Երևանի ավագանու հունիսի 26–ին գումարված հերթական նիստում, նախքան օրակարգի հարցերին անցնելը, Երևանի քաղաքապետ Տարոն Մարգարյանը ներկայացրել է ԿԸՀ որոշման համաձայն ավագանու ՀՀԿ և ՀԱԿ խմբակցությունների նոր անդամներին, ինչպես նաև տեղեկացրել է, որ ավագանու անդամությունից հրաժարականի դիմում է ներկայացրել ավագանու ՀՀԿ խմբակցության անդամ Դերենիկ Դումանյանը։ Այնուհետև Երևանի ավագանին միաձայն կողմ քվեարկությամբ հավանություն է տվել «Պետական հիմնարկների և կազմակերպությունների աշխատողների սոցիալական փաթեթով ապահովում» ծրագրին հավանություն տալու մասին որոշման նախագծին։

Երևանի ավագանին քվեարկությամբ հավանություն է տվել ավագանու անդամներին իրենց պարտականությունների կատարման հետևանքով առաջացած ծախսերի դիմաց Երևան քաղաքի 2012 թվականի բյուջեով նախատեսված համապատասխան գումարներից ՀՀ նվազագույն աշխատավարձի չափով ամսական դրամական փոխհատուցում տրամադրելու մասին որոշման նախագծին։

Երևան քաղաքի ավագանու 2011 թվականի դեկտեմբերի 9-ի «Երևան քաղաքի սեփականություն համարվող գույքն օգտագործման տրամադրելու և օտարման 2012 թվականի ծրագրի վերաբերյալ» որոշման հավելվածում փոփոխություններ և լրացումներ կատարելու հարցի վերաբերյալ ավագանու ԲՀԿ խմբակցությունն առաջարկություն է ներկայացրել, համաձայն որի որոշմամբ նախատեսված շենք շինություններն ու հողամասերն ուղիղ վաճառքի ձևով օտարումն առաջարկվում է իրականացնել ոչ թե կադաստրային արժեքի եռապատիկի չափով, ինչպես նախատեսված է որոշման նախագծում, այլ կադաստրային արժեքով։

Քաղաքապետ Տարոն Մարգարյանն առաջարկել է քվեարկությամբ հաստատել ներկայացված որոշման նախագիծը, իսկ ԲՀԿ խմբակցության առաջարկությունը քննարկելու նպատակով ստեղծել աշխատանքային խումբ, որի եզրակացության հիման վրա, անհրաշեժտության դեպքում, որոշման մեջ կատարել համապատասխան փոփոխություն։ Օրակարգի այս հարցի վերաբերյալ ընդունված որոշմանը ԲՀԿ խմբակցությունը ձեռնպահ է քվեարկել։

Ավագանին քվեարկությամբ հավանություն է տվել նաև Երևան քաղաքի սեփականություն հանդիսացող մի շարք շինություններ անհատույց օտարելու, ինչպես նաև գույքն անհատույց օգտագործման տրամադրելու մասին որոշումների նախագծերին ու հավանություն է տվել Երևան քաղաքի ենթակայության մի շարք կազմակերպություններ վարչական շրջանների ղեկավարների ենթակայության հանձնելու և լիազորություններ պատվիրակելու մասին որոշման նախագծին։

Այդպիսով, Երևան քաղաքի ավագանին ավարտել է 7–րդ նստաշրջանի աշխատանքները։ Ամփոփելով նստաշրջանը՝ քաղաքապետ Տարոն Մարգարյանը շնորհակալություն է հայտնել Երևանի ավագանուն համատեղ արդյունավետ աշխատանքի համար։
Ավագանու 8–րդ նստաշրջանը կմեկնարկի 2012թ.սեպտեմբերի 11–ին։

Այս մասին  հայտնում են Երևանի քաղաքապետարանի տեղեկատվության և հասարակայնության հետ կապերի վարչությունից:

Հայաստանում վաղուց այսպիսի բարձր մակարդակի ընդունելության քննություններ չեն անցկացվել, այս մասին այսօր լրագրողների հետ հանդիպմանն ասաց ՀՀ կրթության և գիտության նախարար Արմեն աշոտյանը։

Նրա խոսքով՝ ինքը գրեթե դիմում–բողոք չի ստանում ծնողներից, իսկ մամուլում գրեթե միշտ լավ հոդվածներ են տպվում քննությունների մասին:

«Եկե՛ք դուք էլ խոստովանեք, որ նման բարձր մակարդակի քննություններ չեք տեսել։ Ես ինքնս էլ քայլում եմ փողոցով, սակայն ինձ չեն մոտենում մարդիկ և բողոք հայտնեն։ Հակառակը մոտենում են ծնողներ շատ բարեփոխումների համար հայտնում են շնորհակալություն»,- նշեց Արմեն Աշոտյանը:

Հիշեցնենք, որ հունիսի 1-ից Հայաստանում սկսվել են պետական ուսումնական հաստատությունների ընդունելության միասնական քննությունները, որոնք կավարտվեն հուլիսի 15-ին:

ԿԳ նախարարը նշեց նաև, որ արդեն իսկ զինծառայությունից վերադարձած արական սեռի ներկայացուցիչներ մրցույթային կարգով կարողանում են անվճար ընդունվել մագիստրատուրա:
«Այդ ծրագիրը ապացուցում է, որ զինծառայությունը չի տարանջատվում կրթությունից, այլ հակառակն է. մենք խրախուսում ենք այն տղաներին, ովքեր զինծառայությունից հետո որոշում են շարունակել կրթությունը»,- նշեց Աշոտյանը:

Պարզվում է` ՀՀ ամենաէլիտար պատգամավորը Թոխմախի Մհերն է: Աժ ղեկավարությունը ջանք չի խնայում վերջինիս համար հարմարավետ աշխատանքային պայմաններ ստեղծելու հարցում, ոչ միայն հատկացրել են միանգամից 2 աշխատասենյակ, այլև հնարավորություն տվել սեփական մեքենայով մուտք գործել Աժ տարածք, ինչը թույլատրված է միայն Աժ ղեկավար կազմին, հանձնաժողովների նախագահներին ու տեղակալներին: Այս կարգը գործում է հոկտեմբերի 27-ից հետո: Օրերս էլ Մհերն Աժ է բերել եվրոպատուհաններ` իր սենյակների համար:

«Հրապարակ».

ՀՌԱՀ փոխնախագահ Ժիրայր Դադասյանն այսօր լրագրողների հետ հանդիպման ժամանակ ասաց մի պարզ ճշմարտություն՝ <Սերիալը հեռուստատեսային կարևորագույն ժանրերից մեկն է, և հեռուստատեսությունը չի կարող լինել առանց սերիալների>։

Սակայն ըստ Դադասյանի, <Ուրիշ խնդիր է, թե դրանք ինչ բովանդակություն ունեն, ինչ որակի են և ինչ են քարոզում։ Խոսել սերիալները արգելելու և դրանք եթերից հանելու մասին, առնվազն չիմացության արդյունք է>։

Նա կարծում է, որ ԱԺ-ն պետք է նոր չափորոշիչներ սահմանի.<Մենք սահմանեցինք չափորոշիչներ, սակայն օրենքի փոփոխության հետևանքով, ցավոք սրտի, չափորոշիչները սկսեցին չգործել։ Այժմ ես կարծում եմ, որ հեռուստատեսությունները պետք է գնան ինքնակառավարման ուղղությամբ։ Այսինքն ոչ թե չափորոշիչների, արգելակների միջոցով ձևավորվեն, այլ՝ ինքնակարգավորման>։

Իսկ այն, որ՝ ըստ Դադասյանի դաժանության, էրոտիկ տեսարաններով  հաղորդումները,  պետք է ցույց տան 24։00-ից մինչ առավոտյան 6-ն ընկած ժամանակահատվածում: Պարոն Դադասյանը ինքն էլ հավանաբար լավ չի պատկերացնում, քանի որ մեր բոլոր հաղորդումները օրվա կամ շաբաթվա մեջ մի քանի անգամ կրկնվում են, պարզապես հնարավոր չի լինի դրանք սահմանազատել, այլ բան է, որ հեռուստաոլորտը շատ լուրջ կանոնակարգելու խնդիր ունի ու հիմա ինչ մատուցվում է հանրությանը ընդամենը տխուր ու զավեշտալի կրկնօրինակում է: Եվ  այս ֆոնի վրա ինչքան էլ տարօրինակ լինի, գուցե սերիալները միակ բանն են, որ ուղղակի առումով կրկնօրինակված չեն:

Մեր ունեցած ստույգ տեղեկություններով, այս շաբաթ կշարունակվի  գործադիր իշխանության ձևավորման, մասնավորապես` մարզպետների նշանակման հարցը և կհաստատվի նաև Գեղարքունիքի մարզպետը:

ՀՀԿ -ն որոշել է, Գեղարքունիքի մարզպետի աթոռը վստահել մարտունեցի, մեծամասնականով ԱԺ պատգամավոր ընտրված Հակոբ Հակոբյանին՝ Թունելի Հակոբին:

Հիշեցնենք, որ նախորդ կոալիցիոն կառավարության կազմում երկու մարզպետների տեղերը պատկանում էին ԲՀԿ-ին, հրաժարական տված մարզպետների փոխարեն ՀՀԿ-ն Վայոց Ձորի մարզպետ նշանակեց Էդգար Ղազարյանին, իսկ Գեղարքունիքի մարզպետ կդառնա, ՀՀԿ-ական Հակոբ Հակոբյանը:

Տարբեր գուշակություններ արվեցին, թե ինչ են խոսել Գագիկ Ծառուկյանն ու Տիգրան Սարգսյանը տետ ա տետ հանդիպման ժամանակ: Թերթը տեղեկացել է, որ Ծառուկյանն այդ հանդիպման մասին ԲՀԿ ֆրակցիային ասել էր հետևյալը. «Ես Տիգրան Սարգսյանին ասի, որ բացի իրենից ով էլ լիներ վարչապետը, մենք իրեն կպաշտպանեինք»:

«Հրապարակ».

Պետական համալսարանի Ռոմանոգերմանական ֆակուլտետի մասնաշենքում այս պահին մեծ թափով շինարարություն է իրականացվում: Վերանորոգման աշխատանքների հետ զուգահեռ  շենքի մուտքի հենց ճակատային մասում երկրորդ հարկ են սարքում:

Մասնաշենքի արտաքին տեսքի փոփոխության հետ կապված մեր հարցին, դասախոսներից մեկն ասաց,  թե սրճարան են սարքում. Մեծ կաֆե պետք է լինի, մասնաշենքը չունի իր սրճարանը: Հարցին թե առաջին հարկում մի երկու սենյակ չկա՞ր միացնեին սրճարան սարքեին, որ դրա համար շենքի արտաքին տեսքն են փոխում,  զրուցակիցս ասաց. «Չէ, դա լավ տեղ ա» :

Շինարարներից մեկն էլ ասաց, թե  իր իմանալով լսարաններ են սարքում.«Բա՛, քչություն է անում, տեղ չկա, ուսանողները շատ են:Բիզնես ա բիզնես» :

Մենք էլ որոշեցինք հենց սկզբնաղբյուրից ճշտել հարցը. ԵՊՀ ռեկտոր Արամ Սիմոնյանը մեզ հետ զրույցում ասաց, որ ավելացված հատվածը նախատեսված է  երկու նոր լսարանի համար և կլինի  նաև հունագիտության կենտրոն: Մեր այն հարցին, թե՝ մի ամբողջ հարկ եք ավելացնում երկո՞ւ լսարանի համար,  Սիմոնյանն ասաց. «Բա կարողա՞ մտածում եք կաֆե ա լինելու համալսարանի շենքում» :

Մեր ունեցած տեղեկություններով այսօր գիշեր երկաթուղայինների փողոցում  սպանված երիտասարդը՝ 1981 թ. ծնված Սուրեն Զորոյանը, Երկաթուղայինների Ռաֆոյի միակ որդին է: Նա ամուսնացած է, ունի 2 երեխա: Ասում են, որ ամենայն հավանականությամբ փորձել են վրեժ լուծել հորից, քանի որ Սուրենն, ըստ մեր աղբյուրի, հանգիստ ու համեստ տղա էր և հացի արտադրամաս էր աշխատացնում իրենց տարածքում:

Տարածքի բնակիչները «Սև դղյակի» շրջակայքից գիշերը կրակոցի ձայներ ու աղմուկ են լսել: Սև դղյակը Ռաֆոյի տունն է, որն այդպես են կոչել տան բնակիչների հետ կապված մութ պատմությունների ու մի քանի սպանությունների համար: Չի բացառվում, որ սա վենդետա է, կապված կրիմինալ այս ընտանիքի հաշիվների հետ, քանի որ Ռաֆոն ու նրա եղբայրները հանցագործ  աշխարհում  տալիք ու առնելիք ունեցող անձիք են: