02.05.2024 | 11:10
Ադրբեջանի նպատակն է՝ ամրապնդվել մեր բարձունքներում, որ շարունակի իր նվաճողական ը...01.05.2024 | 15:10
Փաշինյանը Հայաստանի խնդիրները կեղծորեն բարդում է 1915 թվականի ցեղասպանության հոգ...01.05.2024 | 14:10
Հիմա հավատում ենք, որ Հայաստանի հետ միասին քաղաքական ճանապարհով և կարճ ժամանակու...01.05.2024 | 13:10
Ճշմարտության և ներքին առողջացման շարժումը թակելու է նաև «մեծարգո»-ի սպասարկման հ...01.05.2024 | 12:13
Ողբերգական դեպք՝ Երևանում․ թիվ 90 դպրոցի 11-ամյա աշակերտուհու սիրտը կանգ է առել...01.05.2024 | 11:10
Փաշինյանը ամոթանք է տվել, թե՝ չեք ուզում ձեր մի կտոր հողը զիջել հանուն Հայաստանի...23.04.2024 | 11:42
Ադրբեջանում պահանջել են նաև չորս «անկլավային գյուղերը»...23.04.2024 | 11:23
Վաղը ուշադիր եղեք հատկապես Ոսկեվանի և Բաղանիսի մոտակա դիրքերին․ Նաիրի Հոխիկյան...23.04.2024 | 11:06
Ի՞նչ կապ ունեին Արայիկ Հարությունյանի հարցազրույցի անոնսն ու հետագա «զարգացումնե...13.04.2024 | 13:57
Մենք այլևս չունենք ԱԱԾ, այդ հաստատությունը Նիկոլի ռեժիմի հերթական գործիքն է․ Կար...13.04.2024 | 13:26
Վթարի հետեւանքով մահացած բոլոր չորս զինծառայողները ժամկետայիններ էին....13.04.2024 | 13:06
Արարատի մարզում հայտնաբերվել է 36 կգ ոսկի գողություն կատարող կասկածյալներից մեկը...13.04.2024 | 12:59
Ղազախստանում ձերբակալել են ռուսաստանցու, որը մեղադրվում է տաջիկներին այլ երկրներ...13.04.2024 | 12:28
Փաշինյանի «լռությունը» վախեցնում է «ուսապարկերին»․ «Հրապարակ»...13.04.2024 | 11:29
Գեղարքունիքում զինվորական «ԿամԱԶ» է վթարի ենթարկվել...12.04.2024 | 14:08
Ոսկեպարցի Սամվելի խոհանոցի և հողամասի մի մասը մնալու է ՀՀ-ում, իսկ տունը և տնամե...12.04.2024 | 13:56
Ավազակություն՝ հոր և որդու կողմից. հոր գործը ուղարկվել է դատարան, իսկ որդին ինքն...12.04.2024 | 13:00
Դպրոցներից տարհանման կարիք չկա. ԿԳՄՍ նախարարը` ահաբեկչության կեղծ լուրերի մասին...12.04.2024 | 2:20
Մի կողմից նույն մարդիկ մեզ ասում են, թե «սահման չկա, սահմանները հստակեցված չեն»,...10.04.2024 | 15:10
Ահազանգ ենք ստացել զինվորական ծառայությունից հրաժարվելու հիմքով ՀՀ-ում ապաստանած...10.04.2024 | 14:10
Փաշինյանը Շոլցի հետ հեռախոսազրույցում անընդունելի է համարել Պրահայի, Բրյուսելի և...10.04.2024 | 13:10
Թքած ունեմ նրանց վրա, ովքեր հրաժարվում են «Միր» քարտի ծառայություններից. Պետդում...10.04.2024 | 12:10
Մենք չգնացինք այդ ճանապարհով և հայտնի աշխարհաքաղաքական կենտրոններում որոշվեց հար...10.04.2024 | 11:10
Եթե շատ լինեք, մենք կշրջափակենք կառավարությունը․ Հրանտ Բագրատյան...09.04.2024 | 15:10
Հրաժարվելով ռուսական МИР քարտերից՝ մենք ակամայից հայտնվում ենք պատժամիջոցների տա...09.04.2024 | 14:10
Ուկրաինան և Ռուսաստանն Աբելն ու Կայենն էին. Լեոնիդ Կուչման` Կիև-Մոսկվա հարաբերու...09.04.2024 | 13:10
Մարտական հենակետում երեք զինծառայողի սպանության գործով դիրքի ավագի պաշտպանը դիմե...09.04.2024 | 12:10
Հայկազ Բարսեղյանի սպանության գործով ամբաստանյալները դատապարտվեցին 18 տարի ազատազ...09.04.2024 | 11:10
Կռիվ լինելու ա, ու ես գիտեմ, որ մենք պիտի հաղթենք. Մեր թշնամին էսօր Ադրբեջանում ...08.04.2024 | 15:10
Իսրայելի ՊՆ-ն հայտարարել է Իրանի հետ հարաբերություններում «ցանկացած սցենարի» պատ...08.04.2024 | 14:10
Անիմաստ կրակում են, ոչ մի բան չեն թիրախավորում, երևի վախից է․ Արավուսի նախկին գյ...08.04.2024 | 13:10
ԵԽ-ն Հայաստանի «լամպոչկա» իշխանություններից պետք է պահանջի անհապաղ ազատ արձակել ...08.04.2024 | 12:10
270 մլն գնահատվող աշխարհաքաղաքական վեկտորի փոփոխություն և 0 երաշխիքներ․․․Լիլիթ Գ...08.04.2024 | 11:10
Եթե Արևմուտքը Հայաստանին ինչ-որ բան տա, Թուրքիան Ադրբեջանին եռապատիկը կտա. Չավու...06.04.2024 | 14:10
Գրողների միության նախագահը տեղյակ չէ իրենց շենքը թուրքական դեսպանատանը տրամադրել...06.04.2024 | 13:10
«Նիկոլիստներ, սորոսականներ ու արևմտամոլներ, ուշադիր կարդացեք գրածս»․ Էդուարդ Շար...06.04.2024 | 12:10
Բրյուսելում Հայաստան-ԵՄ-ԱՄՆ հանդիպումը «վտանգի ևս մեկ աղբյուր է ստեղծում» Հրվ. Կ...06.04.2024 | 11:10
Որեւէ մեկը չի կարող երաշխավորել, որ Իրանի թիրախներից մեկը չի դառնա Բաքուն. Վարդա...05.04.2024 | 15:10
Ռուսաստանը գրոհել է Ուկրաինան 13 անօդաչու թռչող սարքերով, բոլորը խոցվել են. Ուկր...05.04.2024 | 14:10
8,800 դոլարի և 5 մլն դրամի կաշառք ստանալու համար մեղադրվող պաշտոնյաների վարույթի...Երևանում շինթույլտվությունների տեղական տուրքերի և վճարների դրույքաչափերի կտրուկ բարձրացման հետևանքով նորակառույց շենքերի բնակարանների գները 10-15 տոկոսով կբարձրանան։ Ազգային ժողովում հրավիրված լսումների ժամանակ այս հայտարարությունն արեցին կառուցապատող ընկերությունների ներկայացուցիչները։
Երևանի ավագանին 2023 թվականի դեկտեմբերի 26-ի նիստում ընդունել է որոշումներ Երևանում տեղական տուրքերի և վճարների դրույքաչափեր սահմանելու մասին։ Շինթույլտվության փաստաթուղթ ստանալու համար նախկինում վճարվող 700․000 դրամի փոխարեն կառուցապատողները ստիպված են վճարել մի քանի անգամ ավել գումար։
«Դա ենթադրում է, որ բնակարաններն այլևս հասանելի չեն լինի այն ընտանիքներին, որոնք 800 000–ից 1 մլն դրամ եկամուտ ունեն»,- ասաց «Կառուցապատողների հայկական ասոցիացիա» ՀԿ–ի խորհրդի անդամ Արմեն Սաքապետոյանը։
Կառուցապատողները պնդում են` եթե որոշումը չփոխվի, ապա շինարարության ոլորտում ներդրումներ անելը պարզապես անիմաստ կլինի։
«Երևանում գոտիներ կան, որտեղ տեղական տուրքի ու վճարի հանրագումարային թիվը 5–6 անգամ գերազանցում է շահութահարկը։ Սրանից հետևում է, որ կառուցապատողները կա՛մ էականորեն կբարձրացնեն վաճառվող տների գները, կա՛մ կառուցապատմամբ զբաղվելն առնվազն ձեռնտու չի լինի բիզնեսի համար, ու նրանք իրենց բիզնեսը զարգացնելու համար կգնան այլ երկրներ»,– քննարկման ժամանակ ասաց «Կառուցապատողների հայկական ասոցիացիա» ՀԿ-ի նախագահ Գուրգեն Գրիգորյանը։
Ըստ նրանց` շատերն արդեն հրաժարվել են ներդրումներից, քանի որ երաշխիք չունեն, որ վաղը նոր տուրքեր չեն սահմանվի պետական գրանցման կամ հասցեի տրամադրման համար։
Ադրբեջանը Հայաստանի հետ լարվածության ֆոնին արտերկրից անօդաչու սարքեր և ռազմական տեխնիկա է գնում, դրանք, ըստ տեղեկությունների, գալիս են նաև Իսրայելից և Թուրքիայից:
«Արմենպրես»-ի փոխանցմամբ՝ Եվրամիությունում ՀՀ ներկայացուցչության ղեկավար, դեսպան Տիգրան Բալայանն այս մասին ասել է Brussels Signal-ի հետ զրույցում:
Հայաստանը հետևել է զինամթերքի գնումներին, որոնք, ըստ տեղեկությունների, եկել են ռազմական թռիչքներով՝ այդ թվում Իսրայելից և Թուրքիայից: Այս առաքումները, ենթադրաբար, ներառում են անօդաչու սարքեր:
«Ադրբեջանի ռազմական տեխնիկայի 60 կամ 70 տոկոսը գալիս է Իսրայելից, այնուհետև Թուրքիայից», — ասել է Բալայանը:
Դեսպանը նաև նշել է, որ ավելացել են ռազմական թռիչքները Սերբիայից, որը վերջերս հայտարարել է Ադրբեջանին որոշ հրետանային տեխնիկա վաճառելու համաձայնության մասին:
Բալայանը, խոսելով Ադրբեջանի վերջին ագրեսիայի մասին, որի հետևանքով 4 հայ զինծառայող է զոհվել, նշել է, որ դա պատասխան է Եվրամիության հետ Հայաստանի համագործակցության մակարդակի աճին։
«Այդ հարձակումը մեսիջ էր ոչ միայն Հայաստանին, այլ նաև Բրյուսելին»,- ասել է Բալայանը՝ հավելելով, որ միջադեպը տեղի է ունեցել ԵՄ-Հայաստան գործընկերության խորհրդի նիստից մի քանի ժամ առաջ։
Բալայանը հարձակումը որակել է որպես բացահայտ «մարտահրավեր»՝ ուղղված տարածաշրջանում ԵՄ «իշխանությանը»:
Դեսպանը նշել է, որ Ադրբեջանը մտադրություն չունի վերջ դնել Հայաստանի հետ հակամարտությունը։
«Չնայած բոլոր նախազգուշական կոչերին՝ Ադրբեջանը չդադարեցրեց իր ագրեսիվ հռետորաբանությունը, ագրեսիվ գործողությունները, սպանությունները և սադրանքները»,- ասել է նա:
Բռնազավթված Արցախում Ադրբեջանը շարունակում է ոչնչացնել հուշարձանները: Այս քաղաքականությունն իրականացվում է պետական մակարդակով, որի նպատակն է բռնազավթված Արցախում ամբողջովին ոչնչացնել հայկական հետքը: Այս մասին գրում է Հայքի մշակույթի Օմբուդսմեն Հովիկ Ավանեսովն ու ահազանգում Ադրբեջանի կողմից Արցախի Հանրապետությունում մշակութային ցեղասպանության հերթական դեպքի մասին։
Նա հայտնում է, որ 2023 թվականի դեկդեմբերի 24-ին ադրբեջանական յութուբյան ալիքը հրապարակել էր տեսանյութ Արցախի մայրաքաղաք Ստեփանակերտից: Տեսանյութի նախնական ուսումնասիրությունից ու վերլուծությունից ակնհայտ դարձավ, որ Ադրբեջանի մշակութային ցեղասպանության հերթական զոհն է դարձել բարերար, ազգային գործիչ Ալեք Մանուկյանի արձանը:
«Միջազգային քրեական դատարանի 8-րդ հոդվածը օկուպացված տարածքներում մշակութային ժառանգության ոչնչացումը միջազգային ռազմական հանցագործություն է համարում․ «Արգելվում է դիտավորյալ ուղղորդել հարձակումները կրոնին, կրթությանը, արվեստին, գիտությանը կամ բարեգործական նպատակներին նվիրված կառույցների, պատմական հուշարձանների, հիվանդանոցների վրա, եթե դրանք ռազմական թիրախներ չեն»: Համաձայն «Զինված հակամարտությունների ժամանակ մշակութային արժեքների պաշտպանության մասին» 1954 թվականի Հաագայի կոնվենցիայի 4-րդ հոդվածի՝ արգելված է մշակութային ժառանգության հանդեպ վանդալիզմի, գողության, կողոպուտի, յուրացման, թշնամանքի և հաշվեհարդարի ցանկացած գործողություն»,- միջազգային օրենքները հիշեցրել է Ավանեսովը։
Փետրվարի 15-ին Բեսթ Վեստերն Պլյուս Կոնգրես հյուրանոցում կայացավ Հայկական Կարմիր խաչի ընկերության (ՀԿԽԸ) 28-րդ արտահերթ համագումարը։ Այն հրավիրվել էր ՀԿԽԸ կանոնադրության 7․2 կետի «ա» ենթակետի համաձայն, ըստ որի՝ Արտահերթ համագումար կարող է հրավիրվել ՀԿԽԸ անդամների մեկ երրորդի (1/3-ի) պատճառաբանված պահանջով, ոչ ուշ քան 14 օրացուցային օրվա ընթացքում։ Կառույցը մանրամասներ է հայտնել գումարված նիստից՝ ներկայացնելով արդյունքները։
«Պատճառաբանված պահանջը ՀԿԽԸ նախագահության կողմից՝ կանոնադրության խախտումներով ՀԿԽԸ նախագահի պաշտոնակատարի պաշտոնում նախագահի ժամկետը լրացած Մխիթար Մնացականյանին նշանակելն էր և համագումարի 68 պատվիրակներից 59-ի՝ հերթական համագումար հրավիրելու պահանջը անտեսելը։
Հայկական Կարմիր խաչի ընկերության 28-րդ արտահերթ համագումարին մասնակցեցին․
7 պատվիրակ՝ ընտրելու իրավունք ունեցող անձ — Արարատի մարզային մասնաճյուղից
5 պատվիրակ՝ ընտրելու իրավունք ունեցող անձ — Արագածոտնի մարզային մասնաճյուղից
2 պատվիրակ՝ ընտրելու իրավունք ունեցող անձ – Տավուշի մարզային մասնաճյուղից
2 պատվիրակ՝ ընտրելու իրավունք ունեցող անձ – Ստեփանավանի տարածքային մասնաճյուղից
6 պատվիրակ՝ ընտրելու իրավունք ունեցող անձ – Լոռու մարզային մասնաճյուղից
3 պատվիրակ՝ ընտրելու իրավունք ունեցող անձ – Շիրակի մարզային մասնաճյուղի
6 պատվիրակ՝ ընտրելու իրավունք ունեցող անձ – Կոտայքի մարզային մասնաճյուղից
1 պատվիրակ՝ ընտրելու իրավունք ունեցող անձ – Երևանի մարզային մասնաճյուղից
6 պատվիրակ՝ ընտրելու իրավունք ունեցող անձ – Սյունիքի մարզային մասնաճյուղից
5 պատվիրակ՝ ընտրելու իրավունք ունեցող անձ – Վայոց ձորի մարզային մասնաճյուղից
3 պատվիրակ՝ ընտրելու իրավունք ունեցող անձ – Արմավիրի մարզային մասնաճյուղից։
Ընդհանուր առմամբ, 68 պատվիրակներից և Նախագահության անդամներից համագումարին մասնակցեց` 46-ը, ինչը նշանակում է, որ համագումարի քվորումը և նախագահի ընտրության օրինականությունն ապահովված էր։
Համագումարի մինչ այդ ձևավորված օրակարգում տեղում կատարվեց փոփոխություն, և համագումարը բացառիկ իրավունքով վաղաժամ դադարեցրեց ՀԿԽԸ Նախագահության լիազորությունները, ինչպես նաև դադարեցվեց գործադիր տնօրեն Աննա Եղիազարյանին անդամությունից զրկելու որոշումը։
Բացման խոսքում ՀԿԽԸ Աղետների կառավարման բաժնի ղեկավար Լուսինե Քոչարյանն ասաց․
— Փետրվարի 7-ին, ՀԿԽԸ կանոնադրության 7.2 կետի համաձայն՝ իրենց ձայնը վերջապես լսելի դարձնելու և օրինականությունը վերականգնելու նպատակով Հայկական Կարմիր խաչի ընկերության նախագահության թիվ 133/1 որոշման 2-րդ կետի ժամանակահատվածին համապատասխան՝ ՀԿԽԸ անդամների 1/3-ը, սահմանված կարգով դիմեցին ՀԿԽԸ նախագահությանը՝ պահանջելով արտահերթ համագումար։
Դրան ի պատասխան՝ ս․թ․ փետրվարի 8-ին, ՀԿԽԸ նախագահությունը այս պահանջին անդրադառնալու փոխարեն, գումարեց նիստ, որտեղ ընդունվեց օրենսդրությանը հակասող որոշում՝ աշխատանքից ազատելով ՀԿԽԸ գլխավոր քարտուղարին։ Որից հետո նպատակային վախի մթնոլորտ ստեղծելու համար Կարմիր խաչի նման մարդասիրական կառույցի հետ ոչ մի առնչություն չունեցող, տվյալ ոլորտում փորձ և հմտություններ չունեցող ՀՀ ոստիկանության կազմակերպված հանցավորության դեմ պայքարի գլխավոր 6-րդ վարչության տնտեսական հանցագործությունների բաժնի նախկին պետ Արթուր Արիստակեսյանը նշանակվել է ՀԿԽԸ գլխավոր քարտուղար։ Ով, չսպասելով օրինական նշանակման, գրանցման և այլ ընթացակարգերի, չգիտակցելով մարդասիրական կառույցի մթնոլորտն ու մշակույթը, անմիջապես սկսեց կոպիտ և ագրեսիվ ձևով ահաբեկել աշխատակցիներին՝ ստիպելով հանձնել կազմակերպության կնիքը, պաշտոնական էլ․ փոստի տվյալները, իրեն չենթարկվողներին սպառնալով քրեական պատասխանատվությամբ և այլն։ Սրանով անօրինականությունները չավարտվեցին, ՀԿԽԸ նախկին նախագահ Մխիթար Մնացականյանի թոռը նշանակվեց գլխավոր քարտուղարի տեղակալ, որի անունից սկսեցին ստացվել հանձնարարականներ։ Ստացվում է, որ ՀԿԽԸ-ի բարձրագույն մարմնում աշխատել է պապը Մխիթար Մնացականյանը՝ որպես նախագահ, Մխիթար Մնացականյանի քրոջ որդին՝ Սանասար Հակոբյանը՝ Նախագահության անդամ է, տղան Ալեքսանդր Մնացականյանը ՀԿԽԸ վերականգնողական կենտրոնի «Գրացիա» ՍՊԸ-ի տնօրեն է, թոռը, որը նախկին դատավոր Ռուբեն Ներսիսյանի տղան է՝ Դավիթ Ներսիսյանը, նշանակվել է ՀԿԽԸ գլխավոր քարտուղարի տեղակալ, ՀԿԽԸ Գեղարքունիքի մարզային մասնաճյուղի նախագահը Մակիչ Մնացականյանը` Մխիթար Մնացականյանի եղբայրն է, իսկ տնօրենը՝ եղբոր կինը։ Այնումենայնիվ, ի պատիվ մեր Կարմիր խաչի շարժման սկզբունքների՝ ՀԿԽԸ անդամների նվիրվածության, կազմակերպության և նրա շահառուների շահը ամեն ինչից վեր դասելու շնորհիվ, համագումարը կայացավ։
Պետք է նշել, որ Համագումարին ներկա չեն եղել միայն ՀԿԽԸ Գեղարքունիքի մարզային մասնաճյուղի պատվիրակները, քանի որ մասնաճյուղի նախագահը Մխիթար Մնացականյանի եղբայրը Մակիչ Մնացականյանն է։
Սյունիքի մարզային մասնաճյուղի պատվիրակ, Գորիսի համայնքային մասնաճյուղի համակարգող Սաթինե Բաբալարյանն իր ելույթում նշեց, որ 2023 թվականի սեպտեմբերին, երբ Սյունիքի մարզային մասնաճյուղն իր ուսերի վրա էր վերցրել Լեռնային Ղարաբաղից Հայաստան եկող մեր հայրենակիցներին ընդունելու ամբողջ ծանրությունը, ոչ ՀԿԽԸ նախագահ Մխիթար Մնացականյանը, և ոչ էլ նախագահության որևէ անդամ չայցելեցին մարզ, չհանդիպեցին անձնակազմին ու կամավորներին, և մինչ այդ էլ նրանց երբեք Սյունիքի մարզում ոչ ոք չի տեսել։
ՀԿԽԸ մեկ այլ աշխատակից Գուրգեն Հովհաննիսյանը ևս շեշտեց․
— Ոչ մենք, ոչ էլ կամավորները, չենք տեսել ու չենք ճանաչում նախագահության ոչ մի անդամի, երբեք չենք տեսել նրանց։
ՀԿԽԸ Կոտայքի մարզային մասնաճյուղի տնօրեն, պատվիրակ Հրանուշ Աբրահամյանն իր ելույթում ասաց․
— Այսքան տարիների ջանքների և դրանց արդյունքում հասած հաջողությունների վարկաբեկումը նախագահության կողմից ընդունված անօրինական որոշումներով, պատվիրակների պահանջի մերժումը, համագումարի՝ որպես բարձրագույն կառավարման մարմնի նկատմամբ անհարգալից վերաբերմունք համարում ենք անընդունելի։
ՀԿԽԸ նորընտիր նախագահ Աննա Եղիազարյանն իր ելույթում ասաց․
— Ոչ ոք իրավունք չունի անձնական բիզնեսի վերածել մի կառույց, որը մարդասիրության է ուղղված։ Ահավասիկ, դրա համար ենք մենք այսօր այստեղ։ Եվ կարևոր չէ, ով է առաջադրվել, ով կլիներ գլխավոր քարտուղարը, ով կառաջնորդի այս կազմակերպությունը, այսօր ի ցավ այս ամեն ինչի, ուժ եմ գտել իմ մեջ առաջնորդելու այս կազմակերպությունը։ Այսուհետ և այսօր ՀԿԽԸ-ն այնտեղ է, որտեղ դուք եք, սիրելի կամավորներ, հարգարժան պատվիրակներ, անդամներ, այստեղ է հավաքված ՀԿԽԸ-ն։
Հարկ է նշել, որ ՀԿԽԸ նախկին նախագահի և նախագահության անդամների անընդունելի քայլերի պատճառով՝ աշխատանքի հրաժարվել է ներկայանալ ՀԿԽԸ կենտրոնական գրասենյակի ճնշող մեծամասնությունը, այդ թվում՝ 9-ից 7 բաժինների ղեկավարները։ Բոլոր աշխատանքները կանգնեցված են, բացի «Տնային խնամքի» և «Գյումրու շուրջօրյա խնամքի կենտրոնի» ծառայություններից»։
ՀՀ ՊՆ-ից տարածված հաղորդագրության մեջ ասվում է.
««Oragir.news» լրատվական կայքում տեղ գտած «Ճամբարակի զորամասում նախ հայտարարել են հնարավոր պատերազմի մասին, ապա արգելել հիվանդներին լքել զորամասը» վերտառությամբ հրապարակման վերաբերյալ պաշտպանության նախարարությունը հայտնում է, որ նշված զորամասում, ինչպես նաև որևէ այլ զորամասում հիվանդությունների բռնկումներ չեն արձանագրվել, քանի որ սեզոնով պայմանավորված սուր շնչառական հիվանդությունների աճ թույլ չտալու նպատակով իրականացվում են անհրաժեշտ բուժկանխարգելիչ միջոցառումներ, ուստի հրապարակման մեջ նշված «Զինվորների մեծ մասը հիվանդացել է թոքաբորբով, բայց նրանց արգելվել է բարձրաձայնել այդ մասին։
Խնդիրը բացահայտվել է երդման արարողությունից հետո զինծառայողներին տրված երկօրյա արձակուրդի արդյունքում։ Հրահանգված է՝ մինչև ջերմությունը չբարձրանա 40 աստիճանի, ձայն չհանեն։ Մինչև իսկ սպառնացել են՝ բժշկի դիմելու դեպքում քրեական գործ կհարցուցեն» հատվածը բացարձակ կեղծիք է և ապատեղեկատվություն:
Իրականությանը չի համապատասխանում նաև կայքի՝ իր աղբյուրներին հղմամբ «հրամանատարական կազմը բացահայտ հայտարարել է, որ առաջիկայում պատերազմ է սպասվում, պետք է պատրաստ լինել» հայտարարությունը:
Պաշտպանության նախարարությունը հորդորում է լրատվամիջոցին սահմանված կարգով, անհապաղ հերքել իրականությանը չհամապատասխանող վերոնշյալ տեղեկությունները:
Նաև տարակուսելի է այն հանգամանքը, որ հիշյալ լրատվամիջոցը ՊՆ գործունեության լուսաբանման նպատակով հավատարմագրվել է, սակայն իր ստացած տեղեկությունների վերաբերյալ պաշտպանության նախարարությունից պարզաբանումներ ստանալու նպատակով համապատասխան ճշտումներ չի կատարել»:
Փետրվարի 16-ին Մյունխենի անվտանգության համաժողովի շրջանակներում Ադրբեջանի արտգործնախարար Ջեյհուն Բայրամովը հանդիպել է ԱՄՆ պետքարտուղարի Եվրոպայի և Եվրասիայի հարցերով օգնական Ջեյմս Օ’Բրայենի հետ:
Այս մասին հայտնում է APA գործակալությունը՝ հղում անելով Արտաքին գործերի նախարարությունից։
Նշվել է, որ հանդիպման ընթացքում քննարկվել են երկու երկրների միջև երկկողմ և բազմակողմ օրակարգի հարցեր, ինչպես նաև երկկողմ հիմունքներով Ադրբեջանի և Հայաստանի միջև հարաբերությունների կարգավորման գործընթացի հեռանկարները:
Ջեյհուն Բայրամովն ընդգծել է, որ Հայաստանի սադրանքը, որը հանգեցրել է ադրբեջանցի զինծառայողի վիրավորմանը, առանց որևէ հրահրող գործոնի 5 ամսվա կայունությունից հետո, ուղղված է խաղաղ գործընթացին հարված հասցնելուն:
Միևնույն ժամանակ, անընդունելի է համարել Հայաստանում Եվրոպական միության առաքելության ՝ որպես Ադրբեջանի դեմ քարոզչության միջոցի համատարած չարաշահումը՝ ի հեճուկս հայտարարված նպատակների՝ որպես տարածաշրջանային կայունության խթանման, ինչպես նաև Ադրբեջանի և Հայաստանի միջև վստահության կառուցմանը:
Ինչ վերաբերում է խաղաղության պայմանագրի նախագծին, Բայրամովն ասել է.
«Կարևոր է, որ Հայաստանի Սահմանադրությունում, օրենսդրական ակտերում Երևանը հրաժարվի տարածքային ինքնիշխանության և Ադրբեջանի ինքնիշխանության դեմ շարունակվող հավակնություններից»:
ԱՄՆ-ն սպասում է ռուս ընդդիմադիր առաջնորդ Ալեքսեյ Նավալնիի մահվան մասին տեղեկատվության հաստատմանը. այս մասին, The Guardian-ի փոխանցմամբ, ասել է Սպիտակ տան՝ ազգային անվտանգության հարցերով խորհրդական Ջեյք Սալիվանը։
«Եթե հաստատվի, ապա դա սարսափելի ողբերգություն է»,- ասել է նա։
Գերմանիայի արտաքին գործերի նախարար Աննալենա Բերբոքը ասել է, որ «Կրեմլի քննադատ Ալեքսեյ Նավալնին մահացել է, քանի որ նա ազատ և ժողովրդավարական Ռուսաստանի խորհրդանիշն էր, ինչը ենթադրում է, որ իրեն միտումնավոր սպանել են»:
«Ալեքսեյ Նավալնին, ինչպես ոչ ոք, ազատ և ժողովրդավարական Ռուսաստանի խորհրդանիշն էր: Հենց դա է պատճառը, որ նա պետք է մահանար»,- X-ում գրել է Բերբոքը:
Եվրամիությունը Ռուսաստանին պատասխանատու է համարում Նավալնիի մահվան համար, հայտարարել է ԵՄ խորհրդի նախագահ Շառլ Միշելը։
Միշելը X-ում գրառման մեջ ասել է.«Ալեքսեյ Նավալնին պայքարել է հանուն ազատության և ժողովրդավարության արժեքների: Իր գաղափարների համար նա արեց վերջին զոհաբերությունը: ԵՄ-ն այս ողբերգական մահվան միակ պատասխանատուն է համարում Ռուսաստանի ռեժիմը»:
ՆԱՏՕ-ի գլխավոր քարտուղար Ենս Ստոլտենբերգը հայտարարել է, որ «խորապես վշտացած և անհանգստացած է» ռուս ընդդիմադիր գործիչ Ալեքսեյ Նավալնիի մահվան մասին հաղորդագրություններից։
Ստոլտենբերգն ասել է.«Մենք պետք է հաստատենք բոլոր փաստերը, իսկ Ռուսաստանը պետք է պատասխանի նրա մահվան հանգամանքների վերաբերյալ բոլոր լուրջ հարցերին»։
Մեծ Բրիտանիայի վարչապետ Ռիշի Սունակը ասել է, որ դա «սարսափելի նորություն է», և որ Նավալնին «ամբողջ կյանքի ընթացքում անհավանական քաջություն է ցուցաբերել»:
Լատվիայի նախագահ Էդգարս Ռինկևիչսը X-ում գրել է, որ Նավալնին «դաժանորեն սպանվել է Կրեմլի կողմից»:
Նա գրել է.«Ինչ էլ որ մտածեք Ալեքսեյ Նավալնիի՝ որպես քաղաքական գործչի մասին, նա պարզապես դաժանորեն սպանվեց Կրեմլի կողմից։ Դա փաստ է, և դա այն է, ինչ պետք է իմանալ Ռուսաստանի ներկայիս ռեժիմի իրական էության մասին»:
Նշենք, որ Ռուսաստանի Յամալ-Նենեցյան ինքնավար օկրուգի դաշնային քրեակատարողական ծառայության գրասենյակն իր կայքում հայտնել է ընդդիմադիր գործիչ Ալեքսեյ Նավալնիի մահվան մասին։
«2024 թվականի փետրվարի 16-ին թիվ 3 ուղղիչ գաղութում դատապարտյալ Ա.Ա. Նավալնին զբոսանքից հետո իրեն վատ է զգացել՝ գրեթե անմիջապես կորցնելով գիտակցությունը»,- ասվում է հաղորդագրությունում։
Հայտարարության մեջ նշվում է, որ անմիջապես ժամանել են հաստատության բուժաշխատողները և «հրավիրվել է շտապօգնության բրիգադ»։
Նավալնիի նկատմամբ հետախուզում էր հայտարարվել «Իվ Ռոշե»-ի գործով պատիժը կրելու պայմանների բազմակի խախտումների համար։ 2021 թվականի փետրվարի 2-ին դատարանը որոշել է նրա պայմանական պատիժը փոխարինել իրականով։ 2022 թվականի մարտին նա մեղավոր է ճանաչվել նաև դատարանի նկատմամբ անհարգալից վերաբերմունքի և նախընտրական միջոցների հավաքման ընթացքում խարդախության, իսկ 2023 թվականի օգոստոսին՝ ծայրահեղական համայնք ստեղծելու համար:
Նիկոլ Փաշինյանի վերջին երկու հանրային ելույթները՝ Արագածոտնում և The Telegraph-ինը, օրգանապես շաղկապված են Ներքին Հանդում վերջին բախումների և մեր հերթական զոհերի հետ, որոնց ընտանիքներին խորապես ցավակցում եմ:
Ներքին և արտաքին լսարաններին ուղղված ցածրորակ մանիպուլյացիաները, բացահայտ ստերը, լկտի խաբեությունները ցույց են տալիս, թե ինչքան անպաշտպան է այսօրվա Հայաստանը, և որքան կործանարար է Փաշինյանի կողմից վարվող ներքին և արտաքին քաղաքականությունը:
Ներքին Հանդի իրադարձությունները մերկացրեցին մեր երկրի բացահայտ անպաշտպան վիճակը, երբ գործող ռեժիմը սպառնում է պատժել սեփական զինվորին, իսկ արտաքին որևէ անվտանգային գործոն կամ մեխանիզմ մեր օգտին չի աշխատում:
ՀԱՊԿ-ի և Ռուսաստանի հետ անվտանգային հարաբերությունները պահպանվել են բացառապես դե յուրե ֆորմատում, ավելի բաց ասած՝ զուտ ձևական, ֆորմալ բնույթի են: Իսկ Արևմուտքից ակնկալվող աջակցությունը լավագույն դեպքում դրսևորվել է մտահոգությունների, կոչերի, ափսոսանքների հերթական холостой համազարկով:
Այսինքն՝ ռեժիմի կողմից դատարկաբանվող թեզն անվտանգային ոլորտի դիվերսիֆիկացիայի մասին փուչիկ է, գեոպոլիտիկ կեղծիք: Ոչ մի ԵՄ դիտորդական առաքելություն, ոչ մի ռազմավարական գործընկերություն ԱՄՆ-ի կամ Մեծ Բրիտանիայի հետ, ոչ մի ֆրանսիական զենք՝ ոչ մի գործոն, որ Փաշինյանը հրամցնում էր մեզ որպես «ձեռքբերում և երաշխիք», չի կանխել Ադրբեջանի հերթական մահաբեր սադրանքը և չի կանխելու:
Այո՛, Արևմուտքը մասնակի բարկացած է Ադրբեջանի վրա, բայց միայն խոսքերով և լոկ սեփական շահերից ելնելով: Նախ, որովհետև Ադրբեջանը գցում է ԵՄ-ին՝ ստանալով Արցախը և դրանից հետո մերժելով բրյուսելյան ձևաչափը, և, երկրորդը, որովհետև Ալիևի պահվածքն այս փուլում խոչընդոտում է արևմտյան հիմնական նպատակի իրագործմանը Հարավային Կովկասում, այն է՝ Ռուսաստանի դուրսմղմանն այստեղից:
Ստեղծված իրավիճակում ԵՄ պաշտոնյաներին մնում է սփոփվել այն հանգամանքով, որ նրանց «խրոխտ» թվիթները և ստատուսներն Ադրբեջանի դեմ՝ էյֆորիայի անսպառ աղբյուր են տարաբնույթ կեղծ «եվրացենտրիստների» համար:
Արդյունքում, Մոսկվան նայում է ստեղծված դրությանը՝ «Սա՞ էիք ուզում», Բրյուսելը և Վաշինգտոնը՝ «Սրանից ավել բան չուզեք» դեմքերով, իսկ հայ ժողովուրդը հերթական գերեզմանախորշերի մեջ է դնում ոչ միայն իր զավակներին, այլև իր արժանապատվությունը և ապագան: Այսինքն՝ փաստացի մենք ամբողջությամբ կորցնում ենք՝ Ռուսաստանի, և բավարար չափով չենք ստանում՝ Արևմուտքի աջակցությունը:
Սա ոչ թե արտաքին քաղաքականության «դիվերսիֆիկացիա» է, այլ տոտալ ձախողում, սնանկություն, փլուզում:
Գեոպոլիտիկ պարադոքսը նրանում է, որ Հայաստանը երբեք Ռուսաստանից այսքան կախված չի եղել, որքան այսօր՝ Փաշինյանի ձախողված և արկածախնդիր բեմադրությունների պատճառով: Նիկոլի ջանքերով Հայաստանն ընկել է աշխարհաքաղաքական թակարդի մեջ. հակառուսականությունը բերում է ռուսաստանակախյալության: Իսկ «ինքնիշխանության համար պայքարը»՝ ինքնիշխանության կորստի:
ԱՐՄԵՆ ԱՇՈՏՅԱՆ
ՀՀԿ ՓՈԽՆԱԽԱԳԱՀ
«Նուբարաշեն» ՔԿՀ
15.02.2024թ.
«ՊՆ-ի կողմից հստակ հրաման կա՝ հրադադարի ռեժիմի խախտումներ թույլ չտալ, չտրվել սադրանքների․ եթե պարզվի, որ հրամանը խախտելու դեպք կա, կլինեն իրավական հետևանքներ»,- այսօր հայտարարել է Հայաստանի վարչապետ Նիկոլ Փաշինյանը։
Մարդու իրավունքների նախկին պաշտպան Արման Թաթոյանը տարակուսանք է հայտնել հայտարարությամբ կապակցությամբ։
«Ի՞նչ է նշանակում զինվորականների համար կլինեն իրավական հետևանքներ: Արդյոք սա Կառավարության ղեկավարի խո՞սք է։
Փոխանակ ասվի, որ ադրբեջանական զինված ծառայողները ներխուժել են մեր երկրի տարածք, մտել են Ներքին Հանդ գյուղ և 3 կողմից շրջապատել, անընդհատ կրակում են գյուղերի ուղղությամբ, մարդկանց պահում են վախի մեջ:
Հատուկ մարդկանց զրկել են ջրից, թույլ չեն տալիս մոտենալ ջրի աղբյուրներին, զրկել են այգի ու հող մշակելու, ապրուստի միջոց վաստակելու, հարազատների շիրիմներին ու եկեղեցի այցելելու հնարավորությունից, բայց ասել, որ ադրբեջանական զինուժի կրակից ինքնապաշտպանվող զինվորականները պատասխանատվությա՞ն կենթարկվեն ․․․
Կառավարությունում տեղյա՞կ չեն, որ Ներքին Հանդի դպրոցն ադրբեջանական զինված թիրախի տակ է, տեղադրել են ականներ, որոնց պայթյունից այն էլ սակավացած ընտանի կենդանիներ են սատկում:
Ստացվում է ի՞նչ` իբր ադրբեջանական զինվորականներն իրենց համար իրենց տարածքում հանգիստ նստած են, իսկ Հայաստանից մեկ էլ կրակեցին։ Դեպքերն էլ ինչ-որ սարերում են տեղի ունենում, այլ ոչ թե մեր երկրի տարածքում ու մեր գյուղի ներսում։
Բազմիցս նշել եմ, որ ադրբեջանական զինված ծառայողների ցանկացած ներկայություն մեր բնակավայրերի հարևանությամբ (էլ չասած ներխուժումները) ի սկզբանե անօրինական, հանցավոր է։
Հայաստանի զինված ծառայողները, այդ թվում՝ սահմանապահ զորքերն ու ոստիկանությունն ամեն րոպե պաշտպանում են մեր ժողովրդի կյանքն ու առողջությունը: Նրանց գործողություններն իրավաչափ են ի սկզբանե և ուղղված են բնակիչների պաշտպանությանը:
Սա պետք է լինի հայկական կողմի օրակարգն ու հավատամքը, ոչ թե Ադրբեջանի թելադրածը»,- ընդգծել է Արման Թաթոյանը:
Բաքուն Երևանից պահանջում է պարզաբանել՝ ինչո՞ւ մինչև հիմա Հայաստանի պաշտպանության նախարարության խոստումը՝ ադրբեջանցի զինվորի վիրավորման փաստով հետաքննությունը, չի իրականացվել:
Այս մասին ասված է Ադրբեջանի արտգործնախարարության հայտարարությունում:
«Կցանկանայինք բացատրություններ ստանալ, թե ինչու մինչ օրս չեն կատարվել ադրբեջանցի զինծառայողի վիրավորվելու փաստը հետաքննելու մասին ՀՀ պաշտպանության նախարարության խոստումները և «ինչ հիմքով են Հայաստանի սահմանային հենակետերում տարբեր ռազմական խմբավորումների վարձկանները ենթարկվում այդ երկրի պաշտպանության նախարարությանը» (չակերտները՝ Tert.am)։
«Հայաստանի վարչապետը, խոսելով Ադրբեջանի անկլավների և էքսկլավների մասին, ևս մեկ անգամ հայտարարեց, որ Ադրբեջանը, իբր, օկուպացրել է 31 գյուղերի տարածքներ, և դա ոչ այլ ինչ է, քան քաղաքական շահարկում։ Վարչապետին, ով իր նախորդ հայտարարություններում նշում էր, որ այդպիսի գյուղեր կան, հիշեցնենք, որ Հայաստանը պարտավոր է վերադարձնել ադրբեջանական ութ գյուղ» (չակերտները՝ Tert.am)։
Եթե Հայաստանն իսկապես շահագրգռված է խաղաղությամբ, ապա պետք է հրաժարվի «Ադրբեջանի տարածքային ամբողջականության և ինքնիշխանության դեմ ոտնձգություններից»» (չակերտները՝ Tert.am),- ասվում է ԱԳՆ-ի տարածած հաղորդագրությունում։
-
-
01.05.2024 | 02:10
Հիմա հավատում ենք, որ Հայաստանի հետ միասին քաղաքական ճանապարհով և կարճ ժամանակում կհասնենք բոլոր նպատակներին. Էմիրբեկով -
01.05.2024 | 12:13
Ողբերգական դեպք՝ Երևանում․ թիվ 90 դպրոցի 11-ամյա աշակերտուհու սիրտը կանգ է առել -
01.05.2024 | 03:10
Փաշինյանը Հայաստանի խնդիրները կեղծորեն բարդում է 1915 թվականի ցեղասպանության հոգեցնցման վրա -
01.05.2024 | 11:10
Փաշինյանը ամոթանք է տվել, թե՝ չեք ուզում ձեր մի կտոր հողը զիջել հանուն Հայաստանի անկախության -
01.05.2024 | 01:10
Ճշմարտության և ներքին առողջացման շարժումը թակելու է նաև «մեծարգո»-ի սպասարկման համակարգերի դուռը, ու նաև բոլոր նրանց, ովքեր սխալմամբ իրենց ապահով են զգում -
02.05.2024 | 11:10
Ադրբեջանի նպատակն է՝ ամրապնդվել մեր բարձունքներում, որ շարունակի իր նվաճողական ընթացքը․ Վազգեն Մանուկյան
-
- Տեսանյութ
- Օրվա միտք
- Խմբագրի վարկած
- Ֆոտո
-
Հասցե` Հայաստան, 0023, Երևան, Արշակունյաց 2
Հեռ: +374 (10) 06 06 23 (413, 414), +374 (99) 53 58 26
Էլ. փոստ` armv12@mail.ru -
2010-2011 © Բոլոր իրավունքները պաշտպանված են:
Մեջբերումներ անելիս հղումը armversion.com-ին
պարտադիր է: Կայքի հոդվածների մասնակի կամ
ամբողջական հեռուստառադիոընթերցումն
առանց armversion.com-ին հղման արգելվում է: -
Կայքում արտահայտված կարծիքների համընկնումը
խմբագրության տեսակետի հետ պարտադիր չէ:
Գովազդների բովանդակության համար
կայքը պատասխանատվություն չի կրում:
Բոլոր իրավունքները պաշտպանված են: Copyright “Armversion.com” 2010.