Օգոստոս ամսին կկայանա ամենահմայիչ կինոաստղերից Սկարլետ Յոհանսոնի և ֆրանսիացի լրագրող Ռոմեն Դորիակի ամուսնությունը:

Դերասանուհին, որի 29-ամյակը լրացել է վերջերս, իր ծանոթներից մեկի՝ Մարթա Ստյուարտի տանը հրավիրված ընթրիքին, հայտարարել է, որ ինքն ու իր 32-ամյա փեսացուն կամուսնանան մոտ 4 շաբաթից:

Արարողության մասին այլ տեղեկություններ դերասանուհին հրաժարվել է հայտնել:

Հիշեցնենք, որ անցյալ տարվա սեպտեմբերին զույգը հայտարարեց նշանադրության, իսկ մարտ ամսին՝ Սկարլետի հղիության մասին:

Նշենք, որ դերասանուհին մինչ այս ամուսնացած է եղել. նրա նախկին ամուսինը դերասան Ռայան Ռեյնոլդսն  էր:  Յոհանսոնը մի առիթով ասել էր, որ իր համար շատ ավելի հեշտ է հարաբերություններ ստեղծել ոչ հայտնի անձի հետ:

Քեմբրիջի դուքս Ուիլյամի ու դքսուհի Քեյթ Միդլթոնի առաջնեկը՝ փոքրիկ արքայազն Ջորջն այսօր հուլիսի 22-ին դարձավ 1 տարեկան:

Նրա ծննդյան առաջին տարեդարձի կապակցությամբ բրիտանական թագավորական դրամահատարանը ներկայացրել է 6 եվրո արժեքով կոլեկցիոն մետաղադրամ, որը կարելի է գնել 100 եվրոյով։

Սերիալային դերերով հայտնի Մերի Մակարյանն այս շրջանում զբաղված է Երևանի ժամանցի վայրերից մեկում շոուներ վարելով և գովազդային հոլովակներ հնչյունավորելով, սակայն ինչպես նշել է BRAVO.am-ի հետ զրույցում, իր ստեղծագործական կյանքում հետաքրքիր նորություններ են սպասվում: Իսկ մինչ այդ նա լուսանկարվել է BRAVO.am-ի ֆոտոշարքում և զրուցել անձնական հարցերի շուրջ:

Ասում են` սերը մեծ զոհողություններ է պահանջում: Ես կարծում եմ, որ սերը և՛ զոհողություն է, և՛ ձեռքբերում:  Իսկ փոխադարձ զիջումների նպատակն է` սիրել, լինել սիրված և զգալ ընտանեկան ջերմություն:

Քանի որ դեռ չեմ հանդիպել իմ մեծ սիրուն և չունեմ ընտրյալ, երբեմն ստիպված եմ ուժեղ լինել, ինքս իմ մասին հոգ տանել, բայց երբեք չեմ ցանկանա դասվել այն կանանց շարքին, որոնց անվանում են տղամարդ-կին: Կարծում եմ` մի շարք գործեր և հատկանիշներ այս կյանքում վերագրված են միայն տղամարդկանց և պետք չէ, որ կինը դրանք «ճաշակի»:

Եթե ստիպված լինեմ ընտրություն կատարել կարիերայի և ընտանիքի միջև, միանշանակ կընտրեմ երկրորդը:  Երբ տղամարդը նման հարց է բարձրացնում, պետք է կարողանա փոխհատուցել կնոջ զոհողությունը, չէ որ կարիերան մեկ օրում չի տրվում. աշխատանքն է այն միջոցը, որով ապրուստի գումար ես վաստակում:

Այն մարդիկ, որոնց հետ հիմա շփվում եմ, սկզբում ինձ չեն սիրել: Շատերը վստահ էին, որ սերիալային կերպարներիս նման չար եմ: Բայց երբ շփվում ենք, հասկանում են, որ կարող եմ լինել անսահման ընկերասեր, կամեցող ու նվիրվող:

Ինչպես կանանց մեծամասնությունը, ես ևս սիրում եմ ականջներով:): Ինձ կարող են երջանկություն պարգևել ժպիտը, ծաղիկը, հաճոյախոսությունը, միևնույն ժամանակ վայրկենապես տխրում եմ ստի, անարդարության և դիմացինի մեծամտության պատճառով:

Սիրում եմ զբոսնել Երևանում, հիանալ պուրակներում հանդիպող սիրահար զույգերով:

Հավատում եմ այն ամենին, ինչ ուզում եմ:  Այն երջանիկներից եմ, ում բոլոր ցանկություններն իրականանում են: Նույնը մաղթում եմ բոլորին:):

[nggallery id=176]

Շարունակություն. առաջին մասն՝ այստեղ

Ոչ միայն մոդել

«Ինձ հրավիրեցին նկարահանվել ոչ այն պատճառով, որ ես յուրօրինակ դերասանուհի եմ, այլ իմ արտաքին տեսքը հաշվի առնելով» —ահա այսպես՝ինքնաքննադատաբար է Մոնիկան հիշում իր դերի մասին, որը նա  1992 թվականին ստացել էր «Դրակոն» ֆիլմի ռեժիսոր Ֆրենսիս Ֆորդ Կոպպոլայից:

Բելուչին միանգամից սկսում է  վարպետորեն աշխատել: Նա երբեք չի նկարահանվել սերիալներում և երբեք չի ապացուցել պրոդյուսերներին, թե ինչի է ինքն իրականում արժանի, պարզապես, մոդել-Բելուչիին նկատեցին իր գեղեցկության շնորհիվ, իսկ հետո պարզ դարձավ, որ նա նաև շնորհալի է: Բազմաթիվ բարդ դերեր նա կատարում էր հեշտությամբ, հիշենք թեկուզ իր խաղը «Մալենա» ֆիլմում կամ սարսափի կադրերը «Անշրջելիություն»-ում:

Դերասանական կարիերան արագ զարգացավ: Աստղը չէր հասցնում ընդունել առաջարկները: Մեկ տարում նրա մասնակցությամբ թողարկվեցին մի շարք ֆիլմեր՝ «Բնակարան», «Դոբերման», «Սթրես», «Վատ ճաշակ», «Ինչպիսին ես դու ինձ ցանկանում» «Կոմպրոմիս»…..

Ինքը՝ Մոնիկան իր խաղին վերաբերում է ինչպես խիստ քննադատ: Օրինակ, գեղեցկուհին հաճախ չի հավանում իրեն, և կարծում է, որ տեսախցիկն իրեն «չի սիրում»:

«Ես նույնիսկ չգիտեմ, թե ինչու է էկրանն այդքան մեծ ցույց տալիս ոչ միայն մարմինս, այլև դեմքս: Ես իրականում շատ փոքր դեմք ունեմ»,- ասում է Բելուչին:

Ի դեպ, նրա խոսքերը միանշանակ համարել չի կարելի, քանի որ Մոնիկայի մոտ գերակշռում է հեգնանքն ու հումորի զգացումը: Նա շատ լավ հասկանում է, թե ինչ ակնածանքով է աշխարհը  վերաբերվում իր արտաքինին, և հաճախ կրկնում է. «Օ՜, մեզ՝ գեղեցկուհիներիս համար, այնքան դժվար է…»:

Ախ, այդ Վենսանը

1996 թվականին Մոնիկա Բելուչին նկարահանվում է  «Բնակարան» ֆիլմում՝ ֆրանսիացի դերասան Վենսան Կասսելի հետ:  Նկարահանման հրապարակում էլ սկիզբ է դրվում նրանց կրքոտ սիրավեպին, հետագայում նաև՝ ամուսնությանը և ստեղծագործական միությանը.. Մոնիկայի ու Վենսանի հարաբերությունները միշտ տարօրինակ են թվացել: Նրանք շատ են աշխատել միասին, իսկ ապրել նախընտրել են առանձին, նույնիսկ աշխարհի տարբեր ծայրերում:

«Ի՞նչ է նշանակում հարաբերություններ կառուցել,մենք ոչինչ չենք կառուցում, մենք պարզապես ապրում ենք այնպես, ինչպես մեզ դուր է գալիս և ոչինչ չենք երաշխավորում միմյանց համար: Այսօր միասին ճանապարհորդում ենք, վաղը գտնվում ենք աշխարհի տարբեր մասերում: Եվ բաժանություններում, և հանդիպումներում այնքան ռոմանտիկա կա»,- կարծում է Վենսան Կասսելը:

Ռոմանտիկան ռոմանտիկա, սակայն զույգի երկու երեխաները մեծանում են առանց ընտանեկան համատեղ կյանքի: Մոնիկան իր հարցազրույցներից մեկում նշում է.

«Ես իտալուհի եմ, իսկ դա նշանակում է, որ ընտանիքն ինձ համար ամենակարևորն է»: Ապա ինքն իրեն հակասում է՝ ասելով, որ իր ու իր ամուսինն ընդհանուր շատ քիչ բան ունեն.«Ես և Վենսանը երբեք չենք քննարկում մեկմեկու գործերը, որովհետև պատկանում ենք տարբեր աշխարհների: Նա չի ճանաչում իմ ընկերներին, ես՝ իր: Իհարկե, երբեմն մենք  միասին լինում ենք, սակայն, միևնույն է, մնում ենք տարբեր մոլորակների մարդիկ»:

2013 թվականին Մոնիկան և Վենսանը վերջնականապես հիասթափեցրեցին իրենց երկրպագուներին՝ հայտարարելով  իրենց ամուսնալուծության մասին, և 14 տարի տևած արտասովոր ամուսնությանը վերջ դրվեց:

Այդ ժամանակ դերսանուհին առաջինը հայտարարեց, որ ծանր է տանում ամուսնալուծությունը. «Վաղուց մենակ չէի եղել, առանց տղամարդու…», ապա փիլիսոփայորեն շարունակում. «Սերը չի անհետանում, այն շարունակում է ապրել, սակայն ընդունում է ուրիշ ձև»:

Իտալացի դերասանուհի Մոնիկա Բելուչին, որը գրավել է բազմաթիվ տղամարդկանց սրտերը, առանձնանում է իր կանացիությամբ ու նրբագեղությամբ:

Այսօր ձեզ կպատմենք, թե ինչպես գեղեցկուհին, իր խորհրդավոր ժպիտով, դարձավ այն, ինչ կա հիմա:

Մոնիկա Բելուչին ծնվել է իտալական փոքրիկ Չիտա-դի Կաստելո քաղաքում բնակվող սովորական ընտանիքում: Նրա հայրիկը զբաղվում էր գյուղատնտեսական աշխատանքներով, իսկ մայրիկը նկարչուհի էր: Ինքը՝ Մոնիկան երբեք չի երազել դառնալ հանրաճանաչ դերասանուհի կամ մոդել: Ընդհակառակը, նա գիտակցելով, որ շատ հմայիչ է, դեռ վաղ տարիքում ցանկացել է բոլորին ապացուցել, որ նաև խելացի է և կարող է շատ լավ սովորելով՝ դառնալ իրավաբան:

Իր հարցազրույցներից մեկում Բելուչին նշել է, որ միայն գեղեցիկ լինելը քիչ է. «Երբ մարդիկ հաճելի արտաքինով կին են տեսնում, նրանք մտածում են, որ այդ կինը խելացի չէ: Երբ ես 15-16 տարեկան էի, ես փորձում էի բոլորին ապացուցել, որ ունեմ խելք»,-ասում է դերասանուհին:

Իրավաբանական ֆակուլտետում սովորելու համար ոչ միայն խելք էր հարկավոր, այլև շատ գումար, ինչը Բելուչիի ծնողները չունեին:  Այդ ժամանակ Մոնիկան որոշեց ինքը վաստակել գումար, չնայած, գովազդում նկարահանվելը շատ ժամանակ էր խլում և  նա չէր հասցնում սովորել: Այդպես, ապագա աստղը գումար հավաքեց, որպեսզի ընդունվի Պերուջիի ինստիտուտ: Քննություններին Մոնիկան  պատրաստվում էր մեծ ջանասիրությամբ, սակայն կյանքն ու մեծ թվերի հասնող աշխտավարձը փոխեցին նրա ծրագրերը: Բելուչին Միլանի մոդելային ընկերությունից առաջարկ ստացավ և նրանց հետ գործարք կնքելով, թողեց սովորելն ու տեղափոխվեց Միլան: Այդպես էլ սկսվեց Մոնիկայի՝ գլխապտույտ առաջացնող կարիերան:

Ամեն ինչ ինքըստինքյան ստացվեց. իրավաբան դառնալու երազանքը մնաց հեռվում, իսկ Մոնիկան հայտնվեց Միլանի լուսավոր կյանքի կիզակետում: Նա ծանոթանում է հանրաճանաչ մոդելավորողների հետ, այցելում երեկույթների և նկարվում այնպիսի ամսագրերի համար, ինչպիսիք էին Elle-ը  և Vogue-ն:

Այդ ժամանակ էլ նրան նկատեց հայտնի դիզայներական զույգը՝ Ստեֆանո Դոլչեն ու Դոմենիկո Գաբբանան: Գեղեցկուհին ոչ միայն գովազդեց իտալական այդ բրենդը, այլև դարձավ դիզայներների մտերիմ ընկերը:

Շարունակելի…

Անցյալ շաբաթ՝ հունիսի 21-ին, 50-ամյա իտալացի երգիչ Էրոս Ռամազոտին և 26-ամյա մոդել Մարիկա Պելեգրինելին ամուսնացել են: Հարսանեկան արարողությունը տեղի է ունեցել Միլանի Թագավորական պալատում: Այս մասին գրում է 7days.ru-ն:

Մարիկան կրել է  Valentino նորաձևության տան հարսանյաց զգեստը, ինչպես երևում է, իտալացի մոդելին չի մտահոգել այն փաստը, որ նախքան իրեն հասնելն այդ հագուստը հայտնվել է  բազմաթիվ ամսագրերի շապիկին:

Փեսացուն, իր հերթին, նույնպես նախընտրել է կրել Valentino-ի կոստյումը, որը երգչին դարձրել է էլ ավելի հմայիչ ու էլեգանտ:

Նշենք, որ Մարիկան ու Էրոսը ծանոթացել են 2009 թվականին՝ Wind Music Awards մրցանակբաշխության ժամանակ:

55-ամյա հանրահայտ երգչուհի Մադոննան նոր ընկեր ունի: Վերջինս, ինչպես երգչուհու նախորդ ընտրյալները ևս, իրենից բավականին երիտասարդ է: Աստղի նոր բոյֆրենդը 26-ամյա Թիմուր Ստեֆենսոնն է, որը մասնագիտությամբ պարող է և արտաքինով շատ նման է փոփ-աստղի նախկին սիրեցյալներին:

Օրերս, պապարացիները նկատել են նրանց նյույորքյան ռեստորանից դուրս գալուց:  Մադոննան և Թիմուրն ընթրիքից հետո նստել են նույն ավտոմեքենան և հեռացել:

5 տարի առաջ այս օրը 50 տարեկան հասակում մահացավ փոփ արքա Մայքլ Ջեքսոնը:

Ջեքսոնը 13 անգամ գրանցվել է «Գինեսի» ռեկորդների գրքում և համարվում է բոլոր ժամանակների ամենանշանավոր ու ազդեցիկ երգիչներից մեկը, արժանացել է «Սերնդի», «Տասնամյակի», «Դարի լավագույն երգիչ», «Հազարամյակի արտիստ» կոչումներին։ Ջեքսոնը բոլոր ժամանակների ամենաշատ ձայնասկավառակ վաճառած արտիստն է (780 միլիոն սկավառակ), նրան են պատկանում աշխարհի ամենավաճառվող ստուդիական ալբոմը (Thriller վերջին տեղեկություններով` 175 միլիոն օրինակ), ամենավաճառվող ռեմիքս ալբոմը (Blood on the Dance Floor: HIStory in the Mix` 11 միլիոն օրինակ), ամենաշատ վաճառված երկսկավառականի ալբոմը (HIStory` 20 միլիոն ալբոմ, 40 միլիոն սկավառակ) և ամենաթանկարժեք տեսահոլովակը (Scream-ը` Ջանեթ Ջեքսոնի հետ, 7 միլիոն դոլար)։

Մայքլ Ջեքսոնը մահացավ 2009թ. հունիսի 25-ին, դա տեղի ունեցավ այն բանից հետո, երբ նա ուշագնաց եղավ իր վարձակալած տանը։

Մայքլ Ջեքսոնի մահից մի քանի ժամ անց, MJJcommunity-ի՝ ամենամեծ ֆան-ակումբի տնօրեն Գերի Թեյլորը հայտարարեց

Ամենաքիչը 12 երկրպագու ինքնասպան է եղել Մայքլ Ջեքսոնի մահվան լուրից հետո: Մայքլը չէր ցանկանա, որ նրա երկրպագուները ինքնասպան լինեն:

Թաղման արարողությունը անց է կացվել 2009 թվականի սեպտեմբերի 3-ին Ֆորեստ Լոուն գերեզմանատանը։ Արարողությունը փակ էր, հրավիրված էին մոտ 200 մարդ՝ Մայքլի ծանոթները, հարազատները, ընկերները։

Աստղային և էլիտար ևս մեկ հարսանիք է սպասվում այս ուրբաթ Երևանում. Դերասան Աշոտ Ղազարյանի որդին` Արմանն,  ամուսնանում է Լոռու մարզային ոստիկանապետ Արտակ Կարապետյանի դստեր`Տաթևիկի հետ:  Այս մասին գրում է asekose.am-ը:

Հարսանիքին, որ տեղի է ունենալու «Օջախում»-ում,  մասնակցելու են հյուրեր ինչպես շոու բիզնեսի ներկայացուցիչներից, այնպես էլ քաղաքական էլիտայից. նորապսաների հարսանեկան արարողությանը սպասվում է նաև Սերժ Սարգսյանի ներկայությունը:

Արման Ղազարյանն աշխատում է ՀՀ նախագահի աշխատակազմում, նաև զբաղվում է երգահանությամբ.  նրա վերջին երգը՝ «Որ լինի հեքիաթ», կատարել է Արմինկան:

Հիշեցնենք, որ փեսայի հայրն` Աշոտ Ղազարյանը Սերժ Սարգսյանի կողմից Հանրապետության տոնի առթիվ արժանացել է պետական պարգևի:

    Շախմատի կանանց Հայաստանի հավաքականի անդամ, 2003-ի Եվրոպայի թիմային առաջնության հաղթող, Եվրոպայի կանանց անհատական  առաջնությունների կրկնակի փոխչեմպիոն, բազմաթիվ մրցաշարերի հաղթող, Հայաստանի  քառակի չեմպիոն,  գրոսմայստեր Լիլիթ Մկրտչյանը «Հայկական վարկածի» հետ կիսվեց իր պատմությամբ:

  Լիլիթը սկսել է շախմատ խաղալ 6 տարեկանից. «Մանկությունս պապիկ-տատիկի մոտ է անցել: Պապիկս շախմատի մեծ սիրահար էր: Հենց նա էլ սովորեցրել է շախմատ խաղալ»,-պատմում է Լիլիթը:

Շատ խմբակների հաճախելուց հետո, ի վերջո հասկացել է, որ  շախմատն է իր ապագան:
Երիտասարդ շախմատիստն իր առաջին մեծ հաջողությունն ունեցել է 13 տարեկանում, երբ Հայաստանի չեմպիոնուհի դարձավ կանանց մեծահասակների հավաքականում: Հենց այս հաղթանակն էլ դրդեց նրան, որ շախմատը որպես մասնագիտություն ընտրի:

Լիլիթը բազմաթիվ հաջողությունների է հասել շախմատի ասպարեզում: 2002 թվականին, երբ  Հայաստանի հավաքականը դարձավ «Եվրոպայի թիմային առաջնության» չեմպիոն, նա էլ հավաքականում էր:
«Եվրոպայի առաջնություններում 4 մեդալ եմ նվաճել՝ 2 արծաթ, երկու բրոնզ: Իսկ 1996-ից Հայաստանի հավաքականի կազմում մասնակցում եմ բոլոր օլիպիադաներին»,-  պատմում է Լիլիթը՝ վերհիշելով իր ունեցած հաջողությունները:

Այս տարվա փետրվար ամսին, Լիլիթ Մկրտչյանը «Բադ Քյոնիգշոֆեն» ակումբի կազմում նվաճել է Գերմանիայի չեմպիոնի տիտղոսը:

Եզրափակիչ մրցախաղում նա 3,5:2,5 հաշվով պարտության է մատնել գլխավոր մրցակից «Բադեն-Բադենին» թիմին: Հաղթական միավորն իր թիմին բերել է հենց Լիլիթը։

Մեր զրուցակիցը պատմեց նաև, որ շատ գոհ է իրեն ու առհասարակ շախմատիստներին ցուցաբերվող հոգատարությունից. «Մեր ֆեդերացիայի նախագահը նաև մեր երկրի նախագահն է: Պարոն Սարգսյանը մեծ հոգատարությամբ է վերաբերվում շախմատիստներին: Բոլոր պայմաններն ստեղծված են շախմատիստների համար: Լինում են նաև պարգևատրումներ»:

Իր ծրագրերի մասին խոսելիս Լիլիթը պատմեց . «Պատրաստվում եմ հունիսին Ջերմուկում կայանալիք Կարեն Ասրյանի ամենամյա հուշամրցաշարին: Այնուհետև՝ հուլիսի 15-25-ը Պլովդիվում  տեղի կունենա Եվրոպայի անհատական առաջնությունը: Առայժմ մարզվում եմ տանը, բայց այս կարևոր մրցումներից առաջ կլինեն ուսումնամարզական հավաքներ: Օգոստոսին Նորվեգիայում կայանալու  է տղամարդկանց և կանանց շախմատային 41-րդ օլիմպիադան»:

Լիլիթ Մկրտչյանը ոչ միայն մեծ հաջողությունների է հասել շախմատի ասպարեզում, այլ նաև երջանիկ անձնական կյանք ունի: Նրա ամուսինը գերմանացի Յոհաննես Շպերն է: Նրա կյանքում՝ նույնիսկ սիրո հարցում, շախմատն իր մեծ դերն է խաղացել: Պարզվում է, որ Յոհաննեսը, որը մասնագիտությամբ լրագրող է, սակայն այժմ բիզնեսով է զբաղվում, նույնպես շախմատի մեծ սիրահար է, խաղացել է Բավարիայի պատանեկան կազմում և բավականին հաջողությունների է հասել:

Հետևելով շախմատի մասին լուրերին, նա շատ  է հավանել հայ շախմատիստուհուն և, գտնելով Facebook սոցիալական ցանցում, գրել է Լիլիթին: Լիլիթին գրավել է Յոհաննեսի  գրելավոճը, և անկեղծ ու ջերմ խոսքերը, հետագայում ՝ նաև նրա էությունը: Որոշ ժամանակ անց Յոհաննեսը Հայաստան է եկել և նրանք ամուսնացել են:
«Ամուսինս շատ դրական է վերաբերվում իմ շախմատային գործունեությանը, աջակցում, խրախուսում, ինձ հետ ներկա է գտնվում մրցաշարերում»,-պատմում է Լիլիթը:

Ամուսնանալուց հետո, երբ գտնվում են Հայաստանում, հիմնականում լինում են այն գյուղում, որտեղ ծնվել է Լիլիթը՝ Փարպիում: Այնտեղ շախմատիստուհին մարզվում է համակարգչով:

«Համակարգիչը մեծ բազա է պարունակում: Ներկայում  հնարավոր է համակարգչի միջոցով թիմային մարզում կազմակերպել, մանավանդ որ համակարգչային ծրագրերն այդ ամենը թույլ են տալիս»,- ասում է Լիլիթը:

Խոսելով հայերի մասին՝ Յոհանեսը պատմում է, որ նախկինում ինքն իմացել է հայերի մասին, որպես առաջինը քրիստոնեությունն ընդունած ազգ,  իսկ հիմա ավելի շատ գիտի հայերի մասին, կարդացել է գրքեր և ծանոթացել հայ տեսակին ու հայերի պատմությանը. «Շատ եմ սիրում հայկական խոհանոցը, Երևանը, Փարպի գյուղը, (որտեղ նա ապրում է Լիլիթի հետ), ու նաև հայերի հատկապես ջերմ վերաբերմունքը օտարերկրացիների նկատմամբ»,- պատմում է Յոհաննեսը:

Երջանիկ զույգը բնակվում է թե՛ Գերմանիայում, թե՛ Հայաստանում, քանի որ Լիլիթը տարվա մի մասը  մրցաշարերի է մասնակցում, նրանք հաճախ են ճամփորդում: Լիլիթը շատ  կարևորում է ուսումը, կյանքում ինքնուրույն կայանալը և հայ աղջիկներին խորհուրդ է տալիս ձգտել ուսման. «Ես կարևորում եմ, որ ոչ թե ամուսինն աշխատի, կինը նստի, այլ կինը փորձի համատեղել և՛ ընտանիք կազմելը, և կարողանա  իր գումարը վաստակել»,- ասում է Լիլիթը:

Հայկական Վարկած