Նախաճաշ

Բաղադրությունը

Բատոն հաց — 1 հատ
Պանիր – 100 գ
փափկեցված կարագ – 100 գ
սխտոր —  2 պճեղ
մաղադանոս:

Պատրաստման եղանակը

Պանիրը քերիչով անցկացնել, ավելացնել ճզմած սխտորը, կտրատած մաղադանոսը և փափկեցված կարագը: Այս ամենը լավ խառնել, որպեսզի ստացվի միասեռ զանգված:
Վերցնել բատոն հացը և 2 սմ. հեռավորության վրա կտրատել, բայց ոչ մինչը վերջ: Այդ բաց հատվածներում առատորեն լցնել միջուկը: Այնուհետև փաթաթել ֆոլգայի մեջ և եփել ջեռոցում 20 րոպե, 180 աստիճան ջերմաստիճանում: Այնուհետև վրայից հանել ֆոլգան և կրկին դնել ջեռոցում 3-5 րոպե: Բարի ախորժակ:

Ճաշ

Բաղադրությունը

Կարտոֆիլ —  2-3 հատ
գազար — 1 հատ
սոխ — 1 հատ
սպանախ —  2 կապ
եփած ձվի դեղնուց – 3հատ
մի քիչ սամի
աղ

Պատրաստման եղանակը

Կարտոֆիլը մաքրել և խորանարդիկներով կտրատել: Սոխը և գազարը ավելի փոքր խորանարդիկներով կտրատել: Սպանախը բաժանել երկու մասի: Կաթսայի մեջ լցնել եռացած ջուրը, որի վրա ավելացնել կարտոֆիլը, գազարը և եփել 15-20 րոպե: Այնուհետև ավելացնել, սոխը, սպանախը և եփել ևս 10 րոպե: Այս խառնուրդի վրա ավելացնել սամիթը և համեմել աղով: Հյուրասիրելիս վրան ավելացնել քերիչով անցկացված ձվի դեղնուցը:

Ընտրիք

Բաղադրությունը

կլոր բրինձ —  2 ճգ
ձու —  4 հատ
սոխ — 2  հատ
նրբերշիկ —  8 հատ
թթվասեր — 3ճգ
պանիր —  50գր
սամիթ,
աղ, պղպեղ, և ցանկության դեպքում այլ համեմունքներ:

Պատրաստման եղանակները

Բրինձը խաշել և թողնել` սառչի: Ձվի սպիտակուցները առանձնացնել դեղնուցից, սպիտակուցները լավ հարել և ավելացնել բրինձին:

Բրինձին ավելացնել նաև մանրացված սամիթը, աղը պղպեղը և այլ համեմունքները: Ապա զգուշությամբ խառնել: Սոխը կտրատել և ձեթի մեջ տապակել: Սառչելուց հետո խառնել ձվի դեղնուցի հետ :
Տակդիրը ձեթով պատել, վրան տարածել բրինձի մի մասը, ապա սոխառածը, հետո երկու մասի բաժանված նրբերշիկները, ավելացնել մնացած բրինձը, թթվասեր քսել, և քերիչով անցկացված պանիր լցնել վրան: Եփել ջեռոցում 180 աստիճան ջերմաստիճանում 35 րոպե: Բարի ախորժակ: