«Ապրիլյան ռազմական գործողություններից հետո հայկական բանակի ռազմական պատրաստվածությունն առաջնային խնդիր է դարձել։ Թերությունները, ռազմական գործի պատասխանատուների պնդմամբ, շտկվում են։ Այս համատեքստում ուշագրավ է նաև կառավարությունում տեղի ունեցած նիստը, որի ընթացքում քննարկվել են նորագույն տեխնոլոգիաների ներմուծմանն առնչվող հարցեր։ Քաղաքական գործիչները բազմիցս անդրադարձել են սահմանային գոտում գիշերային համապատասխան սարքավորումների տեղադրման խնդրին, որոնց բացակայության պատճառով մեր զինվորները գիշերային ժամերին թշնամու քայլերը չեն կարողանում տեսնել։

Մեր տեղեկություններով, սահմանի ողջ երկայնքն ապահովվել է հայ մասնագետների ստեղծած այդ սարքերով։ Ի դեպ. սա միակ ձեռքբերումը չէ. մեր մասնագետների ուժերով այսօր ստեղծվում են բանակի համար խիստ անհրաժեշտ ռազմական սարքավորումներ, որոնք վաղուց պետք է լինեին, սակայն ոլորտի պատասխանատուների հանցավոր անտարբերության պատճառով այդ հրատապ գործը  մնացել էր բարձիթողի վիճակում»,–գրում է թերթը։

«Իրատես»

Մանրամասներն այսօրվա համարում։

««ՉԻ» տեղեկություններով՝ մինչ պետական մակարդակով օրենքներ են ընդունվում ՀՀ քաղաքացիների գրպանից 1000-ական դրամներ պոկելու նպատակով, այս օրերին որոշ մարզերի փոխմարզպետներ մեկնել են Հնդկաստան՝ իբրև թե փորձի փոխանակման համար։ Փաստորեն, Հայաստանի Հանրապետությունը գումարներ ունի փոխմարզպետների հանգիստը հնդկաստաններում կազմակերպելու համար, սակայն բանակին հավելյալ գումարներ տրամադրելու փող չունի։ «ՉԻ» հավաստի աղբյուրների փոխանցմամբ՝ փոխմարզպետները, որոնք այս օրերին շատ ուրախ ժամանակ են անցկացնում Հնդկաստանում, վերադառնալու են դեկտեմբերի 20-ին»,–գրում է թերթը։
Մանրամասները՝ թերթի այսօրվա համարում։

«Ժամանակ»-ի տեղեկություններով՝ պաշտպանության նախկին նախարար Սեյրան Օհանյանը պաշտոնանկությունից հետո փորձել է հանդիպել ոստիկանապետ Վլադիմիր Գասպարյանի հետ եւ որոշ անձնական հարցեր քննարկել: Վլադիմիր Գասպարյանը կտրուկ մերժել է հանդիպման հրավերը:

Ոստիկանապետը Սեյրան Օհանյանի հետ մտերիմ ընկերական հարաբերությունների մեջ էր նրա պաշտպանության նախարարի պաշտոնում նշանակվելուց ի վեր: Նրանց ընկերությունն ամրացել է՝ Վլադիմիր Գասպարյանի՝ ՀՀ պաշտպանության նախարարի տեղակալի պաշտոնում աշխատելու տարիներին:

Մեզ հաջողվեց պարզել, որ Սեյրան Օհանյանը շարունակում է ինտենսիվ շփվել Վարդան Օսկանյանի հետ: Լրագրողների աչքից հեռու մնալու համար՝ երկու նախկին նախարարների հանդիպումը տեղի է ունենում Սեյրան Օհանյանի՝ Վահագնի թաղամասում գտնվող առանձնատանը»:

Առավել մանրամասն՝ թերթի այսօրվա համարում։

Առողջապահության նախարար Լևոն Ալթունյանը մահացած ծննդկանների մասին սկանդալային հայտարարության և իր զավԵշտալի նախաձեռնությունների աղմուկը դեռ չմարած, կրկին հայտնվել է քննադատության թիրախում։

Պատճառը նոր «հանճարեղ» գաղափարն է՝ առողջապահության ոլորտի կոռուպցիայի օրինականացումը։ Օրերս «Ազատություն» ռադիոկայանի եթերում նա հայտարարել է բժշկին տրվող «մաղարիչը» հարկելու իր մտադրության մասին։ Մեր տեղեկություններով՝ Ալթունյանի այս հայտարարությունները հարուցել են «բարձր ղեկավարության» զայրույթը։

«Առողջապահական համակարգի գլխավոր «մենեջերն» իսկական գլխացավանք է դարձել ընտրությունների գնացող իշխանության համար և արդեն իսկ համալրել է այն «սև ցուցակը», որտեղ հանգրվանածները տեղ չեն ունենալու 2017-ի կառավարության կազմում»,–գրում է թերթը։

«Հրապարակ»

Հոդվածն ամբողջությամբ կարող եք կարդալ այսօրվա  համարում:

«Ժողովուրդ»-ը գրում է, որ երեկ՝ ուշ երեկոյան, թերթն ահազանգ է ստացել այն մասին, որ ՀՀ արդարադատության նախարարության «Նուբարաշեն» քրեակատարողական հիմնարկում արտակարգ վիճաբանություն է եղել: Թերթի աղբյուրների փոխանցմամբ` ՔԿՀ 22 խցի երկու դատապարտյալ, ըստ նախնական տվյալների, դանակահարել են իրար: Երկուսի վիճակն էլ երեկ ծանր էր: Թե ինչն է եղել պատճառը, դեռևս պարզել չի հաջողվել:

Երեկ «Նուբարաշեն» ՔԿՀ-ում վաղ առավոտից տեսակցությունները ևս սահմանափակ են եղել: Շատերին, այդ թվում միջադեպի մասնակից դատապարտյալներին, ընդհանրապես արգելել են որևէ մեկի հետ խոսել: Ըստ երևույթին, ՔԿՀ-ում լարված մթնոլորտը վաղ առավոտից է տիրել, և օրն ավարտվել է դանակահարությամբ:

«Ժողովուրդ»-ը տեղեկացավ, որ շտապ կանչով ՔԿՀ են ժամանել ՀՀ գլխավոր դատախազության աշխատակիցները, որոնք կալանավայրերի նկատմամբ վերահսկողական գործառույթ ունեն, և իրավապահ այլ մարմինների ներկայացուցիչներ: Նրանք տեղում քննչական աշխատանքներ են իրականացրել:

ՀՀ ԱՆ քրեակատարողական վարչության լրատվական ծառայությունից ի պատասխան լրատվամիջոցի հարցի` ի՞նչ է տեղի ունեցել «Նուբարաշեն» ՔԿՀ-ում, ասել են. «Այո՛, հաստատում ենք, որ եղել է միջխցային միջադեպ։ Նյութեր են նախապատրաստվում։ Արդյունքների մասին կտեղեկացնենք լրացուցիչ»»,–գրում է թերթը։

«Ժողովուրդ»

Հոդվածն ամբողջությամբ կարող եք կարդալ այսօրվա համարում:

«Դեկտեմբերի 17-ին տեղի է ունենալու ՀԱԿ համագումարը, որի ժամանակ կուսակցության առաջնորդ, առաջին նախագահ Լեւոն Տեր-Պետրոսյանը իշխանության հասցեին բավական մեղմ ելույթ է ունենալու՝ Սերժ Սարգսյանին ակնարկելով համագործակցության պատրաստակամության մասին։

Ծառուկյանի հետ չի ստացվում գործակցությունը, այլոց հետ հաջողության հասնելու հնարավորություններն ավելի մշուշոտ են։

Տեր-Պետրոսյանը հույս ունի՝ արցախյան կարգավորման հարցում Սերժ Սարգսյանն իր աջակցության կարիքը մշտապես զգալու է, ուստի առաջին նախագահը վստահ է, որ իշխանությունը կգտնի ՀԱԿ-ին նոր խորհրդարանում տեղ ունենալու ձեւը՝ դաշինքով կամ առանց»:

«Ժամանակ»

Առավել մանրամասն՝ թերթի այսօրվա համարում։

«Հայաստանում կատարյալ խառնաշփոթ է։ Ինչ-որ մարդիկ գնացել են Բաքու։ Ինչ-որ մարդիկ պատրաստվում են գնալ Բաքու։ Ինչ-որ մարդկանց մասին ասվում է, թե գնում են, բայց պարզվում է, որ դա այնքան էլ այդպես չէ։ Ինչ-որ մարդիկ դատապարտում են պոտենցիալ գնացողների հետ շփվողներին։ Ինչ-որ մարդիկ դատապարտում են այդ լուրերը շրջանառող հայկական լրատվամիջոցներին։ Բայց ոչ ոք չի հասկանում, թե ինչ է կատարվում:

Ադրբեջանական հատուկ ծառայությունները ակնհայտորեն տիրապետում են այս մարդկանց ցուցակին՝ ամբողջապես կամ մասնակի։ Հայաստանի հատուկ ծառայությունները նույնպես կարող են հեշտությամբ տիրապետել այդ ցուցակին, ընդ որում ամբողջությամբ։ Ադրբեջանական ծառայությունները հատ-հատ աշխատում են Հայաստանի իշխանություններից նեղացած և Հայաստանից հեռացած ՀՀ քաղաքացիների վրա։ Հայաստանի հատուկ ծառայություններին այլ բան չի մնում, քան նույնն անել՝ հատ-հատ աշխատել այդ մարդկանց հետ. ներողություն խնդրել իրենց նկատմամբ երբևէ տեղի ունեցած ապօրինության, անարդար վերաբերմունքի համար։ Բացատրել, որ Բաքու ոտք դնելով այլևս այնտեղից դուրս չեն պրծնի, ստիպված կլինեն ասուլիսներում Հայաստանի դեմ խոսել, Հայաստանի դեմ աշխատել, դավաճանի պիտակ վաստակել և մինչև կյանքի վերջն այդպես ապրել»,–գրում է թերթը։

«Հայկական ժամանակ»

Մանրամասները՝ թերթի այսօրվա համարում։

Աշխատանքային այցով Արցախ մեկնած Սերժ Սարգսյանը սահմանագոտի կատա­րած ատելություններից եւ խորհրդակցու­թյուններից հետո` նախօրեին, Ստեփանակերտում հանդիպել է Հայաստանի եւ Արցախի մշակութային գործիչներին: Զինվորական համազգեստով մտավորականների հետ հան­դիպմանը մասնակցող Սարգսյանը մի քանի ուշագրավ հայտարարություններ է արել:

Պատասխանելով Երեւանի տիկինիկային թատրոնի ղեկավար Ռուբեն Բաբայանի հար­ցին, թե ինչու է հենց այս օրերին որոշել այցե­լել Ղարաբաղ Ս. Սարգսյանը պատասխանել է. «Դա ներքին պարտադրանք է, որովհետեւ հիմա այն ժամանակահատվածն է, երբ եւ զորքը, եւ բնակչությունը, եւ ԼՂՀ քաղաքացի­ներն արդեն պատրաստ պետք է լինեն մի դժ­վարին ժամանակահատված անցկացնելու:

Զորքը շատ կարիքներ ունի, եւ այդ կարիք­ները պետք է գնահատել, որովհետեւ մեր հնարավորությունները անսահմանափակ չեն, որպեսզի բոլոր հարցերը, բոլոր խնդիր­ները լուծվեն: Դրա համար պետք է կարիքնե­րը գնահատել, տեսնել’որն է առաջնայինը ու այդ խնդիրներին լուծում տալ: ժամանակա­հատվածը սրանով է պայմանավորված»:

Անկեղծ ասած ամենեւին չցանկանալով բացասական սպասումներ ձեւավորել' չենք կարող չնկատել, որ Արցախի անվտանգու­թյան երաշխավորը հանդիսացող Հայաս­տանի գերագույն գլխավոր հրամանատարի կողմից նման հայտարարությունը բավակա­նին չարագուշակ է հնչում: Ինչ նկատի ունի Սերժ Սարգսյանը` ասելով թե Արցախում բոլորն «արդեն պատրաստ պետք է լինեն մի դժվարին ժամանակահատված անցկաց­նելու»: Սա ի՞նչ է, պատերազմի նախապատ­րաստվելու հրապարակային կո՞չ: Եթե ոչ, եթե Սերժ Սարգսյանը, օրինակ, նկատի ու­ներ ձմռան ամիսները կամ այլ բան, ապա հարկ էր դա ներկայացնել ընդհանրական կոնտեքստով որպեսզի տպավորությունն այդքան մռայլ չլիներ:

Մինչդեռ նույն այդ հանդիպման ընթաց­քում Ս. Սարգսյանի հայտարարությունները Ղարաբաղյան հակամարտության կարգա­վորման բանակցային գործընթացի շուրջ եւս որեւէ լավատեսական ազդակ չեն հաղոր­դում. «Այս պահին բանակցություններ չկան: Չասեմ բանակցություններ, վերջին լուրջ խո­սակցությունը Լեռնային Ղարաբաղի խնդրով տեղի է ունեցել օգոստոսի 10-ին: Դրանից հե­տո որեւէ լուրջ խոսակցություն խնդրի մասին չի եղել»,- մանրամասնել է նա:

Այսպիսով` Ս. Սարգսյանը արձանագրում է, որ այս պահին բանակցային լիակատար վակուում է, ասել է թե Ադրբեջանը հրաժարվում է կատարել Վի- եննայում եւ Սանկտ Պետերբուրգում ձեռք բերված պայմանավորվածությունները եւ վերջ: Իրավիճակը հասել է մի կետի, երբ ար­դեն միջնորդների գերխնդիրը ոչ թե Հայաս­տանի եւ Ադրբեջանի նախագահների միջեւ բանակցությունները կազմակերպելն է, այլ երկու երկրների ԱՂ նախարարների հանդի­պումը հաջողացնելը:

Մի բան, որը հազիվ ստացվեց դեկտեմբերի 9-ին Համբուրգում: Թե դեռ որքան այսպես կարող է շարունակ­վել, թերեւս ամենից լավ հենց Սերժ Սարգսյանն է պատկերացնում, եւ ինչպես տեսանք` Ստեփանակերտում այլեւս բացահայտ կիս­վում է իր պատկերացումներով:

Ժողովուրդ

Օրվա մյուս հրապարակումներին ծանոթացեք թերթի այս համարում:

Քաղաքագետ Տիգրան Աբրահամյանը, որն օրերս է վերադարձել Արցախից, երեկ թերթի թղթակցի հետ զրույցում նկատել է, որ հակառակորդն իսկապես ակտիվ է եւ այդ ակտիվությունը միայն ինժեներական աշխատանքներով կամ դիպուկահարների աշխուժությամբ չի արտահայտվում:

«Շփման գծի տարբեր ուղղություններով անընդհատ զորքերի տեղաշարժեր են, փոքր մասշտաբի զորավարժություններ, կուտակումներ: Այս ամենն ինքնին նոր լարվածության է ստեղծում: Երբ բացակայում են բանակցությունները ավ­տոմատ կերպով աճում է մարտական գործողությունների վերսկսման հա­վանականությունը: Ամեն ղերղքամ Աղրրեջանում այղ ուղղությամբ լուրջ նա­խապատրաստական աշխատանքներ տեսանելի են»,- ասել է Աբրահամյա­նը:

Հարցին փաստորեն, իրավիճակի սրում եք կանխատեսում, ե՞րբ կարող է ղա տեղի ունենալ, ըստ ձեզ, եւ ինչի՞ է սպասում Աղրբեջանը, քաղաքագե­տը պատասխանել է.

«Ադրբեջանը վերադասավորումների փուլում է պայ­մանավորված եւ տնտեսական, եւ քաղաքական, եւ ռազմական գործոննե­րով, բայց այն, որ Աղրբեջանն առաջնագծում լուրջ նախապատրաստական աշխատանքներ է իրականացնում, հիմք է տալիս ասելու, որ հաջորդ տարի իրավիճակային նոր փոփոխություններ կարելի է սպասել: Այդ իմաստով որ­քանո՞վ է պատրաստ մեր բանակը հետաքրքրվել է մեր թղթակիցը:

«Երբ խոսում ենք հակառակորդի գործողությունների, տեղաշարժերի մասին, պետք է նկատի ունենալ, որ զինված ուժերը եւս համապատասխան ջանքեր է գործադրում ոչ միայն հակառակորդի շարժը իր տեսանելիության դաշ­տում պահելու, այլեւ հնարավոր լարվածությունը լիցքաթափելու ուղղու­թյամբ: Վերջին 1-2 ամիսների ընթացքում դիվերսիոն գործողությունների մի քանի միջադեպեր են կանխվել: Դիվերսիոն գործողությունների փորձերը էականորեն նվազել են, ինչը պայմանավորված է շփման գծում դիտարկում իրականացնող հատուկ սարքավորումների տեղակայմամբ»,- պատաս­խանել է Աբրահամյանը:

Հայկական Ժամանակ

Օրվա մյուս հրապարակումներին ծանոթացեք թերթի համարում:

«Մեր տեղեկություններով՝ ոստիկանական բաժանմունքներում վերջին ամիսներին խստացվել է համապատասխան շենքեր ելումուտ անելու ռեժիմը։ Կրկնակի աճել է այն ոստիկանների թիվը, որոնք կոչված էին հերթապահություն իրականացնել ոստիկանական բաժանմունքների անցակետերում։ Թերթի տեղեկություններով՝ բաժանմունքներ ելումուտ անողներին ոստիկանները խուզարկում են, բացի այդ էլ առանց համապատասխան անցաթղթի մարդկանց մուտքը շենք արգելվում է։ Անցակետերի առկայությունն ու ոստիկանների հերթապահությունը նորություն չէ ոստիկանական բաժանմունքներում, սակայն դրանց վերահսկողությունը մինչեւ այս տարվա հուլիսյան դեպքերն այդքան էլ խիստ չէր։

Ոստիկանության մեր աղբյուրների փոխանցմամբ՝ «Սասնա Ծռեր» խմբավորման հուլիսյան գրոհից հետո, երբ զինյալների խումբը հեշտությամբ կարողացավ գրավել ոստիկանական ամենալուրջ բազաներից մեկը, ՀՀ ոստիկանապետի կողմից հրահանգ իջավ ուժեղացնել ոստիկանական շենքերի հսկողությունը։ Վերադասի հանձնարարությամբ՝ հրամայվել է այս գործի վրա «միջոցներ չխնայել»։

 «Չորրորդ իշխանություն»

Առավել մանրամասն՝ թերթի այսօրվա համարում։