ԱԺ-ում արտահերթ կարգով այսօր քննարկվեց «ՀՅԴ» խմբակցության պատգամավորների կողմից ներկայացված «Նվազագույն աշխատավարձի մասին օրենքում փոփոխություններ և լրացումներ» կատարելու մասին և «Եկամտահարկի» մասին օրենքում փոփոխություն կատարելու մասին օրենքների նախագիծը:

Հիմնական զեկուցող Արծվիկ Մինասյանը  ներկայացրեց .«Մենք առաջարկում ենք բարձրացնել ոչ թե բոլոր կարգի աշխատավարձերը, այլ նվազագույն աշխատավարձը: Մեր հաշվարկով՝ պահանջվող գումարը չի գերազանցի 34 մլրդ դրամը»:

Մինասյանը շեշտեց, որ ՀՀԿ-ն իր նախընտրական ծրագրով խոստացել էր նվազագույն աշխատավարձը սահմանել 45 հազար դրամ. «Կառավարությունը Նույնսկ իր խոստումը չի կատարել»:

Նշենք, որ Գլխադասային հանձնաժողովները հավանություն չեն տվել «ՀՅԴ» խմբակցության ներկայացրած օրինագծերին:

Երևանի քաղաքապետ Տարոն Մարգարյանի երդման արարողությունը կլինի երեք աշխատանքային օրից:

«Ցանկանում եմ Երևանը տեսնել զարգացած, և այդ զարգացումը պետք է լինի համաչափ»,- լրագրողներին ասաց  արդեն քաղաքապետ Տարոն Մարգարյանը:

Հարցին, թե շարունակելու է արդյո՞ք նախկին քաղաքապետի սկսած կրպակների ապամոնտաժման գործընթացը, Մարգարյանն ասաց. «Ապամոնտաժվելու են միայն լքյալ կրպակները»: Նոր քաղաքապետը զբաղվելու է նաև Աբովյան փողոցի կրպակների հարցով. «Այդ փողոցը հանձնելու ենք քաղաքացիներին»,- խոստացավ նա:

Ինքնասպանություն է տեղի ունեցել Երևանում:Շտապօգնության ենթակայանից Ոստիկանության Երևանի վարչության հերթապահ մաս հաղորդում է ստացվել, որ Նալբանդյան փողոցի թիվ 27 շենքից մի մարդ իրեն ցած է նետել:Շտապ դեպքի վայր է մեկնել ոստիկանության Կենտրոնականի բաժնի օպերատիվ-քննչական խումբը` բաժնի պետի տեղակալ Արթուր Կարապետյանի գլխավորությամբ:Դեպքի վայրում քննչական աշխատանքները ղեկավարել է ոստիկանության քննչական գլխավոր վարչության Երևանի քննչական վարչության Կենտրոնականի քննչական բաժնի քննիչ Ասատրյանը:Ինքնասպանության վայր է ժամանել նաև դատաբժիշկը:Քննչական գործողությունների արդյունքում պարզվել է, որ նույն շենքի բնակիչ, 64-ամյա Գագիկ Վարդումյանը ինքնասպանություն է գործել` ցած նետվելով Նալբանդյան փողոցի թիվ 27/25 շենքի տանիքից:

Տեղական արտադրողները բողոքում են երկրի ոչ բարենպաստ հարկային քաղաքականությունից, թանկությունից , ոլորտի մոնոպոլացումից, իրենց հերթին այս բարդությունների առյուծի բաժինը կախելով հասարակ աշխատավորի պարանոցից:

Նոր տարվան ընդառաջ աշխատուժի կարիք կա ու «Գրանդ քենդի» ընկերությունը լրացուցիչ 400 աշխատող է ընդունել: Աշխատակիցները լծված են աշխատանքի բառիս բուն իմաստով: Նրանք պատմում են, որ  աշխատում են շաբաթ օրերին, արդեն կանչում են նաև կիրակի օրերին, ոչ աշխատանքային օրվա համար վճարելով օրեկան 370 դրամ: Աշխատավարձը 80 -100 հազար դրամ է, որի 47-50 հազարը ստանում են բանկոմատով, իսկ մնացածը` առձեռն:

Ու ամենահետաքրքիրն այն է, որ չնայած մարդիկ շատ լավ գիտեն, որ իրենց աշխատանքը շահագործում են  ու առավոտյան 8:15  — 18:30 -ը նման լարվածությամբ աշխատեցնելու համար տրված գումարը չի կարող համարժեք լինել, դարձյալ շնորհակալ են, քանի որ գործ ունեն ու ասում են, որ մյուս նմանատիպ հիմնարկներում վիճակն ավելի վատ է:

Այսօր` Աժ փոխնախագահ Սամվել Նիկոյանը Ազգային Ժողովում է, եղել երբ ստացել է  հոր` Պարգև Նիկոյանի մահվան լուրը: Վերջինիս առողջական վիճակը ծանր է եղել:

Նոյեմբերի 11-ին Սյունիքի մարզի Դավիթ-Բեկ բնակավայրի մոտակայքում տեղի է ունեցել հայ սակրավորների կողմից ականազերծված տարածքների հանձնումը մարզային իշխանություններին:Այս մասին  տեղեկացնում են ՀՀ պաշտպանության նախարարության տեղեկատվության և հասարակայնության հետ կապերի վարչությունից:

Ականազերծված տարածքների հանձնումն իրականացվել է «Հումանիտար ականազերծման և փորձագիտական կենտրոն» ՊՈԱԿ-ի կողմից:

Արարողությանը մասնակցել են Հայաստանում Գերմանիայի Դաշնային Հանրապետության արտակարգ և լիազոր դեսպան Հանս Յոխեն Շմիդտը, ԱՄՆ-ի ռազմական կցորդի տեղակալ Ջասթին Բադդը և այլ պաշտոնատար անձինք:

Հայտնաբերվել և վնասազերծվել են բազմաթիվ նռնակներ, տարբեր տրամաչափի փամփուշտներ, հակատանկային և հակահետևակային ականներ:

ՊՈԱԿ-ի տնօրեն Ռուբեն Առաքելյանը նշել է, որ գարնանը մեկնարկած աշխատանքների արդյունքում ականազերծվել է շուրջ 21 հեկտար հողատարածք:

Համապատասխան համակարգերի միջոցով մեկ անգամ ևս ճշգրտվել և ստուգվել է ականազերծված տարածքը, որից հետո ականազերծումը փաստող և տարածքի սահմանագոտին ճշգրտող հավաստագիրը հանձնվել է Սյունիքի մարզպետ Սուրեն Խաչատրյանին:Որը կարևորել է միջազգային դոնոր կազմակերպությունների լրացուցիչ ներդրումները, որոնք կնպասեն ականազերծման գործընթացի ակտիվացումը:

Հրադադարի հաստատումից հետո դեռ ականապատված են ՀՀ շուրջ 60 բնակավայրերի հարակից տարածքներ: Կասկածելի տարածքները 102-ն են` շուրջ 322 կիլոմետր քառակուսի մակերեսով:

Ամենամյա ականազերծման նմանօրինակ աշխատանքների արդյունքում գյուղատնտեսական կիրառման համար պիտանելի են դառնում նորանոր հողատարածքներ, իսկ ամենագլխավորը` նվազում է չվնասազերծված զինամթերքի պայթյունի հետևանքով հնարավոր դժբախտ պատահարների հավանականությունը:

Հրադադարի հաստատումից մինչ օրս ականներից և չվնասազերծված զինամթերքից Հայաստանում տուժել է ավելի քան 400 մարդ` 112-ը մահացու ելքով:

ՀՀ ԱԺ նախագահ Հովիկ Աբրահամյանը րոպեներ առաջ ընթերցեց հրաժարականի դիմումը:

ՀՀ ԱԺ արդեն նախկին խոսնակը նշանակվելու է Հանրապետական կուսակցության նախընտրական շտաբի պետ.«Լիովին գիտակցելով պատասխանատվությունը ժողովրդի, կուսակցության, նախագահի առջեւ, ներկայացնում եմ հրաժարականի իմ դիմումը:Դուք արդեն գիտեք, որ ես գլխավորելու եմ շտաբը, եւ արդեն հայտարարել եմ, որ վաղաժամ վայր եմ դնելու լիազորությունները: Մեր երկիրը մտնում է հերթական ընտրությունների փուլ, ընտրություններ` որոնք բարձր մակարդակով անցկացնելը բոլորիս եւ առաջին հերթին իշխանությունների պատվի գործն է», — նշել է նա իր խոսքում:

Իջևանում նոյեմբերի 13-ին կայացան քաղաքապետի ընտրություններ: Ընտրապայքարը ընթանում էր երկու թեկնածուների` գործող քաղաքապետ, ՀՀԿ անդամ Վարուժան Ներսիսյանի և քաղաքի ավագանու անդամ, ԲՀԿ անդամ Վարդան Ղալումյանի միջև: Երկուսն էլ իրենց թեկնածությունը առաջադրել էին ինքնառաջադրմամբ:

Նախնական տեղեկություններով` ընտրություններում հաղթել է ԲՀԿ անդամ Վարդան Ղալումյանը:

13 հազար 857 ընտրական ձայնի իրավունք ունեցողներից ընտրություններին մասնակցել է 8 723 ընտրող:

Tert.am-ի թղթակիցը Իջևանից հայտնում է, որ քվեարկությունն ընթացել է հանգիստ, առանց միջադեպերի և լուրջ խախտումների: Համենայնդեպս, ընտրությունների ընթացքում և ավարտվելու պահին ընտրական տեղամասերից գրավոր դիմում կամ բողոք չի ստացվել, իսկ ծագած խնդիրները և հնչած ահազանգերը տեղում հարթվել են:

Ուշագրավ է, որ ԲՀԿ-ական թեկնածուի վստահված անձանցից մեկը ԱԺ «ԲՀԿ» խմբակցության անդամ Նաիրա Զոհրաբյանն էր:

Ավելի վաղ ԶԼՄ-ները տեղեկություն էին տարածել, թե քվեարկությունից հետո որոշ տեղամասերի մոտ իրարանցում է սկսվել, և ԲՀԿ-ական թեկնածուի կողմնակիցների են բերման ենթարկել ոստիկանություն` իրավապահներին չենթարկվելու պատճառով: Այսօր առավոտյան ՀՀ ոստիկանության մամուլի ծառայությունից Tert.am-ին տեղեկացրին, որ ոչ ոք բերման չի ենթարկվել: Պարզապես լուրեր են տարածվել, թե Իջևանի խանութներից մեկում ընտրակաշառք են բաժանում, ինչի կապակցությամբ երկու մարդ հրավիրվել է ոստիկանության բաժին և պարզաբանումներ տալուց հետո հեռացել: Ոստիկանությունից հրաժարվեցին ասել, թե կոնկրետ որ կուսակցության թեկնածուի կողմնակիցներն են ոստիկանություն հրավիրվել` ընդգծելով, որ լուրերը չեն հաստատվել, հետևաբար հարկ չեն համարում այդ հարցին պատասխանել:

Վաղը Իջևանում ընտրություններ են: Քաղաքապետի թեկնածուների և նրանց նախընտրական քարոզարշավի մասին շատ է գրվել ու դեռ կգրվի: Հակված չենք մտածելու թե ընտրողները կամ մայրաքաղաքում Իջևանով հետաքրքրվածները չգիտեն թեկնածուների ով լինելը, սակայն մի փոքրիկ դրվագ` որ կարծում ենք էլ ավելի պատկերավոր կդարձնի, թե ովքեր են հավակնում մի ամբողջ քաղաքի ղեկավարը լինելու կոչմանը:

Մեր աշխատակիցը զանգահարում է Իջևանի քաղաքապետի թեկնածու Վարդան Ղալումյանին և ասուլիսի հրավիրում «Վարկած» ակումբ` խոսելու իր նախընտրական ծրագրերից: Պարոն Ղալումյանը բառացիորեն պատասխանում է.« Ես հիմա ժամանակ չունեմ, շատ զբաղված եմ, բայց որ դու գաս Իջևան, ես քեզ էստեղ ասուլիս կտամ»:

Մյուս թեկնածուն գործող քաղաքապետ Վարուժան Ներսիսյանն է:

Տավուշի մարզի անկախ լրատվական կայքում  գովում են Վարդան Ղալումյանին, ու փնովում Վարուժան Ներսիսյանին:

Չգիտես ինչ մտածես: