Օրեր առաջ ATV հեռուստաընկերությունում եթեր հեռարձակվեց նոր հաղորդաշար՝ «Սպիտակ անկյուն», որը վարում է Հրաչուհի Ութմազյանը: «Հայկական Վարկածը» այդ  թեմայի շուրջ  զրուցեց նրա հետ:

—Որտե՞ղ, ե՞րբ, ինչպե՞ս առաջացավ հաղորդման մտահաղացումը

-Մտահաղացումը եղել է հաղորդման պրոդյուսր Սերինե Ղազարյանինը: Առաջարկը ստացել եմ ATV հեռուստաընկերության տնօրեն Վահագն Խաչատրյանից: Ինձ համար հետաքրքիր էր վերադարձս ATV, որովհետև ես  2009թ-ից դեռևս աշխատում էի անտեղ, «Cosmopolitan» ամսագրի բացվելու հետ կապված ժամանակավորապես լքեցի ալիքը, հետո վերադադարձա «Cosmic show»-ով, հետո մոտ մեկ տարի եթերում չէի: Սա վերադարձ էր: Ինչպես ընկերներս են ասում. «Վերադարձար տուն»:

-Ինչու՞ չշարունակվեց  «Cosmic show»-ն.

— «Cosmic show»-ն կարծես իր ժամանակն ապրեց. մեկուկես տարի եթերում էր, իսկ ամեն ինչ ինչ-որ պահի պետք է ավարտվի և տեղը զիջի մեկ այլ բանի: Ինձ համար ևս դա այդպես էր: Ես վարդագույն տաղավարից տեղափոխվեցի սպիտակ անկյուն:

—Ո՞րն է հաղորդման բուն նպատակը.

— Բուն նպատակն է, մարդկանց, ում մենք տեսնում ենք հեռուստատեսությամբ և, թվում է, թե մենք գրեթե ամեն ինչ գիտենք նրանց մասին, տեսնենք մեկ այլ տեսանկյունից, տեսնենք սպիտակ անկյան մեջ, որովհետև յուրաքանչյուր մարդ ունի անկեղծության միայն իր սպիտակ անկյունը, որտեղ գրեթե ոչ մեկին ներս չի թողնում: Մենք փորձում ենք բացահայտել այդ սպիտակ անկյունը, որտեղ ոչինչ գրված չէ , փորձում ենք գրել պիտակ թղթի վրա՝ նոր ձեռագրով:

-Ի՞նչ սկզբունքով եք ընտրում հյուրերին.

-Ընտրում ենք մարդիկ, որոնք հետաքրքիր ճանապարհ են անցել և հետաքրքիր են թե՛ իրենց անձնական կյանքով, թե՛ կատարած աշխատանքով: Փորձում ենք այդ սկզբունքով ընտրել:

-Ի՞նչ սպասելիքներ ունեք հաղորդումից.

-Շատ կցանկանայի, որ սիրվի հեռուստադիտողի կողմից, դառնա իր ամենօրյա կյանքի մի մասնիկը, իր օրվա մի անբաժան մասը, այսինքն՝ միշտ սպասեն, որ, ա՛յ, ժամը յոթին միացնեն հեռուստացույցը ու դիտեն  «Սպիտակ անկյունը», միանան մեզ ու շատ հարցեր, որոնք տրվում են հյուրին, գուցե իրենք իրենց էլ տան ու փորձեն պատասխանել:

-Հաղորդումն արդեն երեք օր է՝ եթերում է. Ի՞նչ արձագանքներ եք ստացել

-Ի ուրախություն ինձ, արձագանքները շատ լավն են: Իհարկե, դեռ նոր ենք եթերում, բայց արձագանքները, որոնք ստանում եմ թե՛ զանգերի միջոցով, թե՛ ֆեյսբուքյան ակտիվությամբ շատ դրական են: Դա շատ պարտավորեցնող է, որպեսզի մենք հետագայում անենք ավելին:

-Ասում են՝ միայն հաղորդավարի ընտրությունը և հյուրի ներկայությունը դեռ շատ քիչ է, որ հաղորդումը ստացված համարվի. ովքե՞ր են աշխատում ձեր թիմում, ովքեր են այն մարդիկ, որոնց շնորհիվ հաղորդումն այսօր ստացված է: Գո՞հ եք նրանց աշխատանքից.

-Մենք այն երջանիկներն ենք, ում վրա վառվում են լույսերը, ու թվում է, որ մեզանից այն կողմ ոչ ոք չկա, բայց եթե չլինեն այն մարդիկ, որոնք աշխատում են տեսախցիկի մյուս կողմում, ամեն ինչ ուղղակի անիմաստ կլինի: Ինձ հետ աշխատում է մի հրաշալի թիմ, որից շատ գոհ եմ: Շատ արհեստավարժ թիմ է աշատում, որի հետ շատ հաճելի է աշխատել և իհարկե աջակցութուն, որ մշտապես ստանում եմ իմ գործընկերներից՝ Հրաչ Մուրադյանից, Հակոբ Հակոբյանից և Արթուր Մանուկյանից: Շնորհակալ եմ օպերատորներին, մոնտաժողին և իմ թիմին, որն ինձ հետ աշխատում է տարիներ շարունակ:

-Ասմունքող, խմբագիր, հաղորդավար. ինչպե՞ս եք համատեղում.

-Ես ամեն տեղ ինձ եմ գտել: Ես փորձում եմ ներկայանալ իմ տարբերակով: Դրանցից յուրաքանչյուրն ինձ հոգեհարազատ է և ամենակարևորը՝ ես ինչ անում եմ, անում եմ սիրով:

-Ո՞րն է լինելու Ձեր հաղորդման այցեքարտը.

-Գուցե ես չէ, որ պետք է ասեմ, թե որն է այդ այցեքարտը, ժամանակի ընթացքում հեռուստադիտողն ինքը կորոշի, թե որն է իր համար հաղորդման այցեքարտը:

Հռիփսիմե Գալստյան

Հերթական սկանդալն է հասունացել  Քարդաշյան ընտանիքում: Սկսնակ մոդել Քենդլ Ջենները թույլ չի տալիս ավագ քրոջը՝ Քիմին ներկա գտնվել իր մասնակցությամբ նորաձևության ցուցադրություններին:

Քենդլը վստահ է, որ Քիմի հեղինակությունը կարող է վատ անդրադառնալ  իր կարիերային: Հարցազրույցներից մեկում Ջենները հայտարարել է, որ շատ լրջորեն է մոտենում իր աշխատանքին և չի ցանկանում, որ իրեն ասոցացնեն Քիմ Քարդաշյանի, նրա անձնական կյանքի և քրոջ իմիջի հակասական փոփոխությունների հետ:

«Քիմը հրավիրված է եղել բազմաթիվ ցուցադրությունների, որոնց ես մասնակցում եմ,-պատմել է 18-ամյա Քենդլը,-Քիմը հարցրեց ինձ՝ համաձայն եմ, որ նա գա ու աջակցի ինձ, ես պատասխանեցի՝ ոչ, չեմ ուզում»:

Քենդլ Ջենները նաև նկատել է, որ Քիմին և ընդհանրապես Քարդաշյան ընտանիքին լուրջ չեն վերաբերվում, և նրանց շատ ցուցադրություններում թույլ չեն տալիս ներկա գտնվել:

«Ես ուզում եմ բարձր նորաձևության ներկայացուցիչ լինել,-նշում է Քենդլը,-և անհրաժեշտ է, որ ինձ լուրջ մոտենան»:

Արդարության համար նշենք, որ Ջենները մոդելային կարիերան սկսել է շնորհիվ հենց Քիմ Քարդաշյանի, որը ջանք չէր խնայում՝ օգնելու քրոջը: Եւ երախտագիտության փոխարեն սկսնակ մոդելն այժմ ասում է, որ ընտանիքն իրեն խանգարում է հաջողության հասնելու հարցում:

56-ամյա Մադոննայի և երիտասարդ պարող, 26-ամյա Թիմոր Ստեֆենսի սիրավեպն ավարտվել է, ինչպես երևում է՝ բավականին տհաճ իրավիճակում: Ինչպես գրում են ամերիկյան ամսագրերը, Մադոննան իր սիրեցյալին տանից դուրս է արել այն բանից հետո, երբ իմացել է, որ վերջինս կապված է իր դստեր՝ 17-ամյա Լուրդս Լեոնի հետ:

Ամեն ինչ ի հայտ է եկել այն ժամանակ, երբ Մադոննան իր երեխաների և բոյֆրենդի հետ մեկնել է ծովափնյա հանգստավայր: Մինչ փոփ-երգչուհին ժամանակ էր անցկացնում ծովափին՝ հովանոցի տակ, Լուրդեսն ու Թիմորը հնարավորություն են ունեցել երկար ժամանակ անցկացնել միասին՝արևահարվել են, լողացել, մի խոսքով, միասին են եղել: Ի վերջո, այնպես է ստացվել, որ աղջիկն ինքը խոստովանել է մորը, թե անտարբեր չէ Ստեֆենսի նկատմամբ:

Երբ Մադոննան իմացել է, որ իր բոյֆրենդը սիրահետել է Լուրդեսին, խիստ բարկանցել է, և Թիմորը ստիպված է եղել հավաքել իրերն ու հեռանալ:

Ի դեպ, Լուրդեսն ու Թիմորն ավելի համապատասխան զույգ են. Մադոննայի դստեր և նախկին բոյֆրենդի տարիքային տարբերությունը 9-ը տարի է, մինչդեռ Մադոննան Թիմորից մեծ է 30 տարով:

Միգուցե չխամրող աստղն այսուհ

ետ փնտրի տարիքով ավելի մեծ տղամարդ:

Համացանցում հայտնվել են Անջելինա Ջոլիի և Բրեդ Փիթի հարսանյաց արարողության նոր լուսանկարներ.

Ոչ բոլորին է հաջողվում որսալ ճիշտ պահը և հետաքրքիր նկարներ ստանալ, ընդ որում, դրա համար պետք չէ լինել պրոֆեսիոնալ լուսանկարիչ, պարզապես պետք է բաց չթողնել կադրը:

Ձեզ ենք ներկայացնում նկարներ, որոնք արվել են ճիշտ ժամանակին:

Ֆրանսիացի դերասան Լուի դը Ֆյունես դը Գալարսան ծնվել է Կուրբեվուայում (Ֆրանսիա) 1914թ. հուլիսի 31-ին: Նրա ծնողներն արմատներով Սևիլիայից էին: Նրա հայրը` Կարլոս Լուի դը Ֆյունես դը Գալարսան, Իսպանիայում փաստաբան էր աշխատում, իսկ Ֆրանսիա տեղափոխվելուց հետո դառնում է ալմաստ մշակող: Նրա մայրն ուներ իսպանական և պորտուգալական ծագում:

Մանուկ հասակում Լուի դը Ֆյունեսն իր ընկերներին հայտնի էր որպես «Ֆյուֆյու»: Նա խոսում էր ֆրանսերեն, իսպաներեն և անգլերեն: Երիտասարդ ժամանակ զբաղվում էր նկարչությամբ և դաշնամուր էր նվագում:

Հիմնականում քիչ վարձատրվող աշխատանքներ էր կատարում, որոնցից նրան հաճախ ազատում էին: Աշխատել է նաև որպես դաշնակահար` հիմանականում ջազ ոճի երգեր նվագելով Պիգալում:

1936թ. Լուի դը Ֆյունեսն ամուսնանում է Ժերմեն Լուիզ Էլոդի Քարոյերի հետ: Ամուսնությունից ծնվում է մի որդի` Դանիելը: 1942թ.-ի վերջում նրանք ամուսնալուծվում են:

Պատերազմի ավարտից հետո դը Ֆյունեսն իրեն փորձում է կինոյի ոլորտում: Մինչ այդ Լուի դը Ֆյունեսը սովորում էր Ռենե Սիմոնի դրամատիկական կուրսերում: 1945թ.-ին նա նկարահանվում է «Բարբիզոնյան գայթակղություն» ֆիլմում, որի ռեժիսորը Պան Ստելին էր: Բայց փառքի հասնելու համար նա դեռ շատ երկար ճանապարհ պետք է անցներ:

1958թ. Լուի դը Ֆյունեսը ռեժիսոր Իվ Ռոբերի «Բռնված չէ, գող չէ» ֆիլմում մարմնավորում է գլխավոր հերոսին` որսագող Բոլերոյին: Այս ֆիլմը նրան մեծ ճանաչում է բերում: Ֆիլմի լույս տեսնելուց հետո արտասահմանում նրան անվանում էին «Դոնալդ Դաք»:

1960-ական թվականներին Լուի դը Ֆյունեսը մեծ ժողովրդականություն էր վայելում: Նա տարեկան նկարահանվում էր երեք-չորս ֆիլմում: Այդ տարիներին նա նկարահանվում է Անդրե Յունեբելի «Ֆանտոմաս» եռագրությունում: Ռեժիսորը հենց սկզբից ծրագրել էր նկարահանել Ֆանտոմասի մասին պատմող տասը ֆիլմ, բայց քանի որ ֆիլմն այնքան էլ ընդունված չէր, նա սահմանափակվում է ընդամենը երեք ֆիլմով: Ֆիլմերից վերջինը «Ֆանտոմասն ընդդեմ Սքոտլանդ Յարդի»-ն էր:

1970թթ. Լուի դը Ֆյունեսը շարունակում էր համարվել Ֆրանսիայի ամենասիրելի ու ամենահայտնի դերասաններից մեկը: Նա ակտիվորեն նկարահանվում էր տարբեր ֆիլմերում: 1973թ.-ի մարտի 15-ին պարգևատրվում է Ֆրանասիայի ամենաբարձր պարգևով` Պատվո լեգիոնի շքանշանով:

1975թ. Լուի դը Ֆյունեսը միանգամից երկու ինֆարկտ է տանում: Բժիշկների պնդմամբ դերասանը հեռանում է կինոյից և տեղափոխվում Նանտից ոչ հեռու գտնվող 17-րդ դարի իր առանձնատունը: Այնտեղ էլ դերասանը տարվում է վարդեր աճեցնելով: Ըստ որում` «Մեյան» ֆիրմայի աճեցրած վարդի տեսակներից մեկը կոչվել է Լուի դը Ֆյունես` ի պատիվ մեծ դերասանի:

Դերասանն ունի երեք որդի` Օլիվյե դը Ֆյունես, ով «Էյր Ֆրանս» ընկերության օդաչու է (հայրն ուզում էր, որ իր որդին դառնար դերասան, բայց տղան դեմ էր այդ որոշմանը և մի քանի ֆիլմերում նկարահանվելուց հետո թողնում է դերասանական կարերիան), Դանիել դը Ֆյունես և Փաթրիմ դը Ֆյունես` մասնագիտությամբ բժիշկ:

Բեյոնսեի քույրը՝ Սոլանժ Նոուլզը լուրջ կասկածներ ունի, որ իր քրոջ ամուսնուն՝ հանրահայտ երգիչ Ջեյ Զիին և երգչուհի Ռիհաննային միայն ստեղծագործական հարաբերությունները չեն կապում:

Սոլանժը սկսել է կասկածել Ջեյ Զիի հավատարմությանն այն բանից հետո, երբ վերջինս գնացել է Ռիհաննայի երեկույթին և հրաժարվել է իր հետ տանել կնոջը:

Օրեր առաջ, Բեյոնսեն նկար է տեղադրել իր միկրոբլոգում, որում ինքն է և ամուսնու թվացյալ սիրուհին՝ Ռիհաննան, այդ կերպ փորձելով հաստատել, թե լուրը չի համապատասխանում իրականությանը: Երգչուհին նաև հերքել է իր և Ջեյ Զիի ամուսնալուծության մասին ասեկոսեները՝ որպես ապացույց հրապարակելով երջանիկ ընտանիքի նկարները:

Սակայն, որքան էլ Բեյոնսեն ջանքեր է գործադրում, իրադարձություններն այլ բան են հուշում: Օրինակ, վերջերս, երգչուհուն նկատել են Մանհեթենում՝ բնակարան փնտրելիս, ընդ որում, նրա ամուսինը բազմիցս հայտարարել է, որ չի պատրաստվում լքել Տրեյբեկի իրենց առանձնատունը: Դա նշանակում է, որ Բեյոնսեն միայն իր համար է բնակարան ընտրում:

Կարծիք կա, որ ամուսնությունը պահպանելու փորձերը կշարունակվեն մինչև «On The Run» շրջագայության ավարտը, որից հետո 44-ամյա ռեփերը և 32 ամյա երգչուհին հանգիստ կամուսնալուծվեն:

Յուրմալայում ընթացող «Նոր ալիք» միջազգային երգի մրցույթի հերթական փուլում Հայաստանը ներկայացնող Սոնա Ռուբենյանը ելույթ ունեցավ Մհերի հետ:

Ժյուրիի անդամները, բացի Իգոր Նիկոլաևից, նրանց կատարումը գնահատեցին 11: Այսպիսով, Սոնա Ռուբինյանն ունի 143 միավոր:

 
http://www.youtube.com/watch?v=efOdflTjoFQ