Այսօր լրագրողների հետ հանդիպման եկած ասաց Պարույր Հայրիկյանը նշեց, որ ինքը կարևորություն չի տալիս իշխանությունում վերջին կադրային փոփոխություններին, քանի որ դրանք ոչ մի բան չեն կարող տալ, սակայն. «Ասել եմ, որ Սյունիքի մարզպետին պիտի փոխեն, դա բարոյապես լավ կանդրադառնար սյունեցիների վրա, սակայն դեռ ընթացք չի ստացել, ինչպես տեսնում եմ»:

Նա չցանկացավ ներկայանալ որպես ԱԻՄ նախագահ, պատճառաբանելով որ ԱԻՄ համագումարը հետաձգվել է, ու ԱԻՄ-ը դեռ առաջնորդ չունի»:

Հայրիկյանի կարծիքով միայն խորհրդարանական մեծամասնության փոփոխությունը կբերի էական փոփոխության. «Արժեհամակարգային փոփոխություններ պիտի լինեն, ինչպես Րաֆֆի Հովհաննիսյանն է ասում, քաղաքական համակարգի էությունը պիտի փոխվի, բայց դրան հասնելու համար Րաֆֆին դեռ պետք է մեծամասնություն ունենա խորհրդարանում, ինչը քիչ հավանական է»:

Նա համոզված է, որ եթե նույնիսկ օրինավոր նախագահ գա իշխանության, դա էլ ոչինչ չի փոխի: Իսկ իր հարցում ինչ որ բան կփոխվի, եթե լինի լուրջ համագործակցություն. «Պետք է շատ, ընդդիմությունը պետք է միավորվեր, ինչը ցավոք տեղի չի ունենում»: Նա ասաց, որ չի հավատում արդար ընտրություններին. Դրա անցկացումը Հայաստանում անհնարին է:

Հայրիկյանը կանխատեսում էլ արեց. ինքը առավելագույնը կստանա 20 տոկոս ձայն, եթե քաղաքացիական նախաձեռնությամբ մասնակցի խորհրդարանական ընտրություններին:

ՀԱԿ-ը Հայրիկյանի ճաշակով չէ, իսկ ԲՀԿ-ին նա առհասարակ կուսակցություն չի համարում.«ԲՀԿ-ն Գագիկ Ծառուկյանի շուրջ համախմբված մարդկանց մի խումբ, և կարծում է, որ այն դեռ պետք է կուսակցություն դառնա»:

ԲՀԿ- ՀԱԿ համագործակցությունն էլ քաղաքական գործիչի սրտով չէ. «ՀԱԿ-ը սարսափելի պարտություն է կրելու, քանի որ Լևոն Տեր-Պետրոսյանը հրապարակավ չապաշխարհեց, նա արատավոր բեռ է կրում իր ուսերին: ՀԱԿ-ը ինքն իրեն դատապարտել է, որպես ընդդիմության հիմնական ուժ, քանի որ Լևոն Տեր-Պետրոսյանի առկայությունը որպես ՀԱԿ առաջնորդ չի նպաստում ՀԱԿ-ի առաջխաղացմանը: ՀԱԿ-ը առավելագույնը կստանա 25 տոկոս, որով ոչինչ էլ չի փոխի»:

ՀՀ ոստիկանապետ Վլադիմիր Գասպարյանը նոր փոփոխություններ է կատարել համակարգում. Նրա հրամանով աշխատանքից ազատել եւ կադրերի ռեզերվ է ուղարկվել ոստիկանության Գավառի բաժնի պետ Լեւոն Մուխսիկարոյանը, Հրազդանի բաժնի պետ Վաղինակ Վարդանյանը և Իջեւանի բաժնի պետի օպեր գծով տեղակալ Հովիկ Խեմչյանը:

Ոստիկանությունից հայտնոմ են, որ Գավառի ոստիկանապետ է նշանակվել Գեղարքունիքի մարզային վարչության քրեական հետախուզության բաժնի պետ Կարեն Նիկոլյանը: Ազատվելով Աշտարակի բաժնի պետի պաշտոնից Արմեն Իսրայելյանը նշանակվել է Հրազդանի բաժնի պետ: Աշտարակի բաժնի պետ է նշանակվել Արթուր Արիստակեսյանը:

Այսօր ԱԺ արտահերթ նիստում երկրորդ ընթերցմամբ` 73 կողմ, 7 դեմ, 0 ձեռնպահ ձայների հարաբերակցությամբ ընդունվեց նաև «Ընդերքի մասին» օրենքի նախագիծը, ինչին դեմ էին ԱԺ շենքի մոտ բողոքի ակցիա անցկացնող բնապահպանները:

Նշենք, որ «Ընդերքի մասին» նախագծի համաձայն` անտառահատումների, կառուցապատումների դեպքում նախատեսված չեն հանրային լսումներ, դա թողնված է նախաձեռնողի կամ համայնքի ղեկավարի կամքին: Սա էր, որ մտահոգում էր բնապահպաններին: Չնայած ԱԺ «Ժառանգություն» խմբակցության ղեկավար Ստեփան Սաֆարյանը կոչ արեց դեմ քվեարկել օրինագծին, այնուամենայնիվ, այն ընդունվեց:

ԱՊՀ երկրների միջկրոնական խորհրդի նիստի շրջանակում այսօր Երևանում տեղի ունեցավ հանդիպում Ամենայն Հայոց  Գարեգին Բ կաթողիկոսի, Կովկասի մուսուլմանների առաջնորդ շեյխ-ուլ-իսլամ Ալլահշուքյուր Փաշազադեի և Մոսկվայի և Համայն Ռուսիո Կիրիլ պատրիարքի միջև։

Հանդիպման արդյուքնների մասին հայտարարությամբ հանդես եկավ պատրիարք Կիրիլը։

«Հանդիպումը կարճ տևեց, բայց հաջող էր, որովհետև այն կազմակերպել էին մեր ներկայացուցիչները։ Պատրաստ էր հռչակագրի տեքստը, որը մենք այսօր հաջող կերպով համաձայնեցրինք։ Երեք կողմերն էլ իրենց նվիրվածությունն են հայտնում Ղարաբաղյան հակամարտության խաղաղ կարգավորմանը։ Մենք պատրաստ ենք աջակցել ուժի չկիրառման սկզբունքին, որը վճռական վստահություն է ներշնչում հակամարտության խաղաղ կարգավորման առնչությամբ։ Պատերազմի ընթացքում գերիներին և սպանվածներին կողմերին վերադարձնելու համաձայնությանը համառորեն ավելացնում ենք նաև շփման գծից դիպուկահարներին հեռացնելու խնդրանքը, որպեսզի զոհեր չգրանցվեն։ Ուժի կիրառումից հրաժարվելը պետք է ներառի նաև դա։

Մենք հարգանքով ենք վերաբերվում Հայաստանի և Ադրբեջանի միջև ընթացող բանակցություններին և աղոթում, որ խաղաղություն և արդարություն հաստատվի այս տարածաշրջանում»,– ասել է պատրիարք Կիրիլը։

Այսօր առավոտյան ադրբեջանցի հաքերների հարձակմանն է ենթարկվել www.emporium.am կայքը։

Կայքի խմբագրությունից տեղեկացնում են, որ իրենք պարզել են, որ ունեն ևս 98 «բախտակից ընկեր»: Այժմ նրանք աշխատում են կայքի գործունեությունը վերականգնելու ուղղությամբ։Հիշեցնենք, որ առավոտյան հաքերային հարձակման է ենթարկվել նաև verjinlurer.am-ը։

Այսօր Գեղարքունիքի մարզում է եղել ՀՀ նախագահ Սերժ Սարգսյանը: Լրատվամիջոցները չեն հաղորդում նա գո՞հ է եղել մարզի վիճակից, լրագրողների հարցերը և հրապարակումները այլ թեմաների մասին էին:

Մեր ունեցած տեղեկություններով, սակայն նախագահը կոշտ դիտողություն է արել Գեղարքունիքի մարզպետ Նվեր Պողոսյանին, Գավառի ճանապարհների վատթար վիճակի համար: Բանն այն է, որ նախկինում մարզային ղեկավարությունը տեղեկանալով բարձրաստիճան հյուրերի ժամանման մասին, արագ -արագ մաքրում էր ճանապարհները կարգի բերում այն` ինչ հնարավոր է:

Հիմա հարց է ծագում Պողոսյանը չի կարողացել մաքրել տալ քաղաքի ճանապարհները, թե՞ չի կարևորել այս այցը: Առաջին դեպքում զարմանալ կարելի է` մարզպետը հնարավորություն չունի՞ մարզի թիվ մեկ  քաղաքի մի քանի ճանապարհ մաքրելու, երբ երկրի նախագահին է սպասում, երկրորդ պարագան մտածելու տեղիք է տալիս:

Ինչևէ, նախագահն էլ չի ընդունել մարզպետի հյուրասիրությունը, շտապել է, մեկնելով Դիլիջան:

Գեղարքունիքի մարզում աշխատանքային այցով գտնվող  նախագահ Սերժ Սարգսյանը, լրագրողների խնդրանքով,  անդրադարձել է  վերջին օրերի սահմանային միջադեպերին:

Նախագահը, մասնավորապես, ասել է.

«Քանի դեռ խնդիրը չի լուծվել, սահմանին միշտ անհանգիստ է լինելու: Հույս ունեմ, որ այդ անհանգիստ վիճակը պատճառ չի դառնա մարդկային զոհերի: Վերջին մի քանի օրերի ընթացքում 2 զինվորի կորուստ ունեցանք, և կորուստի մեղքը ամբողջությամբ Ադրբեջանի իշխանությունների վրա է: Եվ նաև իրենց բանակի հետագա կորուստների պատասխանատուներն էլ են իրենք: Մեզ համար մեր զինվորի կյանքը չափազանց թանկ արժե: Եթե իրենց համար իրենց զինվորի կյանքը ոչինչ չարժե, ապա մեզ համար մեր զինվորի կյանքը չափազանց թանկ է: Կարծում եմ, որ գնալով այս անհանգիստ վիճակը կմեղմվի: Տրամաբանությունն է դա հուշում, քանի որ մարդկային բանականությունը դա է պահանջում: Եթե որևիցե խնդիր լուծենք, պետք է դրա ցանկությունն ունենանք: Եթե ունեցանք համոզմունք, այդ դեպքում կարող ենք լուծել»:

Ոստիկանությունը հաստատել է Գագիկ Ծառուկյանին պատկանող «Արարատցեմենտ» գործարանի առանցքային դեմքերից մեկին` «Շլամ» մականունով Արմեն Մուրադյանին և նրա ընկերոջը` Ասատուր Առուստամյանին թմրանյութ պահելու կասկածանքով  ձերբակալման մասին լուրը:Հարուցվել է քրեական գործ Քր.օր.-ի 268 հոդվածի 2-րդ մասին հատկանիշներով (Թմրամիջոցներ կամ հոգեմետ նյութերի ապօրինի շրջանառությունն առանց իրացնելու նպատակի): Կենտրոնի քննչական բաժնում ընթանում է նախաքննություն:

Հիշեցնենք, որ  երեկ   ոստիկանները ձերբակալել էին  «Արարատցեմենտ» գործարանի առանցքային դեմքերից մեկին՝ «Շլամ» մականունով Արմեն Մուրադյանին, եւ նրա ընկերոջը՝ ոմն Ասոյին:

Ինչպես տեղեկացնում է  «Հրապարակ» օրաթերթը` Շլամն «Արարատցեմենտ» գործարանի արտադրանքի հիմնական իրացնողն է՝ իրացման առյուծի բաժինը նրան է պատկանում: Շլամին են պատկանում մոտ 3 տասնյակ ցեմենտատար մեքենաներ: Ի դեպ, նա ծագումով Վեդիից է, եւ նրա եղբայրը մոտ երկու տարի առաջ Արարատում կրակել էր ոստիկանի վրա: «Ինքը՝ Շլամը, իրավապահների թիրախում հայտնվել է Երեւանում: Սա թերեւս նույնպես պետք է դիտարկել ՀՀԿ-ԲՀԿ հակամարտության ֆոնին: Ըստ Էության, քաղաքական պայքարը սահուն անցնում է քրեական դաշտ: Մեր աղբյուրներն ասում են, որ առաջիկա շաբաթներին հետապնդումների նոր ալիք Է սկսվելու ԲՀԿ-ի նկատմամբ»,- գրել էր թերթը:

Օրերս Էրեբունի վարչական շրջանի դպրոցներում ու մանկապարտեզներում սպառանցել են չվճարել ամսական աշխատավարձը, մինչև որ այս համայնքում գրանցված ու ապրող ուսուցիչները չմարեն իրենց գույքահարկի և հողի հարկի պարտքերը: Ընդ որում, նրանց վրա օր ու ժամ է դրվել` մինչև հաջորդ օրվա ժամը 2-ը մուծելու  ու անդորագրերը ներկայացնելու համար:

Այս ամենն արվել է նորանշանակ քաղաքապետ Տարոն Մարգարյանի անունից. Հայտարարվել է, որ քաղաքապետի հրամանով պարտք ունեցողներին աշխատավարձերը չեն վճարվելու: Իսկ որ ամենահետաքրքիրն է, հրամանի դեմ ըմբոստացողներ չեն գտնվել. համարյա բոլորը շտապել են կատարել տնօրենների պահանջը:

Քիչ առաջ բացելով Հայ ազգային կոնգրեսի հանրահավաքը՝ Ազատության հրապարակում ՀԱԿ անդամ Նիկոլ Փաշինյանը հայտարարեց. «Մեր նախորդորդ հանարահավքից անցել է մեկ ամիս, և մեր քաղաքական դաշտում էական փոփոխություն է տեղի ունեցել: Խայտառակ կերպով պաշտոնանկ արվեց Ալիկ Սարգսյանը, ասում եմ՝ խայտառակ ձևով, քանի որ իր պաշտոնակությունը նա իմացել է ԶԼՄ-ներից: Նա օգտագործվեց ու դեն շպրտվեց՝ չստանալով մարդկային վերաբերմունք»: Նա մեկ -մեկ թվարկեց այն քաղբանտարկյալների անունները, որոնց Ալիկ Սարգսյանը բանտ է նետել:

Նիկոլը չխնայեց նաև վարչապետին. «Բա վարչապետ կոչվածը, դուք տեսա՞ք էդ խեղկատակին։ Լափել էր ու լակել ու հայտնվել ժողովրդի առաջ»:

«Ի դեպ, մկան մասին։ Մեր նախորդ հանարահավաքից հետո իր հրաժարականը տվեց Հովիկ Աբրահամյանը: Քանի որ Սերժ Սարգսյանը չի վստահել նրան», -ասաց նա:

Նիկոլը բացեց հանրահավաքը

Քիչ առաջ բացելով Հայ ազգային կոնգրեսի հանրահավաքը՝ Ազատության հրապարակում ՀԱԿ անդամ Նիկոլ Փաշինյանը հայտարարեց. «Մեր նախորդորդ հանարահավքից անցել է մեկ ամիս, և մեր քաղաքական դաշտում էական փոփոխություն է տեղի ունեցել: Խայտառակ կերպով պաշտոնանկ արվեց Ալիկ Սարգսյանը, ասում եմ՝ խայտառակ ձևով, քանի որ իր պաշտոնակությունը նա իմացել է ԶԼՄ-ներից: Նա օգտագործվեց ու դեն շպրտվեց՝ չստանալով մարդկային վերաբերմունք»: Նա մեկ -մեկ թվարկեց այն քաղբանտարկյալների անունները, որոնց Ալիկ Սարգսյանը բանտ է նետել:

Նիկոլը չխնայեց նաև վարչապետին. «Բա վարչապետ կոչվածը, դուք տեսա՞ք էդ խեղկատակին։ Լափել էր ու լակել ու հայտնվել ժողովրդի առաջ»:

«Ի դեպ, մկան մասին։ Մեր նախորդ հանարահավաքից հետո իր հրաժարականը տվեց Հովիկ Աբրահամյանը: Քանի որ Սերժ Սարգսյանը չի վստահել նրան», -ասաց նա: