Նախաճաշ

Բաղադրությունը

եփված տավարի աղացած միս — 500 գր.
կարտոֆիլ — 500 գր
պանիր — 200 գր
լոլիկ — 350 գր
սոխ — 150 գր.
կարագ — 50 գր.
ձեթ, աղ, պղպեղ
Պատրաստման եղանակը
Կարտոֆիլը մաքրել և խաշել: Լոլիկը կտրատել խորանարդիկներով, սոխը մանրացնել, տապակել ձեթով, ավելացնել լոլիկը և թողնել կրակին 3-5 րոպե: Այս ամենին ավելացնել տավարի աղացած միսը, աղ ու պղեղ անել, և թողնել մինչև կարմրի: Կարտոֆիլից պյուրե պատրաստել, իսկ պանիրը քերիչով անցկացնել: Թավայի մեջ լցնել մսից պատրաստված խառնուրդը, այնուհետև կարտոֆիլը, իսկ վերջում պանիրը շաղ տալ վրան:
Եփել ջեռոցում 180 աստիճան ջերմաստիճանում 20-30 րոպե:

ճաշ

Բաղադրություն

Տավարի  միս – 125գր
Սպանախ – 200 գր
Գլուխ սոխ – 25գր
Հալած յուղ – 18 գր
Մաքրած ընկույզ – 15 գր
Բրինձ – 20 գր
Ալյուր – 3 գր
Աղ, պղպեղ

Պատրաստման եղանակը

Տավարի մսով արգանակ պատրաստել և քամել: Միսը ոսկորներից առանձնացնել և կտորներով կտրել: Տաք արգանակի մեջ լցնել բրինձ, սոխարածը, աղ, պղպեղ և եփել թույլ կրակի վրա: Բրինձը եփվելուց 15 րոպե առաջ ավելացնել մեծ-մեծ կտրած սպանախ, արգանակի մեջ լուծված ալյուր և եփել: Ապուրը մատուցելիս համեմել ծեծած ընկույզով: Կտրատած միսը մատուցել առանձին:

Ընթրիք

Բաղադրությունը

խոշոր շամպինիոն — 10 հատ
հոլանդական պանիր — 150 գր.
ձու — 2 հատ
սոխ  — կես հատ
մայոնեզ,
աղ
սև պղպեղ

Պատրաստման եղանակը

Շամպինիոնները լվանալ, գլուխամասերը առանձնացնել պոչերից: Պոչերը մանրացնել և սոխի հետ տապակել 5 րոպե: Պանիրը քերիչով անցկացնել, ձուն ձվածեղ անել և բարակ բարակ կտրատել: Պանիրը, ձուն և սնկի պոչիկները միասին խառնել, համեմել աղով, պղպեղով և ավելացնել մայոնեզը: Սնկու գլխամասերի մեջ լցնել միջուկը և եփել ջեռոցում 180 աստիճան ջերմաստիճանում 15 րոպե: