Նախաճաշ

Բաղադրությունը

10 կտոր տոստի հաց,
10 կտոր վետչինա,
10 կտոր պանիր,
10 կտոր պահածոյացված անանաս:

Պատրաստման եղանակները

Թավայի մեջ շարել տոստի հացերը, այնուհետև վրան դնել վիտչինան, հետո անանասը և վերջում պանիրը: Եփել ջեռոցում 180 աստիճան ջերմաստիճանում 10-15 րոպե: Կարող եք զարդարել զեյթունով, լոլիկով և սամիթով:

Ճաշ

Բաղադրությունը

2-3 հատ կարտոֆիլ,
1 հատ գազար,
1 հատ սոխ,
2 կապ սպանախ,
3 եփած ձվի դեղնուց,
մի քիչ սամիթ,
աղ:

Պատրաստման եղանակները

Կարտոֆիլը մաքրել և խորանարդիկներով կտրատել: Սոխը և գազարը ավելի փոքր խորանարդիկներով կտրատել: Սպանախը բաժանել երկու մասի: Կաթսայի մեջ լցնել եռացած ջուրը, որի վրա ավելացնել կարտոֆիլը, գազարը և եփել 15-20 րոպե: Այնուհետև ավելացնել, սոխը, սպանախը և եփել ևս 10 րոպե: Այս խառնուրդի վրա ավելացնել սամիթը և համեմել աղով: Հյուրասիրելիս վրան ավելացնել քերիչով անցկացված ձվի դեղնուցը:

Ընթրիք

Բաղադրությունը

1 հատ սոխ,
500 գր. խաշած շամպինիոն
կես հատ լիմոնի հյութ
6 կտոր ապխտած վիտչինա
կանաչի,
աղ, սև պղպեղ,
կարագ:

Սոուս`
100 մլ. սպիտակ գինի
4 ճգ. սերուցք
1 թգ. ալյուր
1 հատ ձվի դեղնուց:

Պատրաստման եղանակները

Սոխը մանր կտրատել և տապակել: Ավելացնել կտրատված սունկը և լիմոնի հյութը և թողնել կրակին 3-5 րոպե:
Վիտչինայի մեջ լցնել սնկից պատրաստված միջուկը, փաթաթել և փայտիկով ամրացնել:
Սոուսի պատրաստման համար ձվի դեղնուցը հարել ալյուրի հետ, այնուհետև ավելացնել մյուս բաղադրիչներ, մի քիչ աղ և լավ խառնել, որպեսզի ստացվի միասեռ զանգված:
Տապակի մեջ շարել ռուլետները, վրան լցնել սոուսը և եփել ջեռոցում 200 աստիճան ջերմաստիճանում 10-15 րոպե: Զարդարել մանրացված կանաչիով: