է 246 դատապարտյալ, ներում է շնորհվել 22-ին, 2009-ին՝ 373 դատապարտյալ, ներում է շնորհվել 38-ին։

2010-ին դիմել է 494-ը, ստացել՝ 45-ը։ 2011-ին՝ 450-ը, ներում է շնորհվել 40 դատապարտյալի։

Սերժ Սարգսյանին ամենաշատը ներման խնդրագրով դիմել են 2012– ին՝ 555 դատապարտյալ, սակայն նե­րում է ստացել ընդամենը 32-ը։ 2013-ին դիմել է 424-ը, ներում ստացել 23-ը, 2014-ին՝ 238-ը, ստացել 22 դատապարտյալ։ 2015-ին դիմել է 266-ը, ստացել 2-ը, 2016-ին՝ 361-ը, ներում է շնորհվել 30 դատապարտյալի։ 2017-ի հունվարից առայսօր դիմել է 188-ը, նե­րում է շնորհվել 22 դատապարտյալի։ Այսպիսով, իր պաշտոնավարման ընթացքում Ս. Սարգսյանն ամենաշատը 2010-ին է ներում շնորհել՝ 45 դատապարտյալի։

Ընդհանուր առմամբ, նախագահն իր պաշտոնավարման 9.5 տարվա ընթացքում ներում է շնորհել 300 դատապարտյալի։ Նշենք, որ ՀՀ նա­խագահն իրավասու է ներում շնորհել դատարանի՝ օրինական ուժի մեջ մտած դատավճռով դատապարտված ցանկացած դատապարտյալի։ Ներման խնդրագրերը քննարկելիս, ինչպես հայտնի է, հաշվի են առնվում կատարված հանցագործության բնույթը եւ հանրության համար վտանգավորության աստիճանը, դատապարտյալի անձը, վարքը, կրած ժամկետը, առող­ջական, ընտանեկան, սոցիալական վիճակը, այլ հանգամանքներ։

Թե հատկապես Քրօր. որ հոդվածներով դատապարտված անձինք են ներում ստացել, հարցման պատասխանում չի կոնկրետացվում։ Նշված է միայն, որ «ներման արժանացած դատապարտյալները դատապարտված են եղել հիմնականում ոչ մեծ եւ միջին ծանրության հանցագործությունների կատարման համար»։ Խնդրել էինք հայտնել նաեւ, թե ներման խնդրագիր ներկայացրած դատապարտյալների մեջ կան ցմահ ազատազրկվածներ, եւ ինչ ընթացք է տրվել նրանց խնդրագրերին։ Նաեւ՝ արդյո՞ք «Հոկտեմբերի 27-ի գործով» դատապարտված անձինք եւս դիմել են ՀՀ նախագահին ներման խնդրագրերով։ «Ցմահ ազատազրկման, ինչպես նաեւ «Հոկտեմբերի 27-ի գործով» դատապարտված անձանցից որեւէ մեկին ներում չի շնորհվել»,– ասված է պատասխանում։

Հրապարակ

Մանրամասներին ծանոթացեք թերթի այս համարում: 

 

 

Ողջ Սիսիանը շոկի մեջ է. դատարանը նախկինում 5 անգամ դատված «մոլագար» ռեցեդևիստին դատարանից ազատ է արձակել Հոկտեմբերի 19, 2017 | 13:25

Երեկ՝ հոկտեմբերի 18-ին, Հայաստանի քննչական կոմիտեի Սյունիքի մարզային քննչական վարչության Սիսիանի քննչական բաժնի պետ Արմեն Կավեյանի որոշմամբ ստեղծված քննչական խմբում ներգրավված քննիչ Նարեկ Ստեփանյանը միջնորդություն է ներկայացրել Սյունիքի մարզի ընդհանուր իրավասության (Գորիսի) դատարան, որպեսզի դատարանը՝ որպես խափանման միջոց, երկամսյա կալանքի որոշում կայացնի Սիսիան քաղաքի Խանջյան փողոցի 1-ին շենքի բնակիչ՝ 37-ամյա Քրիստ Կարապետյանի նկատմամբ։

Ինչպես հայտնում է ֆոտոլրագրող Գագիկ Շամշյանը, վերջինս համարվում է վտանգավոր հանցագործ, ճանաչված է որպես ռեցեդևիստ և կասկածվում է հոկտեմբերի 15-ին Սիսիան քաղաքում բռնաբարության փորձ կատարելու մեջ։

Գ. Շամշյանի տեղեկություններով՝ այդ օրը, ժամը 15։30-ի սահմաններում նախկինում 5 անգամ դատապարտված, վերջին անգամ ավազակային հարձակում կատարելու համար, «Քրիստ» մականվամբ Ք. Կարապետյանը մտել է Խանջյան փողոցի թիվ 1/13 հասցեում գործող հագուստի խանութ-սրահ, որտեղ տեսել է, որ աշխատակցուհի՝ Սիսիանի բնակչուհի, 29-ամյա Սիրարփի Ա.-ն միայնակ է, «մոլագարի» նման հարձակվել է նրա վրա, ոտքերով հարվածներ հասցրել, այնուհետև տվել է հայհոյանքներ ու ձեռքից բռնելով՝ ստիպողաբար քարշ տալով տարել է սանհանգույց, որտեղ շարունակել է հարվածել կնոջը և պահանջել, որ նա իր հետ սեռական բնույթի հարաբերություն ունենա։

Կինը դիմադրել է, սակայն անզոր է եղել, ինչպես սիսիանցիներն են ասում, «մոլագարի» ձեռքից պրծնել և միայն երջանիկ պատահականությամբ այդ պահին «Քրիստ»-ը հեռախոսազանգ է ստացել և իր անասնական ցանկությունը կիսատ թողնելով՝ դիմել է փախուստի։ Նույն օրը կատարվածի մասին Ոստիկանության Սիսիանի բաժնում տեղեկացրել են, որից հետո «մոլագարը» հայտնաբերվել է, ու փաստի առթիվ սկսել է քննություն վարել Սիսիանի քննչական բաժինը։

Քննիչ Ն. Ստեփանյանի որոշմամբ Ք. Կարապետյանը ձերբակալվում է, իսկ երեկ, չգիտես ինչու, Սյունիքի մարզի ընդհանուր իրավասության դատարանի նախագահ Սամվել Գրիգորյանի որոշմամբ դռնփակ դատական նիստը նշանակվում է Գորիսում։

Արդեն Գորիսի դատարանում քննիչի միջնորդությունը լսում է դատավոր Դավիթ Սարգսյանը, ով դռնփակ դատական նիստն անցկացնելուց և խորհրդակցական սենյակից վերադառնալով՝ ռեցեդևիստ-մոլագարին ազատ է արձակում դատարանից՝ չբավարարելով քննիչի միջնորդությունը։

Մինչ այս օրերին Սիսիանը պատրաստվում է քաղաքապետի ընտրություններին, տեղաբնակներին այդ փաստը այնքան չի հուզում, որքան Քրիստի կատարած արարքը։

SHAMSHYAN.com-ի թղթակցի հետ զրույցում բազմաթիվ սիսիանցիներ ասում էին. «Քրիստը հերթական անգամ ցույց տվեց, որ ինքն անուղղելի մարդ է։ Նրան ողջ Սիսիանը գիտի՝ որպես «մոլագար»։ Երբ հոկտեմբերի 15-ին հերթական անգամ նա «փայլեց» իր անասնային բնազդով ու Սիսիանի ոստիկանները բռնեցին նրան, իսկ Սիսիանի քննչականն էլ ձերբակալեց, մտածեցինք՝ գոնե այս անգամ ջրից չոր դուրս չի գա։

Սիսիանի ոստիկանապետ Արմեն Մարկոսյանն ու մարզի դատախազ Վազգեն Հարությունյանը, մեր տեղեկություններով, կատարեցին լայնամասշտաբ իրավական ու օրինական գործողություններ, որ ստահակը իր կատարած քայլի համար պատասխանատվության ենթարկվի, սակայն, չգիտես ինչու, Սյունիքի մարզային դատարանի նախագահը գործը պաս տվեց Գորիսի դատավորին, ով էլ ոչ ավել, ոչ պակաս, կարմիր գորգ փռեց ռեցեդևիստի ոտքերի տակ։ Հետո էլ ասում են, թե իրավական երկիր ենք դառնում։ Էլ ո՞նց հավատանք արդարադատությանը, երբ նման անարդարացի վճիռ է կայացվում բարձր ատյանի կողմից»։

shamshyan.com

 

Մինչև 5 տարվա ազատազրկում՝ բժիշկ ծեծելու դեպքում. նոր նախագիծ Հոկտեմբերի 19, 2017 | 13:17

Բուժաշխատողների գործունեության խոչընդոտելը քրեական պատասխանատվություն է առաջացնելու: Նման որոշում այսօր կայացվեց կառավարության նիստում: Առողջապահության նախարարի տեղակալ Սերգեյ Խաչատրյանը գործադրի հավանությանը ներկայացրեց «Քրեական օրենսգրքում» լրացում կատարելու մասին օրենսդրական նոր նախագիծ:

Փոխանախարարի խոսքով, օրենքի նպատակը ոչ թե պատժիչ համակարգի խստացումն է, այլ բուժաշխատողների նկատմամբ իրականացվող ոտնձգությունների կանխումն ու կանխարգելումը:

Օրենքի նախագծի լրամշակման արդյունքում սահմանվել է բուժաշխատողների մասնագիտական գործունեությունը խոչընդոտելու համար, որը կատարվել է կյանքին եւ առողջության համար ոչ վտանգավո բռնություն գործադրելով կամ գործադրելու սպառնալիքով պատժվելու է 300 հազար դրամից 500 հազար դրամի չափով տուգանքով: Նույն արարքը, եթե կատարվել է կյանքի ու առողջության համար վտանգավոր բռնություն գործադրելով կամ գործադրելու սպառնալիքով, արարքը կատարած անձի համար սահմանվել է պատիժ 1-ից երկու ամսի ժամկետով կալանք կամ 2-ից 5 տարի ազատազրկում:

«Նախագծի ընդունման արդյունքում կերաշխավորվի բուժաշխատողների օրինական շահերի պաշտպանությունը»,- ասաց Սերգեյ Խաչատրյանը: Գործադիրը հավանության արժանացրեց որոշման նախագիծը:

 

Սոցապ նախարարության աշխատակիցը քաղաքացիներից խաբեությամբ գումար է հափշտակել Հոկտեմբերի 18, 2017 | 18:30
 «ՀՀ աշխատանքի եւ սոցիալական հարցերի նախարարության անվան տակ մի շարք քաղաքացիներից խաբեությամբ գումար են հափշտակել:

«Ժողովուրդ» օրաթերթին հայտնի դարձավ, որ Գոհար Մելքոնյանը, որն աշխատել է ՀՀ աշխատանքի եւ սոցիալական հարցերի նախարարության բժշկասոցիալական փորձաքննական հանձնաժողովում եւ 2014 թվականի հունվարի 10-ից ազատվել է աշխատանքից, ըստ էության, վերջինս չի հաշտվել այդ մտքի հետ: Ու շարունակել է իր գործունեությունը:

Նախաքննություն իրականացնող մարմինը պարզել է, որ նա տեւական ժամանակ մի շարք քաղաքացիների շարունակել է ներկայանալ որպես ՀՀ աշխատանքի եւ սոցիալական հարցերի նախարարության Լոռու թիվ 2-րդ բժշկասոցիալական փորձաքննական հանձնաժողովի բուժվիճակագիր»:

«Ժողովուրդ»

Մանրամասները՝ թերթի այսօրվա համարում։

 

 

Previous1...199200201202203204205206207...710Next
Top լուրեր
  • Տեսանյութ
  • Օրվա միտք

Չի կարող բարեկամություն լինել այնտեղ, որտեղ ազատություն չկա։

Թոմաս Ֆուլեր
  • Խմբագրի վարկած
Մի ասացվածք կա. հայի հետին խելքը իմը լիներ
Քաղաքապետարանում իրենց վախկոտի պես պահեցին թե՛մազ քաշող բորենին, թե՛ ձեռք գցող ո...
ՃՈ-ն հատուկ ծուղակնե՞ր է պատրաստել վարորդների համար...
Ամեն նորի հետ երանի են տալիս նախորդին
Հրամցվում է հերթական «հում» նախագիծը. միջոցներ քերելով բյուջե լցնել...
Գարշահոտ բուրող աղբամաններով Երևանս
Արդարացված չէ «կարմիր գծերի» կողմից գանձվող 5000 դրամ գումարը...
Ոչնչից մեծ աղմուկ. այնուամենայնիվ., բանակի բեռը մնում է միջին վիճակագրական քաղաք...
Ահա թե ինչու են տապալվում դատավարությունները մեր երկրում...
Մենք ունենք երկամսյա կալանք, որ գրեթե չի կիրառվում որպես առանձին պատժամիջոց...
  • Ֆոտո

  • Հասցե` Հայաստան, 0023, Երևան, Արշակունյաց 2
    Հեռ: +374 (10) 06 06 23 (413, 414), +374 (99) 53 58 26
    Էլ. փոստ` armv12@mail.ru
  • 2010-2011 © Բոլոր իրավունքները պաշտպանված են:
    Մեջբերումներ անելիս հղումը armversion.com-ին
    պարտադիր է: Կայքի հոդվածների մասնակի կամ
    ամբողջական հեռուստառադիոընթերցումն
    առանց armversion.com-ին հղման արգելվում է:
  • Կայքում արտահայտված կարծիքների համընկնումը
    խմբագրության տեսակետի հետ պարտադիր չէ:
    Գովազդների բովանդակության համար
    կայքը պատասխանատվություն չի կրում:
Հետադարձ կապ    Գովազդ    վերադարձ
Բոլոր իրավունքները պաշտպանված են: Copyright “Armversion.com” 2010.