Երեւանի Ազատության հրապարակում մեկնարկել է ընդդիմադիր Հայ ազգային կոնգրեսի հերթական համապետական հանրահավաքը: Հարթակում են գտնվում Հայաստանի առաջին նախագահ Լեւոն Տեր-Պետրոսյանը, «Հանրապետություն» կուսակցության քաղխորհրդի նախագահ Արամ Սարգսյանը, ՀԺԿ նախագահ Ստեփան Դեմիրճյանը, ընդդիմադիր ուժին անդամակԵրեւանի Ազատության հրապարակում մեկնարկել է ընդդիմադիր Հայ ազգային կոնգրեսի հերթական համապետական հանրահավաքը: Հարթակում են գտնվում Հայաստանի առաջին նախագահ Լեւոն Տեր-Պետրոսյանը, «Հանրապետություն» կուսակցության քաղխորհրդի նախագահ Արամ Սարգսյանը, ՀԺԿ նախագահ Ստեփան Դեմիրճյանը, ընդդիմադիր ուժին անդամակցող մյուս կուսակցությունների ներկայացուցիչները:ցող մյուս կուսակցությունների ներկայացուցիչները:

Հանրապետության գլխավոր մարքսիստ Դավիթ Հակոբյանն արդեն մի քանի շաբաթ է հրաժարվում էր մամուլի ասուլիսի հրավերից, պատճառաբանելով թե դեռ ուսումնասիրում է ներքաղաքական իրավիճակը:Մարքսիստը գնացել էր մասնակցելու Իջևանի քաղաքապետի ընտրություններին, այսինքն`ակտիվ մասնակցում է նաև երկրի անցուդարձին: Տպավորությունն այնպիսինն էր, որ նա ինչ որ բանի էր սպասում:Սակայն այսօրվա ասուլիսի թեման գալիս է փաստելու, որ Դավիթ Հակոբյանին սպասողական վիճակից հանել է բոլորովին էլ ոչ քաղաքական դաշտի հստակեցումը: Այսօր նա ասուլիսին անդրադարձել է թիվ 127 ավագ դպրոցում տիրող իրավիճակին:

Մարքսիստը ասել է, որ նշված դպրոցում տնօրենն աշակերտներին ստիպում է քացով հարվածել ընդդիմացող ուսուցչուհուն, որ տնօրենը ուսուցիչների հետ բարոյահոգեբանական հաշվեհարդար է տեսնում, որ բռնագանձումները հաճախ հասնում են երեսուն տոկոսի, բայց ԿԳՆ-ի կողմից ոչ մի արձագանք չկա: Նա հայտարարել է, որ նրանք, ովքեր հրաժարվում են աշխատավարձից պահանջվող տոկոսը թողնել տնօրենին, հրապարակավ ֆիզիկական հաշվեհարդարի են ենթարկվում հենց դպրոցի միջանցքներում:

Թիվ 127 դպրոցի տնօրեն Ներսիկ Էլոյանն էլ փորձել է համարժեք պատասխան տալ ու պարզաբանել` թե ինչ է իրականում կատարվում իրենց դպրոցում:

Պարզվում է` Դավիթ Հակոբյանն անցյալ տարի Ներսիկ Էլոյանին, իր մտերիմ ընկերոջ միջոցով խնդրել է բարեկամուհուն` Լարիսա Պապյանին, ընդունել աշխատանքի` որպես ռուսաց լեզվի ուսուցչուհի:

Տնօրենն ընդունել է, որից հետո Լարիսա Պապյանը, ըստ էլոյանի ցանկացել է տնօրենի հետ այլ հարաբերությունների մեջ մտնել, սակայն մերժվելով` սկսել է բամբասանքներ տարածել, իսկ աշակերտների և գործընկերների հետ անընդհատ վեճերի մեջ է եղել: Վերջին դեպքը եղել է նախորդ հինգշաբթի, երբ 16 տարեկան տղային դասարանի առջև փողոցային լեզվով անվանել էր անբարոյականի տղա, որից հետո աշակերտը փորձել է հարվածել ուսուցչուհուն, ու սկսվել է քաշքշուկ: Մարքսիստի բոլոր որակումները Էլոյանը կատարյալ սուտ համարեց: Ըստ նրա Լարիսա Պապյանը դպրոցում աշխատում է մեկ տարի և երեք ամիս, իսկ այսօր չի եկել աշխատանքի:

«16 տարեկան աշակերտները բողոքել են մանկխորհրդին, և մանկխորհուրդը որոշում կկայացնի, որին կհրավիրվի Լարիսա Պապյանը ու հավանաբար կորոշվի նրա հետագա աշխատանքի հարցը»,- ասել է տնօրենը:

Բացի այդ տնօրենը, հայտարարել է` թե ինքն արդեն պարզել է, որ Լարիսա Պապյանը ոչ թե մարքսիստի բարեկամուհին է, այլ սիրուհին, ուստի` հասկանալի է նրա սրտացավությունը:
Անդրադառնալով մարքսիստի հայտարարությանը թե  մոտավորապես 30 տոկոսի չափով բռնագանձվում են ուսուցիչների աշխատավարձերը, Էլոյանը պարզաբանել է. Հարցն իրոք կա, սակայն դրան լուծում կա. այս տարի ինչ պակասել է, մյուս տարի կլրացվի. « Ավագ դպրոցներին չի բավարարում բյուջետային հատկացումը, դրա համար մենք, լինելով ՊՈԱԿ-ներ (ՊՈԱԿ-ի մասին օրենքի 3-րդ հոդված առաջին կետով), պատասխանատու ենք աշխատավարձերի հավելավճարների և այլնի համար: Մենք պետք է տարին փակենք առանց պարտքերի, ՊՈԱԿ-ի մասին օրենքը դա է ասում եղած հնարավորությունների սահմանում: Դրա համար մեզ մոտ հաշվեցինք բյուջեի ճեղքվածքը, այն կազմեց մոտ 5 մլն դրամ, և 27 տոկոս պակասեցնելով՝ տեղավորվեցիք»,- ասաց տնօրենը` նշելով, որ սա խնդիր է հանրապետության բացառապես բոլոր ավագ դպրոցների համար:

Պարբերականներից մեկի հետ զրույցում ՀՀ գլխավոր դատախազ  Աղվան Հովսեփյանի եղբայրը`Ռուբեն Հովսեփյանը հաստատել է մեծամասնական ընտրակարգով իր առաջադրվելու մտադրության մասին տեղեկությունները:

Երևանի թիվ 6 ընտրատարածքում իր թեկնածությունն է պատրաստվում առաջադրել Աջափնյակի թաղապետ Ռուբեն Հովսեփյանը:

«Վերջինս առաջադրվելու է ՀՀԿ-ական գործարար պատգամավոր, սակայն տևական ժամանակ ՀՀ-ից «անհայտ բացակայող» Հարություն Փամբուկյանի փոխարեն», գրում է թերթը:

Նոյեմբերի 25-ին, ժամը 11.54-ին Նախիջեւան-Հայաստանի սահամանային գոտում` Սիսիան քաղաքից  33 կմ դեպի հարավ-արեւմուտք, տեղի է ունեցել 2.5 մագնիտուդով երկրաշարժ, որի ուժգնությունը էպիկենտրոնային գոտում կազմել է 3 բալ, հիպոկենտրոնը գտնվում է 5 կմ խորության վրա:

Հայաստանի ԱԻՆ սեյսմիկ պաշտպանության ազգային ծառայությունը տեղեկացնում է, որ էպիկենտրոնի աշխարհագրական կոորդինատներն են` հյուսիսային լայնության 39.320 աստիճան եւ արեւելյան երկայնության 45.780 աստիճան:

ԱԻՆ-ից տեղեկանում ենք, որ այսօր, ժամը 13։07-ին «1-03» ծառայությունից տեղեկություն է ստացվել, որ Երևանի Տիգրան Մեծի պողոտայի թիվ 48 շենքի 24-րդ բնակարանում հայտնաբերվել է ծխախեղդ եղած տղամարդու մարմին, սենյակում առկա է ծխապատ գոտի։ Դեպքի վայր են մեկնել մեկ մարտական հաշվարկ, հրդեհաշիջման կազմակերպման բաժնի օպերատիվ խումբը։ Պարզվել է, որ բնակարանում մասամբ այրվել է բազմոցը և բազկաթոռը, որի հետևանքով տան բնակիչ 1927թ. ծնված Վագարան Գևորգյանը ծխահեղձ է եղել և ձեռքի շրջանում ստացել այրվածքներ։ Հրդեհը մարվել է տեղի ուժերով։

Նոյեմբերի 23-ին ժամը 19:30-ի սահմաններում Հորադիզի ուղղությամբ իրականացված գործողությունների արդյունքում սպանվել է Ադրբեջանի զինված ուժերի մեկ զինծառայող:Ադրբեջանական լրատվամիջոցները դեռեւս պաշտոնական հաղորդագրություն չեն տարածել:ԼՂՀ պաշտպանության բանակը ադրբեջանական զորքերի հետ շփման գծի ողջ երկայնքով պատասխան պատժիչ գործողություններ է իրականացնում:
Սա վերջին երկու օրվա ընթացքում ժամկետային զինծառայող, 19-ամյա Արեն Արմենի Սիմոնյանի և ժամկետային զինծառայող, 19-ամյա Միհրան Արմենի Մարգարյանի մահվան պատասխանն է: ՀՀ պաշտպանության նախարարության մամուլի քարտուղար Դավիթ Կարապետյանը հայտարարություն էր տարածել, որում ասվում էր. յուրաքանչյուր հայ զինվորի մահվան համար պատասխանը լինելու է անհամաչափ:

ՕԵԿ փոխնախագահ Հեղինե Բիշարյանը հայտարարել է թե `«Օրինաց երկիր» կուսակցությունը խորհրդարանական առաջիկա ընտրություններին մասնակցելու է միայնակ, նշելով, որ համենայն դեպս, այս պահի դրությամբ իրավիճակն այդպիսին է:
Սա փորձված ու աշխատող տարբերակ է, որ ՕԵԿ-ը կիրառեց նախորդ ընտրություններին, հավաքելով որոշակի ընտրազանգված, որը հետո նվիրաբերեց ՀՀԿ-ին, դիմացը ստանալով այն` ինչ այսօր ունի:Սակայն տիկին Բիշարյանը, կամ չափազանց լավատես է, կամ էլ ժողովրդի հիշողության վրա կասկածում է: Եթե այն ժամանակ ժողովուրդը դեռ հավատում էր ՕԵԿ կուսակցության առաջնորդին, համարելով նրան կարող, երիտասարդ ուժ, ապա ճամբարափոխ եղած ու ԱԽՔ դարձած Բաղդասարյանին այլևս հավատացող չկա: Նա վերջնականապես վերածվել է քաղաքական դիակի:
ՕԵԿ փոխնախագահը չգիտես որտեղից է վերցրել, որ կուսակցությունը լավագույն արդյունքների է հասնելու 2012թ. խորհրդարանական ընտրություններին` կրկնապատկելով իր ներկայությունը Ազգային Ժողովում: Ըստ Բիշարյանի, նման լավատեսության հիմք իրեն տվել են մարզային հանդիպումները, որոնք իբր անցնում են ջերմ մթնոլորտում ու լեփ-լեցուն դահլիճներում:
Սակայն Բիշարյանը չի այրել բոլոր կամուրջները և չի բացառել դաշինք կազմելու հավանականությունը` որոշ զարգացումների պարագայում` ելնելով պետության անվտանգության ռազմավարությունից, նշելով սակայն, թե վաղ է այդ մասին խոսելը:

Հերթական հեռուստամարաթոնն է՝ տելեթոն, կամ ով ոնց սիրում է ասել: Հետո վերջում կասեն`«Հայաստան» համահայկական հիմնադրամից հայտնում են, որ «Հեռուստամարաթոն 2010»-ի արդյունքում հավաքագրվել է XX, YYY, ZZZ ԱՄՆ դոլարի նվիրատվություն ու նվիրատվության խոստում»: Խոստումս ո՞րն ա, ո՞վ ա  ստուգողը

«Կոչ ենք անում բոլորին` արժանի մասնակցություն ունենալ համազգային միջոցառմանը` ի բարօրություն մեր ժողովրդի, հանուն մեր նվիրական իղձերի իրականացման», — ասում են ԼՂՀ պատգամավորները մարաթոնի մեկնարկին: Ո՞ր ժողովրդի, ո՞ր իղձերին: Ինչի՞ են իրանք իրանց փափկասուն ու հեռագնա իղձերը նույնացնում ղարաբաղցի յոլա տանողի առօրյա կարճամիտ իղձերից:

«Հըլը մի հատ գնացեք-տեսեք էն ճանապարհները, էն տները, որոնք դուք սարքում եք Ղարաբաղում»,- ասում էր հաղորդավարն ընտանեկան լոտոյի ձայնով: Բայց ո՞նց էր ցույց տալու և ի՞նչը:

Սփյուռքը մեզ պահում է հիվանդի պես: Իսկ հիվանդը չի ուզում առողջանալ: Հակառակը՝ նա ամեն կերպ ցանկանում է ի ցույց դնել իր վատ վիճակը, օրինակ՝ հեռուստամարաթոնի գովազդային հոլովակում Ղարաբաղը անապատի տեսքով ներկայացնելով, որտեղ երեխաները վարդավառ են խաղում իրար վրա ավազ շփելով: Հոլովակը «Շարմ»-ինն է, արդեն քանի տարի, նկատենք: Ջուր ա պետք Ղարաբաղին: Անջուր ա Ղարաբաղը, մարդիկ ձիերով են ջուր կրում, կեղտոտ են, ջուր չունեն լողանան, մաքրենք Ղարաբաղը, ջուրը մաքրություն է: Ու մեր սփյուռքահայ բարեկամները, ովքեր իրենց լավ բախտից չեն ունեցել մութ ու ցուրտ տարիներ, չգիտեն, որ անջուր էլ կարելի ա լողանալ, մի ձեռքով, վռազ պատկերացնում են բուրավետ ղարաբաղցուն, ու նրան մաքրելու մաքրասիրական մղումից զոհաբերում են դոլարներ, եվրոներ ու ռուբլիներ… Մաքրվեք բա, հայ ենք, պիտի մաքուր լինենք: Հազիվ թե սփյուռքահայերին ցույց տային Ղարաբաղի սառնորակ աղբյուրները, որտեղի անմահական ջրի նման ջուր նրանցից շատերը չեն էլ խմել երբևիցե: Հա, բան չեմ ասում, ջրի խնդիրը կա: Բայց ինչի՞ է պետք էդպիսի ողորմելի տեսքով ներկայացնել ամեն բան: Հա՜, մոռացել էի հիվանդի մասին: Իհարկե, որպեսզի ամրագրեն ու ամրապնդեն հիվանդի կարգավիճակը: Ջրի խնդիրը լուծեք, բան չունեմ ասելու: Բայց ինչի՞ եմ ես էսքան համոզված, որ էդ ավելորդ ծախսերը, Բակոյի ԱՄՆ հասնելը, հետն էլ մի մեծ շքախումբ շոու բիզնեսի տիեզերական անճաշակ համաստեղությամբ: Ու արի ու մի ասա, որ այ մարդիկ, չե՞ք զզվել էս դեմքերից, չե՞ք տեսնում նրանց վատ խաղը, չե՞ք զգում, որ ձեզ մոլորեցնում են: Ախր ամեն հայերեն ասված բառ չի որ ճիշտ բառ է: Ախր ամեն մի հայկական երգ չի, որ երգ է: Էլ չշարունակեմ:

Սփյուռքահայ ընկերուհիս, հուսով եմ, նա դեմ չի լինի իր անունը հիշատակելուն, Շաքե Բերբերյանը երբ Երևանում էր, հարցրեց.

«Իսկ հիմնադրամի դրամը ո՞ղջը կէրթա նպադակին, թե՞ ուդում են»

Իսկ ես ի՞նչ պատասխանեմ, շա՞տ գիտեմ, ես գիտե՞մ ինչ են լինում էդ փողերը:

«Ես վստահում եմ «Հայաստան» համահայկական հիմնադրամին», — ժամանակ առ ժամանակ ասում էր ինչ-որ հայտնի դեմք: Ես չեմ վստահում «Հայաստան» համահայկական հիմնադրամին:

Չէ, ստեղ խոսքս ընդհանուր առմամբ հոգաբարձուների խորհրդի, կամ Հիմնադրամի սպասարկող անձնակազմի մասին չի խոսքը, նրանք չեն գնում ճանապարհի ամեն հատված ստուգում, որ ինչպես կտեսնեն սփյուռքահայերը կամ հոգաբարձուները ավտոմայրուղու այն հատվածները, որոնք շահագործման հանձվելուց քիչ անց հերթով փլուզվել են: Ո՞վ է նրանց ցույց տվել ասֆալտը, որի վրա արդեն բուսականություն է աճում ճեղքվածքներից, կամ ակտիվորեն քանդուքարափ  լինող Հադրութ և Մարտունի տանող ճանապարհները, որ նոր են սարքվել կարծես հիմնադրամի փողերով: Ու հետաքրքիրը նա է, որ  այն հատվածներն էն ամենավատ վիճակում, որոնք վերջում են հանձնել: Նենց որ, գտեք էն մարդկանց, ովքեր էդ ամենը կերել են, ու հետ ուզեք ձեր փողերը սփյուռքայհայ բարեկամներ, ձեր հիվանդին դիալիզի տեղ կլիզմա են արել: Այսինքն, փնտրել պետք էլ չի, ոնց հասկացա, դա հենց  Բակո Սահակյանի «պադրյադչիկներն» են, որոնց ինքն ա ընտրել տենդերներով: Լսել եմ, ինքը իրան նույնացնում ա  Հիմնադրամի հետ, ոնց-որ նույնիսկ ինչ-որ պաշտոն են իրա համար Սերժն ու Քոչարյանը տեղ անում ու հիմա էլ, թեև ինքը ընդամենը հոգաբարձուների խորհրդի նախագահի տեղակալն է, և Հիմնադրամն ունի փաստացի գործադիր տնօրեն, նա էլի շարունակում է ստվերային կառավարում իրականացնել և Հիմնադրամ-նախագահական կապի գլխավոր միջոցն է:

Ո՞վ պիտի սրանով զբաղվի, կարաք ասեք: Ինչի՞ պիտի էս հիվանդ հասարակության կոնկրետ հիվանդ մարդիկ, ովքեր կյանքի ու մահվան հարցի առաջ են, օգնություն չստանան, ինչ ա թե էդ օգնությունը գնում ա վերացական ճամփեքի կամ ջրի: Ինչո՞ւ չի կարելի էդ մարաթոնի ընթացքում հավաքել փող կոնկրետ սրտի վիրահատություների, զանազան օրգանների տրանսպլանտացիների կարիք ունեցողների, քաղցկեղով ու ՄԻԱՎ/ԶԻԱՀ-ով, Հեպատիտ C-ով հիվանդներին բուժելու համար: Ինչի՞ չի սփուռքը բուժում իրականում հիվանդին, հիվանդ հասարակությունը պահելու փոխարեն: Ո՞վ կպատասխանի իմ հարցին: Թե՞ էդ ժամանակ հնար չի լինի դեղերից կտրել, շինանյութ չի, կամ լյարդի տեղը թոք պատվաստել: Է՜հ, անտերանոց ա էլի: Գոնե սփյուռքահայերը, իրանք խի՞ չեն էդպիսի մի առաջարկ անում: Ձիով ջուր կրել կլինի, իսկ չաշխատող սրտով ապրել՝ ոչ:

Սիրելի սփյուռքահայեր, մի թողեք ձեզ շլանգի տեղ դնեն, ուշքի եկեք, մարդ եղեք, էս տարի փող փոխանցեք ոչ թե հիպոթետիկ ջրեր քաշելուն կամ ճամփա սարքելուն, այլ կյանքեր փրկեք, իրական, այսօր, այստեղ: Մի խառնեք առաջնայնությունները` (prioritet)Մարդու կյանքից ավելի թանկ բան չկա ախր…

Նրանց համար, ում առաջնայնությունները խախտված չեն` օգնեք այս տարի Էլենին ու Սյուի մայրիկին ապրել: Հաշվեհամարները հղումներով` Ինչ-որ բան մեր մեջ փչացել է… եւ  Փող ունես՝ ապրում ես, փող չունես՝ մեռի՞ ..

Երևանի քաղաքապետ Տարոն Մարգարյանը հանդիպել է «Կրպակատերերի շահերի պաշտպանություն» կազմկոմիտեի ներկայացուցիչներին: Տարոն Մարգարյանը խոստացել է առաջնահերթ լուծել Աբովյան փողոցի ժամանակավոր շինությունների ապամոնտաժման հարցը: Սեփականատերերի հետ արդեն ձեռք են բերվել պայմանավորվածություններ և Աբովյան փողոցի այդ հատվածը շուտով երևանցիներին կներկայանա իր ամբողջ տեսքով, նշել է քաղաքապետը:

Գործընթացին կհաջորդի ապամոնտաժման ենթակա չգործող և պայմանագրերի ժամկետն անց 243 կրպակների խնդրի կարգավորումը: Միևնույն ժամանակ Տարոն Մարգարյանը նշել է, որ մայրաքաղաքի Կենտրոնի փողոցներից դուրս գտնվող և գործող կրպակներին ապամոնտաժման գործընթացը չի անդրադառնալու: Քաղաքապետը նաև տեղեկացրել է, որ Երևանի գլխավոր ճարտարապետի, առևտրի և սպասարկումների վարչության հետ քննարկվում է տարբեր վարչական շրջաններում փոքր առևտրի կենտրոններ հիմնելու ծրագրի հնարավոր տարբերակները:

«Եթե այսօր որոշ կրպակատերերի պայմանագրի ժամկետը լրանում է 2015 թվականին, միևնույն է՝ խնդիրը ծագելու է անգամ այդ ժամանակ: Բոլոր վարչական շրջաններում խմբավորված տեղեր են հատկացվելու, որոնք կհամապատասխանեն ժամանակակից չափորոշիչներին. կլինեն միանման, քաղաքի ճարտարապետական տեսքին համահունչ, նաև շահեկան կրպակատերերի համար»,- նշել է Տարոն Մարգարյանը` ավելացնելով, որ գործընթացը պետք է շարունակվի` չշեղվելով սկզբունքներից, ինչպես նաև պետք է պահպանվի քաղաքի գեղագիտական տեսքն ու արվի հնարավոր ամեն ինչ, որպեսզի չտուժեն նաև կրպակատերերի շահերը: